كتب الكاتب الفاتح جبرا المتوفرة بمعرض الدوحة
|
يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات
|
خشيت كورة ابو عنجة ضد العباسية بي نفس ملامح السبورة السوداء والكتابة بي الطباشير العريض بتوقيت الشمس الحارة والبوابة الغربية من جانبها الجنوبي ..السلك الشايك وحلة العصير عند المدخل وتكدس جماهيري على الجانبين الغربي والجنوبي بينما يسيطر الهدؤ على الجهة الشرقية والشمالية .. جميل تواصل الأجيال وعدم إنزال راية دار الرياضة أمدرمان حيث الفرفشة والضحكة الصافية ..فالشباب تسلم الراية من العجايز ممن اقعدهم المرض أو وافتهم المنية .. أولاد الموردة لسة بيدخلوا الدار يضحكو ويتونسو وضاربين الهم بي الفرح ومنهم من يدير ظهره للملعب ومنهم من لا يدري كم نتيجة المباراة ومنهم المتعصب ولسة بينبز الحكم وبيجيهو أمن الملاعب .. طبعاً أخوك فقدت حساسية اخر تقليعات الدار فبعد خرستو وقراية الجريدة المقلوبة وبعد هوووووببببا وقعيد كل واقف وبعد مشاغلة الناس البيدخلو ملح (ابو قميص احمر ملح ..ابو جلابية ملح ) بقيت برة الشبكة .. فجأة وانا جلوس اتابع المباراة سمعت ليك كل الناس اللي حولي بدو يغنو وبي صوت واااحد : حنيينة حنيينة يا امدرمان ..جمعتي الناس ..كل الناس.. لا كليييتي ..لا مليييتي ..يا أمدرمان ..
عاينت لقيت زول جاي داخل لابس ليهو جلابية متهم بأنو من أهل العوض .. طبعاً بعد داك بتكون قادر تتخيل الحصل شنو وهو وقف ليهم وقام يبرطم وهاااك يا عييك وعوووق وإيييك و واااك وكاااك
تخريمة : غايتو انا تاني عندي كم زول كده لو لقيتو رادي لي في بوست حا أغني ليهو حنيين وحنيين يا سودانيز جمعت الناس ..كل الناس لا كليييت لا مليييت
|
|
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: omer osman)
|
Quote:
معليش نسيت .......
زبادي ناس كافي في الموردة - فريق ريد ...
وفتة عمر بوش - شارع الاربعين .....
والتحلية اتنين في واحد عند الكوتش ....... |
يا جنابو ياخ القلتو دا ما هو الفلم زااااااااااااتو
بعدين يا عمر ياخ زكرتا ( اسماء في حياتنا) ياخ.... خرستو.... يا سلااااام اصلو ما انسي الجكة الكان بيعملا حول الميدان والناس بتصفق ليهو وهو يحي الجمهور هههههه....في صورة جميلة تانية التقطتها زاكرة تلك الايام وهي القصب البحرقوهو دا لما يكون في برد والناس مجتمعة حوله ونا س هوووووووووووبا البقعدو في الجزء الشمالي الغربي من الدار. دار الرياضة دا حقو يا عمر تفتح ليهو بوست برااااااااااااااااهو كدا ويتلمو فيهو اولاد قلبا هنا. طبعا بوست زي دا ممكن براحة يعتبر بوست مشفر ههههههههه لانو حا تنضرب فيهو مزيكا كدا لو ما بقيت ود قلبا حا تروح فوقوا وبرضو عشان ناس جنابو ديل يامنوا. هههههههه. يا جنابو بالمناسبة نسيت سمك عوضية. تح
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: الخير محمد عوض)
|
Quote: وكان سمحت ليهم الظروف يدخلو .. يقعدو جمب عم (خ) علشان يتفتح فيهم الدوتش .. وناس (علي إح) لانو لو حاولو يدخلو في الغريق كدا ويمشو بي المصطبة الشمالية محل ناس (رهــو) ما ح ينقشو ليك اي حاجة .. |
هسسسسسي انا قلت الكلام دا
Quote: دار الرياضة دا حقو يا عمر تفتح ليهو بوست برااااااااااااااااهو كدا ويتلمو فيهو اولاد قلبا هنا. طبعا بوست زي دا ممكن براحة يعتبر بوست مشفر ههههههههه لانو حا تنضرب فيهو مزيكا كدا لو ما بقيت ود قلبا حا تروح فوقوا |
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: omer osman)
|
الله يا عمــر .. هيجت اشجاني ياخ ...
تعرف لي فترة ماسك يدي من البورد العجيب ده .. لكن حسع بقترح إنو في جوه البورد دا يتعمل سيكشن خاص بي ناس أمدرمان .. وفي أمدرمان ناس دار الرياضة يعني زي ايمن وطلحـة ديل الواحد يجي يتفرج ويتخارج بين الشوطين زاتو ما يجي داخل مع الزول المسمنو الدكتور داك .. وكان سمحت ليهم الظروف يدخلو .. يقعدو جمب عم (خ) علشان يتفتح فيهم الدوتش .. وناس (علي إح) لانو لو حاولو يدخلو في الغريق كدا ويمشو بي المصطبة الشمالية محل ناس (رهــو) ما ح ينقشو ليك اي حاجة .. انا ما عرف الناس دي بتتحسس من سيرة أمدرمان دي ليييه كدا .. مع إنو الماسلة عادية .. ممكن يعملو ليهم زي دار الرياضة دي في ميدان عقرب يا في استاد التحرير .. لكن بقدرو يجيبو ليهم ناس زي ديل من وووين .. ..
| |
|
|
|
|
|
|
... (Re: tmbis)
|
دا يعني يا بورداب الخرطوم انا جيت لووووووووووووول
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: tmbis)
|
سلام يا تمبس وتحيات حارة لناس دار الرياضة أم در مان
Quote: ممكن يعملو ليهم زي دار الرياضة دي في ميدان عقرب يا في استاد التحرير .. لكن بقدرو يجيبو ليهم ناس زي ديل من وووين .. |
صدقني أن ملاعب بحري لم تخل في يوم من الأيام من الظرفاء .. منهم من قضى نحبه ومنهمنت ينتظر وما بدلوا تبديلا. بل أن بعض أولئك الظرفاء تقاسموا المهمة بين بحري وأم درمان، ولعل أشهرهم الراحل عم أحمد بائع الجورروم.
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: hassan bashir)
|
Quote: صدقني أن ملاعب بحري لم تخل في يوم من الأيام من الظرفاء .. منهم من قضى نحبه ومنهمنت ينتظر وما بدلوا تبديلا. بل أن بعض أولئك الظرفاء تقاسموا المهمة بين بحري وأم درمان، ولعل أشهرهم الراحل عم أحمد بائع الجورروم. |
يا حسن بشير ما ياهو زاتو الفلم .. يعني أمدرمان دي أي زول عندو حاجة لازم تتم في أمدرمان يعني عم أحمد الله يرحمو المدة البقضيها في أمدرمان وفي دار الرياضة تحديدا .. والشعبية البلقاها هناك .. ممكن عادي جدا تأهلو إنو يكون (قنصل) يا وزير مفوض في بحــري أو منطقة شرق النيل كلها .. وطبعا بينافسو في الشعبية دي عمك ( رهوووو) وديل طبعا كل واحد فيهم مفصلين ليهو وضع براهو وتشفير بيتعامل بيهو مع الناس الموجودة في دار الرياضة من معجبين وكدا .. يعني عمك أحمد الله يرحمو المتعة البيلقاها جوه الدار بتغنيهو عن إنو يبيع كل بضاعتو في اي مكن تاني في العالم ..
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: وليد محمد المبارك)
|
هاك يا عمر شوف جدعات اولاد امردمان
Quote: مرتضى فنجاطة صديق قديم ومعرفة زمن الشباب .. هاجر الى هولندا ومنها مؤخرا الى دولة اوربية اخرى . عندما هاجر الى الاراضي المنخفضة .. اسكنوه مثل الجميع في معسكر لفترة زمنية معينة ... استكمل تلك الفترة وارادوا ان يوزعوه هو ومن معه بعد ان اعتبروهم لاجئين الى مختلف مناطق هولندا كان ان وزع الى منطقة ريفية
دق جرس وقال للمسئولين ..
انا ود قلبا(1) .. ود امدرمان وما حا امشي الا لقلبا .. امستردام يا كده يا ما مارق من المعسكر ده عاوزين تودوني الريف مع المحطات(2) والترلولة (3) وتودوا المحطات لي امستردام
استجاب المسئولين لرغبته وتم توزيعه في امستردام
___________________________________ (1) ود قلبا : وصف يطلق على اولاد امدرمان ويتفاخرون به بمعني انهم اولاد قلب هذه الاراضي وهو امدرمان قلب السودان (2) المحطات : وصف يطلقه اولاد العاصمة على سكان الريف ظهر هذا الوصف في الجامعات ويعني بانهم ابنا مناطق هي محطات للقطار الذي يحملهم في طريقهم للعاصمة (3) الترلولة : ايطا وصف يطلق على سكان الريف والترلولة يقصد بها بوري اللوري وهو يدخل القرية فكانت اللواري قديما عند دخولها للقرى تطلق صافرات مميزة معلنة عن وصولها هكذا ترلولالا ترلولالا تااارلولالا |
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: وليد محمد المبارك)
|
.. .. تتخيل يا وليد الحركة دي اتقالت لي مرتين .. مرة بالصباح ومرة بالعصر .. بالصباح .. كنا لاعبين الدورة المدرسية الابتدائية .. والدنيا بررررررررد .. جيت لقيت دار الرياضة فوقو نفس الجماعة البقعدو بالعصرية الجابم شنو ما عارف انا كنت اقصر من حجر البطارية وعارف طبعا يا وليد المرمى بتاع دار الرياضة عريض قدر كيف .. ولاعبين مع مدرسة العباسية الواحد فوقم اطول من عمود الكهربه... بس بقو يجدعو ليك لي من النص وجلللب في الكيس .. البتوصلني بتكون مليانه ضريسة بالجمبات .. امسك وافك .. وكلما افكها يشبكوني ليك .. دي مالا .فكيته فوقــه شحممم احيييي انا من الشحم ياخ الوكت داك نحن شفع صغار ... والغلب الواحد ما بقدر يستحملو .. المهم انتهت الكورة .. وطبعا كنت مكربن وقاعد ابكي ... جيت العصرية لقيتم ليك متلميين في الحلاق بتاع علي عـامر .. الجمب عم سكي .. ودي طبعا المحطة الرئيسية لما يكون ماف كورة في الدار .. بتلمو فيها كلهم بقيادة كمال أفرو .. وصلاح ليبيا وبقية الشلة .. مليت ليك يديني حجـار ورجمتهم ليك نزلت قزاز ومرايات الحلاق كلها في الواااطة .. كنا لاعبين سنتر ليق صعود في الدار مع قلب الأسد .. دخلت الشوط التاني حظي العاسر وقعني في صايد المصاطيل .. وكان هناك عثمان موسى اشهر واحد ممكن يدورك .. مع إنو صاحبي . لكن طبعا بتغابو فيك العرفـة .. الكورة دي مضروبين فيها اتنين واحد من فريق الرابطـة .. لكن مع حركات ناس عثمان موسى .. وأحي انا لحدت ما الكورة انتهت وانا برجف .. مع اني كنت ساديها .. مع إنهم كانو متضامنين معاي .. لكن ما عندهم صليح .. الكورة طلعت بي بره السلك .. ومشيت اجيبه .. البنطلون كان مليان ضريسة وما منتبه ليها ... واحد كورك .. (كريييت) .. بعد شوية الجماعة كلهم قعدو يكوركو .. كريييت .. كريييت .. فما كان مني إلا .. عملت ليهم الحركة بتاعت (اليد) العمله السعودي لي مشجعين المريخ .. لكن بالكروباوي طبعا ...
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: وليد محمد المبارك)
|
اولاد امدرمان ياحلوين بقيادة المايسترو عمر الفاروق والله والله والله بعد كبرنا دا عايز لي فرصة العب ربع ساعة بس في دار الرياضة امدرمان بعد التغيير الجديد يالله كل ركن في الدار له ذكريات جميلة وكفشات الجمهور عندما تشاغل المدرب سيد سليم عند دخوله (اشد السراير حديد ملل ) والجميل كمال افرو وخرستو عندما يمسك الصحيفة بالمقلوب وجمعة الكورة في مربع اتنين وصيحات هناك تقول (اقفلي التلفزيون ياتفيدي المسلسل ديني ) (الودك اتمسحت بيهو ... اكياس ....... لبستيهن ) والكورة سيلني واشيلك ومالك علينا ياعمر الفاروق ونحن البحراوية مدمني امدرمان
----------------------------------- زمان قلت ليكم امدرمان عالم جميل
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: Maawya Hussein)
|
علاء..... متزكر ابو سليم مهاجم ابو عنجة هههههههه زمن ناس باكمبا مرة يا مان ضيع ليهو كورة في خط ستة في مبارة مهمة كدا كانت مع حي الضباط والمبارة باقي ليها خمسة دقايق بس وتنتهي.... الجماعة نبزوا ليك نبز شديد ... قام هو اتكربن لكن اكلا ههههههههههه المهم... قبل الكورة تنتهي بدقيقة كدا ابو سليم دا سايق ليك الكورة من النص وحاور ليك العالمين محاورة جد وعلق ليك هدف تاريخي في حي الضباط .... بس... قام جاري ليك لجمهور ابو عنجة -ناسو- الناس قايلنو داير يحيهم فاذا بابو سليم رافعا يده يده اليسرى - مجبصا للجمهور * -ههههههههههههههههههههههههههههههههههههههههه ..... الحكم تيييييييت ادا ليك كرت احمرهههههههههههههههههههه..... ياخي داك كان يوم تحفة في دار الرياضة.
_____________________________________
مجبص من الجبص ..... بس
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: الخير محمد عوض)
|
عمر والله ياخ أحييت فينا ذكريات صادقة وجميلة مهما تجافينا بنقول حليلا..
أنا بتذكَّر برضو لازمة كورالية عند ناس اللوج بقولوها لمن يجي واحد خاشي (ربما كان بيقصد يجي متأخِّر)..
بتذكَّر الزول دة بيكون لابس جلابية وطاقية وشعرو سبيبي كدة ونازل على كتفو..
الجماعة كانوا بيشبِكوهو: علوِيَّة جات من الكوفير علوِيَّة جات من الكوفير..
(بصورة مستمرة لحدي ما يكفكِف أكمام جلابيتو ويعمل حركتو)
في مباراة هلال مريخ الأخيرة، في هجمة للمريخ إنتهت بإنها إتشاتت عالية جداً فوق العارضة..
سمعتا واحد كورَك: أُممممممك ودَّاها الدايات..
فعرفتا إنّو دة "دار رياضابي" من أندِنا.
_______ تغطية خارجية: تمبس، ووووين إنتا؟؟
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: علاء الدين صالح)
|
Quote: بتذكَّر الزول دة بيكون لابس جلابية وطاقية وشعرو سبيبي كدة ونازل على كتفو.. الجماعة كانوا بيشبِكوهو: علوِيَّة جات من الكوفير علوِيَّة جات من الكوفير.. (بصورة مستمرة لحدي ما يكفكِف أكمام جلابيتو ويعمل حركتو) |
.. .. دا طبعا بيقعد جمب الزووول التخين البقعد في الصايد الجنوبي الشرقي .. زول تخين جدا .. الاتنين فرد طبعا .. التخين دا بيجي داخل أول .. الجماعة بشبكوهو ليك ووووو .. ووووو .. ووووووو لحدت ما يقعدوهو .. بعد شوية بجي داخل اب شعر .. وبعديهو اب عفنـه وكلهم في صايد واحــد... المتذكر (عــرفة) زعيم الشماشة منــو ؟؟ بالمناسبة عــرفة دا اسرتو ساكنه في نص الموردة وناس معروفين جدا
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: محمد عبد الماجد الصايم)
|
كابتن وليد المبارك
Quote: وعمك ميييييع الله يرحمو
سمعت انو مات |
ياخي معقول الله يرحمو ويغفر لله في مرة عملو معاهو لقاء في التلفزيون قال : الكورة الان بقت شيلني واشيلك اها الجماعة اول ما وصل دار الرياضة اليوم التاني الجماعة شابكنو ليك ( شيلني واشيلك ) . . تمبس
Quote: وصلاح ليبيا وبقية الشلة .. |
في مره مدربنا صلاح ليبيا في سلاح المظلات ومعرف عن صلاح ليبيا تعليقاتة الساخرة على اللعيبة مره مرطبين وقاعدين نتونس وعملنا فيها عيانين وتعبانين ورفضنا التمرين انا وبعض الشباب قال : انتو يتلعبوا علي فاكرين شيبي دا كيميا وللا فيزيا ما دي دقت ودي مرقت بلاش كلام فاضي معاكم
وفي يوم المدرب برهان تية يحكي لي بأن صلاح ليبيا يوجد لاعب في ابوعنجة ولم تعجبو كورتو وصلاح ليبيا مصر ما يلعبو ا وصاحبنا زعل وربط للمدرب في الظلام وقال إلا يكسر صلاح ليبيا صاحبك صلاح ليبا متحرك في الليل وشاف اللاعب ناوي الشر قال ليهو : انت المسهرك شنو انت بكرة بادي امشي نوم ههههههه
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: وليد عبد اللطيف)
|
Quote: وفي يوم المدرب برهان تية يحكي لي بأن صلاح ليبيا يوجد لاعب في ابوعنجة ولم تعجبو كورتو وصلاح ليبيا مصر ما يلعبو ا وصاحبنا زعل وربط للمدرب في الظلام وقال إلا يكسر صلاح ليبيا صاحبك صلاح ليبا متحرك في الليل وشاف اللاعب ناوي الشر قال ليهو : انت المسهرك شنو انت بكرة بادي امشي نوم ههههههه |
.. طبعا يا وليد صلاح ليبيا دا في الحلة هناك وهو بالمناسبة درب برهـان تية .. وبرهان تيه لعب معانا ودربنـا .. علشان كدا القفشات دي كنا بنشيله طازة .. وبننتظره .. وصلاح كيبيا طبعا عندو قفشات كتيرة جدا أو يكاد يكون اي كلمة بتطلع منو بتكون قفشة .. أنور .. كان بيلعب في اشبال الموردة وهو من أولاد الحلة طبعا والان في حرس الرئيس بعدما بطل الشغلانة دي .. أنور جدا حجمو كبير جدا وبيلبس جزمة الوكت داك خمسة وأربعين .. وبيلعب في اشبال الموردة صلاح ليبيا كان بيدرب الاشبال .. والوكت داك ماف امكانيات زي دي يعني الكدارة بتكون قافله في النادي .. الجماعة كلهم جابو ليهم الكدارات وطلعت المقاسات مظبوطة ناس تمنية وتسعه .. أنور أي مقاس طلع ما لافق معاهو .. .. جا التمرين قاعد بي بره وزعلان .. قام صلاح ليبيا سالو مالك يا كبتن قاعد بره ..؟ قاليهو والله ما لقيت مقاسي في الكدارات دي ... قاليو خلاص .. تعال اللبس الكشافات دي .. وبعدين جيب ليك .. (زبالي) يحننك .. وبالمناسبة صلاح ليبيا برضو مشهور بي القدم الكبير .. والجماعة ردو ليهو القفشة دي في عرسو ..
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: tmbis)
|
السماني (سمنة) احد ظرفاء حي الضباط كان يمتاز بانه موفور الصحه, جا خاشي دار الرياضة و كانت مباراة(حي الضباط * التاج) و حي الضباط مضروبه اتنين , اتضايق شديد و عاين علي يمينو محل ظرفاء دار الرياضة و لقاهم مرصوصين قال ليهم: إنتو يا وهم ما عندكم شغله غير القعاد و الجمجرة !! فبرز له احدهم و قال ليه: والله انت يا سمين راس مالك سيخة طوييييييلة يدخلوها ليك بي (....) و يطلعوها بي راسك و تبقي شاورما تأكل امدرمان دي كلها
:) :)
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: حسبو عكاشة)
|
تمبس
Quote: قاليو خلاص .. تعال اللبس الكشافات دي .. وبعدين جيب ليك .. (زبالي) يحننك .. وبالمناسبة صلاح ليبيا برضو مشهور بي القدم الكبير .. والجماعة ردو ليهو القفشة دي في عرسو .. |
هههههههههههههههههههههههههههههه قرقرقرقرقر ياخي صلاح ليبيا فاكهة عديل لذلك كنا نحرص حضور التمرين للجمجرة في مرة متمرنين في السلاح وتمرين مسخن شديد ومتحدين (علي مالك ) يازول جانا ليك عصمت عبد الرحمن (فريق ابوعنجه) صاحبك صلاح ليبيا وقف التمرين ووقفنا صف وقال لينا : ادوهو تحية ادوهو تحية هههههه يازول اتجمجرنا في عصمت وبعداك مشينا السكي (بتاع السمك ) بعربية بريش وطبعا هو صاحبة ياخي علي بالايمان مرات انا بقول اولاد امدرمان ديل فيهم حاجة من المصريين اي حاجة عندهم ليها نكته
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: وليد عبد اللطيف)
|
Quote: في مرة متمرنين في السلاح وتمرين مسخن شديد ومتحدين (علي مالك ) يازول جانا ليك عصمت عبد الرحمن (فريق ابوعنجه) صاحبك صلاح ليبيا وقف التمرين ووقفنا صف وقال لينا : ادوهو تحية ادوهو تحية |
.. علي مالك .. طبعا اكتر زول كان بيخاف من صلاح ليبيا .. لانو ما بيستحمل الجمجــرة هو وبرهـان تيه وطبعا الاتنين بيلعبو خمستين .. علي مالك اسمو الحركي .. مكـوة .. وبرهـان اسمو الحركي أم قيردون .. .. والاسم دا طبعا طالع من صلاح ليبيا .. قالي برهـان بتنقز كدا زي ام قيردون .. لانو مشيت برهان فيها شوية نطـة كدا .. يا سلام عليهو عصمت عبد الرحمـن .. أحرف لاعب نص في الدنيا .. طبعا لعبنا من نحن شفع مع بعض .. والدورة المدرسية الابتدائية دي كان هو كابتن الفريق .. ولعب قدايم في ابوعنجة .. بس مشكلتو إنو جسمو ضعيف جدا واعتقد إنو دا السبب الما خلاهو يمشي قدام ..
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: وليد عبد اللطيف)
|
ياحسبو
Quote: السماني (سمنة) احد ظرفاء حي الضباط كان يمتاز بانه موفور الصحه, جا خاشي دار الرياضة و كانت مباراة(حي الضباط * التاج) و حي الضباط مضروبه اتنين , اتضايق شديد و عاين علي يمينو محل ظرفاء دار الرياضة و لقاهم مرصوصين قال ليهم: إنتو يا وهم ما عندكم شغله غير القعاد و الجمجرة !! فبرز له احدهم و قال ليه: والله انت يا سمين راس مالك سيخة طوييييييلة يدخلوها ليك بي (....) و يطلعوها بي راسك و تبقي شاورما تأكل امدرمان دي كلها
:) :) |
بالله طلعت زول بتاع كورة ودار رياضة كمان هه هه هه رايك شنو في صاحبي فرفور هه هه هه هايكا
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: عمر الفاروق)
|
وليد يا مبارك :
Quote: والله يا عمر اتفه كورة تلعبها تكون في دار الرياضة زي الايام دي بعد الخريف .. الضريسا بتكون نشفت واي كورة تنعكس من الصايد الشرقي للدار بكون فيها ملتون بتاع شوك ضريسا
والغريبة المهاجمين بلبعوها ليه هدات بي شوكها .. ونحن نقوم ونودي الكورنر ... |
الأغرب يا وليد كضاب اللعب في الدار وقال في الكورة الواحدة وصل من العراضة للعراضة ..ياخ باقي لي بعد الكورة تنتهي المهاجمين بيجو يحكو للمدافعين الكورة قدام حصل فيها شنو والعكس بالعكس .. ياخ دي بعيدة بعد ..
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: عمر الفاروق)
|
طلحة مراجيح .. مزاجك رايق الأيامات دي ..العين بدا يستعيد كورتو السمحة ديك ولا شنو ؟
Quote: وخشيتا لتمبس لشنو يعني ..؟ بكلامك دا نفهم انو إتا لسع ما خشيت دار الرياضة واللا كيف ..؟ ومتين بتخشها بت اللزينا دي ..؟ |
دي خشة تمبس لأنها بين العباسية والموردة ..انا خشتي خشيتا زمااان وأول ما جيت البلد يوم 20 رمضان (معلومة لعناية السيدة إنعام حيمورة) وتحديدا كان في دورة رمضانية .. تعرف يا طلحة انا عندي حاجات كده ولااا بجامل فيها دار الرياضة واستاد الهلال .. استاد الهلال خشيتو بعد جيت وختيت شنطتي (لاحظ شنطة واحدة بس) سلمت على ناس البيت حللت الصيام وفووو استاد الهلال .. بكريتو كنت في الدار..
| |
|
|
|
|
|
|
Re: يا تمبس خشيت ليك دار الرياضة ..لسة مريحة ..وحنييينة حنيينة يا امدرمان اخر الجدعات (Re: عمر الفاروق)
|
عمر الفاروق
Quote: على الرغم من حبي الكبير ليهم بس أصلو ما حصل مشيت فتشتهم .. عظمة أمدرمان خلتهم جوني لحدددي عندي .. وبقت لي أمدرمان مع جية محمود وهيثم عجوة معطونة في عسل .. |
يارررررررررررررررراجل تمشي وتدفع ليهم عشان يجوك وتقول مافتشتهم
Quote: لكل رواد دار الرياضة .. رأيكم شنو في تسالي عم علي.. |
تعرف انقطعت فترة من امدرمان ورجعت مره الى الدار استقبلوني بتقديم المياه البارده والتسالي مجانا وهذا ما يميز ناس امدرمان تعاملهم الراقي ولاينسون من لعبوا بدار الرياضة امدرمان او كانو من روادها
| |
|
|
|
|
|
|
|