الليله مشيت لي صاحبي بعد سهره مُطينه في العنايه ومات لي عيان دبرست وقفلت معاي وجيتو عيوني حمر ووشي يلعن قفاي المهم لقيتو هو زاااتو ميتينو طالع وغالبو يسلخ خروفو اصلو ناس حكوتنا الهميمه بصدرو لي السعوديه الخرفان السمان وشحمانه,شيلك ختك غايتو سلخت الخروف معاه وولعت النار خليت لهبتا في السماء,وجبنا اللحمه شويناها شية جمر تقول ياغربتي وزبطنا المراره بي الاتي,وبعد ضربنا لما عرقنا قلت اها ياسمعه الشربوت كيف بي حكم اني ماعارف طقوس البلد دي قال لي يازول انت مجنون ولا شنو داير تجيب لينا ناس الهئيه,الشربوت ده ما ريحتو بطق وبقولو السوداني ده بعمل عرقي,قلت ليه اااها.... مشيت البقاله الجنمبوجبت لي عشرين قزازة بيره خالية كحول وكبيت فيها باقه كبيره حقت لبن طازج بتاع نجديه,واللبن هنا حكمة الله قاصدين بيه الروب,واديتها ليك تلج وغملتها في حفاظه سمعه الكان بضحك علي ويقول لي ده شنو يازول بقي يقرطع كبايه ورا كبايه ياخ دي حاجه خطيره,قلت ليه ده اسمو سستم,اتعلمتو لما كنت بمش اعضي في سوق الناقه,غايتو السودانيين كلهم اتكسرو عندو ويجغمو في السستم ده واسي منتظريني بالصف عشان اوريهم السستم ده بعملو كيف............... بس انا عملت قام اتعزز الليمون وكل سستم وانتو طيبين
فاروق عثمان كل سستم وإنت ترسم للحروف ليها تدسّم دكتور عليك الله تنصحنا بي خالي الدسم وتجري وتشمشم في الّلحم وما بس كدا كمان تسويلك سجم ياخي ما سكّرتنا مع إنو معزومين لحم واللّحمة من كامل دسم لكن قليبنا اللّي اترسم بي كم عمل لاما انقسم والشرايين شخبتت لينا القدم ما فيش مجال نتناوله هذا الدسم أصلك منعتنا يا وسم من الرسم حرفك كمان زاد الوسم أسعدتنا وأضحكتنا يبيّض سنيناتك من غير تقرقع ديّ سستم كفاية ود شيقوق من وقفة العيد مبتسم تقوم تجيب شيتاً لا سمعناه لا افتهم كدا إنت حتحول الشامبيون من بطل لي زول سجم -
كل سنة وإنت طيب وأهلاً حللت في البورد دي القسم
11-16-2010, 09:46 PM
فاروق عثمان فاروق عثمان
تاريخ التسجيل: 10-22-2010
مجموع المشاركات: 2017
العزيز عبد الفتاح ياخي والله شعرك السمح ده ما بقولو الا زول ضارب شربوت ليه ضل اما نحنا ناس السستم ديل ما عندنا طريقه نجاري متل نضميك السمح ده كل عيد وانت مبدع يافتاح والقابله علي امانيك
11-16-2010, 08:10 PM
عكود عبد القادر عكود عكود عبد القادر عكود
تاريخ التسجيل: 08-11-2009
مجموع المشاركات: 440
ياخي دا اجمل بوست في العيد , لي كم يوم راسي مقطوع شربوت الجن دا بدل فاقده شنو في بلد زي السعودية , امس بالصدفة وقعت علي البوست دا وما كذبت خبر طوالي مشيت اتناولت نص دستة باربيكان هذه حياتي وباغة روب نادك متوصي عليها واديتهم الجردل , ياخي باقي يومي دا كله مقضيهو بهجة وشكر لي معالي مزاجكم العالي , ياخي مريسة شنو وكونجومورو شنو وعسلية منو ونبيذ ناس وين دا اجمل اختراع لاقي في الالفية الجديدة للان ياخي انت والهلال جعلتم من عيدنا بهجة الله يبهجك ياخ نخبك يا صاح
11-17-2010, 08:13 PM
اساسي اساسي
تاريخ التسجيل: 07-20-2002
مجموع المشاركات: 16468
جعلت للمشاوي معني بهذا البوست , اجمل مافي الامر ناولت اساسية كباية قلت ليها اشربي السستم دا بعد اللحمة دي , بعد شوية اساسية وصغارها جوني كلهم والصغير يصيح يا بابا عايز سستم الواحد قرب يدخل في دور حمادة هلال ويغني
11-17-2010, 11:23 PM
فاروق عثمان فاروق عثمان
تاريخ التسجيل: 10-22-2010
مجموع المشاركات: 2017
أساسي ازيك وكل سنه وانت وعيالك بالف خير انت عارف البوست ده الماقراهو دقس خصوصاً ناس السعوديه,قلنا نجتهد ونديهم عديه وهديه في شكل بوست بس انت الوحيد الطلعت تفتيحه وشايل مفاتيحها.... وبركه في السستم الفرحكم انت واساسيه والعيال............
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فاروق عثمان
عبدالفتاح أبوشيمة
عكود عبد القادر عكود
فيس بوك
تويتر
انستقرام
يوتيوب
بنتيريست