|
«باقان» صاحب قضية.. عرمان «فوق كم» !
|
المهندس / الطيب مصطفى
رئيس منبر السلام العادل
قال في حوار اجرته معه صحيفة الرأي العام السودانية ( هؤلاء هم هدفنا بعد الانفصال .. «باقان» صاحب قضية.. عرمان «فوق كم»
المؤتمر الوطني (ممغصنا)..والحركة (تفقع المرارة)
|
|
|
|
|
|
|
|
Re: «باقان» صاحب قضية.. عرمان «فوق كم» ! (Re: عمر قسم السيد)
|
ســؤال : رغم الاختلاف السياسي ألا توجد لديك أية صداقات مع أي من قيادات الحركة في الفضاء الاجتماعي؟ - إرتفعت نبرة صوته قليلاً: لا، لا، ولا اريد ولا ارغب في أية علاقة مع اي واحد في الحركة الشعبية الى ان يتم الانفصال فعندما نكون جيراناً يمكن ان تنشأ علاقة عندما يكون في دولة أخرى.
* حتى مع الشماليين من قيادة الحركة لا توجد لديك صداقات؟
- الشماليون في الحركة الشعبية أضل. والتركي ولا المتورك يعني ياسر عرمان دا باقان احسن منو مائة مرة
لأن باقان جنوبي يقاتل من أجل قضيته لكن عرمان «فوق كم».
| |
|
|
|
|
|
|
Re: «باقان» صاحب قضية.. عرمان «فوق كم» ! (Re: عمر قسم السيد)
|
يا جماعة الخير كلام الطيب مصطفى دا ما تهملوه. عرفنا باقان عنده قضية ..ياسر عرمان ومن يلفون لفه من الشماليين فوق كم؟ طبعاً لو ما عارفين ياسر عرمان متزوج من الجنوب.. نقول الزول بدافع عن نسابته.. برضو معقولة.
كبـَّـاشي الصــَّافي
| |
|
|
|
|
|
|
Re: «باقان» صاحب قضية.. عرمان «فوق كم» ! (Re: cantona_1)
|
Quote: يا جماعة الخير كلام الطيب مصطفى دا ما تهملوه. عرفنا باقان عنده قضية ..ياسر عرمان ومن يلفون لفه من الشماليين فوق كم؟ طبعاً لو ما عارفين ياسر عرمان متزوج من الجنوب.. نقول الزول بدافع عن نسابته.. برضو معقولة.
كبـَّـاشي الصــَّافي
|
السودانيين حاربوا في فلسطين كانت قضيتم شنو، حاربوا في افغانستان وفي لبان، وفي ارتريا وفي مصر حرب 67 وفي ناس مرقوها في البوسنة والهرسك، حقيقة بستغرب لمن يطلع كلام زي دا؟ لكن الكلام لمن يكون عن الجنوبيين طوالي الواحد بحس بإنو الحكاية فيها تمييز.
يعنى أنا مثلاً الحلة الإتربيت فيها في الخرطوم في شمبات ما بيعتبروا الجنوبي دا زول، فهو عب ساكت، وبالتالي حكاية إنك تدافع عنو دي معناها إنت زاتك زول ما عندك أصل. ونحن صغار في شمبات كان واحدة من الشتائم هي (جنوبي ونوباوي) وأهلنا زاتم في البيت ما كانوا بيعتبروا الجنوبيين ناس.
المهم هسة العنصرية في السودان قلت لو ضد (الجنوبيين) أو ضد غيرم (بينات السودانيين على إختلافهم)، على الأقل في الظاهر، لكن لسة ممكن تطل برأسها أحياناً، لأنو جزء كبير مننا كسودانيين رضعناها (يا قول تبارك) مع حليب أمهاتنا.
أنا صغير في النهود في الإجازة مع جدي مشينا على زراعتو، وفي زول جاي من بعيد، جدي قال لي عليك الله شوف الجاي علينا دا زول ولا جنقاوي.
نرجع لي موضوعنا الأساسي وهو ياسر فوق قضية وقضية لمحموعة من الناس شايفة إنها إتظلمت، وياسر (ممكن تتفق معاهو أو ممكن تختلف) إنضم لهذه القضية ودافع عنها وأنفق عمره فيها فله التحية.
الطيب مصطفي زول عنصري، وفي مجالسه الخاصة بيقول عديل (العبيد ديل) أها دا سمع أضاني دي ما في زول جابو لي، عشان كدة كلامو دا فيهو ريحة عنصرية فايجة، يعني نحن هسة في السودان ما بنتقابل مع الإسرائلين ولا عندنا علاقات معاهم مع إنو الفلسطينين ذاتم عندهم علاقات نعاهم وإعترفوا بدولة إسرائيل، أها الوقوف مع قضية عادلة (في نظر الزول الواقف معاها) بيكون مبرر، لكن لمن يكون السؤال بطريقة الطيب مصطفى فدا فيهو إشارة للعنصر والعرق، وكانتونا نفسه مشى في السياق ذاتو، يعنى ياسر عرّس جنوبية عشان كدة هو واقف مع الجنوبيين. أعتقد أن هذا ظلم كبير لشخص مثل ياسر يعنى ممكن نقول إنو موقفو غلط، لكن ما ممكن نسأل إنو واقف مع الحركة "فوق كم"
| |
|
|
|
|
|
|
Re: «باقان» صاحب قضية.. عرمان «فوق كم» ! (Re: عمر قسم السيد)
|
الأخ عمر قسم السيد ماكتبه الأخ الصادق اسماعيل يجب أن يلصق فى جباه صاحب الانتباهة ومن يشاركه الرأى وأدناه حديث ياسر عرمان فى محاضرة لندن السبت الماضى عساها أن تفتح طاقة ضوء فى عقول من رعوا الفساد والاستبداد بعد ما اختطف الدين والوطن والدين من أفعالهم براء.
Quote: السودان بلد التوحيد القديم. السودان جزء من الحضارات القديمه. المسيحيه وصلت السودان قبل ان تصل انجلترا، اول مسيحي سوداني كان سنة 38 . زكريا احد ملوك النوبه زار هارون الرشيد واخذ معه الكثر من خيرات السودات كهدايا لبغداد. في اروبا كان هنالك الفايكنج الذين دمروا اروبا وكانت هنالك حضاره في السودان. لم ينتشر الاسلام في السودان إلا بعد تسعه قرون من معاهدة البقط حيث قامت دولة سنار. الان جاء رساليون جدد يريدون ان يدرسوا السودانيين الاسلام. السودان بلد قديم. اختلف علي عبد اللطيف مع جمعية الاتحاد السوداني حول تحية ( الشعب العربي السوداني) وطالب بان توجه التحيه لكل الشعب السوداني لان ليس كل السودانيين عرب. ثم انشاء جمعية اللواء الابيض التي احدثت انتباهه في الواقع واستقطبت اعداد مختلفه من جميع اقوام السودان. من ضمن القضايا التي طرحت سابقا موضوع التهميش وموضوع الجنوب وموضوع الوحده والانفصال موضوع قديم.بعض الاسئله التي سألها علي عبد اللطيف حول رئاسته لجمعية اللواء الابيض تكشف بقوة كيف نظرنا بقسوه الي الواننا وثقافاتنا. عبد الفضيل الماظ كان وحيد ابويه أابوه كان وحيدا لابويه وعبد الفضيل جاب جار النبي وكان وحيدا لابويه وجار النبي انجب سيده اسمها خديجه وهي وحيده ايضا جائني في احد المرات وتقدمت نحوي وقالت لي انني اتحدث كثير عن اسرتها وتريد ان تتعرف بي. هذه الاسره بالرغم من دورها في تاريخ السودان لا يذكرها احد. تعاملنا مع بلادنا بقسوه ومع انفسنا بقسوه. ذهبت في حوالي 130 ندوه في الجنوب والشمال، الجنوبيين موجوديين في كل بقاع السودان منذ ايام الحرب. لم يحدث ما حدث في رواندا لان السودان بلد قديم تداخلت فيه الثقافات.. السودان الان يعاني من كل هذه المعاناه وجاء وقت دفع الحساب.
من لندن ياسر عرمان يطمئن دعاة التغيير وبناء السودان الج...يد ( صور وتقارير) ]
| |
|
|
|
|
|
|
| |