يمكن لأننا من جيل ((( وردتين على يامبيو وردة تالته على رفاعة ))) الواحد بتمني للدولة الجديدة في الجنوب كل توفيق وازدهار .... بالتأكيد الواحد حزين أنو بلدوا تتقسم في الوقت الكل العالم بتوحد وبمشي للكيانات الكبيرة يمكن ده قدرنا المامنو مفر أستقلينا لينا نص قرن ولسه ما عملنا روح وطنية وقومية (((نتوحد ))) عليها
لسنين طويلة جاية حيظل الجيران متواجدين في خاطرنا في ذكريات عزيزة وغالية بتجمعنا معاهم منها المر ومنها الحلو غايتو على الاقل لحدي ما تنتهي الأجيال العاشت الزمن ده وشافت السودان واحد من حلفا لنمولي بنظرية ((( الحوش الكبير ))) اليمكن اهلوا أهتموا بلمتهم اكتر من يشوفوا شروطه وتفاصيله
والناس أظن أتكلمت في الوحدة والانفصال وعبرت عن أرائها وأمانيها حول الموضوع البنسبه لينا بتصور ما حنكون فيهو أكتر من متفرجين ومباركين لما الجيران يمشوا للاستفتاء ويصوتوا لمولد ((( بلادهم )))
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست