|
|
 تحولت لتشيجع المريخ
|
على عكس موجه التيار السائده داخل البورد من التحول من تشجيع المريخ لتشجيع الهلال
وجدت نفسي في الأيام القليله الماضيه أتحول لتشجيع هذا الفريق
الذي يقاتل لاعبوه حتى آخر الثواني بحثاً عن الهدف
|
|
 
|
|
|
|
|
|
|
|
Re: تحولت لتشيجع المريخ (Re: فدياس نجم الدين)
|
هذا الفريق يذكرني بالدوري الإنجليزي
حيث تأتي أربعه أهداف في ظرف دقيقتين في الوقت المحتسب بدل الضائع
(أو فالنقلد المعلقين الجدد ولنقل الوقت المبدد)
ياله من فريق خارق للعاده
| |
|
|
|
|
|
|
|
|
|
Re: تحولت لتشيجع المريخ (Re: osman righeem)
|
عثمان
شوف كشف المصابين بالمريخ
طمبل وكلتشي وأكرم الهادي وحافظ وأحياناً كثيره بله جابر والشغيل زالمهدي بن ضيف الله
وفي مرات كثيره ضم الكشف النفطي ولاسانا
ديل أكثر من عشره لاعبين
أووو
نسيت في مدافع بيتعالج في الأمارات
أظن إسمه عبدالرحيم أمبده
| |
|
|
|
|
|
|
|
|
|
Re: تحولت لتشيجع المريخ (Re: فدياس نجم الدين)
|
رغم كل العوارض التي ألمت بهذا الفريق
( لا أحسب الموت من ضمن العواض ) حتى لا ندخل في شبهه الإعتراض على قضاء الله
أقول بالرغم من كل العوارض من إصابات بالجمله وإيقافات وبرمجه ضاغطه وإتحاد منحاز للهلال
بالرغم من وجود معتصم جعفر وأسامه عطا المنان رئيس وأمين مال الإتحاد المريخيين
بالرغم من كل ذلك فقد وأصل الفريق طريقه المظفر لإنتزاع بطوله الممتاز
لذلك تحولت لتشجيعه
| |
|
|
|
|
|
|
|
|
|
Re: تحولت لتشيجع المريخ (Re: ابراهيم محمد الحسن)
|
Quote: إنت جادي؟
ولا تخفي حاجة تحت الطاولة* ،،
إتخيل لي دي حركة في شكل رجفة
من الصفاقسي ،، |
حبيبنا إبراهيم محمد الحسن
إنت ناس السياسه ديل مش قاعدين ينطوامن حزب للتاني بدون مافي زول يسألهم عن السبب شنو ؟؟
يعني عمنا شلا من الإتحادي للوطني
وناس الوطني كل يوم إحتفال بإنشقاق جماعه من حزبهم وإنضمامهم للوطني
وحتى الحركه الشعبيه دخلت القيم ده
فما المانع يكون عندنا إنشقاقات من الهلال للمريخ والعكس
مودتي وخليك قريب
| |
|
|
|
|
|
|
|
|
|
Re: تحولت لتشيجع المريخ (Re: فدياس نجم الدين)
|
أريد للمريخ أن يأتينا قوياً منتصراً على الجميع
ما فائده الفوز بالدوري دون ضرب هذا الحمام الميت
لا أحب المثل الذي يقول ( الفحل ما عواف )
لكني مغرم جداً بالقول
إن الأسود لا تأكل الجيف
لا نريد المريخ جيفه
نريده أسداً قوياً
حتى يصبح لهذا البطوله الضعيفه التي أتخمتنا
طعم ولون ورائحه
مللنا الفوز بالخمسات والستات والسبعات والتلاتات والأربعات بالمناسبه حتى المريخ لم يسلم من تلاتاتنا وأربعاتنا في هذا البطوله
نريده فوزاً بشق الأنفس على حبيبنا المريخ
وأحد صفر ... إتنين واحد
ويكون المريخ لاعب معانا الند للند
مش زي مباراه الدور الأول
من بدري سادومبا إنتهت من الحكايه
يالله بالله خلوني إستمتع بتشجيعكم وخلوا حكايه الإتحاد مستهدفن
عليكم الله ده فريق محتاج الإتحاد يستهدفوا
قال برمجه ضاغطه قال
| |
|
|
|
|
|
|
|
|
|
Re: تحولت لتشيجع المريخ (Re: ابراهيم محمد الحسن)
|
يا إبراهيم كلم عمر ده يقرا البوست كويس قبل ما يرحب بي ساكت في صفوف الكفوه
نرجع لكوره أمبارح
من ناحيه إني فرحت لفوز المريخ فده حصل مش عشان المريخ بس
لكن عشان الحكم المسكين
إتخيلوا لوالمريخ إتهزم ولا إتعادل زاتو
كان ممكن يحصل ليهو شنو ؟؟
العجب يجره م قميصه
ونجم الدين ود أمبارح يهرش فيهو
وبله جابر قرب يطير جوزه الشهير في رجل الخط
وسفاري قرب يدي الحكم كف
وموسي الزومه على وشك يدق رجل الخط التاني
حاله صعبه شديد
فالحمد لله القون ده جاء
عشان الحكام يرجعوا أهلهم سالمين
وعشان كمان نشوف إحتفال كروجر مع لاعبيه بعد الهدف
وإحتفال كروجر ده عايز ليهو بوست براهو
إتخيلت كروجر
وقد أحرز فريقه هدف الفوز أمام الأهلي القاهري في إستاد القاهره
في المباراه النهائيه لدوري أبطال أفريقيا
عادي ممكن تجيهو سكته قلبيه
مادام بيفرح بهدف أمام الخرطوم قدر ده
| |
|
|
|
|
|
|
|
|
|
Re: تحولت لتشيجع المريخ (Re: محمد يوسف الزين)
|
التحول غير مستغرب فكل النظريات العلمية تؤكد:
( اذا لم تخلق -صفوة- فسيسغرق التحول وقتا يعتمد على مستواك و كلما زاد التخلف تأخر الانضمام للصفوة )
عموما نتمنى لك مزيدا من التحضر - اذا كنت جادا فى مسعاك.
| |
|
|
|
|
|
|
|
|
|
Re: تحولت لتشيجع المريخ (Re: محمد يوسف الزين)
|
التحول غير مستغرب فكل النظريات العلمية تؤكد:
( اذا لم تخلق -صفوة- فسيسغرق التحول وقتا يعتمد على مستواك و كلما زاد التخلف تأخر الانضمام للصفوة )
عموما نتمنى لك مزيدا من التحضر - اذا كنت جادا فى مسعاك.
| |
|
|
|
|
|
|
|
|
 Re: تحولت لتشيجع المريخ (Re: محمد يوسف الزين)
|
فدياس
شكلو أساسي أثر فيكـ ببوستو المهبب
يا عابد سلامات ياخ
بعيداً عن الهضربة أعلاه من أخونا فدياس
أمس قاعد أحضر في الكورة متكيف جاني صاحبك الحارس يدق في الجرس
شايل ليهو كيس لحمة ( اولادو مرقو من المستشفي )
بالله فتحت ليهو الباب جابو القون
قربت ارجعو بي لحمتو
| |
|
|
|
|
|
|
|
|
Re: تحولت لتشيجع المريخ (Re: فيصل نوبي)
|
| Quote: مللنا الفوز بالخمسات والستات والسبعات والتلاتات والأربعات |
سلام يافدياس
لا يغرنكم انتصاركم على ال....وال....نحن الملوك وانتم وهم الرعية
حكمة اليوم: اذا رجفتم فاستتروا
| |
|
|
|
|
|
|
|
|
|
Re: تحولت لتشيجع المريخ (Re: فدياس نجم الدين)
|
Quote: موضوع شركه ( تساهيل وصل وين )
قال ليك يا دكتور مدير الشركه قال راصد حافز عربيه 2011 لنجم كوره هلال صفاقسي و5 ألف دولار حافز لكل لاعب
|
ده المجنن بوبي ذاتو
زول يلقط في العشرينات والخمسينات من الطلبة الدايرين يتوظفو
يجي يتبرع بقدر ده...طيب اقلاها يخلي التسجيل مجانا للناس الدايرة وظائف
اكتر حاجة استفدتها من البوست داك
اني لميت قروشي علي
ومش كده بس
وحاتك ثبتا لي زي طاشر نفر كده
اول ما يجيبوا سيرتها في الاذاعة
اخوك بدور فيها طوالي ...اي زمان اي مكان
اعتقد ان البوست بتاعك انقلب عليهم ولم يحسنوا استغلاله
| |
|
|
|
|
|
|
|
|
|
Re: تحولت لتشيجع المريخ (Re: فيصل نوبي)
|
الحبيب فدياس
تحياتي
مباراة هلاريخ مباراة لها وضعها الخاص يا فدياس
المباراة السابقة التي انتصر فيها الهلال كان المريخ في احسن حالاته
كم من مرة انتصر المريخ على الهلال وكان في اسوأ حالاته
ويدخل بفرصة الفوز فقط
| |
|
|
|
|
|
|
|
|
|
Re: تحولت لتشيجع المريخ (Re: عبدالفتاح أبوشيمة)
|
فدياس
Quote: إتخيلت كروجر
وقد أحرز فريقه هدف الفوز أمام الأهلي القاهري في إستاد القاهره
في المباراه النهائيه لدوري أبطال أفريقيا
عادي ممكن تجيهو سكته قلبيه
مادام بيفرح بهدف أمام الخرطوم قدر ده |
غالبين في زمن قاتل ما يفرحوا ما في جماعة كده مغلوبين واحد و فرحانين و عملوا بارتي كمان في زول سأل؟
| |
|
|
|
|
|
|
|
|
|
Re: تحولت لتشيجع المريخ (Re: الحاج حمد الحاج)
|
| Quote: غالبين في زمن قاتل ما يفرحوا ما في جماعة كده مغلوبين واحد و فرحانين و عملوا بارتي كمان في زول سأل؟ |
نبدأ من الآخر
يا عمك
كده شوف فرق البطولتين وفرق الفريقين
يأخي نحن الخرطوم 3 لعب معانا 28 مباراه في بطوله الممتاز دي
غالبنوا 29 مره
شفت كيف؟؟
ما ممكن تقارن لي الصفاقسي الضربك جو ميدانك بالأربعه بالخرطوم 3
عموماً
فرح الغلابه ما عيب
| |
|
|
|
|
|
|
|
|
|
Re: تحولت لتشيجع المريخ (Re: عبدالفتاح أبوشيمة)
|
Quote: يا فد
الأرباب دعا عليك
واللا شنو؟ |
عمنا عبدالفتاح
بحساب المصالح ممكن الأرباب يشجع المريخ ولو من باب المجامله في كوره خارجيه
لكن العبد لله لو لعب المريخ ضد المريخ لما شجعته ولتمنيت إن يطلع المريخان خاسران مع إصابه أكبر عدد من اللاعبين إصابات مزمنه
| |
|
|
|
|
|
|
|
|
|
Re: تحولت لتشيجع المريخ (Re: فدياس نجم الدين)
|
Quote: بحساب المصالح ممكن الأرباب يشجع المريخ ولو من باب المجامله في كوره خارجيه
لكن العبد لله لو لعب المريخ ضد المريخ لما شجعته ولتمنيت إن يطلع المريخان خاسران مع إصابه أكبر عدد من اللاعبين إصابات مزمنه |
آآآآآآآآآزول
إنت حاقد؟
لا حولا
-
هو ياريت كانت في كورة ذاتا
تعبانين ساي
كتبتها ليك بالأحمر
خم وصر
| |
|
|
|
|
|
|
|
|
|
Re: تحولت لتشيجع المريخ (Re: Saifelyazal Elmaki)
|
Quote: مباراة هلاريخ مباراة لها وضعها الخاص يا فدياس
المباراة السابقة التي انتصر فيها الهلال كان المريخ في احسن حالاته |
أخونا سيف اليزل
ده كلام منطقي وهلال مريخ لا دخل لها بما قبلها
لكننا نستمتع بكم هذه الأيام
| |
|
|
|
|
|
|
|
|
|
Re: تحولت لتشيجع المريخ (Re: فيصل نوبي)
|
Quote:
فدياس
شكلو أساسي أثر فيكـ ببوستو المهبب |
العزيز فيصل
تصدق وتأمن بالله ... ممكن عادي أخوك يتقلب شيوعي
لو لقي زول من الشيوعيين ديل يشتغل معاهو صح
وممكن عادي أقلب وأبقي جمهوري
لكن من المستحيل أن أتحول لتشجيع هذا المريريخ
يأخي شوف الإسم ده بيبقي كيف لو مطيتو
المر........يييييييييييييييييييييييييييييييييييخ
| |
|
|
|
|
|
|
|
|
|
Re: تحولت لتشيجع المريخ (Re: محمد يوسف الزين)
|
Quote: يا عمك جدياً كدة..
فريق الوصيفاب يستاهل الشفقة؟
ما حضرت الكورة ، لكن بالله حالتهم صعبة للدرجة دي؟!
|
محمد
على قول الحبشي
حال سعبه خلاس
تصدق لمن أشوف المريخ اليام دي بتذكر نكته عمك الإتقدم لبته واحد
فقام سأله : إنت هلالابي ولا مريخابي
الشاب فكر وإتوكل وقال مريخابي يا حاج
عمك طوالي وأفق على الزواج
بعد كم سنه الزول سأل نسيبه
ياحاج إنت ليه سألتني لمن جيتك للعرس عن فريقي البشجعه
عمك قال ليهو
ياولدي البصبر على تشجيع المريخ الصبر ده كله مؤكد راح يستحمل أي حاجه تعمل فوقه المره
| |
|
|
|
|
|
|
|
|
|
Re: تحولت لتشيجع المريخ (Re: فدياس نجم الدين)
|
بسم الله
يا جماعة تعالوا بخروا أخونا فدياس ده..
الهضربة والهلاويس حاصلة..
الله لا كسبك يا الصفاقسي بأكثر من تلاتة...
جننتوا لينا ناس الزويبة..
ياخوي كدي أنستر من الفضيحة الراجياكم دي..
الصفوة لا تكون إلا بالميلاد..
تحياتي
| |
|
|
|
|
|
|
|
|
|
Re: تحولت لتشيجع المريخ (Re: Abdlaziz Eisa)
|
صدقنى يافدياس
جماعتك المساكين ديل,,,
بكرة لما نجى لكاس السوبر,,حيشبكونا مازمبى قبل كدا اداكم خمسة
الليلة الله يحلكم منو,,وبنسوا اننا ابطال الكنفدرالية وابطال الممتاز
وكمان كاس السودان,,3 كاسات وراء بعض,,والله لكن
سنة سنتين كدا المريخ شكلوا ,,متل الموردة وجزيرة الفيل,,
صباح ياخد الخمسة والستة ,,من امل الشمال,,ونيل الحصاحيصا
ياخى ديل ,,
خليك منهم,,واطمئنك سوف ناخد لهم تارهم من الصفاقسى,,
انهم قوم مساكين
| |
|
|
|
|
|
|
|
|
|
Re: تحولت لتشيجع المريخ (Re: abuguta)
|
Quote: خليك منهم,,واطمئنك سوف ناخد لهم تارهم من الصفاقسى,,
انهم قوم مساكين |
فعلاً أخوي ابو قوته إنهم قوم مساكين
وهلالنا متعود على آخذ ثائراتهم
لقد تعبنا من كنس آثار هزائمهم وفضائحهم
لكنه قدر الكبير
| |
|
|
|
|
|
|
|
|
|
Re: تحولت لتشيجع المريخ (Re: Hassan Senada)
|
أضحك مع خالد عزالدين
Quote:
أنا طبعاً زول ثقيل وبحب الثقالة.. أمبارح فتحت ليك منتدى كورة.. لقيت ليك كمية من ثقالات الهلالاب عجبتني جداً.. وحقيقة هي معبرة عن الواقع وبأسلوب ساخر وبعالج قضية حقيقية.
الموضوع طبعاً كاتبو واحد وباقي الناس بعلقو عليهو.. الموضوع بعنوان (انتو لييه بقيتوا كده يا مريخاب)..
انتو ليه دائماً عندكم إحساس بأنكم مستهدفين وما في زول بحبكم !!
ليه دائماً التحكيم ضدكم ومتحامل عليكم لكن مع الهلال سمن على عسل ومجامل!!
ليه دائماً عندكم إحساس بأن فرق الممتاز بتلعب معاكم بقوة وبتلعب مع الهلال باستهتار !!
ليه دائماً عندكم إحساس بأن الاتحاد العام ضدكم.. زمان أيام شداد.. وحسي أيام معتصم !!
حقو تقعدوا مع نفسكم وتحاولوا تجاوبوا على السؤال دا لأنو حالتكم بقت بطالة خلاص..
يمكن الحكاية محتاجة لعلاج نفسي أو زيارة شيوخ.. يمكن يكون معمول ليكم عمل عندو علاقة بي (عرق المحبة)..
لو استمريتو كدا حتاكلوا رقبتكم يوم من الأيام..
وطبعاً بعد داك جات الردود من الناس الثقيلين
زي الزول الحاسي أنو أمه بتحب أخوه أكتر منو...
عشان أخوه سمح وشاطر وبلبس نضيف والناس كلها بتحبو..
وهو شين ومبشتن وماعندو أصحاب..
يكون إحساس بالدونية؟
طبعاً الحاجة دي بحددها الطب النفسي..
ربنا يكضب الشينة غايتو..
الإحساس بالدونية مع الحسد والغل والطمع
الزول مفروض يرضى بقسمته..
وبعدين حب الناس دا شي من رب العالمين
يكون مركبات نقص
أو خلل في الهرمونات
بصراحة موضوع مهم والجماعة مفروض فعلاً يشوفوا نهاية للقصة دي شنو.. شاركوا في دوري الأبطال قالوا التحكيم مستهدفنا.. شاركوا في الكونفدرالية وطلعوا منها قالوا التحكيم.. هسي في المنافسه المحلية برضو نفس القصة..
حتى ناس الاحتياطي المركزي مستهدفين المريخ..
خلوا المظاهرات وطلبة الجامعات وقبلوا على المساطب الجنوبية محط وشحط شديد..
البلد كلها بقت ضدكم يا كافي البلا..
أنا لو في مكانكم أطالب بالانفصال طوالي..
بلد زي دا كلها شاماكم دايرين منها شنو ؟؟
يا كافي البلا حتى الإصابات مستهدفاهم وماخدة منهم موقف..
يااخي ديل المواسم الفاتت كلها عاملين مشاكل مع الحكام الدوليين.. بدر الدين عبد القادر هلالابي.. الفاضل أبو شنب لعبنا في المطرة.. خالد عبد الرحمن بخاف من الهلالاب.. كرهوا الحكام الدوليين حياتهم.. لجنة التحكيم غيرت ليهم الحكام الدوليين كلهم.. جابت ليهم حكام قوميين بناء على رغبتهم.. النغمة الجديدة.. لييه نحن بس بجيبوا لينا حكام قوميين.. لييه الهلال بحكموا ليهو حكام دوليين.
عقدة نفسية من الهلال.. في الموسم الفات قالوا لييه الهلال يلعب قدامنا طوالي الحكاية دي بتعمل لينا وجع رأس.. الهلال بكون غالب ونحن بندخل المباريات بعدو بكون عندنا توتر.. قام الهلال السنة دي مشى في الكونفدرالية وهم ودعوا ورحلوا.. الهلال عشان عندو مشاركات خارجية بقى يلعب بعدهم.. مباريات مؤجلة.. قالوا كييف الهلال عندو مباريات مؤجلة ونحن ما عندنا!! يا اخوانا..
يااخي ديل قالوا شداد ده ما نافع.. دكتاتور.. بقيف ضد المريخ.. هلالابي كبير وكان مدرب للهلال.. ما عايزين شداد.. عايزين ولدنا الكبير معتصم جعفر وولدنا الصغير أسامة عطا المنان.. ما في مشكلة نجيب ليكم معتصم وأسامة..
أول مباراة اتهزموا فيها قالوا الاتحاد ضدنا.. أسامة ده ما عايزنو بسافر مع الهلال.. معتصم ده ما نافع معانا عشان بجامل أخوهو وبتبرع كمان للاعبي الهلال.. يااخي انتو أغلبوا ليكم فريق خارجي معتصم بتبرع ليكم.
قناة قوون عملت يوم مفتوح للهلال بمناسة مباراة الصفاقسي.. قالوا لييه ما يعملوا لينا يوم مفتوح نحن مش قبل كده لعبنا مع الصفاقسي!
الهلال يدوهو بلنتي يقولوا الا الكورة الجاية يدونا بلنتي.
قالوا زي ما الوزير عين للهلال لجنة تسيير.. نحن كمان عايزين لجنة تسيير.. الوزير عمل مشاورات.. قال خلاص نعمل خالد حسن عباس رئيس.. قالوا لا نحن عايزين شيخ عرب!
انتو دكتور عمر محمود خالد ده مش مريخابي.. ما يستضيف ليهو طبيب نفسي في الحلقة الجاية ويناقش موضوع زعل المريخاب ده!!
الو.. الو.. أيوة سامعك اتفضل.. الو.. سامعنك يااخي.. ممكن أشارك.. اتفضل أنا عندي مشكلة في البيت.. أنا عندي ولدي ولدوهو يوم الهلال شال الدوري الممتاز في 2004 من اليوم داك بقيت ما بريدو.. حاولت اتجاهل الحاجة دي.. الولد من جا الدنيا المريخ ما شال الدوري الممتاز خمسة مواسم.. قلت لي أمو أمشي ربيهو عند أهلك ما تجي راجعة الا المريخ يشيل الدوري.. بعد المريخ شال الدوري جات راجعة.. المشكلة لقيت الولد هلالابي..؟ أعمل شنو !!
بعد الحصل بيناتنا ما نطق القدر.. أعمل شنو..
نواصل بعد الفاصل!
|
| |
|
|
|
|
|
|
|
|
|
Re: تحولت لتشيجع المريخ (Re: فدياس نجم الدين)
|
Quote: قال ليك يا دكتور مدير الشركه قال راصد حافز عربيه 2011 لنجم كوره هلال صفاقسي و5 ألف دولار حافز لكل لاعب
غايتو قروش الناس راحت في الرجلين |
ابشري بطول سلامة يا قروش الناس
| |
|
|
|
|
|
|
| |
فدياس نجم الدين
osman righeem
ابراهيم محمد الحسن
عمر عبد الله فضل المولى
محمد يوسف الزين
فيصل نوبي
معاذ الهادي
محمد سنى دفع الله
هاشم محمد الحسن عبدالله
عبدالفتاح أبوشيمة
الحاج حمد الحاج
Abdlaziz Eisa
abuguta
منتصرمحمد زكى
امير عوض الجمري
فيس بوك
تويتر
انستقرام
يوتيوب
بنتيريست