|
|
 تتطير عيـشـتـنـا يا مرزوقـ
|
تتطير عيشنتا يا مرزوق
ديمة رُقادنا في السهله
ويــــــــوم ما تجينا كتاحه
ونَمِد ضرعاتنا في الساحه
نلقي الحته مقلوبة …. تَهوهِو كَلبه نباحه
نُص الليل يعوعي الديكـ … تفَتِش سخلة لي مراحها
نشيل العَنقريب مقلوب …. تَكُفـتَك فِــرة بي جناحها
حليل يا دُنيا ناس مرزوق …. ناس يا دنيا في العشوائي مرتاحة
حتي حَشاها كان محروق …. تَبل الكِسـرة بي جراحه
تَموص الكسرة بالموية …. يَحرم عيشها لو مسـروق تَقَمِز لقمة في مُلاحها
تَموص الكِسـرة بالموية …. ولحدي الموية ما تَنشَف تكوس ما تلقـي مَلاحه
ليل الهَم وقت يكبس … ودمع العين وكت تَحبس تباري النَجمة صباحة
تكوس للضي .. تكوس ما بتلقي عندها شي غير أحزانها منداحة
وحتي حَدي فريقنا الطار ... وطار بعيد للحي …. فارق سكة أفراحها
|
|
 
|
|
|
|
محمد الفاتح خالد حسون
فيس بوك
تويتر
انستقرام
يوتيوب
بنتيريست