|
|
 بورداب امدرمان اجمعوا هنا
|
كل مرة ادخل المنبر بشوف بوستات لبورداب الشات بكل انواعه ومدن السودان اضافة الى المدارس والجامعات بينى بينكم الحكايه ده حرقتنى وقلته اتكل على الله واعمل بوست لاولاد وبنات امدرمان
طبعا الدعوة للشتات اقول نمشى لام در وتعودها ولناس الداخل ذكرياتكم من ام دفسوا وصابرين وسوق كرور والشعبى وليبيا والشهداء وذكرياتها والريفرا وامسياتها والطابية والمولد وبيت الخليفه وكما من فتيح لى صالحة والجموعيه برجاله وامبده زمان التراب وسوق العزبات جوار مقابر حمد النيل ومقابر ود قمرية وحفر ود دليق وكمان حديقة الحاره الاولى
نواصل
|
|
 
|
|
|
|
|
|
|
|
Re: بورداب امدرمان اجمعوا هنا (Re: abuarafa)
|
| Quote: خالد فهمي من مواليد ودأرو .. |
انتو يا ناس سوق الشجرة العتيق وكم تألمت لتزوير معالم سوق الشجرة باقامة غابة من الاسمنت فى وسطه ولكن عزاؤنا فى تلك الكناتين التى ما زالت شامخة وراسخة تحكى عن امدرمان وتاريخها العريض ولا ننسى سوق ام سويقه بيت المال فهذا السوق تربطنى به ذكرى طفولة فى معية ابناء اليمن الذين جاءوا الى السودان وكانت امدرمان ملاذ وام حنونه
امل من البعد ان تفضفض لنا عن منطقة الامير وددروا فهلا رجعت بنا ونحنن فى انتظارك .
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
محمد الجزولى
| Quote: أمدرمان فريق السوق جوار حارة أبوالعلا .. |
يا سلام على فريق السوق يا حليل ايام ابوالعلاء والحى المشهور بوجود الكرم الامدرمانى ولا انسى الطاحونة المشهورة (مسكونة) بالقرب من حيكم (حى الشهداء)وصدقنى كلما مررت بحارة ابوالعلاء وحى الشهداء يستوقفنى مبنى الطاحونة الشهيرة ونخيلها الباسق ام ان تجد من يحكى لنا عن حارة ابو العلاء
وفى انتظار الحكى منك
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
ابوعرفه
Quote: انا امدرماني بالانتساب يا بلدي حبوب
ممكن انضم ليكم |
بالانتساب فى امدرمان تعنى المواطنه الكاملة فامدرمان عاصمة السودان الوطنية وستظل هى الام والاب لك مواطن سودانى عبر الفيافى والغابات والمدن والارياف والحواكير انظر الى امدرمان تجد فى غربها خليط من جمال بلدى وطيبتها واريحتها وفى شمالها امتزجت الثقافات السودانية وفى جنوبها خلطة فريدة مابين الشمال وجنوبه وغربه وشرقه اماالشرق فنجد امدرمان تحبو على ضفاف النيل الخالد وهنا فى الوسط حيث بيت المال وبيت الخليفة وقبة المهدى وسجن امدرمان والاذاعة والتلفزيون والمسرح القومى ودار الرياضة والحديث يكثر فأنت ونحن نرفل فى عاصمتنا الوطنية .
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
الشفيع
Quote: ومعاك هنا
امبدة حالياً
وسابقاً اشلاق الشمالي وحي العمدة وودنوباوي
لك التحية يا حبوب
انت تأتي متأخراً خيراً من لا تأتي
-----------------
انت نسيت القماير وزقلونا |
هكذا امدرمان متى حليت باحد احيائها ستجد الذاكرة تتحتفظ به رغم هذا التنوع
انا ما نسيت لكن داير اولاد وبنات امدرمان يشاروكنى الذكريات وعلى فكرة القماير رغم زحف غابات الاسمنت على اطرفها وتعدد الاسماء الحديثة الا انها ما زالت القماير بكمائن الازيار والمزهريات والطوب الاحمر بجانب الاندياحات الليلية كمثلها فى بعض مناطق السودان فالقماير كانت قديما ملاذا للطرب وذكريات لكثيرين ولا ننسى القماير كانت وما زالت تروى ظماامدرمان والدليل الصهريج الشامخ وسط محطة المياة والقماير ارتبطت بالدراسة فى الجزء الغربى كانت امدرمان الاهلية وكنا ننتظم فى فرقة الكديت (التدريب العسكرى )ونجول القماير ومن الاشياء الطريفة عندما نجرى فى الطابور الكديتى صباحا تهرول امامنا جموع من الناس خوفا من الكشة
امل ان تواصل الذكريات حول تلكم المناطق التى كنت سعيدا بالسكن فيها
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
يديك العافية يا الشريف يا اخوي
والله اعدت لينا ذكريات عظيمة
يظهر انك الدفعة القدامنا في الاهلية الثانوية
الكديت والصول رمضان رحمة الله عليه
وميدان الرابطة ودنوباوي الجنب القماير والكورة المسخنة ديك والحكم "على الله" او "قلم الحواجب" الله يطراه بالخير وكان لامن تكون الحكاية مسخنة يجري جنب البيرق الجنوبي عشان يصفر نهاية المباراة ويقوم صوف جاري عشان ما يدقوهوه
بمشي وبجيك راجع
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
| Quote: ولا ننسى سوق ام سويقه بيت المال فهذا السوق تربطنى به ذكرى طفولة فى معية ابناء اليمن الذين جاءوا الى السودان وكانت امدرمان ملاذ وام حنونه |
بلدي ياحبوب
بيت المال من اجمل احياء امدرمان وعندي فيها ذكريات حلوه جداً
ام سويقه مازال شامخ واعتقد حالياً فيو ورشه بتاعة بولو ولحدي الليله في الاعياد بتلقى فيو العجلات والمراجيح
من اليمانيه مازال محل عباس اليماني موجود في مكانه حتى الان في بيت المال
ومن هنا بحيي اولاد بيت المال الـ(شفوت)
فرق شاسع طبعاً لمن تقطع شارع الازهري وتصل الملازمين محل الناس الـ(مرتاحين)
مؤونة عام من الود ولنا عوده ان شاءالله
| |
|
|
|
|
|
|
|
|
|
Re: بورداب امدرمان اجمعوا هنا (Re: الطيب شيقوق)
|
البصاص
انت امدرمانى على راى جحا وقلته ودنوباوى
| Quote: اموت انا في ود نوباوي ممكن اشترك ؟؟ |
انت اشتركت عديل وكمان بجنسية بس ما قلته ودنوباوى وين القراشات والله الهجرة والله حى السروراب ود البصير والله حى الجبلاب
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
الشفيع
| Quote: الكديت والصول رمضان رحمة الله عليه |
يا سلام على الذكريات الجميلة ايام عمك رمضان واستاذ عبدالرحمن مسؤول الكديت ولو تتذكر ظهر فى تلك الفترة صول اخر يدعى عبدالرحمن كان فى الاربعينات من العمر وكنا نخاف منه كثيرا اما عمك رمضان فكان حنين ممكن امشى معاك اكتر لو بتذكر البنا كمندان الكديت .
اما عن الليق والحكم على الله (قلم الحواجب) والحكم درمة كانت لهم ذكريات طريفة خاصة عندما تلعب فرق كررى ودنوباوى والاحرار والمهدية .
رجعتنا لايام الاهلية والحديث فيها لا يكمل انت تعال وان وراك فى الذكريات
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
الشفيع
| Quote: الكديت والصول رمضان رحمة الله عليه |
يا سلام على الذكريات الجميلة ايام عمك رمضان واستاذ عبدالرحمن مسؤول الكديت ولو تتذكر ظهر فى تلك الفترة صول اخر يدعى عبدالرحمن كان فى الاربعينات من العمر وكنا نخاف منه كثيرا اما عمك رمضان فكان حنين ممكن امشى معاك اكتر لو بتذكر البنا كمندان الكديت .
اما عن الليق والحكم على الله (قلم الحواجب) والحكم درمة كانت لهم ذكريات طريفة خاصة عندما تلعب فرق كررى ودنوباوى والاحرار والمهدية .
رجعتنا لايام الاهلية والحديث فيها لا يكمل انت تعال وان وراك فى الذكريات
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
علوبه
سلام والله مشتاقين
| Quote: امسك واحد من (قلبها) حي العرب |
ماذكر الغناء الا وظهرت حى العرب وانت كما قلت من قلب امدمان وامل ان تكتب لنا ذكرياتك عن عمالقة الفن والشعر حى العرب جيل سرور ومن بعده جيل الطاهر ابراهيم مرورا بجيل سيف الدين الدسوقى وعوض جبريل فى الشعر وفى الغناء ابراهيم عوض هذا الرقم الكبير واعلام قد لا تسعدنى الذاكرة لحصرها ولكن يا حبينا علوبة احكى لنا عن حى العرب وما تنسى بيوت اللبن الفيها البقر وكلاب حى العرب الجنتنا لم نكون ماشيي استاد الهلال
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
علي اليمين مننا صينية الدومة بعدها ناس ودازرق
وناس البنا والشيخ قريب الله
ودفع الله الحاج يوسف وناس الصادق المهي وبعدهم بيت الامام الهادي
لحدي ما تصل دكان موسى ودنفاش
شمالنا شارع ود البصير وبيت ناس نميري والهادي الضلالي
ووبيت ناس ميرغني حمزة وتصل ناس المليح والجبلاب
وداخلية البنات احييييييييي يا حليلها
ورانا حديقة العمدة قدانا بيت ناس الفاتح على التوم
وفضلمحمد علي ومريم بالجعلية
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
زهير
| Quote: أنا أمدرماني من حي الاسبتالية كل عمري في أم در وأنشالله ماأموت في مكان تاني غيرا |
هلا بناس حى الاسبتالية وجيران المدرسة الانجلية وفى معيتكم الفنان الاستاذ صلاح مصطفى وحى الاسبتالية معروف نعبره فى ليالى المولد فى ميدان الخليفة ولا انسى مجموعة ستات الشاى واللقيمات اما بوابة مستشفى امدرمان عند الفجر وتكاسى الفيت والموسكى والهتنر يا حليل ايام استبالية امدرمان والسلفة وحقن البنسلين ودفتر علاج طلبة امدرمان الاهلية المتوسطة كان العلاج بالمجان وللطلبة مربة السمك لزوم الصحة
بس احسن حاجة فى استبالية امدرمان هدم عنبر قصار الكان بورد احمد شرفى على طول واتذكر اى مريضة يكتبه ليها رقادفى عنبر قصار احسن لاهله يحضروا الكفن لانو عنبر قصار كان يشتهر بوجود الستارات الحمراء بين الاسرة وطبعا كان دليلا على تأخر حال المريض
الشئ العجيب زمان الزول فى المستئفى بمر بعدة مراحل عند الموت
مرحلة جوز الدربات (ملح-سكر) مرحلة ستارة حمراء نص نقل والمرحلة الاخيرة ستارة حمراء حجم عائلى ومن بعيد عينيك للكسترة ولمة النسوان وبعد ده كله حلك امكن زولك اقوم منها بالله مش زمان
طبعا حى الاسبتالية ذكرنا بالمستشفى والمولد وده موضوعه كبير والكلام فيه لا ينتهى .
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
الفاتح
Quote: الصناعات امدرمان... السوق الشعبي..الدلاله و الخرد..
وسوق الحمير سابقا ومصنع الحريه والريحه ووكالات الجلود
مصنع التلج و ومخازن التنباك وورش الحداده |
وامدرمان مصنع ريحة بت السودان والريفدور والمنطقة الصناعية ودلالة الاسلكى كما اسلفت وامامها استاد الهلال ومخازن الشوالات التحت الاستاد ومعهد امدرمان العلمى واتذكر كنا نصعد فى مبانى معهد امدرمان العلمى لمشاهدة هلال مريخ والشىء الجميل طلبة المعهد كان لاغلبهم من الارياف وكمان مولنات يعنى مافى زول بجنن علينا بس اتذكر السوارى لمن يلقى الامن مستتب امام جدران استاد الهلال بجىء يضايقنا فى مبانى المعهد العلمى وما تنسى مصنع الزهرة ومصنع شاى الصباح والحديث ذو شجون
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
7abib_alkul
| Quote: مواليد الثورة الحارة الرابعة حيث سوق الرابعة مستشفى البلك سينما الرابعة وبجيك بروقة |
كيف يا ناس سينماالرابعة والتى كنا ناتى اليها من الحارة الساته بعد المغرب لنشرب شاى اللبن المقنن فى قهوة الجعلى وبعدها الى معطم (صبير) لتناول وجبة الكوارع وينتهى الامر بنا بالوقوف فى صف الدرجة الثالثة لدخول السينما وخلال فترة تحرك الصف نكون قد انتهينا من اكل الطبش بالشطة وحملنا عيدان قصب السكر وفى هذه الحالة الفليم اكيد يكون هندى بطلع الساعة 930 ويبدا الدور الثانى 10 وطبعا فى السينما كان هنالك فتواتها (عرقلة- داموك-) طبعا ديل اشهرهم كل هذا الذكريات عن السينما كانت يوم الخميس
وفى انتظار بوحك عن الرابعة
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: Kostawi)
|
مكان الميلاد حاضرة تاريخ السودان مدينة بربر
امدرمان الثورة الحارة الحارة الرابعة من الصف الثاني ابتدائي ثم الحارة (11) من الصف الرابع الابتدائي وحتى الآن
الابتدائية مدرسة الحارة الثانية معلمنا الأستاذ والشاعر الكبير محجوب شريف
المتوسطة أمدرمان الأميرية ناظرنا محمد الصاوي والد حامد والصاوي
الثانوية وادي سيدنا الثانوية أعتقد أن مديرها حينها الأستاذ دفع الله الترابي . أستاذ الرياضيات الأستاذ عبدالكريم أستاذ الرياضيات الشهير .. وكان السفير علي قاقرين أيضاً من معلمي وادي سيدنا الثانوية وتركها حين دخولنا المدرسة
هذه ذكريات أمدرمان العطرة .ز حي العمدة مرسانا وراسنا عمنا أحمد النعيمه عليه رحمة الله وجدنا عبدالرحمن نديم (خال والدتي) ذكريات عطرة حي العمدة وودنباوي والثورة وسوق امردمان والمسالمة أيام لا تنسى أبداً
بالمناسبة سوق ودنباوي الجديد وفوله .ز دار الرياضة أمدرمان .. الهادي الضلالي رمز من رموز امدرمان وودنباوي بصفة خاصة .. امدرمات تجمعت وتشكلت معي العام المنصرم أغسطس 2009م حيث التقيت بأهلنا الطيبين في مناسبة عقد زواج ابنتي (اباء) في مسجد الامام عبدالرحمن بودنباوي وكان من بين الحضور الكبير أبناء امدرمان وودنباوي كوكبة من الرعيل الأول
في الحارة الرابعة كنا نسكن في نفس الشارع الذي فيه منزل الفنان الراحل عثمان الشفيع
في الحارة 11 شارع الشنقيطي المربع الأول من الحارة الشارع مقابل مؤسسة نون الغذائية (الشارع الذي يسبق شارع السينما مباشرة)
يليه الشارع المتجه لمستشفى البلك تقاطع هذا الشارع وأنت متجه للبلك على يسارك منزل الفنان الراحل بدرالدين عجاج وعلى يمينك منزل أسرة اللاعب عادل أمين (الدفعة وراي مباشرة )
لنا ذكريات عطرة في امدرمان أحاول استردادها بقدر الامكان
لك خالص التحية والتقدير
بصاص عشان كدا انت مريخابي مع ناس ودنباوي
| |
|
|
|
|
|
|
|
|
|
Re: بورداب امدرمان اجمعوا هنا (Re: فيصل النعيمه)
|
أمين محمد الحسن ... طارق عثمان ... جمال محجوب ... ياسر مدرسة الحارة الثانية الابتدائية يا ليت أعرف شئ عنكم الآن .. رشيد المهدية أيضاً أعتقد أنه كان في مدرسة الحارة الثانية الابتدائية
طارق حسن أبوعكر ... أيضاً امين محمد الحسن الأميرية المتوسطة
وادي سيدنا الثانوية : عاصم من بيت المال ... أعتقد أنه في امدرمان طبيب آخر مرة قبالته عام 1991م ... البلال ميرغني دفع الله /بحمد الله قبالته عدة مرات آخرها أغسطس 2009م ... معتصم ميرغني دفع الله شقيق البلال ومتقدم علينا بدفعتين الآن يعمل في الرياض طبيب وهو اول دفعة دخلت كلية الطب في جامعة الجزيرة / عطية الزهرة أيضاً كان في وادي سيدنا الثانوية منذ تخرجه منها لم أقابله .ز اعتقد أنه دفعة معتصم ميرغني أو الدفعة التي قبله ..حامد محمد حامد الصاوي قبالته في المدينة المنورة في التسعينات وبعدها لم أقابله شقيقه الأصغر الصاوي منذ تخرنا من وادي سيدنا لم أقبله ..
| |
|
|
|
|
|
|
|
|
|
Re: بورداب امدرمان اجمعوا هنا (Re: فيصل النعيمه)
|
امدر الحبيبة
الميلاد في العباسية شرق السكن تنقلنا في اكثر من حي
من العباسية الى السردارية التي كتب عنها الاستاذ شوقي بدري
وكنا جيرانهم نسكن في منزل عزالدين الحاقظ تقلد منصب وزير التربية والتعليم
يقابلنا في السكن ايضا ميرعني سوار الذهب (ودالشول) وهي ووالدته كني بها
جوارنا من الناحية الشمالية المعلم ادريس الهادي قبل انتقاله للعرضة
وهو الذي صمم النصب في صينية شارع العرضة مع الارسالية (التجاني الماحي) حاليا
وجيران من الجنوب بيت معتصم والواثق
ينتهي زقاق بيتنا شمالا في مدرسة الاخفاد الثانوية وجنوبا الشارع ثم منزل
وزير المالية في عهد عبود الاستاذ عبد الماجد احمد الذي يجاوره من الناحية الغربية
منزل ناس دقيل فريد اما منزلحارس مرمى المريخ والسودان عبد العزيز عبدالله
واخوانه فقد كانوا جيران شوقي بدري من الشرق
انتقلنا بعدها الى جنوب حي الهاشماب قرب شارع الفيل وجوارنا قاضي القضاة
مولانا احم هاشم من الجنوب ومن الشمال منزل رئيس القضاة عثمان الطيب وابنه الصديق نافع
ومنزل الشيخ جدو ومن هذا الحي الى الثورة الحارة 11 غرب مدرسة البنات ودكان عبيد
الدراسة العباسية الابتدائية , الجمهورية الوسطى وادي سيدنا الثانوية ثم الاهلية
درسنا على ايدي العمالقة(كرف, الغول, شداد)ثم الجامعة
محطات العمل كثيرة القوات المسلحة , الاتحاد الاشتراكي, وكالة السودان للانباء
السعودية
كل هذا الاحياء والمحطات فيها قصص وحكاوي نسردها شيئا
الجميل في الموضوع ان احياء امدرمان مترابطة ففي كل حي
ذكروه الاخوان لدي معارف واصدقاء كنت عندما انزل في المحطة الوسطى في امدرمان
في طريقي لموقف الشنقيطي اسلم على كل السوق
| |
|
|
|
|
|
|
|
|
|
Re: بورداب امدرمان اجمعوا هنا (Re: Kostawi)
|
د محمد الحسن
بالله شوف امددر جميلة كيف ذكرياتها رغم مرور السنين الا انها تتجدد مع كل الاجيال وتاريخ امدرمان منهج دراسى يدرس لابنائها فى مدرسة عريقة اسمها امدرمان الوفاء
واتذكر معك صينية الدومة وتعلم انها بعيدة من التقاطع ولكن فى حضورها الشامخ ابا ابناء امدرمان الا يخلدوها ولكن كما للانسان عمر هى الاخرى شاخت وغادرت الحياة وكان السبب صدمة واذكر حينها تجمع الناس حولها فى مشهد بكائى حزين واصبحت معلم بارزا ولا ننسى باصات ودنوباوى خط رقم 1 وكان يمر بشارع ود البصير ويتحرك من موقف العرضة امام جامع انصار السنة واكثر المحطات شهرة القراشات واتمنى ان يكون هنالك من يفسر لنا تسمية هذه المحطة بذلك
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
صفاء
Quote: ماهو عارف قدمو المفارق يا محط آمالي ..
ياخي زول ينزلا لينا ضروري[/QUOTE
عملت المستحيل لاجد رابط فىالانترنت لانزال هذه التحفة الغنائية امل مثلك ان نجد من يحتحفنا بها
يا سلام على الفتيحاب ومازال الخور صامتها يحكى عظمة حروف الشاعر تخليدا له
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
سلمى
حقيقة ما وجدته من معلومات قيمة فى البوست الخاص بك جعلنى اقول بمل فمى انامن العباسية حى الامراء فانت يا استاذة كتبته وابدعته وخلدته ذكرى لحى كان لامراء ثورة المهدية ومازال احفادهم يقطنون
وهنا اتذكر مكتب فواتير المياه والكهرباء لك امدرمان فى الجهةالغربية لمجلس بلدى امدرمان (محلية امدرمان) واتذكر التقديم الى الاراضى ومكاتب الموازين والمكاييل التى يحضر التجار لختمها واعتمادها من المكتب كما لا انسى هروبنا ونحن طلبة بادرمان الاهلية المتوسطة لحضور جلسات محكمة العمد التى كانت بالمجلس واكثر الاشياء التى حزت فى قلبى مدفع رمضان ونحن صبية نحضر من بيت المال لمشاهدة اكوام القماشات وهى تحشر فى فوهة المدفع استعدادا للافطار الناس على صوته
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
شوف الفرق المواصلات كانت بسيطة وساهلة كيف .ز ىخر موقف للطراحة كان ماسورة علي (النقطة التي تقع على تقاطع شارع النص مع الشارع المؤدي لمستشفى البلك) وآخر الحارات وقتها وأنت متجه شمالاً كانت الحارة السادسة يمين شارع النص والحارة الرابعة يسار شارع النص ، وكانت الحارة الثامنة حارة جديدة الكهرباء لم تدخلها بعد .. زمن يا زمن الناس كانت قتول نسكن بعد المقابر (مقابر أحمد شرفي) وكانت الثورة تسمى المهدية وهي الحارات الأولى والثانية والرابعة والخامسة والسادسة
| |
|
|
|
|
|
|
|
|
|
Re: بورداب امدرمان اجمعوا هنا (Re: فيصل النعيمه)
|
مااجمل الذكريات الامدرمانيةحين تتنزل الحروف بانامل ابنائها
واصلوا هذاالابداع فهو بمثابة نوته موسيقية تطربنى وتجعلنى اقف تحية واجلال لامدرمان ولكل الناس اللفى البوست واقول ليهم
امدر بلدنا للفن معلم بارز
ولكرة القدم ياهو السودان بشجع فيها
للتاريخ يمين معروفه
وكل مؤرخ سطوره بدايه بيها
فى الشرق النيل عيونه عليها
فى الجنوب ناس فتيح كرمن بيها
فى الغرب قلندهار ممثلة فيها
فى الشمال ود الطيب حارس ليله
وكل زول جانى تبقى ام برضع فيها
وساعود
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: ود الخليفه)
|
عن امدرمان ممثلة فى بيت المال والحاره الساته بقولكم يالله احكوا كلكلم
بيت المال كانت الطفولة البرئية وخرجت منها ببعض الذكريات الهامشية لا معاصرة ولكن تكرارا لما اسمعه وكانت البداية الحقيقة فى الحارة الساته بالمهدية وهى اول منطقة توزع كامتداد لامدرمان القديمة وكانت عبارة عن ست حا رات تبدا من الحارة الاولى مرورا بالحاره الثانية وكانت الحاره الثالثة فى ذلك الزمان منطقة عشوائية وبها العديد من البيوت التىتصنع بالوبر واهلها يعتمدون على السعية (تربية الاغنام والضأن) وتمتد الحارات لتصل الحارة الرابعة والخامسة والسادسة .
الحارة الساته تبدأ شرقا بشارع الوادى وتطل على حى الورضة اللاستقراطى وغربا تنتهى بمحطة السلالم مجاورة الحارة الخامسة وفى الشمال تقابل مدينة الرياض والحارة التامنه(الثامنه) اما فى الجنوب تقابل الحارة التالته( الثالثة) لاحظوا ان اهل امدرمان يغيرون من نطق الحروف كثيرا بحجة تدليل الاسم وخفته على اللسان .
الحارة الساته جمعت العديد من اهل الشعر والغناء والموسيقى والسياسة الحركة التعاونية ابان تلك الفترة قسمت الحاره الى اربع اجزاء الشمال الشرقى والشمال والغربى والجنوبى الشرقى والجنوبى الغربى بجانب الجمعيات الخيرية الاربع التى مازالت بالحارة تشرفت الحارة بسكن الشاعر ابراهيم العبادى وعلى مقربة منه الشاعر عبدالله محمد البنا شاعر البطانه المشهور وايضا شاعر العيون عبد الله النجيب وفى نفس الشارع نحج الفنان محمد عوض والفنان عبدالكريم عبد الله والفنان عبد الله محمد اما فى الموسيقى الموسيقار احمد زاهر وسيد قاسم وفى فترة الموسيقار بشير عباس والموسيقار كمال عركى وفى الغناء الحديث مجذوب انسة وسيف الجامعة وكانت امسيا ت الساته تعج بالعديد من الشعراء مصطفى سند سيف الدين الدسوقى ومحى الدين فارس الذى رحل اخيرا اليها حتى غاب عن دنيانا الفانية اما فى الجانب الاعلامى فنجد الاستاذ التجانى الطيب مدير الاذاعة وسونا والاستاذ والاستاذ شاذلى عبد القادر المخرج المشهور ومن الاذاعيين سكينة عربى ومحاسن سيف الدين والفاتح الصباغ وحديثا سوسن دفع الله اما فى الجانب الرياضى الاعب المخضرم عبد الخير صالح وابنه لاعب الهلال عصام عبد الخير ولاعب الموردة بشير عباس ولاعب الزهرة وكابتن الفريق القومى توفيق فضل السيد ولاعب الهلال بلاتينى ولاعب المريخ ابراهومة وفى السياسة البحارى ومكى المنا من وزراء حكومة عبود ومن الاعلام الحزبية بكرى عديل
ولا ننسى فريق الاحرار الرياضى بالحارة
نواصل
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
فيصل النعيمة
ما اجمل تساقط حروفك عن امدرمان وعن الذكريات وعن المهدية بصورة خاصة فانتم اكثر تميزا بحارات المهدية بوجود السينما ومستشفى البلك واذكر كانت الحارة الرابعة هى منطقة سياحية للحارات الاخرى من الاولى الى الساته
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
محمود بكر
حقيقة انت مثقل بالذكريات من العباسية الى ودنوباوى الى الثورات فأحياء امدرمان متى انقلت لها ستجدها تنتظرك بكل حفاوة وما ان يستقيم بك الامر حتى تجد اهل الحى الجديد ما هم الا امتداد للحى السابق وهكذا امدرمان
| Quote: في طريقي لموقف الشنقيطي اسلم على كل السوق |
بداية بشارع النقطة وقد تجد خطواتك تقف بك فى فرن الخواجة كوستى للخبر الطوسته لتتجه يمينا الى الملجة والتى اصبحت الا موقف للسيارات وتواصل عبر زنك اللحمة والخضار حيث الفراشات العديدة للخضر والفاكهة وكمان حاجات الدكوة وسوق الفراخ والبط والحمام حتى تشاهد اول عنقريب جديد معروض فى الدكان للتجه يمينا ومواصلات الثورة بالشقنيطى امام منزل الشقنيطى ولا تنسى سوق النسوان والان موقف سيارات ومن معالم تلك المنطقة عمارة اولا مرين لصبغة الملابس والشعر
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
ذكريات أمدرمان العطرة في عاصمة السودان الوطنية
الفنان عثمان الشفيع أيضاً يسكن الحارة الرابعة وفي باب بيته لوحة مكتوب عليها الذكريات .. كان لديه عربية فلوكسواجن .. تخيلوا هذه المتعة وهذه الشخصيات التي أثرت بفنها الشعري والأدبي والغنائي والرياضي السودان وخلقت منه لوحة تذكارية جميلة ونموذج ونسيج اجتماعي نادر الوجود في أي بلد آخر..
الفنان محمد الأمين أيضاً في فترة من الفترات سكن الثورة الحارة الرابعة (بيت ايجار) تخيل ذلك وهو مقابل لبيت عمنا المرحوم بابكر النعيمهذ
الإعلامية المذيعة سكينة عربي كانت تسكن الحارة السادسة
الفنان عوض الكريم عبدالله كان يسكن الحارة (11) في نفس شارع بيتنا الحالي وقد غني في حفل زواجي (الحنة) وكان ذلك يوم الخميس 24 /07 /1986م
طبعاً الزواج كان زمان يوم الحنة يوم منفصل وقائم بذاته وتبدأ مراسم الحننة قبل ويمين أو ثلاثة أيام بحفلات دكاكينية يحضرها أصدقاء العريس وأقاربه .. وقد بدأت مراسم حنتي يوم الاثنين 21 /07 /1986م ،ثم كانت السيرة لناس العروس وقتها كانت مقيمة ببربر فكانت السيرة بالقطار يوم الأحد 27 /07 /1986م وكانت مراسم الزواج يوم الاثنين 28 /07 /1986م والصبحية والجرتق يوم الثلاثاء 29 /07 /1986م ثم من بعد ذلك يسمح لك بأخذ عروستك ..
هذه جاءت عرضية من خلال ذكريات أمدرمان وكيف كان الزواج أيام زمان ..ز
الحارة الرابعة حقيقة كانت هي نقطة ومكان تجمع الأصدقاء والأصحاب والسمر حيث كان سوق الرابعة يتقابل فيه الصدقاء بعد صلاة المغرب لشراب الشاي باللبن (الحليب) المقنن
في سوق امدرمان أيضاً قهوة يوسف الفكي .. ويقابلك أيضاً اللاعب الموهوب بشارة سائق موتره .. ويقابلك أيضاً عزالدين الدحيش ومعاه دائماً محجوب الضب راكبين عربية لاركو ويزعوا في أحذية لاركو
في الهاشمبا مصطفى النقر ثم انتقل بعد ذلك إلى الثورة الحارة العاشرة ثم بعد ذلك إلى مدينة النيل
لنا ذركيات مع أحداث كثيرة وبالرغم من صغر سننا في ذلك الوقت من الأحداث سأحاول إعادة الذاكرة لأروي ما اتذكره منها
| |
|
|
|
|
|
|
|
|
|
Re: بورداب امدرمان اجمعوا هنا (Re: ashraf mukhtar)
|
ارجو المعذرة .. لأن سرد الذكريات غير مرتب .. وكلما اتذكر أقوم بتسجيله مباشرة في البوست ..
من أهم الذكريات والتي استعدتها الآن ذكرى وفاة الفنان الراحل المقيم ابراهيم الكاشف لا أدري كيف نسيت ذلك خلال ذكريات الحارة الثانية الابتدائية وقتها أعتقد كنت في الصف الثاني الابتدائي وكان وليد ابراهيم الكاشف زميلنا في المدرسة ، كما أن أخيه الأصغر (والله نسيت اسمه) فيما بعد كان أيضاً في مدرسة الحارة الثانية الابتدائية
امدرمان لها ذكريات حلوة وعطرة أما سوق امدرمان وشارع العدني وسوق الجلود والدهب وزنك الخضار واللحم والتيمان وقهوة عمنا نورالدايم وعمنا الترزي سوار النميري إن شاء الله أحاول إعادة شريط ذكرياتها فكانت لنا أيام وحكاوي جميلة
| |
|
|
|
|
|
|
|
|
|
Re: بورداب امدرمان اجمعوا هنا (Re: فيصل النعيمه)
|
د احمد
| Quote: مدينة الفن والسياسة والكورة وكل جميل |
ومدينة الطرفة ممثلة فى موسى ودنفاج بودنباوى وابوقبورة بحى السيد الملكى وعلى مستوى ظرفاء ملعب دار الرياضة بامدرمان نجد الكثرين منهم من ارتحل عن الدنيا الفانية واخرون تبدل بهم الحال وفضلوا العزوف عن دخول دار الرياضة وعلى سبيل المثال لا الحصر نجد ( وردى - البعاتى- ود الحاجة - كاك -مالك- ودب ) كانت هنلك مداعبات بين مساطب الدار خاصة عند دخول احد الظرفاء يبدا الصياح باسمه ترحبيا له ومن القصص الطريفة لبعض هؤلاء الظرفاء
العم وردى كان ياتى الدار منتشيا وويبدا فى الغناء الكجانة قوية والبديور يجبنا الاقنى عشية
اما كاك فهو صاحب محل لبيع الحمام والفراخ بزنكى امدرمان حين دخوله تتعالى الصيحات فى كل ارجاء الدار كاكاكاك وما ان يجلس فى مكانه الا وتسمع (ههههههههههههههههههههههههههههههى)
مالك تحبه من اول نظرة رجل ممتلىء البنية تبدو عليه البراءة فى كل شىء يعمله وتعود الجمهور حين دخوله الصياح وحين الجلوس بصوت واحد ( اااااااااااااوبببببببببببببببببببببههههه) طبعا بتكون موسيقية
اما البعاتى فهو رجل صارم التقاطيع خضر العيون
ودب على فكرة لم ااعاصره ولكن حكى لى احد الاصدقاء كان الرجل بعمل فى نظافة الجرادل الموجوده بالحمامات معروف ( ودباندية )وعند دخوله الدار الجميع يصيحون ( ودب ودب ودب ) والرجل يضحك
وفى مرى حضر ويحمل فى ليده جردل بلاستكيى صغير والناس فى المسطبة الجنوبية تكوريك ودب ودب ما اشتغل بهمك كعادته ولكن بعد وصوله الى اخر المسطبة رجع واخذ يغمس المكشاشة فى الجردل وي رش الجميع وحينها اصبح رواد المسطبه الجنوبية فى زحمة المواسير
هذا قليل عن امدرمان الكرة واخص (دار الرياضة )
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: فيصل النعيمه)
|
د احمد
| Quote: مدينة الفن والسياسة والكورة وكل جميل |
ومدينة الطرفة ممثلة فى موسى ودنفاج بودنباوى وابوقبورة بحى السيد الملكى وعلى مستوى ظرفاء ملعب دار الرياضة بامدرمان نجد الكثرين منهم من ارتحل عن الدنيا الفانية واخرون تبدل بهم الحال وفضلوا العزوف عن دخول دار الرياضة وعلى سبيل المثال لا الحصر نجد ( وردى - البعاتى- ود الحاجة - كاك -مالك- ودب ) كانت هنلك مداعبات بين مساطب الدار خاصة عند دخول احد الظرفاء يبدا الصياح باسمه ترحبيا له ومن القصص الطريفة لبعض هؤلاء الظرفاء
العم وردى كان ياتى الدار منتشيا وويبدا فى الغناء الكجانة قوية والبديور يجبنا الاقنى عشية
اما كاك فهو صاحب محل لبيع الحمام والفراخ بزنكى امدرمان حين دخوله تتعالى الصيحات فى كل ارجاء الدار كاكاكاك وما ان يجلس فى مكانه الا وتسمع (ههههههههههههههههههههههههههههههى)
مالك تحبه من اول نظرة رجل ممتلىء البنية تبدو عليه البراءة فى كل شىء يعمله وتعود الجمهور حين دخوله الصياح وحين الجلوس بصوت واحد ( اااااااااااااوبببببببببببببببببببببههههه) طبعا بتكون موسيقية
اما البعاتى فهو رجل صارم التقاطيع خضر العيون
ودب على فكرة لم ااعاصره ولكن حكى لى احد الاصدقاء كان الرجل بعمل فى نظافة الجرادل الموجوده بالحمامات معروف ( ودباندية )وعند دخوله الدار الجميع يصيحون ( ودب ودب ودب ) والرجل يضحك
وفى مرى حضر ويحمل فى ليده جردل بلاستكيى صغير والناس فى المسطبة الجنوبية تكوريك ودب ودب ما اشتغل بهمك كعادته ولكن بعد وصوله الى اخر المسطبة رجع واخذ يغمس المكشاشة فى الجردل وي رش الجميع وحينها اصبح رواد المسطبه الجنوبية فى زحمة المواسير
هذا قليل عن امدرمان الكرة واخص (دار الرياضة )
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
لؤى
Quote: بورداب أُم درمان الفي الدّاخل ؟
ولا الفي الخارج برضو ؟ |
كل اولاد وبنات وامدر ويكلفى ان تكون انت من الخارج واسرعت الخطىء للدخول يالله يا ناس الخارج اصلو الحكى عندكم وامدرمان اكيد فى شجنونكم اكثر تعمقا
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
اشرف
| Quote: تسجيل حضور ومتابعه |
حضورك مشرف
وللمتابعة هاك ده
فى امدرمان كانت الثقافة ومازالت فى كل الضروب واخص ثقافة دور العرض فما اكثر دور العرض بها نجد فى قلب امدرمان وفى السوق الكبير سينما امدرمان والوطنية امدرمان وفى العرضة سينما العرضة وفى بنانت سينما بانت وفى المهدية سينما الثورة وعلى فكرة المهدية كمدينة تم توزيعها للمواطنيين فى اول الستينات وتم تقسيمها على اول مهندس سودانى بعد ذهاب المهندس الانجليزى المرحوم حاج حسين وهو من ابناء بيت المال وللتاريخ الرجل اترحل عن دنيانا الفانية ولم يترك لاواده غير قطعة ارض بالحارة العاشرة بالثورة شوف الجيل ده عنده ايباء ونكران ذات كيف والمهدية تتكون من الحارات الاولى ولالثانية والثالثة (كانت مسكن للعرب الرحل ) والرابعة والخامسة والسادسة وتم بنائها من تراب الحارات من 7 الى الحارة 10 وكواذكر ونحن فى المرحلة الاولية كم فقدنا العديد من ابناء الحى والحارات الاخرى فى موسم الخريف شهداء فى برك المياه التى كان يقوم الاهالى باخذ التراب منها لبناء المهدية كانت وما زالت مدينة تتمتع بخرطة مميزة نجد فيها المصارف من الجانبين تتجه ناحية النيل كما بكل حارة بيارة للمياة وللاسف بعد ظهور تقنية ابار السيفونات اختلطت بها واصبحت مسببة لكثير من الامراض حتى الان بعد ربطها بالشبكة القومية بالقماير ما زالت بها العديد من الشؤائب اما فى جانب المدارس فنجد بكل حارة مدرسة اولية للبنات والاولاد وشفخانة بالحار الثانية ومستشفى البلك بالحارة الرابعة وايضا بكل حارة سوق متكامل ومساجد حتى الزرائب التى كان يعتمد الناس على حطبها وفحمها وما يخص المراة السودانية من دلال تم توفيره فى الحارة الخامسة وبها مكتب للبريد بالحارة الخامسة ومازال حتى الان شاهدا على ذلك وتتميز الحارة الاولى بتقسيمها على مخطط العلم البريطانى وبها حديقة كانت متنفس لكل المهدية والان اصبحن مقرا للنظام العام ز
وما زال هنالك الكثير
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
فيصل النعيمة
| Quote: ارجو المعذرة .. لأن سرد الذكريات غير مرتب .. وكلما اتذكر أقوم بتسجيله مباشرة في البوست |
الذكريات هى اغنية فنانا الراحل المقيم الشفيع من سكان الحارة الرابعة وابيضا الفنان محمد الامين سكن بها وفى الحارة الخامسة الفنان الجابرى وفى الحارة الاولى لو تذكر معركة مسجد انصار السنة لتنرحم على الضحايا فى هذا الشهر الكريم
ومنتظرنك
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
أمدرمان :
روضة البراعم (بيت أزهري)
مدرسة بيت المال الإبتدائية المذدوجة بنين (بيت المال)
مدرسة أبي كدوك المتوسطة بنين (أبو كدوك)
مدرسة التجارة الإنجيلية الثانوية العليا (الملازمين)
جامعة أمدرمان الأهلية (حمد النيل)
تلك حياتي ...
| |
|
|
|
|
|
|
|
|
|
Re: بورداب امدرمان اجمعوا هنا (Re: khalid fahmi)
|
خالد
رمضان كريم
وشكرا على الاضافة الجميلة والتى تؤكد ان البوست امدرمانى الصنع
اما شخصى
الحارة الخامسة الابتدائية بالمهدية
امدرمان الاهلية المتوسطة
امدرمان الاهلية الثانوية
معهد الاسلكى باب اللوق بالقاهرة
معهد المواصلات السلكية \
تحياتى
| |
|
|
|
|
|
|
|
|
|
Re: بورداب امدرمان اجمعوا هنا (Re: بلدى يا حبوب)
|
| Quote: امدرمان العباسية حى الامراء |
وشرحو .. زي ماقالت ( سلمى ) ... وبيتنا واقع جنب ركن روضة ضياء الربيع ! المزدانة ومفرهدة بي حديقة ميدان الربيع !
ومما قمنا وتبينا وربينا وطلعت علينا شمسها يابلدي ياحبوب ( الحبوب ! ) ، ..................... ونحن بنرشف من عبق طينتا الحلوة !
ومن لون ترابا الحنين ! وبنستمد مداد قلمنا البني ، من لون طيف سماها الشفقي الودود ! .. وبيتنا يابلد ياحبوب كان قدرو الجميل يقع
في العباسية شمال ! محفوف بميدان الربيع ! وشارع العرضة ! وخور العرضة ! وشارع الأربعين ! . وكان قدرنا الجميل يا حبوب نعاصر
عبدالدافع عثمان ، وعربي الصلحي ، و إبراهيم الصلحي ! ..... وكان قدرنا الجميل نعاصر ، العملاق صلاح أحمد إبراهيم ! و تلك العملاقة
فاطمة أحمد إبرهيم ، ونعيش جوة غابة الأبنوس ، ونستظل بي ضراها الظليل الوريف ! ......
وكان قدرنا الحلو الجميل ،، نعاصر جيل من ذهب خالص ! أو من ماس ! .. و نشوف ناس ( جكسا ) و ( يونس ) و ( زيدان إبراهيم ! )
وعبدالعزيز عبدالله ، وعلى سيد أحمد ، وإبراهيم دودو ، وأحمد أبكر ، وصديق أذية ... والطاهر العجلاتي .. وطاهرة ( العداءة ! ) ........
والحاج بهوية !
وبجيك راجع ياحبوب
تسلم
تسلم
تسلم
ورمضانك كريم
مامون .
| |
|
|
|
|
|
|
|
| |
بلدى يا حبوب
Safia Mohamed
khalid fahmi
محمد الجزولي
abuarafa
الشفيع وراق عبد الرحمن
أبو عبيدة البصاص
محمد فرح
علوبه
محمد عادل
زهير عثمان حمد
)
الفاتح علي التوم
7abib_alkul
حبيب نورة
الطيب شيقوق
د.محمد حسن
سلمى الشيخ سلامة
Kostawi
م. سيد احمد قدورة
ود الخليفه
المكاشفي الخضر الطاهر
لؤى
ashraf mukhtar
مامون أحمد إبراهيم
كمال سالم
فيس بوك
تويتر
انستقرام
يوتيوب
بنتيريست