|
ياعاصم البنا سمعت تصريح منقول عنك عجيب جدا تنتقد فيه الصحافة الفنية !
|
الاخ والفنان عاصم البنا في البداية كل عام وانت بخير وأجمل الامنيات والاماني بمزيدا من الابداع والحضورعلي الساحة الفنية
ياسيدي التصريح نصو بقول (أنو في ما صحفي ولم يولدالصحفي الذي ينتقد عاصم البنا) حسب ما نقل عنك طبعا أظنها غضبة مضرية منك لكين أنا معك صحفتنا الفنية جربانه جدا وفضحائية أكثر من ذلك أنها لا تقدم نقد منهجي أو تعرض الاعمال الجديدة علي الساحة بطريقة موضوعية وأظنها صحافة فنية معنية بالجمال والعلاقات العامة والمصالح الخاصة. ولنا لقاء ياصديقي
|
|
|
|
|
|
|
|
Re: ياعاصم البنا سمعت تصريح منقول عنك عجيب جدا تنتقد فيه الصحافة الفنية ! (Re: زهير عثمان حمد)
|
اخي الاكرم / زهير
تحيتي وكل عام وانت بالف خير وخير والعيد مبارك عليكم . عبركم اعتذر لقبيلة الصحفيين الجادين الذين طالما استفدنا من مقالاتهم واجتهاداتم الا متناهية والمفيده . وعندما كان تصريحا بل غضبة حسب تعليقك فهى غضبة شديدة لان الصحف اصبحت منابر لتكيل الشتائم والشمارات والمهترات وليس لها ضابط .فبدلا من الاستفادة من الجريدة اصلا بدلا من نقل الاخبار الحكومية وطوالى ندور شتايم بين الفنانين وتحميش النيران وفلانه طلقوها وداك اعدموهو وديك راجلها ضبحا .... ياخوانا الكلام ده ما صاح ولا يستقيم الصحافة فن الصحافة علم الصحافة مسؤوالية تهذيب مجتمع سلطة رابعة وخامسة وسادسة كمان مربية ولا (لا نحلم بعالم سعيد ) صحفيا ...
يرى هناك بوستات ينتقدونا فيها يوما ولا نعلق بل نستفيد من التعليق للمرات القادمة اما قصة نشر راي شخصى عننا بالهرجلة والى اخرة فهذه اساءة لى ولى معجبي واسرتي وابنائي وكل من له صلة فتصور ان هذا شخص واحد عبر عن رايه اساء الى كم من الناس فى شخصى وكل ده عشان عرضة فى حلقه من اغاني واغاني .. ياخي كبيرنا بعرض وصغيرنا بيعرض والما بتهزو الدلوكة مابشر والله اووكد لك ان الكثيرين من قبيلة صغار الصحفيين ينتظرون رمضان ليظهرو باشاراته السلبية الجاهلة غير المضبوطة .
وعندما قلت امه ما ولدتو قلتها لسبب واحد . الى هذه اللحظة علما باني زاولت الغناء سنة الفين رسميا لاول مرة لم ارى مقالا واحدا يحلل عملا فنيا بصورة منهجية ومؤسسة تجعل القارى والمغني يستفيد منها بشكل فعلى لتقديم الاجمل والافضل دون التاثير على نفسيته لاعطائة الثقة للتقدم والتفوق والعطاء الاكبر احباط احباط احباط فى كل الدروب مافى منابر مافى دورات ثقافية فقط بيت العرس وطبعا اتجاه واحد خلانا ننتج نوعية محدده من الهرجلة لزوم الهيجة والجوطة وبنعرف نعمل حاجات مدهشة بس بتقعد فى بيتكم وتمشى النادى وترجع البيت وانت واغنياتك ديل فى الحمام بس تتلاقو تاني تحت الدوش .
فيا اخي الكريم رؤساء التحرير هم من يسمح بمثل هذه السخافات لانها بتولع النيران والنيران بتبيع الصحيفة ورئيس التحرير بعمل كرش على حساب الناس وافيدك باني لم استفيد او اتضرر من الصحافة من قبل واكثر الفنانين بعدا عنها وافيدك باني لم اشترى جريده منذ 9 سنوات ولكني اتصفحها بن حين واخر اجدها كما كنا والهم كتر علينا
اكرر اسفي لكل من يجد فى نفسه امانة الصحفى المحتم واحب على راسة انحاء وتقديرا واجلالا .. اما من ينتقدني من البرينسات الصحفية الجديدة دى امو تاني ماولدتو لسة ليه لان الغالبية تحاول الظهور من خلال الشتيمة وتوليع النيران والهمز واللمز وهذا للواثق فى نفسة لا شىء
تقديرى واحترامي لاهتمامك
وللجميع تحياتي
| |
|
|
|
|
|
|
Re: ياعاصم البنا سمعت تصريح منقول عنك عجيب جدا تنتقد فيه الصحافة الفنية ! (Re: عاصم البنا)
|
Quote: اكرر اسفي لكل من يجد فى نفسه امانة الصحفى المحتم واحب على راسة انحاء وتقديرا واجلالا .. اما من ينتقدني من البرينسات الصحفية الجديدة دى امو تاني ماولدتو لسة ليه لان الغالبية تحاول الظهور من خلال الشتيمة وتوليع النيران والهمز واللمز وهذا للواثق فى نفسة لا شىء |
عاصم البنا يتحدث
مدخل للخروج :
روح يابا .. وابق قفاك لاتعاين ولاتعاين علي موطاك ولا تندم علي خطوا تملي مشيتو لى قدام وابقي العاتي زى سنطتنا زى صبرا نلوك فوق مرو زى الزاد لاشيتاً نزل في الجوف ولابرجع ولا بنزاد واركز للبجيبها الريح تقيف انت ويشيلها الريح وابقي العاتي والدرب الوراك مسدود و شيل شيلتك بقيت للنص لاحلما بجيب البر ولا حدود وانبليتا اختا الرمله ما تقع البكان الهش هي الممطوره مابتبالي من الرش
| |
|
|
|
|
|
|
Re: ياعاصم البنا سمعت تصريح منقول عنك عجيب جدا تنتقد فيه الصحافة الفنية ! (Re: عاصم البنا)
|
يا عاصم البنا كل عام وأنتم بخير. بصراحة مع أني ما سمعتك بتغني ولكن واصل في غناك ولا تهتم، فالمثل يقول: طالما هنالك من يقذفني بالحجارة فهذا يعني أنني في المقدمة. استفد من النقد الهادف.. ولا تهتم بغثاء الكلام وساقط القول. ليس كل من يكتب يكتب لله. هنالك من له مآرب أخرى. وفي النهاية الكلام ما عليهو جمرك خليهم يقولوا زي ما الناس يقولوا ... وما تنسى هنالك من يحقد عليك ويكرهك لوجه الله والحاسد والبقران وهلم جرا... ربنا يوفقك ويسدد خطاك لحد ما نسمعك بتقول شنو وبتغني كيف ؟ بعدين نحكم ليك أو عليك. تحياتي.
كبـــّـاشي الصـــّافي
| |
|
|
|
|
|
|
Re: ياعاصم البنا سمعت تصريح منقول عنك عجيب جدا تنتقد فيه الصحافة الفنية ! (Re: أبو عبيدة البصاص)
|
أخي عاصم
لك كل التقدير وبردك قطعت جهيزة قول خطيب والله أنا مع محموعة من الزملاء في الصحافة الفنية وقلت بالحرف (أنك متضرر من ممارسات الاقلام التي تعرف ما هي أهمية الصحافة ودورا) وانت حينما أطلقت تصريحك تعلم من تخاطب والذي كان مقصود بالتصريح هذا رد بمقال هزيل أيضا لا عليك ولكن كان الايضاح مهم وانت زميل معنا في المنبر متعك ربي بالعافية وأنت معزوم رحلة ناذر لباساقات أنشالله معنا يا فارس
| |
|
|
|
|
|
|
Re: ياعاصم البنا سمعت تصريح منقول عنك عجيب جدا تنتقد فيه الصحافة الفنية ! (Re: زهير عثمان حمد)
|
اخي زهير
نحن نحتاج الي من هم مثلكم للدعم والتشجيع ونحتاجكم ايضا لما هو اهم المستقبل والتاريخ وبالمناسبة تصريحي كان واضحا وبالحرف كالاتي ( الصحفي البنتقدني فنيا لسه امو ما ولدتو ) فنيا اقصد بهاتقنيا او في مجالى نقاش العالم بتفاصيل الموسيقى والغناء للمغني . كللهم يناقشون امور جانبية غير مفيدة وسطحية ولابد من سياسة الاتهام والهجوم والتسخين على مدار العشرة سنوات الماضية والفنان متهم والفنان عليه حملة . وسمعت من زملا فنانين انهم بي خمسين جنية ممكن يشترو حملة صحفية ..
يازهير ايدكم ومعانا ولاضمحلال في كل حاجه بقي فترنا من عذاب المستمع الفقير المتواضع غير الواعي الذى اصبح فى زيادة طردية غير متكافئة مع المغنين الجادين .. مضطرين نمسك العصاية من النص عشان خاطر معايشنا .. وبعد كدة برضو شتايم وقلة شغلة ماممكن حقو رؤساء التحرير يشتغلو شوية وبطلو حركة اللعب بالالفاظ وسحب الكلمات لجعل الامر فضفاضا ضعيفا كي ابيع الجريدة سياسة ########ة ومابتشبه سودانيتنا ... احتمال خارجية سالكة لكن هنا عيب الراجل يبقي ما راجل عشان غاية ماكان ود حبوبة انشنق في السوق من اجل مبدا ..
الله يكون في عون الجميع
مودتي
| |
|
|
|
|
|
|
Re: ياعاصم البنا سمعت تصريح منقول عنك عجيب جدا تنتقد فيه الصحافة الفنية ! (Re: عاصم البنا)
|
سلام يا زهير وسلام يا عاصم وسلام يا بصاص وسلام يا كانتونا 1 وعيدكم سعيد ...
وبالحق الصحافة السودانية قاطبة في مشكل عظيم وهي غالبية من يعملون فيها غير مهنيين سوى بعض الاشراقات من صحفيين شُطار وضمائرهم حية . اما ما يسمى بالصحافة الفنية فاعوذ بالله منها صحافة و اعوذ بالله منهم صحفيين فهم في حقيقتهم ما الا مجموعة تجار يطاردون الفنانين واخبارهم ويتربصون بهم حتي يدخلون معهم في مسأئل مالية او انهم يريدون أن يشتهروا علي حسابهم ويعرفون من خلالهم (يمكنني أن احدد ثلاثة اسماء فقط منهم اعتبرهم صحفيين فنيين جادين) وهم في غالب الامر يعتمدون علي طولة اللسان والاسئلة الغير موفقه ابداً والتي لا تعني الفنون وتقدمها في شي ابداً .
حقاً ازمة كبيرة هي ازمة الصحافة الفنية في السودان فهل في الحق هم صحفيين !!!؟ وماهي الدراسة التي في الاساس خرجت بهم ليصبحوا صحفيين فنيين !!!؟ حقاً هل هم دارسين ومتخصصين ليصبحوا صحفيين فنيين؟!!! وهل بالحق هم يدركون الفرق بين الصحفي الفني والناقد!!!؟
ختاماً مودتي للجميع.
| |
|
|
|
|
|
|
Re: ياعاصم البنا سمعت تصريح منقول عنك عجيب جدا تنتقد فيه الصحافة الفنية ! (Re: سفيان بشير نابرى)
|
التحية للمبدع جدا عاصم البنا الصحافة التى تلجأ للشتم والهتر والقذف بدل النقد والتوجيه والإرشاد هي صحافة صفراء تبحث عن الربح المادي ولا علاقة لها بعلم الإعلام وفنون التحرير الصحفي . مؤسف والله أن يتفق الكثيرون من نجوم المجتمع على عدم مهنية الصحافة لان هذا دليل على ضعف الكادر الصحفي وتواضع معرفته وإفتقاره للموهبة والأكاديميات التى تعينه على أداء رسالته الصحفية بما يسهم في تثقيف وتنوير المتلقي . على مجلس الصحافة وإتحاد الصحافيين التحرك عاجلا لإيقاف العبث الذي تفرزه بعض الصحف حتى لا يفقد القارىء ثقته نهائيا في السلطة الرابعة .
| |
|
|
|
|
|
|
Re: ياعاصم البنا سمعت تصريح منقول عنك عجيب جدا تنتقد فيه الصحافة الفنية ! (Re: خالد درق)
|
الاخ خالد التحية عبركم وكل عام وانتم بخير لكل اهلنا فى دبى المضيافة ولا تخف ابدا لاني مقتنع بامرين هامين ليس لدى ما اخاف منه او اخبيه وثانيا الصحافة دمرت الكثيرين دون رحمة وهى لوبيهات لها اقدام عنكبوتية والمؤسف لو اتحدت لاعادة مهرجان الثقافة لنا لنتبارى على الاجود ونقدم الافضل لكسبنا جميعا ولكنها تدمر فى الفنانين ويتساقطو الواحد تلو الاخر دون ماوى وزاد لماذ؟
هل هناك من يفكر اذا لم يوجد فنانين لاتوجد صحافة فنية .؟
السكوت نفخنا ياخي والكل يهاب الحملات الصحفية والكل يخاف ان يقيف حالو بسبب الصحافة وهذا هو المؤسف تخاذل وانوية فى كل شىء وروح الجماعة مفقود الا فى الشين
معليش يا جماعة الواحد مليان لمن طرشق اعفو لى الدنيا عيد
ودمتم
| |
|
|
|
|
|
|
Re: ياعاصم البنا سمعت تصريح منقول عنك عجيب جدا تنتقد فيه الصحافة الفنية ! (Re: عاصم البنا)
|
Quote: ربنا يوفقك ويسدد خطاك لحد ما نسمعك بتقول شنو وبتغني كيف ؟ بعدين نحكم ليك أو عليك. تحياتي. |
لو سمعتو يا قريبي عيعجبك ويطربك... الراجل فنان حقيقي وموهوب وله إحساس عالي بالتطريب وقدرة كبيرة على إمتاع الوجدان السوداني من خلال صوته القوي المميز. يصعب على من يفتقر الذائقة الفنية والإلمام بنظريات الجمال أن يصبح صحافيا فنيا. والصحفي الفني الناقد الحقيقي يؤنسن العمل الفني فيصبح الفنان وحياته الخاصة عرضين، بينما الجوهر هو النتاج الفني الذي يسري بروحه البرزخية في رحاب الوجدان الجمعي للأمة.
| |
|
|
|
|
|
|
Re: ياعاصم البنا سمعت تصريح منقول عنك عجيب جدا تنتقد فيه الصحافة الفنية ! (Re: Osman Musa)
|
إلتقيت بالفنان الاستاذ عاصم إبان زيارته لامريكا قبل أقل من عام لم أكن قبلها كثيرالإستماع له لكنى على كل حال ممن يعرفون للرجل إجادته لفنه وإحترامه لمتلقيه ، لكن أظهر ما رأيت فيه أنه مهذب القول ومتزن ويقس الامور بميزان العقل الراجح وفوق كل هذا فنان بكل ما تحمل الكلمة ، وقتها تم تنظيم حفل ساهر للرجل ببروكلين اسبورت وقد شنف الاذان وأثرى الوجدان بكلم النغم الذى لا زال يوشوش فى الاذن حتى الان . الرجل صاحب رأى وفكر ومثقف فإن قال شئ أو إنتقد فهو لم يكن يضيق بالنقد على أريحيه فيه وسعة وتقبل الاخر وإلتزام فنى صارم . التحية له ولك اخى صاحب البوست وعيد سعيد للجميع .
| |
|
|
|
|
|
|
Re: ياعاصم البنا سمعت تصريح منقول عنك عجيب جدا تنتقد فيه الصحافة الفنية ! (Re: الفاتح الجنيد)
|
ود عمي العزيز كل عام و أنت و الأسرة الكريمة بألف خير المتداخلون الكرام كل عام و أنتم بخير جيت داخل البوست شايل سيف القلم قلت أدافع عن أخوي البعرفو ... لقيت المتداخلين و قبلهم صاحب البوست كلهم أخوانك أكتر مني ... هنيئاً لك بهذه الأخوة ... تحياتي لجميع من بطرفكم من الأهل ابتداءً بالعم العزيز بابكر ربنا يحفظو لينا و ليكم ... و التحية و الود و الإحترام للجميع ...
| |
|
|
|
|
|
|
Re: ياعاصم البنا سمعت تصريح منقول عنك عجيب جدا تنتقد فيه الصحافة الفنية ! (Re: ود الباوقة)
|
الا ستاذ زهير عثمان والجمع الكريم عيدكم مبارك بلسان الانيق عاصم وبعد استاذن العم يوسف البناء >>> نحن وسمنا ظاهر وفوق خصيمنا ممرك وقول لعدونا من تالانا ابعدو شرك
كده كفايه عشان ما تجيب ليها عنصريه انا المزعلني يا عاصم ما اديت لي فرفور دا جدوه في الاستديو يوم العرضه البديعه ديك طبعا كلمة جدوه دي ما كتير بيعرفوها ياريت عاصم يترجمه او الفاتح الجنييد هم اهل الجدوه مع انني حب فرفور جدا كل الذين شاركو في البرنامج كانو نجوم بلا شك ولكن نجمك لامع يا بن عمي مودتي للجميع
| |
|
|
|
|
|
|
Re: ياعاصم البنا سمعت تصريح منقول عنك عجيب جدا تنتقد فيه الصحافة الفنية ! (Re: ود الباوقة)
|
. . . الاخ عاصم
اسمع يا اخوي باين عليك عندك كلام كتير بتدور تقولوا والبورداب مايهم كلهم صحفيين وعندهم الكتير عاوزين يسمعوا منك بصفتين زميل منبر واحد ومهوم بالشأن الفني السوداني اتنين
عشان كده من آخروا تعال لينا في رحلة باسقات بتاعت بورداب الخرطوم مش انت من بورداب الخرطوم يبقة تعال بالدرب ويمين ماعندنا ###### ويمكن تمل معانا شكل مؤتمر صحفي ودي تناقشنا ونناقشك فيهو عن الشأن الفني ككل وعن مسيرة عاصم البنا ومستقبل برنامج اغاني واغاني الذي اراك خير حليفة لإدارته بعد الهنات الكثيره التي اصبح يقع فيها السر قدور فقط تحتاج الى فريق معدين متميز وهذا يوجد بالنيل الازرق وانك بامكانياتك الحواريه التي رايناها يمكن ان تكون حلقة وصل بين الاجيال الفنية في الاخذ والرد الفني كمايمكن ان تكون خير من يعكس تاريخ الغناء السوداني على طريقة برنامج اغاني واغاني
على نحنا منتظرك
البصاص
كل الود
| |
|
|
|
|
|
|
|