كتب الكاتب الفاتح جبرا المتوفرة بمعرض الدوحة
|
Re: إفطار بورداب كازاخستان Kazakhstan توجد صور (Re: Kostawi)
|
هههههه.. مبروك علي المكان الجديد.. كازاخستان..
أها والله ما أرجع إيدي فاضية. أمبارح عملت عزومة في بيتي لأصحابي: 3 من تشاد - و3 من روسيا، الأردن وإيطاليا. أها النتيجة كانت دي. وعليييك الله كان ما جبتني الأولى في مسابقة السنة دي. أصلي كنتا ناوية أفتح بوست (إفطار بورداب بيت رجا "صور بالكوم" ههههههه). وأكلم بكري يشعلقو لي فووووق (:
بالمناسبة كل الأكل كان من أيديا وحياة عينيا. ما عدا العصيدة والملاح البرتقالي كان علي الإتصال بصديقتي وتوفيرهم لي.. لوووووول ومن هنا أرسل تشكراتي وتحياتي لها وأسرتها الحلوة..
بي فور
آفتر
| |
|
|
|
|
|
|
Re: إفطار بورداب كازاخستان Kazakhstan توجد صور (Re: Kostawi)
|
لا لا لاااا.. خلي بالك. في كفتة معمولة من الألف للياء. يعني ما ريدي ميد. وفي شوربة كاااربة ورز بالمحسنات البديعية والسلطات.
هذا بالإضافة لعمل الحلو مر وتصفيته وتبريده (اوووه. عمل شاق بجد). وعمل عصير تانج الليمون وتجهيز الـ سفن آب وباقي العصاير.. ههههههه
غايتو إنتا وراوية إلا أجيب ليكم اصحابي يشهدو عشان تآمنو بقدراتي.. ههههههه
قريب حأدخل معاكم في رهان في بلدكم. ونشوووف
* سلامي لكوستاوية ووليداتنا المعاكم..
| |
|
|
|
|
|
|
Re: إفطار بورداب كازاخستان Kazakhstan توجد صور (Re: Raja)
|
الكفتة = لحمة مفرومة بتكشحي فيها بهارات (ولدي العمرو سنتين دا بيعملها)
عصير ليون = موية و سكر و ليمون معصور
7UP = من بتاع الدكان
غايتو, مساكين التشاديين الحرقتي مصارينهم.
يا رجاء بالله أقعدي في الواطة ساكت نحن صايمين
يا رجاء بتعرفي تعملي كوارع بالكمونية?
| |
|
|
|
|
|
|
Re: إفطار بورداب كازاخستان Kazakhstan توجد صور (Re: Kostawi)
|
كرمبا يا شين. كوارع وكمونية الإتنين مع بعض كمان.. No way
أولا أنا ما من أنصار ضبح الخرفان والتمتع باكل آخر فتفوتة منه.. حرام عليكم ايها الوحوش (هههههه).
عشان كده بتحايل قدر الإمكان على اللحمة. بالمناسبة أنا لا نباتية ولا حاجة. بس لو لقيت أتحاشى اللحمة. ما بطال. فلذلك كان لجوءنا إلى اللحمة المفرومة (يا قول محمد أخوي دي أفظع من اللحم الهبر. لأننا بنفرمها ونقطعها حتت حتت لوووووول).
غايتو وفي الخطة الخمسية القادمة (خمسة شهور ما خمسة سنين بالله) حأدخل في الغريق من نوع الكمونية والحاجات الفزيييعة البتقول عليها دي (: (:
طبعا إنتو هسع لسة ما فطرتو. أحنا فطرنا قبييييييييل وهسع بنفكر في السحور.. يا حرااام والله مصيبتكم مصيبة. أكيد الجوع كتلكم.. لوووووول
| |
|
|
|
|
|
|
Re: إفطار بورداب كازاخستان Kazakhstan توجد صور (Re: Kostawi)
|
العزيز كوستاوي
سلامات
العام الماضي وجدت عرض لي كازاخستان دي.. وغيرت رأي عشان البرد الماليهو حد.. كنت حألافع عليك قضية!!
في كثير من الصور هنا ما ليها علاقة بالفطور ولا رمضان.. يعني كنت عايزني أجيب صور زي عشان تقيم لي البوست.. لا لا أبيت..
كل عام وانتم بخير
| |
|
|
|
|
|
|
|