|
كم عدد المغتربين في الخارج من قرى مشروع الجزيرة ؟؟؟؟
|
نريد من الاخوة الككرام اتحافنا بعدد المغتربين الذين هجروا اراضيهم الزراعية وراحو الخليج والسعودية لعملوا هناك ويبنوا البلاد الخارجية تاركين المشروع واراضيه لأهلنا من غرب السودان ليفلحوا تلك الارض ... العدد مؤشر خطير تبنى عليه حقائق لا يتكرها الا مكابر ... ويدل ضخامة الرقم على ان الشباب في قرى الجزيرة لا يريدون فلاحة تلك الاراضي ويتركون الملود والكدنكة والطورية لابناء دارفور يزرعون تلك البلاد
طيب يا اهل الشأن عندكا تتتركون اراضيكم وتذهبوا لتبنوا دبي والرياض وجدة والبلاد الخارجية لماذا تعترضون على إتيان المصريين ليقوموا بإيجار أراضيكم ليفلحونها ويكون سهمكم راكب بدل ما تبقى الاراضي بور ساكت سنيين وتتركونها ونذهبوا للخليج والعودية ؟؟؟ عارفوا سؤال لا إجابة له لكن نسوي شنو .... الله في بعدين يا اخوان زول اراضيهو ما داير يديها المصريين زول بيجبروا مافي دا هراء ساكت لا حكومة ولا يحزنون بتقدر تجبرك على انك تدي ارضك دي لمصري
|
|
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: المكاشفي الخضر الطاهر)
|
عجبي ناس غرب السودان ديل أجانب ؟ قول واحد أنا من زول جزيرة ومغترب ، وحواشتنا موجودة ونرويها بالمضخات والمطر بعد جفت الترع وتم حرق آليات وجرارات المشروع بنيران جياد عنوة ، ولن أتنازل عن حواشتنا وأرضنا فهي إرث شرعي وملك معصوم من أي تعديات كيزانية شيطانية .. طيب كم عدد أبناء الجزيرة بمجموعة جياد وشركات اللكيزان الأخرى ياشاطر ؟ هات الإحصائية ، بل كم عددهم بوزارة الداخلية والدفاع والمؤسسات الحكومية الشيطانية ؟ الشفيع إبراهيم
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: Alshafea Ibrahim)
|
Quote: تاركين المشروع واراضيه لأهلنا من غرب السودان ليفلحوا تلك الارض |
Quote: ويتركون الملود والكدنكة والطورية لابناء دارفور يزرعون تلك البلاد |
يعنى عشان "الغرابة " ما يزرعوا و يستفيدو من عائد الاراضي السودانية المتعافي جاب المصريين
للاسف هذا مؤشر على نجاح الكيزان في تفتيت نسيجنا الاجتماعي و للاسف الشديد الكيزان بيعملو كدة فقط عشان يحكموا وينهبوا بعد فشل مشروع تكفير الناس الما معاهم و انشقاقهم و اختلافهم استثمروا في الجهوية و القبلية و لحد الان ناجحين و الدليل تفضيل المصريين على "الغرابة "
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: المكاشفي الخضر الطاهر)
|
Quote: السؤال مرة اخرى المغتربين ليها شنو سابين اراضيكم الجميلة دي ؟؟ ارجو التركيز هنا حتى تصيبوا الهدف هذا مع خالص الود |
اجبرونا علي تركها بعد ان اهملوها حتي الجروف صابا المحل
مشروع الجزيرة بعد ان مات اكلينيكا لن ينقذه الفرعون
مالم يعاد ترتيب بيت مشروع الجزيرة من الداخل بسياسات مرشدة وخطط قصيرة وطويله المدي
لن ينقذه حتي مزارعي هولندا دعك من ناس هريدي ديل
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: المكاشفي الخضر الطاهر)
|
. . الأخ / المكاشفى سلام ..........
أخى رد ما سألت عنه : Quote: السؤال مرة اخرى المغتربين ليها شنو سابين اراضيكم الجميلة دي ؟؟ ارجو التركيز هنا حتى تصيبوا الهدف هذا مع خالص الود |
الرد هو أرجو أن تعرف السبب الحقيقى الذى جعل الملايين من أبناء البلد يهاجرون لشتات الغربه ووصلنا حتى أقاصى بلاد الدنيا التى لا يعرف الكثيرين عنها شىء من قبل السبب هو الإنقاذ وسياستها الخرقاء .
مع تحياتى .......... . . .
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: المكاشفي الخضر الطاهر)
|
Quote: اجبرونا علي تركها بعد ان اهملوها حتي الجروف صابا المحل
|
عطلوا عمدا ورش صيانة معدات الري ليأتوا بشركة روينا التي نهبت أموال المزارعين وأعقبتها شركة الهدف للخدمات الأمنية( شركة خدمات أمنية تعمل بالري!!!) .. عطلوا مشروع سكك حديد الجزيرة وبيع كل الحديد لجياد اللي باصتوا للأتراك.. وجير عطاء نقل القطن للفاتح عبدون قطب الجبهة الاسلامية. وجات شركة شيكان بتاعت عثمان الهادي بدعوى التأمين على المحصول ضد التلف . وبقت تأخد على كل 3 فدان 125 ألف جنيه سنويا. والتوظيف بمؤسسات الدولة وشركات الحزب الحاكم مقصور على أبناء الشمال وأنت تعلم ذلك ..لأن أبناء الجزيرة لا يجيدون أداء صلاة الجنازة أو كما قالوا. أهملت البيوت التي بناها الانجليز لسكن الموظفين والمهندسين والعمال وتركت دون رعاية حتى صارت فضاءا بلقعا وهي التي كانت تسمى (السرايات) . عطل قسم مكافحة الافات بالمشروع وترك أهل الجزيرة وما يزرعون فريسة للافات بكل أنواعها .
لهذا ولغيره هاجر أهل الجزيرة من أجل توفير لقمة العيش الشريف للعقاب ..
الوالد الله يرحمه سألته ذات مرة حين طلب مني تحويل مبلغ معين من أجل تمويل القمح.. لماذا لا تبيع حواشاتك؟ كان رده- رحمه الله- بليغا حين قال لي : يا ولدي أنا منتظر يجينا زمن تاني غير زمن (الجماعة ديل) .. عرفت ليه هاجر أهل الجزيرة؟ عرفت التلاتة ملايين بتاعتك مشت وين؟
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: فتحي الصديق)
|
الاخ فتحي الصديق كل عام وان بخير كداخلة ممتازة وهذه عبارة عن مشاكل حقيقية في مشروع الجزيرة وكل ما تفضلت به عبارة عن مشاكل حقيقية لابد من ايجاد الحل الناجع لها لكن ياترى الحل وين عند الحكومة التى تمتلك عصاة موسى وخاتم سليمان ام بخطط مدروسة تعيد للمشروع مجده
كسرة : الاخ فتحي صدقني انا متأسف على ركشتي البعتها ومشيت بيها لمشروع القح في الجزيرة يا حليل وكشتي غايتو مصيبة والله انا معاك مشروع الجزيرة مشاكلو كتيرة لكن لماذا لا نعطي المتعافي فرصة يمكن ينجح بقول يمكن ومشكور الاخ فتحي على هذه المداخلة الهادفة
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: المكاشفي الخضر الطاهر)
|
الاخ الفاضل الكباشي....
تحياتى و عيد سعيد و كل سنة والجميع بخير و السودان الكبير عظيم وموحد ومنتصر،،،،
و الله فكرة استجلاب المصريين دى حكرت لى فى راسى......أنا شخصياً ما شايف فيها حاجة بالعكس اضافة كبيرة للسودان و للسودانيين..ياخى مالم المصريين ما أهلنا و نحنا من سنة 1980 "مفطسنهم" بالسودانيين حتى تجاوز عددنا فى مصر الخمسة ملايين سودانى ينعمون بكل خيرات مصر و يعيشون عزيزين مكرمين فى كنف اهلنا المصريين.
ثم لماذأ لا نتفق بأن السودان و مصر ، إن طال الزمن أو قصر، دولة واحدة من الناحية الاستراتيجية...و المطالب القومية و الامتداد الطبيعى لكل حدود نهر النيل و المصير المشترك. فكل ما يحصل فى مصر سوف يصب فى السودان خيراً أو شراً و العكس تماماً يحصل للمصر نتيجة ما يحصل فى السودان خيراً أو شراً...
أما المتباكون على مشروع الجزيزة الآن لماذأ لم يتباكوأ عليه إلا الآن؟؟؟ واهلنا فى كل الجزيرة يرزحون تحت كل اشكال التهميش و التخلف و التقوقع و الالانهيار و الفقر فى كل مناحى حياتهم التى كان يضرب فيها المثل فى الانضباط و النظام و الجهد و الانتاج الذى كان يعم كل العالم فاصبحوأ لا يستطيعون أن يطعموأ انفسهم، نتيجة للتدهور فى كل شئ ثم الانهيار الاجتماعى و الاقتصادى الناتج عن ترك غالبية اهل الجزيرة للارض و الارث و الحرث و الضرع و الهروب الى بلاد الغربه حيث العمل بعيد من الحواشات أهون منه الى العمل فى شئ لا ينتج إلا ما يؤكل....
أذأ كانت هذه الهجرات باشراف اهلنا فى الجزيرة و الملاك للحواشات فاهلاً و سهلاً به و إلا سوف تنشأ كثير من المنازعات القانونية و الاجتماعية و الاقتصادية...و ربما...تذهب الجزيرة الى غير رجعة.
بعدين ياخى نحنا زاتنا هسعى ما زى المصريين الجايبنهم ديل منتشرون فى كل ارجاء الخليج و فى كل العالم... ّنحنا أحسن منهم فى شنوّ؟؟؟!!!!!
اتمنى أن يحضروأ فلاحين من لبنان و سوريا و تركيـــا كمان عشان نبقى بحق و حقيقة دولة "بترولية" افريقية....
صديق القاعد بعيد
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: ياسر علي نايل)
|
الأخ المكاشفي.. كل عام وأنت بخير.. جذبني عنوان بوستك وظنت أني سأحصل على معلومه جديده وفقا لإحصائيات وغيرها.. إلا أنني لم أجد الرقم الذي طلبته في عنوانك.. ووجدت هذا..
Quote: نريد من الاخوة الككرام اتحافنا بعدد المغتربين الذين هجروا اراضيهم الزراعية وراحو الخليج والسعودية لعملوا هناك ويبنوا البلاد الخارجية تاركين المشروع واراضيه لأهلنا من غرب السودان ليفلحوا تلك الارض ...
|
سؤال جيد ولدي نفس التساؤل..
Quote: العدد مؤشر خطير تبنى عليه حقائق لا يتكرها الا مكابر ... |
هل فاتني أن أعرف العدد? الرجاء إخباري حتى أستطيع الوصول لنفس الحقائق..
أكرر ماهو الرقم حتى أتمكن أن أتأكد من ضخامته..
Quote: على ان الشباب في قرى الجزيرة لا يريدون فلاحة تلك الاراضي ويتركون الملود والكدنكة والطورية لابناء دارفور يزرعون تلك البلاد |
هل ضخامه الرقم أو قلته لها علاقه بمافي نفس الشباب أو ماذا يريدون أو لايريدون?
بوست غير موفق يا أخ مكاشفي.. ولم تقدم أدله لرأيك..
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: ياسر علي نايل)
|
مكاشفي
تحياتي وكل عام والجميع بخير
المشكلة ابدا ليس من المزارع وحتى الان لم نجد من كل الباحثين
ما يروي غليلنا بتحديد المشكلة ووصف العلاج الناجع لها..
الكل يعلم ان الحكومة وفي خضم تحدياتها الخارجية والداخلية اهملت
المشروع عددا من السنين وضنت عليه من ميزانيات التنمية لتصحو يوما
وتجد المشروع قد ترنح بل (برك) على رجليه وفقد القدرة على الانتاج
المجزي ... انت تلوم اهل المشروع ... لكننا نحن اهل المشروع نضع اللوم
كل اللوم على قيادات اتحاد مشروع الجزيرة وولاة مشروع الجزيرة المتعاقبين
هؤلاء زبحوا المشروع من الوريد للوريد... ولم يستطيعوا اعلان حجم المشكلة
للدولة خوفا على مناصبهم في المقام الاول وثانيها تضارب مصالحهم مع مصلحة
المشروع... لكن مزارع الجزيرة المسكين يسأل : من اين ستقتطع هذه المليون
فدان؟ من حواشاتهم مباشرة ام من امتدادات الاراضي غير المستصلحة في اطراف
المشروع؟ لان معرفة الاجابة على هذا السؤال سيعرف الكل رد مزارعكم الطيب
جدا جدا جدا.
وسؤال اخر هل سيتم اصلاح كل الاعطاب الموجودة الان بالمشروع لهذه المليون فدان
في ما يلي مشاكل الري؟ ومشاكل تحسين البذور؟ ومشاكل الادارة وعلاقة الدولة بالمزارع؟
ومشاكل التمويل؟ ومشاكل خصوبة التربة ومحاربة الافات؟
اين سيسكن هؤلاء الوافدين الجدد؟ في قرى المشروع المنتشرة؟ هل ستبنى لهم قرى نموزجية وتبنى لهم المدارس والمستشفيات وتمد لهم اسلاك الكهرباء وترصف لهم الطرق وتفتح لهم الاسواق
داخليا وخارجيا...
امنحونا نصف تكلفة هذه البنية التحتية ووجوها للمشروع وامنحوا الحماية للمزارع عند تسويق المنتج
وبعد كدا تعالوا قيموا الواقع..
والدي عنده حواشة بيسأل المتعافي وانت يا المكاشفي ايضا: من اين سيحصل المصريين على مليون فدان؟
ارجو الاجابةز
مع شكري
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: Siddig A. Omer)
|
سلام يا صديق القاعد بعيد كل سنة وإنت طيب. أقطع دراعي لو فهمت إنت شايت معاي ولا في مرماي؟ غايتو مع إني ما من سكان الجزيرة لكن ما بقبل بيع ارض سودانية بهذه الطريقة، لأن أهلي الغرّابة شغالين في الجزيرة وبقوا عيال بحر وناس الجزيرة ما قصروا معاهم. ولولا إختلاف الآراء لبارت السلع. تحياتي. معلومة: في السنة التي جلست فيها لإمتحان الشهادة الوسطى كان أول الشهادة من أبناء الكنابي في منطقة لا داعي لتحديدها وهو من قبيلة .....،. لكن سوداني. المفارقة وين؟ بعد تخرجنا من الجامعة وذلك الشاب تخرّج مهندس ميكانيكي ذهب لتشاد وأصبح سفير السودان في دولة أوروبية في ثمانيات القرن الماضي. مش قلنا ليكم نحن وناس تشاد أهل يا جماعة الخير.
كبـّـاشي الصـّـافي
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: المكاشفي الخضر الطاهر)
|
Quote: تاركين المشروع واراضيه لأهلنا من غرب السودان ليفلحوا تلك الارض |
يا المكاشفي تقصد شنو بكلامك دا؟ ناس الغرب مالهم؟ قصروا في شنو في السودان؟ ولماذا لا يترك لهم المشروع بدلاً عن المصريين؟ يؤسفني أن أقول لك، أنت من عناه أستاذي علي التوم بمقولته المشهورة: (مشكلة السودان ليست في مصر والمصريين ولكن في السودانيين الذين ولاءهم لمصر أكثر منه للسودان) وأنت أولهم يا مكاشفي. تحدث مع ناس الجزيرة وإهمالهم لأرضهم من وجهة نظرك العقيمة الفطيرة وأرجو الآ تُدخل ناس الغرب في مداخلاتك. وإنت لو من ناس الجزيرة ساكن وين في الشكينيبة ولا الكريمت؟ ما ياكا داج في بلاد الله الواسعة بحثاّ عن الرزق. عالم ما تختشيش.
كبـّـاشي الصـّـافي
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: cantona_1)
|
الكباشي الصافي يا خوي الله يكون في عون البلد البقت كيمان كيمان والجاتك في صرتك ما بتسامحك وجنس الدروشه دي من زي ده لا تعدو غير هرطقه لكن الكلام النظام العطش المشروع وباع ادوات الانتاج وكل الانشطه المصاحبه من مؤسسات الحفريات والري والمحالج والنسيج وموظفين وعمال وبيوت وسريا نظام متكامل تم تدميره وتشريد اهله 0000000000 والوجع كتير
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: عمر عبد الله فضل المولى)
|
سلام عليك ياصاحب الدار
Quote: انا داير اعرف الجماعة ديل هجروا اراضيهم وما دايرين زول يزرعها ليش |
لقد طاف عليها طائف من الكيزان فتركوها بلقعا يباب .
Quote: السؤال مرة اخرى المغتربين ليها شنو سابين اراضيكم الجميلة دي ؟؟ |
إلي أن يكون العايد الفعلي للمنتج وليست للطفيلي والفهلوي والانتهازي من أهل الشعارات الزائفة هي لله هي لله !!!!!!!ولكي لا نلد أربابنا مرة أخري فقد احدودبت ظهورنا وتيبست عليها عراريق الدمورية التي كانت تسترها من فرط التعرّق، أكلنا الكسرة البايته بي موية وملح في ضهر الترعة وشربنا معها الطحالب لكي يأكل نافع من البوفيه المفتوح في جامعة الخرطوم ونعلمه الزراعة فإذا به لا يفقه فيها سجم رماده اللهم إلا وظيفة يحصل منهاعلى راتبه وشهادة ميلاده الطبقي كما قال منصور خالد وليته بها رضي وقنع بل نظر إلينا من عل نظرة السيد إلى عبده يملأ عقله الفارغ بكبرياءأجوف واعتقاد كاذب باطل في أنه عالم يحق له اضطهادنا واحتقارنا واتخاذ ما يشاء من القرارات دون حياء ثم مدّ رجليه إلي أقصي ما يمكنه دون أن نرى له علما مبدعا يتناسب مع حاجة وطنه الذي علمه في سياسة او اقتصاد او زراعة أو علم نافع يترجم على أرض الواقع وإنما تنظير أجوف عن دولة عمر بن الخطاب التي كان يحلم بها في رأسه الصغير الخاوي إلا من التكبر والإستعلاء الذي زينه له حصوله على شهادة لم تكن يوما في العلم والمعرفة . أخي المكاشفي إن أردت طبخا جيداً فعليك أن تجلب معطياته وأن أردت إنتاجاً فعليك أن تحّفز منتجه وتوفر له كل ما يلزمه لينتج وفوق هذا وذاك أن تعينه بسيادة القانون فهي من آليات العدل والحكم الرشيد لكي لا نشقي في المزارع ويأكلها غيرنا في القصور دون وجه حق فقط لأن لصاً سطا بليل على السلطة وقرّب من يحمونه وأغدق عليهم العطايا من مال لا يملكه ولم يشقي فيه أو يعرق !!!!!!!!!!!!!!!!!!!!!! . توضيح :( نافع هنا نموذج لكل من معه وليست مقصود في ذاته أو صلته ببيع المشروع )
ابوحمـــــــــــــد
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: المكاشفي الخضر الطاهر)
|
ياسر ود على نايل كل عام وانتم بخير دا طبعا سؤال لكن زول جاوبو مافي والجماعة كلهم شاتو بره العارضة اتقول البورد دا فيهم وارغو
حاتم جبارة هو انا البيسئل وزول جاوب مافي لو في زول جاوب وادانا الرقم كان ريحني وريحك كل الود لك ياحاتم
الاخ اسامة هاشم كل م ماتفضلت به من اسئلة قمت بالرد عليها اعلاه او في بوست الترحيب ولكن اتفق معك في هذه الجزئية
Quote: المشكلة ابدا ليس من المزارع وحتى الان لم نجد من كل الباحثين
ما يروي غليلنا بتحديد المشكلة ووصف العلاج الناجع لها. |
كباشي الحمد لله اهل الكنابي امورهم ما شا تمام خير وعافية ووونعيم ،، بعدين يا كباشي انت ما تفهمنى غلط في حديثي إشادة بأهلنا في الغرب التاما والبرقو وراجع مداخلاتي جيد ،، بعدين هذه المعلومة معروفة لاينكرها احد ناس الغرب ناس شغل والحمد لله لا ناس تسكع ولا كسالي يا اخي ديل حريمهم بيشتغلن خاصة في زراعة الفول وحدثني قريبي ان محصول الفول هو ملك تام للنساء ولا يتدخل فيه الرجال بالله شوف ،، بعدين يا اخي صدقني اكثر من 80% من النجاحات الزراعية في كل السودان هي بسبب اهلا في الغرب لانو العمليات الفلاحية دي لا نحن لا ناس الجزيرة ما بيقدروا عليها ،، التحية لاهلنا في غرب السودان فالزراعة في السودان هي من صنيعهم وكل الانتاج من صنيعهم في الشمالية وفي الجزيرة وفي القضارف وكنانة وكوستي تجدهم منتشرين في كل انحاء السودان ونحنا ما فاضيين من الكيبورتات والقطيعة والشتم ولسب مرة اخرى نحي اهلي ناس غرب السودان السودان نحي الزغاوة والتاما والبرتا والفلاتة والهوسا والفور وكل هم لقد قدموا وبنوا هذا السودان بحق
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: عمر عبد الله فضل المولى)
|
الاستاذ عمر عبد الله فضل المولى
Quote: قولك اهل الغرب مرفوض ومستنكر وفيه قصر نظر وقلة احتراس اتمنى ان تعتذر عنه |
اعتزر من ماذا أعتزر من المدح الذي سقته في كل بوستاتي مادحا فيه اهلنا في الغرب لان نجاح الزراعة يقوم على اك########م امش اعتزر انت يا عمك وابقى اقرأ كويس وغير عدساتك يا مان راجع بوستاتي عشان تعرف اهل الغرب ديل افضل من ناس الجزيرة في فلاحة الارض هو السودان في الزراعة غير ناس الغرب البيشتغل منو ؟؟ منو البينتج القمح والقطن البتاكل فيهو وتلبس فيهو دا غير ناس الغرب ؟؟ زيت الفول دا البيزرعو في الجزيرة من غير ناس الغرب ؟؟ والسمسم شوف يا عمك انت ناس الغرب ديل في الزراعة دي ما بتعرفهم اكتر منى انا خالطهم ونجمت عاهم البصل ومسكته معاهم الموية وحشينا لابرسيم معاهم وقلعنا البصل ومعاهم وورشلنا البطاطس معاهم وعبيناها ودخلناها التلاجة
| |
|
|
|
|
|
|
Re: كم عدد المغتربين في الخارج من قرى مشروع الجزيرة ؟؟؟؟ (Re: المكاشفي الخضر الطاهر)
|
Quote: بعدين يا كباشي انت ما تفهمنى غلط في حديثي إشادة بأهلنا في الغرب |
بالله !!!!!!!!!!!!! للاسف الشديد انت لم تترك مساحة لخلق جدل عن فهم مقصدك لغتك واضحة و تحمل كل سؤءات الانقاذ طيب ي وقت انت داير اهلك الغرابة وبتشيد بيهم مالك بتطالب بالعمالة المصرية عشان تحل محلهم مالك بتطبل للمتعافن و داير تخلق من فسيخ الانقاذ في الجزيرة شربات ؟؟ لغتة العنصرية و توجهك الجهوي الواضح في كل مداخلاتك ما منك با حبيب كل العليك يا حبيب من الانقاذ بعد المفصالة انقاذ الجهوية و العنصرية و انقاذ غفلة خال البشير انت معذور لانك انقاذي الهوي و الجهة
| |
|
|
|
|
|
|
|