|
افطارنبوجيرسي قانصين لليلة القدر معانا احمد طراوة ود. بلدو
|
طيله رمضان افطارنا جماعي نتناول فيه هموم الوطن المستباح اليوم يشرفنا دكتور سليمان بلدو وشباب زي الورد
لقد زينت افطارنا المخرجه والاذاعية سلمي الشيخ سلامة حفظها الله في سفرتها وهي سفيرة للنوايا الحسنه ليس للامم المتحده وانما لعشاق الكلمة وجمال اللحن
اليوم معنا دكتور سليمان بلدو وهو ناشط في مجال حقوق الانسان وهو وزميله عشاري احمد محمود قد نشرا كتاب مهم هو مذبحة الضعين
من المحتمل ايضا وصول الاخ بشير بكار للافطار الاحد وهو ايضا ناشط سياسي وذو فكر عظيم
افطارنا كان مستمرا طيله الشهر ونشكر فيه نساء مدينة بلفل اناهيد ويسرا قد تحملا خدمة يومية لضيوف كثر اشكرهما
وايضا دانية زوجة صديقنا المهندس امين عمر قد ساهمت في الافطار واصبحت لمه خير همها الصحبه والمحاورة في اومات الوطن
ايضا مها لها الشكر هي والفاتح عبد الرحمن الصادق قد ساهما في الافطار ولا زالا
نخص بالشكر الاخت فايزة دهب فقد حرصت علي ارسال مشاركتها مع زوجها الاديب الاريب الطبيب احمد طراوة
لقد حضر في الشهر الاخ خالد الامين وقد صادف ان اتي لدنياه ابن جديد اختار له اسم مؤمن حفظه الله وجعله خيرا لوالديه وللدنيا لنشر قيم الخير والفضيلة
فقد دعا المجموعة للافطار هنا له ولزوجته الشكر
الان قد باشرن عملهن لمساعدة المجموعة في افطارها السنوي سمية الصادق بعد رجوعها من رحلة للوطن الجريح وهي زوجة خواجه ( خالد عبد الرحمن الصادق )
وهبه قاسم زوجة صداح محمد الحسن ايضا قد عادا بالسلامة من العطلة الصيفية للسودان
سوف اضع الصور
كانت مناقشه بين طراوة وسلمي الشيخ عن الاغنية واغنية البنات لم تسجل للاسف الا في عقولنا
معنا من اعضاء المنبر ممكن يساهموا
احمد طراوة
يسري معتصم
ازهري طه
وهشام عثمان
وحاتم صالح
الي ان اضع الصور
نحي من حضور الافطار الاخ عادل عبد العزيز وهو حفيد كرم الله الكركساوي وامين النصري ببيت المال كان جنوبيا هواها
وايضا تؤام روحه الاخ حلمي وهو من فاكهة مجتمعنا من حسن تعامله ولطافته
وايضا محمد كامل ابن رفاعة مدهش في معلوماته برغم السفر والتهجار الا انه حاضر في شتي ضروب الحياة
الشكر الحقيقي للاخ محمد نور رحمه وهو عمدة الولاية بحق وحقيقه وهو من نستطع ان نقدمه امامنا في جميع المهام وهو وشقيقه محمد عثمان رحمه
الاسم ختمي وهو حزب امة ملتزم لكن ياهو ده السودان اختارت له جدته اسم الميرغني الا ان والده انصاري وطلع الولد لابيه
اذكر ان لي صديق في الشعبية بحري هو عم عبد الحليم شيوعي بالمحبة والفكرة اختار لولده اسم جمال تيمنا بجمال عبد الناصر لكن الولد طلع بتاع اسلام سياسي وهابي او اشبه بهذا الفكر الارهابي
اها عم عبد الحليم راح متزوج لانو قال لي احسن قروشو يتزوج بها من ياكلها هذا الولد فقد قال لي سميناهو جمال طلع لينا سيد قطب
ايضا الشكر الكثير للاخ محمد الامين صاحب الملاوة الكثيرة لكنها اعطت مرات الحوار طعم
نحي ابن نوارك تلك المدينة الكبيره بالولاية الاخ محمد المهدي حسن افندي يغيب وهو حاضر مثلما قيل يا مافي وماليه الفجه فهو حضور دائم برغم غيابه مرات للاحن والمحن
ونحي الوجيه الشاب فريد دهب
ايضا يحضر الينا عمر الشيخ من حين لاخر
التحية الكبيره للاخ الكبير والشيخ الهميم يوسف الهدية ياتي قاطعا مسافة هي مثل الخرطوم مدني محملا بالطيبات وشرائط الفيديو والمشاهدة الثره
يوسف الهدية انسان من نوع بديع وجميل ضحكته تسبق خطوته نفرح بحضوره
ايضا حضر الينا كابتن الهلال والفرق السود\انية الاخري المدرب الحصيف ومجيد احمد عبد الله ( الكوتش )
سوف افرد له صفحات حوار مفيده
ايضا الاخ السفير قبل الانقاذ سئة الذكر محمد دهب وهو مثقف وله في التاريخ قدر كبير من المعلومات افادنا في التحليل والحديث
ايضا سامي داؤود الولد المهذب ومؤدب يسمع ويري ويفرح بحضور الشقه رقم 16 فهو ذو خلق واخلاق وفقه الله في مسعاه
حضر علي عجالة الفنان محمد خليفه والباشمهندس خلف الله لهما التحية والاجلال
قد حضروا الاطفال في هذا الافطار مصطفي محمد نور وامين محمد الامين
وحضر اخ امريكي اسمه عبد القوي وطفله
لا انسي سمؤال هاشم القيادي باتحاد الكرة السوداني الامريكي وعياله حضروا الينا تسبقهم فرحتهم بنا مثلما نفرح بهم
هذا يتم يوميا منذ ان بدا رمضان وهذا للسنة الساد\سة نتلم هكذا
الي هنا سوف اتوقف واتمني انزال الصور
ايضا معانا ود بيت المال بابكر بشري بابكر يرسل سلامه الي رفاق بيت المال من صحاب واهل
فهو حاضر طيلة الشهر والان قد حضرت اليه اسرته في عودة للاستقرار هنا بامريكا بعد ان ضاق الوطن باهله
|
|
|
|
|
|
|
|
Re: افطارنبوجيرسي قانصين لليلة القدر معانا احمد طراوة ود. بلدو (Re: Sabri Elshareef)
|
لقد فات علي ان اذكر عضو المنبر الشاعر والصيدلاني صلاح خليفة
وكذلك الباشمهندس قريبنا سيف عبد الحليم عبد الجليل لهما التحية وايضا سيف عضو منبر قديم جدا
وهو متابع درجه اولي للمنبر اتمني ان يفعل عضويته ويساهم معنا فله المفيد فيما يحمله من ذهن متقد وعقل مستنير
كان حوار ليلة السبت مفيدا وقد ناقشنا الوضع السياسي الراهن وذلك بعودة صداح وخالد الصادق من السودان
وعودة مجتبي ابن كسلا من رحلة الاستقرار في الوطن المحرقه وهو له معرفة جيدة ببوادر الصراع في السودان لقربه فيما مضي او التزامه مع الاسلامويون
فمساهمته كانت مفيدة في فضح النظام وتبيان سوء الوضع الراهن
سوف اعود بعد اداء الفريضه زي ما بيقول اسامة خلف الله الثائر ضد الدكتاتورية بالخرطوم
| |
|
|
|
|
|
|
Re: افطارنبوجيرسي قانصين لليلة القدر معانا احمد طراوة ود. بلدو (Re: Sabri Elshareef)
|
فاكهة الولاية الشيخ يوسف الهدية وبجانبة الاستاذ محمد خليفة فنان الولاية
يوسف يمدنا بشرائط واغاني وبهجة ومسره في حضوره
وقد وصفه من قبل سر الختم الخليفة بانه سفير السودان الحقيق لامريكا
له قرابة ال 40 سنة بها عرفها وعرفته
علي موعد لوضع عزف بالعود ليوسف ومن يحب يوسف ينتظرنا
له اسهامات في فتح نفاج عمل للكثير من مهاجري السودان بولاية جيرسي
| |
|
|
|
|
|
|
Re: افطارنبوجيرسي قانصين لليلة القدر معانا احمد طراوة ود. بلدو (Re: نزار كروم)
|
.. رواية الزمن الجميل فطور رمضان اب ( ثلاثين يوما" حسوما) .. و العامر باللطف و المودة و نهضة الفكر و حيوية الحِوار بيتكم يا صبري بقى سبيل المارين، وزير قِناوي نديان في شارع الحركة الوطنية السودانية الكلوا غيظ و هجير و انواء و اشواك
فطور ناس اناهيد، و يسرا، و هبة، و سمية، و دانية، و مها، و فائزة و كل كريمات شمال جيرسي .. زي قدح النبي الكريم . . القدح المتسع لكل الأيادي قدح محمود ود زايد ( لازم نحكي قصة ود زايد يا صبري .. سيرة ناس البلد .. سودان امس السمح، و بكرة الشايل الفأل و الخير و الجديد) بشرط وجود راوية حكاوي السودان حبيبنا و صفينا / يوسف ود شيخ محمد هاشم الهدية
لناس محمد نور، و محمد عثمان، و الفاتح، و خالد، وامين وبقية الرهط الكريم بقول قولة حكامة نهر عطبرة في محمود ود زايد
" إن اداك وكتر .. ما بقول اديت .. اب درق الموشح كلو بالسوميت اب رسوة البِكر .. حجر شراب ستيت .. قاتال في الخلا .. وعُقبن كريم في البيت "
قيم التضامن و التكافل النبيل و اصيل ، و العطاء الخالي من الغرض و التكسب ، قيم بسطاء اهل السودان حكاوي موسى ناصر (موسى ود نفاش)، طرائف حسن قش و الهادي الضلالي، و قفشات كوتش الهلال القدير / احمد عبد الله و سِيرة ال Syntax (النحو البديع ) بتاع العبادي و ابوصلاح و المساح وهم يتخطون شروط الفراهيدي و ماسكين بعامية اهل السودان نحو اوزان و قافية سودانية رشيقة
حوارات الوحدة و الإنفصال، و ال 1800 طبيب سوداني الهاجروا اول امس في عملية انفصال كبير عن دولة الظلم و اكل حقوق الناس و الدولار البقى ب 300جنيه في خرطوم مآري انطوانيت : يا فقراء السودان كلوا كيك إن لم تجدوا فتريتة .. و إنتظروا كهرباء المفاعل النووي الجديد .. ولاتسألوا عن قصة سد الحماداب : إن تسألوا عن اشياء عسى إن تبدوا لكم تسوؤكم !!
| |
|
|
|
|
|
|
Re: افطارنبوجيرسي قانصين لليلة القدر معانا احمد طراوة ود. بلدو (Re: أحمد طراوه)
|
شكرا طراوة حضور دائم ورؤية نافذه وذهن متقد
نعم الحوار ياخذ عن قضايا الوطن الجريح اغلب الوقت
فبعض يري ان الانفصال امسي واضحا بسسب سياسات النخب الحاكمة في السودان منذ الاستقلال
وازدادت في ظل هذه العصابة الحاكمة فانسان الجنوب قد ذاق الويل والثبور وعظائم الامور علي يد عصابات الاسلام السياسي
بعض الحضور يري ان العصابة الحاكمة من الممكن ان تمتد يدها يد الغش والاجرام لكي تعبث في نتيجة الاستفتاء او تاخره او تتماحك فيه
والبعض يري ان لا خلاص الا بزوال هذه الطغمة وعسكريا ليس مدنيا وان الجبهة تعلم حقيقة ان سياساتها كلها غلط لكن لها مصلحة الزوجة الساكنة في الطابق الاول والاخري التي تبني في شقتها
والمشروع والعربية والرفاهية ومواصلة سرق مال الشعب
البعض يستمع كثيرا ويعلق قليلا
لي عودة في امسية اليوم دام هذا الحال طيلة الشهر المبارك
| |
|
|
|
|
|
|
Re: افطارنبوجيرسي قانصين لليلة القدر معانا احمد طراوة ود. بلدو (Re: Sabri Elshareef)
|
دام السمر والحديث البدخل لمسام الروح
تحدث طراوة حول تاريخ الاغنية السودانية
وهتفنا فاليحي الوطن ل ام خدود وللزنج والحلب والمولدين ( المنبتين )
وتحدث عبدو السر عازف الايقاع عن رفقته مع ابراهيم عوض
واجترت ذكريات الماضي الجميل منذ بداية الاغنية السودانية واكتشاف العبادي ل سرور وهو كان راعي غنم
ورد العبادي وود الرضي وسرور ومرومه وفاطمة الحاج وعشه الفلاتية والكاشف وعبد الحميد يوسف وعثمان حسين وابراهيم عوض
ووردي وكان سؤال الجلسه المفتوحه هو
لماذا كان النساء يجلسن ويعطين وجوههن الحائط ؟؟؟؟ وعند سرور انقلبت الوجوه الي الحفلة ؟؟؟؟؟
| |
|
|
|
|
|
|
Re: افطارنبوجيرسي قانصين لليلة القدر معانا احمد طراوة ود. بلدو (Re: عبد الحي علي موسى)
|
تعرف شقتنا العامرة بالمحبة والسلام لمتنا في ناس جميلين وجميلات
دخلتها ندي وصطفي او زميلة المنبر ندي علي وزوجها التشكيلي العارف بالله خالد كودي
ايضا اتت قدم الباقر العفيف اليها وزينها بشير بكار وحيدر بدوي وانشد بها عليك صلاة الله ثم سلامه الا يا رسول الله اني مغرم
كما حضر اليها الانسان الرائع ذو العقل الرشيد والقلب الكبير شمس الدين الامين ضو البيت
وكذلك الدكتور مرتضي الغالي
ايضا عمر مجلسها دكتور سليمان بلدو الناشط في مجال حقوق الانسان والعمل المدني في منظماته المختلفة
زارها ابو عركي البخيت الشفيف ووريف ومعه فرقة اوتار النيل
ماهر تاج السر وميرغني الزين ومليجي ومجدي العقب ومحمد ابو عركي البخيت
لقد زراتنا ايضا الناشطه في قضية دارفور بلانش تلك المراة القامة الكبيرة امريكية متبرعه بوقتها كله لنصرة قضية دارفور
كما زراتنا سلمي الشيخ سلامة لها التحية والاجلال
ايضا زارتنا فيها فهيمة هاشم في حضورها لعمل في الولايات المتحده
كما زينها عبد السر عازف الايقاع مع فرقة ابراهيم عوض انذاك
ومحمد خليفة الفنان الانسان
ايضا حضر الي الشقه رقم 16 المحامي الفنان الانسان بسام اعاده الله من رحلته الي ارض الوطن الجريح
كذلك وفد اليها الطبيب محمد امام وياسر عابرا الينا من بوسطن وصديقه عمر التوم
كما ياتيها بالبركه والحبور والسرور التاج محجوب ذلك الرجل المروحن يا قول اخواني الجمهوريين \ ياتي ضاحكا ويخرج اكثر ضحكا
زارنا فيها عمر بانقا وماهر وغنيا من ارض الجزيرة ومن قلب المحنة برسل ليك حناني او ما شابه ذلك في الكلمات لابراهيم حسين
اذا صاح او انتظر التصحيح
زارنا فيها سيف الدين صالح من ثوار دارفور الان مع قوات مني اركون مناوي
زارنا بها الاخ احمد ضحية وزوجته منال ابو القاسم
كما زارنا الشاب المفكر قصي همرور له التحية والاجلال
ايضا حضرت الينا اللطيفة البديعه امنه الكارب وفيصل مصطفي
واذا تذكرت يا عبد الحي سوف اورد من زارنا
لك التحية والاجلال
| |
|
|
|
|
|
|
Re: افطارنبوجيرسي قانصين لليلة القدر معانا احمد طراوة ود. بلدو (Re: Sabri Elshareef)
|
المناضل محمد المهدي حسن احمد افندي مناضل نوبي قوي خبر امريكا وخبرته يقف للقوة السلفية في حلقها في عدم نشر غسيلها ال###### فسلام له في العالمين
فهو صديق الكنغرس مان دانالد بيين والسناتور رايس وتجمعه علاقات متينة بقادة العمل السياسي
ونضيف عقل وقلب ويد تربي في حوش احمد افندي وهو ابن عم الفارسه سعاد ابراهيم احمد وكمال وصلاح
يقف ضد مشروع دولة الهوس الديني بالاستنارة التي وجدها من والده ومن عمه ابراهيم احمد وزوج عمته محمد صالح الشنقيطي
هنيئا للولاية به
| |
|
|
|
|
|
|
Re: افطارنبوجيرسي قانصين لليلة القدر معانا احمد طراوة ود. بلدو (Re: Sabri Elshareef)
|
تمثال الحرية يقع في ولايتي نيو يورك ونيو جيرسي وكمان مدينة نيو يورك لوحدها
اها الصنم ده يا زوير السياحة الوهابي بدولة السودان التي تحب الشريعه والدفاع عنها هل هو حرام ام لا؟؟؟
اعتقد ان الوزير الان مشغول بركوب عربات الكفار واستخدام البلاك بيري وتلاتجتو من ال اند جي
والتلفزيون الثري دايمنشن
وووب علينا من اهل التكفيييير والهجرة ديل بجهزوا في الملعب بعد فشل دولة طالبان تو الوهابية وسوف نقرا ونسمع ان الفشل في التطبيق ؟؟؟؟؟؟؟؟؟؟
وله ما كده يا شيخ عبد الحي ؟ اعوذ بالله
| |
|
|
|
|
|
|
Re: افطارنبوجيرسي قانصين لليلة القدر معانا احمد طراوة ود. بلدو (Re: Sabri Elshareef)
|
المدرب العظيم احمد عبد الله يقال له الكوتش
فهو فاكهة الحياة لطافة وظرافة وحلاوة قال يا اولاد بحري بتحبو
سلام لرمضان زائد وسلام لابو داؤود وسلام للفاضل سعيد وسلام لابو الامين سكن بحري كثيرا
سلام كبير لهذا المدرب العظيم وفي زمنه كانت فرقة الهلال تهز وترز مش مثلما الان تتقاسمها بغاث الطير من هب ودب يريد ان ياكل باسم الهلال
الاكل باسم الدين لم يكفيهم دخلوا علي الرياضة قاتلهم الله
الملحن علي احمد وهو اسم حركي اعتقد ان صلاح ادريس عضو مركزية لا اعرف لزوم الاسم الحركي للالحان
المهم احمد الكوتش معانا هنا ولو كانت الدولة حصيفة امثال احمد ثروة قومية لا يهاجروا
لكن قاتل الله شفوت الدين ما خلو زول يقدر يخت صلبو في الواطه من حرها
سبلام لاحمد اتفقنا ان نفسح له المجال وسوف نحاوره انا وطراوة واهل المنبر فالي ذلك الوقت لكم رجال ونساء المحبه
| |
|
|
|
|
|
|
Re: افطارنبوجيرسي قانصين لليلة القدر معانا احمد طراوة ود. بلدو (Re: Sabri Elshareef)
|
الاخ محمد عثمان مصطفي رحمه او محمد مصطفي كما يحلو لاهل القضارف مناداته او (لبد )
انسان عقله مفتوح وقلبه ابيض من الحليب حزب امة متقدم اشبه بتيارات الوعي داخل حزب الامة الشنقيطي والبروف صلاح عبد الرحمن علي طه وصلاح ابراهيم احمد
وتيارات نقد الله لكن له محبه كبيره في الامام الصادق فهو في حلق الكيزان اينما كانوا لا يهادن ولا يساوم وله مفهوم جميل في قضايا الوطن حريات او هوية
وله مفهوم ديني متقدم لا يستعلي به علي احد يا ريت لو جزب الامة يستفيد من عضو ملتزم بحزبه في ان يجعله متقدما في قضايا الحزب في الايست كوست
له السلام والتحية وللمهدي الامام
| |
|
|
|
|
|
|
Re: افطارنبوجيرسي قانصين لليلة القدر معانا احمد طراوة ود. بلدو (Re: Sabri Elshareef)
|
صورك كبكبي فراولة فلفل
ياخ لمن تخت لينا صورة ورينا تاريخها
و بعدين وينو الإفطار....
يا صبري أنا أخصائي قراءة صور فأعمل حسابك
بالمناسبة نيوجيرسي دي خارج منافسة إفطار البورداب
لو دايرين تخشوا المنافسة عندك لغاية بكرة المساء تفتح بوست جديد و تصلح صورك دي و تعمل صور للأكل
أسع الجماعة ديل إحتمال تكون أكلتهم لحم كدايس, نحن حا نعرف كيف? و بعدين الزير بتاعك دا نحن سبنا ليه البلد تمشي تجيبو لينا في نيويورك.......دا مش ياهو الإرهاب البقولو عليه
لجنة التحكيم
| |
|
|
|
|
|
|
|