|
كتب الكاتب الفاتح جبرا المتوفرة بمعرض الدوحة
|
|
 Re: كان تباركوا لى صورة ا لبروفايل الجديدة ... (Re: محمد عبدالرحمن)
|
لو البروفايل بشيل ..كان جبتها ليكم بنيلها وشجرها وسمائها
ومائها وقبابها ومآذنها ومدارسها ...وناسها الذى السكر ...
كما قال مصطفى سند :
يا صندل الليل المضاء..
افرد قميص الشوق حين تطل سيدة النساء
فالمجد جاء....
وتناثر الاحد الصبى يهز أعمدة الغناء
لو زندها احتمل الندى لكسوت زندك ما تشا
ثوبا من العشب الطرى..وإبرتين من العبير ..وخيط ماء
| |
 
|
|
|
|
|
|
|
|
Re: كان تباركوا لى صورة ا لبروفايل الجديدة ... (Re: عبدالكريم الامين احمد)
|
| Quote: واهم شي بالله تبعدو من ود خالتك بدر الدين ده ما يجي يتنهد ليك فيهو يلحقو غنم زهرة.. |
والله ياكيكى الخوف من تنهدات بدرالدين ..خاصة الايام دى متعلم
تحميل الصور جديد ..يجى يخت لى صورة لا اعرف ارد ولا اعرف
ابلع ..ودهاشم موضوعا هين المشكلة الناس البدققوا فى الحلة
الجنبهم ..ماظنيت فى يافطه ياكيكى .. يعمينى ...
| |
|
|
|
|
|
|
|
|
|
Re: كان تباركوا لى صورة ا لبروفايل الجديدة ... (Re: محمد عبدالرحمن)
|
مبروك يا محمد
منظر جميل والله
تعرف أنا قضيت يوم واحد في أربجي دي في منتصف الثمانينيات
جئت لأعزي زميلنا في الزقازبق الصديق الجميل عادل عبد الحليم علي طه بوفاة والده
عليه رحمة الله
ولا أزال أتوق لزيارتها مرة أخرى
أين د. عادل بالمناسبة ؟ عندك ليهو تلفون ؟
تحياتي لي ناس أربجي المميزين
| |
|
|
|
|
|
|
|
|
|
Re: كان تباركوا لى صورة ا لبروفايل الجديدة ... (Re: نيازي مصطفى)
|
يانيازى ياحبيب ..
ياخوى نحن لما عملوا لينا يافطه انتو الوضع عندكم كان
(عمك ابشر) براهو و(التكلة ) براها ..يعنى لسه مااتكونت
الحله .. هذا مايخص اليافطة ..
مايخص التخطيط صدقت وشكرا على الاشادة ..مايخص التنهدات والله دى ضمانتها عند الله
مابضمنا ليك ...لكن لاباس من تنهيدة تنهيدتين ..
شكرا ليك ...
| |
|
|
|
|
|
|
|
|
|
Re: كان تباركوا لى صورة ا لبروفايل الجديدة ... (Re: محمد عبدالرحمن)
|
أخي محمد عبد الرحمن
رحم الله المربي الفاضل العم عبد الحليم علي طه
الحديث عن هذه الأسرة لا ينتهي عند حد
رجال ونساء وضعوا الوطن في المقل
قدموا له العلم وعمل الخير بلا من ولا رجاء في مقابل
رحمهم الله إذ رحلوا قبل أن يروا ما حل بهذا البلد
أمد الله في أعمار من بقي منهم على قيد الحياة وبارك في ذريتهم
والدعاء موصول لك ولأسرتك الكريمة
| |
|
|
|
|
|
|
|
|
|
Re: كان تباركوا لى صورة ا لبروفايل الجديدة ... (Re: khaleel)
|
ياسلام ياخليل ..
غبت وجبت ..(فاتن الجزيرة ) من غناء الفنان المظلوم الخير عثمان ..
واحدة من الاغنيات التى لم تجد حظها من الاهتمام مع جمالها وسحرها ..
والخير عثمان لمن لايعرفونه هو فنان اغنية (حنتوب الجميلة) ..كغيره
من مظاليم الفن فى بلادى انتهى به الحال الى سائق تاكسى بمدينة
مدنى ..مع احترامنا الشديد لسائقى التاكسى ولكل اصحاب المهن ..لكن
اغلب الناس يستطيعون ان ارادوا ان يصبحوا سائقى تاكسى ..لكن صعب
على اى احد من الناس ان يصير فنانا لو لم يهبه الله الموهبة ..
لذلك الدولة التى تهتم بالفن ترعى اصحاب المواهب وتوفر لهم جو
صحى يجعلهم يواصلون ابداعهم ..
شاعر الاغنية منو ياخليل ؟
| |
|
|
|
|
|
|
|
|
|
Re: كان تباركوا لى صورة ا لبروفايل الجديدة ... (Re: بدر الدين الأمير)
|
Quote: انت زميل الصيدلانى عادل عبدالحليم
ما كنت فاكر عجوز لدرجة دى .....
وطالما جيت اربجى ما لازم نكرمك بصورة |
اها جاااااكم ...
يامعاوية الزبير ..بدرالدين مايخوفك بدرالدين اكبر منك ومن عادل
بكم سنة كدا ..هذا من ناحية ..من الناحية التانية الزول العلم
بدرالدين رفع الصور شكيناهو لى الله ..بعدين احفظ لاصحاب الصورة
حقوقهم ..قول الصورة بعدسة منو على الاقل ..سرقة راسا عديل ....
| |
|
|
|
|
|
|
|
|
|
Re: كان تباركوا لى صورة ا لبروفايل الجديدة ... (Re: محمد عبدالرحمن)
|
والله يا بدر الدين الكبر ما بناباهو
الزمن أثبت لينا إنو كل ما عشنا بدري في السودان دا كان أحسن لينا
لكن نحن برالمة سنة 81 أفتكر عادل كان على وشك التخرج
إلا أنه احتوانا وعاملنا كأنداد بأخلاق أهله تلك التي تعرفها
سكنا جيران الشقة بالشقة ثم استضافني لوقت طويل في شقته في وقت لاحق
بل أشعرني أنني صاحب البيت وهو الضيف
بصراحة كدا أنا دفعة محمد الطيب علي طه ود حلتنا في حي النصر - كوستي
سقى الله ذكريات كوستي والزقازيق
لكن ما قلت لي رأيك في البروفايل الجديد لي قريبك محمد عبد الرحمن
أكيد حسدتو عليهو
| |
|
|
|
|
|
|
|
|
|
Re: كان تباركوا لى صورة ا لبروفايل الجديدة ... (Re: معاوية الزبير)
|
| Quote: بصراحة كدا أنا دفعة محمد الطيب علي طه ود حلتنا في حي النصر - كوستي |
انا قلت ليك انت اصغير من بدرالدين كدا اتاكد تماما ..
يعنى يامعاوية قلت لى السودان تعيش بدرى وتتخارج ..
عادل عبدالحليم حبابو والله .راجل اصيل من اسرة اصيلة ..
زول واجب مافى كلام ..
| |
|
|
|
|
|
|
|
|
|
Re: كان تباركوا لى صورة ا لبروفايل الجديدة ... (Re: محمد عبدالرحمن)
|
Quote: لكن ما قلت لي رأيك في البروفايل الجديد لي قريبك محمد عبد الرحمن
|
معاوية
ود خالتى محمد عبدالرحمن دا زول متخلف
ولسا ماسمع بقوقل وصورة بروفايلو لاتعكس
شى عن اربجى ومنحنى النيل هناك والجانين
والقباب العتيقة والتاريخ المدنى لها وهى
اقدم من سنار بحوالى 38 سنة
| |
|
|
|
|
|
|
|
|
Re: كان تباركوا لى صورة ا لبروفايل الجديدة ... (Re: وليد عبد اللطيف)
|
محمد، مبروك والله الصورة
شوقتنا لشوفتها والله ، منتظرين عزومتك إنت أوود خالتك ، نشوف أربجي دي للدنيا والزمان..
أنا حضرت برنامج عن أربجي..
جميلة ، قرية تشبه المدينة، ومدينة إلا من بعض الملامح
وعرفنا جزء من تاريخها وأسماء أعيانها
حق لك أن تفخر بها..
بالله حافظوا عليها كده ده ، والله يكفيكم شر (المدنية الحديثة)
الحتضّيّع ليكم أهم ملامحها وصفاتها..
---------------
صاحبي خليل ، شكراً على فاتن الجزيرة
أغنية (لمن يحس) تكـ ـّلب شعر الجلد
أهديها لأخونا عماد عبدالله في جولته الأوروبية
يتصبر بيها الى أن يعود الى فاتنات السودان.
| |
|
|
|
|
|
|
|
|
|
Re: كان تباركوا لى صورة ا لبروفايل الجديدة ... (Re: Salah Abdulla)
|
Quote: محمد، مبروك والله الصورة
شوقتنا لشوفتها والله ، منتظرين عزومتك إنت أوود خالتك ، نشوف أربجي دي للدنيا والزمان..
أنا حضرت برنامج عن أربجي..
جميلة ، قرية تشبه المدينة، ومدينة إلا من بعض الملامح
وعرفنا جزء من تاريخها وأسماء أعيانها
حق لك أن تفخر بها..
بالله حافظوا عليها كده ده ، والله يكفيكم شر (المدنية الحديثة)
الحتضّيّع ليكم أهم ملامحها وصفاتها.. |
حبابك ياصلاح يافنان ..
معقول انت عايز ليك دعوة ..دعوتك مفتوحة لزيارة اربجى وتتشرف
بحضورك ..تشوف هوشة صاحبك بدرالدين مع الضيوف ..لهم (هوشة)
معروفة يختلط فيها حابلهم بنابلهم ..ولايهدا لهم بال حتى
اكرام الضيف ...واربجى بالضبط كما ذكرت اخذت من المدينة عمرانها
واحتفظت بالقيم القروية ..فكانت (خلاسية) تسر الناظرين ..
عماد عبدالله زبون دائم عندنا كلما جاء ذكر اربجى ..لكن مع
اوربا دى زول بطرا زول مافى ..بالسلامه ان شاء الله ...
| |
|
|
|
|
|
|
|
|
|
Re: كان تباركوا لى صورة ا لبروفايل الجديدة ... (Re: محمد عبدالرحمن محمد)
|
يامحمد عبدالرحمن حاشاك الطرطشة ياخ ..حبابك والله ..
تشرفت بزيارتك اربجى ...بس ماعرفنا ودخالتك الاستاذ..
على الاقل نعطيه حقه من التقدير الذى يستحقه بلاشك ..
بمراجعتى للبروفايل خاصتك وبوجود ا لقرير فى البروفايل
اعتقد ان ابن خالتك هو الاستاذ السر احمد ..او السر كيمياء
كما يسمى ..لاستاذ السر التحيه ولابن خالتك تحية اخرى ان
كان هو او شخص آخر ..فقد قدموا مايستحق الشكر والتقدير..
فليس هناك اسمى من ان تكون معلم ..وليس هناك عطاء يوازى
عطاء المعلم ..
شكرا يامحمد ...
| |
|
|
|
|
|
|
|
|
 Re: كان تباركوا لى صورة ا لبروفايل الجديدة ... (Re: محمد عبدالرحمن)
|
Quote: يامحمد عبدالرحمن حاشاك الطرطشة ياخ ..حبابك والله ..
تشرفت بزيارتك اربجى ...بس ماعرفنا ودخالتك الاستاذ..
على الاقل نعطيه حقه من التقدير الذى يستحقه بلاشك ..
بمراجعتى للبروفايل خاصتك وبوجود ا لقرير فى البروفايل
اعتقد ان ابن خالتك هو الاستاذ السر احمد ..او السر كيمياء
كما يسمى ..لاستاذ السر التحيه ولابن خالتك تحية اخرى ان
كان هو او شخص آخر ..فقد قدموا مايستحق الشكر والتقدير..
فليس هناك اسمى من ان تكون معلم ..وليس هناك عطاء يوازى
عطاء المعلم ..
شكرا يامحمد ...
|
شرف الله مقدارك يا (أنا)!
هو فعلاً تاج السر أحمد عثمان (السر كيميا) وقبله كان أخونا الشاعر
المرهف السر عثمان الطيب (انجليزي وفرنساوي).. ونفس الفتره أنا نفسي
درّست (كيميا) بثانويتي كورتي (بنين وبنات)..
وفعلاً ما أسماها مهنة..!
وسلمت يا محمد
| |
|
|
|
|
|
|
| |
محمد عبدالرحمن
عبدالكريم الامين احمد
معاوية الزبير
عمر عبد الله فضل المولى
إبراهيم عبد الحليم
Tragie Mustafa
khaleel
نيازي مصطفى
بدر الدين الأمير
محمد عبد الماجد الصايم
Abdlaziz Eisa
محمد عبدالرحمن محمد
وليد عبد اللطيف
انعام عبد الحفيظ
عماد الشبلي
فيس بوك
تويتر
انستقرام
يوتيوب
بنتيريست