|
|
 مصطلح خم الرماد
|
ما إن يأتي رمضان إلا ويخطط بعض الاصدقاء عن رحلة خم الرماد
والواحد يقول ليك ماشي تخم الرماد وين ؟
وناس فلان ديلاك عندهم خم رماد كارب في اسماك عوضية
وناس فلان العلاني ماشين يخمو رماد في سوق الناقة
انا داير اعرف كلمة خم الرماد اصلها ايش وهل هي كلمة غير مقبولة وغير لائقة لان تقال امام حريم مثلا
لاني قلت يوم الليلة يوم خم الرماد واحد بلدياتنا قال لي هوي انت الكلمة دي ما عارف معناتا شنو .. قلت ليهو لا ما عارفها قال لي يا اخي الكلمة دي كلمة معبة تاني ما تقولها
اها من اليوم داك انا اتحسس من هذه الكلمة لكن اسمع ليك الناس يددو فيها قلت قريبي دا خماني سا كت والكلمة دي لا غبار عليها
ما رأيكم في هذا المصطلح وهل قريبي هذا معاهو حق ولا لا ؟
|
|
 
|
|
|
|
|
|
|
|
Re: مصطلح خم الرماد (Re: المكاشفي الخضر الطاهر)
|
| Quote: عبد اللطيف انا عازمك خم رماد في اسماك عوضية |
المكاشفي
كل عام وانت بالف خير
يا اخي والله لو كنت في البلد للبيت دعوتك تب لكنها الهجرة
ربنا يجمعنا بكم عما قريب
عزاؤنا الوحيد اننا نصوم رمضان هذا العام بجوار بيت الله الحرام.
| |
|
|
|
|
|
|
|
|
|
Re: مصطلح خم الرماد (Re: عبد اللطيف السيدح)
|
مكاشفي القوم رمضان كريم
خم الرماد مصطلح ما ظنيتو كعب والمقصود منه نهاية الاشياء
يعني الزول بكون جهز حاجاتو وعمل ملاحو ونظف الكانون من الرماد
ورتب الحتة وخلاها رايقة
والله اعلم
| |
|
|
|
|
|
|
|
|
|
Re: مصطلح خم الرماد (Re: عبد اللطيف السيدح)
|
مكاشفي القوم رمضان كريم
خم الرماد مصطلح ما ظنيتو كعب والمقصود منه نهاية الاشياء
يعني الزول بكون جهز حاجاتو وعمل ملاحو ونظف الكانون من الرماد
ورتب الحتة وخلاها رايقة
والله اعلم
| |
|
|
|
|
|
|
|
|
|
Re: مصطلح خم الرماد (Re: الكباشى البكرى)
|
السيدح
رمضان كريم
خلاص نرجو دعواتكم
خليل
تصوم وتفطر على خير ودعواتك يا حبيب
الغالي الكباشي البكري
رمضان كريم وان شاء الله تصوموا وتفطر على خير
وان شاء الله السنة الجاية المريخ يسجل ليهو وارقو تاني
ههههههههههههههه الله يديك العافية يا حبيب
| |
|
|
|
|
|
|
|
|
|
Re: مصطلح خم الرماد (Re: المكاشفي الخضر الطاهر)
|
المكاشفي الخضر الطاهر
| Quote: انا داير اعرف كلمة خم الرماد اصلها ايش وهل هي كلمة غير مقبولة وغير لائقة لان تقال امام حريم مثلا |
معنى عبارة خم الرماد مقصود به العب من الشئ بكميات كبيرة وحتى إشعار آخر. والرماد والسجم متلازمتان دوماً في الفلكور السوداني. وعندما كان السودان بلد رطبة Not dry country كما يقول الخواجات. المقصود بها الشراب على قفا من يشيل كانت البارات تغلق أبوابها خلال شهر رمضان المبارك. ولا تفتح إلا يوم وقفة العيد بعد إذاعة أن العيد سيكون غداً. وقد شاهدت بار جورج مشرقي في شارع الموردة - أمام سينما برمبل أو الحديقة التي حلت مكانها في وسط سوق أم درمان - للذين جو العاصمة قريباً- شاهدت البار مغلقاً ونحن جلوس في مقهى يوسف الفكي المشهور. وعند إذاعة نبأ العيد إنفتح باب البار على مصراعيه. وكان الخواجة داخل البار يترقب إذاعةالعيد.
كان الشاربون يقصدون أن يعبوا ما أمكنهم من الخمور بأنواعها أكبر كمية كإحتياطي للشهر الذي لن يتمكنوا فيه من شراء الخمر لأن البارات ستكون مغلقة. وهنا جاءت عبارة خم الرماد الأصلية. الآن لإنعدام البارات تحولت العبارة للمأكل الكتير في ليلة رمضان الأولى أو التي قبلها بيوم يومين. والله أعلم
| |
|
|
|
|
|
|
|
|
|
Re: مصطلح خم الرماد (Re: حيدر امين)
|
سلام يا صاحب البيت المكاشفي وضيوفه
خم الرماد مصطلح نسائي
وتفسيره إنو في اليوم الأخير من المناسبات الكبيرة في البيت السوداني مثل البكاء والزواج
تقوم النساء بلملمة حللهن وإطفاء نيران الكوانين وخلافه وفي النهاية يخمن الرماد (ينظفن المكان
من الرماد) إيذانا بانتهاء المناسبة وطي صفحتها لفتح صفحة جديدة من أوراق الحياة
ومن ثم انتقل استخدام المصطلح إلى الرجال فصاروا يطلقونه على اليوم الأخير قبل وقفة رمضان
حيث يختمون يومها ممارساتهم لكل الأفعال التي اعتادوا عليها لشهور طويلة وتتنافى مع حرمة هذا الشهر
الكلام دا من الملاحظة والخبرة الشخصية البحتة وأنا مقتنع به حتى يأتينا خبير بما لا نعلم
| |
|
|
|
|
|
|
| |
المكاشفي الخضر الطاهر
عبد اللطيف السيدح
khaleel
cantona_1
حيدر امين
معاوية الزبير
فيس بوك
تويتر
انستقرام
يوتيوب
بنتيريست