|
|
|
 Re: اعلانات "البربري دة بتاع فارغة ؟ " (Re: abubakr)
|
تحياتي وتقديري يا باشمهندس أبوبكر (البربري)
أفخر جدا لو قبلتني عندك بتاع فارغة
يكفيك فخرا يا سيدي عدم جماهيرية ما تطرحه من قضايا
وهذا هو الفرق بين الكتابة الملتزمةوالكتابة الديماقوقية .
ودمت بألف خير .
| |
 
|
|
|
|
|
|
|
|
Re: اعلانات "البربري دة بتاع فارغة ؟ " (Re: abubakr)
|
الأخ الباشمهندس أبوبكر
مساء الخير
كما تلاحظ فإني حديث عهد بالمنبر ، ولكني متابع لكل ما طرحته هنا من زمان وزمان جداً ، بل حتى ردودك في المواضيع المطروحة
من قبل أعضاء آخرين كنت دائماً أبحث عنها ودائماً أجدها مثمرة ومفيدة ، وكنت وما زلت أعتقد إننا كسودانيين محتاجين لمنابر للحوار،
وأن هذا المنبر هو أميز المنابر السودانية المتاحة ، وهو حافل بأصحاب الأقلام الجادة والأفكار النيرة ، ولكن يعيبهم قلة النشاط والعطاء ،
وفي ظني أن الكثيرين هنا ليسوا من هواة الونسة والتسلية عبر الإنترنت ولكن علة معظمنا الافتقار إلى الجرأة في طرح مواضيع وقضايا
جادة لأنها تتطلب امتلاك أدوات يتهيبها الكثيرون أقلها قدرة عالية على الحوار وتقبل الرأي الآخر وما يستتبع ذلك من مسئولية .
وربما - في ما أرى - لهذه الأسباب يبدو المنبر وكأنه شبكة علاقات اجتماعية ومتنفس أكثر من كونه محلاً لطرح الرؤى والأفكار .
..
تأكد يا باشمهندس أن ما يطرح هنا من مواضيع ( لا تُحظى بالشعبية ) مثل ( التعتيم في السودان ) تؤدى دورها أيضاً وإن قلّ المتداخلون فيها ، فزوّار
هذا المنبر كثيرون ومعظمهم يبحث عن ما هو مفيد أكثر مما هو مسلٍ .
..
لك الود والتحية وسجلنا عندك في صف البرالمة
| |
|
|
|
|
|
|
|
|
|
Re: اعلانات "البربري دة بتاع فارغة ؟ " (Re: طه إبراهيم عبد الله)
|
يا عزيزي طه ..الف مرحب ..وشكرا لللاضافة المميزة..
في الحوار كلنا برالم ...انا قضيت حوالي عقديين ونصف في منابر اسفيرية خاصة جدا وخاصة وعامة وحيث ان التحاور الاسفيري يفتقد حميمية التلاقي الحسي فهنالك حاجز لا يسهل تخطيه الا بمران او مداومة في حوار بهدوء ودون تنميط يكون من خلال بضع كلمات او رسائل ..فغالبا ما يكون المحاور بعيدا في شخصه عما يرسل من كتابات جافة وربما فيهاحذر احيانا او بعض من قسوة وعداونية احيانا بسبب الحاجز الذي لا يسمح له الا بان يري الاخر من خلال حروف اليكترونية في شاسة ....انا احاول ان اتواصل من خلال تجربة تراكمية وليس لانني اكثر معرفة ....وحيث ان الاسفير يوفر لي ولكم جميعا ما نفتقده من محاور تلاقي اجتماعية وفكرية فالامل في ان نستفيد من ذلك في نقاشات تتجاوز الاجتماعيات العامة والترفيهية ....
| |
|
|
|
|
|
|
|
|
|
Re: اعلانات "البربري دة بتاع فارغة ؟ " (Re: جمال محمود)
|
يا عزيزي جمال .. اتابع ما تكتبه فقد كان لي في سنوات بعيدة جدا هوايات اليكترونية متعددة في زمن ما قبل التخصصات ...واري انك تاتي باشياء مفيدة كثيرة يكتفي فيها القارئ بتلقي المعلومة دون ان يعقب وهذا ممتاز ...
| |
|
|
|
|
|
|
|
|
|
Re: اعلانات "البربري دة بتاع فارغة ؟ " (Re: قلقو)
|
يا قلقو يا قريبي
| Quote: ياقريبى مواضيعك مليانة ومدفقة ومحترمة..لكنه الزمن الردئ الذى جعلنا نحن بتاعين الفارغة والمقدودة . |
شكرا .. الغرض هو التنبيه والتحفيز للاهتمام بمايمكن ان يحيق بالبيلاد والعباد من ضرر عظيم ...حالة الرفض والهروب الي ما يلهي عن الحقيقة من خلال الافراط في الاهتمام بامور جانبية وهامشية لن يوقف الضرر القادم والذي حولنا .... يبدو ان البكاء علي لبن مسكوب يشعر الكثيرين براحة ....
| |
|
|
|
|
|
|
|
|
|
Re: اعلانات "البربري دة بتاع فارغة ؟ " (Re: Nazik Eltayeb)
|
العزيز / ابو بكر
انت واحد من الناس البستمتع بالقراءة لهم، لكن المشكلة انو الواحد لمن يقرأ ليك ويقرأ مثلا لعبد الله الشقليني ، بيلقي نفسو زي البيسمع في ام كلثوم، مابيقدر يوقل اي شيء حتي نهاية الاغنية..ويصفق في النهاية اعجابا..
عشان كده سجلني في دفتر (الفارغين)
لك محبتي
| |
|
|
|
|
|
|
|
|
|
Re: اعلانات "البربري دة بتاع فارغة ؟ " (Re: جمال المنصوري)
|
يا عزيزي جمال ..شاكر لك دوام وقوفكم معنا .. والبيت بيتك
| Quote: انت واحد من الناس البستمتع بالقراءة لهم، لكن المشكلة انو الواحد لمن يقرأ ليك ويقرأ مثلا لعبد الله الشقليني ، بيلقي نفسو زي البيسمع في ام كلثوم، مابيقدر يوقل اي شيء حتي نهاية الاغنية..ويصفق في النهاية اعجابا.. |
شاكر لك ان تجعل ما اكتبه في مقام ما يكتبه الصديق الزميل الشقليني وهو فنان بارع رسما وحرفا وخلقا ...
| |
|
|
|
|
|
|
|
|
|
Re: اعلانات "البربري دة بتاع فارغة ؟ " (Re: abubakr)
|
العزيز ابوبكر ..
اظن كانت لينا نقاشات مطولة عن نوعية الكتابة وكمها وكيفها وشدها وجذبها وعوامل الطرد فيها ..
وانها بتخضع لقوانين العرض والطلب .. والقبول والرفض .. والاهداف والنوايا ..
واتفقنا انه كل كتابة ليها ناسا .. وكل نوعية ليها مريديها ومحبيها والسائرين في ركابها ..
واتفقنا كمان انه الفارغة ليها تابعين مخلصين .. والمقدودة ليها مشجعين ومصفقين ..
وانه الكتابة الجادة البتطرح مواضيع ( غير جماهيرية ) لكن مهمة .. مطلوبة ومرغوبة وليها ناسا برضو ..
يبقى .. يا ايها الناطق بغيرها .. واصل في طريق الفارغة زي ما بتسميها ..
وختني معاك في قائمة مريديها ...
لك تحيات طيبات زاكيات ...
| |
|
|
|
|
|
|
|
|
|
Re: اعلانات "البربري دة بتاع فارغة ؟ " (Re: abubakr)
|
باشمهندس أبو بكر .....
تحياتي ورمضان كريم ....
مرور بس عشان أقول ليك، عدم تداخلنا في معظم البوستات، لا يعني عدم أهميتها، ولكن - في الغالب - لأن المداخلة ستكون أقل من مستوى البوست.
بالمناسبة، أثناء قراءة البوست ده، خطر في بالي أعمل بوست للسؤال عن سناء جعفر ذات الكتابة الشيقة، فإذا بها أحد المتداخلين عندك هنا ....................... شفت كيف؟
| |
|
|
|
|
|
|
|
|
|
Re: اعلانات "البربري دة بتاع فارغة ؟ " (Re: محمد أبوالعزائم أبوالريش)
|
تحياتي يا محمد
| Quote: مرور بس عشان أقول ليك، عدم تداخلنا في معظم البوستات، لا يعني عدم أهميتها، ولكن - في الغالب - لأن المداخلة ستكون أقل من مستوى البوست. |
شكرا ... الغرض هو ليس الاهتمام بما اكتب انما تحفيز للتصدي لاوجاع واقع يحتاج الي معالجة ...فالامر جلل وما نراه بعيد ما هو الا عند الباب ...
| |
|
|
|
|
|
|
| |
abubakr
معاوية الأرباب
جمال محمود
قلقو
Nazik Eltayeb
جمال المنصوري
فيصل محمد خليل
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست