|
الفلهمة العوراء
|
والله مرات بتغاظ من الفلهمة عندما يجي واحد أو واحدة ويحشر لك كلمة انجليزية في نص الكلام ومكتوبة بالعربي... وفي كثير من الأحيان حتى الكلمة الإنجليزية تكون مكتوبة خطأ!!!
مرة واحد طيشابي بنتناقش في الكورة شابكني "Do you speak English"، عامل فيها الولد داير يتناقش معاي بالانجليزي وحا يفحمني لأني أنا ما بعرف الإنجليزي، وبعدين هو ما بعرف اللغة العربية لأنها لغة متخلفين حسب فهمه...وهو عامل فيها منقط الانجليزي طبعاً..... لمن كتر الحكاية اشتغلت معاه انجليزي،،، لقيت لك الزول ما بعرف التكتح في الإنجليزي... يعني طالع ملوص من العربي ومن الانجليزي!!
ودي مشكلة كبيرة مع العلم بأن الكتابة ممكن تكون بأي لغة منفردة دون الحاجة إلى لغة أخرى باستثناء بعض العبارات الاصطلاحية أو الكلمات الموجودة في معظم اللغات... ومع ذلك لو كانت الكلمة المحشورة بلغتها الأصلية لكانت أفضل من حشرها!!
وغالباً كل المتفلسفين ديل انجليزيهم انجليزي جركانات وكمان عربيهم برضو عربي جركانات !!! وفي بوست خليل إنجليزي جركانات:
كتب عبد الكريم الأمين أحمد:
يا زول انت مالو زولنا ابو برينطة ده (فيركشن)* كده في بوستاتك ها اليومين دول
فيركشن = بتحكحك
أها أنا لسه مش عارف (فيركشن) دي شني!!!!
وكتب خليل: لاعب سوداني راحل بتكلم عن ظلم الحكم قال
( زا رفيري زا فلاق از اب الله في
والأمثلة كتيرة وسنخلط البوست ده مع بوست الجركانات حق خليل!!!!
أهاتدخل الجركانية في الفلهمة العوراء وهي جزء لا يتجزأ منها!!!
|
|
|
|
|
|