|
هيثم مصطفى سبب المشاكل في الهلال
|
أتمنى من الجهاز الفني لفريق الهلال بعمل ساعة يومياً من الحصة التدريبية للتعود على باصات وتمريرات هيثم مصطفى سيدا .. إهدار الفرص ليس سببه تهور مهاجمي الهلال ..السبب بكل بساطة الخلعة البتصيب اللعيبة ديل من باصات هيثم .. هيثم بيخلع ...والله بيخلع .. باقي لي باصاتو ما باصات نوووو ..هيثم اظنو بيقول ليك ووووووه .. هيثم بيخلع المتفرج جوة الملعب..بيخلع المشاهد في التلفزيون ..بيخلع المعلق..بيخلع المدرب..بيخلع اللاعب .. اذا اراد الهلال الإستمرار في البطولة عليه بتعويد اللاعبين على تمريرات هيثم .. يقول ليهم هيثم ده مكار اتوقعو منو اي شي .. ما تتخلعوا يا اولادي دي باصات عادية ما بتعضي..
|
|
|
|
|
|
|
|
Re: هيثم مصطفى سبب المشاكل في الهلال (Re: Yassir Tayfour)
|
عمر الفاروق
بكون جابك الشديد القوي عشان ما قاعد تكتب في رمضان
علي الحسن مالك بذيع في مباراة الهلال وهلال بورتسودان
انقي استوبر هلال بورتسودان اخطا في التمريرة وجات هدية لصبري الحاج
واحرز منها هدفا
علي الحسن مالك قال
انقي ادا صبري الحاج باص لامن خلعو
عرفنا الخلعة من باص الخصم
لكن خلعة من باص الزميل دي عائزا ليها قعدة
| |
|
|
|
|
|
|
Re: هيثم مصطفى سبب المشاكل في الهلال (Re: khaleel)
|
عمر الفاروق ،، رمضان كريم
شوف متزمت ابوالقاسم بقول شنو
Quote: وقدم هيثم مصطفى واحدة من أجمل مبارياته مع الهلال، وأهدى كاريكا وسادومبا وبكري المدينة ومهند تمريرات ذهبية وضعهم بها في مواجهة المرمى، لكنهم فشلوا في ترجمتها إلى أهداف.
|
Quote: * أمس قدم هيثم مصطفى مباراة للذكرى، وأمسك بعصا القيادة بكل تمكن.
* منح هيثم زملاءه كماً مهولاً من التمريرات المريحة في مواجهة المرمى.
* وركض بلياقة ابن الثمانية عشر.
|
| |
|
|
|
|
|
|
Re: هيثم مصطفى سبب المشاكل في الهلال (Re: كمال مبارك)
|
Quote: ما تتخلعوا يا اولادي دي باصات عادية ما بتعضي.. |
_ مساعدة مطلوبة لو سمحتو ياخي من قبيل قاعد بتذكر المريخاب ديل كانو لاعبين مع فريق و في لاعب وقع و الحكم ما إشتغل بيهو و فجاءة جاتو الكورة راجعة قام من رقدتو وجاب قوون في زول منكم متذكر الفريق ده منو و اللاعب منو ؟
| |
|
|
|
|
|
|
Re: هيثم مصطفى سبب المشاكل في الهلال (Re: فيصل نوبي)
|
Quote: مساعدة مطلوبة لو سمحتو ياخي من قبيل قاعد بتذكر المريخاب ديل كانو لاعبين مع فريق و في لاعب وقع و الحكم ما إشتغل بيهو و فجاءة جاتو الكورة راجعة قام من رقدتو وجاب قوون في زول منكم متذكر الفريق ده منو و اللاعب منو |
دي ما مباراة ذات الخلعة
و تسمى ايضا بمباراة ذي القعدة
دي ما مباراة الصفاقسي المشهورة
و عمر الفاروق صاحبك ده فتح فيها بوست مشهور إسمه (الخلعة) يحكي فيهو قصص الوصيفاب عندما فتحوا جهاز التلفزيون ووجدوا المبارة 2 صفر بعد مرور خمس دقائق من البداية.
لم أتذكر إسم اللاعب و لكن عند الفاروق الخبر الاكيد
| |
|
|
|
|
|
|
Re: هيثم مصطفى سبب المشاكل في الهلال (Re: عمر عبد الله فضل المولى)
|
Quote: المريخاب ديل كانو لاعبين مع فريق و في لاعب وقع و الحكم ما إشتغل بيهو و فجاءة جاتو الكورة راجعة قام من رقدتو وجاب قوون في زول منكم متذكر الفريق ده منو و اللاعب منو ؟ |
فيصل نوبى ،، دى مباراة الرجاء البيضاوى ( مباراة ذات القعدة )
لاعب من الرجاء كان واقع ولم يوقف لاعبى المريخ الكورة لعلاجه ،، قام اللاعب جلس وعمل أنو
يربط فى الحذاء وفجأة كانت هنالك كورة معكوسه من ناحية الكونر الجنوبى الشرقى الحارس بهاءالدين
وسفارى تباطؤو فى أخراج الكورة ووجدها صاحبنا القاعد وأحرز منها الهدف الثانى ،، ومنذ ذلك الحين
سميت بمباراة ذات القعدة ،، هذا والله أعلم ،،، وادرك شهرذاد الصباح وسكت عن الكلام المباح ،،،
موعدنا القادم عن قصه مباراة ذات الخلعة ،،، حقوق الاسم للهلالى عمر بن الفاروق
| |
|
|
|
|
|
|
Re: هيثم مصطفى سبب المشاكل في الهلال (Re: كمال مبارك)
|
خليلوف وعمر الفاروق سلامات
Quote: علي الحسن مالك بذيع في مباراة الهلال وهلال بورتسودان
انقي استوبر هلال بورتسودان اخطا في التمريرة وجات هدية لصبري الحاج
واحرز منها هدفا
علي الحسن مالك قال
انقي ادا صبري الحاج باص لامن خلعو
عرفنا الخلعة من باص الخصم
لكن خلعة من باص الزميل دي عائزا ليها قعدة |
ياخي محمود انقى يالللللللللللللللللللللللللللللللللللة كان لاعب قوي ويلعب الاحدى عشر خانه وحضر لي في البيت من بورتسودان عندما سمع بمرض والدتنا لكن الكلام دا ذكرتنا ليهو وسوف يتعب معانا وله طرائف كثيرة معنا بفرقة ( الكتيبة) الشعبية
هيثم البرنس يافاروق اذا لم يخلع لايستحق لقب البرنس ياخي هيثم والعجب ديل من كوكب اخر تقول تكون لاعب ضدهم وتستمتع بلعبهم وتمريراتهم الساحرة تسحر الخصم وتخلع الزميل كما تقول
| |
|
|
|
|
|
|
Re: هيثم مصطفى سبب المشاكل في الهلال (Re: الصادق صديق سلمان)
|
يا جماعة الله يرضى عليكم سيبو قصة حاكو حاكو دي وتقوموا تحشروا لينا العجب في قصة الخلعة دي اللهم إلا إذا قاصدين الخلعة الخلعة ديك .. بالجد كده البوست مسخ لي لما لقيت الناس بتجيب سيرة فيصل العجب في المسلسلة المتواصلة بتاعت تشبيه العجب بي هيثم .. أها كمان خلو العجب يطلع ليهو بيان !! ياخ هيثم ده لعب ليهو باص بي كعب الرجل لحدي اسة المخرج ما فاهم يعيدو كيف.. بجيكم كان ربنا هوون
تخريمة : سيقدم هيثم مصطفى موسم إستثنائي ومن مباراة لأخرى سيواصل الخلعة ..
| |
|
|
|
|
|
|
Re: هيثم مصطفى سبب المشاكل في الهلال (Re: عمر الفاروق)
|
Quote: فيصل نوبى ،، دى مباراة الرجاء البيضاوى ( مباراة ذات القعدة ) |
لا ابدا
دي مباراة الصفاقسي
مباراة الخلعة الجد جد
الهدف الاول جاء قبل بداية المباراة اول ما تم نقل المباراة كانت إعادة الهدف الاول الهدف الثاني جاء قبل الدقيقة الخامسة. الهدف الثالث هو هدف ذي القعدة. الهدف الرابع هو هدف ذي الخلع لانه ظهر بعده مشجع وهو يخلع فنلته الحمراء و يكتفي بالفنلة الداخلية البيضاء.
في مريخابي إشترى كرت الإي ارتي عشان يحضر المباراة و طلع مع الهنود في السطوح عشان يظبطوا الطبق و معاهم طبعا تلفزيون صغير لزوم ضبط الاطباق. أهه كلوا ما يحركوا الطبق إلى إتجاه العداد يزيد هدف في الشاشة. يعني في البداية 1 صفر و الصورة ما تظبط يقوم يحركوا الطبق شوية الصورة تجي و النتيجة 2 صفر شوية كمان 3 صفر زولك زعل و قال ليهم ما عاوز كرتكم ده. المصدر : بوست الخلعة لعمر الفاروق عشية مباراة الصفاقس المشهورة.
| |
|
|
|
|
|
|
Re: هيثم مصطفى سبب المشاكل في الهلال (Re: عمار يس النور)
|
Quote: في مريخابي إشترى كرت الإي ارتي عشان يحضر المباراة و طلع مع الهنود في السطوح عشان يظبطوا الطبق و معاهم طبعا تلفزيون صغير لزوم ضبط الاطباق. أهه كلوا ما يحركوا الطبق إلى إتجاه العداد يزيد هدف في الشاشة. يعني في البداية 1 صفر و الصورة ما تظبط يقوم يحركوا الطبق شوية الصورة تجي و النتيجة 2 صفر شوية كمان 3 صفر زولك زعل و قال ليهم ما عاوز كرتكم ده. المصدر : بوست الخلعة لعمر الفاروق عشية مباراة الصفاقس المشهورة.
|
لوووووووووووووولز دي عجيبة يا عمار مبالغة عديل مساكين الهم العليهم ما شوية لكن الحمد لله صاحبنا ده ما جاء واقع من طولو الكورة تطير خاصة قلت لي كان في السطوح لووووووووووول كل سنة وانت طيب الاخ عمار
ود الفاروق بركة الجيت بركة الجيت يا يابا قولوا ما شاء الله يا جماعة لهيثم ما تقشطوه لينا وتتوكوه علي قول اهلنا ربنا يحفظ البرنس ورفاقه وكل سنة وانتو جميعا بالف خير
| |
|
|
|
|
|
|
Re: هيثم مصطفى سبب المشاكل في الهلال (Re: اسماء الجنيد)
|
Quote: والله أمس بدّع مع الليبين عملتو ليه عمرة كاملة وللا شنو؟ |
عمل ليهو عمرة عمممرة بضم العين وفتح الراء .. لكن طبعا ( عمرة )الفاروق دى اصلها ما ممكن تكون كاملة .. لازم تتخللها بعض الشنافات ويكون فى سرو بقول دا مقبل كدا لييه دا فتحوا بى جاى ما صاح وكدا ...
ــــــــــــــ انجهو انجهو .. هسه دى ياها الفكتك من القيد ؟؟؟
| |
|
|
|
|
|
|
Re: هيثم مصطفى سبب المشاكل في الهلال (Re: زول ساكت)
|
نزار حسين
Quote: شايفك عايز تزرق السيخة دي في السقف كم مرة يا وليد وماك لاحق...
ياخ العجب شنو...بقي يلف زي بنطون رفاعة... العجب شنو البتختو مع هيثم... |
ياخي ظلمت العجب لكن بيني وبينك بعد كورة هيثم الاخيرة دي يفترض يعتزل بعد كدا ويفعلها كما فعلها زين الدين زيدان ويختم حياته كبيرا في نظر محبيه ياخي خلاص كفاية عليهم ويفترض يتركوها قبل ما الجمهور يقبل عليهم
| |
|
|
|
|
|
|
Re: هيثم مصطفى سبب المشاكل في الهلال (Re: وليد عبد اللطيف)
|
QuoteQuote: : فيصل نوبى ،، دى مباراة الرجاء البيضاوى ( مباراة ذات القعدة )
لا ابدا
دي مباراة الصفاقسي
مباراة الخلعة الجد جد
|
عمار يس ،، رمضان كريم ،،، يا خى ما تلخبت علينا الذوات ساى
ذات الخلعة فعلاً دى مباراة الصفاقسى أحرز الهدف الاول لاعب الهلال الحالى أمبيلى
أما مباراة ذات القعدة دى مباراة الرجاء البيضاوى ،،، معلش يا عمار تشابة عليك البقر
طيب مباراة سيزيكو الزامبى يسموها شنو ذات الحجارة
| |
|
|
|
|
|
|
|