|
|
 من هو هذا الكرادينال؟؟؟؟؟
|
الكاردينال الرئيس القادم للهلال..
الكاردينال يدعم مسيرة الهلال ..
الكاردينال يقول لن اتنازل عن رئاسة الهلال ..
الكاردينال يرفض التعيين ويقول ساجلس فس كرسي رئاسة الهلال عن طريق الإنتخاب..
واليوم سمعنا أن مجلس الهلال سيستقيل ويتم تعيين الكاردينال أشرف لرئاسة الهلال !!
من أنت يا كاردينال ؟؟؟
وما علاقتك أصلاً بكرة القدم ..
بل وما هي علاقتك أصلا بنادي الهلال ؟؟
اتحداك ح اسألك تلاتة أسئلة لا غير فإن أجبت عليها فهنيئاً لك الهلال :
متى تأسس نادي الهلال ؟؟
أذكر خمسة فقط من الذين ترأسو نادي الهلال (غير صلاح إدريس) ؟
متى رحل لاعب الهلال والي الدين عن دنيانا ؟؟
أسئلة بسيطة أراهن ان الكاردينال لن يجيب على أي واحد منها مع أن معظم المريخاب ناهيك عن الهلالاب سيجيبون عليها جميعها دون تردد ..
إذن الكاردينال يغرد خارج سرب الرياضة والكورة وما عندو علاقة بي أي شي في أي شي معن إنو ومع اول تصريح سيحكي لنا عن بداياته في الدورة المدرسية ثم ممارسة كرة القدم في الروابط ثم التدرج حتى الوصول للعب في فريق الزهرة درجة أولى ثم أنشغلت بإدارة أعمالي وهجرت كرة القدم !!!!
سيحكي عن مباريات الهلال في الستينيات وكيف أن الدحيش وجكسا والفاتح النقر كانوا يدهشونه وان الرياضة الجماهيرية سبب نكسة الكرة السودانية !!!!
هي أم المهازل والله ..
هنت يا هلال العزة والكرامة فتهافت عليك اصحاب البحث عن الشهرة وليت له مال !!!!
الان ربما غفرنا لصلاح ادريس فأقلاه الرجل كان يعرف عن تاريخ الهلال ..
الان سنشعر نحن الذين حاربنا صلاح إدريس ان الهلال فقد قائد ورئيس من الطراز الفريد وإن كان صلاح ادريس نسخة محسنة من الكاردينال !!!
يااااااااااااااااااااااااه يا هلال !!!
اصبحت مرتع للشعراء والملحنين من الدرجة السابعة وهاهو اشرف الكاردينال الشاعر الكبير الذي كتب قصيدة غنائية عصماء جادت بها قريحته في جنوب السودان كما كان يفعل بشير عباس عندما يلحن اعمال البلابل :
وبدل اللغم نزرع قصب !!!
هنت يا هلال ..
|
|
 
|
|
|
|
|
|
|
|
Re: من هو هذا الكرادينال؟؟؟؟؟ (Re: عمر الفاروق)
|
سلامات يا عمر ورمضان كريم
ما جاء باشرف الكاردينال ومن قبله صلاح ادريس هو المال والمال فقط وانت سيد العارفيين ولكني لن الوم صلاح ولا اشرف ولكني القي باللوم كل اللوم علي الروؤساء القبلهم واللي معظمهم جاءووا لرئاسة الهلال لانهم اكفاء. هؤلاء الروؤساء الاكفاء فشلوا في ان يحولو الهلال النادي الاكثر جماهيرية في السودان فشلو ان يحولوه الي مؤسسه تعتمد علي امكانياتها الذاتيه - ويا لها من امكانيات- لتدير نفسها بنفسها ولا تعتمد علي شخص او حتي عده اشخاص.
ما لم يتحول هلال الملايين الي مؤسسه سيراسه الكابي مال كما سموه ناس زاويه مشاتره ومن هم علي شاكلته او اسوأ منه مدام ما عندهم قروش
| |
|
|
|
|
|
|
|
|
|
Re: من هو هذا الكرادينال؟؟؟؟؟ (Re: Omar Bob)
|
ياعمر
ياخي رئاسة نادي الهلال كمان عايزة ليها عرفة..
ماشين تعملو قمر صناعي انتو؟
عرفة شنو ماشوية قروش وخلاص ..
وحال الكورة ياهو نفس الحال ..تغلب تلاتة مباريات وتجي في المربعات النهائية ترفع ضغط العالمين..
وتجي الناس تنظر وحاة الله بيشة عمل ووليد زاكي الدين مابنفع في الوسط.. والمعز محجوب بسرح في الضربات الركنية..
ياخي البلد كلها رئيسا ماعارف شي، خلاص بقت على رئاسة نادي جنب زرايب حي العرب؟!!
ــــــــــــــــــ
بالرغم من استغرابي الشديد في تمسكك باعجابك بمواضيع الكورة السودانية دي..
بس وجود موضوع في حياة المرء زي الكورة للانشغال بها والتوتر نعمة كبيرة..نعمة كبيرة خلاص..
حاسدك ياخينا
| |
|
|
|
|
|
|
|
|
|
Re: من هو هذا الكرادينال؟؟؟؟؟ (Re: Omar Bob)
|
Quote: اتحداك ح اسألك تلاتة أسئلة لا غير فإن أجبت عليها فهنيئاً لك الهلال :
متى تأسس نادي الهلال ؟؟
أذكر خمسة فقط من الذين ترأسو نادي الهلال (غير صلاح إدريس) ؟
متى رحل لاعب الهلال والي الدين عن دنيانا ؟؟ |
اخي عمر الفاروق
مسكاقمي
اسئلتك صعبة خالص
يا ربي الكردينال بيعرف اسم الخواجة الانجليزي المستعمر الكان رئيس لنادي الهلال
كدي يا عمر اخوي قول ليه بتعرف اسم الخواجة
إذا جاوب صح طوالي اعملوه رئيس للنادي
| |
|
|
|
|
|
|
|
|
|
Re: من هو هذا الكرادينال؟؟؟؟؟ (Re: Omar Bob)
|
Quote: الان ربما غفرنا لصلاح ادريس فأقلاه الرجل كان يعرف عن تاريخ الهلال ..
الان سنشعر نحن الذين حاربنا صلاح إدريس ان الهلال فقد قائد ورئيس من الطراز الفريد وإن كان صلاح ادريس نسخة محسنة من الكاردينال !!!
يااااااااااااااااااااااااه يا هلال !!! |
ياعمر ياخوى ..
ماتتفرج ساكت برا نقه معاك ..اسهل حاجة عندنا تنتقد..
لافى زول بدفع ولافى زول بساهم ...بس كلام ونقة وتنظير ..
يااخوانا الهلال دا مامؤسسة وفى ظل التردى والتراجع الحاصل
صعب جدا تحويله لمؤسسة بين يوم وليلة ..لكن ذلك ممكن ...
زمان قلنا ليكم صلاح ادريس دا فى الوضع الحالى افضل رئيس ..
بدفع وبفهم فى الكورة ..,(مفتح وابن لذينا) ..شلتو حالو
ومااثبتوا ليهو جميلة واحدة ..كان امتلاك المال عيب ..
فى النهاية هو بشر طبعا ..لما لقى نفسو شغال زى ساقية
جحا طوالى سحب نفسو واتخارج ..وخلى فريق يهز ويرز ..
شكرا ساكت مافى ...ولاكتر خيرك ...وخلو بالكم نجاح صلاح
ادريس ماقصة قروش بس ..لو قروش بس كان نجح الوالى..
قروش مع حنكة ودهاء ومكر ..جمال الوالى ممكن يراس منظمة
الدعوة الاسلامية ويكون ناجح ..لكن لااعتقد انه ينجح فى رئاسة
فريق كرة قدم ..
انا شخصيا حااساعد البتقدم لرئاسة الهلال بالصمت والفرجه..
ماعندى حاجة غير كدا ..طالما ماعندى اى مساهمة افضل
اشجع ساكت ...
| |
|
|
|
|
|
|
|
|
|
Re: من هو هذا الكرادينال؟؟؟؟؟ (Re: محمد عبدالرحمن)
|
الحبيب عمر
ليه افتراضك انو الكاردينال ما بيعرف متي توفي والي الدين
وليه تفترض عليه انو ما بيعرف خمسه من رؤساء الهلال العظيم
وليه تصدق افتراضك وتحكم بيه علي الشخص بدون سابق معرفه بيه
ممكن يخذلك ويخيب توقعاتك
وتقعد لينا هنا تكورك كابي مال كابي مال
| |
|
|
|
|
|
|
|
|
|
Re: من هو هذا الكرادينال؟؟؟؟؟ (Re: abas)
|
يا عمر منصرفات الهلال الشهرية في حدود 600 مليون جنيه ما بتاع نيفاشا
منو البدفعها ومنو البعمل استثمار في الهلال
الموضوع دا طويل ومحتاج لي سنوات عشان يتعمل
هسع البقدر يدفع يمسك نادي الهلال انشاء الله لو يبقي ود خشني زااتو
او خلي اي بوردابي عامل فيها بحب الهلال يدفع مائة دولار شهريا
بكرة ما نلقي مشجع واحد
قوم الي صلاتك يرحمك الله
| |
|
|
|
|
|
|
|
|
|
Re: من هو هذا الكرادينال؟؟؟؟؟ (Re: Maawya Hussein)
|
أين المؤسسية يا هلالاب في كل حياتنا
لماذا نريد ان نفرضها الآن على الهلال وفي هذا الوقت بالذات وهو مقبل بحول الله على تحقيق اغلى احلام الهلالاب وهو كاس خارجي
يعني فيها شنو لو الكاردينال اصبح رئيساً للهلال
موس هو هلالابي وخلاص يا عمر
ما بالضرورة يعرف رؤساء نادي الهلال القدامى
حتى ما بالضرورة يعرف كورة لأنو لو لو أدار الهلال بمؤسسية فسينج الهلال
وإدارة صلاح ادريس كانت جيدة والحمدلله عمل فريق قوي شديد
الصادق
| |
|
|
|
|
|
|
|
|
|
Re: من هو هذا الكرادينال؟؟؟؟؟ (Re: الصادق اسماعيل)
|
صعلوق في طريقة تفكيره وحديثه ونظراته
امتلكـ ناصية المال فاهدته الطرق إلى كل شي
إذا كانت رئاسة البلد عن طريق دبابة
فما بالكـ برئاسة نادي ؟؟
هل من ترأس البلد جاء ذاكر لينا عن معلوماتو عن تاريخ البلد وبعدين سمحنالو ؟؟
خليهو زيو وزي غيرو
| |
|
|
|
|
|
|
|
|
|
Re: من هو هذا الكرادينال؟؟؟؟؟ (Re: عمران حسن صالح)
|
أهلاً أخي عمر
ورمضان كريم
آهة تولع سيجارة والله!!
عن نفسي أرى الهلال والمريخ إنتهيا تماماً طالما ذهبوا الى من عند ه الذهبُ.
يا عمر الهلال والمريخ فارقا الروح منذ أن غادراه الأفندية وصفوة السودان
والرؤساء البسيطين في تعاملهم، والعظيمين في أخلاقهم.
آخر عهدنا ببطولات الاندية ،، وهي نهائي كأس أفريقيا وكأس منديلا
كانت تحت إدارة هؤلاء الأفندية ،، وكان هؤلاء القوم بين متسكع ومتنطع.
لن ينصلح حال رياضتنا الا إذا أتي من يماثل :
حسن أبو العائلة ، الطيب عبدالله ، عمر علي حسن
عبدالله السماني ، شاخور ، ودملاح ، أحمد عبدالرحمن الشيخ.
| |
|
|
|
|
|
|
|
|
|
Re: من هو هذا الكرادينال؟؟؟؟؟ (Re: أحمد الصديق)
|
Quote: بس وجود موضوع في حياة المرء زي الكورة
للانشغال بها والتوتر نعمة كبيرة..نعمة كبيرة خلاص..
حاسدك ياخينا |
لوووووووووب ضرب تحت الحزام ياخ ...
والله قرررب يقول ليك وين مفتاح النور !!!
ـــــــــــــــــ
ولسان حال الكاردينال يرد عليك ..
بل من هو هذا الهلال ؟؟؟؟
ومن هو هكذا فاروق ؟؟
عمر عليك الله شوف مشاترة فى قناة قوون
بعد الفطور مباشرة ,, ح يفشك فى الزول دل
فشا حولاااااا .. العجب حركة شفايفو ..
| |
|
|
|
|
|
|
|
|
|
Re: من هو هذا الكرادينال؟؟؟؟؟ (Re: أحمد الصديق)
|
عمر الفاروق
سلامات
قائمة اشرف الكاردينال تضم كل من
علي قاقرين
وفوزي المرضي
الامين البرير
معتز البرير
عبد الرحمن ابو مرين
د.عبدالله حسن احمد البشير
المجموعه دي ممكن تدير بلد مش الهلال
| |
|
|
|
|
|
|
|
|
|
Re: من هو هذا الكرادينال؟؟؟؟؟ (Re: ahmed khidir)
|
حبيبنا عمر يا بوب:
والله الناس ديل لو عندهم مال وبيدفعوهو صدقني رااااضي وموافق واقلاه نقول بيدفعو ..
لكن الناس ديل ما بيدفعوا للهلال اي شي بل بالعكس اسم الهلال بيبقا ليهم جواز مرور لعلاقات وتسهيلات ما انزل الله بها من سلطان ..
الناس دي لمن تقعد في الكرسي الدفع ببقا ليها حاااار..
دكين :
من شب على شئ شاب عليه وانا مشكلتي من ما قمت ما بعرف اي شي غير الكورة ..الراس ده لا علم لا ثقافة ما فيهو ..كورة ساااااااااي يا حبوب محلية عالمية لحدي ما بقت عكس كلامك الفوق داك فالكورة عندي بقت الاساس وما دونهاانشغال و توتر..
إيهاب..
عايزة صبر ..تسلم .
عمنا حمزاوي:
الهلال ده مدرسة الوطنية ياخ ..تقول لي فلسطين وحارس مرمى ؟
| |
|
|
|
|
|
|
|
|
|
Re: من هو هذا الكرادينال؟؟؟؟؟ (Re: عمر الفاروق)
|
Quote: الأسئلة المفروض تتسئل للكاردينال:
1- عندك كم في البنك
2- تقدر تصرف زي صلاح إدريس |
الزول دا - حسب كلامو مع هيثم كابو - داير يعمل ليكم أفضل من كده: داير يحول الهلال إلى شركة مربحة... تلبسوا فنايل من إنتاج شركة الهلال وكابات كمان وتشيلوا سلاسل مفاتيح عليها شعار الهلال وما تصوموا أو تفطروا إلا لمن تشوفوا الهلال... يعني يبقى الهلال زي بر شلونة... عندها تتحول زريبة العيش بتاعتكم دي إلى استاد حقيقي ويمكن تلقوا ليكم بطولة خارجية.
| |
|
|
|
|
|
|
|
|
|
Re: من هو هذا الكرادينال؟؟؟؟؟ (Re: محمد الأمين موسى)
|
الأخ الفاروق ..
أنت تسأل من هو هذا الكاردينال ؟
هو أشرف سيد أحمد الحسين ..
إبن الراحل اللواء شرطة سيد أحمد الحسين
وأصوله من لرباطاب , مدينة أبوحمد
وهو رجل عصامي .. فقد بدأ العمل الحر
من ثمانينات القرن الماضي ..
شق طريقه رغم كل الصعوبات التي قابلته
ونجح بفضل الله في أن يجعل له اسما في عالم البيزنس
وهو رجل كريم وابن كرماء .. ومن اسرة عرف عنها الكرم
وفاضل الأخلاق ..
وإدارة نادي في اعتقادي مثل ادارة أي مؤسسة
وهو قد نجح في ادارة اعماله على كثرتها لن يفشل في ادارة نادي الهلال
وغدا ناظره قريب
مع احترمي وتقديري
| |
|
|
|
|
|
|
| |
عمر الفاروق
Omar Bob
ايهاب الطيب بله
محمد عبدالرحمن
abas
khaleel
Maawya Hussein
فيصل نوبي
الصادق صديق سلمان
الصادق اسماعيل
عمران حسن صالح
أحمد الصديق
دينا خالد
ahmed khidir
محمد الأمين موسى
فيس بوك
تويتر
انستقرام
يوتيوب
بنتيريست