|
|
|
 Re: أنا ملوال سوداني الجنسية (Re: محمد النيل)
|
| Quote: ماهو مصير المساجين من جنوب السودان فى سجون الشمال فى حالة الانفصال?!.. |
شنو الاسئلة التعسفية دي كمان انت يا بكري ؟ وحاتك ديل يكون متذكرهم مافي
الوضع سيكون اصعب في حالة المسجونين في جرائم الاموال الخاصة يعني لو واحد من جنوب السودان كاتب ليهو شيك بدون رصيد لواحد شمالي اها البدفع القروش منو؟
اقترح هيئة دعم الوحدة عقابا لها على فشلها في تحقيق الوحدة (يعني يعملو ختة او يخشو بدلهم السجن)
اما لو كان العكس (شمالي كاتب شيك بدون رصيد لجنوبي) فجاك الفرج لانو الحكومة كيتا في الجنوبيين كدة حتفكو
| |
 
|
|
|
|
|
|
|
 Re: أنا ملوال سوداني الجنسية (Re: محمد إبراهيم علي)
|
خلاص امنتوا باستقلال الجنوب؟!! طيب ما نخلق علاقات جيدة من هسي ونجييكم في الخرطوم وتجونا في جوبا.
وبعدين 6 ملايين من رعاة الشمال مصيرهم سيكون شنو لو تم مصادرة اموال الجنوبيين في الشمال وطردهم بلا حقوقهم؟!!!
| |
|
|
|
|
|
|
|
|
|
Re: أنا ملوال سوداني الجنسية (Re: JOK BIONG)
|
Quote: أنا ملوال سوداني الجنسية
انا ملوال من ما قمت سوداني الجنسية
ساكن بحري شرق وشغال جنب الردمية
وأجدادي جوا هنا زمان من زمن المهدية
اخوي جون ساكن بري وشغال في المنشية
وأخواتي تزوجوا في كردفان والشمالية
ولدي ساكن في كسلا واخوه في المحمية
انا كنت عايش سعيد ومبسوط مية المية
الان انا بواجه أكبر مشكلة وأخطر قضية
قالوا انفصال ؟ يا ناس بالله روقوا شوية
انتوا جبتوا كلام دا من وين؟ دي كيف نسويه
دا ما حل دا دمار دي فتنة دي تجارة هوية
كيف نقسم بلدنا وكيف نسبب حرب دموية
لا لا دا ما ممكن ما ممكن نبقي نحن الضحية
أحنا كنا سوا وحنبقي سوا في أحسن أرضية
ياهو دا السودان كلوا واحد ما فيهو عنصرية
شمالوا لجنوبوا وشرقوا لغربوا علاقة ابدية
عمر بشير ابوعاقلة |
| |
|
|
|
|
|
|
|
|
|
Re: أنا ملوال سوداني الجنسية (Re: مزمل خيرى)
|
Quote: بالمناسبة يا شباب
ماهو مصير المساجين من جنوب السودان فى سجون الشمال فى حالة الانفصال?!. |
سعال جيد
انا بفتكر انه سيتم الافراج عنهم وترحيلهم الي الجنوب كرامة وسلامة
| |
|
|
|
|
|
|
|
|
Re: أنا ملوال سوداني الجنسية (Re: بكرى ابوبكر)
|
Quote: بالمناسبة يا شباب
ماهو مصير المساجين من جنوب السودان فى سجون الشمال فى حالة الانفصال?!.. |
العزيز بكري ابويكر تحياتي
اكيد سوف تتم مبادلتهم بمصاجيننا الشماليين في معتقلات الجيش الشعبي ....
لو كانوا ما زالوا على قيد الحياة
احترامي
| |
|
|
|
|
|
|
| |
بكرى ابوبكر
محمد النيل
محمد إبراهيم علي
JOK BIONG
عامر باضاوي
سيف اليزل برعي البدوي
مزمل خيرى
سيف الدين حسن العوض
الكباشى عبد الله الرقيق
فيس بوك
تويتر
انستقرام
يوتيوب
بنتيريست