|
|
 التحية لجوزيف لاقو وهو يحترم انسان الشمال من اجل ما قدمه مشروع الجزيرة
|
في قناة ايبوني، تابعوا لقاء تلفزيوني مع جوزيف لاقو
لقاء خفيف، لكنه مهم
المذيعة: ماهو رايك لو حصل انفصال؟؟
جوزيف لاقو: في خوف عند الشماليين من الانفصال، لاسباب كتيرة، اولا لانهم لا يعرفون
ماذا سيكون مستقبل شمال السودان، غير كده ان 80% من بترول السودان في الجنوب
المذيعة: طيب لييه الجنوبيين ما يمشوا على الانفصال ويستفيدوا من الـ 80% براهم؟؟
جوزيف لاقو: لا، كمان ماتنسى الشماليين ديل برضو كان عندهم مشروع الجزيرة
______________
يعني جوزيف لاقو برى ان مشروع الجزيرة الذي حمل السودان على كتفيه بما فيها انسان الجنوب
فمن باب الزوق ساكت كده، لو الجنوبي طلع ليهو بترول ما ينوم بيهو براهو، مفروض
يدي اخوه معاه في الشمال الكان بصرف عليه لمدة خمسين سنة وامكن اكتر.
اها يا سعادة جوزيف لاقو، الكيزان قالوا ناس الجزيرة ديل متسكعين وكسالى ساكت
انت جيبت الكلام دا من وين يا جوزيف لاقو
|
|
 
|
|
|
|
|
|
|
|
Re: التحية لجوزيف لاقو وهو يحترم انسان الشمال من اجل ما قدمه مشروع الجزيرة (Re: أحمد ابن عوف)
|
جهتان مهمتان كانتا من انجازات عهد الاستعمار وهما السكة حديد ومشروع الجزيرة .... السكة حديدمضافة اليها النقل النهري) لها ريادة ربط معظم اجزاء هذا البلد القارة والمساهمة في تقريب بين تجمعاتها البشرية المنتشرة وتسهيل تنقلهم وتنفل منتجاتهم وتواصلهم وكذلك النهوض بمدن وقري واقعة عند خطوطها واهمها المدينة الجامعة عطبرة والتي هي مثال لمدينة نمت بوجود السكة حديد وورشها ومكاتنبها وخلقت مجتمعا سودانيا من خلال عمل ووظيفة لا قبيلة واثنية .. السكة حديد كانت اكبر مشغل في السودان ولذا كان عمالها تجمعا مدنيا ضاربا يهز اركان الحكومات ...
والجهة الثانية هي مشروع الجزيرة والتي كانت عصب الانتاج الزراعي والصناعي المساعد وعصب الاقتصاد في كل السودان وعندها اجتمعت كفاءات سودانية وايدي عاملة من كل ربوع السودان او معظمه وقامت حوله قري ومدن التقت فيه كل التجمعات البشرية السودانية ولذا كان اتحاد المزارعيين السودانيين هو ثاني اكبر تجمع مدني يهز اركان الحكومات ....
انتبهت دكتاتورية نميري الي ذلك وعملت علي اضعاف كلا الجهتيين بتسيس قادتها وتوزيرهم باعده بينهم وبين قواعدهم وعملت دون كلل علي ان تنخر في جسم وعظم الجسديين حتي هزل وصار تدريجيا لا يمثل خطرا علي بقائهاولا علي الحكومات التي اتت بعده وفي زمن الانقاذ وجهويتها المفرطة وانانيتها وفسادها المتنامي همشت كلا الجهتيين حتي انتهت السكة حديد الي الحالة التي هي فيها اليوم والمشروع الي يباب بعد ان كانت خضرته تلون السودان ثم بيع المشروع او اعطي لدولة اخري بقرار من والي عرف بفساده وسوء ادارته ....
كلا الجهتيين ازدهرتا عندما التزم العاملون فيها بنظام عمل وادارات منضبطة فراينا كيف كانت تظبط الساعات علي وصول قطارات السكة حديد والمواسم الزراعية والانتاجية علي مواقيت مشروع الجزيرة ....
النهوض بمشروع الجزيرة امر ضروري ولكن ليس بقرار شخصي فهو مشرةع سيادي استراتيجي قومي في بلد تعتبر الرقعة الزراعية فيه الاكبر بعد استراليا في العالم ..
القرارات السلطوية الفردية في زمن الانظمة الشمولية اضر بالبلاد والعباد وما زالت اثار اتفاق مياه النيل للعام 1957 السالبة تتفاقم يوما بعد يوم خلال الاربع عقود الماضية ....
| |
|
|
|
|
|
|
|
|
|
Re: التحية لجوزيف لاقو وهو يحترم انسان الشمال من اجل ما قدمه مشروع الجزيرة (Re: أحمد ابن عوف)
|
نعم التحية للزعيم جوزيف لاقو كان اللقاءعلى قناة ابوني و كان لاقو واضحا و منطقيا
لعشرات السنين كان مشروع الجزيرة هو عماد الاقتصاد الوطني وهو من وفر التعليم والعلاج المجاني لكل السودانيين
تعليم توزع فيها كل الادوات المدرسية و يخدم فيه طلاب الجامعة خدمة فندقية راقية
فلما تمكن بعضهم من كراسي الحكم قرروا ان يردوا الجميل فقرا و بؤساً و اهانة لمن فلحو الارض و ضحو بصحتهم فماتوا بالملاريا و مضاعفات البلهارسيا و التي اتت مع المشروعز لم يكونوا قبل المشروع يعرفون مرض البلهارسيا ولا تليف الكبد الناتج عنه
| |
|
|
|
|
|
|
| |
أحمد ابن عوف
abubakr
Nazik Eltayeb
فيس بوك
تويتر
انستقرام
يوتيوب
بنتيريست