في رحاب سودانيز اون لاين سيحتشد بورداب المنطقة الشرقية في امسية رمضانية بمدينة الدمام حيث لا يسع اللجنة التنفيذية لرابطة سودانيز اون لاين بالشرقيةالا أن توزع رقاع الدعوة لكل اعضاء وقراء ومحبي الموقع لحضور افطار بورداب الشرقية بمدنها المختلفة الدمام الجبيل الخبر الاحساء وكل مدن المنطقة
08-29-2010, 00:31 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: أخونا / عبد الرحمن طبيق ... سلام .. ورمضان كريم ...
حضور بإذن الله ...
..
تصوم وتفطر على خير حضوركم وكل البورداب هو زاد هذه الامسية المشهودة باذن الله بلا شك برامج حافلة ستتخلل الامسية في انتظار الافصاح عن برامج ومكان الافطار الريس عوض هرون ومرافقية سيصلون لساحة البوست قريباً جداً شكرا لك
08-29-2010, 01:12 PM
عبدالرحمن طبيق عبدالرحمن طبيق
تاريخ التسجيل: 02-26-2006
مجموع المشاركات: 607
الاستاذ ابن عوف تحياتي لك .. تصوم وتفطر على خير يا اخوي الجمعة ليله طويل تعال بتلحق بواقي سفسفت الفطور كمشروع عشاء واواخر الونسة ودي طبعا احلي من البدايات دايماً
هنيا مريا استاذ احمد تمنيات لك وللعائلة بدوام الصحة والعافية تشكرات على المرور
Quote: وتحت تحت امنياتي ان تبقى عليكم البقت على بورداب الخرطوم، 15 لا 9 لالالالا 17
سلام
ودي ما تنزلها كاملة بنحفظ ليك حقوقها..
08-30-2010, 11:48 AM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
سلام يا عبد الرحمن الريس عوض كالعادة مضيع الباس وورد بتاعه و عليك الله يا بكري لو جيت ماري بي بوستينا دي رجع ليه و لي النذير جريس باس وورداتهم . سطر جديد الاستراحة حسب تعليمات الريس عوض في القرية الخضراء التاريخ يوم الجمعة 24 رمضان الموافق 3 سبتمبر
08-30-2010, 02:57 PM
عبدالرحمن طبيق عبدالرحمن طبيق
تاريخ التسجيل: 02-26-2006
مجموع المشاركات: 607
الاستاذ عبدالناصر الخطيب شكرا لمرورك وفي انتظار مرورك هناك في القرية الخضراء بالدمام كان يجب ان يكون السيد عوض هرون رئيس رابطة سودانيز اون لاين بالشرقية ان يكون متواجد هنا لاضافة بعض التفاصيل ولكنه فقد باسورده ولحين ان تصل مناشدة حبيبنا فتح الرحمن للمهندس بكري لاعادة بورسورده وللاستاذ النزير شكرا ليك
اذا القرية الخضراء بالدمام هي المكان الجمعة 24 رمضان 3 سبتمبر الزمان الباقي عليكم يا بورداب الشرقية هلموا الينا مرحبابكم
08-30-2010, 03:44 PM
عبدالرحمن طبيق عبدالرحمن طبيق
تاريخ التسجيل: 02-26-2006
مجموع المشاركات: 607
تجدد اللجنة التنفيذية لرابطة سودانيز اون لاين بالمنطقة الشرقية الدعوة لكافة البورداب والبوردابيات بالمنطقة الشرقية واسرهم الكريمة واصدقاء وقراء المنبر العام لحضور الافطار ونتمنى من الاخوة والاخوات بالمساعدة في توزيع الدعوات عبر الهاتف وكل الوسائل المتاحة
08-31-2010, 12:57 PM
عبدالرحمن طبيق عبدالرحمن طبيق
تاريخ التسجيل: 02-26-2006
مجموع المشاركات: 607
ولو بيقنا عليها واحد وصفه كارب كدهـ ما يكتب للناس دي (أنا حاطيها فى راسي بالجلالة لو وصفت حتطير مني ... زي واحد أخينا قالوا ليه ولع لي السيجارة من سيجارتك وقال ليهم النار دي بسيطة لو ولعتها ليك حتشفطها كلها)
أي عائلة ما تجيب معاها قراصة ول عصيدة وحلو مر (احتمال الشطب من الرابطة وارد)
صدر تحت توقيعي نيابة عن عوض هارون وبدون علمه !!! وبمناسبة الريس عوض هارون إنتو الزول دهـ قاااااااااااااعد ؟
08-31-2010, 01:33 PM
عبدالرحمن طبيق عبدالرحمن طبيق
تاريخ التسجيل: 02-26-2006
مجموع المشاركات: 607
صدر تحت توقيعي نيابة عن عوض هارون وبدون علمه !!! وبمناسبة الريس عوض هارون إنتو الزول دهـ قاااااااااااااعد ؟
ود شلبي ازيك كل رمضان وانت ومن تحب بالف خير والله حكاية الوصف مهم الزول يكون نجيض في الوصف وخاصة نحن الجايين من بره الدمام خصوصا مع التحويلات الكثيرة في اليومين دي
Quote: أي عائلة ما تجيب معاها قراصة ول عصيدة وحلو مر (احتمال الشطب من الرابطة وارد
ونسيت قهوة الفطور وبعدين لمن تفط الشاي في ناس بتزعل بالجد ده ممكن يضاف للشرط الفوق ده مش كده
Quote: صدر تحت توقيعي نيابة عن عوض هارون وبدون علمه !!! وبمناسبة الريس عوض هارون إنتو الزول دهـ قاااااااااااااعد
عوض هارون ده قالوا فقد باسوردو في اللفة الاخيرة فهسع هو برى التغطية لكن شغال تجهيز لبرنامج اليوم الله يعينو يدك معنا يا اخوي الفاتح للمهندس بكري لاعادة باسوردوا
برضو يا اخوانا ما ننسى حكاية السمع يكلم الما سمع لأن كثير من الناس مع رمضان ده بره النت لتزدهي اللمة
08-31-2010, 01:43 PM
الفاتح شلبي الفاتح شلبي
تاريخ التسجيل: 02-27-2009
مجموع المشاركات: 2141
معليش يا الفاتح انا والله رصيت ليك رد طويل وعريض غريبة الباقي مشى وين شكلي حافقد باسوردي بعد شوية كمان عموما معليش جائز يكون اتمسح بس كيف؟
حياك الله استاذنا شلبي وعلى ما اذكر ناشدة عبرك الاخوة بالاتصال بالبورداب واسرهم عشان حكاية الدعوة في ناس برة النت اليومين دي رمضان كريم بعدين شاف المداخلة بتاعتي شكلة- مجوبك - يعني البوست ما عديل مش ؟
08-31-2010, 02:53 PM
عبدالرحمن طبيق عبدالرحمن طبيق
تاريخ التسجيل: 02-26-2006
مجموع المشاركات: 607
Quote: وبعدين وين سري جريمة وزيادحسب الله وأبو سامي
ماشايفهم مالهم فاقدين باساتهم برضو ولا شنو ؟
الحبوب الاستاذ خضر تحيتي نناشد الشباب لزيارة بوستنا وانشاء ما يكونوا خارج الشبكة بس تلاقيهم مشغولين بترتيب القراصيص والعصايد تمنيات قلبية صادقة بان يكون افطار جامع وبعدين نكتر من الاتصالات على كل البورداب والبوردابيات واسرهم مع التحية
08-31-2010, 05:54 PM
عبدالرحمن طبيق عبدالرحمن طبيق
تاريخ التسجيل: 02-26-2006
مجموع المشاركات: 607
نعتذر انا ونادر عن مشاركتكم الافطار العامر، بسبب ارتباطنا بإفطار في ذات اليوم... غايته كان الواحد جاب ليكم صينية من إياهم، بس ما عندكم في الطيب نصيب كل سنة وانتم طيبين.. ورمضان كريم عليكم جميعاً
هنيئاً مريئاً
بنت الحسين
09-02-2010, 01:05 PM
عبدالرحمن طبيق عبدالرحمن طبيق
تاريخ التسجيل: 02-26-2006
مجموع المشاركات: 607
Quote: سجلونا معاكم حضور بإذن الله تعالى الشفيع إبراهيم
بشرفنا حضوركم وكل البورداب وبدأنا نتفائل بحضور كبير ومميز انشاء الله رغم أن مخاوفنا كانت أن الايام الاخيرة اغلب الناس بتتوجه لاداء العمرة نحرب بكل بورداب الشرقيةواسرهم واصقائهم وضيوفهم ومحبي المنبر
09-02-2010, 02:20 PM
عبدالرحمن طبيق عبدالرحمن طبيق
تاريخ التسجيل: 02-26-2006
مجموع المشاركات: 607
يا بت الحسين دي ما مقبولة نحن في انتظار الصينية المدنكلة تحياتي لك شكرا لمرورك على بوستنا ونتمنى أن تجدي فرصة مباصرة للمرور على افطارنا ما امكن ذلك هذا وكان عندنا ليك كم سؤال كدة مباشرة لكن خيرها في غيرها كل عام وانت بخير
Quote: يا بت الحسين دي ما مقبولة نحن في انتظار الصينية المدنكلة تحياتي لك شكرا لمرورك على بوستنا ونتمنى أن تجدي فرصة مباصرة للمرور على افطارنا ما امكن ذلك هذا وكان عندنا ليك كم سؤال كدة مباشرة لكن خيرها في غيرها كل عام وانت بخير
الاخ عبدالرحمن... والله كان يا ريت، لكن انا الليلة عندي عزومة، وغالبا بعد الفطور حاكون منتهيه.. خيرها في غيرها... ويا سيدي ممكن تسألوني هنا مباشرة برضه...
كل عام وانتم بخير
09-03-2010, 05:24 AM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
أهلين .. أٍسامه .... أنا واحد من الناس الصورت ... لكن حصل لي ظرف طارئ وطلعت في بداية الجلسة .. وكنت مستني .. واحد من الشباب يفتح بوست جديد .. أو على الأقل .. طبيق يحصل بوستيهو ده .... ويعملوا تقديمه .. عشان ننزل الصور ...
غايتو مبدئياً .. دي واحدة تحت الحساب ليك ... مع الريس ...
09-05-2010, 10:13 AM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
Quote: والمحاضره كانت قيمه وجميله ومفيده .. شكراً يادكتور
سعدنا للقاء الاسري والاريحية والروح الحلوه من كل الحضور من بورداب الشرقية وأسرهم وضيوفهم وبرضوا كنت ناوي اكتب في محاضرة د. حيدر بدوي كم محور سجلتهم من يوم الفطور _ أول أمس _ وبالجد كان نقاش جميل ومس هموم الجميع لانو أتكلم في الغربة تحديدا من خلال تجربتوا الذاتية
تحية للاخوان بورداب الشرقية فردا فردا وبالجد كانت امسية مميزة
--------
ولكم كتير التقدير ,,,
09-05-2010, 11:02 AM
أم سهى أم سهى
تاريخ التسجيل: 09-29-2002
مجموع المشاركات: 1435
بالفعل كانت لمة جميلة في حضرت أعضاء سودانيز اونلاين وأسرهم والأجمل المحاضرة القيمة التي جاد بها علينا الدكتور حيدر البدوي كنت أكثر سعادة بالحضور مع تمنياتي بان تتواصل مثل هذه الجلسات الجميلة
09-06-2010, 06:22 PM
معاوية عبيد الصائم معاوية عبيد الصائم
تاريخ التسجيل: 06-09-2010
مجموع المشاركات: 22458
في حضرة بورداب الشرقية مساء الجمعة كنا بحضرة ((الوطن)) وفي حضرة جلالك يطيب الجلوس مهذب أمامك ......يكون الكلام
أكيد الواحد كان غاية في السعادة يلتقي كوكبة رائعة من بورداب المنطقة الشرقية ازدانت بتشريف د. حيدر البدوي وجمع كريم , ناقشنا هم غربتنا بكل صراحة وأريحية على خلفية كلام د. حيدر حول الغربة في تجربتوا الذاتية ويمكن الدكتور كان كجيل محظوظ أكتر مننا غالب تجارب غربتهم بتبدأ كطلاب درجات علمية , نحنه الجيل البدأ مشواروا في عز زمن التمكين , الاتقلص طموحوا في الحصول على عيش كريم في بلدوا , يعني غربتوا كانت ((( ضرورة ))) في ظل الدولة الانتقائية ومعياره الأوحد للمفاضلة كان الولاء والتزلف لمنهجه الأعوج ... فأصبحت غربتنا قدر محتوم.
لفت نظري تعليق مهم للأخ المكرم / عوض هارون القال((( الغربة حفظت جيل كامل من الضياع ))) والكلام ده منطق سليم جدا .. لانوا جيل كامل كانت فرصوا يلقي حياة كريمة في بلدوا شبه معدومة وكان مصيروا الضياع واليأس أنو يقدر يعمل مستقبل معقول , لو ظل متواجد في بلدوا من غير ما يقدم أى شي لنفسوا أو لوطنوا فكانت الغربة هي الحل الأمثل للظروف الاقتصادية الضاغطة الكانت بتواجهنا كجيل فرصوا محدودة في كل حاجة ... مع إننا الجيل الردد مع عقد الجلاد ((( الغربة إن شاء الله تعقري ))) يمكن تجربتين لعوض هارون ولحمد فتح الرحمن لخصوا تجارب غالبنا مع الغربة باعتبار كلامهم عن الظروف الخلت الغربة خيار لمعظم أبناء جيلنا .
يمكن الوقت ما سمح الواحد يعقب على الدكتور في كلاموا عن إستفادتنا من تجربة عشرين سنة في ظل الدولة الاقصائية ذات المنهج والنظرة الواحدة , باعتبار مبكر جدا نتكلم عن حته زي دي ما لم نبصر ضؤ في نهاية النفق ... حتى مع كلاموا عن حتمية التغيير ببقي تفاؤل وأمنيات ربنا يحققه , وبرضوا ألياتو الفاعلة بتظل غائبة عن المشهد بغياب تام لمنظمات المجتمع المدني والنقابات والأحزاب ... مع كامل الاحترام لمحاولات الناس القابضة على الجمر في الدخل وعملهم الصادق من أجل إنجاز تحول ديمقراطي حقيقي وحتظل رغبة التغير موجودة في نفس كل سوداني بتمني لبلادوا الخروج من مأزقه ... وأكيد الواحد متفائل للغاية بالمستقبل أنو تقوم على أنقاض الشمولية والإقصاء دولة مواطنة وقانون يحس فيها الجميع بالعدالة والطمأنينة ويتساوي فيها الناس حق وواجب .
كلام جميل برضوا لدكتور حيدر بدوي عن تجربتوا مع الشعوب المختلفة الأتعامل معاها في غربتوا يمكن بتركيز على الشعب الأميركي وخصائصوا ... ثم شعوب المنطقة العربية في المملكة والخليج وبتصور دي من إيجابيات الغربة أنها بتخليك تتعامل مع شعوب مختلفة تعزز من قبولك للأخر وتخليك تكتشف خصائصوا , وبالمناسبة دي ممكن يكون غالبنا إنطباعي في نظرتوا للأخر وحكموا عليهوا من غير معرفة حقيقية فتح كلام عن تقبلنا للأخر وتقبلنا لبعضنا البعض أسهم فيهوا الأخوان بتجاربهم والأخر في السودان ما ضروري يكون أخر من شعب أو بلد تاني ممكن بعضنا يحس بالأخر ده عرقية أو قومية سودانية تانية ممكن بتركيز في الكلام ما بين الشمال والجنوب وعدم تبلور قومية سودانية تجمع الكل ممكن تكون من أهم الأسباب الاسهمت كتير في الحته دي ...ومابين الجنوبي والشمالى فقط بين الكل حاصل إستقطاب جهوي وقبلي حاد وغير مبرر في بلد مفروض أنو إجتاز الحته دي من بدري ... وده ما بنفصل عن سياق الردة والتدهور المريع الطال كل مناحي الحياة السودانية تحت حكم الإنقاذ .
*سؤال العودة للسودان ... ما بعتقد أنو كتار جاوبوا عليهوا , ولو كنت شاركته في التعليق عليهوا حاقول ببساطة صعب تبني خطط عودة للسودان في الوضع الراهن بأي حال من الأحوال وماظن الناس اختارت غربته مزاج ولا بخاطره , وبالجد الواحد كان غاية في السعادة بلقاء بورداب الشرقية المميزين ويمكن دي المرة التانية يكون الواحد في حضرة دكتور حيدر البدوي وأسعدني الحظ أكون من ضمن البورداب الاستقبلهم في مارس الفات في بيتوا العامر بالخبر ترحيب بمقدموا للمملكة كأستاذ بجامعة الأمير محمد بن فهد جلست الجمعة الفاتت برضها عززت من إنطباعي الايجابي عنو كزول مميز ومحاور لبق بقدم طرحوا بكل تلقائية وأريحية و بيظل بيأكد لى إنطباع مؤمن بي وكتبتوا قبل أيام في بوست المهندس/ ابوبكر سيد أحمد إننا((( أمه مهاجرة ))) أميز ولادة بره وما عندهم أى أسهام تستفيد منو بلادهم بشكل حقيقي ويمكن ده برضوا من أسباب مأزقنا كسودانيين .
((( الوليدات خلو حضنك ريح تفوفي )))
__________________
*تحية لكل من حضر تلك الأمسية الرائعة من بورداب الشرقية وأسرهم وأصدقاء سودانيز اون لاين البنجتمع في رحابوا وطن جامع للناس كلهم بمختلف أفكارهم وأتجاهتهم والتحية أيضا لمن غابوا .
من الغياب الأصدقاء الأعزاء عوض عكاشة وحيدر الزين وهشام ادم ومن الناس الكان الوحد بتمني يقابلهم المميز / محمد E سليمان خبير التعمية والتشفير
*عطبرة ( تحية لود الزين ) من غابوا عنا تلك الأمسية وهو يستعد لدخول القفص الذهبي في العيد ألف مبروك وربنا يتم ليك على خير وبيت مال وعيال وبحبوحة ورضا .......
***
09-07-2010, 02:52 PM
عبدالرحمن طبيق عبدالرحمن طبيق
تاريخ التسجيل: 02-26-2006
مجموع المشاركات: 607
التحية لكل بورداب المنطقة الشرقية الذين رفدوا هذا البوست بالتعليق في مرحلتة الاولى والثانية بعد الافطار وللحقيقية بورداب الشرقية من اميز ما تتخيل تجدهم في كل شاردة وواردة اخوة سعدت جدا رغم مجيء متأخرا بعض الشيء بمعرفة من التقيتهم في تلك الليلة الجميلة شكرا جميلاً للاستاذ عبدالناصر الخطيب لمحاولة تلخيص الندوة ونأمل أن يطيب له المقام بالشرقية وشكراً لمن كانت كامراتهم حاضرة لتوثيق تلك الجلسة حمد فتح الرحمن وبقية تيم المصورين الجميل اناشد الاخوة في اللجنة التنفيذية للرابطة بمواصلة نشاط الرابطة الاجتماعي لتتوثق العلاقات الجميلة بيننا كبورداب بعيدا عن مناكفات السياسة ودهاليزهاولطالما يجمعنا الوطن فلتبقى للسياسة لياليها افتقدنا الاستاذ حيدر الزين العريس والامين العام للرابطة تمنياتنا له بزواج سعيد كما افتقدنا الاستاذ الطيب قريمان لتواجدة في بلاد العم سام هذه الايام تمنياتنا له بعوده سعيدة احي كل الاصدقاء بالشرقية الذين تحملوا عبء رفع البوست واحدا واحدا ونتمى أن نجد فرصة في القريب العاجل لاستضافة الدكتور الشاب حيدر البدوي في ندوة اخرى مشهودة قريبا إن كان في العمر بقية محبتي واسفي
09-09-2010, 10:53 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
كل عام وكل بورداب الشرقية بالف خير ولك عزيزي الخطيب وكل عام والوطن ينعم بالوحدة والسلام الحقيقيين كل عام والشعب السوداني في واقع افضل وغد اجمل لنا ولكم كل الاماني الجميلة الممكنة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالرحمن طبيق
محمد عبد الماجد الصايم
حمد فتح الرحمن
ALZOLZATOO
أحمد ابن عوف
هيثم درار
الفاتح شلبي
خضر حسين خليل
زهير الزناتي
معاوية عبيد الصائم
Kostawi
مريم بنت الحسين
أسامه الكرور
حسين عوضاى
هاشم أحمد خلف الله
خالد العبيد
أم سهى
عبدالله السفاح
الطيب رحمه قريمان
فيس بوك
تويتر
انستقرام
يوتيوب
بنتيريست