|
ساعات تنبيه طريفة (صور)
|
في ناس بتعاني من مشكلة الصحيان.. أنا واحد منهم.. تضبط المنبة وتصحى متأخر.. لأنو المنبه بيضرب في مواعيدو لكن وأنت نايم بتقفل المنبه وتواصل نومك على أساس ح أنوم عشرة دقايق وأصحى.. أها قاموا عملوا المنبهات دي خصيصاً للناس الزي كدا
أول واحد دا لما يضرب المنبه ما ح يسكت لو ما ركبت القطع الفوق دي بي صورة صحيحة
|
|
|
|
|
|
|
|
Re: ساعات تنبيه طريفة (صور) (Re: هشام حسن)
|
أما التانية دي.. فغتيتة شوية.. أول ما يجي زمن المنبة.. الساعة الغتيتة دي بتطير من الطربيزة وتجري بي عجلاته دي وتستخبى في أي مكان بي صورة عشوائية بعد داك يبدأ جرس المنبة في الضربان.. غايتو أنت وحظك كان لقيته سريع ممكن ترجع تاخد ليك غمضة تاني..
| |
|
|
|
|
|
|
Re: ساعات تنبيه طريفة (صور) (Re: هشام حسن)
|
Quote: تضبط المنبة وتصحى متأخر.. لأنو المنبه بيضرب في مواعيدو لكن وأنت نايم بتقفل المنبه وتواصل نومك على أساس ح أنوم عشرة دقايق وأصحى. |
الاخ هشام حسن سلام يا اخي دي اجمل لحظات للنوم حتى لو استمرت 5 دقائق. اعتقد انني احتاج الى احد هذه الانواع المبتكرة.
تحياتي
| |
|
|
|
|
|
|
Re: ساعات تنبيه طريفة (صور) (Re: Imad Khalifa)
|
مرحبتين يا عمدة
Quote: يا اخي دي اجمل لحظات للنوم حتى لو استمرت 5 دقائق. اعتقد انني احتاج الى احد هذه الانواع المبتكرة. |
صحيح.. وتقوم تقنع نفسك بي أفكار غريبه.. أنو المشوار ما مهم للدرجة دي.. مثلاً.. أو ياخي دقيقتين بس وأقوم.. لو أتاخرت ربع ساعة ما فيها حاجه.. الخ دا كلو عشان الخمسة دقايق دي.. مع أنها بتودي في ستين داهية
أحد الأصدقاء صحاهو المنبه، قام شالو ورماهو بالشباك من الطابق 12.. تخيل المنبه شغال طول مشوارو من الشباك لغاية ما وصل الأرض وتحطم طبعاً..
ودي
| |
|
|
|
|
|
|
Re: ساعات تنبيه طريفة (صور) (Re: هشام حسن)
|
هشام إزيك
ايام الجامعة كان عندنا مشكله مع محاضرة الساعه سبعه....اخوك بالليل بحس بالمسؤليه و يظبط المنبه على الساعه سته...
طبعا بنكون مساهرين كتشينه و ونسه....لمن المنبه يضرب بصحي ناس الاوضه و الاوضه الجنبنا وانا وحاتك في عاشر نومه....الجماعه احتجوا و قالوا لي لو ما بتصحى ما تظبط المنبه...
اها لمن زهجوا مني بقوا يخلوني انوم و إقفلوا المنبه....
| |
|
|
|
|
|
|
Re: ساعات تنبيه طريفة (صور) (Re: Nader Abu Kadouk)
|
يا مراحب يا نادر
Quote: اها لمن زهجوا مني بقوا يخلوني انوم و إقفلوا المنبه |
والله ناسك ديل كعبين.. طيب ما يصحوك بدل يقفلو المنبه
غالباً لما أعقد العزم علي موضوع أو برنامج (مهم) الصباح بدري.. أنا بعتقد أنو في ساعة بيولوجية.. أو منبه بيولوجي تلقائياً بيصحيك حتى قبل المنبه..
تحياتي
| |
|
|
|
|
|
|
|