|
Re: محجوب عروة يغادر السوداني وعبدالمحمود الكرونكي ريئس تحرير للسوداني (Re: زهير عثمان حمد)
|
والله يا زهير محجوب عروة ما يستاهل. زول ود قبايل وود ناس ومجتهد. دمه يحمل جينات الصحافة مع أنه خريج إقتصاد ولو كان الجهد البذله في السوداني قديمة وجديدة والرأي العام بذله في سوق العيش كان اليوم من الذين يشار إليهم بالبنان. لكن لأنه نذر نفسه لخدمة قضية مؤمن بها وهي السلطة الرابعة فكان جزاؤه جزاء سنمار. أخي محجوب مع أن معرفتنا بسيطة ولكن تأكد أن الله يريد لك وبك خيراً في مكان آخر، لك فيه رزق يكفيك ويزيد لتمنح منه المحتاجين لعونك.
| |
|
|
|
|
|
|
Re: محجوب عروة يغادر السوداني وعبدالمحمود الكرونكي ريئس تحرير للسوداني (Re: cantona_1)
|
Quote: والله يا زهير محجوب عروة ما يستاهل. زول ود قبايل وود ناس ومجتهد. دمه يحمل جينات الصحافة مع أنه خريج إقتصاد ولو كان الجهد البذله في السوداني قديمة وجديدة والرأي العام بذله في سوق العيش كان اليوم من الذين يشار إليهم بالبنان. لكن لأنه نذر نفسه لخدمة قضية مؤمن بها وهي السلطة الرابعة فكان جزاؤه جزاء سنمار.
|
صحيفة السوداني إهتزت كثيرا وتراااااااااجعت أكثر في التوزيع خاصة بعد ما غادرها عثمان ميرغني رئيا لتحرير صحيفة التيار وعبد الرحمن الامين رئيسا لتحرير الحقيقة والزولة القنبلة الاسمها حنان كشة وسمية حسن بتاعة الصفحة الاقتصادية ديك في الوقت اللي صدرت فيه وبقوة صحف مثل التيار والحرة والحقيقة أفرغت السوداني من محتواها تماما انا شخصيا غير عمودد. زهير السراج ما بقرا فيها حاجة
اها نشوف القادمون الجدد ديل في جعبتهم ماذا !!!!!!!!
| |
|
|
|
|
|
|
Re: محجوب عروة يغادر السوداني وعبدالمحمود الكرونكي ريئس تحرير للسوداني (Re: زهير عثمان حمد)
|
الاخ زهير وضيوفه الكرام سلام.. كلما اسمع بإسلامي تمرمط على يد الجماعة أذهب وأنقب في تلك (الايام العطرة ) فلا أجد ما يمنعنى من الشماتة عليه... السيد عروة أراد في التسعينات بتأسيسه لجريدته الدولية ان يقدم الانقاذ في نسخة معتدلة تخفف من وجع الضربات الاولى التى طالت سائر الجسد السودان وإيهام العالم بإنفتاح الانقاذ على الكلمة الحرة في وقت كان فيه الكثير من زملاء المهنة من غير الاسلاميين تحت جزمة القهر والطغيان بل وهاجر معظمهم وتركوا لهم البلاد خلاءا يعوي فيه أمثاله. والآن يريد السيد عروة الرحيل بعد خراب سوبا ؟! فليرحل الى أبعد مايستطيع .. وإنشالله قطر عجيب إودّي ما إجيب .
| |
|
|
|
|
|
|
Re: محجوب عروة يغادر السوداني وعبدالمحمود الكرونكي ريئس تحرير للسوداني (Re: عبير خيرى)
|
Quote: الصديق كونتا1 مساء الخير نت كويس ليه حزنان كدا والله انت ما عارفك معنا ولا معهم |
غايتو يا أخي زهير أنا ما فهمت قصدك بالزبط. لكن قدر الفهمتو يعني إنت شايت على وين؟ أنا بشجع البرازيل ولمن طلعت بقيت بشجع ألمانيا ولمن طلعت بقيت بشجع اسبانيا. فهمتها دي. خليك منها. علاقتي بمحجوب عروة قديمة ولكنها رهيفة. لم تكن بيناتنا مصالح مشتركة ولا حتى صحبة خليك من صداقة. لكن هنالك مواقف يختبر فيها الرجال ومحجوب عروة في تلك المواقف رجل ولا ككل الرجال. وكمثال لا حصر موقفه في يوليو 1976 موقف ولا ككل المواقف. وهنا نقول ربنا ما يجيب يوم شكره. فهو رجل موقف. ولهذا تأثرت عندما علمت أنه باع السوداني أو تركها سيان عندي. فالصحافة تجري في دمه. وكما ذكرت سابقاً فالرجل ترك الاقتصاد وطرق درب الصحافة مهنة المتاعب. ربنا يساعده في مقبل أيامه بكل الخير.
| |
|
|
|
|
|
|
|