|
|
|
 Re: كنت في الخرطوم (Re: محمد عبد الماجد الصايم)
|
ود الصايم
حا نتلاقي يا صاحب في الخرطوم يوما ما .. الخرطوم جميلة يا محمد جميلة بي اهلها و قبيحة بتمايز اخلاق بعض اهلها البنهبوا حقوق اهلهم و يشيدون البروج في مقابل احزمة الفقر الممتدة حول الخرطوم , شُفت الامتدادات الجديدة حول الخرطوم و امدرمان و بحري يا محمد ؟ شفت الاطفال في الشوارع ؟ شفت بيع المناديل و التسول علي الطرق الرئيسية ؟
لك و لنا الله يا خرطوم
| |
  
|
|
|
|
|
|
|
|
Re: كنت في الخرطوم (Re: اساسي)
|
آمين يا اساسي ..
في بيت الفنون وانا بغني مرين محمود راحت شقيش , طلع شمت محمد نور المسرح و غني معاي , لمن نزلت و شمت طلع يغني مع بقية العقد .. انتبهت انا انو جوازي كان مع شمت , بين الاغنيتين قربت من المسرح و سألتو الجواز معاك ؟ قام بطريقتو المشهورة كلم الحضور في المايكرفون انو طارق بسأل من جوازو و انو ما حا نديهو ليهو لانو عاوزنو معانا هنا و دعي لي نفس دعوتك دي قال لي إنشاء الله ترجع و تجي تستقر معانا نهائي لاننا محتاجين ليك هنا. الموقف ده يا اساسي كان من اكتر المواقف الهزتني و تمتمت في سري آمين آمين آمين و انا نازل من المسرح اردد آمين أمين
آمين يا اساسي نرجع كلنا
| |
|
|
|
|
|
|
|
|
|
Re: كنت في الخرطوم (Re: كمال سالم)
|
كمال سالم
سأكون معكم قريبا يا صديقي و سنغني (يا خرطوم سماك جميل ) ,
تعرف يا كمال !!
في الخرطوم سمعت الكثير من الغناء و التقيت الكثير من السميعة رغم انف المعايش الصعبة و الهموم البتهد الجبال , وجدتهم يعرفون كيف يدبرون امور سمعهم ببصارة مدهشة رغم انف ما سبق. و الخرطوم نفسها تدير مناطق سمعها بمهارة فائقة سمحت و تسمح لنجوم و رواد الهبوط العمودي الساعين بهمة للهبوط بنا في محطات غير آمنة و تسمح ببراح للمهمومين بنا للتجول في نواصي ليالي الخرطوم و الاعلام كليل العين لا يعرف كيف يتعلم من الخرطوم حرفتها
| |
|
|
|
|
|
|
|
|
|
Re: كنت في الخرطوم (Re: Mustafa Mahmoud)
|
شكر يا دكتور مصطفي علي الورود ...
و هل تعلم يا صاحب ان الخرطوم اكتظت بمحلات بيع الورود و الفقراء ؟
و نحن الكنا بنتندر بإنفتاح السادات في السبعينات
لنا الله يا دكتور
لنا الله
| |
|
|
|
|
|
|
|
|
|
Re: كنت في الخرطوم (Re: GamarBoBa)
|
مورتون
مافي زول فاضي يعتقل زول تاني .. ناس الامن اظنهم مشغولين بتأمين مستقبلهم عوضا من تأمين البلاد المؤمنة اصلا من 20 سنة.
المؤتمر الوطني معتقل السودان كلو بصحف سيارة و قنوات تلفزة و فرقعات سياسية يومية , بعد ده والله إلا يصرفوا 7 جلدات يوميا لكل مواطن 
بوبا
تلفونك مشغول طوالي يا صاحب .. اتصلت عليك كتير و خدركة شاهد
شكرا ليك انت و لايامك الجميلة ياخي و سنلتقي قريبا
| |
|
|
|
|
|
|
|
|
|
Re: كنت في الخرطوم (Re: Mohammed Awad)
|
تتذكر ؟
تتذكر اليوم داك قدام الأسرة الكريمة
وناس ابراهيم وناس خطاب نضمنا كتير عن NO PLACE LIKE HOME .
ومافى زى طعم الفاصوليا ديك .
هسع شوف همبريب الراكوبة دى ضارب كيف .
تحياتى لكم جميعا
| |
|
|
|
|
|
|
|
|
|
Re: كنت في الخرطوم (Re: Osman Musa)
|
أيالم عشتها بوجداني الخرب
رجعت لخرطوم زمان والسهر والغنا النضيف والصحاب البتحوم معاهم ليل الخرطوم
وما تنوم حتى ساعات أولى من الصباح
خدر ملأتنيء حياة وعافية ورجعت مستف بغناك
وبالناس الطيبة البتعافر والصحاب نجوم الصباح
وكل شيء رغم انف الحاصل والقاعد يحصل وحا يحصل
جملت ما استطعت قبح الخرطوم الطاريء
وكم قضينا مشاوير آخر الليل
وكم نجماتشرقن ووجن
لنا الله من هذه الدياسبورا المفروضة المقيتة
لي متقاوات يا وغد ياجميل
بهاء
| |
|
|
|
|
|
|
|
|
|
Re: كنت في الخرطوم (Re: Ishraga Mustafa)
|
عمران
سمعت بي وصولك من صديقة و إتوقعتك في واحدة من الفعاليات
حفلة - عشاء - ونسة اصحاب
لمن مالقيتك عرفتك ممكون
نتلاقي تاني يا صاحب قطع شك عندك او في الخرطوم
شروق صديقتي
استمتعت جدا بالغنا معاك و الاصدقاء
و الونسة الجميلة ..
احسبيها لي حقنة في العضل لحدي ما نتلاقي تاني قريب
سمندلاوي
انا قريب منك .. رجعت امستردام ام صقطاَ كُبار :)
حا نتلاقي قريب علي ما اظن في اوسلو
| |
|
|
|
|
|
|
|
|
|
Re: كنت في الخرطوم (Re: Osman Musa)
|
عثمان يا شقيق الروح و المنافي
ما بنقدر نبدل بيهو يا إبن عمي .. تعرف !! امستردام تشهد اليوم اول موجات البرد ابو راس و قعر و ها نحن نبتدي موجة شتاء جديدة و فصل طويل و ممل نزكر فيه السودان و خط الاستواء بكل خير في امسياتنا خلف المدافي و محطات التلفزة الباردة .. يا عثمان الله ينعل حكوماتنا و ما يقطع طارئ الغربة الحفظت كرامتنا .. نسوي شنو يا صديقي النصيحة تتقال
يا بهاء
مع الشتاء الدخل الليلة ده .. صدقني كلماتك دي حا تدفيني الشتاء ده كلو
فشكرا جزيلا يا صديقي علي وصفنا .. و ابقي قريب
النية القريبة , الضحية و إن إستشكل الامر قطع شك كريسماس و راس سنة
نسق امورك علي كده
| |
|
|
|
|
|
|
|
|
|
Re: كنت في الخرطوم (Re: عبداللطيف محجوب)
|
عبداللطيف محجوب .. تشكرات افندم و سعيد انو خلف السور عجبتك
في الخرطوم اكثر ما اسعدني في حفلاتي ان المستمعين كانوا يطلبون اغنياتي الخاصة و يرددونها معي (حدث ذلك في القاهرة ايضا) , كم كنت سعيدا يا عبداللطيف , شكرا للانترنت الذي جعل ذلك ممكنا و شكرا لك
| |
|
|
|
|
|
|
|
|
|
Re: كنت في الخرطوم (Re: طارق جبريل)
|
اها يا اب صلعة
لاقيت الاخوان من اوفر..... لحدود....منير عبد الله
الخرطوم ما عادت هى ...مش
اطفال الشوراع والفقر الراسخ فى بطون الغلابة
لهم الخالق ياصاحب ونضال الشرفاء
اها جاى حج مش
| |
|
|
|
|
|
|
|
|
 Re: كنت في الخرطوم (Re: معاوية عبيد الصائم)
|
الوطن ..
مستف بالهموم ..
مستني يا قولة خير ..
يا طارق ..
الناس هنالك حلوين ..
يقالدوك ويسالموك بطيبة معهودة إتربوا عليها ..
إلا الواقع مرير والمستقبل غاتم ..
لهم الله ..
لهم الله يا طارق ..
على أمل اللقاء في وطن معافى ..
وطن حدادي مدادي ..
لا عسكر لا إنقسام ..
والشوق لا عندك ..
والعافية تبراك وين ما تكون ..
| |
|
|
|
|
|
|
|
|
|
Re: كنت في الخرطوم (Re: معتصم دفع الله)
|
اها طارق وين الليلة ؟
كان هذا السؤال دائما ما يتكرر بيننا ..
عايزين نتونس يا طارق ، نسمع غني نحكي لك
وتحكي لينا .. ياخ مشتاقين ..
جد شكرا لك عدلت امزجة كانت خربة وقربتنا من بعضنا
اكثر واكثر وكلها شوق وشقوق ..
| |
|
|
|
|
|
|
|
|
|
Re: كنت في الخرطوم (Re: بخاري عثمان الامين)
|
.
نحن دخلنا بصـف القوات النظامية، أجاءني الكومندان أسامة عبد العزيز إلى صدر طارق أبي عبيدة، فتكرّفتـُـه ملء المطارات التي أهداناها، أعني رماها لنا، و يا خدر...ما قال بجي؟؟
.
| |
|
|
|
|
|
|
|
|
|
Re: كنت في الخرطوم (Re: الطيب بشير)
|
بخاري و نجلاء
ياخي انتو الذ و احن ناس
الله يخليكم لي وليداتكم و لينا و للغلابة
بيناتنا تلفونات , قول لي نجلاء ما تعمليهو هزاز
الطيب ود بشير
ياخي ما تتخيل سعادتي بالتلاقي
والله فعلا كانت اجمي مفاجاة , و الاجمل انت و اسامة مع بعض
ياخي شكرا والله رغم الزمن الممحوق لكن البركة بالشوفة ياخي
| |
|
|
|
|
|
|
|
|
|
Re: كنت في الخرطوم (Re: معتصم دفع الله)
|
والله يا معتصم حاجة مدهشة جدا , حال البلد و الناس
تتمحن بي جاي , يرجعوا يفرحوك بي هناك
تخاف بي جاي , تخاف اكتر بهناك
ياخي ادعي ليهو يا معتصم ادعي ليهو كتير
وانا بغني ليهو كتير
والله يكضب الشينة
| |
|
|
|
|
|
|
|
|
|
Re: كنت في الخرطوم (Re: معاوية عبيد الصائم)
|
ود جبرين
والله مضحكني شيلك لي حسي في الاسافير
يازول النديهة في شنو !!
قطع شك حانتلاقي في الضحية هناك
والله من هسه انا متكيف اني حا الاقيك يا طُلبة
عاين شيال الحال التاني ده كمان
يا معاوية ياخ يوم القيامة صلعتي دي حا تشهد عليك
الحج ده بقي في يد عوض هارون و حيدر الزين
كل سنة وانت و اسرتك الجميلة بخير يا صاحب
| |
|
|
|
|
|
|
|
|
|
Re: كنت في الخرطوم (Re: طارق جبريل)
|
ناصر
حن يا قمر و ابوصلاح غنا زمان و طقس الغنا و الحياة في امدرمان زمان و نساء زمان , دي قصص يطول شرحها يا صاحب
شكرا علي التقريظ يا فنان و سعيد لانو آدائي ليها اعجبك و ..
الشعور وافر إمتدادا
مع القديم إتصل ودادا
شفت الكلام ده كيف يا قمر ؟
للاسف الاغنية ما عندي , انا من اكبر اخطائي الماقادر اتخلص منها انو غناي ما عندي .. إجتهدت انو القاها ليك في النت و لقيتها في موقع مزيكا سودانية .. اعفي لي و اسمعها هنا طارق ابوعبيدة
لحدي ما احنس اهل مزيكا سودانية يدوني ليها
| |
|
|
|
|
|
|
|
|
|
Re: كنت في الخرطوم (Re: خدر)
|
حمد لله على السلامة يا فنان
سؤال طيب :
باقي ليك المدعوة ( الخرطوم ) دي لسه باقي فيها نفس تغني او تشد حيلا في تولاها ، خليك من تشد أوتار المغنّي بعد الشفتو بعينك دا !؟ 
| |
|
|
|
|
|
|
|
|
|
Re: كنت في الخرطوم (Re: قيقراوي)
|
دفار يا صديقي
شكرك ده اصلو نحن ما بنكلم بيهو زول
عارفنك كلنا والله لو بروفايل
لكن مجهوداتك معروفة و مقدرة يا فنان
شكرا علي كل شي و خلينا نعيد التجربة الفاتت
بترتيب جديد مع عبدالرحمن ,
والله يا قيقا ما ده المجنن الفنان زاتو
ياخي ده شعب تقسيماتو صعبة جدا و بالو طويل , تخيل انو الاعلام بقي يفرض علي الخرطوم و امدرمان و بحري و بالطبع ناس فروق الوقن ما يجي عليهم سماعه ( يجب عديييل) , السر قدور من ناحية و الفلاش الصغيروني البشيل 16 قيقراوي داك , هجموا هجمة رجل واحد علي الشعب السوداني الكريم و كعوجوا ليهو اضنينو الاتنين و السوداني ده مسكين ما عندو غيرهم الاتنين ديل , باقيلك الخرطوم تاني بتقدر تقول شي غير تسمع سرا الدايراهو ؟ ده طبعا بعيدا من الحيل المهدد بالموقرين اعلاه الحاصل ده كارثة يا قيقا
| |
|
|
|
|
|
|
|
|
|
Re: كنت في الخرطوم (Re: خدر)
|
يا زول يا ترس
كيفنك
وأنا جاي راجع من الشغل ياطارق مريت علي زول صحبي (بالمناسبة صاحب غير قمر بوبا)
المهم مشيت ليهو البيت كوكو كوكو كرو رو خبتك خبتك خبتك زول عبرني مافي
وانا في ذاك الحال جاء ود جيرانهم علي ما أظن قال لي :
هاشم منتظرك هنا
مشيت معاه وأنا متحير
(لقيتلك هاشم زارد البيت بالـ ....)
(ست خرفن وتيس انصفو)
شيلك ختك شيلك ختك
لقيتهم عاملين حفلة شاي
خاتين ليهم جهاز لابتوب وسماعات ما رأيت مثلها في سودان الوهم هذا
بدأ الحفل وكنت حاضراً
ياهو طارق ابوعبيدة ده ولا غيروا ياهاشم
أي ياخ ياهو الزول الانت قاصدو زاتو
كان تسجيلاً نضيفاً للغاية ـ قال هاشم أنه ظل متابعاً للياليك التي استبحت
فيها الخرطوم قال أنه سجل لك الكثير من الأعمال شغل ( كرباوي) كده
لكن نضيف يا طارق وحيعجبك شديد والتفاوض معه علي قدم وساق
عشان يدينا ليهو في فلاش .
حكيت له عن عدم امتلاكك للكثير من أعمالك وعدني أنه سيهديك
العديد من تسجيلاتك (قوة عين عجيبة)
المهم يازول كلما فقدناك بنرجع نسمعك شن نسو ياخ
ياخ والله العملتو في زيارتك الفاتت ياصاحب لي هسي
مخلينا نقدل ونصحو فرحانين وملايانين غناء سمح
نضفت اضنينا ياوغد
ـــ
البوست داك شكلو اتوفي عديل قدر ما هابشت ابي ابو لي بي
ابو لي بي ياطارق
| |
|
|
|
|
|
|
|
|
|
Re: كنت في الخرطوم (Re: خضر حسين خليل)
|
خدر يافنان,
حمد الله علي السلامه,
سعدنا بتواجدك في الخرطوم جدا,
اتشرفنا بحضورك وأنصتنا ليك بخشوع,
نتمني نشوفكم في الضحيه انشاء الله برواقه ونسمع كمان وكمان,,
سلام لأم لقاء وخالد,,
| |
|
|
|
|
|
|
|
|
|
Re: كنت في الخرطوم (Re: Amany Elamin)
|
يا خدركة ..
والله تاني يوم العيد و انت و قمرنا و الزيارة الخاطفة ديك كان من اجمل احداث الالفية دي , ده كان يوم عجيب فشكرا لكما (لكما عديييل )
يا صديقي والله الخرطوم بيكم سمحة و فيهو روح , محل تقبل يعتر ليك صاحب قديم او صاحب جديد يحلي ليك ايامك و يخليك تحرن تب من الرجعة .
صاحبك الكريم ده ياخي قول ليهو كتر خيرك مقدما علي نية الهدية و قول ليهو اصحاب كتار غيرك وعدوا و ما اوفوا و خلوني في الصقيعة قاعد مع حلقومي و عودي و مكتبتي فاااااضية , فياخي ينوبو ثواب خليهو يشحن لينا عن طريق اخونا موسي قدرما إستطاع من التسجيلات الكرباوي خليني اسمع هببت شنو انا في الخرطوم
بت اللمين
المدهش كان موش زيارتي , المدهش كان جمالك و هدوءك
فشكرا ليك انت يا ستنا و شكرا علي التلاقي
و و عدي باللقاء قريب يا صديقة و تحياك تصل لبارعة
| |
|
|
|
|
|
|
|
|
|
Re: كنت في الخرطوم (Re: خدر)
|
كنت وين؟؟؟ 
متين الكلام دا؟؟؟
إنت متأكد يا زول؟؟؟
عشان انت بتقول انك مع عصام
ولما بنسأل منك عصام بقول انت مع أبوك
وإتضح إنو أبوك بيسأل منك عصام وكل الناس
بالله شوف كنت وين وتعال قول لينا وما تحاول تتزاوغ لينا
ــــ
| |
|
|
|
|
|
|
|
|
|
Re: كنت في الخرطوم (Re: انعام عبد الحفيظ)
|
ياحبيبنا حمدالله علي السلامة
اه لقيت الناس كيف خلف السور !!!
سيف كيفنو بالله سبحتوا بقت كبيرة ...
ياخ الف حمدالله علي السلامة مرة تانية وطبعا الموضوع بخصوص عامر كنا اتناقشنا فيهو انا وانت
بخصوص الحفلة. النادي النوبي مشكور تكرم بهذه الليلة ويوم 23 اكتوبر..انا قلت ليهم بانه في اتفاق بيني وبين
طارق بخصوص الحفلة وقالوا انك ماموجود..فقلت لهم نحن نضعه مشارك ان وصل قبل الحفلة فسيشارك لانه واحد من المرحبين
بالفكرة وصديق برضو لعامر المهم انت وصلت واليوم انا نزلت الاعلان نيابة عن الاخوة في النادي النوبي
النادي النوبي بهولندا يغني لعامر الجوهري بلاهاي يوم ال...لموافق 23/10/2010
بتصل بيك انشاءالله
وتحياتي للوليدات
وحمدالله الف علي السلامة
| |
|
|
|
|
|
|
|
|
|
Re: كنت في الخرطوم (Re: عماد شمت)
|
سلام يا خدور وحمدالله على السلامة
وكيف أخبار المطاليق إنشاء الله قابلت جزء منهم بصنقعت..
وكل عام وانت بخير وتحياتي للعيال
| |
|
|
|
|
|
|
|
|
|
Re: كنت في الخرطوم (Re: عوض أبوجديرى)
|
| Quote: للاسف الاغنية ما عندي , انا من اكبر اخطائي الماقادر اتخلص منها انو غناي ما عندي .. |
يا طارق انا كلمتك وقلت ليك ادينى عضة فيك
هشام
| |
|
|
|
|
|
|
|
|
|
Re: كنت في الخرطوم (Re: هشام كمال)
|
الفنان طارق
والله فعلا انت كنت فى السودان .
كنت انت لطيف ونحن ايضا..
اشكر صديقى شول اشوانج الذى
اتاح لى ان القاك
والشكر لمركز الخاتم عدلان
بس يا ريتك ترجع بلدنا جميلة واللة
اتمنى لك التوفيق
| |
|
|
|
|
|
|
|
|
|
Re: كنت في الخرطوم (Re: willeim andrea)
|
مركز الخاتم عدلان
بيت مجتبى محسي
دار إتحاد الكتاب
الحوش الكبير
بيت ناس بخاري
شقة عصام حفيظ
كلما أدخل عليهم يقولوا ليك هسه طارق طلع مننا ... كان بسأل منك
لحد ما لاقيت طارق في بيت الفنون طابق العود ....
-"طارق ... جيتار محمد الخاتم إتأخر تطلع تشوت الفاصل؟؟"
-"هو شئ طلعنا من البلد غير عدم الإلتزام ده مافي ...."
......
بعد داك طلع الولد طارق أبوعبيده .... صوت حاصر الضجيج وأعلن السكون لغة الحضور
ونسة الأوتار مع بعض واضحة لا يغفلها أحد تسمع نضم الأوتار مع بعض وصوت طارق بطلع نديان تريان ما شاءالله
طارق شكرا لهذا الحضور وزي ما قال باخ
شوق وشقوق
.
.
.
والصور تأتي تباعا
| |
|
|
|
|
|
|
|
|
|
Re: كنت في الخرطوم (Re: Samer Osman)
|
خدور الراقى ..
كنت من السعيدين بى شوفتك يا خدر ..
يكفى لاول مرة فى حياتى اصطحب اسرتى للاستماع فقط لفنان ..
اسعدتنا يا خدر يومها ..
ربنا يبارك فيك ياخ وفى عافيتك يا اخوى ..
ــــــــــــ
والله اتلومنا معاك يا خدر ..
لا ضقت ملحاتنا ولا جيناك فى داركم العامر ..
الجرى والسفر يا خدر ..
اعفى لينا بالله عليك ..
| |
|
|
|
|
|
|
|
|
|
Re: كنت في الخرطوم (Re: كمال ادريس)
|
ياطارق
دبايوا
يا الله ياخى انت بالله دا صوتك بالله انت داير من الربش شنو ياخى انت راجل راقى وفنان صاحب صوت فريد ربنا يحفظك
عليك الله انسى الربش وخليك فى سحابك
اخوك هاشم
| |
|
|
|
|
|
|
|
|
|
Re: كنت في الخرطوم (Re: عمر صديق)
|
هاشم يا اصيل
شكرا ياخي علي الكلام الطيب
و شكرا ليك انت لكل مجهودك هنا و هناك للتنوير
و لسودان جديد جميل و نقي من الاحقاد و معافي
لله و الرسول يا عمر صديق
شكرا علي التلاقي ياخي و ربنا يجنب وطننا المحن
| |
|
|
|
|
|
|
|
|
|
Re: كنت في الخرطوم (Re: كمال ادريس)
|
بالعكس يا شاذلي ياخي
انت المدينني لحدي ما دفقت زاتو
فرحت بي ملاقاتك و الاسرة الكريمة
و ماشاء الله عيني باردة لسه صبي ( كنت متخيلك اكبر من كده)
ياخي شكرا تاني والله لو بتكفي
كمال إدريس
ياريتها ملاقاتنا لو كانت اطول ياخ
نتونس و نتعافي في الدنيا دي
وعد انو نكررها قريب يا فنان .
| |
|
|
|
|
|
|
|
|
|
Re: كنت في الخرطوم (Re: Samer Osman)
|
وليم يا حبيبنا
شكرا ياخي علي الكلام الحلو و ياريت
نتلاقي كلنا في ليالي الخرطوم الجميلة
سامر يا صديقي
والله العظيم لسه طعم الخرطوم في حلقي
و لسه صوركم حايمة قدامي .. داير اشوفكم تاني
سلم علي كل المعاك جملة
و تالاقي تاني في الخرطوم قبل نهاية السنة
شكرا يا صديقي
(وين صور حفل محجوب يا خاين )
| |
|
|
|
|
|
|
|
|
|
Re: كنت في الخرطوم (Re: محمد الشيخ أرباب)
|
بت اب سن سلامات
والله فرحت بملاقاتك , و لسه بتزكر إبتسامتك
و ضحكة شول المجلجلة و مشاغلاتو
ربنا يجمعنا تاني و بختكم بي بعض ياخ
محمد الشيخ
والله تمنيت ملاقاتك, لكن خيرها في غيرها
نلتقي تاني كان ربنا مد في الاجال
| |
|
|
|
|
|
|
|
|
|
Re: كنت في الخرطوم (Re: tahani abusin)
|
يا هشام
ياخي كلمتك ليك اللحم و لي العضم (قبل شوية كنت بسمع في شغلك النزل في الفيسبوك) بديع جدا
شيل البعجبك و عضي قدر قدر ما تقدر و بيناتنا المسنجرات و التلفونات و الايميل
و حا نلتقي قبل نهاية السنة في الخرطوم تاني يا صاحب
يا خدركة
علي الله عضي لي معاك لمن يجيب الدم
| |
|
|
|
|
|
|
|
|
|
Re: كنت في الخرطوم (Re: عوض أبوجديرى)
|
عويس يا فنان
شكرا يا هميم و التحايا ليك من سيف و الشباب في الخرطوم
سنلتقي في الويك إند مع عامر إنشاء الله
و متوقع وعدم بالزيارة في البيت ياخي
عوض سلامات
لاقيت جزء كبير منهم رغم اني ما لاقيت باسر , حا يجي في الاضحية السودان
ياريت نلاقيك انت برضو هناك ياخي و نتم الكيف ياخي.
| |
|
|
|
|
|
|
|
|
|
Re: كنت في الخرطوم (Re: انعام عبد الحفيظ)
|
Quote: انت بتقول انك مع عصام
ولما بنسأل منك عصام بقول انت مع أبوك
وإتضح إنو أبوك بيسأل منك عصام وكل الناس
بالله شوف كنت وين وتعال قول لينا وما تحاول تتزاوغ لينا
|
قبل كم سنة كده, كنت مفروض اغني في لندن ,الطيارة وصلت متأخرة مطار قاتويك (بعيد بره لندن) و تلفوني قطع شحن و إنقطعت صلتي بأصدقائي النازل عندهم , قلت لو إتصلت قلت وصلت حا يجوني بي عربية و يسوقوني - تحت تحت كان عندي مزاج اركب قطر و مترو و .. الخ - عملت رسالة في الفيسبوك من المطار (كتبتها بإنجليزية سليمة جدا) اني وصلت المطار و حا اجي البيت طوالي مافي زول ينتظرني, طبعا وصلت البيت بسلام متأخر و مستمتع خالص برحلتي. الرسالة ديك كانت سبب في إتهامي بأني لابد مع صديقة إنجليزية لاقيتها في الطيارة و عشان كده وصلت متاخر. (قالوا طارق إنجليزيتو ما خطيرة كده.
عندكم خواجات في الخرطوم يا نعوم ؟
| |
|
|
|
|
|
|
|
|
|
Re: كنت في الخرطوم (Re: محاسن أحمد محمد)
|
عصام ع.حفيظ يا صديقي
شكرا ليك انت
و انت فاتح بيتك و قلبك لهموم السودان و شرفاء السودان و فناني السودان
شكرا لانك فنان مجود لي شغلك شاطر فيهو و هميم في نضالك و مبادئك
و شكرا لانك صديقي
محاسن
ياريتك كنت معانا يا ستنا
الخرطوم فاقداك والله
| |
|
|
|
|
|
|
|
|
|
Re: كنت في الخرطوم (Re: خدر)
|
سبحان الله .. زمان السوداني يقول ليك أنا كنت في لندن - علي سبيل المباهاة - ..
الآن يقول ليك كنت في الخرطوم - كحدث فريد - ..
.
.
حمداً لله علي السلامة يازول ..
| |
|
|
|
|
|
|
|
|
|
Re: كنت في الخرطوم (Re: Munir)
|
ابدا يا منير تخيل , انت بس اظنك ما عندك وكت تتعمق فيما يكتب الاخرين هنا
وبتتعامل معاهو بأحكام مسبقة في راسك لا كما ورد.
كنت في الخرطوم موش مباهاة ( رغم ان الخرطوم تستحق) زي كنت في لندن القلتها دي
كنت في الخرطوم عنوان البوست و دي طريقتي في الكتابة عشان اخليك تدخل البوست شايلك فضولك ,
الزول ده عاوز يقول شنو عن الخرطوم ؟
لو ملاحظ ..
كل الزملاء السبقوك بتشريفي في البوست ده دخلوا و شافوني عاوز اقول شنو و علقوا و طلعوا مشكورين
ماعداك .. انت الوحيد الجيت بي فكرة مسبقة و ختمتها لينا و مرقت ولا راد لامر الله
اها..
شفت كيف انو الموضوع كلو لا حدث فريد ولا مباهاة .. يا منير ؟
.
.
الله يسلمك يا زول ..
| |
|
|
|
|
|
|
|
|
|
Re: كنت في الخرطوم (Re: خدر)
|
أبداً يا خدر .. ليس الأمر إنتقاداَ لإحتفائك وسرورك بزيارة الخرطوم بعد طول غياب .. ولكنه تعليق علي عنوان البوست فقط الذي يوحي بأن زيارة الخرطوم في ذاته حدث يدعو للإنتباه -
والسبحنة هنا للإستغراب من الزمن الذي أصبحت فيه زيارة سوداني لعاصمة بلده حدث متفرد يدعو للإنتباه .. زمن أصبحت تُعتبر فيه زيارة السوداني كزيارة السواح الذين تدهشهم الشخوص والأمكنة ..
وآسف جداً لو مشاركتي مشاترة .. أصلو الواحد عارف نفسه أشتر ..
وليست لي أحكام مسبقة ضدك يارجل .. جبت الانطباع ده من وين ؟؟ ..
و ياخوي كلنا في الهوي سوا .. فالعفو يا حبيب ..
| |
|
|
|
|
|
|
|
|
|
Re: كنت في الخرطوم (Re: Munir)
|
ما دام الاسف يا منير ياخي ,
انت من مهاجري وين يا منير بالمناسبة ؟
باقي يا اخوي بقينا مقسمين لي مهاجر بإختيارنا او غصبا عننا
ما تستبعد بعد كم سنة يقولوا ليك محمد ولد خدر ساير لي فاطنة بت منير
و السيرة تكون من قارة لي قارة
| |
|
|
|
|
|
|
| |
خدر
كمال سالم
اساسي
محمد عبد الماجد الصايم
عبداللطيف محجوب
Mustafa Mahmoud
عمر صديق
حيدر حسن ميرغني
محمد زكريا
Mohammed Awad
Osman Musa
Baha Elhadi
عمران حسن صالح
Ishraga Mustafa
سمندلاوى
ناصر احمد الامين
طارق جبريل
معتصم دفع الله
بخاري عثمان الامين
الطيب بشير
جمال سعيد
قيقراوي
خضر حسين خليل
انعام عبد الحفيظ
عماد شمت
عوض أبوجديرى
هشام كمال
محمد الشيخ أرباب
willeim andrea
Samer Osman
الشاذلى خيرى عبد الله
كمال ادريس
هاشم نوريت
محاسن أحمد محمد
Munir
فيس بوك
تويتر
انستقرام
يوتيوب
بنتيريست