|
Re: بلد لا نستحقه وتراث لسنا اهله! بلد مفروض يدوها لى مقاول شوفوا الخواجات عملوا شنو لسيمفونية (Re: عبدالمجيد المقابل)
|
حبيبنا جني.. كل سنة وإنت طيب يا حيدر ياخ..
معليش يا جني... لكن أعتقد والله أعلم إنك غلطان...
أكاد أكون متأكد إنه دا تسويق لعزة على أساس أنها من التراث الموسيقي الإثيوبي..
طبعاً لمعلوميتك.. هناك لغط كبيييييير حاصل وخلاف كبير في هوية عزة الميلودي..
في ناس ذهبوا إلى أنه عبقرية الخليل عليه رحمة الله انداحت حتى القرن الأفريقي..
وفي ناس قالوا لا والله .. الخليل كان تفتيحة وقام بتوظيف (مارش ود الشريف) والمقطوعة الحبشية دي
وعملها في قصيدته عزة في هواك .. استنهاضاً لقيم التحرر والانعتاق التي كان يؤمن بها.. ليس للسودان فحسب ،،
بل لجميع شعوب القارة وأولها الجارة العزيزة إثيوبيا .. والله أعلم..
طبعاً نؤمن تماماً بحقنا في عزة بتاعتنا...
مفروض برضو الموسيقيين بتاعننا يدخلوا في محاولة عولمة زي العملوها الحبوش ديل..
شكراً تاني ...
| |
|
|
|
|
|
|
Re: بلد لا نستحقه وتراث لسنا اهله! بلد مفروض يدوها لى مقاول شوفوا الخواجات عملوا شنو لسيمفونية (Re: عزام حسن فرح)
|
جنى العزيز تحياتى
تصدق الحبش ديل عندهم اغنيه بنفس اللحن بتاع عزة ده وانا سنة 88 سمعنى ليها واحد ولما قلت ليه دى اغنية عزة لحليل فرح الراجل حلف انها حقتهم لما سالته اغنيتكم دى عملوها متين اجاب انه لايعرف فقلت ليها غايتو عازتنا دى سنة 1930 تقريبا, تاكد تماما ان اللحن ده يسوق له على اساس انه اثيوبى. ياخى نحن حاجاتنا ضائعه ساكت.. كان ماضائعه عبد الله الطيب اول من فسر القران وجعل الراعى فى الخلاء يفهم وامى تفهم وانا وانت نفهم وعامل الطاحونه يفهم يجو يقولو ليك الشعراوى. على فكرة طبعا فى جزء من تفسير القران بتاع عبد الله الطيب اتمسح واستعيد من مكتبة الكونجرس اتخيل،،،
| |
|
|
|
|
|
|
Re: بلد لا نستحقه وتراث لسنا اهله! بلد مفروض يدوها لى مقاول شوفوا الخواجات عملوا شنو لسيمفونية (Re: jini)
|
جني كل سنة و إنت طيب
إخوتنا في إثيوبيا ، و بشهادة عدة مثقفين و مهتمين بالشأن السوداني و فنه على وجه الخصوص يعترفون بأن ألحان سودانية عدة دخلت قاموس الفن الإثيوبي ( و لا ننكر بأننا مولوعون بالموسيقى الإثيوبية و بأصوات أثيوبية. و غير خالدة الخليل ( عزة ) هناك أغنية الفنان سيد خليفة ( تلك السماء بدت لنا ) يتغنى بلحنها الفنان ( نواي ) بكلمات إثيوبية كذلك أغنية أخرى لفنان أثيوبي نسيت إسمه يتغنى بأغنية أثيوبية بلحن أغنية الراحل إبراهيم عوض ( مين قساك مين قسى قلبك ) هذا ما سمعناه ، و ما لم نسمعه كثير. و نظرا لتقارب السلم الموسيقي و الإيقاع هنا و هناك فإن الإقتباس يمر مرور الكرام و كأنه إقتباس يدخل في نطاق الإستحسان ..
دمتم
| |
|
|
|
|
|
|
Re: بلد لا نستحقه وتراث لسنا اهله! بلد مفروض يدوها لى مقاول شوفوا الخواجات عملوا شنو لسيمفونية (Re: ابو جهينة)
|
Quote: جني كل سنة و إنت طيب
إخوتنا في إثيوبيا ، و بشهادة عدة مثقفين و مهتمين بالشأن السوداني و فنه على وجه الخصوص يعترفون بأن ألحان سودانية عدة دخلت قاموس الفن الإثيوبي ( و لا ننكر بأننا مولوعون بالموسيقى الإثيوبية و بأصوات أثيوبية. و غير خالدة الخليل ( عزة ) هناك أغنية الفنان سيد خليفة ( تلك السماء بدت لنا ) يتغنى بلحنها الفنان ( نواي ) بكلمات إثيوبية كذلك أغنية أخرى لفنان أثيوبي نسيت إسمه يتغنى بأغنية أثيوبية بلحن أغنية الراحل إبراهيم عوض ( مين قساك مين قسى قلبك ) هذا ما سمعناه ، و ما لم نسمعه كثير. و نظرا لتقارب السلم الموسيقي و الإيقاع هنا و هناك فإن الإقتباس يمر مرور الكرام و كأنه إقتباس يدخل في نطاق الإستحسان ..
دمتم |
الايثوبيين مولعون بالغناء السودانى لدرجة مدهشة للتقارب الشديد بينا فى الكرم والبساطة والتواصل الاجتماعى والموسيقى لغة مدهشة فى التواصل اجدنى متفقا معك تماما جنى ود القريش مداخلتى الفوق دى فى التنك تانى ما اظنك تعتب البوست عامل فيها ماشفت المداخلة جنى
| |
|
|
|
|
|
|
|