|
بصراحة كتابة البوستات مرهقة
|
كتابة البوستات امر مرهق وفيه التزام شبه اجباري بالردود علي الجميع وهو امر يساهم في تضيع زمنا وزمن الصادق شيخ الدين زاتو , لذا اقرر انا اساسي الاكتفاء ببوستات اعضاء اخرين ارهقوا انفسهم باختيارهم , والمشاركة في تلك البوستات والتنظير فيها ما امكن , فالتعقيب علي البوستات امر مريح جدا خاصة وانت غير محاصر بالزامية الرد وفي كامل اللياقة للانتقاد بضراوة ودون اي اعتبارات واحيانا بدون اسباب مبررة حتى .
|
|
|
|
|
|
|
|
Re: بصراحة كتابة البوستات مرهقة (Re: اساسي)
|
الفكرة دي اصلا كانت فكرة بوست انتقادي ( لحادي ركبنا ) استاذنا حسين ملاسي , الا اني بعد ان قلبت الامر قليلا قررت اتباع نفس النهج فهو يلائمني جدا ويوافق تطلعاتي وكسلي الحالي الذي امر به .
| |
|
|
|
|
|
|
Re: بصراحة كتابة البوستات مرهقة (Re: اساسي)
|
يمين الله وماطالبني حليفة وماكسير تلج
لو اكتفيت بي ده بس
البت إتشفرت !!
احسن من مئات البوستات الماعندها معني....!!!!
ياخي ماطالبنك ردود انت اكتب وانا واخوي
الكاشف ( ود الصايم ) بنرد عنك.....!!!!
اما ملاسي....
فمداخلة واحدة مقتضبة
تكفي عن مقال كامل لايصال فكرة البوست
لك وله التحايا
اما انا وعمكـ كاروشة فلينا الله .....
| |
|
|
|
|
|
|
Re: بصراحة كتابة البوستات مرهقة (Re: اساسي)
|
Quote: اسمع ليك البت من وراء شابكاني : هيا انطـــــــلق !! |
أحمِد الله يا أساسي الما قالتها ليك بالصيني.. دي حكاية طفل في المغرب العربي استيقظ أهله من النوم ولقوه بتكلم لغة ما مفهومة وعمره 3 سنوات. بعد عدة محاولات للفهم وجدوا واحد بتاع لغات قال ليهم دا بتكلم كانتوني صحيح 100% . كانتوني إحدى اللغات المشهورة في الصين. الله يحفظها بس لازم توديها مدرسة الألسن في القاهرة.
كبـــّـاشي الصـــّافي
| |
|
|
|
|
|
|
Re: بصراحة كتابة البوستات مرهقة (Re: haroon diyab)
|
Quote: كنت اعتقد انك طوال الوقت الفائت لا تجدي ما تكتبيه او بالاحري كيف تكتبيه |
لا والله يا أساسي في مية طريقة عشان أجد الاكتبو أو اكتبو كبف واحدة منهن أخلي زول يكتب لي أو أتبرع أنزل للناس كتاباتهم بأسمي مع تحمل كافة تبعاتها حتى لو كان تهديد بالقتل
| |
|
|
|
|
|
|
Re: بصراحة كتابة البوستات مرهقة (Re: Rawia)
|
Quote: ì رايـــــوة :
أحسسسسنت .. ياخ إزييك يا زولة .. |
أهليين يازول أنت قلت لي إنصاف مدني بتنقرش الدلوكة طبعا يوتيوب إنصاف دا مابنهديهو الا للغاليين بس وفي مناسبات رسمية زي العيد مثلا
| |
|
|
|
|
|
|
Re: بصراحة كتابة البوستات مرهقة (Re: اساسي)
|
يا أساسي يا عزيزي لا متعبة ولا حكاية إنت قاعد في المنبر 2,980 يوماً، كتبت فيها 13,370 مداخلة، أي ما يعادل أربع مداخلات أو بوستات ونص في اليوم. 4.5 مداخلة. أي ما يقل عن نص مداخلة في الساعة بإعتبار العمل 10 ساعات في اليوم. دي شوية خالص.. شد حيلك وخليك نشيط. تحياتي.
كبـــّـاشي الصـــّافي
| |
|
|
|
|
|
|
Re: بصراحة كتابة البوستات مرهقة (Re: cantona_1)
|
Quote: قلت لي إنصاف مدني بتنقرش الدلوكة |
مووتي مووتك معزوم بيها قيدومة وفي حي العرب يلا إتخيلي معاي الحفلة دي ح تكزن كيف؟ أبشرك كمان الحفلة بي العصر يعني مننن العصر تسمع إنصاف مدني بي الدلوكة .. فقط أعيب على إنصاف مدني مع إنها جبجااااابة إلا أنها في الحفلات رااايقة .. تخريمة : هاجر كباشي زهرمان تبعتهم الان اصاف مدني ..مريحااات في الكنكوج
| |
|
|
|
|
|
|
Re: بصراحة كتابة البوستات مرهقة (Re: عمر الفاروق)
|
ناس زي إنصاف دي ممكن يبقوا سبب يجيبك السودان.... مع الشوق للاهل
_______________________________________________________________
Quote: هاجر كباشي زهرمان تبعتهم الان اصاف مدني ..مريحااات في الكنكوج |
هاجر كباشي في الدوحة كلفتتنا مافهمنا حاجة أخدتنا على مشمنا زي مابيقولو المصريين وكلفت كلفت انتهت مننا عشان تمشي حفلة تانية
| |
|
|
|
|
|
|
Re: بصراحة كتابة البوستات مرهقة (Re: Rawia)
|
راوية :
Quote: هاجر كباشي في الدوحة كلفتتنا |
فاتني أنبه لي إنو بتكلم عن هاجر كباشي عشرة سنة لي ورا كده .. هاجر الأسة إتعولقت في طريقة غناها لأنها قررت تغير وجهتها لي نوع حق غنا كده ما حقها ..
| |
|
|
|
|
|
|
|