|
|
 من الابيض... عيدكو مبارك
|
كل عام و انتم بخير و للمغتربين نقول...ليكم بحالنا
تتخوجلوا فوق عزكم في رحاب وطن هيلكم و يظل هيلكم
رغم كل شي
لم ارى الابيض من قبل و ما حضرت عيد في السودن كله
منذ عام 1986
لكني احس الان باني من هذه المدينة الطيب اهلها
و فرحتي بالعيد
لا تدانيها فرحة
مازال انسان وطني قادر على ان يفرح و يسعد من يراه
هاشا باشا محتفيا بك
حتى تؤمن بان وشيجة الوطن كوشيجةالرحم
|
|
 
|
|
|
|
|
|
|
|
Re: من الابيض... عيدكو مبارك (Re: طارق جبريل)
|
وانت بخير و سعادة يا قريبي
ماك زول غربة الا الظروف جابراك
زي ما قال عبد الله محمد خير الله يرحمه
هو القضيم براهو ياخ كردفان نعيم باقي
بس البيوجع القلب انه الخير دا مهمل
بصورة محزنة
| |
|
|
|
|
|
|
|
|
|
Re: من الابيض... عيدكو مبارك (Re: khaleel)
|
الأخ نصّـــار كل عام وأنتم بخير... مرحباً بك في أب قَبّة فحل الديوم... قلب كردفان الغرّة أم خيراً جوه وبرّا... جعله الله عيد خير وبركة عليك ومن يحوي مجلسكم العامر.عيداً أمبارك عليكو وعلينا.. زايدين مانا ناقصين.الله يطوِّل عمراكو ويزيدكو زايد الخير. آمييييييييييين.
كبـــّـاشي الصـــّـافي
| |
|
|
|
|
|
|
|
|
|
Re: من الابيض... عيدكو مبارك (Re: cantona_1)
|
بارك الله فيك علي قعيدك للكلام الاصلي النابع من حنين كردفان ارض و اهل
و ربنايحقق امانيك و يديك قدر جودك علينا بالدعوات الطيبةو اكتر
عندي اهل لي موزعين في فجاج كردفان دي بما فيها الابيض
ناس حنينين واحد منهم اتر اهلنا لامن وصلهم في الشمالية
اسمهم ناس صافي الدين و يبقالي انهم عندهم صلة بالعمدة ميرغني حسين
زاكي الدين
انا الجابني الابيض نسم و ياريت الم في اهلي ديل كمان عشان تتم الناقصة
| |
|
|
|
|
|
|
|
|
|
Re: من الابيض... عيدكو مبارك (Re: نصار)
|
العزيز (أبو النسب) نصار
أحب التهاني بالعيد لك وللأسرة والأهل والأصدقاء
Quote: احس الان باني من هذه المدينة الطيب اهلها
و فرحتي بالعيد
لا تدانيها فرحة |
| Quote: بارك الله فيك علي قعيدك للكلام الاصلي النابع من حنين كردفان ارض و اهل |
أهديكم يا أصدقاء هذه الأبيات من قصيدة لي بعنوان "عزة" كنت قد كتبتها قبل سنوات، وهي من شعر الحنين والاغتراب :
*****
يا عزة فاض بينا الحنين
يا عزة كم مرت سنين
وسنين طوال
من لقيتك
ومن بسمتك
والانشراح
من قدلتك الخايلة فيك
وجبرتك
************
لو قالوا ليك يا عزة غيرنا البعاد
ما تصدقي
كيفن ونحن الشوق بنغزله بالفرح
وننغم الألحان طرب
لجنابك العالي المقام
ولى كبريائك وهيبتك
وعشان سموك ورفعتك
************
لو قالوا ليك يا عزة قسانا البعاد
ما تصدقي
نحن البعاد بقانا أرهف من رضيع
خلانا صبح العيد تفيض بينا الدموع
تهتز أحاسيسنا ونهيم
نتذكرك
نطرى الأحبة مقيلين
بمشاعرهم موقدين شموع
وعبيرك الفواح يضوع
************
محبتي
عبد المنعم خليفة
| |
|
|
|
|
|
|
|
|
|
Re: من الابيض... عيدكو مبارك (Re: Abdul Monim Khaleefa)
|
و كل عام و أنتم جميعاً بكل خير و صحة و عافية يأ أبو النسب ..
و تحية عبركم لمواهب و خالتي عشة و ناس البيت و كل الأهل ..
و لعروسنا الجميلة و أهلها ..
و ما تنسى تتمرمغ لي شوية في الرملة ..
و تدي الفولة طلة ..
و عيدكم مبارك و سعيد ..
ودايما تامين و لآمين
| |
|
|
|
|
|
|
|
|
|
Re: من الابيض... عيدكو مبارك (Re: نصار)
|
| Quote: ذهبت لمنزلكم في الابيض بصحبة العزيز د. المقابل |
الحبيب نصار سلام
تشرفنا كثيرا" بقضاءك العيد معنا بعروس الرمال .. و كم كانت هي لفتة جميلة منك و أنت تطالبني بالذهاب بك للمعايدة لأسر بورداب الأبيض, و التي للأسف
لم تتم وذلك لظروف سفرك المفأجي نسبة لمرض والدكم العزيز الذي أتمني أن يكون بخير و بلغ الصحة و العافية.
تقبل تحيات الأخوة بنادي الأعمال الحرة و نتمني أن نشوفك تاني في زيارة أطول ..
لك الود و التقدير
| |
|
|
|
|
|
|
| |
نصار
طارق جبريل
khaleel
cantona_1
Ashraf el-Halabi
Amani Al Ajab
النذير حجازي
الفاتح ميرغني
حبيب نورة
Abdul Monim Khaleefa
عصام دهب
حمزه بابكر الكوبي
Tragie Mustafa
Sidgi mattar
Abdlaziz Eisa
عبدالمجيد المقابل
فيس بوك
تويتر
انستقرام
يوتيوب
بنتيريست