|
دعواتكم لزميلنا المفكر د.الباقر العفيف بالشفاء العاجل
|
|
 Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: سلمى الشيخ سلامة)
|
تحياتي وليد وكل عام وانت والبشير ووردي "الكبير" بخير
مسألة تسليم البشير للاهاي بالنسبة لي على الاقل هي مسألة محسومة إنسانيا ومنطقيا ووطنيا وأخلاقيا وعمليا
اليقين الراسخ لدى شخصي المتواضع بأن الخير كل الخير له ولنا كسودانيين وللوطن كقيمة ووجود وكيان أن يقوم بتسليم نفسه فور صدور مذكرة التوقيف لا يمكن أن يزعزعه مليون وردي وتريليون وليد محمد مبارك مع احترامي الكامل لك وللهرم الفرعون مطربا ومغنيا وملحنا وليس "مصرحا" بما صرح به
ومع ذلك أتمنى أن يمتلك الانقاذيون ومن لف لفهم أو هادنهم او اختلفهم أو وقف ضدهم "سوى في الحتة دي " ... او كما قال
أتمنى أن يمتلكوا الحد الأدنى من النزاهة والشجاعة "باتاحة الفرصة لنا" نحن الذين نقف ضد الانقاذ ونقف أيضا مع تسليم البشير للمحكمة الجنائية للتعبير عن أرائنا كلنا من خلال أجهزة الأعلام والصحف الرسمية وشبه الرسمية وشبه شبه الرسمية
"وما كل ما يتمنى المرء يدركه "
أن كل من يقف ضد تسليم البشير للاهاي و"يستمتع" بالتعبير عن هذا الرأي من خلال الاذاعة والتلفزيون والصحف يمارس جبنا وعدم نزاهة لانه يعلم أن هذا الرأي رأي معزول في الشارع السوداني ولا تحرسه ولا تضخمه إلا آلة ذات أجهزة الدولة القمعية التي أوصلت البلاد إلى هذا النفق المظلم
مع كامل احترامي للرأى والرأي الآخر عندما يتصارعان ويتحاوران بعدل وتساو وشفافية
كامل المحبة للجميع
| |
 
|
|
|
|
|
|
|
|
Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: فتحي البحيري)
|
بعد الاعتذار نجي نرد ليك يا فتحي
انا زاتي ولا مليار فتحي البحيري بقنعوني انو العدل ممكن يمرق من ظالم ...
لا يستقيم الظل والعود اعوج
والامم المتحدة اكبر ظالم على وجه البسيطة
والديل قانون الفيتو الذي يحمي الاقوياء ويحاكم الضعفاء
وعدالة متل الاتحققت في افغانستان والعراق اخير قلها
اما تصريحات الفرعون فقالها بعد سنوات من النضال الحقيقي فما انت يا فتحي البمنع زول زي وردي غير المغني من ابداء رائيه في اي حاجة
وردي شخصية عاملة قدمت الكتير وراجين منها لسع
انت شنو ؟
| Quote: أتمنى أن يمتلكوا الحد الأدنى من النزاهة والشجاعة "باتاحة الفرصة لنا" نحن الذين نقف ضد الانقاذ ونقف أيضا مع تسليم البشير للمحكمة الجنائية للتعبير عن أرائنا كلنا من خلال أجهزة الأعلام والصحف الرسمية وشبه الرسمية وشبه شبه الرسمية |
انا زاتي بتمني معاك
وربنا يحقق الاماني في العيد السعيد ده
انو يكون عندنا صحافة حرة متساوية
لكن وردي مقابلته كانت فنيه وهو استغلاها وصرح فيها عن ارائيه السياسية
اعمل زي وردي وخليك مبدع وقدم للشعب السوداني شوية من الابداع والامتاع
وحا تلقى فرصتك في الصحافة عشان تقول رايك السياسي
الصحافة لاسباب مادية تبحث عن المبدعين بغض النظر عن انتماءاتهم ايا كانت
المبدع بفرض نفسه يا فتحي غصب
Quote: أن كل من يقف ضد تسليم البشير للاهاي و"يستمتع" بالتعبير عن هذا الرأي من خلال الاذاعة والتلفزيون والصحف يمارس جبنا وعدم نزاهة لانه يعلم أن هذا الرأي رأي معزول في الشارع السوداني ولا تحرسه ولا تضخمه إلا آلة ذات أجهزة الدولة القمعية التي أوصلت البلاد إلى هذا النفق المظلم
مع كامل احترامي للرأى والرأي الآخر عندما يتصارعان ويتحاوران بعدل وتساو وشفافية |
ده كلام خارم بارم يا فتحي وكلام غير نزيه
انت تعلم تماما انو وردي والمبدعين الزيو بتستضيفهم الصحف والازاعات والتفزيوان ما عشان ارائهم السياسية بل عشان ابداعهم
وعموما وردي قالها في الازاعة واضحة انو ضد الانقاذ
الانقاذ زاتها ربة القمع والاضهاد ما قمعت وردي وقالت ليه كيف تقول انك ضد الانقاذ
انت العامل فيها دمقراطي ومفروض انك بتقبل بالراي الاخر
كيف تسمح لنفسك تمارس الارهاب الفكري وقتل الشخصية وتمنع الناس من انها تقول رائيها المبثلها في موضوع البشيير ولاهاي
هسع في النقطة دي ما انت قمعي اكتر من الانقاذ زاتها
وحسب رايك ده لو كنت في موقع سلطة
كان قطعت لي وردي لسانو جراء الكلام القاله
اما راي انو الناس ضد لاهاي ما معزول ولا حاجة
المعزول كلامك انت يا فتحي
وخالص الود
| |
|
|
|
|
|
|
|
|
|
Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: وليد محمد المبارك)
|
دة رايو ويجب ان يحترم كبقية الاراء
......................................................................
ادينى شهادة فقدان وجدان وضمير اتوفى
لو انى كتبت قصيدة تطقطق اصابع حاكم زلفى
بيناتنا رفعنا ستار الكلفة
واكلنا سويا قوت الشعب
منو الظلمات فيهن تتخفى
منى الكلمات تبقى محفة
رسمتو عليها يلوح يلوح بالمنديل
ولسانى بساط احمر ممدود
يتمشى عليهو لحدة ما يوصل بستان النوم
تبا للكلمة بتتسكع... تركع
تكتب اكتر تمدح اكثر
تلبس اقصر
وسط الهالات تعبر صالات الجنرالات وكبار القوم
ادينى شهادة فقدان وجدان وضمير اتوفى فى ذاك اليوم
.........................................................
| |
|
|
|
|
|
|
|
|
|
Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: وليد محمد المبارك)
|
بت الكلب السياسة
والاصح بت الكلب السياسة السودانية
بل الاصح بت الكلب هي سياسة كل سايس سوداني
بت الكلب السياسة البتنزع جلباب النضال من وردي عشان رفض محاكمة البشير خارج السودان وقدام محكمة لا يحاكم لديها الا من لا يمتلك فيتو مع انو صرح في زاعات الانقاذ انو ضد الانقاذ .. بت الكلب البتنزع منو النضال عشان شال 50 الف دولار حقه ومستحقه من مال الشعب السوداني لا منحة من زول ولا كرم من انسان
بت الكلب السياسة البتلبس نفس الجلباب النزعته من وردي ( جلباب النضال ) لي زول زي ابو خالد اعد برنامج ( في ساحات الفداء ) برنامج كان المحرك الرئيسي لحروبات الجنوب وبسبب البرنامج ده مات اللوف الصبية والشباب في الجنوب من الاتجاهين ، زول كان بقاسم الله في توزيع الشهادة كانه يوزع في شهادات تقدير ،، زول عامل فيها مازون يزوج الحور العين لمن يحب
فجاءة في اون لاين
وردي يبقى متواطي بعد نضال دام دشليون سنة
وابو خالد يبقى مناضل عشان الترابي بقى خارج دائرة السلطة
بت الكلب السياسة
| |
|
|
|
|
|
|
|
|
|
Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: وليد محمد المبارك)
|
| Quote: بت الكلب السياسة البتلبس نفس الجلباب النزعته من وردي ( جلباب النضال ) لي زول زي ابو خالد اعد برنامج ( في ساحات الفداء ) برنامج كان المحرك الرئيسي لحروبات الجنوب وبسبب البرنامج ده مات اللوف الصبية والشباب في الجنوب من الاتجاهين ، زول كان بقاسم الله في توزيع الشهادة كانه يوزع في شهادات تقدير ،، زول عامل فيها مازون يزوج الحور العين لمن يحب |
وليد .... فعلاً بت الكلب السياسة ....
بقايا الكيزان ... ومستجدي النضال ... الناس النضالهم إرتبط باللجؤ السياسي ...
وصدقوا إنهم فعلاً مناضلين ... وعندهم أثر كبير في الحياة السياسية والفنية والإجتماعية للسودان ...
ودخلوا كمان في مرحلة التصنيفات ... الطيب صالح / وردي .... ولسة ياما بكره تشوف ....
___________
| |
|
|
|
|
|
|
|
|
|
Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: وليد محمد المبارك)
|
Quote: ابدا يا عمر سعد
قريتها ولقيتها ما بتعبر عن حالة وردي
فتجاوزتها
كل الود |
.
تكون بتعبر عن عمر سعد ........(وجة متحير).
حين قيلت مقولة ياسر تقتلة الفئة الباقية ....
فحين قتل وهو قاتل فى صف سيدنا على فقال الطرف الاخر قتلة الذى اخرجة
والى الحين الجدل داير يارب من هى الفئة الباقية التى اخرجت سيدنا ياسر ام التى قتلت سيدنا ياسر
لدى مقولة ان لاتوجد حقيقة فى ذة الدنيا غير الموت وما عداة يمكن ان يصبح مسار جدل ....
لك الود والاحترام .......وكما قلت سابقا هذا راى وذاك راى ويجب ان تحترم الاراء
بغض النظر عن تاويلها ..الى صالح من والى من ..................................
| |
|
|
|
|
|
|
|
|
|
Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: وليد محمد المبارك)
|
فتحي البحيري ...
كُل عام وأنتُم بِخير ...
معقول يا فتحي في عمود زول تقوم تفرِض علينا أُغنِية ... معقول يا فتحي في عمود بِيتكلم عن وردي تنزِل أُغنِية لِغَيرِو ... معقول ده ... كُل ما أدخُل العمود ده بقوم أوقِف الأُغنِية الفرضتها علينا دي مُش لأنها ما جميلة ... بس لأنها مفروضة علَينا فرض ... ولأنها غير مُناسِية لِمَوضوع العمود ... ولأنها بِتشَوِش علي في القِراءة ، أصلو زي ما أنت عارِف نحن مِن غير الناطِقين بِها بِنعاني شِوَيتين
| |
|
|
|
|
|
|
|
|
 Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: صلاح الفكي)
|
Quote: يلا سمعونا نغمكم ولحقوه الطيب صالح
وخلي زول يجي يقول جلابي كمان
او يقول ما سودان ووافد على السودان
او يقول عميل للانقاذ |
خليهم يقولو .. والبقولوهو طوااالي أعمل شمال ميل ..
يا وليد الطيب صالح لما قال من أين اتى هؤلاء كل ابطال الديجتال علقوها تميمة وقالو بس الطيب صالح دا .. ولما منعوا حتى المكتبات من رواياتو وكتاباتو والله ابطال الديجتال ديل الوكت داك الف باء تاء ثاء نضال ما بيعرفوها وبكري ابوبكر دا زاتوز اظنو ما فكر يعمل المكان دا .. يعني على الاقل كان قرينا لي الباقر عثمان دا في جريدة إن شاء الله بتاعت حيطة يا سمعنا صبري الشريف دا بيقرا شعر في جمعية ادبية يا رحلة نيلية والله الواحد بطنو كان بردت ..
يعني حسع دي الواحد يا يقول كلام يعجب الناس دي يا يطلع ما بيعرف حاجة ؟؟
بلاي الطير المهاجر .. وسجون .. والود .. وتشريد .. ووطنـا ويجي يقول رايو المقتنع بيهو يلم فوقو ابطال الديجتال يطلعوهو الطيش ؟؟
خلاص نبطل نسمع محمد وردي .. ويطلع لينا بطل ديجتال يغني لينا هنا دا .. ويمشي يغني لينا في المسرح القومي مع محمد الأمين ..
والله وردي دا مفترض بكري ابوبكر يعمل ليهو ايقونة تمثال ليهو في البورد دا يكتب عليها تمثال الأستاذ محمد عثمان وردي ..
عاش الامبراطور محمد وردي والما عاجبو يبطل (ديجاتيليه أو ديالكتيك) وينقلب فنان
| |
|
|
|
|
|
|
|
|
|
Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: tmbis)
|
الحبيب وليد
تحياتي وكل عام واولادك بخير
وردي باكر حا يغني اغنية يا طاير يا طاير والشغله حددوها بثلاثه اشهر واحسب من يوم الليله وقول واحد
محاكمة علي الورق
2008-10-06 وكالات - شبكة وطني الاخبارية
المدعي العام للمحكمة الجنائيه الدولية في افادات جديدة
وضع سقفا زمنيا حدده بثلاثه اشهر لصدور قرار المحكمة
وقال انه لا يستطيع عمليا النظر في قضايا العراق وفلسطين
توقع رئيس الادعاء العام في المحكمة الجنائية الدولية لويس مورينو أوكامبو صدور قرار من المحكمة بتوقيف الرئيس السوداني عمر حسن البشير خلال ثلاثة شهور، نافياً علمه بوجود صفقة مع البشير لوقف الإجراءات القضائية بحقه في مقابل تسليمه متهمين آخرين في جرائم دارفور.
وأكد أوكامبو في مقابلة مع صحيفة الحياة اللندنية الاثنين حصوله على أدلة قاطعة تدين الرئيس السوداني ، مشددا على عدم وجود أى تأثير للسياسة على عمل المحكمة، قائلا "لن أتخلى عن هذه القضية من أجل ظروف سياسية" .
وأشار إلى أنه قطع شوطا كبيرا في إعداد ملف الادعاء على جماعات من المتمردين في الإقليم السوداني ، مؤكدا حرصه على عدم توجيه أي تهمة للرئيس البشير من دون الحصول على الأدلة والقرائن التي تؤكد تورطه في هذه الجرائم .
وقال أوكامبو في مكتبه في مبنى المحكمة الجنائية الدولية في لاهاي: "استطعنا الحصول على معلومات موثقة بالصور ومن شهود عيان تفيد بأن الرئيس البشير كان يعطي أوامره لوزيره أحمد هارون الذي كان ينقلها الى زعيم الجنجاويد علي قشيب لمهاجمة الابرياء في دارفور" ،
وحرص أوكامبو على تأكيد أنه كمدع عام يوجه تهماً للرئيس البشير شخصياً، لكنه يحترم شعب السودان وحكومته، فهو "مدع عام مستقل ومتجرد كليا" على حد قوله.
وعن احتمال إضرار المحكمة بعملية السلام في دارفور، قال المدعي العام : "القانون يؤسس للسلام، والقانون هــو لتعيش مع أعدائك بسلام ، ومـــن خلال التفــويض الذي منح لي سأحاول الوصول إلى العدالة من خلال القانون".
| |
|
|
|
|
|
|
|
|
|
Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: SAMIR IBRAHIM)
|
وليد
صباحك
| Quote: يلا امرقوه ما لعرف يغنى |
هذا الجزء من العنوان غير موفق
انت نقلت تصريح وردى يعد ثوان من اذاعته و لا ادرى سر تعجلك و قلة ثقتك فى نصج المتلقين و عدم تمييزهم بين موقف سباسيى لمبدع ما و بين انتاجه الممتد لعشرات السنين
دونك ردود الافعال على اقوال الطيب صالح الاخيرة فى المنبر و لم يجرد اى من المتداخلين الاديب الكبير من مقدراته الكتابية
و كذا الحال فى بوستك هذا
وردى فنان عظيم و ابداغه غير مسبوق البتة
لكنه خارج دائرة فنه العظيم رجل يؤخذ منه و يرد
وردى تحدث فى شان سياسيى ساخن للغاية و اختار مساندة جانب معين و هذا حقه تماما
و لان وردى رجل عام و نجم كبير فمن الطبيعى ان يوجد من ينتقد موقفه السياسى هذا دون ان يمتد الامر لتجريح مقدراته الفنية (و هذا عين ما حدث حتى الان فاين المشكلة؟)
يبدو لى انك كنت تتوقع ان تشن قبايل اليسار حرب داحس و الغيراء على وردى (لتاديبه) و هذا ما سوف لن يحدث لانهم اخدوا مناعة كافية من مثل هذه المواقف من الفنان الكبير
مع مودتى
| |
|
|
|
|
|
|
|
|
|
Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: SAMIR IBRAHIM)
|
وليد
صباحك
| Quote: يلا امرقوه ما لعرف يغنى |
هذا الجزء من العنوان غير موفق
انت نقلت تصريح وردى يعد ثوان من اذاعته و لا ادرى سر تعجلك و قلة ثقتك فى نصج المتلقين و عدم تمييزهم بين موقف سباسيى لمبدع ما و بين انتاجه الممتد لعشرات السنين
دونك ردود الافعال على اقوال الطيب صالح الاخيرة فى المنبر و لم يجرد اى من المتداخلين الاديب الكبير من مقدراته الكتابية
و كذا الحال فى بوستك هذا
وردى فنان عظيم و ابداغه غير مسبوق البتة
لكنه خارج دائرة فنه العظيم رجل يؤخذ منه و يرد
وردى تحدث فى شان سياسيى ساخن للغاية و اختار مساندة جانب معين و هذا حقه تماما
و لان وردى رجل عام و نجم كبير فمن الطبيعى ان يوجد من ينتقد موقفه السياسى هذا دون ان يمتد الامر لتجريح مقدراته الفنية (و هذا عين ما حدث حتى الان فاين المشكلة؟)
يبدو لى انك كنت تتوقع ان تشن قبايل اليسار حرب داحس و الغيراء على وردى (لتاديبه) و هذا ما سوف لن يحدث لانهم اخدوا مناعة كافية من مثل هذه المواقف من الفنان الكبير
مع مودتى
| |
|
|
|
|
|
|
|
|
|
Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: عوض محمد احمد)
|
وليد
... سلامات ...
وردي ..
فنان .. صاحب حنجرة ذهبية مميزة ..
إنتقى كلماته ونصوصه التي تغنى بها من شعراء
مفعمين بالثورية .. ومتعطشين للحرية ..
فتغنى لإكتوبر .. وتغنى للشعب .. يا شعبا لهبك ثوريتك ..
و تغنى ووقف ضد الديكتاتوريات حين صدح بـ (بلى وإنجلى )
الشئ الذي ميزه عن الفنانين الاخرين في زمنه ..
لكن الآن ..
لانستغرب ابداً من تصريحاته الاخيرة
ولا عجب أن يقف في صف المؤيدين للمجرم البشير ..
طالما انه تغنى في بيوت المجرمين ..
(وردي)
كرمته (وداد) !!
وحسن ساتي واوسكار الكيزان الفني !
وهذي قصة آخرى لـ (وردي) .. فقد وصف تكريم تكريم (وداد ) بالتكريم الحقيقي
وتكريم الشعب بتكريم ( الخشب والدلاقين )
ولايعلم هذا الفنان أنه قد كان وسيلة للربح من قبل إدرة مركز ليالي ..
وكم جنى ( حسن ساتي) من وراء تكريم وردي المزعوم ؟؟
| |
|
|
|
|
|
|
|
|
|
Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: هشام الطيب)
|
وليد صاحبى !!
| Quote: (وردي) قال هو ايضا (ضد) محاكمة البشير في لاهاي |
عارفاك حرييييف وافكارك مجرمه عارفااااااااك ,,,
القصة كلها فى ايضا دى ,,,
يعنى ختيت راسك بوردى !! 
حلوة منك وملعوبة
واقول ليك حاجه فكرتك دى عجبتنى
اها قول اتنين انا ذاااااااتى معاكم ..
هو نحن فى ديك الساعة ؟؟
ـــــــــــــ
بس يا وليد هو قال ما فى لاهاى
حقو زول يسالو يقول لى دايرنها وين طيب ؟؟؟
امكن الحلفاوى دا يختار ليكم حته اخير منها لاهاى ! ..
لوووووووووووول
كل سنة وانت طيب ..
| |
|
|
|
|
|
|
|
|
|
Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: وليد محمد المبارك)
|
وليد
كيفك والحمد لله قمت من صدمه الخروج المرير مبكر وواصلت حياتك
كلم باقي الناس ( طلحه ) وهارون دياب وشهاب الفاتح يجوا راجعين قول ليهم الصيوان إترفع
غايتو بصفتي برلوم هنا كل يون بأكتشف حاجه جديده ومعلومه طازجه
تصدق هنا لقيت يحي فضل زول جلابي ومنحاز للأغلبيه الحاكمه
وهنا عرفت إنو الطيب صالح صاحب أشهر تعبير سياسي عن الإنقاذ ( من أين جاء هؤلاء )
طلع عميل وكادر إنقاذي مندس وخليه نايمه كمان
والليله في بوستيك ده عرفت إن في قبائل لليسار لسه في السودان والقبائل دي
قررت ما ترد على تصريح وردي الخطير ده عشان تفوت عليه الفرصه
من شنو ما عارف
المهم يا سيدي
المستغرب ليهو إنت بعد البوستات الجميله دي ده كلها مريخابي كيف؟؟
لمني عليك ووردي ودينا خالد في حمله
(لا لتسليم الرئيس)
ولو في طريقه لجمع التبرعات ممكن أمسكها ليكم
| |
|
|
|
|
|
|
|
|
|
Re: (وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني (Re: وليد محمد المبارك)
|
اذكر انه في سنة 91كان لي قريبي كوز متعصب لا للدين بل للانقاذ يبدو ذلك جلياً في استمتاعه وتذوقه
الملحوظ للغناء .....وكان لا يستطيع ان يصرح علانية ان وردي لا يطرب ولكنه استبدل هذه العبارة باخري
اكثر طرافة حيث تحدث عن ان وردي بمقياس المحس لا يعتبر موهبة وتفرداً لان معظم المحس اصواتهم الطبيعية
تماثل وردي وهو بذلك يصبح فنان لغير المحس ولو انك سمعت اي مغني او متحدث من المحس تلاحظ هذا الزعم
واقعاً .......
هدفت بهذا ان وردي حينما كان يغني وتبني موقفاً سياسياً شعبيا لم ترضي عنه البمين قبائلا وشعوبا....
لذلك فان الفنان لايؤخذ فنانا من باب فنه المعزول والذي يغني به ويستخدم مواهبه في مدح السلطان
ولكن الفنان يدخل لقلوب الناس بمواقفه منهم ومن ققضاياهم ...فهو مخير في اختيار الصف الذي يقف
معه ....الجلاد ام الضحية.....
| Quote: الانقاذ زاتها ربة القمع والاضهاد ما قمعت وردي وقالت ليه كيف تقول انك ضد الانقاذ |
اما عما ورد علي كيبورك اعلاه فاني اعتقد انك تحسبه كاف لتصنيف الانقاذ بانها ديمقراطية، وسمحت
لوردي بان يقول انه ضد الانقاذ، ولكن تبعها بما يرضي الانقاذ اكثر من الاولي وهو موقفه الرافض لمحاكمته
..فهذه الكلمات واللغة هي عين مايفعله وما يقوله سادتها ومترفيها....بمعني اخر تخيل انه قد قال الاتي  انا انقاذي وضد محاكمة البشير في لاهي او في اي مكان اخر ) ماذا يعني هذا ولن يكون لكلامه اي
معني وسيكون كلاما عاديا ًولن تقوي انت علي كتابة شي .....ولكن تأثير التصريح سيكون اكثر وقعاًإعلاميا عندما تنفي صلتك بالانقاذ وتتبني خطها الاعلامي .....
لذلك اري ان وردي قد قال ما يخارج مع الانقاذ مثل اكثر الانقاذين ولاءاً بل اظرت....
| |
|
|
|
|
|
|
| |
وليد محمد المبارك
سلمى الشيخ سلامة
فتحي البحيري
Mohamed Foto7li
حيدر حسن ميرغني
elsawi
عمر سعد
خدر
عبدالله شمس الدين مصطفى
Hatim Yousif
عزام حسن فرح
فيصل محمد خليل
Elbagir Osman
مريم بنت الحسين
tmbis
دينا خالد
haroon diyab
ibrahim alnimma
فيس بوك
تويتر
انستقرام
يوتيوب
بنتيريست