|
|
 ترى اين أنا ......؟!!!
|
فى هذا اليوم الملتهب حرارة ,ادلف من باب المنبر بعد رحلة الغياب التعسفيه والتى طالت كثيرا بدون ان يكون لنا يد فى ذلك
ادخل من باب المنبر وانا كلى شوق ومحبة للهذا المنبرالعتيق
اذكر جدا بداياتنا ونحن اخوة من شتى اصقاع الارض حملنا هم الوطن ووحدتنا الغربه رغم انها من المفترض ان تفرقنا
كانت الدنيا عزيزه ولذيذه كما قال هاشم صديق فى رائعته اجترار ,كنا ومن خلال البور دالاثيري مثال للصفاء والنقاء
لازلت اذكر لقاتنا الاولى السودان مع كل الاعزاء هنا كانت فرحة اللقاء الاولى باساطين الكتابه والروائع والناس الرايقه
رحله المركب التى نظمناها فى نادي الزوراق ,كانت تجسد ذلك الشعور بانك تعرف هذة الوجوه من امد بعيد
بساطة اللقاء والتآلف بين الارواح كان ديدنا
الان دخلت
يا للهول
اين انا؟
يسقط الباب في يدي
ماهذا الحطام المتانثر .رائحه البارود والحرب السباب تزكم الانوف .
باقايا اشلاء متناثرة .ضوضاء صاخبه .هرج ومرج.
خيال مآتى لاناس لا اعرفهم
قبور لعظماء اتمسحت من سطح البور د
اهازيج واقاصيص لاتسمن ولاتغنى من جوع
هل من مجيب .لاساله ماذا جري؟؟؟؟؟
|
|
 
|
|
|
|
|
|
|
|
Re: ترى اين أنا ......؟!!! (Re: مشتاق)
|
يا مشتاق
هو في زول فاهم حاجة؟
يا قول حبوبة جايين ورا وحاجزين الضرا
ودي عمرها ما كانت مشكلة
الكلام العكاكيز وإقصاء الآخر
غايتو لو داير تقعد هنا إلا بي كان تقعد بي شديدك ولضيضك
المهم انت اخبارك شنو؟
| |
|
|
|
|
|
|
|
|
|
Re: ترى اين أنا ......؟!!! (Re: حبيب نورة)
|
مرحب بيك يا مشتاق ورمضان كريم
شكلك مطول وجيت لقيت عجاج البورد في السما
يا سيدي تبدلت الاحاويل والناس كترت كترة (كمية) وليست نوعية
غزوات يا مشتاق من الصباح في البورد بتمرق وترجع تاني يوم نفس الغزوة ومافي زول منتصر.
ينامون ليلهم كيأجوج ومأجوج ويقولون غدا نواصل ولا يقولون (ان شاء الله) ولو قالوها لقامت القيامة وانتهت الغزوات
كلام كتير جدا خلاصته،لو مطول شديد خليك مراقب شوية،في لوبيز وانترست قروبز شلليات و و و
المهم زي ما قال لينا فاروق جويدة ايام الثانوي..لا انت انت ولا الزمان هو الزمان
Stay well وأرجو ان يطيب بك المقام
| |
|
|
|
|
|
|
|
|
|
Re: ترى اين أنا ......؟!!! (Re: محمد عبد الماجد الصايم)
|
ود الصايم
شكرا على الاطلاله
والله ضحكتك بالدنيا كلها
لماذا الخصام والتباغض
لماذا لانضحك ملء اشداقنا ونحن نسامح ونحاور ونجادل بعضنا
لماذا لايسمع الاخر
لماذا هذا التناقض الذاتى
لانفسنا ووطننا
لماذا نكره ذواتنا ؟؟
لك الود الشفيف
| |
|
|
|
|
|
|
|
|
|
Re: ترى اين أنا ......؟!!! (Re: GamarBoBa)
|
القمر بوبا
(والناس كترت كترة (كمية) وليست نوعية)
انها لمصيبة والله
ياقوم افيقوا
انتم على شفا حفرة من التمزق
والانقسام والتشتت
اما يكفيكم هذا ؟؟؟!!!
شكرا على المرور ياقمر
| |
|
|
|
|
|
|
|
|
|
Re: ترى اين أنا ......؟!!! (Re: مشتاق)
|
مشتاق عدييل كدة ؟؟!!!
يا خي مشتاقون والله بثبوت النون ..؟!!
وينك يا رجل ؟؟!!
أظن أخر مرة من الرحلة النيلية الكان فيها دكتور معز عمر بخيت ؟؟!!
وكان معاك الدكتور داك (نسيت إسمو هسي) ..!!
أخبارك شنو وكيف رمضان معاك ؟؟!!
| Quote: هل من مجيب .لاساله ماذا جري؟؟؟؟؟ |
لا مجيب ولا تسأل ... بس خش عشان تعرف الحاصل براك ...!!!
| |
|
|
|
|
|
|
|
|
|
Re: ترى اين أنا ......؟!!! (Re: مشتاق)
|
وين يا دكتور ؟؟
وين يا صاحبي ؟؟؟
أنت في الخلاء الاسفيري
وهو ذات نفسه الخلاء
ولا الرفيق الفسل
فيا صاحبي اكتب كتابتك
واوعه تكوس رفيق أو حليف
أو صديق غير حُجتك وموضوعيتك
ووعيك وصدقك في الهدف من الكتابة
الساعة ديك بتعرف انت وين وانت
مع منو ذاتو .
وتاني سلام وسلام وسلام
وسنتك طيبة وسعيدة .
| |
|
|
|
|
|
|
| |
مشتاق
حبيب نورة
عمار عبدالله عبدالرحمن
GamarBoBa
محمد عبد الماجد الصايم
ناذر محمد الخليفة
سفيان بشير نابرى
فيس بوك
تويتر
انستقرام
يوتيوب
بنتيريست