|
|
|
 Re: الشيخ (الكارب )في السودان منو؟؟ (Re: المر)
|
بعد صلاة العصر ونحن خارجين من المسجد؟؟؟
قابلني هذا الرجل. وسألني ان كنت سودانيأً،فأجبته (بلي)
كما في المسلسلات الدينية. وقال اهل السودان الطيبين،
سمعت فيكم عندكم أناس شيوخ (كاربين) بهذا اللفظ،
سؤالين حيروني
السؤال الأول لماذا يبحث عن شيخ وهو خارجاً من المسجد وعليه أيضاً علامات النعمة والترف؟؟؟
السؤال الثاني والأكثر اهمية من أين أتي بهذة الكلمة السودانية البحتة والمتداولة في (الفول) الكـــــــــــــــــارب
| |
  
|
|
|
|
|
|
|
|
Re: الشيخ (الكارب )في السودان منو؟؟ (Re: المر)
|
سلامات
مرة سالت واحد صاحبى من أولاد دارفور
قتا ليهو يخ وين فقرا دارفور يكتبوا لينا رتينزة تغير الحكومة
قال لى ياخ دى جمعتهم ...ومسحت ليهم شنبهم وحلفوا يمين ما يضروها
عوض مختار
| |
|
|
|
|
|
|
|
|
|
Re: الشيخ (الكارب )في السودان منو؟؟ (Re: أسامة البلال)
|
معليش يالمر والله آسف
كان من المفترض اسلم عليك كصاحب البوست أولا لكن اسوي شنو شداني البركاوي
با سيدي حقك علي وأنا آسف للمرة الثانية
عليك بالحرم بها سبعة مواقع مقبولة الدعاء والصدق عامود الاستجابة
خالص تقديري
| |
|
|
|
|
|
|
|
|
|
Re: الشيخ (الكارب )في السودان منو؟؟ (Re: Tarig Sidahmed)
|
| Quote: واحد قال لي لو عندكم شيخ كارب كان فكفكم من الازمات الفيها ا |
قول لي صاحبك هو النحن فيهو ده من شنو ؟ ما من الشيوخ, معمول لينا عمل يا كافي البلا اكتر من 21 سنة, عاد شيوخ لعب؟؟
اما عن سؤالك عن الشيوخ قالوا في شيخ اسمه شيخ حمادة في بحري ((كااارب)) و العهدة على واحدة زميلتي , لمن تقول ليك وحاة شيخي شيخ حمادة تقول داك
ياالشيخ البروب الموية
| |
|
|
|
|
|
|
|
|
|
Re: الشيخ (الكارب )في السودان منو؟؟ (Re: المر)
|
الشيخ المحايتو بيبسي وحوارو .......
ده خبرو شنو يا جماعة؟ شايف الناس بيذكروه كتير
...............
الأخ المر ، تحياتي الطيبة لك وللجميع
في قصص هؤلاء الناس ما يقطع القلوب ، من لعب وضحك على المساكين
وأكل أموالهم بالباطل ، وتضييع ممتلكاتهم بعد تضييع دينهم
أصحاب البياض ، ومدعي الدجل والكهانة جرائمهم لا تعد ولا تحصى ، وليس المستغرب من وجودهم
ولكن المستغرب في وجود من يصدقهم ويركن إليهم !!
الفكي الكارب تجده أحياناً (مُجَزّم) عافاكم الله (أعمى) حالته مبهدلة ومع ذلك فالناس يأتونه ليعطيهم!!!
ووالله إني أعرف رجلاً مات في الثمانين من عمره وهو (عقيم) ويأتيه من يريدون أن يعطيهم الولد!!!
وأما الحجبات والأوراق التي تكتب فعندي من أسرارها الشيء الكثير وكثيراً ما فتحت بعضها بعد إقناع من يلبسها بعدم جدواها مع ذكر الأدلة وتجد فيها ما يضحك كثيراً ، وأحياناً تجد مكتوباً عليها ما يُرضي به هذا الفكي الشيطان وهذا مكمن الخطر الأكبر في هذا الدجل حيث إن السحرة يتقربون للشياطين لتساعدهم وتعينهم على عمل السحر فتجد اسم (بدوح) و(كارا) و(شمهريط) وغيرهم من الشياطين الذين يتصل بهم هذا الفكي.
وإن راجعت بلاغات الشرطة في هذا الجانب ستجد ما تراه خيالاً ، ولعل آخرها قصة الفكي السنغالي!!!
ـ.......................
لنتعلق بالله تعالى وحده :
(أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونَ (62) أَمَّنْ يَهْدِيكُمْ فِي ظُلُمَاتِ الْبَرِّ وَالْبَحْرِ وَمَنْ يُرْسِلُ الرِّيَاحَ بُشْرًا بَيْنَ يَدَيْ رَحْمَتِهِ أَإِلَهٌ مَعَ اللَّهِ تَعَالَى اللَّهُ عَمَّا يُشْرِكُونَ (63) النمل
وقال الله تعالى :
وَإِنْ يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ وَإِنْ يَمْسَسْكَ بِخَيْرٍ فَهُوَ عَلَى كُلِّ شَيْءٍ قَدِيرٌ (17) وَهُوَ الْقَاهِرُ فَوْقَ عِبَادِهِ وَهُوَ الْحَكِيمُ الْخَبِيرُ (18) الأنعام.
عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ : مَنْ أَتَى كَاهِنًا ، أَوْ عَرَّافًا ، فَصَدَّقَهُ بِمَا يَقُولُ ، فَقَدْ كَفَرَ بِمَا أُنْزِلَ عَلَى مُحَمَّدٍ.
رواه الإمام أحمد في المسند وغيره
| |
|
|
|
|
|
|
|
|
|
Re: الشيخ (الكارب )في السودان منو؟؟ (Re: المر)
|
| Quote: طيب دة ما كويس؟ بكون بدون رسوم |
بدون رسوم؟!
ما أتوقع ،،،
الشغلة فيها رسوم ومعلوم ،، ومنافسات وتسعيرات
ومقننة من القانون وليست من القُنّانة، وعندي من أخبارها الشيء الكثير والمضحك والمثير
بس يا المر أديني إشارة ، وإذن ، وأنا أجيب ليك من المنثور والمنظوم في اخبار من تبحث عنهم من الكاربين !!
| |
|
|
|
|
|
|
|
|
|
Re: الشيخ (الكارب )في السودان منو؟؟ (Re: د.محمد بابكر)
|
| Quote: يا المر موضوعك اتحلى ولا لسه لانه شيخ صلاح ده عرسه شهر 12 وبعد داك ما اظنه يفضى ليك لو دايره حصلو قبل الكريسماس لانه احتمال يعدى الكريسماس بره و(كده).. |
وحاتك لسة يادكتور. تراني بتلفت لمن رقبتي(إتشمطط)
كريسماس كمان؟؟ ونعم (الشيخ)
| |
|
|
|
|
|
|
|
|
|
Re: الشيخ (الكارب )في السودان منو؟؟ (Re: المر)
|
يا المر،
بعرف واحد كارب ، بس انت خت البياض في المسنجر ونلمك فيهو
من كرامات الشيخ الكارب دا، قال لي واحد: نكتب ليك حجاب من الاسد،
الاسد ما يشوفك
و كن شافك ما يطردك
و كن طردك ما يوصلك
وكن وصلك ما ياكلك
وكن اكلك، ان شاء الله ما تنفعوا دنيا و لا اخرا.
| |
|
|
|
|
|
|
|
|
|
Re: الشيخ (الكارب )في السودان منو؟؟ (Re: Zoal Wahid)
|
شيخ أكرب من كارب قيل في وصفه بالعامية :
ليه سلّم يا ولد ***** ده القلب البت ولد
وبالفصحى :ألم تـــــر أن الله أيده بمــــــا******* يقوم مقام المعجزات يناسب
كإحيائه ميتاً وكالبنت بعد ما***،،، أتت وهي أنثى للذكورة تقلب
ومن كاربيته :
يحضر مريدو في النزع والقبير
للحجة يلقنو بأحسن التعبير
وليه يوانس في الوحدة والشبير
المر :
الشيخ ده ما بنتهي موضوعو في حياة المريد ، لا ، سعادته بيواصل وبيجيه لحظات خروج روحه ، وما بيقيف هنا بيدخل معاه القبر وبيوانسه في قبره وبيكون حاضر لحظة مجيء الملكين ،،، أتوقع أني أتيت لك في بوستك بالأكثر كاربية.
ولك أن تعيش هذه اللحظات :
يسبق يا نداء الدركان ***** ويحضر حين يجو الملكان.
هل يا ترى هناك من هو أكرب من هذا ؟!!
ــــــــــــــ
لا داعي لذكر مصادر هذه الانكرابة !!! ولك أن تقول : الكترابة !! وهي متوفرة وقت الطلب ، مع احتفاظنا بنماذج أخرى أكثر انكرابة....
| |
|
|
|
|
|
|
|
|
|
Re: الشيخ (الكارب )في السودان منو؟؟ (Re: عارف الركابي)
|
| Quote: الشيخ ده ما بنتهي موضوعو في حياة المريد ، لا ، سعادته بيواصل وبيجيه لحظات خروج روحه ، وما بيقيف هنا بيدخل معاه القبر وبيوانسه في قبره وبيكون حاضر لحظة مجيء الملكين ،،، أتوقع أني أتيت لك في بوستك بالأكثر كاربية. |
دقيقة... قلت ليُ بدخل القبر معاك حتي مجيء الملكين؟ ما بتقاسم معاك الحساب؟
| |
|
|
|
|
|
|
| |
الزبير صالح الزبير
cantona_1
ذواليد سليمان مصطفى
BAKTASH
سجيمان
فايزودالقاضي
محمد يوسف الزين
شرفى عبدالقادر
د.محمد بابكر
تبارك شيخ الدين جبريل
عبدالفتاح أبوشيمة
ناصر جبريل
Tumadir
أسامة البلال
سناء عبد السيد
الحاج حمد الحاج
صلاح غريبة
فيس بوك
تويتر
انستقرام
يوتيوب
بنتيريست