|
Re: في ربيع الحُب كُنا ...منتدى دال الثقافي ( توثيق مصور ) (Re: عمر عشاري)
|
هذه المرة سيكون المُنتدى في النادي الألماني بالعمارات شارع 1 إستجابة من المنتدى لدعوة إدارة النادي الكريمة
عشرون بطاقة دخول أستطيع توفيرها لعضوية المنبر
الرجاء إرسال رسالة على البريد الإلكتروني للمنتدى
أو الإتصال على الرقم 444163 بحري من الساعة الرابعة وحتى الخامسة من عصر الغد الإثنين الموافق 16/ 8
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: Adil Osman)
|
Quote: ارجو يا عشاري ان تلفت نظر مصمم البوستر الى خطأ طباعة كلمة (يقدمها) في السطر:
|
عادل عثمان
سلامات ياصديقي
شكرا جزيلا على لفت نظرنا للخطأ لم انتبه له إلا بعد إشارتك له
يبدو ان رمضان قد داهم الأخوة في التصميم
طبعا معينات العمل مافي طريقة ليها في نهارات الشهر الفضيل
أما الدكتور يعقوب إن كان هذا يزيد من إثارة الموضوع فهو طبيب نساء وتوليد
إلا أنه غزير المعرفة ومعروف بحبه للمجال الفني
ويُقال أنه أفضل من يتحدث عن سيد خليفة
شكرا لمرورك وتعليقك المفيد
أغلب تصاميم كروت المنتديات الثقافية بدال يقوم بها الأخ الفنان / عماد عبد الله
إلا أنني لا أدري بخصوص التصميم أعلاه
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: عمر عشاري)
|
Quote: شكرا جزيلا على لفت نظرنا للخطأ لم انتبه له إلا بعد إشارتك له
يبدو ان رمضان قد داهم الأخوة في التصميم
طبعا معينات العمل مافي طريقة ليها في نهارات الشهر الفضيل
|
ما فهمت كلامك عن معينات العمل في نهار رمضان. عليهم ان يصمموا بوستراتهم بعد افطار رمضان إذن. حين يذهب الظمأ وتبتل العروق ويصعد دخان التبغ أو سوائل الشاي والقهوة الى ادمغتهم المنهكة.
كما انني لم افهم كلامك عن زيادة الاثارة في الموضوع كون الدكتور يعقوب عبد الماجد طبيب نساء وتوليد. ما تقصد بالاثارة؟ ولماذا تزيد الاثارة؟ وما هو الموضوع اصلآ؟
هل ترد يا عمر عشاري على تنبيهي لخطأ الكلمة في البوستر وسؤالي عن الدكتور يعقوب عبد الماجد المتحدث الرئيس في الندوة؟ أم ترد على خيالات في ذهنك ما أدري صلتها بتنبيهي وسؤالي؟
ارجو الا تكون ممن يعطون اذانهم للكاذبين والحاقدين.
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: ناذر محمد الخليفة)
|
Quote: كما انني لم افهم كلامك عن زيادة الاثارة في الموضوع كون الدكتور يعقوب عبد الماجد طبيب نساء وتوليد. ما تقصد بالاثارة؟ ولماذا تزيد الاثارة؟ وما هو الموضوع اصلآ؟
هل ترد يا عمر عشاري على تنبيهي لخطأ الكلمة في البوستر وسؤالي عن الدكتور يعقوب عبد الماجد المتحدث الرئيس في الندوة؟ أم ترد على خيالات في ذهنك ما أدري صلتها بتنبيهي وسؤالي؟
ارجو الا تكون ممن يعطون اذانهم للكاذبين والحاقدين. |
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: Hussein Mallasi)
|
تحيات يا حاج و رمضانك كريم ..
شاكر للأخ عادل عثمان تنبيهي للخطأ الوارد في الدعوة .. معليش .. دقسة رمضانية . لحقناها غايتو في باقي المطبوعات المصاحبة .
حاج عمر ياخي كان في رمضان ده عفيتونا من النقه الكتيرة و بهلتوا لينا الغنا يكون كتر خيركم .. سيد خليفة كنوزو ماليها حد و لا عد .. فبالله كتروا لينا منها قدر ما الله اداكم .
مشكور يا حاج .. و صيام مقبول إن شا الله .
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: عمر عشاري)
|
Quote: ما فهمت كلامك عن معينات العمل في نهار رمضان. عليهم ان يصمموا بوستراتهم بعد افطار رمضان إذن. حين يذهب الظمأ وتبتل العروق ويصعد دخان التبغ أو سوائل الشاي والقهوة الى ادمغتهم المنهكة.
كما انني لم افهم كلامك عن زيادة الاثارة في الموضوع كون الدكتور يعقوب عبد الماجد طبيب نساء وتوليد. ما تقصد بالاثارة؟ ولماذا تزيد الاثارة؟ وما هو الموضوع اصلآ؟
هل ترد يا عمر عشاري على تنبيهي لخطأ الكلمة في البوستر وسؤالي عن الدكتور يعقوب عبد الماجد المتحدث الرئيس في الندوة؟ أم ترد على خيالات في ذهنك ما أدري صلتها بتنبيهي وسؤالي؟
ارجو الا تكون ممن يعطون اذانهم للكاذبين والحاقدين. |
عادل
انا في أسوأ كوابيسي لم يعبرني خاطر أن ردي أعلاه يمكن أن يُغضب أي أحد
وعندما أعدت قراءة ماكتبت ...تخيلتني انت ...ثم إستعنت ببالغ سوء الظن ...وإفترضت في عمر عشاري هذا المرض والغرض وخبث الطوية وبشاعة النية وسوء الأدب فلم اجد اليه مدخلاً ...وما وجدت في حديثه مايُغضبني كعادل عثمان
ثم أعدت قراءة رده - عمر عشاري - هذا بإفتراض معارك قديمة أو ردود جاوزت الأدب في يوم ما ...فلما بحثت في ذلك لم أجد مايعينني كعادل على ماذهبت اليه
ثم قرأته ثالثا بصورة مطلقة إن كان فيه مايُغضب مستعينا بنفس مُعقدة وحراق روح ونزوع فطري تجاه الشجار وتحويل أي حديث عادى ( او لطيف ) كما كنت احسب إلى معركة مُضحكة ...فوجدت أن عمادا يمكنه في هذه الحالة أن يغضب ذلك أنني أشرت أنه يقضي رمضان بلا معينات ثم نظرت إلى كل ذلك وضحكت من نفسي وإستغربت أيما إستغراب فيك ثم تبسمت وانا أقرأ ردك المسكين
وودت لو سألتك عن كيف يمكنني الرد عليك بألطف مما رددت ؟
ثم من هم الكاذبين وفيما يمكن ان يكذبوا ؟ ومن هم الحاقدين وعلى ماذا يمكن أن يحقدوا؟
وأين أذاني ؟ وكيف أعطيهم لها ؟ ولماذا ؟ وعشان شنو ؟ والحاصل شنو ياااااازول ؟
أقول ليك حاجة
أنا آسف متأسف جدا وحزين
كنت قد خاطبتك بصديقي ...لذلك أنا حزين ساعيد الرد عليك بما لايغضبك في المداخلة القادمة بحيث لو إستعنت بأسوأ فيما سوء النية لن تجد الي سبيلا
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: عمر عشاري)
|
Quote: امسية جميلة ارجوها لكم. ارجو يا عشاري ان تلفت نظر مصمم البوستر الى خطأ طباعة كلمة (يقدمها) في السطر:
Quote: مع نماذج غنائية (يقدهمها) الفنان: ياسر عبد الوهاب
تحياتي للفنان عماد عبدالله إن كان هو الذي صمم البوستر.
من هو الدكتور يعقوب محمد عبدالماجد؟ هل هو ناقد موسيقي/غنائي؟ |
أستاذ عادل عثمان
تحية طيبة
أشكرك على تمنيك لنا سهرة جميلة
سألفت نظر المصمم للخطأ
سأوصل تحياتك لعماد عبد الله
لا أدري إن كان هو من صمم البوست
الدكتور يعقوب ...طبيب نساء وتوليد سوداني لا ادري إن كان ناقد موسيقي او غنائي إلا انه يتكلم في الفن
أشكرك
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: عمر عشاري)
|
Quote: تحيات يا حاج و رمضانك كريم ..
شاكر للأخ عادل عثمان تنبيهي للخطأ الوارد في الدعوة .. معليش .. دقسة رمضانية . لحقناها غايتو في باقي المطبوعات المصاحبة .
حاج عمر ياخي كان في رمضان ده عفيتونا من النقه الكتيرة و بهلتوا لينا الغنا يكون كتر خيركم .. سيد خليفة كنوزو ماليها حد و لا عد .. فبالله كتروا لينا منها قدر ما الله اداكم .
مشكور يا حاج .. و صيام مقبول إن شا الله . |
عماد يا أخوي
يعني إنت مازعلان ؟
وكمان انا مشكور
وتمنيات بصيام مقبول كمان
ماهو يا إنت مابتعرف تزعل
ولا انا مابعرف أقرأ ولا أكتب
ولا عادل ده مهكر
ياجماعة
الفضول الآن أكبر من الجوع والعطش وتحليل ماحدث
اهم من كباية شاي
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: عمر عشاري)
|
Quote: سلام يا عشارى ..
خلينا من العشاء انا بتكلم عن البريستيج يعنى الجلسة طاولة ولا كراسى ؟؟ ودا يعتبر حجز ولا اتصل تانى للحجز .. ؟؟ ( جهجة BNT ما بتنفع معانا )
-------------
اها وبرضو العشاء كيف ؟؟ |
تبلدينا ياصديقي
ده يُعتبر حجز
معاك زول تاني ولابراك ؟
العشاء على حسابي
نظام القعده ترابيز وكراسي
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: عمر عشاري)
|
رمضان كريم للجميع , و تقبل الله طاعاتكم جميعا
حقيقة ذهلت لمداخلة عادل عثمان و كتابته فى حق الأخ الخلوق عمر عشــارى (لست هنا فى موقع الواعظ) و لكنها كلمات يجب أن تقال.
أنا هنا غير مدفوع بزمالتى لعمر فى العمل, و لكن الحق يقال أن عمرا شخصا تحترمه حتى و ان اختلفت معه فى الرأى.
عزيزى عمر, لا عليك كن عمرا الذى نعرف.
لك كل الود
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: Osama Siddig)
|
Quote: عزيزى عمر, لا عليك كن عمرا الذى نعرف.
لك كل الود |
يا أسامة ياخ كتر خيرك
ريحتني الله يريحك
والله أنا بديت أقتنع إني عملت حاجة غلط ...ياخ الزول ده لمن شبكني
ماهي الإثارة ؟ ومالذي يجعل الموضوع أكثر إثارة ؟ وشنو كده مابعرفو قصدك شنو بكلمة إثاره
أنا حسيت بنفسي قليل الأدب عديل
ماهو انا الجبت الكلمة دي وكان قصدي إنو طبيب بشري في موضع النقد الفني بتدي الموضوع نكهة في ظل وجود عمالقة النقد الفني ...وحبة مُبالغة كده
على وزن تعالوا لهذه الندوة المثيرة ...ترويج وكده بس
أسامة إنت عارف حاجة داسيها مني بخصوص الرد دة
غايتو
كتر خيرك على الكلام الطيب
هي الدنيا دي شنو غير كلام طيب
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: عمر عشاري)
|
Quote: شكراأخي عشاري على هذا البوست وهذا الإحتفاء بالفنان القامة سيد خليفة عليه رحمة الله.
وأتمنى لكم قضاء سهرة رمضانية ممتعة مع الصوت الرائع أخي وصديقي الفنان ياسر عبد الوهاب
ولو أخرتوها شوية كان بنحضرها معاكم لكن للأسف حضورنا للسودان ح يكون يوم 18/8/2010م.
وإن شاء الله نقدر نشوفها مقاطع فيديو لوأمكن في الموقع ، لكم التحية وأنتم توثقون وتكرمون هذا
الفنان الرائع ، رحم الله أبو منتصر وأسكنه فسيح جناته. |
الأخ العزيز
حسن إبراهيم خليفة
سلامات
سمعت من بعض الناس أن ياسر عبد الوهاب أفضل من يُغني لسيد خليفة
كنت اتمنى وجودك وانت أحد عشاق الراحل الفنان سيد خليفة
على كل حال
منتدانا القادم عن عائشة الفلاتية
أرجو أن تتصل بي بمجرد حضورك لتجهيز بطاقات الدعوة والتشرف بمعرفتك ياحسن
شكرا على تمنياتك الطيبة
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: عمر عشاري)
|
الاخ عمر عشاري سلامات ياخي انا كتبت تعليق لم يعجبك. لماذا لم تسألني مباشرة في استيضاح تعليقي؟
انا قرأت ردك على سؤالي وتنبيهي للخطأ في البوستر وفهمته على قدر عقلي. اعتذر لك إن كنت رأيت في ردي سوء ظن بكتابتك. واللغة كما تعلم تقبل التأويل والتفسير. ولا يعتد بحسن النوايا في هذه الحالة. على كل حال اعتبرني مجنونآ كما يرى ملاسي. وهذه صورة حديثة لي في انقلتره يوم السبت 14 اغسطس 2010 الا يبدو على ملامحي الجنون؟ من اوهامي اننى مبدع، والابداع قرين الجنون احيانآ.
آسف يا عمر عشاري اشد الأسف. لو قادك فضولك الآن الى البحث عن الحقيقة ستجدني من اكثر الناس سعادة. فأنت شاب مجتهد ومثقف ويرجى منك الكثير.
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: Hussein Mallasi)
|
Quote: الا يبدو على ملامحي الجنون؟
|
بل يبدو على ملامحك رصانة ورزانة ياعادل
وتابعتك في الكثير من المداخلات في البورد وخامرني إحساس بأنني أعرفك
عرفتك كرجل ذو مواقف متسقة ترفض الظلم والجور وعلاقتك بالناس طيبة
وفي كل ما لحظته من مداخلات تخصك
وجدتك رجل مرتب ...ردودك تنم على فهم ماكُتب
ولما كنت أرى فيك شخصا أحترمه
فجعتني مداخلتك التي وجدتها هذا الصباح وكنت لما قرأت إسمك لم أشك للحظة أنها مُداخلة تصب في صالح الخير والنقاش الموضوعي فلما قراتها أحزنتني والله ياعادل هكذا بلا مبالغات
حزن محض ...ومحض حُزن وسألت نفسي
ماذا أصاب الناس ومن أين تأتيهم شهوة العراك
عراك مجاني ليس له مايسنده هذا المنبر ملئ بالناس المستعدين دوما للخصام والشجار والسباب وأنا ياعادل لو قرأت كل مداخلاتي لن تجد إساءة واحدة ...إطلاقا
أُفكر قبل أن أكتب ...
على كل حال
إن كان مافات يفرق بين الناس فهذا يعني ان ماكتبته مجرد شعارات
أنا صافي القلب تجاهك وسعيد بكلماتك في حقي التي أتمنى ان أستحقها حقا
ولك مني الود كامله وعميق الإحترام
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: Adil Osman)
|
يا عمر عشاري سلام استوضحتك. فاوضحت. وبان لي ما كان ملتبسآ. اشكرك. واتمنى لك التوفيق والتقدم في كل خير وعمل نزيه تمنحه عقلك وقلبك. تداخلت معك كثيرآ. ولا اعرفك شخصيآ. ما بالضرورة ان اعرف كاتبآ هنا شخصيآ حتى اتداخل معه. فأنا لست من انصار الشلليات والعصابات.
اعتذر لك. وما في قلبي إلا الخير. نشاطات مجموعة دال جميلة وتستحق المتابعة والتشجيع. وما التنبيه الى خطأ هنا أو هناك إلا سعيآ نحو الاجادة والتجويد والتفوق. حيث لا مقياس يا سودان إلا الكمال. ليتني كنت في الخرطوم. كنت حضرت هذه النشاطات. فهى تضيف الى الوعي والاستنارة والترفيه في البلاد.
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: Adil Osman)
|
صباح الخيرات يا حاج .. يا محمد معتصم و عوض الله و ابونا القدال .. و ناس اللجنة كلهم .. صباح الخير يا فتحي .. شفتوا الصباح ده كيف ؟؟ .. بديع ياخ .
نجي للجد .. و بدون الدخول في تفاصيل مشربكة .. إختيار مركز نشاط اجتماعي زي النادي الالماني ما كان شي موفق منكم .. كانت عضوية النادي ، بتمارس فعالياتها الاجتماعية الرمضانية في نفس المكان المقامة فيهو الندوة .. رغم حضورهم الراقي و هادي .. إلا إنه الأمر كان زي : يا نحنا مضايقين حضورهم اليومي و إلفتهم الإجتماعية .. يا هم مضايقننا بعدم تركيزهم معانا . المهم إنه الشغلانة إنبهلت و رخت .. و ترهلت . افتقدنا بسبب ذلك التركيز و التفاعل حقنا المعتاد في ندواتنا السابقات مع الندوة و منصتها ، و اللي كان بيحصل مثلا في كيكس او في الاوديتوريم .. و المكانين متوفرة فيهم شروط ندوة للسمع و التلقي و المتعة . الاخ المغني ( حسو ما كان مطرّق كويس ) .. قال زول قدامنا . جنبي الطيب بشير الاديب الجميل قال لي : الزول ده رمضان قام بيهو .. اداؤه احسن من كده كتير . الدكتور مقدم الندوة كان سلس في سرده التاريخي المختصر و مباشر لمسيرة سيد خليفة .. وبس !! اقصد ما كان في اي مجهود نقدي و لا تحليلي لمنتوج سيد خليفة الغنائي و الموسيقي .. ( يمكن كان محتاج زول يسندوا من العارفين بالموسيقى أو نقادها .. يمكن ) .. و ده خلانا نطلع بدون ما تضيف لينا الندوة معلومة جديدة غايبة كانت عن الناس المهتمة بفن ابو السيد .. الكنجست كان زول متمكن و حلو .. قال الحضور : الكمنجة الواحدة اضافت سحر ناعم و مريح علي الغنا . النخلة في الخلفية .. و الضو الواقع عليها ، قال عوض الله بشير : اللهم يا سلام .. شغل رباني بديع ظبط المسرح .
المهم .. نهاية النقة الطويلة دي : يا ريت ياريت تاني ما تمرقونا في الفعاليات الجاية من " بطن بيتنا " .. قالت الفلاتية : ( الدار الما داري انا مالي بيه .. البلد الما حقي ما بمشي ليه ) . يا كمان اختاروا المكان المحصور و مهيأ و معَد كويس .. و فيهو شروط استماع و انصات معقولة . ذلك مع احترامي لادارة الالماني و مبادرتها الطيبة في الإسهام الشراكة الثقافية دي .
............. ثم الله يرضي عليكم كمان المكان الجايي .. ما يكون فيهو ناس سمحين يتمشوا حوالين المسرج ، بيجهجهوا انتباهنا ياخي .. مشكور يا حاج علي مجهودكم الطيب ..
فيفا دال .
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: Hussein Mallasi)
|
Quote: إختيار مركز نشاط اجتماعي زي النادي الالماني ما كان شي موفق منكم |
Quote: و ده خلانا نطلع بدون ما تضيف لينا الندوة معلومة جديدة غايبة كانت عن الناس المهتمة بفن ابو السيد |
بل هو الأمر الأكثر توفيقاً؛ و قد أتاح ذلك لمن لا يرغب في الاستماع ليعقوب أن يفعل؛ بينما سيضطر المرء؛ إن كانت الفعالية في كيكس أو الاوديتوريم؛ للاستماع لما يرغب و ما لا يرغب.
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: Hussein Mallasi)
|
.. .
Quote: كانت عضوية النادي ، بتمارس فعالياتها الاجتماعية الرمضانية في نفس المكان المقامة فيهو الندوة .. رغم حضورهم الراقي و هادي .. |
هذاالحضور الراقي .. الهادئ هو ما اعطى الليلة رونقها وتميزها ..وروعتها
-----------------
وجمال العابرين زاد ما جمال الأمسية Keep the good work up وشكرا يا عشارى ان جعلت ذلك اليوم رائعا ..
| |
|
|
|
|
|
|
Re: في ربيع الحُب كُنا ...منتدى دال الثقافي ( توثيق مصور ) (Re: Tabaldina)
|
سلام عمر ...
Quote: كل من إتصل أو قام بالحجز
سيجدبطاقات الدعوة بإسمه في بوابة النادي الألماني
|
للأسف يا عمر ما لقيت الدعوة .. بتاع الإستقبال فتش لي إسمي وما لقاهو .. قلت ليهو شكرا جزيلا وداير أمشي ..
ناداني وبكل لطف طلب مني الدخول بعد تسجيل إسمي ..
المهم دخلت وما قدرت أقعد أكتر من تلت ساعة .. لأسباب كتيرة جزء منها ذكرا عماد عبد الله في مداخلتو فوق ..
مقدم البرنامج المذكور لم يكن في مستوى المناسبة بأي حال من الاحوال ..
المهم .. مشكور على الدعوة يا عشاري ..
وما تنسانا في دعوات قادمات ..
| |
|
|
|
|
|
|
|