|
|
 ايها الناس كمرتى لحقت جمل اللمين ودخير
|
كيمرا جابت سهول البطانه وجابت احست لقطات وكانت من الكيمرات المنافسه
لى كمرة تمبس والباوقه وصلاح غريبه نظيفه اصابتها عين سيدا ماقال تبارك الله
بعد ان استمتعنا بليله البارحه بفطور بورداب الرياض وصورت بها احسن اللقات التى
كان لى فيها مافيها من التعليق عبد القادر على مع الباوقه وصور الفطور
وصورة تمبس بى كمرتو حمزاوى وصديق الموج والاخ قيرتور ما عارف كدا الاسم صاح ولا
غلط يا سعادتك والكسره والملاح واخر انبساط انتهينا من الافطار والندوه الجميله
وركربنا عربيتنا وماشين اهلنا اختنا عفاف ابوحريره اقترحت مع بناتها بان يمشوا
الهرم تلت الليالى اعمل ايه قلنا تم نزلو فى الهرم وقت يا ولد اكسب الزمن امشى
جيب لحم من منفوحه بدل ما انزل السوق الذى لا اطيقه ابدا كان مشين اشترى
حاجه لى رقبتى بشتريها من اول محل بدون مفاصله وبتخارج اى والله المهم مشيت منفوحه
وقفت عربيتى ونزلت لى زبونى البا كستانى الذى عندما يرانى يهش ويبش لانى بشترى منه لحمه
بى الجمله المهم عندما رجعت الى العيال واخذتهم فى طريقى للبيت تذكرت الكيمرا
وطبعا بداية نفتش والعربيه ماشه وبعد ان فقدنا الامل فى التفتيش السريع وقفنا ونزلنا
وقلبنا العربيه فوق تحت لم نجدها فهى اخذت عندما وقفت اشترى اللحم وكان الباب اليمين
غير مؤمن وانا الان كل مره امشى افتش الجلابيه وبراى اقول الجاب الكيمرا لى الجلابيه شنو
الحاجه المؤسفه توجد بها كميه من الصور المهمه
|
|
 
|
|
|
|
|
|
|
|
Re: ايها الناس كمرتى لحقت جمل اللمين ودخير (Re: خالد المحرب)
|
يازول الجاتك في كمرتك سامحتك .. إنتا ما سمعت
قصة الزول الاشترا جلابية جديدة لنج وركب الجمل وقبل
أن يستقر على ظهره هاج الجمل وماج وطـرح
صاحبنا أرضا بجلابيته الجديدة التي أنشرطت ..
رآه الناس وجروا عليه يحمدلون السلامة ..
ويقولون يا زول نعلك ما أتعوقت:
فيرد: أنا ما أتعوقت .. لكين الجمل شرط الجبه
| |
|
|
|
|
|
|
|
|
|
Re: ايها الناس كمرتى لحقت جمل اللمين ودخير (Re: الامين موسى البشاري)
|
خالد
رمضان كريم
Quote: وقت يا ولد اكسب الزمن امشى
جيب لحم من منفوحه بدل ما انزل السوق الذى لا اطيقه ابدا كان مشين اشترى
حاجه لى رقبتى بشتريها من اول محل بدون مفاصله وبتخارج اى والله المهم مشيت منفوحه
وقفت عربيتى ونزلت لى زبونى البا كستانى الذى عندما يرانى يهش ويبش لانى بشترى منه لحمه
بى الجمله المهم عندما رجعت الى العيال واخذتهم فى طريقى للبيت تذكرت الكيمرا
وطبعا بداية نفتش والعربيه ماشه وبعد ان فقدنا الامل فى التفتيش السريع وقفنا ونزلنا
وقلبنا العربيه فوق تحت لم نجدها فهى اخذت عندما وقفت اشترى اللحم وكان الباب اليمين
غير مؤمن وانا الان كل مره امشى افتش الجلابيه وبراى اقول الجاب الكيمرا لى الجلابيه شنو
الحاجه المؤسفه توجد بها كميه من الصور المهمه |
ويمين الله سبقتني بي شوية
نفس الوضع بس انا اول امبارح
بالنهار والمجمع جنب بيتنا
ولغايت حسع بفتش في المكتب
والجلابية وجوه كيس الحبوب....!!!!
المغصة.....
صور رحلة السودان .....
بورداب ....مناسبات زواج
مباريات ...الخ الخ
المهم....
اكتر من 1350 صورة
راحو شمار في مرقة .
احيييييييي يابطني....!!!!
مافي زول يجي يقول لي الجاتك في كمرتك سامحتك
كان تسامحني اكان ود اللزينا ده طلع الميموري
ورماهو في العربية .
حسع انا اجيب صور هناي داك من وين......؟
| |
|
|
|
|
|
|
|
|
|
Re: ايها الناس كمرتى لحقت جمل اللمين ودخير (Re: haroon diyab)
|
Quote: كان تسامحني اكان ود اللزينا ده طلع الميموري
ورماهو في العربية .
حسع انا اجيب صور هناي داك من وين......؟ |
الاخ هارون يازول والله حاره جنس حر انا ذاكرتى 4قيقا
مى ذاكرتى انا ذاكرة الكمراوفيها صور كتيره بس احمد ولدى
شال منها صور كتار فى الهاردسك الخارجى ودى احسن طريقه لحفظ الصور
دايما وخلى الذاكره فاضيه كان راحت الكمرا فى 60 داهيه
بس عندى فيها صور كميات لم يتم نسخها
| |
|
|
|
|
|
|
|
|
|
Re: ايها الناس كمرتى لحقت جمل اللمين ودخير (Re: Mohamed Abdelgaleel)
|
Quote: قصة الزول الاشترا جلابية جديدة لنج وركب الجمل وقبل
أن يستقر على ظهره هاج الجمل وماج وطـرح
صاحبنا أرضا بجلابيته الجديدة التي أنشرطت ..
رآه الناس وجروا عليه يحمدلون السلامة ..
ويقولون يا زول نعلك ما أتعوقت:
فيرد: أنا ما أتعوقت .. لكين الجمل شرط الجبه |
ات عارف عندى قصه قريبه ليها
عمك حاج الخدر عندو حماره وخرج بمشى يحش القش
وبعد ما ينتهى من قشوا بمشى يملى مريسه تب ويركب
حمارتو ويجى يغنى اهلو فى الشقله شمال وبينا وبين
سوق 6 المنطقه زراعيه الشقله جنوب اها الحماره عترت رمتو
وطرش المريسه كلها بعد ما قام قال دى عين ناس الشقله جنوب
سحرونى فى سكرتى اصلها خدرا ما بشقهن وبعدين قال هسى يا جماعه
تانى انا ارجع سوق 6اتم سكرتى ولا اعمل شنو ادونى عين ساهى والله
دحين انا برضو كمرتى ادوها عين
| |
|
|
|
|
|
|
|
|
|
Re: ايها الناس كمرتى لحقت جمل اللمين ودخير (Re: خالد المحرب)
|
الجاتك في كمرتك سامحتك
\قال ليك في واحد اشترى مركوب جديد للعيد
وحلف ما يلبسوا الا يوم العيد
اه ما شي حفيان
ضرب ليه جضل قلع ليه ضفرو
جوا الناس يا زول حمد لله علي السلامه
قال ليهم الحمد لله ما جات في مركوبي الجديد
اه الحمد لله الجات في كمرتك بس
| |
|
|
|
|
|
|
|
|
|
Re: ايها الناس كمرتى لحقت جمل اللمين ودخير (Re: خالد المحرب)
|
اللمين ودخير احد شعراء البطانه عندو جمل اسمو القربين
وكان معاهو صاحبو اسمو يوسف ود امحمد ود اللمام راكبين
جمالن وماشين فى البطانه طار صقر قدامن القربين جمل ودخير
انخلع من طيرة الصقر وانغرف يعنى زى العربيه الفرملته فى لستك واحد
كع انكسر دى بداية القصه والقصه طويله جاياكم
| |
|
|
|
|
|
|
|
|
|
Re: ايها الناس كمرتى لحقت جمل اللمين ودخير (Re: الطيب شيقوق)
|
Quote: والله القيامة عايزة تقوم
افتكرتك فقدت عقال الناقة تجي تقول لينا كمرة؟
يا اخي الرخيص الشالها دا ان شاء الله ما تنفعو
تحياتي لام احمد وافراد الاسرة الميامين
ود شيقوق
امدرمان |
الطيب ياخ حرام عليك الشى تلفونك باخل بيه
انا حالتى مفكر اجى اعيد فى السودان 5 يوم
نمشى فيها البطانه رحله مع بعض كيف الاجازه المره
دى مالك لابد ما اديتنا انطباعك شنو ماك ظاهر
تحياتى لى ام عبد الله والعيال وشكرا
| |
|
|
|
|
|
|
|
|
|
Re: ايها الناس كمرتى لحقت جمل اللمين ودخير (Re: Ashraf el-Halabi)
|
اخي خالد
ياخي كفاره وسلامتك والف عزيز كرامتك
الكاميرا هينه قاسيه الصور
////////
انت زاتك جنك لحمه ؟؟؟؟
لحمة شنو بعد الساعه اطناشر
وبعدين شنو الهرم وبلاوي المصريين دي بعد نص الليل
غايتو يا بت ابوحريره عملتيها في صورنا
وبعدين خالد امبارح سراني بانو اتوصي بي في الصور
ان شاء الله تلقاها........ اولاد الحلال كتار
| |
|
|
|
|
|
|
|
|
|
Re: ايها الناس كمرتى لحقت جمل اللمين ودخير (Re: طارق ميرغني)
|
Quote: وبعدين شنو الهرم وبلاوي المصريين دي بعد نص الليل
غايتو يا بت ابوحريره عملتيها في صورنا
وبعدين خالد امبارح سراني بانو اتوصي بي في الصور
ان شاء الله تلقاها........ اولاد الحلال كتار |
اظنو حظك والصور الكتيره الصورتها ليك كانت السبب
فى ضياع الكمره ياحبييييييبى لكن ربحنا شوفتك تابر قلبى
| |
|
|
|
|
|
|
|
|
|
Re: ايها الناس كمرتى لحقت جمل اللمين ودخير (Re: خالد المحرب)
|
اللمين ودخير احد شعراء البطانه عندو جمل اسمو القربين
وكان معاهو صاحبو اسمو يوسف ود امحمد ود اللمام راكبين
جمالن وماشين فى البطانه طار صقر قدامن القربين جمل ودخير
انخلع من طيرة الصقر وانغرف يعنى زى العربيه الفرملته فى لستك واحد
كع انكسر القربين انكسر يوسف قال لى اللمين الراى شنو يا ابوفاطنه
اللمين قالو الراى بديك ياهو كمبليت القربين لا بضبحو ولابعقبو هسع
دحين انت تمشى تكلم الناس اللمين حرس الجمل ويوسف مشى العليو 14
اللمين قال شقت الحمار جونى اباله يعنى رعاة ابل السلام عليكم قاليهم
وعليكم قالو ليه جيت من وين قال ليهم عندكم ابل فى الزريبه ولا شبعت
روب قال بعقبونى الساعه اطنعاشر يوسف وجماعتو بجو وبعد يجى ناس يوسف
اوريكم عملو شنو لى القربين
| |
|
|
|
|
|
|
|
|
|
Re: ايها الناس كمرتى لحقت جمل اللمين ودخير (Re: خالد المحرب)
|
الساعه اطناعشر يوسف وجماعتو كل واحد شايل سيف وبندقيه تلصف
اللمين قاليهم جيتو بى عفوستكم وسكاكينكم اضبحو الجمل دايرين
يجى يضبحو ليكم ابالة اللحويين ضبحوه قال لغاية ما قطعوه وختوه
فى الاخراج جمع خرج بضم الخا ما فيهن واحد شال نتشه يعنى حية لحم
جدحا فى النار التقول بنشيع لينا فى نجازه
بعد ما ضبحوه وشالو اللحم ماشين العلوى
نشوف بعد ما وصلو العليوى الحصل شنو
| |
|
|
|
|
|
|
|
|
|
Re: ايها الناس كمرتى لحقت جمل اللمين ودخير (Re: خالد المحرب)
|
Quote: الطيب ياخ حرام عليك الشى تلفونك باخل بيه
انا حالتى مفكر اجى اعيد فى السودان 5 يوم
نمشى فيها البطانه رحله مع بعض كيف الاجازه المره
دى مالك لابد ما اديتنا انطباعك شنو ماك ظاهر
تحياتى لى ام عبد الله والعيال وشكرا |
انا في السودان آآآآآآآآآ عشاى بظل فيه لحدي 15 سبتمبر المقبل ان شاء الله - ويا ريت لو جيت والتقينا خلالها في اجمل ايام الخريف - طبعا خريف السنة دي ما حصل ربنا يتمو بس , والله جنس فكج وام جليلي يغطي عين الشمس .
تلفوني 0919937901
ودى
| |
|
|
|
|
|
|
|
|
|
Re: ايها الناس كمرتى لحقت جمل اللمين ودخير (Re: خالد المحرب)
|
Quote: الطيب ياخ حرام عليك الشى تلفونك باخل بيه
انا حالتى مفكر اجى اعيد فى السودان 5 يوم
نمشى فيها البطانه رحله مع بعض كيف الاجازه المره
دى مالك لابد ما اديتنا انطباعك شنو ماك ظاهر
تحياتى لى ام عبد الله والعيال وشكرا |
انا في السودان آآآآآآآآآ عشاى بظل فيه لحدي 15 سبتمبر المقبل ان شاء الله - ويا ريت لو جيت والتقينا خلالها في اجمل ايام الخريف - طبعا خريف السنة دي ما حصل ربنا يتمو بس , والله جنس فكج وام جليلي يغطي عين الشمس .
تلفوني 0919937901
ودى
| |
|
|
|
|
|
|
| |
خالد المحرب
محمد عبد الماجد الصايم
الشامي الحبر عبدالوهاب
Mohamed Abdelgaleel
الامين موسى البشاري
haroon diyab
طارق عبد اللطيف نقد
معتصم دفع الله
محمد عمر الفكي
الطيب شيقوق
فيس بوك
تويتر
انستقرام
يوتيوب
بنتيريست