|
|
|
 Re: لماذا لم تعطي العصاية لفرفور يا السر قدور ........... (Re: ود الباوقة)
|
ود الباوقة
Quote: ما كنت قايل السر قدور دا زول ( فسل )
بالدرجة دي ....
تاني يا فرفور جيب عصاتك معاك |
فرفور طبعا زعل شديد واكلها
بس قال كان عايز يطلع من البرنامج ويفرتك
مباشرة .
وقال نحن ما بنجي اغاني واغاني كايسين الشهرة
ولكن اشياء كثيرة بتدعنا نحضر لانجاح البرنامج
ياخي انا زعلت حتى ولو كانت مع اي شخص اخر وليس
صديقنا فرفور والعكاز والسيف زي مابتقول
في بيوت الاعراس بجروهو من اقرب زول ..
بالجد فسالةوتصرف قبيح لايشبه فنان .
ود الباوقة ياخي انت بتذكرني بناس الحوري ( الباوقة )
------------------
لكن ياود الباوقة يظهر العكاز عمك دا بقيف وبتسند عليهو
| |
 
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: وليد عبد اللطيف)
|
Quote: فرفور طبعا زعل شديد واكلها
بس قال كان عايز يطلع من البرنامج ويفرتك
مباشرة . |
اخي عبد اللطيف
فرفور رجل روحو رياضية وعلى قدر عال
من التهذيب وحسن الخلق ..
تصدق انا لما منعو العصاية تركت الحلقة ومشيت
وربما لن احضر اي برنامج للسر قدور دا تاني ...
| Quote: ود الباوقة ياخي انت بتذكرني بناس الحوري ( الباوقة ) |
ربنا يرحمو ويغفر له
شكرا لمرورك اخي عبد اللطيف
رمضان كريم
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: MOHAMMED ELSHEIKH)
|
Quote: لكن انا بدي لك جارنا السرقدور واحد هلو هسع
واطالب الخال جعفر محمد الشيخ باستدعاء السيد قدور بالشعديناب ومطالبته بتفسير لما حدث
دمتم عافية |
السر قدور لو عاش في شاع الديناب لما رفض
اعطاء عصايته لفرفور
ولكن قعادو في مصر فترة طويلة اثر عليهو
الحركات دي عندي اولاد يمية متفشية
| Quote: ود الباوقة يمكن الأحد الفطور في الرياض كان ربنا سهل |
يا زوووووووووول
اها حرم ما تفوتني ....
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: ود الباوقة)
|
ود الباوقة
Quote: ولكن قعادو في مصر فترة طويلة اثر عليهو
الحركات دي عندي اولاد يمية متفشية |
السر قدور لايستطيع التعامل مع الرجل والمراه السودانية بدبلوماسية وطيبة
كعادة السودانيين .. لذلك نصحة صديقة بعد ان تزوج مرتين من السودانية وانفصل عنهم
بأن المره السودانية مابتنفع معه والحل الزواج بمصرية وفعلا تزوج مصرية ..
ود الباوقة في اشياء لايقبلها الرجل السوداني
ولا حتى المراه السودانية ..
(ياربي حب يحتفظ بالعصاة لكي يرقص على الواحدة ونص )
ورقصني ياجدع
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: خالد عبد الله محمود)
|
Quote: السر قدور لو عاش في شاع الديناب لما رفض
اعطاء عصايته لفرفو
|
شيخ عمر رمضان كريم ياجميل
فعلا السر قدور طلع ماعندو شوية دين
من الشاع الديناب ديل كان اعطى فرفور
العصايه لان الزول لمن يهوش مفروض يجد
من يعينه على هذه الهوشه وعلى حسب خبرتى
المتواضعه فرفور عنده ملكة بتاعة صقريه جيده جدا
وعليه نطالب فرفور ان يكمل الناقصه وياتى بي
عصايته وجلابيه بيضاء اللون ولاباس من طاقيه
وهذا اضعف الايمان وكان لبس عمه بكون احسن
تحياتى الى اللقاء فى حلقة اليوم
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: خالد المحرب)
|
Quote: المتواضعه فرفور عنده ملكة بتاعة صقريه جيده جدا
وعليه نطالب فرفور ان يكمل الناقصه وياتى بي
عصايته وجلابيه بيضاء اللون ولاباس من طاقيه
وهذا اضعف الايمان وكان لبس عمه بكون احسن
تحياتى الى اللقاء فى حلقة اليوم |
شيخ العرب
اتخيلتك انت مكان فرفور وناسي عصاتك في البيت
ومع ايقاع الدلوكة شالتك البطحانية وجيت تاخذ
عصاة السر قدور وقام نتلها منك
والله انا هس بتخيل في منظرك وبضحك وشايف
ردة فعلك شنو
مودتي
ونتقابل مع الحبان يوم الجمعة باذن الله
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: خالد عبد الله محمود)
|
| Quote: ياخ الزول عمرو فوق الثمانين و يادوب بقدر يقيف بمساعدة العصاية .. |
اخي خالد
صحيح الرجل فوق الثمانين ولكنه يتخفف
كانه بان عشرين
ومرات عديدة هو وقف ورافع العصاية مما يؤكد
بانه لا يتوكأ عليها ولكن يهش بها اغاني الحقيبة
| Quote: فرفور زاتو عندو خفة و رشاقة ما عادية .. أصلاً الراقصلها شنو ؟؟ |
اخي خالد
الاغنية فيها دلوكة عجيبة خلاص وصدقني انا القاعد
في بيتي قمت اخذت لي شوية صقرية وسط ضحك عائلتي
ما بالك بفرفور فنان مرهف وقاعد معاهم جو الاستديو
يعني انا كان كنت معاهم كان البطان دور
رمضان كريم
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: وليد عبد اللطيف)
|
Quote: السر قدور لايستطيع التعامل مع الرجل والمراه السودانية بدبلوماسية وطيبة
كعادة السودانيين .. لذلك نصحة صديقة بعد ان تزوج مرتين من السودانية وانفصل عنهم
بأن المره السودانية مابتنفع معه والحل الزواج بمصرية وفعلا تزوج مصرية ..
ود الباوقة في اشياء لايقبلها الرجل السوداني
ولا حتى المراه السودانية .. |
والله يا عبد اللطيف انا لو كنت معاهم
في الاستديو كان قلعتها منو بالقوة
واديتا فرفور
صدقني مسخ علي الغنا ومسخت علي كل الحلقات
الفاتت من البرنامج حتى حقلة ترباس الرائعة
كسر الخاطر مسالة ما جميلة يا قدور
الجماعة ضيوف عندك يعني انت المستضيفهم
وكفاية قاعدين صابرين عليك انت تغني وتتحدث
باسهال اقصد باسهاب وهم كاظمين الغيظ
دا كلو احترما وتقديرا لك
تقوم تمنع فرفور من العصاية
ليه كدا بس .....
عبد اللطيف خلاص انا من امس تركت البرنامج
ورجعت لي ناس طاش ما طاش ....
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: ود الباوقة)
|
Quote: عندما صوقرت مع سيدي الرئيس حفظه الله ورعاه
وكان ذلك على انغام الاستاذ/ حسين شندي واذكر
الاغنية كانت ( دابي السار الرسى )
كان السيد الرئيس يحمل عصاه
وكنت انا ( اعزلا ) ولو قلت له بالله
عصاتك دي دقيقة لما رفض ذلك
فالرجل اخو اخوان ومتواضع لذا رفعه الله
في الدرجات العلا .... |
اللهم إني صائم
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: ود الباوقة)
|
ود الباوقة
Quote: صدقني مسخ علي الغنا ومسخت علي كل الحلقات
الفاتت من البرنامج حتى حقلة ترباس الرائعة
كسر الخاطر مسالة ما جميلة يا قدور |
بالجد شعور صعب لان فرفور واصل الرقيص من غير عصا وبداخلة الم ومزلة
فرفور فارس ومابرضى الحقارة في يوم من الايام ترباس رغم الحب الذي بينهم
مجودو ليك بسوط عنج لما عرف حاجة وعرف انه فرفور ما هايف
وبعدها رجع واعتذر لجمال فرفور ..
ياخي فرفور قال قبل يوم اتصل به عاصم البنا وقال له تعال بجلابية لان حلقة بكرة
دي فيها عرضه واغاني حماس وسيرة
وفرفور ثقافتة ضعيفة في لبس الجلابية السودانية والعمه لذلك اتى بهذا الزي الذي شاهدته
يعني مجهز شعوره ويجي عمنا السر امد الله في عمره يكسر بخاطرة
(ما اعرفش الزاي عم كدا )
ياخي شعور غريب تشوف انسان يكسر خاطره امامك ...
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: وليد عبد اللطيف)
|
Quote: وفرفور ثقافتة ضعيفة في لبس الجلابية السودانية والعمه لذلك اتى بهذا الزي الذي شاهدته
يعني مجهز شعوره ويجي عمنا السر امد الله في عمره يكسر بخاطرة
(ما اعرفش الزاي عم كدا ) |
اخي عبد اللطيف
شعرت بكسر الخاتر بائنا على وجه اخونا فرفور
لذا تركت الحلقة وتركت متابعة اي برنامج
يقدمه قدور
لدي عصاية لها معي 3 سنوات لم استخدمها منذ ان اشتريتها
مطبقة وقاعدة في السمسونايت
حالف ارجع السودان اديها فرفور
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: وليد عبد اللطيف)
|
هههههه عادي يا ناااااس وزي ما قال ليك
يا ود الباوقة وليد عكازو دا بيقيف ويستند عليهو
و يهش بها على غنمو وله فيها مآراب أخرى
والله بالغ عدييييييييييل مو مصري خايف
ما ترجع ليهو تاني والليلة عاملة ماتشن
مع البدلة و الكرفتا كمان ما تبالغو ،،
فعزرا اليوم لجمال (بابا أنجيدا) وأمسحا لي أنا
في وشي و عوافي وليد و ود الباوقة
وانت وين رمضان دسااااااك صاح ؟؟؟
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: yasir tamtam)
|
Quote: والله بالغ عدييييييييييل مو مصري خايف
ما ترجع ليهو تاني والليلة عاملة ماتشن
مع البدلة و الكرفتا كمان ما تبالغو ،، |
استاذنا وحبيبنا تمتام
غايتو انا كان محل فرفور كنت نتلت العصاية منو
وصوقرت بيها ورميتا واتخارجت من الحلقة
لانو المنظر يا اخ ياسر كان بايخ جدا ..
Quote: فعزرا اليوم لجمال (بابا أنجيدا) وأمسحا لي أنا
في وشي و عوافي وليد و ود الباوقة
وانت وين رمضان دسااااااك صاح ؟؟؟ |
بابنجيدا مفروض يكون مسلح
مش ....
| Quote: وانت وين رمضان دسااااااك صاح ؟؟؟ |
قررت مع نفسي الانقطاع عن المبر طوال شهر رمضان المبارك
لكن المسالة دي استفزتني جدا
بالذات انا من المعجبين جدا بالفنان فرفور .....
يعني صدقني لو نتلا من حمد الريح ما كان غضبت ...
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: ود الباوقة)
|
اوووووووووووو استاذنا وحبيبنا ياسر تمتام
ياخي نحن مانكون مجاملين
هذا البرنامج بدايته كنا نقول انه يفتقدك
ولكن مافيش حد سمعنا
وهذا بما تتمتع به بصوت جميل في اغاني الحقيبة واغاني الغير
السر قدور شنو لو عايز اغاني اثيوبية كنت وريتو الشغل
بس حركات منه بس ..
لو غنيت بس ( العلمك ظلمك ظلمك ياقبلي تهوى الجمال واستلمك )
كان كفاية وتكون مؤونه لاسعادنا شهر رمضان كامل
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: وليد عبد اللطيف)
|
يا ود الباوقه رمضان كريم
وتصوموا وتفطروا على خير
والله موضوع العصايه شايفو حرقك شديد
لكن فى موضوع تانى شايفك ما اشتغلت بيهو
فى واحد فى بوست ما متذكرو استنكر حكاية الباوقه اللذيذ تفاحا
طبعا الجماعه لمن وصلوا الثانوى موضوع البلاغه كانوا جماعتك لغوهوا
عشان كده حكاية الاستعاره المكنيه مع جامع الجمال فى كل دى ما سمعوا بيها
انت بتكون يا قريبى فتحت للموضوع لانه حساس عشان كده سهكتو ليهو
انا يا سيدى من المتمه وطبعا انت عارف الحاصل على اهلك الايام دى
اها يا خوى حوبتكم جات شوف لينا ناسك
اغتراب انقاذ اى حاجه الحقوا الجماعه ديل الحكايه ما تبقى عصى ساكت
تحياتى لك و لاسرتك ولمن معك.
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: ود الباوقة)
|
معليش يا قريبى
لكن قدور ده برضو ما طلع من الحدود(من الجيلى لى دامر المجذوب)
والظاهر عصايته ما بلعب فيها
بعدين الحكايه دى انا ما شفتها لكن قالوا تمت بسرعه شديده
حتى المخرج زاتو الظاهر ما لاحظ ليها لكن يا صاحبى
الظاهر انت كنت مركز على العصى
الغريبه الاغنيه كانت لناس توتى
يعنى لو جابوا ليك جبار الكسور
كان كسرت التلفزيون ولا كيف؟
خلاص موافقين على عدم الخلط لكن نكون
رايدنك ردود ما تتنطش
تحياتى
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: Al-Shaygi)
|
Quote: يعني العم السر قدور ده يقع في الواطه عشان فرفور يصوقر بالعصاية؟؟؟
ياخ العصاية دي كراعه البيقيف بيها زي عيونه الحدها في الشوف قزاز النضارة..... |
اخونا زمان الشايقي
يا اخي ممكن يقعد في الكرسي الصقرية كلها مدتها
اربعة دقائق ونصف وبعدين يقوم تاني بدل ما يحرج
الرجل
رمضان كريم
وكل عام وانت بخير
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: طه داوود)
|
ود الباوقة
Quote: بالذات انا من المعجبين جدا بالفنان فرفور .....
يعني صدقني لو نتلا من حمد الريح ما كان غضبت ... |
لا ياخ انا يادوب كان زعلت شديد لان هذا لاتصرف لايقبل مع اي شخص اي كان
Quote: طيب طالماانت من المتمة مفروض تكون زول عصي ومفروض
برضو التصرف دا يحرقك
ولا انا غلطان ... |
بمناسبة العصي احكي ليك
يوم والدنيا مكركبة قلت للعقيد عبد الرحيم الحوري انت قاعد كده وما خايف
لاشايل معاك سكين لاعصي اهلك
فضحك وقام قدم لي قلم فاخر ولونه احمر هل تصدق هذا القلم بضرب
جبخانة زي المافي شيء ودي حاجات كنا بنشوفها في التلفزيونات بس
ود الحوري قريبك عبد الرحيم رحمة الله علية
كان خبير بتاع زخيرة ومفرقعات
في يوم دخل واحد عليهو وقل ادبو فتح فيهو نيران حية زي المافي شيء
يازول الموت واحد والراجل لازم يكون فارس وقلبو حار..
لكن لقيتك مثله ياود الباوقة وماك بترضى بالحقارة وقهر الرجال
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: طه داوود)
|
Quote:
حكمة
تكون ليزر ياربى
ام عراقى وسروال
الاجابه التانيه اقرب للواقع
ماقت ليك قبل كدا لكن رمضان كريم |
لوووووووووووووولز ود المحرب بالغت والله
رمضان كريم عليكم يا اهلنا
الاخ ود الباوقة رمضان كريم تصوم وتفطر علي خير
ما شفت الحلقة لكن بيني وبينكم شيء محرج امام الزملاء والجمهور
اتلومت يا حاج قدور
والاخ جمال بكون اكلها في حنانو عشان الراجل اكبر منو وكدة
لكن اريتو كان وقف ليهم التسجيل مدام المخرجين ما بلاحظوا لهفوات قاتلة زي دي
كل عام والجميع بخير
| |
|
|
|
|
|
|
|
|
|
Re: لماذا لم تعطي العصاية لفرفور يا السر قدور ........... (Re: اسماء الجنيد)
|
| Quote: الاخ ود الباوقة رمضان كريم تصوم وتفطر علي خير |
وانت بالف خير يا رب 000000000
Quote: والاخ جمال بكون اكلها في حنانو عشان الراجل اكبر منو وكدة
لكن اريتو كان وقف ليهم التسجيل مدام المخرجين ما بلاحظوا لهفوات قاتلة زي دي |
فعلا بدأ التاثر واضحا على اخونا فرفور
لكنه رجل فنان شامل صوت وصورة واخلاق 000
رمضان كريم اختى اسماء
وكل عام وانتم بخير
| |
|
|
|
|
|
|
| |
معاوية عبيد الصائم
وليد عبد اللطيف
جمال محمود
MOHAMMED ELSHEIKH
ناصر احمد الامين
خالد عبد الله محمود
خالد المحرب
ادريس خليفة علم الهدي
yasir tamtam
د.محمد بابكر
Hisham Ibrahim
Al-Shaygi
طه داوود
اسماء الجنيد
عبد المنعم سليمان
معاوية الأرباب
فيس بوك
تويتر
انستقرام
يوتيوب
بنتيريست