|
Re: رافت ميـــــــــــــلاد ؟؟؟ ؟؟؟ (Re: baha eassa)
|
أخي بهاء عيسى ...
أولاً كل عام وأنتم جميعاً بألف خير ..
ورمضان كريم على الجميع ...
وربنا يتقبل صيامكم وقيامكم ...
تعرف يا بهاء ... أخوك برلوم جديد في المنبر ..
وأول بوست لي في المنبر كان سؤال عن مجموعة من أصحاب الأقلام والكتابات الجميلة ..
ورأفت ميلاد كان واحد من المجموعة دي ... بس للأسف والأسف الشديد ..
ما في زول من أعضاء المنبر هببو لي نهائي حتى تاريخ اليوم ...
مع إنه في ناس كتار مروا وتاوقوا بالشباك .. لكن ما دخلوا بالباب ...
وأنا حقيقةً زعلت وتركت البوست يذهب في حال سبيله ...
كويس إنك جيت وكررت نفس السؤال ...
عشان أعرف أنه في ناس تانين بيسألوا نفس سؤالي ...
وبيفتقدوا رأفت ميلاد بيناتنا ...
وياريت رأفت يظهر ويبان .. لأني فعلاً مفتقد كتابته ...
شكراً يا بهاء .. لأنك اديتني الفرصة افضفض شوية من الجواي ..
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: baha eassa)
|
قبل فترة ليست بالقصيرة فتحت بوست بنفس الطريقة وتساءلت عن هذا الانسان الجميل وعن سبب تغيبه من المنبر .. ولله الحمد ظهر وكتب لنا سبب غيابه .. وهاهو يعاود الكره مرة أخرى بغيابه عن الساحة والتى هى فى أشد الحوجه لامثاله .. رافت ميلاد شخصية يندر وجودها فى هذا المجتمع .. لذلك وجوده فى الساحه شئ مهم للغايه .. ( بأن وأظهر عليك الامان) ونحن لمنتظرون طلتك البهيه ياغالى .. تحياتى وتقديرى وأحترامى لصاحب البوست ..
تاج السر
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: فيصل عثمان الحسن)
|
Quote: سلامات يا بهاء , رافت نحن عايشين معاهو فى البلد دى أخبارو مقطوعة عننا يا أبو ميلاد , أظهر ياخ , هاتفتك قبل اسبوعين تقريبا ولا أحد يرد , القروش كترت ولا البطن طامة . |
ياخ ما قلت ليك نحن بتاعين مصالح .. مشيت جنيف وقابلت عثمان .. قبل ما أقل ليه ما تكلم آدم جا ناطى .. شوف الحظ
بتصل بيك
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: تاج السر محمد حامد)
|
Quote: قبل فترة ليست بالقصيرة فتحت بوست بنفس الطريقة وتساءلت عن هذا الانسان الجميل وعن سبب تغيبه من المنبر .. ولله الحمد ظهر وكتب لنا سبب غيابه .. وهاهو يعاود الكره مرة أخرى بغيابه عن الساحة والتى هى فى أشد الحوجه لامثاله .. رافت ميلاد شخصية يندر وجودها فى هذا المجتمع .. لذلك وجوده فى الساحه شئ مهم للغايه .. ( بأن وأظهر عليك الامان) ونحن لمنتظرون طلتك البهيه ياغالى .. تحياتى وتقديرى وأحترامى لصاحب البوست ..
تاج السر |
حبيبنا تاج السر كل سنة وأنت طيب
وجودك أنت مضوى .. مشتاقين كتير .. تحياتى للوليدات
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: عبد الله كسلا)
|
Quote: وياريت رأفت يظهر ويبان .. لأني فعلاً مفتقد كتابته ... |
سلامات يا عبدالله كسلا .. شرفت الديار ..
ما تزعل ياخوى .. الناس هنا شوية شوية وكلو ببقى عال العال .. متأسف شديد والله ما شفت البوست ..
كل سنة وأنت طيب.. وشكراً على شعورك النبيل
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: baha eassa)
|
Quote: اين رافت ميلاد ؟ مختفي من المنبر منذ فترة طويلة تقريبا بعد عودته من القاهرة دخل المنبر مرتين او تلاتة ؟ |
سلامات يا بهاء .. فيك الخير والله ومشتاقين كتير .. متلوم معاكم والله .. الموبايل (الصينى) عض والنمر كلها جواهو Quote: مع حبيب نورة في البورصة وتاني ماظهرت ؟؟ |
ياحليلكم ويا حليل البورصة .. وحبيب نورة متجلى ..
ياخ من أصلك ما غريب عليك السؤال .. الزنقة حاصلة والجرى شديد .. حتى القراية يا الله .. كتر خيرو عثمان كرار أتصل ولفت نظرى ,,
شكراً ما كفاية
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: BAKTASH)
|
Quote: رافت ميلاد ضوء القبيلة ومقنع الكاشفات والله البورد مفتقدك وكتاباتك الرصينة التي تجهجه الكيزان وباكاتم .. ماتغيب كتير ياخ لك الود والتقدير ولصاحب البوست مثلها.. |
سلامات يا باكتاش .. طالما أنت قاعد وصامد .. الدنيا لسة بخير .. فتش جاتم على شوتو صاح وشد من أزره
مشتاقين والله
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: خالد المحرب)
|
رأفت ميلاد!
ياخي شكلوا الثلوج السويسرية منعتك من الإطلالة اللذيذة الكنت بتتحفنا بيها واللا ياربي دي تكون مشاوير العجلة السدّاري في شوارع جنيف ؟
كيفما أتفق
نحبك جداً
ننتظر إطلالتك علي أحر من الجمر
وما قلت بتجينا يا حليل مجيكا
كل سنة وانت طيب ورمضان كريم وما عندي فكرة إنت صايم معانا واللا لا ! ولكن في كل الأحوال ربنا يخليك ياخي
و أبقي أظهر
دة غير شوارع الداون تاون المنتظرة جيّاتك
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: baha eassa)
|
Quote: الف سلامة اخي رافت بس الغيبة دي سببها شنو يا اخي المنبر صراحة في حاجة لقدامي المحاربين والناس دي زي ما شايف بتحبك قدر شنو ؟ |
ياخ حرب شنو بعد البشير ما فاز بالإنتخابات الناس زى الما هنا .. Quote: دي ماحجة تقاطع المنر طوالي وبعدين جري شنو مشارك في بطولة مع كاكي ولاشنو ؟ وبعدين الدخول والرد في بوست وتختفي سنة دي مامعانا مشاركة دائمة يا اخي |
الله يدى العافية ويقدرنا .. وبعدكم ما بنقدر عليه
تسلم كتير يا بهاء
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: حبيب نورة)
|
Quote: رأفت ميلاد!
ياخي شكلوا الثلوج السويسرية منعتك من الإطلالة اللذيذة الكنت بتتحفنا بيها واللا ياربي دي تكون مشاوير العجلة السدّاري في شوارع جنيف ؟
كيفما أتفق
نحبك جداً
ننتظر إطلالتك علي أحر من الجمر
وما قلت بتجينا يا حليل مجيكا
كل سنة وانت طيب ورمضان كريم وما عندي فكرة إنت صايم معانا واللا لا ! ولكن في كل الأحوال ربنا يخليك ياخي
و أبقي أظهر
دة غير شوارع الداون تاون المنتظرة جيّاتك |
حليلك وحليل أيامكم يا حبيب نورة .. برد شنو ياخ لما فينا حر أبن ###### كدة .. وأخوك جلدو من التلج بقى سنة ناعمة
مشتاقين كتير والله ..
ياخوى أنا صايم مع الجالدين .. ناس فيصل ديل بصوموا من 7 لى 9:30 بالليل .. يعنى الواحد كان يقلب بغير رأيه ..
فى صاحبنا لزيز قال (والله كان عفونى من صلاة الصبح ورمضان .. بضمن الجنة)
شوق شديد والله
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: خالد المحرب)
|
Quote: اووووووووووه رافت ميلاد بركة الشفناك مرتين مره هنا ومره فى الصوره وينك يارجل طولنا ما سمعنا صوتك |
الأرباب ود المحرب .. وين أنت ووين تلفوناتك .. تلفوناتى وعناوبنى أندفنت فى موبايل صينى ..
مشتاقين كتير والله ..
كل سنة وأنت طيب وتحياتى للحبوبة بت الأصول
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: عزيز عيسى)
|
Quote: فعلا الزول الجميل رأفت أفتقدنا طلاته على المنبر ولقلمه وكتاباته المميزة.
يا رأفت عودا حميدا.. أفتكرتك مشيت بركات. |
يا حليلك وحليل بركات يا عزيز عيسى .. عبد الباقى عبد الحفيظ كان هناك .. قال بقت حاجة تحزّن .. فى ظل الإنقاذ ..
كل سنة وأنت طيب
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: baha eassa)
|
الأخ الـحـبيـب الـحـبـوب، baha eassa تحياتي ومودتي ورمضان كريـم،
***- وفرحت كثير بعودة الأخ الحبوب رأفت عبر (البوست) المخـصص له وبعنوان: ( خرج ولم يعد، اوصافه كالأتي جميل المحيأ، لطيف، ظريف، يحبه كل من يعرفه او لايعرفه الا عبر المنبر العام)!!.
***- لك الشكر ياأخ بهاء علي هذا الاهتمام.... وصراحة انت احرجت ناس كتار وانا واحد منهم طولت ماسالنا عنه. يارأفت ياحبوب حمدالله علي السلامة وسررنا بطلتك البهية في صورتك مع الحبوب نورة.
***- لك مودتي وللعائلة الكريمة.
***- ودمتما في أمان الله.
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: بكري الصايغ)
|
Quote: الأخ الـحـبيـب الـحـبـوب، baha eassa تحياتي ومودتي ورمضان كريـم،
***- وفرحت كثير بعودة الأخ الحبوب رأفت عبر (البوست) المخـصص له وبعنوان: ( خرج ولم يعد، اوصافه كالأتي جميل المحيأ، لطيف، ظريف، يحبه كل من يعرفه او لايعرفه الا عبر المنبر العام)!!.
***- لك الشكر ياأخ بهاء علي هذا الاهتمام.... وصراحة انت احرجت ناس كتار وانا واحد منهم طولت ماسالنا عنه. يارأفت ياحبوب حمدالله علي السلامة وسررنا بطلتك البهية في صورتك مع الحبوب نورة.
***- لك مودتي وللعائلة الكريمة.
***- ودمتما في أمان الله. |
يعنى تكون بكرى الصايغ كان ما كتبت الكلام ده .. المتلوم مع أخوه أنا والله ..
مشتاقين كتير يا بكرى .. رسل تلفونك الله يخليك
ل سنة وأنت طيب
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: حبيب نورة)
|
تحيات طيبه
يا بهاء والي الوريف وظريف رافت ميلاد
سعدنا بشوفتو في الصور عقبال نزورك يا رافت في بيتك
تحية لاهل القاهرة اللطاف وظراف ودي تحية للنساء الاخريات جنبا لجنب مع الرجل في اتون الحياة الجميله
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: Sabri Elshareef)
|
الاخ بهاء رمضان كريم و تصوم و تفطر على خير ، فعلا ابو ميلاد يستحق ان يسأل منه بل و يبحث الناس و يتقصون سبب اختفائه .
ابوميلاد ، رمضان كريم ، كيفك و الاسرة الكريمة عساك مرتاح ، غايتو ما عندك فرق ابدا من اخوك هاشم كرار . الحمد الله شفناك لكن فنيلتك (شرط) .
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: هجو الأقرع)
|
سلامات يا شباب
كل عام وأنتم بخير .. أعاده الله عليكم باليمن والبركات وجعل الله أيامكم كلها أعياد
Quote: رافت
حمد الله علي ظهورك من بعد مدة
قبل رمضان كنت في السودان ومريت بجنب بييتكم
واتزكرتك
مشتاقين |
سلامات يا الشبلى والله بختك .. أنا دخلت مى السنة الأربعتاشر بعيد
تحياتى للأهل وكل سنة وأنت طيب
Quote: يا مهداوي صور شنو بنفتش علي واحد تايه تقول لي صور ؟ |
والله يا بهاء هى داب توهة
كل سنة وأنت طيب
Quote: سلام استاذ رأفت ميلاد
كيف حالك والأسرة
رمضان كريم
تحياتي لكل العيلة
يديكم دوام الصحة والعافية |
سلامات يا دكتور وليك وحشة كبيرة والله كل سنة وأنت طيب .. وكلكم بخير وعافية
أختفيت من الإسكايب
Quote: يا سلام عليك يا رأفـت انت والخواجة صحبك عامليــن استجمامــة ...
لا ليكم طلة بيــه هنــا ولا بيــه هناك ...
سلام كتير ليك وللشباب .. |
كيفك يا بدر
وين أنت وتقلت كراعك اليومين ديل
تعود الأيام بالصحة والسلامة
Quote: رأفت ميلااااااااااد |
نعم يا حبيبا.. نعم الله عليك مشتاقين والله .. تعود الأيام ويديك الفى مرادك
Quote: تحيات طيبه
يا بهاء والي الوريف وظريف رافت ميلاد
سعدنا بشوفتو في الصور عقبال نزورك يا رافت في بيتك
تحية لاهل القاهرة اللطاف وظراف ودي تحية للنساء الاخريات جنبا لجنب مع الرجل في اتون الحياة الجميله |
حبيبنا صبرى الشريق ليك شوق يا زول .. لفتك الكبيرة ديك ما شملتنا .. المرة الجاية بتاعتنا ..
كل سنة وأنت طيب
Quote: الاخ بهاء رمضان كريم و تصوم و تفطر على خير ، فعلا ابو ميلاد يستحق ان يسأل منه بل و يبحث الناس و يتقصون سبب اختفائه .
ابوميلاد ، رمضان كريم ، كيفك و الاسرة الكريمة عساك مرتاح ، غايتو ما عندك فرق ابدا من اخوك هاشم كرار . الحمد الله شفناك لكن فنيلتك (شرط) . |
أوووو هجو الأقرع زاتو وين يا حبيبنا .. تلفونى ياهو تلفونى .. طولت ما نورت علينا مشتاقين والله
كل عام وأنت والأسرة بألف خير
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: khaleel)
|
Quote: يا سلام علي صديقي الفنان
رافت ميلاد
كل سنة وانت بالف عافية
اتمني ان تكون في كامل جمالك
شكرا بهوية |
سلامات يا خلى ومشتاقين والله
كل سنة وأنت وكل الأهل بخير وعافية
وتعود الأيام بالصحة والسلامة
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: رأفت ميلاد)
|
رافت يشهد الله اتصلت بي تلفونكم (غير مرة ) لكن لا احد يرفع السماعة ( ماحدش ) رغم المشغوليات السنة الفاتت لكن اتصلت بيك وقريبات دي لمن قلت يمكن سافر ولا رحل ...شايفك كاتب انو تلفونك ياهو زاتو ...اها نسوي شنو برسل ليك تلفوني في المسنجر ...
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: Osama Mohammed)
|
Quote: رافت يشهد الله اتصلت بي تلفونكم (غير مرة ) لكن لا احد يرفع السماعة ( ماحدش ) رغم المشغوليات السنة الفاتت لكن اتصلت بيك وقريبات دي لمن قلت يمكن سافر ولا رحل ...شايفك كاتب انو تلفونك ياهو زاتو ...اها نسوي شنو برسل ليك تلفوني في المسنجر ... |
سلامات يا أسامة .. مشتاقين ياخ .. أخبارك والمدام والأمورة ..
ياخ أنا تلفوناتى كلها ضاعت جوة موبايل (تتطش أسكرين) .. أخوك أتشلق وعمل تفتيحة ومواكب .. والله قفل بقى علبة صلصة .. ما جانى لسة حاجة فى المسنجر ..
كل سنة وأنت طيب وتعود الأيام
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: رأفت ميلاد)
|
حمداً لله على السلامة يا رأفت. خفنا قلنا إمكن يكون باعوك مع مشروع الجزيرة واستلموك كمقدّم لحد ما تتم البيعة. كل عام وأنتم بخير. طبعاً غيبتك إستهبال منك وكنت عاوز تشوف عندك ناس بحبوك في المنبر ولا إنت تمومة عدد؟ أها عرفت كيف الناس بتحبك.. بس ما تقوم تمقلبهم وتموت بعد عمراً طويل. تحياتي.
كبـّـاشي الصـّـافي
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: رشا سالم)
|
العزيز/ بهـــــــاء
سلامات
كل عام وانتم بخير
العزيز رافت
ليك وحشة والله.. جيت للبوست ده متأخر وكنت عايز اكتب كلام وكلام
لكن لقيتك ظهرت.. يبقى الغرض تكسر لي.. لكن لا تغيب تاني مرة..
مرحبا وخليك هنا بلاش مفارق..
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: حبيب نورة)
|
ياخلي ازيك ؟؟كل عام وانت بخير والاولاد وامهم
شوف ياخلي المرة دي جيناك بكل الاتجاهات يعني انت بقيت ذي ابومركوب داك ...كدي ماتجي !!!
وبعدين السنة الجاية رمضان حيكون سعب خلاس ...فأنا صايم معاك ..بدون عمبلوق ...
وبعدين انت الوداك لعثمان رضوان شنو؟؟
لمن نتلاقي تحياتي للجميع بباذل
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: عماد شمت)
|
يا بتاع البتاع ســــــــلامات
البشوف كلامك التحت دا بقول قابلتنى أمس
Quote: ياخ ما قلت ليك نحن بتاعين مصالح .. مشيت جنيف وقابلت عثمان .. قبل ما أقل ليه ما تكلم آدم جا ناطى .. شوف الحظ |
شكرا يا بهاء
| |
|
|
|
|
|
|
Re: رافت ميـــــــــــــلاد ؟؟؟ ؟؟؟ (Re: Adam Omer)
|
يا سلام عليك يا بهاء
جبت لينا الزول الرائع دا
يا رأفت يا رقم .. حمد الله علي السلامة طلتك علينا بالدنيا
علي الرغم من انك فتحت لي و ما قبلت طلب الصداقة في الفيس بوك، لكين برضو بنحبك
نسوي شنو عاد .... الناس الزيك ديل بقوا عمله نادره
تحياتي ليك و لي الاسره الكريمة و كل سنه وانت طيب
| |
|
|
|
|
|
|
|