كتب الكاتب الفاتح جبرا المتوفرة بمعرض الدوحة
|
Re: تُـرى، مـن مِـنـّآ سـيـُوشـّح الـمِـنـبـر بـالـسـوآد فـي الـمـرّة الـقـآدمـة ... (Re: عمر محمد ابراهيم)
|
Quote: لاخ معاوية سلامات وكل عام وانت بخير ... كلماتك صادقة معبره نبيله... نعم الموت حق علينا ...يأتي بلا موعد ...في اي مكان...لكن القليل منا يعلم ذلك ...او يتناسي هذه الحقيقه... اللهم احسن خاتمنا وتوفنا مسليمن ... بارك الله فيك ...علي هذا التذكير..و النصيحه الغاليه ولك كل الود والتقدير |
سلآمات اخي ياسر، وانت بخير وعيد مبارك، أسأل الله ان يتقبل دعائك، ويختم لنا بخاتمة السعادة اجمعين. نعم اخي ياسر لا احد يستطيع ان يهرب من الموت فهو آتٍ لا محالة. لكن هكذا النفس البشرية تنسى، وسرعان ما تعود لسابق عهدها إن لم تجد من يذكرها، فالذكرى تنفع، والموت خير واعظ لمن اراد ان يتعظ. نسأل الله ان يتقبل اخواننا الذين تركوا فراغ في جنبات المنبر، وان يمنّ علينا بالهداية حتي نرتقي بحوارنا إلي مستوى يفضي بنا للمحافظة علي هذا الصرح، ويثمر نتائج طيبة لمنفعة اهلنا ووطننا. ما اصدق قول الشاعر: هي الدنيا إذا كمُلت وتمّ سرورها خذلت وتفعل في الذين بقوا كما فيمن مضى فعلت.
مودتي لك يا ياسر...
| |
|
|
|
|
|
|
Re: تُـرى، مـن مِـنـّآ سـيـُوشـّح الـمِـنـبـر بـالـسـوآد فـي الـمـرّة الـقـآدمـة ... (Re: Mamoun Ahmed)
|
شوف يازول انا المره الجايه بفرع ليكم الموت وبعدين بعد بكرى ينزل البوست بتاع الوفاة حا يجو ناس ود الصائم وهو يضحك يقول ليك وقد كان الفقيد ملء السمع والبصر وكان احسننا وكان دسم الاخلاق او دمث لايهم المهم بجو يشكرونى كتير كده وانا خايف اقوم اقول ليهم خلو الكذب يا ناس حمزاوى ودينق وشول اشوانق ووالعوض المسلمى ده ماانا وارجع تانى الى رقدتى الابديه. انتو مادام انا كده ماتقولوها لى وانا حى خلونى ادلع شويه واتغرغر ابقى مغرور يعنى. وبعدين الجكس يجى يقول ليك فايت مروح وين ما بدرى يامنقه شنو ياود الموج بالغت وقطعت قلبنا وكلمتنى هنايه السماعه وقعت من يدى لما ناس البيت اتخلعوا وقربوا يلحقو المرحوم. اها بصراحه الحاجه دى بترضى غرورى وانا ميت، رغم علمى بكذب البعض من الجنس اللطيف ناس طلعت بفستانى حق البيت الشارع وهى تكون اتمكيجت لايمانها من ما سمعت ببكاى ،وناس دايره اركب بص الكلاكله ركبت مواصلات سنار ولما رفعت راسى لقيت روحى فى ام بده السبيل ديل... لكن كترن منها،بتدى الحبكة بعد درامى وكان لقت ليها موسيقى تصويريه تبقى حاجه ما تخلص. وبعدين تجى قصص ناس الرياض تلقى الواحد خمسه شهور ماسمع صوتى يقول ليك تصدق امبارح كان بتكلم معاى وصوتو ماعجبنى سالته قال لى عادى كنت نايم وصاحى هسه والبقول ليك لاقيته فى سوق البطحاء وشايل ليه كيس قلت ليه دى الشيله يا ابو الموج قال لى قول كفن ياخى، تصدق لما خفت والبجى يقول ليك ليه زمن بهاتى بالسفر،والبقول ليك كلم امه من تلفونى ده والله كان بتكلم كان قال ليكم وودعه وداع مفارق وقال ليها اعفى منى.. ودالباوقه وغريبه يقول ليكم لكن مافاحت منه روائح مسك لكنه كان طيبا.لوووول وخدوم، واحدين ولا بعرفهم يقول ليك والله سفر لى اولادى وماكان فى حجز ولاشال منى قرش مع انه لو قال لى جيب الفين ريال لظروف البنت فى الجامعه كان دفعت ليه الله يرحمه ياخى،مع انو اكون شحدته حق علبة سجاير شحده وقال لى انت عارف الظروف والتذاكر غاليه وقسط الجامعه للبنت لميناه بى الله ويامين. اها وفى نوع كده خيالى يبداها ليك بى والله مازول حياة..ودالموج ابدا مازول حياة يا حليلو والله كان بضحكنا مع انو بكون قال لاصحابه وقتها الزول السغيل ده ما يحترم نفسه عامل نفسه دمه خفيف بالله دى مداخله يكتبها.. اها ديل ماعافى ليهم مفروض يكلمونى وانا حى كان اتثاقلت لان المؤمن مراة اخيه.. الرجاء الاخير يابكرى اخوى انا عافى ليك ماتسود المنبر يوم اموت املاه زهور وبوكيهات ورد وبالونات ملونه وكده.. احبكم مووووووووووووت،،،،
| |
|
|
|
|
|
|
Re: تُـرى، مـن مِـنـّآ سـيـُوشـّح الـمِـنـبـر بـالـسـوآد فـي الـمـرّة الـقـآدمـة ... (Re: صديق الموج)
|
ود الموج
عارف ياموجي حبوبتنا بت اب سكين الله يرحمها كانت دائما بتحكي لينا حكاية
حكوها ليها حبوباتها
انه في رجل شهم وكريم كرم ما عادي بتحبو اختو حب شديد وبتفتخر بيهو كتير
كل صباح لما اجي من سوق اللحمة بقوم اغشى بيت اخته اول حاجة واديها اللحمة ((طبعا كتيره ومجيهه))
اها الراجل قام قال لنفسو انا كان مته خايف اختي دي تموت وراي من حبها الشديد ولازم اعمل حاجه تقلل الحب ده
اها قام بقى اديها لحمة كعبه وادس ليها في نص اللحمة عضم اب قبيح
الراجل مات وكل ما اخته تجي تبكي وتوصف اخوها ازاول ليها عضم اب قبيح قدامها
تقوم تقول زح لي يا عضم اب قبيح خليني ابكي اخوي المليح ،،،،
عمر مديد لصاحب البوست وود الموج والجميع
| |
|
|
|
|
|
|
Re: تُـرى، مـن مِـنـّآ سـيـُوشـّح الـمِـنـبـر بـالـسـوآد فـي الـمـرّة الـقـآدمـة ... (Re: نزار كروم)
|
Quote: أكثر من مرة أغيب فيها من المنبر أكثر من مرة أعود أكثر من مرة أغلقت الكمبوتر لبعض شأني، وعدت بعد بضعة ساعات لأجد المنبر مسودا قبل أن اقرأ النعي، ترتج دواخلي بالسؤال المرير: مَنْ مِنَّا؟! أحيانا تخيلته أنا- من فرط الجزع أحيانا تمنيته أنا- من فرط وجعي على مَنْ رحل شكرا أخي معاوية على هذا الخيط ــــ أ.أ |
سلآم اخي الصادق، وكل سنة وانت طيّب، كُتب علينا ان نجتمع هنا نتعارف ونتآلف، ويفرقنا الموت، فما اصعب فراق الأخلاء اخي...
إلي الله اشكو لا إلي الناس إنني أرى الأرض تبقى والأخلاء تذهب اخِلآي لو غير الحمام اصابكم عتبت ولكن ما علي الدهر معتب...
| |
|
|
|
|
|
|
Re: تُـرى، مـن مِـنـّآ سـيـُوشـّح الـمِـنـبـر بـالـسـوآد فـي الـمـرّة الـقـآدمـة ... (Re: خالد فهمي)
|
Quote: العزيز معاويه طول العمر ليك ولكل الناس هنا .. والرحمه والمغفره لكل من تركونا ورحلوا .. هم السابقون ونحن اللاحقون .. وهو حق على الجميع .. .. و إيه الدنيا إيه .. غير لمة ناس بخير او ساعة حزن .. في هذا المكان .. سودانيزاونلاين .. ومن المنافي والبلدان البعيده هنا وهناك .. بشرنا وباركنا هنا .. وعزينا وبكينا هناك .. اخو ، اخت ، ام ، ابو .. قريب .. نسيب وبعيد عن كل الآخر .. يبقى هذا المكان حوش كبير .. بفرحو .. وترحو.. موجع جدا .. رحيل اعضاء قبيلتنا .. اولاد الحوش ..! ............ عن السواد .. انا مع الوقفه .. الحزن والسواد .. ولكن لا يعقل ان يتشح البورد بالسواد .. وكذا بوست عزاء ، وباقي بوستات لا علاقة لها بالفقد تطلع وتنزل فوق دائرة السواد .. اذا اخترنا ان نسود المكان حزنا فيجب ان يعلق كل مافي البورد لايام الحداد .. وهذا اقله (فلا يعقل ان تدخل على ناس لتعزي في عزيز لديهم .. والسواد عامي المكان .. لتجدهم متابعين الكوره ولاالمسلسل ...) ! اتمنى ان نتفق على : 1- اما ان تعلق كل المواضيع عدا التعزيه في حال تسويد البورد او 2- بدون سواد وبوست تعزيه عادي ..ويتواصل باقي مواضيع الناس .. .................... موضوع تاني : المكتبه ... وكانما النعي و المكتبه في ضنب بعض (الله يكفينا شر المكتبه!) ولا ادري لماذا الارتباط بينهما .. الناس مفزوعين بي رحيل حبيب غالي عنهم .. ليس بالوقت المناسب للمكتبه لماذا لا نعود ونعلق مكتبه في اربعينيته ، ويعاد رفعها كل عام في الذكرى السنويه .. حقيقه تمر السنين ويطوي النسيان من كانوا هنا ومن مروا من هنا .. اغسطس 23 2005 مضى رفيقي وصديقي مرغني حمزه .. ماسوفا على شبابه .. بكيناه ونعيناه وسودنا المكان .. ومرت 5 سنوات .. ولا احد يذكر ولا احد يزور المكتبه !! - لماذا لا نثبت شريط او (لنك) في الصفحه الاولى يربط بمكتبات من رحلوا ؟ - او تجميع واعادة تنقيح ونشر كتابات من فقدنا في كتاب سنوي (لكي يكونوا ـ باقون ـ بيننا) - او نعمل كالندر لذكرى رحيل كل زميل ويكون اليوم ده للاحتفاء بكتاباته .. وبي حياتو بينا هنا !! ........ عذرا ان تشابكت الموضوعات .. ولكن جملة اشياء .. بعضها حزن .. وبعضها تعليقات لم تسح مساحات اخرى بطرقها .. ـــــــــــــــــــــــ ايمن تابر |
يحوّل لعناية اخونا الباشمهندس بكري ابو بكر، وإدارة المنبر. جزيل الشكر لك اخي أيمن التاج، وكل عام وانت واحبابك والجميع بخير...
اتمنى ان يطلع اخونا بكري والتيم العامل معه علي هذه المداخلة...
| |
|
|
|
|
|
|
Re: تُـرى، مـن مِـنـّآ سـيـُوشـّح الـمِـنـبـر بـالـسـوآد فـي الـمـرّة الـقـآدمـة ... (Re: ايهاب الطيب بله)
|
Quote: لو تذكر الناس الموت لبعدو عن كل كذب / جريمة/ظلم..الخ الموت مدعاة للصدق مع النفس ومع الناس ومع الله جاء في الأثر الشريف موجهاً الى عمر بن الخطاب: (كفى بالموت واعظاً ياعمر) وقال المتنبي: كفى بك داءا أن ترى الموت شافيا...... وحسب المنايا أن يكن أمانيا |
سلآم اخي مامون، وعيد مبارك. نعم الموت اكبر واعظ لو يتعظ الناس، لكنا نجد الموت كالصعقة الكهرباءية التي لا تقتل. بمجرد ان يفيق الشخص من مفعولها يرجع كان لم يصبه شئ. قال جرير: تروعنا الجنائز مقبلآتِ فنلهو حين تذهب مدبراتِ كروعةِ ثُلّةٍ لِمُغار سبعٍ فلما غاب عادت راتعاتِ...
| |
|
|
|
|
|
|
Re: تُـرى، مـن مِـنـّآ سـيـُوشـّح الـمِـنـبـر بـالـسـوآد فـي الـمـرّة الـقـآدمـة ... (Re: Mohammed Ibrahim Othman)
|
Quote: معاوية المدير يا أخوي بجد جعلتني اتوقف وانا اتخيل دوري .. ذكرى هادم اللذات وصانا به الرسول المصطفى صلى الله عليه وسلم .. ربنا يحسن اعمالنا ويختم لنا بالصالحات وللننتبه لما نكتب فالموت قادم لامحال .. سلمت أخي .. |
الأخ محمد ابراهيم، سلآم، الرسول عليه الصلآة والسلآم، ونؤمّن معك علي الدعاء سألين الله الإجابة. قال محمد بن هارون: كأني بإخواني علي جنب حفرتي يهيلون فوقي والعيون دماً تجري فيا أيها المذري عليّ دموعه ستعرض في يومين عني وعن ذكري عفى الله عني انزل القبر ثاوياً أُزارُ فلا أدري وأُجفى فلا أدري...
| |
|
|
|
|
|
|
|