|
|
 دعوة لكل سوداني باسترالية لاستقبال سعادة السفير السوداني
|
خالد عثمان ، يارانايل ، من المفترض ان يصل السفير ابراهيم بشرى الي أستراليا لتقديم أوراق إعتماده يوم الإثنين 30 سبتمبر الجاري ، وكانت الحكومة الاسترالية قد إعتمدت السيد ابراهيم بشرى كسفيرا لجمهورية السودان لدى أستراليا ، وسيكون مقيما بجاكرتا ، أندونسيا .
وسيأتي سعادته ممثلاً لكل السودان ولوزارة الخارجية السودانية ، ومن المتوقع أن تنظم الجالية السودانية في كل من ملبورن ، سيدني وكانبرا صفوفها من أجل استقبال السيد السفير .ومن المفترض ان يعد أفراد الجالية قائمة بالاتياجات والمطالب المتوقعه من السفارة المرتقبة وكيفية ضمان إنسياب الخدمات للسودانيين الاسترال، والسودانيين المقيمين ، وحتى تخرج الزيارة بصورة مشرفة للسودان وللجالية ينبغي ان يشتراك الجميع في الترتيب والاعداد.
ومن الافضل ان نحصر الزياره في جانبها الفني و، الدبلوماسي كسودانيين أستراليين ، وبدون مزايدة في وطنية جهة دون أخرى ، وبدون سيطرة مجموعة أو منظمة أو أفراد. وكلنا على ثقة بأن السفير سيستمع بصدر رحب لكل الآراء ، وبأن طقم السفارة سيقدم الحلول المرجوة بالتشاور مع أفراد الجالية.
تفاصيل الزيارة
27 -28 سبتمبر ملبورن
29 ، 30 سبتمبر كانبرا
سيدني 1، 2 أكتوبر
الكلام الفوق ده ماكلامي منقول من صفحة الاخبار
|
|
 
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: بدرالدين كاجوري)
|
وسيأتي سعادته ممثلاً لكل السودان ولوزارة الخارجية السودانية
باللة بالهداوة وواحدة واحدة كدي دة خبر واللة بيان ياناس يارنايل
السفير دة ممثل لكل السودان ناس الغرب وناس الشرق وناس الشمال والوسط وناس الجنوب(وديل طوالي واللة حدهم الاستفتاء)
ووزارة الخارجية دي منفصلة حاتكون ذى انفصال الجنوب واللة كيف
ونواصل والفورة بئر بترول (بدون مزايدة)
| |
|
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: بدرالدين كاجوري)
|
ومن المتوقع أن تنظم الجالية السودانية في كل من ملبورن ، سيدني وكانبرا صفوفها من أجل استقبال السيد السفير
من المتوقع لية !! لازم يكون فرض عين عديل كدة هو السفير دة مش جاي عشانم اي زول عندوا مواعيد يلغيها واي بتاع سكيورتي ياخد اجازة واللة اقول ليكم اخدوا يوم من اسبوع المرض واي بتاع ترولي ياخد لية يوم من الدفر واي واحد عندوا فورم للسنترلينك يوديهوا تاني يوم
واي زول ماشي المديكير يخليهوا بعد استقبال السفير و(وبدون مزايدة) اي واحد زكر في كيسوا انوا ناس الجبهة اقصد المؤتمر عذبوة وجلدوة ودخلوة بيوت الاشباح برضوا يجي يستقبل وعفي اللة عن ماسلف والخلايا النايمة واحد يرشهم لينا بي جردل موية عشان يجوا يستقبلوا معانا (هي يعني انا زاتي مستقبل
ونواصل (وبدون مزايدة)
| |
|
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: بدرالدين كاجوري)
|
بدر الدين كاجوري
سبحان الله وصحيح الاختشوا ماتوا
Quote: دعوة لكل سوداني باسترالية لاستقبال سعادة السفير
السوداني |
انت يا زول استراليا دي مشتيها مغترب ولا لاجيء؟؟؟!!
سفير شنو البتطالب اللاجئين باستقباله؟؟!!
Quote:
خالد عثمان ، يارانايل ، من المفترض ان يصل السفير ابراهيم بشرى الي أستراليا لتقديم أوراق إعتماده يوم الإثنين 30 سبتمبر الجاري ، وكانت الحكومة الاسترالية قد إعتمدت السيد ابراهيم بشرى كسفيرا لجمهورية السودان لدى أستراليا ، وسيكون مقيما بجاكرتا ، أندونسيا .
وسيأتي سعادته ممثلاً لكل السودان ولوزارة الخارجية السودانية ، ومن المتوقع أن تنظم الجالية السودانية في كل من ملبورن ، سيدني وكانبرا صفوفها من أجل استقبال السيد السفير .ومن المفترض ان يعد أفراد الجالية قائمة بالاتياجات والمطالب المتوقعه من السفارة المرتقبة وكيفية ضمان إنسياب الخدمات للسودانيين الاسترال، والسودانيين المقيمين ، وحتى تخرج الزيارة بصورة مشرفة للسودان وللجالية ينبغي ان يشتراك الجميع في الترتيب والاعداد.
ومن الافضل ان نحصر الزياره في جانبها الفني و، الدبلوماسي كسودانيين أستراليين ، وبدون مزايدة في وطنية جهة دون أخرى ، وبدون سيطرة مجموعة أو منظمة أو أفراد. وكلنا على ثقة بأن السفير سيستمع بصدر رحب لكل الآراء ، وبأن طقم السفارة سيقدم الحلول المرجوة بالتشاور مع أفراد الجالية. |
بالله!!
قلت لي بلا مزايدات سياسيه؟؟!!
والبتعمل فيه انت ده اسمه شنو ؟؟؟ده عارفهوا؟؟؟
ده اسمه انبطاح وتطبيع مع هذا النظام الدموي!
بعدين تعال هنا
انتو عايزين شنو من الجنسيه الاستراليه؟؟!!
بلاد تكرمكم وتمنحكم جنسياتها وتصرفوا في الولفير و الرعايه الصحيه بافضل مما يكون
وقال ايه لكم هموم سودانيه لا تعالجها الا السفاره بالله!!
طيب ايه رياكم تسحب منكم الجنسيات الاستراليه وتكتفوا بالسودانيه
عشان تشبعوا رعايه من بلادكم وحكومتكم الهمام هذه؟؟!!
| |
|
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: بدرالدين كاجوري)
|
الفاضل بدر الدين كاجوري
تحياتي
| Quote: ياتراجي كدي قولي بسم اللة ودوسي فرامل واللة اقول ليك اقري كلام ود البشري وعيدي البصر كرتين ولك ودي واحترامي وبعدين ماتشوتي ضفاري مانحنا لاعبين معاك في نفس الفريق |
خطأ يا حبيب عنوانك خطأ...صدقني
وبعدين ما تندهش.....كونه بعرف مواقفك
واستغربته من اعرضا الانبطاحه الواضحه(هههههه)
معليش يا غالي
حقك علينا
ومعا لكشف كل المنبطيحن و الناوين ينبطحوا زاته(ههههههه)
| |
|
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: بدرالدين كاجوري)
|
محمد البشري (ابو النسب) واللة انا بقرا وبضحك في كلام تراجي باللة ماشهتني العافية طوالي نزلت ليك فيني بالتقيل
بعدين في داعي للفضايح ياعمك شابكني مابعرف اكود ومابعرف الون اها كان سمعوا كلامك دة كان دايرين يشغلونا في السفارة تكون طيرتالينا الشغل يعني الواحد لو داير يبقي انتهازي مايقدر معاك انت وتراجي
تحياتي للعيل وامهم واللة مشتاقين
| |
|
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: بدرالدين كاجوري)
|
إلي أبناء جبال النوبة في أستراليا .. سلامات
نحن في جبال النوبة مظلومون ظلم الحسن والحسين.. بح صوتنا هنا ولم نحصل على شئ. إنتهزوا الفرصة واهتبلوا المناسبة.. قابلوا السفير واطرحوا عليه الأسئلة الشاقة والصعبة عن غياب التنمية في جبال النوبة.. جبال النوبة الغنية بكل خيرات السودان.. ما يوجد فيها لا يوجد في كل مناطق السودان مجتمعة... فيها المحاصيل النقدية والغذائية بجميعها.. فيها المنتجات الغابية.. فيها الثروة الحيوانية بأنواعها ..فيها المعادن من الحديد والنحاس إلى الذهب واليورانيوم..
ولكن رغم كل ذلك مهملة تنموياً... أوصلوا صوتكم لسعادة سفير جمهورية السودان بكل إحترام وتقدير دون مهاترات ولا إساءة ... أنتم أصحاب حق وعندكم رايحة.. وسيد الرايحة بفتح خشم البقرة... نحن فتّشنا في خشم بقرتنا هنا وما لقينا حاجة ممكن إنتو تجيبوا لينا الرايجة لو فتحتم خشم بقر أستراليا.
لا تستمعوا للمهاترين الذين لا قضية لهم ولا همّ لهم... أهلكم ينتظرون منك المساعدة وها هي فرصة ربما لن تتاح لهم فأغتنموها .. ونحن من خلفكم نساعدكم ما يمكننا من المساعدة. تحياتي.
كبـــَّـاشي الصــَّــافي - أبو جبيهة - الجبال الشرقية - قبيلة أولاد حِميد.
| |
|
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: cantona_1)
|
الاخ بدر الدين
تحية طيبة
العنوان مضلل انا دخلت مستغربا
لانو عندنا ناس جو معانا لاجئين الان يتقدمون ابواب السفارة
بل بعض قادة العمل السياسي هنا لهم لهن اتصالات بالسفارة
العصابة لا يحق لها ان تصل سودانيي \ات استراليا غالبية اهل السودان باستراليا عصف بهم بهن الهم والغم
من بؤس النظام القبيح
تحية لك وللجميع
| |
|
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: بدرالدين كاجوري)
|
كاجورى
سلامات واشواق
وبالعاميه االشبساوية من شيبسى (ايه يالا )
| Quote: والسودانيين المقيمين ، وحتى تخرج الزيارة بصورة مشرفة للسودان وللجالية ينبغي ان يشتراك الجميع في الترتيب والاعداد. |
بقيت من لوبى الشمال النخبوى ولا ايه ؟؟؟
ياخى صدقنى مشتاقين وبس
قاسم المهداوى
هامش
عندى ليك مفاجأة
تصدق انا جاى استراليا ؟؟؟ كيف ما حاقول ليك !!!!
| |
|
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: بدرالدين كاجوري)
|
كانتونا1 البقاري المطبع مع النظام
انت من ميتن معترف بالنوبه من اساسه؟؟!!
تتلمه ولا نكش لك تاريخك الاسود العنصريه بهذا المنبر؟؟!!
قال يا ابناء جبال النوبه قال!!
Quote: إلي أبناء جبال النوبة في أستراليا .. سلامات
نحن في جبال النوبة مظلومون ظلم الحسن والحسين.. بح صوتنا هنا ولم نحصل على شئ.
إنتهزوا الفرصة واهتبلوا المناسبة.. قابلوا السفير واطرحوا عليه الأسئلة الشاقة والصعبة عن غياب التنمية في جبال النوبة.. جبال النوبة الغنية بكل خيرات السودان.. ما
يوجد فيها لا يوجد في كل مناطق السودان مجتمعة... فيها المحاصيل النقدية والغذائية بجميعها.. فيها المنتجات الغابية.. فيها الثروة الحيوانية بأنواعها ..فيها المعادن من الحديد والنحاس إلى الذهب واليورانيوم..
ولكن رغم كل ذلك مهملة تنموياً... أوصلوا صوتكم لسعادة سفير جمهورية السودان بكل إحترام وتقدير دون مهاترات ولا إساءة ... أنتم أصحاب حق وعندكم رايحة.. وسيد الرايحة بفتح خشم البقرة... نحن فتّشنا في خشم بقرتنا هنا وما لقينا حاجة ممكن إنتو تجيبوا لينا الرايجة لو فتحتم خشم بقر أستراليا.
لا تستمعوا للمهاترين الذين لا قضية لهم ولا همّ لهم... أهلكم ينتظرون منك المساعدة وها هي فرصة ربما لن تتاح لهم فأغتنموها .. ونحن من خلفكم نساعدكم ما يمكننا من المساعدة. تحياتي.
كبـــَّـاشي الصــَّــافي - أبو جبيهة - الجبال الشرقية - قبيلة أولاد حِميد. |
سامع يا كانتونا
انت ماعندك سفير في برطيانيا بتاعتك دي ما تمشي تقابله من اجل المنطقه
عايز تورط ابناء النوبه في المواقف المبهدله ليه وانت قاعد؟؟؟
بعدين ما قلت بتدخل مكتب نافع وصلاح قوش وغيرهم بلا واسطه
ما تشيل هم المنطقه ووتتناقش حوله؟؟!!
السفير النكره ده اهم في النظام الانقاذي ولا نافع علي نافع صديقك؟؟ّّ
قال سيد الرايحه يفتح خشم البقره بالله!!
هو في سيد رايحه قدركم انتو البقاره حاليا؟؟!!
بين مطرقو الوحده وسندان الانفصال؟!!
كدي جرب قدم طرحك ده لابناء البقاره المعارضين بالمنبر فقط
خليك من ابناء جبال النوبه!!عشان يورك ليه ضحى هنا ولا فاكر
حتقدر باسم القبليه تتسر ورائها طويلا!!
| |
|
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: بدرالدين كاجوري)
|
المفترض ان يعد أفراد الجالية قائمة بالاتياجات والمطالب المتوقعه من السفارة المرتقبة
[
B]اها ياناس الجالية كتبتوا قائمة الاحتياجات اها اوعوا تكتبوا عن المجازر والاغتصاب والقتل في دارفور لانوا ببساطة دي سفير ! واوعوا تكتبوا عن القمع والسجون دي سفير! واوعوا تكتبوا عن غلا الاسعار في السودان لانوا دي سفير !اوعوا تكتبوا عن مافية الاراضي وسرقت قروش البترول لانوا دي سفير! واوعوا تكتبوا عن...وعن... لانوا دي سفير !
يعني الحاجات دي وغيرة مامن اختساس السفير عشان ماتعرفوا الاختساسات
اها واللة قدر مافكرت وسجيت ولجيت في احتياجات الجالية السودانية من السفير دي ماعرفتها لكن كدي النخمن ممكن تجديد جواز ياتوا جواز البنسافربيهوا معززين ومكرمين وندخل بيهوا اغلب الدول تووش ساكت واللة جواز بلد ناس عجمان منعوا دخول نساءه من دون نساء العالم لبلدة بناها اولادهم واخوانهم ورجالهم . شهادات ميلاد لابنائنا المولودين هنا عادي تلفون السودان ممكن تطلع وممكن تكون الرسوم هنا اغلي من السودان انا بضرب مثل اوعي واحد يقول لي ناس السفارة حايتجسسوا علينا (بدون مزايدة) يازول هو في شنو يتجسسوا عليهوا؟
الناس ديل وكت قلبهم علي السودانيين مايحلوا مشاكل السودانيين الفي لبنان..السعودية...ناس عجمان..السودانيين الفي اسرائيل ديل خليهم ناس الشقيقة مصر ديل مايحلوا مشاكلهم وبيني وبينكم ديل ماعندهم اي مشاكل ماواحد يقول لي مصطفي محمود مانحنا اولاد النيل والسودان ومصر كانت دولة واحدة ( ايام الملك فارووق
كان دايرين يستفيدوا من السودانيين اخير ما يتعبوا ساكت الناس دي بتلز في الترولي وتساهر الليل كلوا في السكيورتي وقاطعة الاميال دى كلها مافرطوا ولافي سنت ودا كوم وعندنا ناس كدة اجارك اللة بعرفوا من اين تؤكل الكتوف وديل كان لموا في السفير دييمعطوا ليك معط ياخ ديل الواحد فيهم اغلي من وارغو لاعب المريخ انا غايتوا هلالابي كان جانا كرار التهامي انا معاهوا عديل كدةلكن كان جاءنا عبداللة حسن عيسي رئيس الدلاقيين انا ضدوا من هسع والذ شئ قال ليك اجارك اللة في واحد في ميلبورن كدة زاعط ليك الجماعة وكمان بي تسعيرتوا شهادة الميلاد 200 دولار تجديد الجواز 200 دولار حالتوا قريبوا السفير بتاع اندونيسيا لكن اتخيل لي ياهوا زاتوا الجاي دة ياخ دة قالوا مافضل ليهوا الا يعمل اعلان في جريدة المهاجر واللة يارانايل المادايرين يوروني لي هسة الكلام الفوق دة بيان واللة خبر
| |
|
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: بدرالدين كاجوري)
|
ده كوم والمطالب المتوقعة كوم تاني ياخ دي قدر مافكرت فيها غلبتني لكن احسن تكون بشكل فردي يعني داير يشتغل في السفارة كاش واللة تاكس والداير يحول من شغلوا للسفارة برضوا كويس المهم كل واحد يطالب براهوا واخونا بتاع ميلبورن دة ارتاح من الرسيل بالدي هتش ال وممكن يرحل لي كانبيرا وممكن ناس خالد العبيد يشوفوا لية بيت جمب السفارة نظام علاقات اجتماعية وكدي ياخالد
| |
|
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: بدرالدين كاجوري)
|
كاجورى
سلامات
Quote: اخونا قاسم المهداوي مرحب حبابك الف في بلد الابورجينال واللة الخبر اسعدني جدا
وبعدين تعال قول لي تكون جاي تبع طاقم السفارة عليك اللة كان جاي معاهم خليك من كلام تراجي وخالد العبيد وبقيت المناضليين وتعال لي في الخاص عشان نتفاهم اوكي
قاسم حاول ارسل لي لي تلفونك لاني دايرك في موضوع مهم جدا جدا جدا |
طاقم السفارة
يا داقس
عليك الله شفت ليك غرابى فى حكومة الدجل والكجور دى بقى ضمن اى بعثه دبلوماسيه
او دقنواسية ساكت ؟؟؟
يا شاااب اصحى معااااى وفتح عينك تأكل ملبن
كامل احترامى وتقديرى
لخالد العبيد
وتراجى مصطفى
الناس ديل خذ بنصيحتهم بتنفعك يوم القيامة صدقنى
قاسم المهداوى
هامش
راجع الماسنجر
| |
|
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: قاسم المهداوى)
|
وكيفية ضمان إنسياب الخدمات للسودانيين الاسترال، والسودانيين المقيمين ، وحتى تخرج الزيارة بصورة مشرفة للسودان وللجالية ينبغي ان يشتراك الجميع في الترتيب والاعداد.
نفسي اعرف نضمن كيف العملية الانسيابية دي وماهي الخدمات التي يمكن ان يقدمها لنا سعادة السفير لنا كسودانيين استرال ومنو ديل السودانيين المقيمين.
تخرج بصورة مشرفة للسودان والجالية عديل كدة هي الجالية دي لما مرقت من السودان مرقت بصورة مشرفه اللهم لانسالك رد القضاء ولكن نسالك اللطف فية
اها انا شخصيا داير اشترك في الاعداد والترتيب بس كيف ماعارف ماتورونا كيف؟؟؟
| |
|
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: بدرالدين كاجوري)
|
ومن الافضل ان نحصر الزياره في جانبها الفني و، الدبلوماسي كسودانيين أستراليين ، وبدون مزايدة في وطنية جهة دون أخرى ، وبدون سيطرة مجموعة أو منظمة أو أفراد
يامنقا نحصرها لية في جانبين بس مافي جوانب تانية يعني؟
والاعلامي دي من عندي .لكن مسعوليين من الخير مافي نهب منظم ولاانتهازية مؤدلجة
واللة كل شئ ولا المزايدة الرخيصة كلنا سودانيين وطنيين كان صالحيين وكان طالحيين وكان نظيفيين وكان انتهازيين وانشاء اللة نعمل كلنا يد واحدة لدعم المؤتمر وحكومة المؤتمر ونقف ضد ناس دارفور وفي خندق واحد مع الدبابيين والمرتزقة والجنجويد معليش مافي داعي نتحدث في السياسة ونحصر الموضوع في الفنية والدبلوماسية
| |
|
|
|
|
|
|
|
|
|
Re: دعوة لكل سوداني باسترالية لاستقبال سعادة السفير السوداني (Re: بدرالدين كاجوري)
|
بأن السفير سيستمع بصدر رحب لكل الآراء ، وبأن طقم السفارة سيقدم الحلول المرجوة بالتشاور مع أفراد الجالية.
يازول بي جدك الناس ديل صم بكم عمي رحابة الصدر الخلت البشير وبقية المجرميين يقتلوا 28 ضابط في رمضان ويشردوا بقية زملائهم في القوات المسلحة داخل وخارج البلاد
النقوول سمع كل الاراء باقيلك حيعمل شنو انا اقول ليك حيرد ردود دبلوماسية انت مش قلت نحصرها في الجانب الدبلوماسي . وحيرخي اضانوا لكل الانتهازية والمنبطحيين وطالبي الامجاد الزائفة وناس قريعتي راحت . اها ناس قريعتي راحت ديل منهم كاتب الكلام البيض ده وبنرد دليهوا بضاعتوا بي كتابتنا البيض دي عشان كلوا يبقي بيض في بيض يابيض
حلول شنو ديل زوروا ارادة شعب باكملة وجاي تقول لي حلول ياخ ديل ساعين لفصل جزء عزيز من وطننا وتقول لي حلول .ياخ ديل نهبوا وقتلوا وشردوا وعملوا السبعة وزمتااا وتقول لي حلول
| |
|
|
|
|
|
|
| |
بدرالدين كاجوري
Tragie Mustafa
محمد البشرى الخضر
saadeldin abdelrahman
cantona_1
قاسم المهداوى
خالد العبيد
بشرى محمد حامد الفكي
فيس بوك
تويتر
انستقرام
يوتيوب
بنتيريست