|
|
 الوصيه
|
حلفتك يا قلبي حلفتك بري
خليهو الغرام
يتنكر لحبك
وريهو الخصام
ليه تتهان يا غالي
ليه والذل حرام
إتعذب لوحدك
ليل والناس نيام
إن جاك يوم يصالحك
قول ليهو الكلام
أو آيات حنينة
بترد السلام
أوع يا قلبي تنسى في لحظة الوصية
أنا عرفك حنين بتشمت علية
أوع يا قلبي تنسى
أوع يا قلبي
حلفتك يا قلبي
الخانك تخونو
والفيت غرامك
أوع في يوم تصونو
وزي ما أبكى عيني
سهر لي عيونو
أوع تقوللي تاني
ما بنعيش بدونو
أريت الحب لقينا
غير همّو وشجونو
أوع يا قلبي تنسى
أوع يا قلبي
حلفتك يا قلبي حملتك أمانة
الفاتك عهود ما تبكي عشانة
حلفتك تقول لي إيه آخرة بكانة
الدنيا الجميلة
والحزن الحلال
الطير في غصونو
الساجعة في حنانا
كل الناس تغني
ليه نحن الهم طوانا
ليه ..ليه
يا قلبي ليه
قول لي بأمانة
أوع يا قلبي تنسى
أوع يا قلبي
|
|
 
|
|
|
|
willeim andrea
فيس بوك
تويتر
انستقرام
يوتيوب
بنتيريست