|
سفر مجموعة من الفنانات السودانيات لولاية ما يدوغري النيجيرية لامتع ومؤانسة حاكم الولاية !
|
غادرت مجموعة من الفنانات السودانيات الي ولاية مايدغروي لنشر الفنون السودانية في تلك البقاع الافريقية ولقد قام مندوب حاكم ولاية مايدوغري (بكاري ) بعمل عقود لكل فنانة ودفع مقدم نصف قيمة العقد للغناء أما حاكم الولاية الشريف . واليكم كشف بالفنانات ومعهن أيضا الفنان سامي المغربي وحسين شندي وهن - شريفه النور عوضية عذاب أمال بابو زهرة مدني فاطمة الجعلي نجاة عطية مونيكا روبرت مني الزينه فهيمه عبدالله ومعها والدتها
*ولقد أشترت أحدهن دوكتين من عطبرة بهذه المناسبة بمبلغ 240 جنيه *لقد قامت اليوم صحيفة فنون بنشر صور الفنانات في المطاروالملاسنة التي تمت بينهن ورئيس التحرير هيثم كابو *كلنا يعلم مكانة الفن السوداني في وجدان إخوتنا في مختلف بلاد غرب إفريقيا - بالأخص تشاد وأثيوبيا ونيجيريا والكامروين. وللعلم إلى أن ميدوغري، عاصمة ولاية برنو في شمال نيجيريا (مسقط رأس الشريف) تمثل مركز الثقل لرواج هذا الفن في تلك البلاد. فمن المناظر المألوفة في شوارع هذه المدينة، الثوب السوداني، و»قِدرة» الفول، ومسجل ضخم يصدح بالغناء السوداني. ومعظم الفرق الموسيقية التي تدعى لإقامة الحفلات في نيجيريا منذ سبعينيات القرن الماضي، كان المتعاقدون معها دوماً من ميدوغري، وفيها كانت تقيم أنجح حفلاتها. فقد نشأ الشريف في هذه البيئة معجباً بالغناء السوداني ومحباً له، شأنه في ذلك شأن بقية أبناء جيله. الرحلة ياشباب لغاية أمتع ومؤانساة حاكم الولاية السخي جدا جدا الشريف !!!![/B]
|
|
|
|
|
|
|
|
Re: سفر مجموعة من الفنانات السودانيات لولاية ما يدوغري النيجيرية لامتع ومؤانسة حاكم الولاية ! (Re: زهير عثمان حمد)
|
Quote: الرحلة ياشباب لغاية أمتع ومؤانساة حاكم الولاية السخي جدا جدا الشريف |
الزميل زهير .. قريت كلامك كلو لقيتو خبر صحفي عادي جدا ما عارف من وين وصلت فيو للنتيجة المقتبسة فوق دي و عنونت بيها البوست. الغناء في أصلو امتاع .. و الحفلات من الطبيعي أن تكون للمؤانسة .. لكن شكل الجملة التي صغتها سئ و هي أقرب للقذف و الخوض في الأعراض. فنانات سودانيات تذكرهن بالأسم و تقول سافرن ليمتعن الحاكم السخي جدا جدا وامتاعه ؟ إن لم يكن هذا تعريضاً بعروض النسوة فما في الدنيا تعريض.
| |
|
|
|
|
|
|
Re: سفر مجموعة من الفنانات السودانيات لولاية ما يدوغري النيجيرية لامتع ومؤانسة حاكم الولاية ! (Re: حمور زيادة)
|
الاخ حمور تحياتي
في البداية ليس المقصود قذف الفنانات أو الايحاء بأن هذه الرحلات رحلات رزيلة ولكن دار لغط وجدل طويل حتي نيابة أمن المجتمع كان طرف يذكر أن نيابة أمن المجتمع كانت قد صرحت في وقت سابق أنها وضعت رحلات الفنانات السودانيات الي نيجيريا علي طاولة التحقيق، وأكدت أن كل مايحدث في تلك الرحلات ترصده بدقة، وانها لاتقف في وجه التواصل الفني بين الفنانين السودانين والدعوات التي تصلهم من الدول الافريقية أو العربية شريطة ألا يمس ذلك سمعة البلد والفن والفنانين السودانين . وشكرا للتوجيه أخي العزيز
| |
|
|
|
|
|
|
Re: سفر مجموعة من الفنانات السودانيات لولاية ما يدوغري النيجيرية لامتع ومؤانسة حاكم الولاية ! (Re: حمور زيادة)
|
Quote: في البداية ليس المقصود قذف الفنانات أو الايحاء بأن هذه الرحلات رحلات رزيلة ولكن دار لغط وجدل طويل حتي نيابة أمن المجتمع كان طرف يذكر أن نيابة أمن المجتمع كانت قد صرحت في وقت سابق أنها وضعت رحلات الفنانات السودانيات الي نيجيريا علي طاولة التحقيق، وأكدت أن كل مايحدث في تلك الرحلات ترصده بدقة، وانها لاتقف في وجه التواصل الفني بين الفنانين السودانين والدعوات التي تصلهم من الدول الافريقية أو العربية شريطة ألا يمس ذلك سمعة البلد والفن والفنانين السودانين . وشكرا للتوجيه أخي العزيز |
يا زول عمرنا دا كلو ما سمعنا إنو شرطة المجتمع تابعت ليها فنان راجل في رحلة فنية، لكن الله يكون في عون بنات ونساء السودان.
غايتو مرة لميت لي في واحد أثيوبي كان متعهد لحفلات الفناين السودانيين في اديس، لو كلامو صح فسمعة وطنا ممسوسة من زمان.
| |
|
|
|
|
|
|
Re: سفر مجموعة من الفنانات السودانيات لولاية ما يدوغري النيجيرية لامتع ومؤانسة حاكم الولاية ! (Re: Deng)
|
يا حاتم جمعات مباركات وكدة ياخي كنت بسمع لي في غنية كاربة للحوت في الفيس بوك..لقيت زبونك ده وطشش لي جيت نابل ياخي مش قليك انت رئيس الرابطة؟؟كنت قايلني بهظر طبعا كالعادة الخبر ماسورة ومافي محكمة تحاكم قتلة كجبار خليك من زهير الجايب الاخبار علي هواه ده
يا حمور حمد الله بالسلامة واتمناك تكون قاعد في مساحة الجن دي صدقني الناس فاقداك ومحلك فاضي وما تزهج منها بالله..وطمنا علي الخال امين وكلم خدر انو تلفونه قبل سفر بيومين كان مقفول
_ نرجع لمحور حديث البوست ده ما يكون شريف ندي القلعة كمان يشهد الله ما عرفت فيهم فنانة...ديل قاعدين معانا في السودان ده؟؟ياخوانا زول يرسل لي فيزا لاي بلد نتخارج مش ممكن كدة والله عذاب وربرت والجعلي الزينة وبابو..آناس ديل معانا في البلد دي؟ ثم الجكس ده كلو مسافر وحداني ويقول يا ليل..فهيمة سايقة امها كمحرم ليه؟؟؟كان ما قدر السفر والدردرة ما تخليه
| |
|
|
|
|
|
|
Re: سفر مجموعة من الفنانات السودانيات لولاية ما يدوغري النيجيرية لامتع ومؤانسة حاكم الولاية ! (Re: ود الخليفه)
|
Quote: حققت عشر مغنيات نجاحاً مذهلاً بالسفر يوم أمس إلى نيجيريا لإحياء مجموعة من الحفلات بولاية مايدوغري بدعوة من حاكم الولاية علي الشريف، ويأتي نجاح المغنيات في السفر عقب الفترة العصيبة الماضية التي شهدت أحداثا ساخنة ومثيرة فيما يخص ملف رحلات المطربات إلى نيجيريا وذلك بعد اللغط الكثيف الذي اثارته تلك الرحلات وما صاحبها من تداعيات أفضت إلى تحرك الجهات الرسمية للتحري والوقوف على تفاصيل ملف نيجيريا حيث تم تفريغ اللواء شرطة عثمان عبدالله أبوسن لمتابعة حيثيات تلك القضية ليعلن سيادته إغلاق ملف رحلات نيجيريا بالضبة والمفتاح! وقال في حديث سابق لصحيفة فنون: تحصلنا على معلومات مصورة تكشف تلك الحفلات الراقصة والساهرة وعلى ضوء ذلك أجرينا تحقيقات بواسطة الادارة الشرطية التابعة لنا وسنتعامل بحزم شديد مع ما يمس سمعة السودان!
وسافر في رحلة الأمس كل من : مونيكا – عوضية عذاب – منى الزينة – آمال بابو – نجاة عطية – شريفة النور – زهرة مدني – فاطمة الجعلي – انصاف مدني والواعدة فهيمة عبدالله، إضافة إلى الفنانين حسين شندي وسامي المغربي.
وقالت انصاف مدني قبل ركوبها الطائرة إنها استلمت قيمة احياء حفلاتها بنيجيريا منذ وقت طويل واضافت: استلمنا القروش وأكلناها وماشين نسدد الدين،وكشفت انصاف أنها مطلوبة من الشريف للغناء بالدلوكة وأنه عندما تم الاتصال بها كانت مترددة جدا في الموافقة إلا أنها سالت واستفسرت وأجابها الكثيرون بأن الأمر طبيعي وعليها أن تسافر وقالت: انتو الكلام دا بجي من وين ؟؟! وترك سفر المغنيات ملف رحلات نيجيريا مفتوحا ما بين تصريحات وقرارات الاجهزة الرسمية ومغادرة المغنيات في غموض وضبابية.
صحيفة فنون |
http://www.sudanelite.com/news.php?action=show&id=13047 والفنانين حسين شندي وسامي المغربي نظامهم شنو يا أصلي؟ شايف ما جبتو سيرتهم!!! .... ... .. . ___ زهير وضيوفه ســـــــلام
| |
|
|
|
|
|
|
Re: سفر مجموعة من الفنانات السودانيات لولاية ما يدوغري النيجيرية لامتع ومؤانسة حاكم الولاية ! (Re: زهير عثمان حمد)
|
Quote: *كلنا يعلم مكانة الفن السوداني في وجدان إخوتنا في مختلف بلاد غرب إفريقيا - بالأخص تشاد وأثيوبيا ونيجيريا والكامروين. |
Quote: الرحلة ياشباب لغاية أمتع ومؤانساة حاكم الولاية السخي جدا جدا الشريف !!!! |
اللص زهير ،،،
يا كافي البلا
ما عندك إحساس ، ولا جغرافيا ، ولا إملاء !
ــــــــــــــــــــ
Quote: وللعلم إلى أن ميدوغري، عاصمة ولاية برنو في شمال نيجيريا (مسقط رأس الشريف) تمثل مركز الثقل لرواج هذا الفن في تلك البلاد. فمن المناظر المألوفة في شوارع هذه المدينة، الثوب السوداني، و»قِدرة» الفول، ومسجل ضخم يصدح بالغناء السوداني. ومعظم الفرق الموسيقية التي تدعى لإقامة الحفلات في نيجيريا منذ سبعينيات القرن الماضي، كان المتعاقدون معها دوماً من ميدوغري، وفيها كانت تقيم أنجح حفلاتها. فقد نشأ الشريف في هذه البيئة معجباً بالغناء السوداني ومحباً له، شأنه في ذلك شأن بقية أبناء جيله. |
قالوا انت كصحفي متفرغ للكتابة الإبداعية ، ماشي تغطي أخبار الرحلة دي ، أها استلمت الفيزا وللا ناس النظام العام منعوك تمش ؟
ـــــــــــــــــــــــ
حمور ، سلامات.
بوبا ، شكلو تاني ح نرجع نساكك اللص دا من جديد.
حاتم ، سمعت المثل البقول: حرامي وعينو قوية ، دا ياهو (بوحرامي) دا. يسرق وبدون ما يعتذر يجي راجع تااااااني بكل قوة عين! ثقالة من النوع أبو كديس :)
| |
|
|
|
|
|
|
Re: سفر مجموعة من الفنانات السودانيات لولاية ما يدوغري النيجيرية لامتع ومؤانسة حاكم الولاية ! (Re: عبد القادر محمد)
|
أخي محمد عبدالقادر تحياتي بالله ممكن يكون أسلوبك أرقي من كدا لص ياخي لو سرقت قروشك ماأظن تكون دي لغتك معي المهم أنا والله لو كان كنت سرقت قوت الشعب السوداني عديل أظن كنت بمأمن من أساليبكم دي المهم تعرفوا من الان دا العربي اللي الله فتح بيهو علي اللي عايز يقرأ بوستاتي كدا أهلا وسهلا والجهل شائع في بلدنا علي أعالي المستويات خصوصا بيننا نحن كبار القيادات التي تعمل في السياسية المهم بكل أدب ليك ولي غيرك الواحد لو عند مداخلة مهذبة أهلا بيهو غير كدا أحسن يوفر وقتو في حاجة أحسن لانو ما في أمل أنا أتغيير عشانك ولا عشان غيرك فهمت يا فهمان أفندي ولا أقوليك (حنظة )لك كل الشكر زهير
| |
|
|
|
|
|
|
|