Quote: اتقي الله في اللاعب فانت توصمه بخيانة الامانة وهي جريمة يعاقب عليها القانون , لذا من حقه مقاضااتك بحجة تشويه السمعة
.. لا يا اساسي ما تخاف على أخوك .. أنـا مولود في المــــوردة بعدين لو بتتذكر أبو القاسم الرشيد قون الموردة الزمان قبض البلينتي من كمال عبد الغني والقوون الجابو مغربي من النص داك .. أبو القاسم دا دفعتي وتلميذي وفردتي .. يعني أقوان الموردة ديل ما عندنا مشكلة مع بعض .. بعدين ناس أمدرمان كلهم ما بتاعين مقاضاة وكدا دا .. لانو اي حاجة عندهم بي نظام لما يشمو ليهم ريحة واحد من أمدرمان ..
حنيييييينة يا امدرمان
10-19-2010, 09:15 AM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
Quote: شكوي المريخ في الصحف الاتناولت قضية صرافات بورتسودان الحصل فيها شنو ؟
.. الشكوى دي يا معاوية بقت عامله زي البصمة بتاعت علاء الدين .. يا معاوية هم الايامات دي شغالين ليك بي بصمة يا بي شكوى ..؟ ياخ ديل من حسع دي بقو يفكرو بي صورة مستقبلية .. بي احسن طريقة يلعبو بيها عشان عدد الاهداف (يكش) غايتو يما معاية انا من حسع دي حاجز منك قون بشة وكاريكا .. تنزلم لي براي حتين بعداك تنزل للناس فيديوهاتم بتاعت باقي الأقوان
Quote: خليك من الحارس المسكين ده ...... عليك الله انت ما اتخلعته ........
عليك الله يا بوليص انا لو بخلعني قوون زي دا .. كان بقعد احضر كورة هــلال مريخ واصرح قبال ما تبتدي إنو يترشو اتنين زي السم ..؟ انا الاياماتدي قاعدين يخلعوني اولاد الهلال .. بشه بخلع فيني بي جهة سادومبا يخلع خليفة يخلع مهند يخلع .. هيثم داك اصلو خليهو انا مسامحو وعافي ليهو دنيا وآخرة .. لكن امنقه حاجة بقيتو يا جستابو كان الكورة دخلت ليها قوون براها كان في تمرين سااي تجو جاريين هنا دا مخلوعين البشوفكم كدا دا اصلو يقول ما واثقين في لعيبتكم ديل .. كناس كدا يعني ممكن تجيب أقوان ..
Quote: تاني حارس الموردة ده بدل الجونتات لبسوهو شبكة ......
دراويش ولاقو مداح والله .. قون الموردة دا لو كان ارتقى لمستوى المباراة .. كان مشى جاب قون بي نفسو ..
10-19-2010, 10:02 AM
Sayed Bekab Sayed Bekab
تاريخ التسجيل: 09-21-2006
مجموع المشاركات: 1543
Quote: لو بايع كان اخدو خمسة زي الباعوها ليكم .. ولو مكضبني ارجع لاهدافكم في مباراتي الموردة وهلال بورسودان عشان تشوف البيع الوااضح
كل ما تكتبه هنـا سيتسخدم ضدك في مقبل الأيام .. من حقك تجيب محامي مريخابي يا تلتزم الصمت نحن يانيستـا اي حاجة عندنا بي نظام .. نقرا ليك حقوقك أول عشان بعدين ما تقولي ما كلمتوني بي مهند الطاهر وبكري المدينة .. من حسع دي خليك عارف
10-19-2010, 11:40 AM
tmbis tmbis
تاريخ التسجيل: 10-19-2002
مجموع المشاركات: 24862
إنتو البيع وقون الموردة .. واللا قووون وحارس مرمى المريخ ..؟؟ والله القوون الجابوهو فوقو دا .. انا القدامكم دا ما يخش فيني .. عليك الله دي اخــلاق دي حسع ..؟ والله حارس مرمى زي دا ... حقو يطبقو فوقو نظرية الاستنساخ .. يعملو منو خمسة زي ديل .. أقوليكم حاجة ..: يرصو منو كدا رصة زي الرصوها اولادنا في القوون يوم لاعبين مع غـانا في آخر الدقايق .. رصة كاملة من رمزي .. يقوم يزفو ليك بشــة بي شبــال .. يمسكه وتاني يفكها .. ويمسكه يدردقه لي طارق مختار يقوم طارق مختار يعلقه ليهو في التمنية .. يعلقه ليهو في التمنية وهــو مرصوص في شكل نسـخ .. غايتو يا بشبش يوم حوبتك جـات .. كان ما جبته لي قون بالشبال وواحد (طعــن) دغري قرن غزال .. انا ما عافي منك بقوليك الكلام دا من حسع دي عشان بعدين ما تجي تقول ما كلمتك ..
او يلعب باص ارضي لي زول جاي من الخلف ........ وفجأة جب جلب جوه الشبكة ........
راجي ده ربنا ستر عليهو.. الكورة دي لو ضاعت كانت بتضيع مستقبلو في المريخ.. لعب بسلبية وأنانية كبيرة جداً.. وفي النهاية راجي ما حريف.. بس حارس الموردة تعبان شديد..
10-19-2010, 12:10 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: راجي ده ربنا ستر عليهو.. الكورة دي لو ضاعت كانت بتضيع مستقبلو في المريخ.. لعب بسلبية وأنانية كبيرة جداً.. وفي النهاية راجي ما حريف .. بس حارس الموردة تعبان شديد..
والله يا ايمن القون اداهو هدية .. عم هدايا ما يديهو ليها قاليهو هاك خارج نفسك وجيب قوون .. ماف حارس مرمى في الدنيا لو ما آمن ضهرو يفكر في القدامو .. الزاوية المفتوحة بيمين الحارس دي تدخل ليها لوري بتاع تراب .. والله محمد الصايم دا لو كان مكان راجي دا امس كان دخله الكيس .. بعدين عليك الله زمن زي دا ونهاية كورة دا لو بقى صامويل ايتو بقدر يجيب فيني قووون .. خليك من راجي ..؟
10-19-2010, 10:26 AM
EMU إيمو EMU إيمو
تاريخ التسجيل: 02-16-2002
مجموع المشاركات: 2924
Quote: ياخي ده محرق روحي من امبارح يا ريت لو كان الحكم طردو في حركات تاخير الزمن المابعرف ليها دي على الاقل الكورة كان انتهت درون
يحيى .. عارف انا اختلافي الكبير جدا مع المعز محجوب في تأخيرو للكورة بالطريقة العقيمة دي .. وشايف صلاح يحى استعمل نفس الطريقة في وقت كان عادي جدانو ممكن الموردة تجتهد وتستفيد من العجلة وتعالج الموقف بالهجمات المرتدة والمنظمة .. حارس مرمى الموردة امس سرق مجهود اللعيبة واتاح فرصة كبيرة جدا للمريخ إنهم يرجعو للمباراة .. وبنفس الطريقة لو لعيبة المريخ فيما تبقى من زمن بطلو الحركة بتاعت الاحتفاظ بالكورة في المنطقة الخلفية وعدم تصديقهم لي إنو المباراة ح تنتهي لكان انتهت اكتر من كدا النتيجة وبعدد وافر من الأهداف .. لانو حارس المرمى ضعيف جدا وكلو ثغرات .. حكم المباراة امس ما كان في حوجه لي اي تسبب أو أي اسباب لانو كان واضح إنو بيعمل في شنـو ..
10-19-2010, 12:02 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: ياخي ده محرق روحي من امبارح يا ريت لو كان الحكم طردو في حركات تاخير الزمن المابعرف ليها دي على الاقل الكورة كان انتهت درون
يحيى .. عارف انا اختلافي الكبير جدا مع المعز محجوب في تأخيرو للكورة بالطريقة العقيمة دي .. وشايف صلاح يحى استعمل نفس الطريقة في وقت كان عادي جدانو ممكن الموردة تجتهد وتستفيد من العجلة وتعالج الموقف بالهجمات المرتدة والمنظمة .. حارس مرمى الموردة امس سرق مجهود اللعيبة واتاح فرصة كبيرة جدا للمريخ إنهم يرجعو للمباراة .. وبنفس الطريقة لو لعيبة المريخ فيما تبقى من زمن بطلو الحركة بتاعت الاحتفاظ بالكورة في المنطقة الخلفية وعدم تصديقهم لي إنو المباراة ح تنتهي لكان انتهت اكتر من كدا النتيجة وبعدد وافر من الأهداف .. لانو حارس المرمى ضعيف جدا وكلو ثغرات .. حكم المباراة امس ما كان في حوجه لي اي تسبب أو أي اسباب لانو كان واضح إنو بيعمل في شنـو ..
10-19-2010, 10:29 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: حرااااق روح شديد الهلالاب كانوا في إنتظار صافرة النهاية بفارق الصبر
وإنت الصادق .. أنا كنت شايل هم إنو الواحد يجي داخل البورد دا الصباح ما يلقى اي واحد فيكم على قدر البلقاهم قاعدين هنا .. يكونو بكتبو ليك عن الوحدة والانفصال .. يا عن أنواع الأزهار الموسمية يا بالميت كدا .. يعملو فيها رايحين زي واحدين اخوانا كدا .. البورد دا من زماااان خلوهو .. مساكين .. الأمل عطبرة الفي يملطشكم .. الموردة الفي تعمل ليكم فرش متاع ..
يا حكم درررن لي ..
Quote: انتو هيثم مصطفى ما بلعب في عطبرة مالو ...
.. لالالا هيثم دا خليهو طرف .. أنا بوريك بلعب ووين ومتين وكيف ..
10-19-2010, 10:40 AM
ALMURADABI ALMURADABI
تاريخ التسجيل: 06-22-2002
مجموع المشاركات: 533
تمبس ياخي سلامات تعرف يا تمبس أنا مبسوط جدا الجماعه ديل أمس ما إتغلبو تعرف ليه عشان سببين
أول سبب عشان بعدين مباراة الهلال ما يجو يقولو البطوله محسومه وما لعبنا بي طاقتنا كلها (هي وينه الطاقه من الشفناهو أمس ده، ياخي ديل بس حاج موت عديييل كده هاهاها)
وتاني سبب شوفت الدعايه الكبيره البي غادي ومكرره مرتين والله تلاته مرات بتاعة (مصنع أسوار للطوب الأحمر) ياخي دي أمس لمن شوفتها والله قعدت أضحك لم حمودي بقى يسألني يابابا بي تضحك مالك ماقدرت أقول ليهو إنو الناس ديل عرفو يختو دعايتهم في الحته الصاح، أكيد بي يكون الجماهير (الصفويه) إستلموا عينات قبل المباراه، قبل أن يتحسس ناس الإحتياطي المركزي درقاتهم، شباب الصفوه تحسسوا عيناتهم من مصنع أسوار للطوب الأحمر
ياخي لو في زول جاب لينا الدعايه دي هنا ما بيكون قصر معانا كلو كلو
10-19-2010, 01:21 PM
كمال حسن كمال حسن
تاريخ التسجيل: 08-22-2004
مجموع المشاركات: 1352
Quote: تعرف يا تمبس أنا مبسوط جدا الجماعه ديل أمس ما إتغلبو تعرف ليه عشان سببين
سلامات ياكمال .. والله اسبابك دي كلها بيطلعوها ليك شمار في مرقــة .. الجماعة ديل اي حاجة عندهم بي نظام برضو .. غايتو لو دي فرمالتك المبسوط بيها صدقني .. بيطلعوك مطالب عديل كدا .. لاحظ معاي تطور الأحداث دا ,, الهلال السنة الفاتت يغلب الخرطوم تلاتة ستة واللا سبعة ما عارف .. يجو يقوليك الخرطوم فاتحه للهلال .. قلنا ما مشكلة يجو يترصعو بي ايفوسـا وعمر بخيت .. يقولو ليك والله الغلب ولا حارقنـا لانو ايفوسا ولدنـا وعمر بخيت زاتو لقاها بارده لانو الاداهو باص القوم نسيبو هيثم مصطفى .. الموسم دا .. الهلال يطقطق هلال كادقلي كمية يقولو ليك ح تمشو ووين من الخرطوم .. الخرطوم تترشة يقولو ليك الخرطوم بايعة .. الموردة تترشة يقولو ليك معتصم نيستا حراس المرمى ديل قاعدين يعلبو في الصفاقصي .. إلخ . ما تفرح مع الناس ديل يا كمال .. لكن اعمل على سبيل إنك تفرحم دايما .. مساكين وليهم فترة من الفرح الخرافي دا .. بقو شغالين بكا بس .. يبكو سااااااي ..
Quote: (مصنع أسوار للطوب الأحمر)
.. والله يا كمال ربك ستـر .. سمعت تحت تحت كدا قالو بعد نص الساعة بتاعت الشوط التاني .. واحد من الجماعة فتح المخزن جوه الاستاد المصنع بتاع العينات بس الكمية كانت محدودة .. فقامو اشتغلوا بنظام طوبة لكل متر مربع من المشجعين .. هو قول الحمد لله ما بقى مصنع بتاع سيراميك .. لانو الطوبة بتفلق وبتجيب دم وبربطو الراس والسيراميك بقطع الراس عديل كدا ...
10-20-2010, 07:14 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: تعرف يا تمبس أنا مبسوط جدا الجماعه ديل أمس ما إتغلبو تعرف ليه عشان سببين
سلامات ياكمال .. والله اسبابك دي كلها بيطلعوها ليك شمار في مرقــة .. الجماعة ديل اي حاجة عندهم بي نظام برضو .. غايتو لو دي فرمالتك المبسوط بيها صدقني .. بيطلعوك مطالب عديل كدا .. لاحظ معاي تطور الأحداث دا ,, الهلال السنة الفاتت يغلب الخرطوم تلاتة ستة واللا سبعة ما عارف .. يجو يقوليك الخرطوم فاتحه للهلال .. قلنا ما مشكلة يجو يترصعو بي ايفوسـا وعمر بخيت .. يقولو ليك والله الغلب ولا حارقنـا لانو ايفوسا ولدنـا وعمر بخيت زاتو لقاها بارده لانو الاداهو باص القوم نسيبو هيثم مصطفى .. الموسم دا .. الهلال يطقطق هلال كادقلي كمية يقولو ليك ح تمشو ووين من الخرطوم .. الخرطوم تترشة يقولو ليك الخرطوم بايعة .. الموردة تترشة يقولو ليك معتصم نيستا حراس المرمى ديل قاعدين يعلبو في الصفاقصي .. إلخ . ما تفرح مع الناس ديل يا كمال .. لكن اعمل على سبيل إنك تفرحم دايما .. مساكين وليهم فترة من الفرح الخرافي دا .. بقو شغالين بكا بس .. يبكو سااااااي ..
Quote: (مصنع أسوار للطوب الأحمر)
.. والله يا كمال ربك ستـر .. سمعت تحت تحت كدا قالو بعد نص الساعة بتاعت الشوط التاني .. واحد من الجماعة فتح المخزن جوه الاستاد المصنع بتاع العينات بس الكمية كانت محدودة .. فقامو اشتغلوا بنظام طوبة لكل متر مربع من المشجعين .. هو قول الحمد لله ما بقى مصنع بتاع سيراميك .. لانو الطوبة بتفلق وبتجيب دم وبربطو الراس والسيراميك بقطع الراس عديل كدا ...
10-20-2010, 07:50 AM
ALMURADABI ALMURADABI
تاريخ التسجيل: 06-22-2002
مجموع المشاركات: 533
Quote: خمسة ستة سبعة ... شوف البيع على اصولو .. مش ده حارس الموردة البياع ذاتو
Quote: وهاك يا طمبس .. موش ياهو نفس الحارس الامين ..
..
Quote: ياخ كلهم واحد حتى لو ما بتاع امبارح برضو بايعين ليكم
.. أيوة كلهم واحد يا نيستـا الشراط زاتو خليناهو .. يعني نحن بنعرف اكتر منكم ..؟ هلال كادوقلي ياخد ليهو ربطة . يقولو فاتح .. الخرتوم تاخد ليهو ربطة يجيك حمزاوي يقولو فاتحة .. الموردة تترشة كيلة .. يجيك نيسته يقوليك حراس المرمى ديل تيمان .. التيحــة يرشوها ليهم ماشي جـاي .. نيسته يقوليك التيحة فاتـحة .. ناس الصفاقصي ديل .. حقو نلعبكم معاهم عشان تغلبوهم لينا .. والله يلمو فيكم يدوكم (22) / صفر غنتو البلعبكم مع الناس الكبار زينا شنو كمان .. دي حركات جديدة منكم ..؟ .. يعجبني فيكم انكم عاملين زي الزيبق .. الواحد تمسكو من هنا .. يطلع ليك من هنـا .. ودي حاجة كويسة لانو الزيبق مادة كويسة وزاتو موصل جيد للحرارة اشكرك يا نيستا على اهداف الأولاد ودقر يا عين .. من حسادتكم بتاعت اليومين دي .. من ناحية أخرى .. لو كان القون حق امس دا لاعب مباراتنا والله كان تلقطو في الكورة لحدت الآن ..
ملحوظـة : حارس مباراة هلال موردة هو الحارس هــاني ماهــر وحارس مباراة مريخ موردة هو الحارس .. صلاح يحى ..
دي آخر مرة تعمل الحركة دي مع زول هلالابي ما بيخليك
10-19-2010, 01:19 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: اها هسي منمرين على الحارس بالمناسبة الحارس كان كويس جدا جدا ولكل جواد كبوة
يا ابو علـوة ويين الحي بيك ..؟ ياخ لكن كبوة في الدقيقة ستة وتمنين .. والكورة تخش بين ايديك وفاتح ليك شارع يدخل قطـر ..؟ القون دا كعب يا علي ... هاني ووين ..؟ هاني دا ولد ثابت ورشيق جدا .. والماتش القدمو مع الهلال بياهلو إنو يلعب في الهلال .. عشان كدا لو في تنمير إلا نجيب هاني دا يقعد في الكنبة والله الهلال عندو تاني اتنين قاعدين بره أي واحد فوقم لو لقى فرصة تاني إلا الكريم ..
Quote: لكن في زمتك دي الجماعة ما قطعو موية ونور ؟؟
موية ونور الحبة دي ..؟ والله القوون التاني دا لما جـاء .. اححححححح دي تجيب الرايح..
10-19-2010, 01:40 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: بعدين لو بتتذكر أبو القاسم الرشيد قون الموردة الزمان قبض البلينتي من كمال عبد الغني والقوون الجابو مغربي من النص داك .. أبو القاسم دا دفعتي وتلميذي وفردتي .. يعني أقوان الموردة ديل ما عندنا مشكلة مع بعض ..
ياخي انت بتنكت حاجات عجيبة انت ابو القاسم دا موش سافر امريكا
10-19-2010, 02:06 PM
أحمد ابراهيم عثمان أحمد ابراهيم عثمان
تاريخ التسجيل: 08-16-2009
مجموع المشاركات: 245
Quote: ياخي انت بتنكت حاجات عجيبة انت ابو القاسم دا موش سافر امريكا
.. ايوه والله يا وليد .. ومن يومه ما عرفت عنو اي حاجة .. وزعلت شديد جدا إنو سافر امريكا .. أبو القاسم الرشيد تزاملنا في المرحلة المتوسطة وكانت اهتماماتو في الجانب الفني لانو كان هو واخوهو طارق في النصف التاني للنشاط في المدرسة نحن في فريق كرة القدم وهم في الناحية الفنية .. جمعتنا حلة واحدة هو حي الموردة العريق بالرغم من انهم اقرب لي نادي الموردة جغرافيا مننا .. لذلك اجتهد ابو القاسم شديد جدا في التمارين الشاقة ووجد فرصتو في الفريق الأول .. وكان ثابت جدا وشجاع .. ركلة الجزاء الصداها من كمال عبد الغني ثبتتو اكتر وكنت متوقع إنو يمشي بشكل جيد .. لكن فجاة عرفت منو إنو مسافر أمريكا ومن يومه ما عارف عنو اي خبر ..
10-20-2010, 07:36 AM
امير عوض الجمري امير عوض الجمري
تاريخ التسجيل: 04-25-2006
مجموع المشاركات: 2560
بايع شنو يا تامبا يا رشاشة يا قرقور دي حسادة منك ساكت .. الولد راجي لعاب خدع القون وخلعو وخدع الجمهور والمشاهدين والمعلق والمدربين وجاب احلى هدف في الدوري
ياخي راجي ده حلانا من جنس مأزق كنا حا ندخل فيهو !!
تمبس .. تحياتي والقطر الشال معاوية يتدشش زاوية زاوية تمامآ كما غنى زنقار الموردابي آنذاك ..!! وحقيقة لم يؤلمني بإدعاءك سكن الموردة وهي ربما تكون حقيقة جغرافية ليس إلآ .. ولكن ماذا يقول أخونا قائد فرقة مشجعي الموردة محمد حامد الجزولي والذي هو إمتداد لعمالقة مشجعي الموردة وأولهم وردي ـ ليس الفنان الشهير ـ ياأخي ضيعني ساكن الموردة ويا جميل ما بصح ليك تعمل كدة!! - ياه يا له من زمن جعلني أعصر زاكرتي لكيما أرى الموردة وأنا أحضر تمارينها في أستادها الذي بنته قبل الهلال و المريخ .. ياه ياتمبس هل رأيت عمر عثمان موسكو وهو يضع رأسيته في مرمى سبت دودو! هل رأيت الفنان محمود الزبير وهو يسجل الفاولات من خارج خط 18 و يعلقها في شباك الآخرين ..! هل تناولت وجبة الإفطار في دكان العم المحينة ـ أطال الله عمره ـ في سوق الموردة وأصبح ذلك الإفطار يرتاده كبار إدريي الهلال و الميخ و الموردة و بقية الأندية الأمدرمانية..! ياه.. تمبس حينما كانمحمد حامد الجزولي يشجعفريق الموردة و يغني كما يغني مشجعي الإتحاد السعودي ( نعم نعم مورداب أحبكم )... و(أنا مالي ومالي حبة سافر مالي ).. وو و و الحديث يطول عن الموردة.. وأحيي هؤلاء الأقطاب المورداب لكمأفتقدهم و أحبهم : ـ صديقي هشام الفيل .. والريح إسماعيل دمباوي.. و مولانا الريح وداعة الله .. و العم العزيز واللاعب الدولي سليمان المحينة والذي أصبح متجره في سوق الموردة قبلة القادة الرياضيين والإعلاميين و المثقفين في أمدرمان .. ـ واللعزيز مجذوب رحمة ..ولصلاح خضر سكرتير الموردة وراعي فرقة ال blue star الذائعة الصيت آنذاك .. وعمنا العزيز الأمين كردلي والذي كان يصيح في مباريات الموردة بكالماته القوية (هو كدة ).. إييك يا تمبس المهبوش الكلام عنالموردة يحتاج لبوست خاص و ليس لنتيجة مباراة زيماإنت تكون فاكر يا تمبس أرفع يدك عن الموردة لأنك تختزل تاريخها في ميولك الهلالية .. و نعم نعم مورداب أحبكم .. ليس من بينهم متولي مالك و تمبس.. ليه ! عشان خزلانهم لأحبتهم.. ودمتم
10-24-2010, 08:02 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: وحقيقة لم يؤلمني بإدعاءك سكن الموردة وهي ربما تكون حقيقة جغرافية ليس إلآ
عليكم السلام يا نجيلة .. أولا .. بالنسبة لي آلمك دا .. وادعائي سكن الموردة .. أحب أوضح ليك إنو ما اتشرفت بمعرفت سعادتكم انك عمدة أو ماسك سجلات المواليد بحي الموردة أو من الناس الكانو زمان بيجو وبيسالو من أجور العتب في المنازل .. حقيقة مأساة دي .. انتمائي وعشقي للهلال مربوط بالانتماء الجغرافي أو عدمـه ..؟ والصدفة العجيبة إني لم اتشرف بمعرفتك كعلم بارز في حي الموردة العريق الذي ولدت فيه وترعرعت في حوارية ولعبت في انديته المختلفة واحفظ كل حجارته .. المهم في الأمر هناك العديد ممن تسبح في فلكهم يحملون نفس النظرة الضيقة .. وللاسف ساهم ذلك في ضرر نادي الموردة لفترة طويلة من الزمن .. حيث ساهم ذلك في تحطيم الكثير من المواهب اليافعة .. والفنانيين من اللعيبة الذين كانوا سيشكلون ارقاما في خريطة الكورة السودانية .. وربما العالمية إذا بعدت عن المبالغة .. انتمائي أو ميولي الرياضي أو حبي لفريق الهلال لا اجد في ما يعيبني أو ينفيني .. لأن وحسب علمي الشخصي الخاص جدا أن البني آدم يولد في السودان على فطرة الهلال .. ومن ثم يترك له بقية الخيارات ليختار منها ما يختار .. ولدت هلالابيا من اسرة هلالابية حتى النخاع وفي قلب الموردة .. وان من دون أخوتي كنت معلق علم الهلال فوق لي اريل التلفزيون كخيار اعلن به عن عشقي وليس لأحد حق أن يتدخل في ميولي وهذا لا يمنع أن اشجع الموردة احيانا كما اشجع المريخ في بعض الاحايين .. يشاركني في هذا العشق الأزرق العديد من سكان الموردة .. وعلى راسهم الكاتب الكبير عوض ابشــر .. ولو كنت فعلا من الذين يجمعون رسوم العتب في المنازل لوجدت أن منزل الأستاذ الفنان بهاء الدين عبد الرحمن ابو شلة الذي تغنى في ملحمة اكتوبر أمد الله في ايامه .. لوجدت أن علم المريخ يرفرف في اعلى نقطه في منزله .. وهناك العديد من المنازل التي لا تتحرج ان تضع علم انتمائها فالموردة مجتمع مفتوح وتشكل الديمقراطية فيه القانون السائد لمجتمعه المتماسك المترابط .. إلا من بعض القلة الذين يركنون لتعصبهم وهذا من حقهم كما لي نفس الحق .. بعدين الحاجة التانية .. يعني ضروري جدا اكون بعرف الناس الذكرتهم ديل كلهم علشان اخد منك براءة الانتماء الجغرافي أو غيره ..؟ إنت عمدة في الموردة دي ..؟
10-24-2010, 08:27 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: ياه يا له من زمن جعلني أعصر زاكرتي لكيما أرى الموردة وأنا أحضر تمارينها في أستادها الذي بنته قبل الهلال و المريخ .. ياه ياتمبس هل رأيت عمر عثمان موسكو وهو يضع رأسيته في مرمى سبت دودو! هل رأيت الفنان محمود الزبير وهو يسجل الفاولات من خارج خط 18 و يعلقها في شباك الآخرين ..! هل تناولت وجبة الإفطار في دكان العم المحينة ـ أطال الله عمره ـ في سوق الموردة وأصبح ذلك الإفطار يرتاده كبار إدريي الهلال و الميخ و الموردة و بقية الأندية الأمدرمانية..! ياه.. تمبس حينما كانمحمد حامد الجزولي يشجعفريق الموردة و يغني كما يغني مشجعي الإتحاد السعودي ( نعم نعم مورداب أحبكم )... و(أنا مالي ومالي حبة سافر مالي ).. وو و و الحديث يطول عن الموردة.. وأحيي هؤلاء الأقطاب المورداب لكمأفتقدهم و أحبهم : ـ صديقي هشام الفيل .. والريح إسماعيل دمباوي.. و مولانا الريح وداعة الله ..و العم العزيز واللاعب الدولي سليمان المحينة والذي أصبح متجره في سوق الموردة قبلة القادة الرياضيين والإعلاميين و المثقفين في أمدرمان ..
يبدو أن الفرق بيننا سنيا واضح .. والفترة التي عاصرت فيها هؤلاء وحدك كنت وقتها ربما احبو أو قل يادوبك بديت (اكسر) في سنوني أو يادوبك طلعت .. التحية لكل من ذكرتهم والما عندو كبير ما عندو اي حاجة .. ومع ذلك أرجو أن اشير لك بنقطة مهمة وهي بعيدة كل البعد عن النرجسية.. فالحمد لله كنت من ضمن الذين يجيدون لعب كرة القدم .. بشهادة العديد ممن زاملتهم .. هذه الاجادة جعلت مني مرغوب في فترة زمنية كنت اكره فيها الاعلام واتحاشاه .. الأخ مجحمد حامد الجزولي كان من ضمن الذين سعوا سعي جاد جحدا بان اللعب في فريق الموردة .. وذلك بعد ان لعب أخي الأكبر فترة في منتخب اشبال الموردة ثم الفريق الأول وذلك بعد ان تدرج في اندية امدرمان المختلفة م قلب الأسد وابوعنجة غلى منتخب أمدرمان وكنت قد تعقبت مسيرته .. تدربت مع فريق الموردة عدة تدريبات وكان من المفترض ان يتم تسجيلي .. بي قانون الحلة وقتها وهو معروف لناس الموردة .. سجل في نفس الموسم اسعد كامل اسعد حبه للفريق الأول .. وسبقني محمد حسن سعيد (حمري) للهلال .. كما سبقني بابكر الحلو باكمبا إلى المريخ والعديد من اللعيبة الذين لا اذكرهم الآن أو اذكر انديتهم .. وهؤلاء جميعا من لم يلعب معك في فريق واحد فهو قد زاملك في رابطة أبوعنجة والتي كان مشهورا عنها تفريخها للفريق الموردابي دون قيود أو شروط .. أو حتى دون الانتماء الجغرافي أو شهادات السكن ..
10-20-2010, 09:10 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: بايع شنو يا تامبا يا رشاشة يا قرقور دي حسادة منك ساكت .. الولد راجي لعاب خدع القون وخلعو وخدع الجمهور والمشاهدين والمعلق والمدربين وجاب احلى هدف في الدوري
كيف لكن يا امير ما يخلعو كان فاتح ليهو قراش عديل كدا خلي الكورة الصغيرة دي .. والله كان جا داخل راجي عبد العاطي زاتو كان دخل قون .. طبعا دا ما بينفي اجتهاد راجي عشان ما افطس ليكم ولدكم ساي .. طبعا زي ما عارف المهاجم الفنان بيكون قاري اي شبر قدام المرمى (ملم) واحد بيستثمرو علشان يمرر فوقو الكورة .. تتذكر قوون الراحل والي الدين في الهلال السعودي في القاهرة .. شفت ختاها ليهو ووين ..؟
Quote: ياخي راجي ده حلانا من جنس مأزق كنا حا ندخل فيهو !!
حسع بالمناسبة دي يا أمير .. ضابح متين ..؟ والله فكة الزنقة دي عايزه ليها كرامة بي دم عديل كدا
10-20-2010, 07:42 AM
امير عوض الجمري امير عوض الجمري
تاريخ التسجيل: 04-25-2006
مجموع المشاركات: 2560
Quote: .. ايوه والله يا وليد .. ومن يومه ما عرفت عنو اي حاجة .. وزعلت شديد جدا إنو سافر امريكا .. أبو القاسم الرشيد تزاملنا في المرحلة المتوسطة وكانت اهتماماتو في الجانب الفني لانو كان هو واخوهو طارق في النصف التاني للنشاط في المدرسة نحن في فريق كرة القدم وهم في الناحية الفنية ..
تعرف يا تامبا انا اتعرفت على ابو القاسم في الفترة الكان مفروض خلاص يسافر فيها وحضرت حفلة وداعو في بيتم في الحوش فعلا كان فيها مجموعة فنانين وكلهم اصحابو .. شفت الشربكة دي كيف؟!
يا تمبس دعني أنفي إنتماءك الجغرافي للموردة لصالح إنتماءك العاطفي للهلال ولا حرج في ذلك إلا لمن أنكر ..!! ولكن لو كنت موردابي صميم لما كتبت ذلك خصوصآ أن أحدهم قد كتب بوستا في هذا الشأن( الموردة أسد على المريخ و للهلال نعامة ) .. ولعل كاتب هذا البوست لم يعلم بأن الموردة عام 1932 وكانت تمثل بفريقين هما الموردة أو الموردة ب بأن تنازلت عن فريقها الموردة ب لكيما لا يهبط المريخ للدرجة الثانية .. وكان هذا سببآ لإنقسام أقوى فرق أمدرمان وقطيعة بائنة حيث صار فريق الموردة ب بعد أن إنفصل عن الموردة أ يسمى بحي الضباط .. وكان من إدارييه القائم مقام موسى الله جابو و الشاعر الصاغ مرسال عبدالقادر والد جراح العظام الشهير المرحوم عامر مرسال .. وإيضا إنضم إلى حي الضباط النادي المتكون من الموردة ب الصاغ الشاعر محمود أبوبكر .. وإيضا كان من ضمن إدارييه الصاغ زاهر سرور السادات وهو والد الدكتورة خالدة زاهر أول طبيبة سودانية وشقيقتها د فهيمة أول إقتصادية سودانية .. ـ فاتني أن أشير إلى أقطاب الموردة الكبار العم العزيز عبدالمحمود أبوصالح والذي رأس نادي الموردة لعدة مرات .. وإيضآ الراحل خلف الله خالد أول وزير دفاع سوداني بعد الإستقلال .. ولا يفوتني أنأحيي من أقطاب الموردة أبناء المرحوم محمد الأمين حامد ومنهم الأعزاء د أحمد و محمود وهم أصحاب معامل أمفارما للصناعات الصيدلية .. وهنالك إيضا آل السكي وآل عبدالسلام الطاهر وأبناء العمومة من آل طمبل ود إبراهيم الباقر .. نعم نعم مورداب أحبكم... أواصل
10-20-2010, 02:50 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وكان ثابت جدا وشجاع .. ركلة الجزاء الصداها من كمال عبد الغني ثبتتو اكتر وكنت متوقع إنو يمشي بشكل جيد .. لكن فجاة عرفت منو إنو مسافر أمريكا ومن يومه ما عارف عنو اي خبر ..
ياخي الحارس ابو القسام كان يصد ليك ضربات الجزاء دي زي المافي وغير ذلك حارس شجاع وتوقيته سليم برضو تقول لي المعز محجوب احكي ليك : طبعا ابو القاسم حارسنا في سلاح المظلات الذي كان يضم الكثير من لاعبي الموردة يازول لاعبين دورة المرحوم وداعة الله في منطقة الكلاكلة المهم كنا فايزين اخوك يازول حاور الدفاع كلو رقدوا سلطة وحاورة الحارس وقعدت اضحك لعبت الكورة في الكون وانا بضحك جا ليك واحد زي الشيطان مرقها من القون المدرب صلاح ليبيا وقف وقال وليد دا بمثل وشوية كدا استبدلوني قريب لنهاية الشوط الثاني وبريش ومحمود المستقبل زعلانين زعل شديد لان الجماعة اتشربكو فينا يازول جماعتك كبسوا ليك فينا قون الدرون الشغلة وقفت على ضربات الجزاء جاني ليك المدرب برهان تية المجرم قال : شوف ياوليد الحكم يصفر تدخل بسرعة الملعب اقرب زول تلبس فنليتو وتشوت الضربة الاولى وهذا ماحصل ( اخوك طبعا فقري ) دايما اي ضربة جزاء لازم انا اشوت اول واحد يازول الناس شبكو ليك الحكم شايفين وما شايفين المهم الكرة تم اعادتها لكن بشعنا ليك بالجماعة المره التانية لكن للان بضحك من رجفة برهان في تلك المبارة وجاني ليك طاير ياوليد شوت البلنت الاول وانا محتار لانه تم استبدالي اثناء المباراة . طبعا حركت برهان دي لو كان رجعنا السلاح خاسرين يازول دي مشكلة كبيرة في السلاح ياخي كرة القدم دي فيها حاجات عجيبة ياخ
10-24-2010, 08:44 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: يا تمبس دعني أنفي إنتماءك الجغرافي للموردة لصالح إنتماءك العاطفي للهلال ولا حرج في ذلك إلا لمن أنكر ..!! ولكن لو كنت موردابي صميم لما كتبت ذلك
اكتب ما يحلو لي من كتابة وذلك بعيدا عن التجريح أو نسف الآخر .. لكن حال أن اقرا مثل ما قريته من أسطرك .. وجب هنا أن اعلمك ما لم تعلمه .. كانت محاولة تسجيلي تتنازعني فيها رغبتي وميولي .. خاصة وأن وظيفة حارس المرمى وقتها كانت نادرة وأحمد الله تدربت على مستوى عالي جدا ومارستها في عمر صغير وتتلمذت على يد العديد من الحراس العمالقة في السودان وانا ولعبت وعاصرت الكبار وشهدوا لي بالتفوق وقتها والحمد لله .. سنحت لي فرصة واقولها بكل صدق أن اللعب بنادي الهلال وهذه معلومة ما كنت احب ان اصرح بها حيث اتصل علي احد الاقطاب المعروفين بنادي الهلال على أن يتم تخذيني في منتخب الأشبال ومن ثم تصعيدي إلى الفريق الأول .. وحضر القطب وقابل الوالد .. وكحالة الوالد لا يتدخل في خياراتنا لكن لا يبخل علينا بالنصح والارشاد .. فترك لي الخيار دون أن يتغلب ميوله الهلالي وبدون اي تعصب أعمى .. لان كان هناك اكثر من عرض من اندية في الدرجة الأولى وقتها .. في عصر نفس اليوم قابلت عمنا المحينة وكان ان تحدث مع والدي بعد أن عرف بالخبر .. عمنا المحينة الذي تتحدث عنه ومن وسط الاصحاب وبعد أن وقف عجلتو .. قالي بالحرف الواحد: كان مشيت الهلال .. علي بالطلاق اكسر ليك رجلك .. ، لاحظ نفس الفكرة حقتك العايز تطلعني بيها من الموردة عشان هلالابي .. التحية لعمنا المحينة .. ولكل من ذكرتهم هنا .. ولمزيدا من المعرفة والايضاح .. عندك محمد حامد الجزولي عضو معانا هنا دا .. وزامل احد أخواني الكبار دراسيا .. ولعبت معاهو فترة وجيزة في رابطة أبوعنجة .. اسالو .. بعدين إنت ما لعبت في الموردة مالك .. لو اصلك عمدة كدا .. وعندك ختم فوقو هلــب ..؟ سبق وأن ذكرت انو عندنا منتخب كنا بنلعب بيهو في اي مكان .. ودا بيضم على سبيل المثال: شخصي الضعيف .. مبارك مورغـن .. بريشين الاتنين عمر وأحمد .. عصمت احيانا .. مجدي الزومة احيانا .. الراحل محمد ضربة .. محمد بابكر مغربي .. .. إلخ من نجوم الموردة .. وكنا عندما نشارك في اي مهرجان أو تكريم نشارك على اننا ابناء الموردة ..
10-24-2010, 08:51 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: تعرف يا تامبا انا اتعرفت على ابو القاسم في الفترة الكان مفروض خلاص يسافر فيها وحضرت حفلة وداعو في بيتم في الحوش فعلا كان فيها مجموعة فنانين وكلهم اصحابو .. شفت الشربكة دي كيف؟!
يا أمير .. يعني كنتو بتجو الحلة ونحن ما فيشين مش كدا ..؟ طبعا حلة ناس ابو القاسم غربنا ونحن في الناحية الشرقية وبنفتح في خور أبوعنجة ودي كلها الموردة طبعا .. طبعا ابو القاسم زول مجتهد جدا وادهشني فعلا .. لانو كان بيحب الكورة شديد .. وماشاء الله قوامو هو المثالي جدا لحراس المرمى .. وكان بيحب التمارين جدا .. والشي العجيب إنو لما كنا في المرحلة المتوسطة بفريق كرة القدم .. كان ابو القاسم ما ليهو علاقة بالمنشط الرياضي .. واتذكر آخر مرة لاقيتو في شارع الأربعين واصر علي إني لازم اجي اتمرن زي أول .. وكان الكلام دا طبعا بعدما بطلت كورة وبقية قراية ومزاج سفر .. بعدها عرفت إنو ابو القاسم سافر امريكا ولي تاريخه ما عارف عنو اي تفاصيل .. زمن جميل يا أمير والاجمل ما فيهو كورتو وعلاقة الوسط الرياضي فيهو .. والمورداب كانو بيشكلو نموذج جميل جدا يقعو ويقومو مع بعض .. وبيرحبو بي اي زول يدخل في نصهم ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
tmbis
اساسي
Maawya Hussein
فيصل نوبي
omer osman
Sayed Bekab
معتصم محمد صالح
يحى الشريف
EMU إيمو
ALMURADABI
حسبو عكاشة
كمال حسن
وليد عبد اللطيف
أحمد ابراهيم عثمان
امير عوض الجمري
فيس بوك
تويتر
انستقرام
يوتيوب
بنتيريست