|
|
 انشتاين والشايقي
|
جلس انشتاين بجانب شايقي في طيارة
فالتفت انشتاين على الشايقي وقاله ما رأيك أن نلعب لعبة ..
انا أسالك سؤال اذا لم تعرف الجواب
تعطيني 5 دولار وانت تسالني وانا اذا ما عرفت الجواب
اعطيك 500 دولار
فوافق الشايقي
سأل انشتاين الشايقي :
ما سبب جاذبية الارض ؟
الشايقي طلع جزلانو وأعطى انشتاين 5 دولار
سال الشايقي انشتاين سؤال:
ما هو الشيء الذي يصعد الجبل بثلاثة أرجل وينزل برجل واحدة
انشتاين صار يفكر ويبحث بالانترنت ويسأل
اخوانه العلماء
لم يعرف احد الجواب ..
بعد ساعه تقريبا طلع انشتاين محفظته وأعطى الشايقي 500 دولار
ثم سال انشتاين الشايقي وريني ما هو الشيءالذي يصعد الجبل بثلاثة أرجل وينزل برجل واحدة
طلع الشايقي جزلانو وأعطى انشتاين 5 دولار
|
|
  
|
|
|
|
|
|
|
|
Re: انشتاين والشايقي (Re: HAYDER GASIM)
|
هههههههههه..
والله اينشتاين بالغ .. فاكيها في نفسه ساي . يعني النجيض قايل نفسه حيسأل الشايقي علي الأقل ١٠٠ سؤال لن يستطيع الإجابة عليها؟؟ .. دي إستهانة بالشوايقة عديل ..
الغريبة كان مفروض يخت في باله أن حوة والدة وأن هناك أسئلة ما عندها إجابة كلو كلو..
شكراً ليك يا حيدر علي هذه النكتة الجديدة .. حأحكيها للخواجات أولاد الذين ..
| |
|
|
|
|
|
|
|
|
|
Re: انشتاين والشايقي (Re: Munir)
|
ود قاسم ابوى
نعلك عوافى,
وهاك الرمية دى بين الشايقى والجعلى وبنات بت بتى( جبارة كسور امدر) وانشتاينك!!!
قالو الشايقى والجعلى كرعيننم اتكسرن فى الدافورى بتاع كرة الشراب اللت زمانك ديك.
ومشو لى بت بتى ( لى جبر الكسور والخواطر كمان).
الجعلى اخذ زمام المبادرة وقعد فى البمبر فى الاول. وبدات البصيرة بت بتى فى المساج والجعلى صامد.
بنات بتى بكونن قاعدات فى ركن قصى من البرندة لزوم( SKILL SHARING and On JOB TRAINING( , واشياء اخرى.
الجعلى مواصل فى الصمود والتصدى بصورة- تدعو لزهو بنات بت بتى والشايقى يرمقة بنظرات فيها قليل من الدهشة والترقب ومشاعر اخرى.
وصلت البصيرة لى مرحلة ارجاع المفاصل الى وضعها الطبيعى-CRITICAL POINT - فكرمش الجعلى حاجبية مع آآآخ.
فى الحال والتو قلن بنات بت بتى بى صوت جرسى واحد آللة اللةأ فو افو يا الجعلى - ولمثل هذة الحظات جىء بهن- ضمن مهام اخرى.
جاء دور الشايقى وتمت كل مراحل العملية التجبيرية الكسرية من مساج ومراقبة وخلافة والشايقى يتمطى طولا وعرضامن زهو وانشراح بنات بتى.
وهم خارجين, سال الجعلى الشايقى:- باللة يالسنجك استحملت الشى دا كيف؟
فرد الشايقى:
نان ات قايلنى بوم انا وكت شفت السوووة فيك مديتلها السالمى.
مع االاعتزار للجعلى وانشتاين فى ماورائيات بنات بت بتى ونظرية النسبية.
تسلم يالحبيب,
هاشم احمد الحسونى
سيدنى
الاحد
5/12/2010
| |
|
|
|
|
|
|
|
|
|
Re: انشتاين والشايقي (Re: هاشم احمد الحسن)
|
Quote: هههههههههه..
والله اينشتاين بالغ .. فاكيها في نفسه ساي . يعني النجيض قايل نفسه حيسأل الشايقي علي الأقل ١٠٠ سؤال لن يستطيع الإجابة عليها؟؟ .. دي إستهانة بالشوايقة عديل ..
الغريبة كان مفروض يخت في باله أن حوة والدة وأن هناك أسئلة ما عندها إجابة كلو كلو..
شكراً ليك يا حيدر علي هذه النكتة الجديدة .. حأحكيها للخواجات أولاد الذين .. |
منير ... تسلم يا حبيب
وصحي ... فوق كل زي علم عليم.
ياخ بعدما ماتقول النكتة دي لأبناء { الذين }
أدينا خبر ... لعلمي أن ما يضحكهم ليس ما
يضحكنا والعكس صحيح ... غايتو إلا تكلكلم
... هههههه
| |
|
|
|
|
|
|
|
|
|
Re: انشتاين والشايقي (Re: osman righeem)
|
أبو رغيم حرّم وحشنا الزغني بتاعك ...
___
يازول عنصرية شنوا
قول يا لطيف وخلي رحك رياضية
ودقاسم ما من عندكم (هههههههههه)
بس اليومين ديل ضاربه الطراوه الحيكومه مافي ...
| |
|
|
|
|
|
|
|
|
|
Re: انشتاين والشايقي (Re: osman righeem)
|
أخونا ... هاشم سيدني ... تسلم
بس أوعى إكون هو نفس الجعلي اللي
لما إشترى عربية أوتماتيك ... قطع
كراعو الشمال.
هاشم ياخ مشتاقييين عدييييل كده,
فربنا إجمعنا قريبا في ساعة خير.
وسلم لي على الأسرة ... والحبان
| |
|
|
|
|
|
|
|
|
|
Re: انشتاين والشايقي (Re: HAYDER GASIM)
|
Quote: لكن يا حيدر دي ما: "وفوق كل ذي علم عليم"
ياخ دي,
"وفوق كل ذي علم وصاحب نية سليمة, محتال."!
-------
شكرا والله ضحكتني وكنت لا اظن اني ساضحك قريبا |
وأخونا ... أحمد موسى ... تطيب,
ياريت لو ما علقت { قاصد روحي } فكم كانت سوف تكون
ضحكتك صفية طويلة .
وأتمناك بخير
| |
|
|
|
|
|
|
|
|
|
Re: انشتاين والشايقي (Re: HAYDER GASIM)
|
اقتباس من تعليق الاخ عثمان رغيم:-
(منتهي السخافة و السطحية
وهميز الامهات )
-انتهى الاقتباس-
اخى عثمان رغيم
يعلم اللة الشى دا لافيهو عنصرية ولاهميز امات.
دى محاولة من اخونا حيدر قاسم الراجل الكلو حساسية نجاة مايكتب ويقصد.
وهنا فى هذا البوست جانا بالرميات دى عشان يقلع ابتسامة لماحة
حتى ولو مرة كل حين من الدهر.
وبالمناسبة دى ياخ ود رغيم انا عازمك كبايى شاى ( بانجقلى) واخدلك شفطة قبل ما تقراا
الملحة المرسلة دى:-
قالوا شايقى نزل انتخابات وعلق تحت صورتة
( عسى ان تكرهوا شيئا فهو خيرا لكم).
المزحة ايضا بخور الباطن!!!!!.
تسلمو وانتم مبتسمين رغم قساوة الزمن.
هاشم احمد ود الحسونى
سيدنى
الاحد 5/12/2010
| |
|
|
|
|
|
|
|
|
 Re: انشتاين والشايقي (Re: Omer Mustafa)
|
عمر مصطفى [المغترب!]؛
كتر خير البوست ده شكلو دار يعرفني بي رايع تالت زي ود رغيم وود قاسم،
أها أنا جار ناس عمك أمين محمد أحمد لعدد من السنين [حيطة بالحيطة]،
وكنا [أسرة واحده] بمعنى الكلمه.. (شايف السلبطه دي كيف)؟
؛
يلا النستلف منك:
Quote: ود قاسم
شفت الزول أب جلابية بيضا ده؟؟؟
|
ده [سينيري] في [الوسطى]!
أضكر وأنبل وأنضف الطلاب دواخل..
وأكتر من أصيل..
Quote: ود رغيم
شفت الزول أبطاقية وعراقي ده ؟؟؟
|
[سينيري] في [الجامعه]!
هو و[الحويرص] كانوا [إينشتاينين]؛
وانا [الشايقي المطرطش] دا قدرت دون باقي
الناس [أغتنم] ملخصات محاضراتن و[اتخارج] بي إمتياز!
وبيناتنا [ملح وملاح] وعلاقات [أسريه] قربت تبقى [أهوليه]!
؛
شهادتي فيهم الاتنين مجروحه جرحاً [غاير]..
و؛
أجزم أن [حيدر] لا مرمى له من المزحه..
و[عثمان] لم يغضب من [أصل] البوست..
_____
ياخي هسع أنا مداخلتي دي فيها [خساير] كتيري خالس..
الواحد [فكه آخرو] بلا سبب بي قولة [سنايري] دي!!
[المطرطش]
| |
|
|
|
|
|
|
|
|
|
Re: انشتاين والشايقي (Re: محمد عبدالرحمن محمد)
|
سلام يا ناس البوست
دي نكتة (واقعية)
شايقي اشتغل في التجارة وانضرب. قرر أن يبيع أرضه الزراعية في البلد ليستمر في تجارته. نزل البلد وفاتح عمه في ما عزم عليه ولكن عمه رفض رفضا باتا . ولكن الراجل أصر وباع أرضه وسافر لأم درمان وواصل تجارته وفتح الله عليه وأثرى من جديد. كان كعادته يزور عمه من حين لآخر للسلام عليه. وبينما هو جالس مع عمه في راكوبته الظليلة وحوله جمع من أهل البلد، مازح الرجل عمه فقال: (والله يا عمي ساكت ما سمعت كلامك... الحمد لله هسع القروش العندي إن فرشتها من كراع عنقريبك دا تصل البحر). فقال له العم: ( نان داير تفرشا فوق واطات منو؟؟)
| |
|
|
|
|
|
|
| |
HAYDER GASIM
Munir
بدر الدين احمد موسى
Omer Mustafa
osman righeem
محمد عبدالرحمن محمد
maman
فيس بوك
تويتر
انستقرام
يوتيوب
بنتيريست