|
|
 جامعة السودان المفتوحة: ده فساد ! إشانة سمعة! وإللا امكانيات ؟ يمكن مرته ..يمكن اخته في الرضاع
|
حال جامعة السودان المفتوحة: يا ربي ده فساد ! واللا دي إشانة سمعة؟ يمكن مرته ..يمكن أخته بالرضاعة ... واللا الكلام امكانيات ؟
وصلتني الرساله التاليه ومرفقاتها من جهة سمت نفسها حقائق الحقائق يوم 21 الجاري. وما كنت سانشر هذه الرسالة لولا شيئين
اولهما: إن جامعة السودان المفتوحة فاتحه ضدي بلاغ تحت المادة 159 إشانة سمعة والقانون الذي اعرفه انا قانون (خواجاتي ) وداير واحد قانونجي سوداني ود بلد يوريني اكان نوع الكلام ده فيه إشانة سمعة والا لا؟ عشان عندي كلام كتييييييييييييييييييييييييييير داير اقولو وبوستتي علي العليها اتملت زي بحر الدميرة
وثانيا: قبل ما يهجم علي شقتي (ناس مباحث وامر قبض بالارشاد ديل علي الرغم من انو الدنيا كلها عارفه بيتي ونمر تلفوناتي ) بي عربات الجامعة الدبل كبينه البتجيني اتنين اتنين بعد الساعة خمسة في المساء (عشان يحصلوا كمان مساكين يقبضوا حق الغدا وحق العشا وملاح بكره ) احسن من الان اقر واعترف انا لا ولم ولن اردد او اعيد ما يصل ليدي من ناس حقائق الحقائق الاسمهم ديل بذكرني باهلنا اهل الطرق الصوفيه او غيرهم حتي لا اقع تحت ما ظهر او بطن من طائلة قانون السودان الجنائي لعام 1991 الكل زول بفسروا علي مزاجو و القالوا لي ممكن يلحق الزول (سوداني ، خواجة ، عفريت ما مهم) محل ما يكون.
المهم انا ما بعيد كلام اي زول لو لم اكن انا شاهد علي بعض ما جاء فيه او عندي عليه الدليل وإن كان زاتو حكاية شاهد ودليل دي حاجه خواجاتي لانو بعض ناس السودان كالبنيان المرصوص يشد بعضة بعضا. وسوف اواصل إن شاء الله تناول كل ما يصل ليدي من الرسائل التي يكون بامكاني تدعيمها بالدليل سواء ان وفر الراسل ذلك الدليل او كان متوفر اصلا لدي . النشر سوف يكون باعلان الاسماء او اخفائها حسب ما يقتضيه الحال وربنا اسمه الستار وامر بالستر في مواقع بعينها.
كذلك ساقوم بحجب الاسماء فيما اورده مستندا علي حاجه كدي زي فقه الضرورة للمحافظه علي اعراض بعض الناس حتي لو لم يخاف هولاء علي انفسهم او علي مواقعهم او علي غيرهم .
اخيرا قد رايت الفصل في العرض والتعليق بين رسالة ناس حقائق الحقائق والمرفقات حتي اوفي كل منهما حقه.
اما انتو يا ناس بورد البكري شيلوا شيلتكم . بالذات المهاجرين القايلين ارزونا وكوريا واستراليا واليابان والسويد وغيرها بعيده عشان سودانير ما قاعد تصلها والدخول ليها داير اجراءات تسل ال . اصلوا اخوانا بتاعين الخليج وبعض الدول العربيه اكان ما جابتهم الاجازات والفرح والكره اهل السلطة والسلطان في بلادهم ما بقصروا اكان طلبوا منهم يتناولوا اي واحد (خدمة كدي) ما بقصروا خصوصا قالوا لي الجماعة متفرغين ومفرغين ليكم اولاد ولعة و(العيش مصيروا يجي الطاحونه) ...
يتبع/.........................
|
|
 
|
|
|
|
|
|
|
|
Re: جامعة السودان المفتوحة: ده فساد ! إشانة سمعة! وإللا امكانيات ؟ يمكن مرته ..يمكن اخته في الر (Re: محمد مصطفي مجذوب)
|
_______________________________________
حال الجامعة المفتوحة
________________________________________
حقائق الحقائق 21 September 2010 06:37 To: [email protected][/left
حقائق الحقائق <
[email protected]> 21 September 2010 06:37
To: [email protected]
بسم الله الرحمن الرحيم
هذا خطابنا الذي كتبناه للسيد مدير الجامعة المفتوحة عندما راينا الفساد قد انتشر في كل بقاع الجامعة بما فيها المناطق التعلمية من فساد اداري واخلاقي في منطقة ؟؟؟؟؟؟؟؟؟؟؟ مع مديرها ؟؟؟؟؟؟؟؟؟ والقصة سوف ترسل لك بتفاصيلها لاحقا ومنطقة ؟؟؟؟؟؟؟؟؟؟؟؟؟ وفسادها المشهور مسجل المنطقة شيد منزل بقيمة 250 مليون الاستاذة ؟؟؟؟؟؟؟؟؟؟؟.منطقة ا؟؟؟؟؟؟؟؟؟؟؟؟؟؟ وايصال التقديم بها 40جنية بدلا عن 25 جنية والادارة تعلم بذلك والبطاقة 5 جنية لكل طالب بدون ايصال والادارة تعلم بذلك. والنجاح في المادة في ؟؟؟؟؟؟؟؟؟؟؟؟ بهتك الاعراض .والفساد عم كل المناطق هذا علي سبيل المثال
السيد / مدير الجامعة المفتوحة
السلام عليكم
قال تعالي(إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ إِنَّهُ كَانَ ظَلُومًا جَهُولًا (72)( سورة الأحزاب).
وقال الحق: «و لايجرمنكم شنان قوم علي الا تعدلوا اعدلوا هو اقرب للتقوي».
وقال (ص) :(كلكم راع وكلكم مسؤول عن رعيته)
انطلاقاً من هذة المبادى النيرة ووصلاً وحرصاً علي نهج المسيرة القاصدة لله وبصفتكم من حملتم الامانة وعلية رافعين اكف الضراعة لنا ولكم السداد والاجتهاد واسال الله ان يتقبل منا ومنكم ، فالحق يستلزم ان نثير هذة النقاط املين الرد:
1/ باى حق تم تقسيم الوظائف بين عشيرتك وعشيرة الوكيل (حسبنا الله ونعم الوكيل) وانتم قسمتموها قسمة ضيزى .
2/ باى حق يتم التصديق بتوزيع اثاثات الدولة للعاملين المقربين منكم، هل أقمتم (مزاداً علني)وبهذا اذكركم ان ابى موسى الاشعري اتى يوما ليلا الى الخليفة الراشد عمر بن عبدالعزيز رضى الله عنة لكى يرفع لة التقرير الشهرى عن امور الولاية التي كلف بولايتها ،فانار لة السراج المنير فتحدث معة عن احوال الرعية ولم تطرق الحديث الى شأن بيت الخليفة اطفا الخليفة السراج وقال له تحدث فى الظلام لان السراج ملك للدولة .
3/ باى حال تم تعين الفاشلين وطردالمؤسسين هل هذة هى الانطباعية ام ازدواجية المعايركما تم تعين بنت اختك التى تكون بالكاد قد اكملت الخدمة الالزامية .
4/ هل تدرى ان جامعة السودان هى اول موسسة بها اكبر عدد من الاخوان الاشقاء.
لاتظلمنَ اذا ماكنت مقتدراً والظلم يرجع عقباه للندمِ تنام عيناك والمظلوم منتبهاً يدعو عليك وعين الله لم تنمِ
(عند الله تجتمع الخصوم)
املين النظر بعين الاعتبار والاخذ بالاسباب المنجيات
(اللهمَ بلغت فأشهد)
]التعليق علي رساله الراسل
اشكر راسل البريد و يسعدني التراسل معه ومع من يرغب مباشرة فيما يرضي الله ورسوله متي ما اراد وكيفما اراد . وارجو المعذرة لحجب الاسماء لا سباب لا تخفي عليكم فاننا لا نسعي وراء القدف بقدر ما نعمل علي اصلاح الحال بما يرضي الله ورسوله .
1. ما كنت سانشر محتوي هذه الرساله لوكانت حول منطقتي ************* و ***************** فقط. ولفظ (منطقة) هنا مراد به مناطق الجامعة المفتوحه التعليميه والتي وكان ومازال اللغط يدور حولها بكثرة داخل وخارج الجامعة ولا يعني المدن او الولايات التي تقع فيها هذه المناطق التعليمية . وسوف اتناول بالتفصيل مناطق الجامعة المفتوحة وحساباتها وما يدور فيها في وقت لاحق
2. موضوع تقسيم الوظائف علي المعارف والاصحاب وذوي القربي و تسكين بعض العاملين في درجات غير تلك التي يستحقونها او دفع بعضهم لتخطي الاخرين لسبب او اخر من امور الفساد التي تقتضي المعالجة سرا وعلنا. هذا وقد تناولت امثله لما يحدث بالجامعة. وسف اعود محللا لها في المستقبل باذن الله
3. موضوع الاثاثات والاجهزة والطريقة التي تم بها فتح الباب لمجموعة بعينها لتختار ما تختار ثم بعد ذلك تم طرح ما تبقي علي بقية الناس لم اعاصرها بالجامعة فقط بل كتبت للمديرفي ملء احتياجات التعليم التقني والتدريب من تلك الاثاثات والاجهزة. وقد ورد علي سيادته حينها بان احتياجات التعليم التقني ستوفر من خارج السودان وبأحدث المواصفات. ولما لم توفر كتبت ثانية وثالثة ولم يصلني رد خلاف ما تلقيت من وعود شفاهة لم تحقق حتي تاريخ اليوم.
4. الشاهد إن (اهل العزوة واهل المودة ومن الف الله سبحانه وتعالي بين قلوبهم من اولي القربي!) اعتمادا علي وعد الإدارة بإستقطاع قيمة ألاثاثات والاجهزة والتي فرضت لها اساسا قيم اسمية بالاقساط المريحة جدا لعدة اشهر وضعوا ايدهم علي اجهزة واثاثات تساوي اضعاف حجم مرتباتهم. ويبدو إن هناك من وعد لحكمة يعلمها الله سبحانه وتعالي و د. ؟؟؟؟؟؟؟؟؟؟؟؟؟؟ ببديل نقدي يبلغ 100% او اكثر من مرتباتهم.
5. انا شخصيا لم اسمع ببديل نقدي يصرف في الجامعة المفتوحة او في جامعات الاخري إلا عندما وصل ليدي الخطاب المرفق ادناه ولا اعلم هو بديل لماذا حتي الان. وبما إن فترة عملي بالجامعة لم تتعد السته عشر شهرا ولم ار او اسمع بانه صرف لي اولاحد العاملين معي فيبدو انه يستحق الصرف بمواصفات وقدرات معينه. وربما لآن هذه لم تنطبق علي شخصي او علي احد الذين عملوا معي او ربما صرفه العاملون معي وإتغاتتو علي وتكتموا امره حتي لا اطالب انا به. عموما دي ما بتشبهم لكن ما خفي في الجامعة المفتوحة اعظم
يتبع/....................................
| |
|
|
|
|
|
|
|
|
|
Re: جامعة السودان المفتوحة: ده فساد ! إشانة سمعة! وإللا امكانيات ؟ يمكن مرته ..يمكن اخته في الر (Re: محمد مصطفي مجذوب)
|
6. الغريب في الامر انه لما ارتفعت اصوات الاحتجاجات علي حجم والكيفية التي تملك بها بعض المقربين هذه الاثاثات والاجهزة وكثرت شكوي ممن حرم من بقية الزملاء من الذين سمعوا بتوزيع تلك الاثاثات والاجهزة بعد أن ملك اصحاب الحظوة منها ما ملكوا، أصدر ؟؟؟؟؟؟؟؟؟؟؟؟؟؟؟ توجيهاته وهو خارج البلاد بإستقطاع القيمة بالكامل من مرتب ذلك الشهر الذي وزعت فيه الاثاثات والاجهزة. خصم 100% ادي الي عدم قبض بعض العاملين لمرتب الشهر بمجملة. فانتهي الامر ببعضهم للسعي وراء سلفيات من هنا وهناك.
7. وبما انني (ميسور الحال) وعايش مرتاح باروبا في يوم طلب مني زول لاب توب Laptop وإعتذرت عن الاستجابه لطلبه لاني كنت عارف انو داير يملحني . ومن يومها صارت استحقاقاتي وطلباتي المصدقة ( يوم تكون في بنية اصيله تختها في الجرح تبراهو شغاله ورقي يظهر في دقيقه زي ضو الشمس ولمن البنيه تكون في اجازة ورقي يختفي ...وأكان ظهر الورق وللا اختفي من يوم اللاب توب حقوقي بقيت اشمها قدحة. ويوم شالتني هوشة اهلي الجعليين وقفت جامدا مطالبا ببعض حقوقي قال لي سيد اللاب توب بالفم الميلان ( انت القروش داير بيها شنو؟) .
8. بي فهم القروش داير بيها شنو ظل عدد من العاملين يطلبون مني العون او السلف او الاثنين معا خصوصا عندما قام ناس اللاب توب ما صدقوا انو جاتهم تعليمات ؟؟؟؟؟؟؟؟؟؟؟؟؟؟؟؟؟؟ ووقعوا خصومات. تقيله في المرتبات عموما في المناخ ده وبالفهم ده ورد الي مع المراسله يد بيد الخطاب ادناه .
ارجو ان انبه مرة اخري الي انني قد حجبت عامدا اسم مرسلة الخطاب وتلفونها وإسم الدكتور المشار اليه في الخطاب .
هناك امران تسببا في ازعاجي في هذا الخطاب وهما:
1. قول صاحبة الخطاب انه لو كان دكتور ؟؟؟؟؟؟؟؟؟؟؟؟؟؟؟؟ في البلد لما احتاجت هي ان تطلب سلفية مني. وبالبلدي كدة انا خفت إن صاحبة الرساله تطلع قريبة الدكتور وبعدين الدكتور وجماعتو يقوموا يصروها لي ويتهموني بتسسليف بناتهم عشان ازل فلان وعلان و اصلو انا قصتي مع بعض (دكاترة) ومدعين (الدكترة) الجامعة جاطت اهو من قولة بسم الله الرحمن الرحيم.
2. شلت هم انو دكتور؟؟؟؟؟؟؟؟؟؟؟؟؟ وقانونجية الجامعة الجارين ورا الحوافز والقفز بالزانه ومافيش حد احسن من حد ووكلاء النيابة وناس البوليس السالين سكاكينهم بفهم او عدم فهم لمعني دوائر الإختصاص لمعالجة الكتابات المكتوبة ومنشورة خارج السودان او التكييف القانوني بين الشكوي المرفوعة لرئيس الجمهوريه وما يتناقله الناس من احاديث واشاعات في مجالسهم الخاصه والعامه وما اراده المشرع السوداني في تعريفه او استثنائاته المنصوص عليه في الماده 159 إشانه السمعة من قانون الجنائي لعام 1991 المسلط علي رؤوس الناس ويستغل لتكميم الافواه خصوصا اقلام الصحفيين
3. يا زول خفت عديل انو الجماعة ديل بدل حاجات خفيفة كدة زي إشانة السمعه بتاعة السته اشهر والغرامة او حاجات تقيله زي خيانة امانه الفيها سجن سبعة سنوات وغرامة كمان تقوم تتفتح عبقرياتهم علي تفسير تسليف هذه السيدة بانه تحرش جنسي Sexual Harassment وينكتوا لي حد من الحدود ونبقي في رجم وقطع وعلي الرغم من اني ساكن لندن (عمارة فوق) يقوموا يصروا يغربوني في الحي السوداني في ماليزيا مثلا وطبعا هم عارفين كويس نحن بتاعين اروبا ديل لا بنعرف (وضح نهار) ولا عندنا (عرفي) ولا بنعترف في حاجة اسمها (بزواج المسيار) ولا عندنا شغله بعقود (المتعة).
كلامنا في اروبا يا قسيمة عديل وياGirlfriend علي عينك يا تاجر. علي الرغم من انو ال Sexual Harassment ده في اروبا بتخرب بيت الزول عشان نسوانا السودانيات بعرفوا يدخلوا النت وينكتو الفيها كلو وبخرب بيت الجامعة او المؤسسه الشغال فيها الزول بي غرامات وتعويضات جامدة عشان الخواجيات زرق وبيض عارفين القانون احسن من اي واحد متدكتر زي ناس ؟؟؟؟؟؟؟؟؟؟؟؟؟؟ كده.
4. انا كمان زول عامل بتاع قانون وما داير بي حسد واللا غيره اقوم اسئ الظن واقعد انطط في الكبيره والصغيرة زي الزول البلم في القزاز بالكارو اصيح واكورك فساد ....فساد ....فساد . بس النصيحة ما قادر ابلع حكاية انو ست الخطاب عندها مش قدرة وبس لكن كمان منتهي الثقه في انها ممكن تطلب مبلغ اكبر من مرتبها من الدكتور الكبير؟؟؟؟؟؟؟؟؟؟؟؟؟ الكبير الله . ودكتور فلان ده معروف انو يدو طويله ولاحقة وكرمه مع ست الخطاب ما داير شرح ودي لا فيها شتيمة ولا إشانة سمعه ولا دايره ليها حليفة. واهي ست الخطاب طايره علي عينك يا تاجر طيران زي الاواكس من الدرجة 17 الي الدرجة 13 في خلال سنتين بس. علي الرغم من انو زمان الزول ما بدخلوهو الخدمة المستديمة الا بعد سنتين وما كنا بنمرق من Q لي DS ( اكان جا الجيش زي ما بتي قاعدة تقول ) إلا بعد اربعة سنوات .
5. وبمناسبة زمان دي (والله يطراك بالخير يا شوقي بدري) كان قبال نهاجرلاروبا من سنة حفروا البحر بقولو لينا البيوت اسرار. يا مؤمن يا مصدق انا قعدت انحت في راسي وافكر براي كدي واقول
يمكن يا ربي ست الجواب تطلع زوجة الدكتور الصغيرة وداسيها عشان خايف الكبيرة تمسكتها الغيرة . وبعدين اهل الكبيره...... تطلع في راسهم يلموا عليهم قروشم الكتيرة ......وما يخلوا لي ناس الله ....لا فطيرة لا خميرة.
تاني قلت يا ربي يمكن اخت الدكتور في الرضاع واللا هي (الرضاعة) والله العربي بتاعنا زاتو اتمسخ ....عموما اكان رضاعة والا رضاع وده ما فيها شهادة بس ممكن تثبت بي تحليل ال DNA
تاني قلت يا زول يمكن حماتو...... والحماه اكيد بتدخل في الحرمات اكان الشريعة ياها البنعرفها من زمان وما طورها الجماعة لي موديل 2010 زي ناس مسيار وبتاع.......والا كيف يا ناس الشريعة ؟
واللا يمكن بت جيرانهم والنبي عليه افضل الصلاة والسلام اوصي علي سابع جار وهي طبعا ساكنه في (............) والراجل ساكن في قصور (.................) مع اهل الحسب والنسب والفرق بين ناس (.................) اصحاب البلايين ومتوسطين الحال الفيهم اصحاب الملايين وناس (..................) ناس الملالين الفي الرماد متمللين كلها كام مربع وشوية طبقات وحد ما حوش
المصيبة هي ست الجواب نفسها قطعت لي الشك عندما سألتها عديل كدي وقالت لي هيي ده (حوا وادم ما بلمونا ) وبالحرف الواحد وعلي اليمين قالت لي (هو لا قريبي و لا في صلة نسب ولا جيرة و لاكان بعرف خشم بيتنا بي وين) الا بعد ما اشتغلت معاه بي زمن واضطريت مرات اقعد لمن وقت الشغل يكون كتير { مساكين ربنا يعظم اجرهم } هو د. ؟؟؟؟؟؟؟؟؟؟؟؟؟؟ ما برضي يخلي زول تاني يوصلني بيتنا بس شارعنا كلو حفر هو بنزلني في راس الشارع )
طبعا انا بصدق وبسال الله اني اكون مؤمن وعشان اكون مؤمن طبعا لازم اكون صديق. وعلي الرغم من انى عرفت انو ود الصديق السمو العوض زاتو ناس الجامعة اشتكوه هو وناس جريدتو علي حمد وخوجلي والا يا ربي اشتكوه لي سيد الجريده حسين خوجلي. في ظني ويخيل لي اني سمعت طشاش طشاش زاتو حسين خوجلي شاكينوا معانا .......... والله كبرنا وبقينا نوزع غلط . حسين خوجلي ده ما توب جريدتو دي يقفلوا ويفتحوا فيها طالع نازل زي السسته البايظة
6. عموما انا براي قلت برضو ياولد ما دام كل شئ في السودان أتطور طيب التطور ما يا هو دا برضو جا علي المكاتب وبقي الزول الداير يتعين اكان ما عندو هو امكانياتو ما كاربه بقولوا ليه انت المذكيك منو؟
البنية دي الما ذكاها زول للتعيين لازم يكون في واحد تاني اقوي يعني واسطة مدنكلة من العيار التقيل لقط امكانيتها وزكاها زك عشان كدي طارت طيران من السبعتاشر للاربعتاشر في سنتين . المصيبه انها هي ذاتا اتحلفت واتجزمت بالتقطعا حته حته قالت لي هي الحكاية اصلها قسمة ونصيب في يوم حبوروسرور .... جات من بيتم تزور.......... واحدة شغاله مع صاحب الدكتور. ووقالت بالحرف الواحد انو الدكتور وكت؟؟؟؟؟؟؟؟؟؟؟ شافا (براهو نطه وقال لي انتي باين عندك امكانيات كويسه ما تجي نشغلك ومن يومداك هو ما مقصر معاي)
قلت طالما امكانياتها كويسة والراجل ده هو الاكتشف مواهبها .....دي كدي بتفسر لي حكاية 13-17 الكانت واقفه لي في زوري دي. وطبعا اذا عرف السبب بطل العجب والما عاجبو ينفقع والا يمشي الجريف يكوي البحر في صرتو
قلت برضو طيب مادام الموضوع موضوع امكانيات ومواهب مرات ما بتشاف بالعين المجردة وما بعرفا الا الزول الخبير (زي ضواقة ال Wine ) مين عارف كمان يمكن هي وهو داخلين في (خته) .......والا يمكن هي مستثمره عندو خصوصا الراجل بتاع استثمارات وتجاره وكنوز من حديد وذهب وفضه ......واللا (احتمال يكون شايل ليها قروش يعني زي موفره عندو) وعموما ما بين الخيرين حساب .
7. بس ده كلو كوم والكتبتو لي في اخر الجواب كان كوم تاني . زي افلام جيمس بوند راحت خاتما لي الجواب وبي لهجة كدي ما بتاعة زول داير سلفيه كتبت تقول لي ( ارجو ابادة الورقة بعد الاطلاع ) . المصيبة لمن اعتذرت من حكاية السلفيه دي جات تسألني زي الكانت مكيسا ليها واحد وفرتقت ودايره تلم صورتا منو وقالت لي (الجواب قطعتو)
الجزء الثاني رد سكرتيرة مدير الجامعة علي حقائق الحقائق والتعليق يتبع/..............................
| |
|
|
|
|
|
|
|
|
|
Re: جامعة السودان المفتوحة: ده فساد ! إشانة سمعة! وإللا امكانيات ؟ يمكن مرته ..يمكن اخته في الر (Re: محمد مصطفي مجذوب)
|
لاجل أن يستقيم المعني أعيد نص رسالة حقائق الحقائق الموجه للسيد مدير جامعة السودان المفتوحة ومحتواها كالاتي:
السيد / مدير الجامعة المفتوحة
السلام عليكم
قال تعالي(إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ إِنَّهُ كَانَ ظَلُومًا جَهُولًا (72)( سورة الأحزاب).
وقال الحق: «و لايجرمنكم شنان قوم علي الا تعدلوا اعدلوا هو اقرب للتقوي».
وقال (ص) :(كلكم راع وكلكم مسؤول عن رعيته)
انطلاقاً من هذة المبادى النيرة ووصلاً وحرصاً علي نهج المسيرة القاصدة لله وبصفتكم من حملتم الامانة وعلية رافعين اكف الضراعة لنا ولكم السداد والاجتهاد واسال الله ان يتقبل منا ومنكم ، فالحق يستلزم ان نثير هذة النقاط املين الرد:
1/ باى حق تم تقسيم الوظائف بين عشيرتك وعشيرة الوكيل (حسبنا الله ونعم الوكيل) وانتم قسمتموها قسمة ضيزى .
2/ باى حق يتم التصديق بتوزيع اثاثات الدولة للعاملين المقربين منكم، هل أقمتم (مزاداً علني)وبهذا اذكركم ان ابى موسى الاشعري اتى يوما ليلا الى الخليفة الراشد عمر بن عبدالعزيز رضى الله عنة لكى يرفع لة التقرير الشهرى عن امور الولاية التي كلف بولايتها ،فانار لة السراج المنير فتحدث معة عن احوال الرعية ولم تطرق الحديث الى شأن بيت الخليفة اطفا الخليفة السراج وقال له تحدث فى الظلام لان السراج ملك للدولة .
3/ باى حال تم تعين الفاشلين وطردالمؤسسين هل هذة هى الانطباعية ام ازدواجية المعايركما تم تعين بنت اختك التى تكون بالكاد قد اكملت الخدمة الالزامية .
4/ هل تدرى ان جامعة السودان هى اول موسسة بها اكبر عدد من الاخوان الاشقاء.
لاتظلمنَ اذا ماكنت مقتدراً والظلم يرجع عقباه للندمِ تنام عيناك والمظلوم منتبهاً يدعو عليك وعين الله لم تنمِ
(عند الله تجتمع الخصوم)
املين النظر بعين الاعتبار والاخذ بالاسباب المنجيات
(اللهمَ بلغت فأشهد)
ناس حقائق الحقائق قالوا السيد مدير الجامعة المفتوحة ( السابق) مش (الاسبق زي ما هم كاتبين ) كلف سكرتيرته ؟؟؟؟؟؟؟؟؟؟؟؟؟؟ ترد عليهم كما موضح ادناه.
السكرتيره ؟؟؟؟؟؟؟؟؟؟؟؟؟؟؟؟؟؟رسلت لجماعة حقائق الحقائق خطاب يقول
الأستاذ/ المحترم
السلام عليكم ورحمة الله تعالى وبركاته
مرسلة لكم رد إدارة الجامعة على خطابكم المرسل بتاريخ 9/3/2010
1. بخصوص توزيع الوظائف بين عشيرة مدير الجامعة والوكيل
أ) أرجو أن تدلنا على من عُيِّن منهم في وظائف عليا كهيئة التدريس
ب) أمّا من تم تعيينهم في وظائف موظفين وعمال فلقد تم تعيينهم عندما كانت هذه الجامعة لا تجد من يرغب في التعيين
لها حيث كان هنالك شك حول استمرارها فعُيِّنوا بها في ذلك الوقت، بل أن العاملين منهم حرسوا هذه الجامعة ومنشآتها الأخرى وهم يسكنون في العراء تقديراً فقط لمن أتى بهم.
ت) كما نفيدكم بأن التعيين في هذه الجامعة اعتمد على السيرة الذاتية والتذكية ولهذا اشترك في التعيين كل العاملين بهذه الجامعة من هيئة تدريس وخلافه فلماذا يُحرم على المدير ووكيل الجامعة؟
2. أمّا بخصوص توزيع الأثاثات فنقول لكم أن المزاد لا يُقام داخل المؤسسة بل كُوِّنت لجنة لهذا العمل وهي التي قامت بالتوزيع على الأسس الآتية:
أ) التوزيع للمناطق التعليمية وهي جزء من الجامعة
ب) الفائض يوزع على العاملين، كل العاملين بالجامعة من رغب منهم وبالقيمة وكل من قدم طلب صُدِّق له إذا كان طلبه موجود، والطلبات والتصديقات بطرف اللجنة، هل هناك من ظلم؟
3. أمّا بخصوص تعيين بنت أخت المدير فلم يُظلم بسببها شخص آخر بل بداية تم تعيين من تقدم لوظائف المحاسبين قبلها، وهل هناك شخص تقدم لهذه الوظيفة قبلها أو بعدها؟
نسأل الله ألاّ يكون هناك ظلم لأحد وهذا حال الخدمة المدنية.
؟؟؟؟؟؟؟؟؟؟؟ ؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
Open University of Sudan
V.C. Office
Phone No: 0183242774
(انتهت الرساله)
| |
|
|
|
|
|
|
|
|
|
Re: جامعة السودان المفتوحة: ده فساد ! إشانة سمعة! وإللا امكانيات ؟ يمكن مرته ..يمكن اخته في الر (Re: محمد مصطفي مجذوب)
|
التعليق
البنية السكرتيره ست الجواب دي (يا حبة عيني) جابوها عشان تحل محل واحدة. وعشان ما نظلم الناس ساكت انا ماني عارف اكان الواحده ديك كانت سكرتيرة واللا واحدة ساي جابوها تسد محل السكرتيرة الاصليه. المهم قالوا بس هي ما صدقت وعملت ليها قرينات ظنيتو كانت ماليا ايدا شديد وقامت تنهر وتقهر (زي الزول السرو باتع وحمدو في بطنو) .
بس النقه كترت و اتدخلن فيها بنات العم وبنات الخال ستات البيوت. وخلوالطابق مستور ما دايرين نكشف الحال. قامو اتسلطوا علي الزوله السدايا وما رضايا وزحزحوها ليك . وفي الوقت المقروصه فيه الناس وبيوتهم جاطت وبقت ساحة حرب تقوم السكرتيرة الهي اصلها من بنات الغرب ...جات طاشا بالدرب. بس حقوا الناس تفهم كمان ...وما تقوم تلخبط الكيمان .... بت الغرب دي ما ياها الننططوها من السبعتاشر للتلتاشر حته واحدة .
عموما بت الغرب انجليزيها اخير من المكلف والملفلف . عشان هي اصلها درست في الاردن محل المناهج.... مناهج ، والامتحانات.... امتحانات ، والاساتذه خشم بيوت والشهادات.... شهادات. وهي اصلها بتاعة كيميا . و بدل ما يختوها في حته تسوط وتكب فيها ، لطعوها ليك سنتين عشان يشيلوا نفسهم من الدواس الكان حاصل وبعدين يتخارجو منها. قال ايه ... قالوا ليها اقعدي اتدربي سكرتيره. سنتين..... التقول بدربوها عشان تبقي سكرتيره الامم المتحدة .
النصيحه لله ، بت الغرب طلعت بت ولعه ...وهاك يا تنسيق ما بعرف كيف...وهاك يا برمجة مواعيد ...وهاك يا ادب في التلفون وهاك وهاك ... وده كلو كان ملح عشان شنو ...عشان بتتدرب.
لامن يوم يازول... اظنوا ضربتا ليك قفله والا فلسة والا يمكن قفله وفلسه غرباوية مأصله ومفصله امها بت عم ابوها. وراحت كدي ناطه ليك و داخله علي المدير وقالت ليهو ( يا بروف خلاص انا حفضت لوح السكرتاريه دي وشبعت تدريب لامن انفخت وضلعي طقطقن و كترخيركم وبارك الله فيكم انا خلاص ماشية علي بيت ابوي).
المدير يا زول ....بالاول اتوهم ولمن قالت ليهو انا اصلي كنت بتدرب .. حتي يادوبك اليوم داك المديرعرف انو البنيه قاعده بي صمة خشما سنتين لا مليم ولا عشره.
المدير اتصدم و صنقع دنقر وفتح خشمو وقال ليها (بسم الله الرحمن الرحيم ... تدريب شنو) .وقام قال ليهم عينوها هسع دي
اهلنا قالو الصالحين ثلاثه . نوع بعرفو الناس وهو ما بعرف نفسو ونوع بعرف نفسو والناس ما بتعرفو والنوع التالت لا بعرفو الناس ولا بعرف نفسو . النصيحة لله والموت في الزمن ده قوام قوام والقبر قدام . ابو السكرتيره بت الغرب دي وامها الاتنين بروفسيرات (شريعة وحديث) من اللي بالك عليهم. والشهادة لله ، والشريعة ليها بالظاهر ، امها وابوها ناس بعرفوا الله عرفه جد. وإكان ما اخاف الكضب اقول انو البابا والماما من نوع الصالحين اللا بعرفو نفسهم ولا بعرفوهم الناس .
والبروفسيرات الاتنين غير البنيه السكرتيره دي (وعيني بارده) عندهم تاني بنيات اصل وفصل. فيهم الدكتورة وفيهم بتاعة الانجليزي والفرنساوي وفيهم بتاعة اللغة العربيه . وعندهم ولد واحد دمو حار وفاهم فهم تمام. الحجاج ما قصروا تب وربو اولادهم ديل تربيه مافيها خمج. واكان حكايه البربي ثلاثه بنات بتدخل الجنه ، وحات الحسن وولده حسن البروفسير والبروفسيره من ناس ( الصالحه والفالحة ) وبي ثلاثه بنات بس داخلين الجنه عدل و خليك من حكاية الزاوية القاسم بيها الحاج نص البيت وخليك من حكاية ختمة القران الكل يوم والتاني وخليك من الشنو والشنو وربك يعظم اجرهم ويحسن اليهم .
لكن قالوا الحلو مابكملش . البنيه السكرتيرة بي ادبه وتهذيبا ده كلو طلعت خوافه ورجافه وذمتا واسعه شوية. وجنها وجن تقول ليها هاكي شهادة واللا جيبي شهادة . حتي اكان قالت ليك فلان ده اتشهد قدامي .....وجيت راجع وقلت ليها بتشهدي انو فلان ده .....ردد الشهادة قدامك؟ تقوم تطير عيونا ...وتنكر وتمكر ...لامن تشكك في روحك . وتحلف وتتحلف وتقول لا سمعته و لا رأيت. حتي في الكلام الجابتو هي ذاتا والناس مسجلنو ليها . واللا حتي اكان كتبتو بي خط يدها ...خليك من حكاية بي كمبيوتر ومرسلاهو بالميل حتمال تكون ما ماضياهو. علي الرغم من اثبات الميل اسهل واضمن من الامضاء بالذات اكان الموضوع بقي فيهو بوليس وتحري والا دكتورا قاهر كدي زي دكتور ؟؟؟؟؟؟؟؟؟.
عشان كدي انا لو ما مالي يدي من رد السكرتيره الكتبتو لناس الحقائق ديل ...كنت بلم لساني علي . عشان اكان الموضوع طلعت فيها (إشانة سمعة وانا ما ناقص) وجبت السكرتيره دي للشهاده ياها الماكره وناكرة وياها الممكن تعمل رايحة وتشكك في روحك ده اكان هي ما قالت اصلوا لا بعرفك ولا شافتك قبل ده .
وعلي الرغم من الدين والصلاه المدفقين بي جاي وبي جاي تقوم تنسي ليك حكاية الملكين القاعدين فوق الكتفين وبسجلوا لي وليها. وتنسي ليك انو انا زول بتاع توثيق وبسجل صوت وصوره اصلو عندي ذاكره بسم الله وماشاء الله ديجتال خفيهيا ..... يا ربي نست ....ولا ياربي هي يمكن تكون ما كانت عارفه....... واللا ياربي هي عارفه وعامله ناسيه عشان هي مطمئنه ......انو انا بغلب الجهر بالمعروف. عموما لابد يجي يوم واقول يا حسن من البتسوي بي ايدك وبغلب اجاويدك و الفوله بتتملي والبقاره بتجي.
يتبع/........................
| |
|
|
|
|
|
|
|
|
|
Re: جامعة السودان المفتوحة: ده فساد ! إشانة سمعة! وإللا امكانيات ؟ يمكن مرته ..يمكن اخته في الر (Re: محمد مصطفي مجذوب)
|
عموما نرجع لخطاب الجامعة. واحب اقول هو اولا واخيرا بيعتبر خطاب رسمي من الجامعة اكان مضتو والا ما مضتو السكرتيره واللا اكان من ميلا هي واللا من ميل المدير . وانا بثبت انو الخطاب ده فعلا اترسل لي ناس حقائق الحقائق ديل وعشان كدي داير اعلق عليهو شويه.
النقطه الاولي في خطاب الجامعة لجماعة الحقائق جات في شكل (أرجو أن تدلنا على من عُيِّن منهم في وظائف عليا كهيئة التدريس) ودي بتنقل للناس المستوي المتردي في إدارة شئون الجامعة الاداريه والماليه. ومادايرا ليها حليفة انها بتفسر بدرجة كبيره الفساد البننبح فيهو ودايرين الجماعة يودونا فيه التوج .
1. وعشان نشرح زياده نقول جامعة البخت دي ما نكرت تعيين ناس في الوظائف العليا ...العالي الله. بس دخلت مع ناس الحقائق في مجارره زي حنة الاصبع الواحد (بتاع اكان راجل تمها) الطالعا موضه في الخرطوم. وقالوا لي ناس الحقائق ديل (كدي اكان انتو عارفين صحي ورونا منو العيناهو ) يعني بالدارجي كدي ختوا ريشة فوق راس الزول البتتكلمو عليهو وادونا فرصه نرتب ردنا ونجيكم ).
I. مدير الجامعة كان ممكن يقول لي ناس الحقائق والله (موضوع تعيين هيئة التدريس ده بتم خصما علي الفصل الاول. فالوظيفه وشاغل الوظيفة لازم ناس وزارة التعليم العالي يصدقو عليهم . فكان في وظئفه مليناها في هيئة التدريس الحكايه ما بين (اهل المدير واهل الوكيل). وزارة التعليم العالي ذاتها لازم تكون ورطانه معانا لي شوشتا.
II. لكن في الحقيقه الحالات الجامعة بتقدر تلعب فيها هي حالات التعيين بالمشاهره البتكون خصما علي الفصل الثاني واللا من موارد الجامعة الذاتيه. وفي الحالات دي بتم تسكين الزول البدورو باعد ما يساوموه. وبساوموه بعد ما يخدروهو بي كلام معسول نوع ( احنا خاطبنك ورينا داير كام واحنا جاهزين). تقوم الحكاية تطلع في راسك وتقول ليهم (ها ناس نحن ما اهل انتو سو الدايرنو) وتبقي زي الغرابي العمدتو قال ليهو يا شيخ فلان ما تنورنا وادينا رايك . الراجل اتنحنح وعدل عمتو وقال ( ياعمدة انا كان معاكو..واكان قت كي معاكو).
III. كمان الجامعة برضو بتاخد راحتا في حالات الانتداب. وفي الحاله دي الجامعة بتلقط البتدورو من الجامعات التانية . وهاك يا كرم بتضيف ليهو بدل شنو وبدل شنو . مرات البدلات دي تحصل مره ونص و اللا مرتين قدر مرتب الزول
2. والشاهد انو جامعة السودان المفتوحه دي والمفروض انها حكومية و مؤسسه عامة. لكن كشف مرتباتها وبدلاتا وحوافزا البدوها للعاملين كلها اسرارما بعرفا الا الوكيل وبتاع الحسابات والمدير احيانا. والجامعة ما بتسمح حتي لمديرين الادارات اكان نطو من الطابق الرابع يشوفو كشف المرتبات واللا الحوافز ) زي التكنها كلها اسرار عسكريه و اللا من اسرار الامن القومي. و السريه دي هي سبب الانفلات الحصل والنحن كتبناهو في كشف الاساتذه وكشف العاملين.
3. من التجاوزات البتحصل بسكنو ناس في درجات لا خبراتهم ولا شهاداتهم بتديهم ليها. وكمان يا زول واقعين ليك ترقيات نقديه والكاش انت عارفو بكمل النقاش. كمان من التجاوزات ترقيات ناس وناسات ويفتوهم ليك القاعدين معاهم والقاعدين قبالهم . وطبعا الرزق بجب الخفيه فما زول بعرف الحاصل شنو والبعرف ما بفتح هشمو يقول تلت التلاته كام. يا زول مرات يقومو يرقو ليك ناس وبي أثر رجعي حتي مدير الزول لا بكون عارف ولا بكون موافق.
4. اما نقل العاملين من إداره لاخري اكان بي سبب والا بمزاج الوكيل يتم باوامر زي الاوامر الجمهوريه لا تقبل النقض و لا المراجعة. بس د. ؟؟؟؟؟؟؟؟؟؟؟؟؟؟؟؟؟؟؟ عندو خاترقدر الليله وبكره عند الحاكم بامر الله وكيل الجامعة . فالداير يحل مشكلتو اكان راجل واللا مره يجري علي دكتور فلان ده ويقول ليهو قدر ظروفي. وخليني كدي من حكاية شهادات وخبرات وتحصصات وتدريب . تدريبانت قايلا خدمة الزاميه ؟؟؟و
المصيبه انو د. ؟؟؟؟؟؟؟؟؟؟؟؟؟؟؟؟؟ قصتو جاطت مع جوطة شهادات ناس الجزيرة . قامو نقلوهو ليك هو ذاتو لي تحت. بس حرد وقام مشي قعد في بيتهم. اتلموا ليك مدير الجامعة الاصلي ومديرها الملكلف وناس حمبره وغنامه وراحو في رمضان للراجل في بيتهم في ...........في اخر امدرمان. وهاك يا حناس وهاك يا زول خلينا نتخارج من قصة المجذوب. وبعدين قامو طعموا الحكايه بي نقل منسق القانون والذي يحمل درجة في القانون عشان يديرالبرامج الاكاديمية بالتكليف بعدين رفعوهو ليك عشان يسد خدمة في إداره المراكز لامن الجوطة الحاصله دي تهدا شوية . ولمو ليك في باقي الناس شمال يمين ارض ارض وجو جو كلو عشان قالو في ناس بودو القواله لي دكتور مجذوب .
المصيبه انو دكتور المجذوب ما داير ليهو سواطه وقواله .... العارفو عارفو بالتفصيل الممل... وكتير ... والعندو كلو مصور ومدور ومحفوظ في ورق واسطوانات في اركان الدنيا الاربعه .
والغريبة انو المجذوب قال لي المدير الاصلي زولك ده عامل ليه مراكز قوي داخل الجامعة المدير الاصلي قال للمجذوب لامن الفاس وقع في الراس دي شلشليه ما مراكز قوي ...
والاغرب انو الناس ديل نسو انو المجذوب قال ليهم مرتين.. ثلاثه... اربعه خمسة ... مرات ....يا ناس انا قاعد اكتب لي في كتابين واحد عن التعليم المفتوح وواحد عن الطريقة البتديرو بيها جامعتكم دي. الغريبه زول صدقو مافي
والاكتر غرابه انو الناس ديل قايلين القانون البعرفو المجذوب يا هو نوع القانون البطلعو بيهو دبلومات تحكيم لا ليها راس ولا قعر دي
النقطه الثانية في خطاب الجامعة بتقول (أمّا من تم تعيينهم في وظائف موظفين وعمال فلقد تم تعيينهم عندما كانت هذه الجامعة لا تجد من يرغب في التعيين لها حيث كان هنالك شك حول استمرارها فعُيِّنوا بها في ذلك الوقت، بل أن العاملين منهم حرسوا هذه الجامعة ومنشآتها الأخرى وهم يسكنون في العراء تقديراً فقط لمن أتى بهم).
وبرضو ده اسمو كلام. انو الجامعة تقول عديل كده نحن عينا اولادنا عشان ما كان في زول داير يشتغل معانا . وانو اولادنا عيناهم خفراء ومراسلات وسكناهم في الصقيعه ؟ وهم وافقوا علي كدي تقدير للناس الجابوهم؟
بالذمه ده اسمو كلام
طيب احنا اصلنا زمان شن قلنا............ما قلنا الطير بياكلنا.
ما ياهو ده كلامنا زاتو القلناها وعدناهو وكررناهو انو والله الناس جابو الناس. والناس عينوا ولاد اهلهم وبلدياتهم خفراء ومراسلات وعمال وبعدين طوروهم عشان يملوا الوظائف الخلوها مقفوله لامن ديل بلغوا. ما ياهو كلامنا زاتو القالوا فيهو اشانه سمعة ؟
دحين انا بدور اعرف ياتو يوم اكان الجامعة دي والا اي مؤسسة في المليون ميل مربع ده قالت دايره ناس تعيينهم والناس حردوها وقالوا حكايه مادايمة ؟
وبعدين شنو موضوع حكاية حراسة الجامعة دي... وحكاية مبيتهم في العراء؟
وينو العراء ده السكنو فيهو اولادهم وبلدياتهم وصبنوهم لغاية ما اتطوروا وبقوهم موظفين ؟
والجامعة دي دحين ما ياها الكانت مستأجره بيت حدادي مدادي بي خمستاشر مليون شهريا في شارع عبيد ختم لفة جوبا ؟
والا يا ربي بدوها في رام الله؟
رام الله بتاعت بحري مش بتاعة فلسطين البروف قال قلعا قلع من اهلو الكواهله عشان يقسموها قطع قطع وسكنوا فيها عشوائي ؟ وهسع بقي البيت فيها بعشرين وتلاتين مليون
وبالذمة في زول عاقل بكتب (كما نفيدكم بأن التعيين في هذه الجامعة اعتمد على السيرة الذاتية والتذكية ولهذا اشترك في التعيين كل العاملين بهذه الجامعة من هيئة تدريس وخلافه فلماذا يُحرم على المدير ووكيل الجامعة؟)
انا كبرت علي حكاية (ولهذا اشترك في التعيين كل العاملين بهذه الجامعة من هيئة تدريس وخلافه).
يا ربي المقصود انو كل واحد من العاملين وهيئة التدريس وخلافه جاب زوله ...وعشان كدي الموضوع موضوع سيره ذاتيه
ويا ربي السؤال (فلماذا يُحرم على المدير ووكيل الجامعة؟) بعني آي ... يا زول عينا ناسا واشمعني احنا ومافي حد احسن من حد؟
سمح طيب مادام ناسكم كلهم من الله وولاد عبدالله .....باقي خلق الله ناس زعيط ومعيط الفي الشرق والفي الغرب والفي الجنوب اكان الباب ما فتحوهو ليهم ينطو الحيط؟
يعني بالدارجي كدي .... الجامعة بتقول والله كل زول فينا اكان مدير والا وكيل حتي لو كان غفير بعوس عواستهم في حكاية الوظايف والتعيينات دي
من كلام ناس حقائق الحقائق وكلام البنية السكرتيره في معلومتين ما صحيحات وهم:.
بالاول بنت اخت المدير دي هي ومعاها اتنين تانين كانو متعاونين . قاموا ناس الماليه قالوابعد ده اي محاسب لازم يودوهو الكشف الحسابي العام. ومرتبات المحاسبين تطلع في الفصل الاول من ميزانية الماليه . ناس الجامعة عشان ما يخسرو الرواتب الجاتهم هديه من ناس الماليه قاموا قوام قوام عينو ليك التلاته محاسبين المتعاونين معاهم . ما كان في وقت عشان يعلنوا ويمتحنو . انا علي الرغم من اني ما مواق علي طريقة التعيين لكن بتفهم الظروف الحصلت فيها . وما بقدر اقول حصلت فيها محاباة واللا عبث. لانه اصلا ما كان في زول رابع عشان يعينوهو غير التلاته ديل
الحاجه التانيه بنت اخت المدير دي والشهاده لله انا شخصيا لو لقيت اعينها الليله دي عندي هنا في لندن علي الرغم من اني خاتيهو قرض مع ناس الجامعة وبلوم خالا علي الحصل من القمري والسمبر لكن قسما عظما ما بتردد. فهي بت متميزه بحق وحقيق. اخلاق كيف ....ادب كيف ......فهم كيف.... وشغل نضيف ميه الميه وعفارم عليها.
هي والشهاده لله اول من يدخل مكتب الحسابات الصباح البدري واخر من يخرج لبيتهم ...
ويستحيل زول يجي المكتب يكوس ليها ما يلقاها واللا يلقاها زي الجماعة بتتونس في تلفون واللا بتلعب ليها في قيم Game.
وانا قضيت في الجامعة سته و اللا سبعه شهور حتي عرفت بالصدفه ومن زول تاني ما منها انها بنت اخت المدير
يتبع................................
| |
|
|
|
|
|
|
|
|
|
Re: جامعة السودان المفتوحة: ده فساد ! إشانة سمعة! وإللا امكانيات ؟ يمكن مرته ..يمكن اخته في الر (Re: محمد مصطفي مجذوب)
|
عموما نرجع لخطاب الجامعة. واحب اقول هو اولا واخيرا بيعتبر خطاب رسمي من الجامعة اكان مضتو والا ما مضتو السكرتيره واللا اكان من ميلا هي واللا من ميل المدير . وانا بثبت انو الخطاب ده فعلا اترسل لي ناس حقائق الحقائق ديل وعشان كدي داير اعلق عليهو شويه.
النقطه الاولي في خطاب الجامعة لجماعة الحقائق جات في شكل (أرجو أن تدلنا على من عُيِّن منهم في وظائف عليا كهيئة التدريس) ودي بتنقل للناس المستوي المتردي في إدارة شئون الجامعة الاداريه والماليه. ومادايرا ليها حليفة انها بتفسر بدرجة كبيره الفساد البننبح فيهو ودايرين الجماعة يودونا فيه التوج .
1. وعشان نشرح زياده نقول جامعة البخت دي ما نكرت تعيين ناس في الوظائف العليا ...العالي الله. بس دخلت مع ناس الحقائق في مجارره زي حنة الاصبع الواحد (بتاع اكان راجل تمها) الطالعا موضه في الخرطوم. وقالوا لي ناس الحقائق ديل (كدي اكان انتو عارفين صحي ورونا منو العيناهو ) يعني بالدارجي كدي ختوا ريشة فوق راس الزول البتتكلمو عليهو وادونا فرصه نرتب ردنا ونجيكم ).
I. مدير الجامعة كان ممكن يقول لي ناس الحقائق والله (موضوع تعيين هيئة التدريس ده بتم خصما علي الفصل الاول. فالوظيفه وشاغل الوظيفة لازم ناس وزارة التعليم العالي يصدقو عليهم . فكان في وظئفه مليناها في هيئة التدريس الحكايه ما بين (اهل المدير واهل الوكيل). وزارة التعليم العالي ذاتها لازم تكون ورطانه معانا لي شوشتا.
II. لكن في الحقيقه الحالات الجامعة بتقدر تلعب فيها هي حالات التعيين بالمشاهره البتكون خصما علي الفصل الثاني واللا من موارد الجامعة الذاتيه. وفي الحالات دي بتم تسكين الزول البدورو باعد ما يساوموه. وبساوموه بعد ما يخدروهو بي كلام معسول نوع ( احنا خاطبنك ورينا داير كام واحنا جاهزين). تقوم الحكاية تطلع في راسك وتقول ليهم (ها ناس نحن ما اهل انتو سو الدايرنو) وتبقي زي الغرابي العمدتو قال ليهو يا شيخ فلان ما تنورنا وادينا رايك . الراجل اتنحنح وعدل عمتو وقال ( ياعمدة انا كان قتو كي معاكو..واكان قتو كي معاكو).
III. كمان الجامعة برضو بتاخد راحتا في حالات الانتداب. وفي الحاله دي الجامعة بتلقط البتدورو من الجامعات التانية . وهاك يا كرم بتضيف ليهو بدل شنو وبدل شنو . مرات البدلات دي تحصل مره ونص و اللا مرتين قدر مرتب الزولتو
2. والشاهد انو جامعة السودان المفتوحه دي والمفروض انها حكومية و مؤسسه عامة. لكن كشف مرتباتها وبدلاتا وحوافزا البدوها للعاملين كلها اسرارما بعرفا الا الوكيل وبتاع الحسابات والمدير احيانا. والجامعة ما بتسمح حتي لمديرين الادارات اكان نطو من الطابق الرابع يشوفو كشف المرتبات واللا الحوافز ) زي التكنها كلها اسرار عسكريه و اللا من اسرار الامن القومي. و السريه دي هي سبب الانفلات الحصل والنحن كتبناهو في كشف الاساتذه وكشف العاملين.
3. من التجاوزات البتحصل بسكنو ناس في درجات لا خبراتهم ولا شهاداتهم بتديهم ليها. وكمان يا زول واقعين ليك ترقيات نقديه (والكاش انت عارفو بكمل النقاش). كمان من التجاوزات ترقيات ناس وناسات ويفططوهم ليك القاعدين معاهم والقاعدين قبالهم . وطبعا (الرزق بجب الخفيه) فما زول بعرف الحاصل شنو والبعرف ما بفتح خشمو يقول تلت التلاته كام. يا زول مرات يقومو يرقو ليك ناس وبي أثر رجعي حتي مدير الزول لا بكون عارف ولا بكون موافق.
4. اما نقل العاملين من إداره لاخري اكان بي سبب والا بمزاج الوكيل يتم باوامر زي الاوامر الجمهوريه لا تقبل النقض و لا المراجعة. بس د. ؟؟؟؟؟؟؟؟؟؟؟؟؟؟؟؟؟؟؟ عندو خاترقدر الليله وبكره عند الحاكم بامره وكيل الجامعة . فالداير يحل مشكلتو اكان راجل واللا مره يجري علي دكتور فلان ده ويقول ليهو قدر ظروفي. وخليني كدي من حكاية شهادات وخبرات وتحصصات وتدريب . تدريبانت قايلا خدمة الزاميه ؟؟؟و
المصيبه انو د. ؟؟؟؟؟؟؟؟؟؟؟؟؟؟؟؟؟ قصتو جاطت مع جوطة شهادات ناس الجزيرة . قامو نقلوهو ليك هو ذاتو لي تحت. بس حرد وقام مشي قعد في بيتهم. اتلموا ليك مدير الجامعة الاصلي ومديرها الملكلف وناس حمبره وغنامه وراحو في رمضان للراجل في بيتهم في ...........في اخر امدرمان. وهاك يا حناس وهاك يا زول خلينا نتخارج من قصة المجذوب. وبعدين قامو طعموا الحكايه بي نقل منسق القانون والذي يحمل درجة في القانون عشان يديرالبرامج الاكاديمية بالتكليف بعدين رفعوهو ليك عشان يسد خدمة في إداره المراكز لامن الجوطة الحاصله دي تهدا شوية . ولمو ليك في باقي الناس شمال يمين ارض ارض وجو جو كلو عشان قالو في ناس بودو القواله لي دكتور مجذوب .
المصيبه انو دكتور المجذوب ما داير ليهو سواطه وقواله .... العارفو عارفو بالتفصيل الممل... وكتير ... والعندو كلو مصور ومدور ومحفوظ في ورق واسطوانات في اركان الدنيا الاربعه .
والغريبة انو المجذوب قال لي المدير الاصلي زولك ده عامل ليه مراكز قوي داخل الجامعة المدير الاصلي قال للمجذوب لامن الفاس وقع في الراس دي شلشليه ما مراكز قوي ...
والاغرب انو الناس ديل نسو انو المجذوب قال ليهم مرتين.. ثلاثه... اربعه خمسة ... مرات ....يا ناس انا قاعد اكتب لي في كتابين واحد عن التعليم المفتوح وواحد عن الطريقة البتديرو بيها جامعتكم دي. الغريبه زول صدقو مافي
والاكتر غرابه انو الناس ديل قايلين القانون البعرفو المجذوب يا هو نوع القانون البطلعو بيهو دبلومات تحكيم لا ليها راس ولا قعر دي
النقطه الثانية في خطاب الجامعة بتقول (أمّا من تم تعيينهم في وظائف موظفين وعمال فلقد تم تعيينهم عندما كانت هذه الجامعة لا تجد من يرغب في التعيين لها حيث كان هنالك شك حول استمرارها فعُيِّنوا بها في ذلك الوقت، بل أن العاملين منهم حرسوا هذه الجامعة ومنشآتها الأخرى وهم يسكنون في العراء تقديراً فقط لمن أتى بهم).
وبرضو ده اسمو كلام. انو الجامعة تقول عديل كده نحن عينا اولادنا عشان ما كان في زول داير يشتغل معانا . وانو اولادنا عيناهم خفراء ومراسلات وسكناهم في الصقيعه ؟ وهم وافقوا علي كدي تقدير للناس الجابوهم؟
بالذمه ده اسمو كلام
طيب احنا اصلنا زمان شن قلنا............ما قلنا الطير بياكلنا.
ما ياهو ده كلامنا زاتو القلناها وعدناهو وكررناهو انو والله الناس جابو الناس. والناس عينوا ولاد اهلهم وبلدياتهم خفراء ومراسلات وعمال وبعدين طوروهم عشان يملوا الوظائف الخلوها مقفوله لامن ديل بلغوا. ما ياهو كلامنا زاتو القالوا فيهو اشانه سمعة ؟
دحين انا بدور اعرف ياتو يوم اكان الجامعة دي والا اي مؤسسة في المليون ميل مربع ده قالت دايره ناس تعيينهم والناس حردوها وقالوا حكايه مادايمة ؟
وبعدين شنو موضوع حكاية حراسة الجامعة دي... وحكاية مبيتهم في العراء؟
وينو العراء ده السكنو فيهو اولادهم وبلدياتهم وصبنوهم لغاية ما اتطوروا وبقوهم موظفين ؟
والجامعة دي دحين ما ياها الكانت مستأجره بيت حدادي مدادي بي خمستاشر مليون شهريا في شارع عبيد ختم لفة جوبا ؟
والا يا ربي بدوها في رام الله؟
رام الله بتاعت بحري مش بتاعة فلسطين البروف قال قلعا قلع من اهلو الكواهله عشان يقسموها قطع قطع وسكنوا فيها عشوائي ؟ وهسع بقي البيت فيها بعشرين وتلاتين مليون
وبالذمة في زول عاقل بكتب (كما نفيدكم بأن التعيين في هذه الجامعة اعتمد على السيرة الذاتية والتذكية ولهذا اشترك في التعيين كل العاملين بهذه الجامعة من هيئة تدريس وخلافه فلماذا يُحرم على المدير ووكيل الجامعة؟)
انا كبرت علي حكاية (ولهذا اشترك في التعيين كل العاملين بهذه الجامعة من هيئة تدريس وخلافه).
يا ربي المقصود انو كل واحد من العاملين وهيئة التدريس وخلافه جاب زوله ...وعشان كدي الموضوع موضوع سيره ذاتيه
ويا ربي السؤال (فلماذا يُحرم على المدير ووكيل الجامعة؟) بعني آي ... يا زول عينا ناسا واشمعني احنا ومافي حد احسن من حد؟
سمح طيب مادام ناسكم كلهم من الله وولاد عبدالله .....باقي خلق الله ناس زعيط ومعيط الفي الشرق والفي الغرب والفي الجنوب اكان الباب ما فتحوهو ليهم ينطو الحيط؟
يعني بالدارجي كدي .... الجامعة بتقول والله كل زول فينا اكان مدير والا وكيل حتي لو كان غفير بعوس عواستهم في حكاية الوظايف والتعيينات دي
من كلام ناس حقائق الحقائق وكلام البنية السكرتيره في معلومتين ما صحيحات وهم:.
بالاول بنت اخت المدير دي هي ومعاها اتنين تانين كانو متعاونين . قاموا ناس الماليه قالوابعد ده اي محاسب لازم يودوهو الكشف الحسابي العام. ومرتبات المحاسبين تطلع في الفصل الاول من ميزانية الماليه . ناس الجامعة عشان ما يخسرو الرواتب الجاتهم هديه من ناس الماليه قاموا قوام قوام عينو ليك التلاته محاسبين المتعاونين معاهم . ما كان في وقت عشان يعلنوا ويمتحنو . انا علي الرغم من اني ما مواق علي طريقة التعيين لكن بتفهم الظروف الحصلت فيها . وما بقدر اقول حصلت فيها محاباة واللا عبث. لانه اصلا ما كان في زول رابع عشان يعينوهو غير التلاته ديل
الحاجه التانيه بنت اخت المدير دي والشهاده لله انا شخصيا لو لقيت اعينها الليله دي عندي هنا في لندن علي الرغم من اني خاتيهو قرض مع ناس الجامعة وبلوم خالا علي الحصل من القمري والسمبر لكن قسما عظما ما بتردد. فهي بت متميزه بحق وحقيق. اخلاق كيف ....ادب كيف ......فهم كيف.... وشغل نضيف ميه الميه وعفارم عليها.
هي والشهاده لله اول من يدخل مكتب الحسابات الصباح البدري واخر من يخرج لبيتهم ...
ويستحيل زول يجي المكتب يكوس ليها ما يلقاها واللا يلقاها زي الجماعة بتتونس في تلفون واللا بتلعب ليها في قيم Game.
وانا قضيت في الجامعة سته و اللا سبعه شهور حتي عرفت بالصدفه ومن زول تاني ما منها انها بنت اخت المدير
يتبع................................
| |
|
|
|
|
|
|
|
|
|
Re: جامعة السودان المفتوحة: ده فساد ! إشانة سمعة! وإللا امكانيات ؟ يمكن مرته ..يمكن اخته في الر (Re: محمد مصطفي مجذوب)
|
سلامات اخي الكريم
محارفة الفساد والمفسدين مهمة سامية جدا
ما كتبته هنا عن النساء وتعيناتهن وتلك الرسالة التي يجب ان تقطع والعنوان
به ايحاءات تحمل الكثير الذي يمس العرش..
ولذلك يا اخي الكريم تجدني متضايقة من هذه الاشارات
ونحن مجتمع محافظ انت ذكرت ان الشهادات تعطي عن طريق المقابل الجسدي
كيف سيكون حالي الان لو كان لي بنت او زوجة او احت
تخرجت من هناك؟
وها لا يعني ان اطالبك بغض البصر عن الحائق التي يثبت فيها
التحرش الجنسي والاستغلال الجنسي الطالبات والموظفات
ولكن لا يمكن معالجة الامر بهذه الصورة الفضائحية
الج غضبك وانشرالحقائق دون تلميحات
تجدنا جميعا معك يد واحدة لضرب المفسدين
لك التقدير والاحترام
| |
|
|
|
|
|
|
|
|
|
Re: جامعة السودان المفتوحة: ده فساد ! إشانة سمعة! وإللا امكانيات ؟ يمكن مرته ..يمكن اخته في الر (Re: د.نجاة محمود)
|
الاعزاء
د. نجاة
انور دفع الله
عوض الصديق
وبقية متصفحي منتدي البكري من علق منهم ومن سكت ناقدا او متضامنا
لكم جميعا ولكل من استفزه هذا البوست سلبا او ايجابا
ولكل من كتب لي في بريدي الخاص مادحا او قادحا
السلام عليكم ورحمة الله
تلومونني وحالي مع من تناولهم هذا البوست كحال الشاعر الذي قال
فَيَا عَجَباً لمن رَبَّيْتُ طِفْلاً ... ألقَّمُهُ بأطْراَفِ الْبَنَانِ
أعلِّمهُ الرِّماَيَةَ كُلَّ يوَمٍ ... فَلَمَّا إشتَدَّ ساَعِدُهُ رَمَاني
وَكَمْ عَلَّمْتُهُ نَظْمَ الْقَوَافي ... فَلَمَّا قَال قَافِيَةً هَجَاني
أعلِّمهُ الْفُتُوَّةَ كُلَّ وَقْتٍ ... فَلَمَّا طَرَّ شارِبُهُ جَفَاني
فأخذتكم غضبة مضرية وانتم لا تعلمون إلا قليلا كيف اساء لي واليكم وظلمني وظلمكم من تحدثت عنهم. وكنت اعلم عندما طرحت هذا الامر ان حالي لن يكون افضل من حال الخضر رضي الله عنه مع سيدنا موسي عليه السلام والذي قال عنه قال تعالي في محكم تنزيله
بسم الله الرحمن الرحيم
وَإِذْ قَالَ مُوسَى لِفَتَاهُ لا أَبْرَحُ حَتَّى أَبْلُغَ مَجْمَعَ الْبَحْرَيْنِ أَوْ أَمْضِيَ حُقُبًا (*)فَلَمَّا بَلَغَا مَجْمَعَ بَيْنِهِمَا نَسِيَا حُوتَهُمَا فَاتَّخَذَ سَبِيلَهُ فِي الْبَحْرِ سَرَبًا(*)فَلَمَّا جَاوَزَا قَالَ لِفَتَاهُ آتِنَا غَدَاءَنَا لَقَدْ لَقِينَا مِن سَفَرِنَا هَذَا نَصَبًا(*)قَالَ أَرَأَيْتَ إِذْ أَوَيْنَا إِلَى الصَّخْرَةِ فَإِنِّي نَسِيتُ الْحُوتَ وَمَا أَنسَانِيهُ إِلاَّ الشَّيْطَانُ أَنْ أَذْكُرَهُ وَاتَّخَذَ سَبِيلَهُ فِي الْبَحْرِ عَجَبًا(*)قَالَ ذَلِكَ مَا كُنَّا نَبْغِ فَارْتَدَّا عَلَى آثَارِهِمَا قَصَصًا(*)فَوَجَدَا عَبْدًا مِّنْ عِبَادِنَا آتَيْنَاهُ رَحْمَةً مِنْ عِندِنَا وَعَلَّمْنَاهُ مِن لَّدُنَّا عِلْمًا(*)قَالَ لَهُ مُوسَى هَلْ أَتَّبِعُكَ عَلَى أَن تُعَلِّمَنِ مِمَّا عُلِّمْتَ رُشْدًا(*)قَالَ إِنَّكَ لَن تَسْتَطِيعَ مَعِيَ صَبْرًا(*)وَكَيْفَ تَصْبِرُ عَلَى مَا لَمْ تُحِطْ بِهِ خُبْرًا(*)قَالَ سَتَجِدُنِي إِن شَاء اللَّهُ صَابِرًا وَلا أَعْصِي لَكَ أَمْرًا(*)قَالَ فَإِنِ اتَّبَعْتَنِي فَلا تَسْأَلْنِي عَن شَيْءٍ حَتَّى أُحْدِثَ لَكَ مِنْهُ ذِكْرًا(*)فَانطَلَقَا حَتَّى إِذَا رَكِبَا فِي السَّفِينَةِ خَرَقَهَا قَالَ أَخَرَقْتَهَا لِتُغْرِقَ أَهْلَهَا لَقَدْ جِئْتَ شَيْئًا إِمْرًا(*)قَالَ أَلَمْ أَقُلْ إِنَّكَ لَن تَسْتَطِيعَ مَعِيَ صَبْرًا(*)قَالَ لا تُؤَاخِذْنِي بِمَا نَسِيتُ وَلا تُرْهِقْنِي مِنْ أَمْرِي عُسْرًا(*)فَانطَلَقَا حَتَّى إِذَا لَقِيَا غُلامًا فَقَتَلَهُ قَالَ أَقَتَلْتَ نَفْسًا زَكِيَّةً بِغَيْرِ نَفْسٍ لَّقَدْ جِئْتَ شَيْئًا نُّكْرًا(*)قَالَ أَلَمْ أَقُل لَّكَ إِنَّكَ لَن تَسْتَطِيعَ مَعِي صَبْرًا(*)قَالَ إِن سَأَلْتُكَ عَن شَيْءٍ بَعْدَهَا فَلا تُصَاحِبْنِي قَدْ بَلَغْتَ مِن لَّدُنِّي عُذْرًا(*)فَانطَلَقَا حَتَّى إِذَا أَتَيَا أَهْلَ قَرْيَةٍ اسْتَطْعَمَا أَهْلَهَا فَأَبَوْا أَن يُضَيِّفُوهُمَا فَوَجَدَا فِيهَا جِدَارًا يُرِيدُ أَنْ يَنقَضَّ فَأَقَامَهُ قَالَ لَوْ شِئْتَ لاتَّخَذْتَ عَلَيْهِ أَجْرًا(*)قَالَ هَذَا فِرَاقُ بَيْنِي وَبَيْنِكَ سَأُنَبِّئُكَ بِتَأْوِيلِ مَا لَمْ تَسْتَطِع عَّلَيْهِ صَبْرًا.
احسن الظن من رأي منكم ان موقع بعض هذا قاعات المحاكم. فقاعات المحاكم لم ولن تكن يوما ما للتقويم. فهي للمحاسبة والعقاب Assignment of Blame
وجانب التوفيق من يري منكم أن منبركم ليس منارة يهتدي بها من غفل من اولي الامر حكاما واباءا وامهات وإخوانا وأخوات.
فمن كان هذا ظنه فنقول له جزي الله بكري بكل حرف كتب في موقعه وتناقله الناس بما هو اهل له .
فوالله إن لوقع سطر من اقلامكم لامضي واكثر ردعا وفعاليه واكثر تقويما من المحاكم التي تشيرون بها علي وانا من اهل مكة وادري بشعابها
ووالله لوعلمت ان كلماتي هذه ايقظت بيتا واحدا ممن هم في غفلة من اهل السودان فالتفت اهله الي عرضهم فحموه وصانوه لما ضاق صدري بمن خاطبني وعاتب بحلم او من انفعل فاسفه.
ولمن لا يعلم وكتب الي متوجسا مما قد يصيب اهل بيته من زذاذ كلماتي ، اقول انا احد رجلين وقد انتقل ثالثنا الي رحمة مولاه من بيت من الله عليه بثمان بنات وانا والله ارتجف رعبا مما رأيت وسمعت
واقول لمن لا يعلم انني لم يرزقني الله ببنت ولكني كفلت من كلفت من البنات من اعدهن في مصاف ابنائي او اعز. وانا والله يقض مضجعي ما قد يلاقين من الذئاب البشريه
فيا بائعا هذا ببخس معجل كأنك لا تدرى ؛ بلى سوف تعلم
فإن كنت لا تدرى فتلك مصيبة وإن كنت تدرى فالمصيبة أعظم
واقول لمن يراني واقفا موقف الخصم مع من ضلت منهن واضلتني وظلمت نفسها وظلمتني حينما طلبتها للشهادة فكتمتها حسبي الله ونعم الوكيل
وعزائي فيمن كتب لي مثل الرسالة التاليه
from ؟؟؟؟؟؟؟؟؟؟؟؟؟؟؟؟؟؟ to [email protected] date 5 October 2010 11:43 mailed-by yahoo.com Signed by yahoo.com hide details 11:43 (3 hours ago
hide details 11:43 (3 hours ago)
احييك ايها الاصيل بهذا تزيد احباطنا احباطا لان هذا ديدن هذا الوطن الكسيح والله لو كانت شكواك هذه فى اى بلد من العالم لنفوهم وراء الشمس لكن نحن وطن المجاملات والترضيات وجبر الخواطر والتسويات فى كل شى حتى ارواحنا تخضع لذلك احيك واقف معك ليس باضعف الايمان ولكن بكل الايمان
فمثلك كثيرين لكنهم القو السلاح وذهبو تركونا نجابه مصيرنا مع الطغاه الذين لايرعون فينا ذمه ولا اخلاق للاسف الشديد تدار هذه البلده بعقليه القرن ال12 او قول الحجرى الكلام كثير والوجع اكثر والحسره اعمق ولكن الله غالب فمهما طال الظلام لابد للليل ان ينجلى ولابد للفجر ان ينتشر ولابد ان ترحل الخفافيش متعك الله بالصحه والعافيه واصبر وجزاك عند الله عظيم واجرك كاجر مجاهد فى سبيل الله ونيتك الخالصه هى سلاحك اتمنى ان تظل معنا فى هذا البلد المسكين ولاترحل وتكابد من اجل البسطاء المحتاجين لعلمك فلاتلتفت للجهال نحن نريدك لان هذا الوطن عانى مافيه الكفايه فارجو لك التوفيق والسداد وان ينصرك على الكل الظلمه الذين نسو ظلمات القبور وحساب المولى يوم لاتنفع القصور والحاشيات والابناء وارداف النساء السفور
والسلام
؟؟؟؟؟؟؟؟؟؟؟؟؟؟؟
الخرطوم
فله ولكم جميعا شكري وتقديري
انا لا اكابر واصر انني علي صواب وإن من استفزت كلماتي منكم علي خطاء
وادعوكم أن تعيدوا قراءتها مرة اخري بتمهل مهما استفزت من مشاعر
واقول لكم جميعا لكم جميعا العتبي حتي ترضوا.
محمد مصطفي مجذوب
| |
|
|
|
|
|
|
| |
محمد مصطفي مجذوب
حيدر حسن ميرغني
Osama Siddig
AnwarKing
محمد البشرى الخضر
مُحَمَّدٍ عِوَضٌ احْمَدُ
فيس بوك
تويتر
انستقرام
يوتيوب
بنتيريست