من دون أى قصد ولا عمد ،، فإذا به يوافق يوم عشرة عشرة ألفين وعشرة ! ... لتبدأ تلك الحياة العامرة الجديدة الزاخرة بإذن الله ، بالمودة والحب والجمال والرفاه والبنات والبنين ! ..... هى زهرتي الكبرى ، وباكورة حياتي ........... جامعية .. ولكنها بسيطة وطيبة ، ودرويشة إلى حد بعيد ! وذات قلب كبير .. وطوالي ديميعاتا في عويناتا ! تبكي في اليوم أكثر من مرة .. بل تبكي لمرات عديدة .. إلى درجة تشفق منها عليها ! ... مع المسلسلات تبكي .. مع الفيلم الهندي تبكي ! مع أخبار الأطفال في العالم ، تبكى ! و لو كانت بتكمل تلك الدموع ، لكانت ( كملت ) من مقلتيها الساهمتين !
مهرها كان .. كتاب ! .. وهى قانعة به تماماً ، ومبسوطة إلى حد بعيد .. وسعيدة بالفارس البسيط الخلوق ، ومتفائلة ! أما هو فلم يك تعليمه يكفي لنيل الشهادات ! من قهر تلك الظروف ! ولكنها الحياة ! منحته أعلى الشهادات ! .. فكان بسيطاً مكافحاً دؤوباً وساهراً على راحة إخواته اليتيمات ، وعلى أبيه البسيط ! ... وكل ما أعجبني فيه أنه شهم وخلوق ولا يتورع عن أى عملٍ شريف ! سائق يعمل ! بناء يعمل ! نقاش يعمل ! طُلبة يعمل ! وهو مزهواً بأعماله تلك ، ومرفوع الرأس .. كزهوي أنا به ، وإحتفائي بمسلكه القوي الرفيع ! حينما تقدم لي ، كان مستحياً من قلة الحيلة ومن قساوة الظروف ، فأنتهرته قائلاً بلطف : لا عليك يا بُني الصديق الصدوق ،، فإبنتي مهرها كتاب ! وكلمة طيبة أصلها ثابت وفرعها في السماء ! .. ومهرك أنت ، سويداء القلوب ! ..... فكم تمناك قلبي ، وأنت تشفع لك سيرتك العطرة ، وأعمالك الخيرة ، وتلك القلوب الشاهدة عليك حينما إجتمعت كلها على حبك ، ونزاهتك ، وشهامتك ، وقلبك الكبير !
وكان إحتفالاً كبيراً جميلاً محضوراً من كل الأطياف الجميلة الودودة والناس الجميلين ، والأهل والأحباب والأصدقاء والصديقات ، المخلصين والمخلصات .. فشكراً شكراً شكراً لهم ولهن جميعاً .. ولكل من أسعدنا بحضوره الكريم .... وعذراً لكل من لم يحضر ...... وعذراً شديداً لكل من لم تسعفنا الظروف للإتصال بهم ، أو دعوتهم لضيق الوقت .. ليس سهواً .. ولكن لم يسعفنا الحظ والوقت !
مبروك لنا ولكم بوشاح وإيهاب .
وعذراً للجميع .
10-10-2010, 07:47 PM
هالة الأقرع
هالة الأقرع
تاريخ التسجيل: 10-04-2010
مجموع المشاركات: 463
Quote: ألف ألف مبروك للعزيزة وشاح وللأخ إيهاب، ربنا يجعل بيتهم عامر بالمحبّة ... وهي والله لا تشترى بثمن... ربنا يكمّل عليهم السعادة.. ويرزقهم ويهنّيهم ...
ياسلام يا مريم ، ، وياريتكم كنتو معانا ! ليكتمل الفرح فرحين ! كان يوماً محضوراً من كل الإخوان والإخوات والأصدقاء . بالأمس تذكرناك ، وتذكرنا يوم عُرسك الجميل هنا .. كان مثالاً يحتذى !
سلام يا مريم وللأخ الأستاذ العزيز د. أحمد المصطفى ، والأخت علوية ، وللجميع .
كم نحن متلومين !
10-10-2010, 11:14 PM
مامون أحمد إبراهيم
مامون أحمد إبراهيم
تاريخ التسجيل: 02-25-2007
مجموع المشاركات: 5380
يا جميل الروح ياسلام عليك وعلى اولادك الاتنين وشاح وايهاب ربنا يحفظهم ويهنيهم ويسعدك ويسعدهم تحياتى الخاصة للعروسين ومحبة خاصة لشخصك الذى انحنى له اجلالا
10-11-2010, 07:25 PM
مامون أحمد إبراهيم
مامون أحمد إبراهيم
تاريخ التسجيل: 02-25-2007
مجموع المشاركات: 5380
مبروك الزواج لكريمتك الكبرى وشاح ومبروك عليك تاني كسبت ليك راجل بجد فى عائلتك الكريمة ياريت لو كان عندي خبر كنا إتشرفنا بحضور اللمة الحلوة دي إن شاء الله تشوف عيالهم وعيال عيالهم ،،، قول آميييييييييين
10-11-2010, 00:14 AM
الفاضل يسن عثمان
الفاضل يسن عثمان
تاريخ التسجيل: 04-17-2008
مجموع المشاركات: 3279
الف الف مبروك و بالرفاء و البنين و ربنا يسعدهم ان شاء الله و طالما وشاح اتربت في كنف والد زيك و طالما انت اخترت القوي الامين فثق تمام الثقة انه ربنا سوف يرزقهم باموال وبنين صالحين ان شاء الله
10-11-2010, 08:28 AM
محمد عبدالرحمن
محمد عبدالرحمن
تاريخ التسجيل: 03-15-2004
مجموع المشاركات: 9059
وقد سبقت كلمة الله فى ان الطيبون للطيبات .. والوشاح فرع كريم اصيل من شجرة اصلها ثابت ونبتها طيب ...نعم الطيبون للطيبات (سبق السيف العزل) ...سعيد ايهاب بان جعل الله له ابااخر كمامون الطيب ابن الطيب ...وسعيده وشاح بان وهبها له طيبين...الاول ابا حنون ... والثانى رفيق مشوار طويل نسال الله ان يجعله كله سعادة وهناء وحبور ...
مبرووووك لاتكفى لمامون اولا ... ولايهاب ووشاح ولفالوله... ولعبدالغنى ا لذى لم ينقص فرحه من مامون شيء ان لم يزيد .. ... فقد سعدنا وفرحنا معهم على انغام الخالدى ليلة امس ..و(ياريت كل زول تائه يلاقى الريده فى دربو ..يلاقى الريده فى دربو) ...
***
تقول لى برضو ام درمان يامامون.... شفت جمال الصوت واناقة الكلمات عند الخالدى...
مامون يا صاحب يا ابو مهاد ، وهذا انحياز لايحط من مقام وشاح بوصة
يوم فرح وشاح وأيهاب كان يوم فرح الدوحة وزغاريد في أم درمان وفي كل بيت شيده الحب
عشنا تفاصيل الفرح لحظة بلحظة منذ شهور ومهاد تقود سرب الجمال وأكتملت خطط فرحتها وهي تعد الأشابين صبايا وصبيان ساندرا ومحمد كمال ، سارا بركات ، ماهيتاب ، سمية مختار وشقيقتها هيدا النجمة ومازن المكي وريهان ورهط من الشباب وسرب من الحسان كان فرحآ مميزآ بالحضور البهي الذي أصغى لإبداعات الفرقة الموسيقية وتجليات عبدالخالق وابراهيم وأحمد الزبير ورفاقهم وابداعات عصام الخالدي وياسر وعزالعرب وعم العروس صلاح فالولة أصغوا و إنطربوا ثم رقصوا و وشاح ترقبهم بقلب يزغرد وعيون محبة
مليون مبروك لوشاح وايهابومثلهم لمامون وفدوى ولمهاد ومنى وصاحباتهن الجميلات
10-11-2010, 10:37 AM
كمال علي الزين
كمال علي الزين
تاريخ التسجيل: 11-14-2006
مجموع المشاركات: 13386
Quote: مامون يا صاحب يا ابو مهاد ، وهذا انحياز لايحط من مقام وشاح بوصة
يوم فرح وشاح وأيهاب كان يوم فرح الدوحة وزغاريد في أم درمان وفي كل بيت شيده الحب
عشنا تفاصيل الفرح لحظة بلحظة منذ شهور ومهاد تقود سرب الجمال وأكتملت خطط فرحتها وهي تعد الأشابين صبايا وصبيان ساندرا ومحمد كمال ، سارا بركات ، ماهيتاب ، سمية مختار وشقيقتها هيدا النجمة ومازن المكي وريهان ورهط من الشباب وسرب من الحسان كان فرحآ مميزآ بالحضور البهي الذي أصغى لإبداعات الفرقة الموسيقية وتجليات عبدالخالق وابراهيم وأحمد الزبير ورفاقهم وابداعات عصام الخالدي وياسر وعزالعرب وعم العروس صلاح فالولة أصغوا و إنطربوا ثم رقصوا و وشاح ترقبهم بقلب يزغرد وعيون محبة
مليون مبروك لوشاح وايهابومثلهم لمامون وفدوى ولمهاد ومنى وصاحباتهن الجميلات
مافي كلام مع هذا الكلام ! يا أبو البنيات الراقيات الودودات الجميلات الوفيات لى حدهن ! ويا صنو رشيدة الرشيدة ! ..... أريتو يجي اليوم الراجنو ليهن كلنا ، وقريب يارب . قريب ده حيكون يوم فرح الناس كلها ! ويابخت البفوز بيهن ، سمحات القلوب المرهفة ، والخلقة والأخلاق !
أبشر بك وبهن يا أبوساندرا .
10-11-2010, 08:13 PM
مامون أحمد إبراهيم
مامون أحمد إبراهيم
تاريخ التسجيل: 02-25-2007
مجموع المشاركات: 5380
Quote: مبرووووك لاتكفى لمامون اولا ... ولايهاب ووشاح ولفالوله... ولعبدالغنى ا لذى لم ينقص فرحه من مامون شيء ان لم يزيد .. ... فقد سعدنا وفرحنا معهم على انغام الخالدى ليلة امس ..و(ياريت كل زول تائه يلاقى الريده فى دربو ..يلاقى الريده فى دربو) ...
***
تقول لى برضو ام درمان يامامون.... شفت جمال الصوت واناقة الكلمات عند الخالدى...
ياسلام يا محمد عبدالرحمن ! كم سعدنا بوجودكم ! وشكراً لا تكفي أيضاً في حق أطيب وأجمل وأرق وأعذب الناس ! وسعدنا بكم جميعاً .. ولاقينا أيما ريدة في دربنا المخضر بمعرفتكم الغالية .
تنهدات الأمير :
أمدرمان هى جماع أهل كل السودان ! .. وما من ملة في ذاك الوطن الشاسع الكبير إلا وهى متمثلة وحاضرة في أم در !
الخالدي من عندنا ..... وإنت ذاتك من عندنا !
10-11-2010, 07:59 PM
مامون أحمد إبراهيم
مامون أحمد إبراهيم
تاريخ التسجيل: 02-25-2007
مجموع المشاركات: 5380
Quote: و طالما انت اخترت القوي الامين فثق تمام الثقة انه ربنا سوف يرزقهم باموال وبنين صالحين ان شاء الل
ويا للهنا ! بالعزيزة الودودة بت الهنا !
تصوري فعلاً ده الحصل بالضبط ! .. فلما جيت أستخير ، فتحت الكتاب . وأول مافتحت ، فإذا بهذه العبارة ، ( القوي الأمين ) ، وهى تقع في عيني مباشرةً من دون كل العبارات !
10-11-2010, 07:44 PM
مامون أحمد إبراهيم
مامون أحمد إبراهيم
تاريخ التسجيل: 02-25-2007
مجموع المشاركات: 5380
مبروك الزواج لكريمتك الكبرى وشاح ومبروك عليك تاني كسبت ليك راجل بجد فى عائلتك الكريمة ياريت لو كان عندي خبر كنا إتشرفنا بحضور اللمة الحلوة دي إن شاء الله تشوف عيالهم وعيال عيالهم ،،، قول آميييييييييين
إلى أبو الجمال ، محمد خليل ساني ، كم أنا حزين لعدم حضورك ! .. أول حاجة ، طبعاً إتصورت أنك لسه في أمريكا ! ثانياً ، والله يامحمد الوقت كان ضيق جداً وما أسعفنا الوقت .. أها قمت أرسلت رسالة للجميع ، لكن يبدو أن بعض الأرقام سقطت سهواً نسبة إلى فقدان شريحة سابقة ضاعت معها كل الأرقام !
عذراً أخي ساني وإنشالة نحضر جديد الوليدات كلهم .
محبتي التي تعرف .
10-11-2010, 07:31 PM
هاشم أحمد خلف الله
هاشم أحمد خلف الله
تاريخ التسجيل: 01-16-2007
مجموع المشاركات: 6449
ما شاء الله تبارك الله الف الف مبروك يا مامون بيت مال وعيال وإن شاء الله تحضر جديد اولادها كمان
Quote: من دون أى قصد ولا عمد ،، فإذا به يوافق يوم عشرة عشرة ألفين وعشرة ! ... لتبدأ تلك الحياة العامرة الجديدة الزاخرة بإذن الله ، بالمودة والحب والجمال والرفاه والبنات والبنين ! ..... هى زهرتي الكبرى ، وباكورة حياتي ........... جامعية .. ولكنها بسيطة وطيبة ، ودرويشة إلى حد بعيد ! وذات قلب كبير .. وطوالي ديميعاتا في عويناتا ! تبكي في اليوم أكثر من مرة .. بل تبكي لمرات عديدة .. إلى درجة تشفق منها عليها ! ... مع المسلسلات تبكي .. مع الفيلم الهندي تبكي ! مع أخبار الأطفال في العالم ، تبكى ! و لو كانت بتكمل تلك الدموع ، لكانت ( كملت ) من مقلتيها الساهمتين !
يا ربي
10-11-2010, 08:51 PM
مامون أحمد إبراهيم
مامون أحمد إبراهيم
تاريخ التسجيل: 02-25-2007
مجموع المشاركات: 5380
كان حضورها " الرايق" فى كل المجالات مبعث للراحة و الاحترام
كنا نرى حبها للجميع ..خاصة لوالدها .. و عخرها به و هو يستحق
تدخل كما التسيم
و تخرج بالضوء ..
مبروك ..
إفتقدناك يا معتصم :: وإفتقدنك البنيات !
فقدت تلفونك من ضمن تلفونات ضاعت مع شريحة ضائعة فُقدت في السودان ! أخذت تلفونك من محمد عبدالرحمن قبل يوم أو يومين من العُرس .. التلفون كان صامت لا يرد .. أرسلت لك رسالة من ضمن الرسائل .
كان في شى عزيز لدينا مفقود في ذاك الحفل ! .. لعل المانع خير !
وبرضو نأسف على التأخير .. وعلى التقصير .
أشكرك على هذه الطلة البهية ، وعقبال كل البنيات .
محبتي التي تعرف .
10-12-2010, 00:57 AM
كمال سالم
كمال سالم
تاريخ التسجيل: 02-13-2008
مجموع المشاركات: 4786
يا زول يا نسمة .. يا كبير عندي و عند الناس كلها , يا أصيل و بني آدم صاح .. كده يا مامون تعملها من ورانا ؟؟ و عارفني أبو بنيات .. و بكون محتاج آخد خبرة و منها أكون عم العروسة . الفيك إنعرفت يا مامون .. البنات عندنا و بنعرس ليهن .
تعرفي يا عروسة .. أبوك ده لو ربنا أصطفاك بزوج زيو .. يكون إتفتحت ليك أبواب النعيم .. و الظاهر من كلامو عن إيهاب إنه الله أداك .. و أداك كمان من واسع .. إتربيتي في كنف أب زي شيخي مامون ده . و ح تسعدي في كنف زوج زي إيهاب .. ربح البيع يا بتي .. الف مبروك يا وشاح . مبروك يا صاحبي و أخوي و شيخي . عقبال تفرح بيهم كلهم و تفرحنا .
10-12-2010, 07:00 PM
مامون أحمد إبراهيم
مامون أحمد إبراهيم
تاريخ التسجيل: 02-25-2007
مجموع المشاركات: 5380
Quote: و عارفني أبو بنيات .. و بكون محتاج آخد خبرة و منها أكون عم العروسة . الفيك إنعرفت يا مامون .. البنات عندنا و بنعرس ليهن .
الله ياعمدة ! ما إنت فعلاً أبوها وعمها ، وزول البيت عديل .. لكن هى ما دقسة كبيرة مننا ياععمدة ! لكن والله ياعماد، الموضوع جا سريع كده وكنا في أخذ ورد ، مابين الحاجة دي تقوم واللا ما تقوم ... ولحد قبل يومين بس ماكنا عارفين الصالة وين ! وطبعاً إيهاب في زيارة والوقت ضيق ، وكنا متلخبتين .. وكمان أمشى يا وشاح أخدى إجازتك من الشغل قبل العرس بى شهر ! والإجازة قربت تنقرض وبقينا في ضيق ! أهو غايتو ربك رب الخير هون ، والأمور في النهاية مشت .. ودقسنا في المعازيم ! وإتلومنا في كتيرين ! أها قمنا عشان الزنقة ، رسلنا الدعوة بالموبايل ! وشكيناهو على الله الموبايل لومنا مع ناس كتير ، وكتير من الأسماء والناس العزيزين سقطت سهواً ! ومنهم إنت وصلاح وكتيرين ! وماكنا محظوظين في وصول الدعوة ليكم !..... ما كنا محظوظين ياعمدة بى وجودكم معانا ومع بنيتكم وشاح .. حققكم علينا ياعمدة .
Quote: .. هى زهرتي الكبرى ، وباكورة حياتي ........... جامعية .. ولكنها بسيطة وطيبة ، ودرويشة إلى حد بعيد ! وذات قلب كبير .. وطوالي ديميعاتا في عويناتا ! تبكي في اليوم أكثر من مرة .. بل تبكي لمرات عديدة .. إلى درجة تشفق منها عليها ! ... مع المسلسلات تبكي .. مع الفيلم الهندي تبكي ! مع أخبار الأطفال في العالم ، تبكى ! و لو كانت بتكمل تلك الدموع ، لكانت ( كملت ) من مقلتيها الساهمتين !
الف مبروك يا ابوحميد انا عندى واحده زيها والله ولكن فى نفس الوقت عندما تزعل تقوم الدنيا بصدق تهانينا وربنا يخليهن ليك واتمنى لهم حياه زوجيه سعيد كلها حب وتفاهم
10-12-2010, 10:55 PM
مامون أحمد إبراهيم
مامون أحمد إبراهيم
تاريخ التسجيل: 02-25-2007
مجموع المشاركات: 5380
Quote: الف مبروك يا ابوحميد انا عندى واحده زيها والله ولكن فى نفس الوقت عندما تزعل تقوم الدنيا بصدق تهانينا وربنا يخليهن ليك واتمنى لهم حياه زوجيه سعيد كلها حب وتفاهم
ياسلام ! مرحب بى أهلي الحنان أهل البطانة والجود والكرم والفراسة والفروسية ! الله يخليها ليك يا خالد آخوي ... إتصورتها تماماً وبتشبه أماتا وحبوباتا الفارسات وطيبات وحبوبات وحُنان !
وكمان عرفتني أبوحميد يا خالد ! .... يا للفراسة ! أحمد ولدي ده إتخرج يادوب من الجامعة ، أها دعواتك ليهو .
وعقبال فرح جميع الوليدات والبنيات .
10-13-2010, 02:40 AM
آدم جمال أحمد
آدم جمال أحمد
تاريخ التسجيل: 08-06-2010
مجموع المشاركات: 2015
Quote: تعرفي يا عروسة .. الظاهر من كلامو عن إيهاب إنه الله أداك .. و أداك كمان من واسع . . و ح تسعدي في كنف زوج زي إيهاب .. ربح البيع يا بتي ..
الله يربحك ياعماد دنيا وأخرى .
لا، والمفرح أكتر في أمر وشاح وإيهاب ، أنهم قطعوا نصف المشوار نحو المراد ! عرس مافيهو لا شيلة ولا شبكة ولا دهب ولامهر ولا يحزنزن ! وهم الإتنين مسرورين وفي آخر إنبساط !
كم نحن فرحانين بيهم ومبسوطين !
10-13-2010, 08:54 PM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22972
مامون ياوشاح الافراح وإيهاب المعانى اسفى غيبنى التزام سابق من ان افرح معكم وزى ماقال الاستاذ محمود : (الحرمان سيد المشاعر) فرحان ليكم اكثر من لو كنت حاضر معكم
10-14-2010, 04:09 PM
مامون أحمد إبراهيم
مامون أحمد إبراهيم
تاريخ التسجيل: 02-25-2007
مجموع المشاركات: 5380
Quote: مامون ياوشاح الافراح وإيهاب المعانى اسفى غيبنى التزام سابق من ان افرح معكم وزى ماقال الاستاذ محمود : (الحرمان سيد المشاعر) فرحان ليكم اكثر من لو كنت حاضر معكم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة