|
Re: مرحبا بضيوفنا فى الصين، السادة بل غيتس ووارن بافيت (Re: Abureesh)
|
Quote: ياخوى تعال انت كنتونا دى من كانتون؟ إنت فى قوانزوو القاعد اجيها كل اسبوعين تلاتة؟ |
أصله جدنا كانتونا هو مؤسس كانتون كلها. هههههه أنا بجي الصين من السودان يعني ما قاعد في الصين لكن بجيها كتير.. أنا أعمل في تسويق الصمغ العربي في الصين.. إن شاء الله حأنزل هونق كونق ومنها لقوانزو وبعد داك لشنغهاي وبكين وتنجين. كان الله سهّل علينا.. إن شاء الله قبل الكريسماس. معرض قوانزو بجيهو في شهر أبريل دائماً. تحياتي.
كبـَّـاشي الصــَّافي
| |
|
|
|
|
|
|
Re: مرحبا بضيوفنا فى الصين، السادة بل غيتس ووارن بافيت (Re: cantona_1)
|
Quote: وبمر بحلتكم طبعاً .. أها المرة دي حأنزل عندكم تب .. رأيك شنو؟
|
رأيى تجيب ناظرك زاتو معاك.. ياخ تنزل على العين والراس وما نتسى وعدك دا.. وحكاية (نمر بحلتكم) دى القاصد إنها تحتاج تاشيرة. كنا عايزين نضبح ليك خروف لكن ما دام بريطانى دى عفيتنا منها.. ما نبقى فى حقوق حيوان وبتاع...
كباشى، ماتنسى تجيب على الاقل واحد من ناس شندى معاك عشان يشهـد..
عارف دى نكتة حكاها صديق جعلى.. قالوا العمدة مشى سنــار.. والكلام دا زمااان بدرى، لاقوه الناس فى سنار المحطة وهى بعيدة نسبيـا عن المدينة، لقاهم مجهزين ليه حمـ ار، وخاتين فوقه بردعـة جلد احمر نااااعمـة، وكمان فوقها فروة.. ركب الحماار والناس ماشيـة حوالينو.. قال اللاااااااه.. يا ريت لو كان فى واحد من ناس شنـدى شـاف الحالة دى.
.
| |
|
|
|
|
|
|
|