|
ديواني الاول .. حواجب عيون الزيزفون .. ( توقيع الكتاب في القاهرة ) ..
|
بما انه الأدب بقى في خطـر .. كل من هب ركب القطر .. ( او كما قال الشعر ) .. اصالة عن نفسـي و عن كل الشعوب المحبة للسلام .. قررت تقديم ديواني الأول للجمهــور الكريم ..
.. ..
الاخ بو كرامي .. عليك الله لا تشكرني لا تنقدني .. سمح يا فردة ..
.. ..
الديوان اهداء الي روزمين .. محمد الشفيع .. كضاب حسن احمد .. اشراقة .. ( زملاء مهنة المعاناة ) .. و الشكر موصول الي شركة مواصلات الخرطوم و الاهل بالقطينة و مربع خمسة و سلالاب ..
.. ..
ينتهي المأتم بإنتهاء مراسـم الرصاص ..
|
|
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: humida)
|
القصيدة الاولى .. بعنوان شـــفتك
.. ..
شـــفتك .. و الله شـــفتك .. شـــفتك .. عيون كبار .. و الله شـــفتك .. لحظة انبثاق الحنين .. شـــفتك وطن السراب .. عساكر الطريق .. مشانق تشانق .. و الله شـــفتك .. كورك صوت النغم جواي .. عود الخاطر انكسـر .. و برضـو شـــفتك .. زمن الحريق ولع .. غابة السنط قامت .. زهر الطريق وجع .. شـــفتك .. كدايس تكابس .. حق الفطور .. شـــفتك ..
.. ..
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: humida)
|
الاستاذ حميده .. اخيرا اخيرا ستخرج اعمالك الي العلن ..بعد ان ظلت تسكن اوراقك وكتبك لعشرات السنين .. تذكرت الان جلساتنا هناك في بيروت ولياليها الصاخبه المعطره بالاشعار والالحان .. حين كنت تقول انه سياتي يوم وتخرج اشعارك الي العلن .. ولكي يستفيد منها جيل اليوم الذي لم يتذوق للشعر طعم منذ المتنبي وزهير .. اكثر ما اعجبني تلك القصيده التي كنت تصف فيها احدي الحسناوات حين جاءت لتدفق موية العده امام دارهم .. فكشحتك بها ولم تتذمر منها بل بادرتها بمقولتك الشهيره ..
دفقي المويه ورشيني تاني ***انا ما غريب انا فلان الفلاني كركبي وما تهربي في ثواني***اكشحيني اكشحيني تاني
صدقني استاذي حميده ما يزال مصطفي ابني يردد هذه الابيات منذ ذلك اليوم الذي جئتنا فيه بالليل وتعشيت معنا واطلقت هذه القصيده ... اتمني ان يشتمل ديوانك هذا ايضا علي قصيدة ما تدقني يا بوليس فيوم ما سوف اكون الرئيس .. تلك القصيده مليئه بتصوير بياني واستعارات مكنيه وتشبيهات وطباق قل ان يوجد الا فيها .. ايييه يا حميده لقد ركبت وزهير بن ابي سلمي في سرج واحد ..
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: Faisal Elrasheed)
|
Quote: دفقي المويه ورشيني تاني ***انا ما غريب انا فلان الفلاني كركبي وما تهربي في ثواني***اكشحيني اكشحيني تاني |
عزيزي فيصل .. في القطار المتجه من سلاسبورغ الي منهاتن سيتي .. توجد حانة عند بلدة اندرلخت فيردر بريمن .. قابلت فيها تلك المكسكية خوانة كارلوس التي حولت اتجاهي من الشعر العمودي الي شعر التدويرة ..
.. ..
كشــحت .. كشحــت .. جريان الماء بين النهدين سلسله .. و عصارة الشفة السفلي و ابريق من النبيذ .. تاهت بين اقدام عرب الصحراء و حضارة الفرنجة .. تن تش .. كشحــت تاني ..
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: عمران حسن صالح)
|
Quote: شكراً فيصل الرشيد ياخي :) |
عمران .. يا ايها الجالس خلف الفانوس .. ارجوك ..اقترب ..فالوطن والدموع والجياع ينادون .. احضر لنا الفانوس .. احضر لنا الفانوس ..
ـــــــــــــــــــــــ * الفانوس اداة رمزيه عند الثوار وتعني الطعام وخصوصا الفته او العدس *الجياع هنا مقصود بها ابناء الثوره الكولمبيه كما وصفهم حاركيظ في صفحة 717 من كتابه الجوع الكافر والسقط الشديد (ملحمة الباسطه)
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: ابو جهينة)
|
أصـل القصيدة موجود في مكتبة الاسكندرية .. الرف 177 .. كتاب المواصلات العامة و السكك الحديدية .. ص ب 123 .. في الأصل تعود الي ابنة السير لي ستاك .. جوانا ارشنطوق .. المولودة في شلاتين .. عندما كان والدها بصيد جراد في اعالي الحبشة .. و قد حرفها الأعاجم من بُخ الي بف .. و تغنت بها بنات قبائل البلو العربية في اعراسهم و كان يطلق عليها كونشرتو الخواجية .. اول من دونها و أرخ لها كان الباشبوزق علي حسن في كتابه ( كلام سـاي - دار الرياضة للنشر و التوزيع ) .. و غناها كرومة دويتو مع أصالة .. في مهرجان القاهرة للقصة القصيرة ..
.. ..
ياخي الفارغة دي ما بتنتهي كلو كلو ..
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: humida)
|
Quote: جريان الماء بين النهدين سلسله .. و عصارة الشفة السفلي و ابريق من النبيذ .. |
نعم يا حميده ..شعر التدويره حاليا هو الطاغي علي منتديات الشعر الحديث .. اشتهر به الكولمبيين ذلك انهم يكتبونه حين تساقط المطر في الغابات وتحت اشجار البلوط .. لقد اشتهر به الشاعر الكبير فالدراما والذي عاني في فيه ايما معاناة حتي كتب عنه الراحل اسكوبار قصيدته المتدوره والتي قال فيها :
لو صبو الصهباء كلها حتي تبللت ضفائر العذاري ..فلن ولن ..ثم لن ..نتوقف ستستمر الثورة حتي نتلهف .. نتلهف ..نتلهف .. ثم .. نتدردق ونتعبد في معابد الحرية .. الحرية ..الحرية .. ثم .. نشتت ..وتبقي انت فينا ونحن .. نتخارج ..نتخارج .. ونتلاشي .. كما تلاشت جبال الهملايا ..حين رأت عينينك .. عينيك ..عينيك..
اذكر انني في احدي محادثاتي مع صديقي الشاعر زامورانو انه قال لي في احدي المرات كان يتحاوم في احد زقاقات شيلي الملتويه وانه اي زامورانو قد شاهد صبية جميلة شقراء بضاء تمشي الهوينا علي استحياء ..كانت تهم بنشر غسيلها علي حبل منسوج من بقايا قطن وصوف .. فنظر لها ثم قال .. لو تعرفين .. ااااه لو تعرفين .. لو تعرفين ماذا كنت سأفعل بهذا الصوف وهذا القطن .. اااااه لو تعرفين يا صغيرتي ..ان القطن والصوف هما لهب الثوره في الظلمات .. يا صغيرتي .. صبي لي الكأس ..وشتتي.. فأن ما بي لا يزيحه كل النبيذ ...
وسميت كما تعلم قصيدته هذه بالقصيده القطنيه ..وهناك من يحب ان يصفها بذات الصوف .. وقد قابلني عجوز في احدي مكتبات منهاتن العتيقه ادعي لي انه لديه النسخه الاصليه من تلك القصيده .. وقد كتبت بالحبر الازرق علي اوراق صفراء يظن انها تعود الي ما كان يستعمل لدي الحاج كنتاكي صاحب الابتسامه الصفراء ..انذاك في لف الدجاج ..
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: نزار محمد عثمان)
|
Quote: الاستاذ فيصل الرشيد |
اخي المفضال جنابو عمر .. لكم افتقدناك في هذه المنافي يا عزيزي .. ولكم تذكرت تلك الجلسات في صالونكم العامر دائما بالادباء والعلماء .. وما تزال تلك الليله الممطره التي ودعتكم فيها تتردد انفاسها في ذاكرتي فتشعرني بحنين والفه الي تلك الايام وذاك المكان .. هل تذكر ذاك اليوم الذي غادرتكم فيه مكرها بعد داس العسكر والجلادون علي كتبي ونتاج سنيني وجهدي .. لقد كان قلمي هو تاشيرة خروجي مجبرا الي هذا الصقيع الذي لا يرحم .. صدقني اخي عمر برغم المرارات الا انني يقين بأن لابد لليل ان ينجلي .. وسنعود اخي عمر الي تلك الليالي وذاك السمر ..
اخوك المشتاق .. فيصل ... من مدينة ناقورنكارباخ
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: حاتم كاهن)
|
Quote: اخي المفضال جنابو عمر .. لكم افتقدناك في هذه المنافي يا عزيزي .. ولكم تذكرت تلك الجلسات في صالونكم العامر دائما بالادباء والعلماء .. وما تزال تلك الليله الممطره التي ودعتكم فيها تتردد انفاسها في ذاكرتي فتشعرني بحنين والفه الي تلك الايام وذاك المكان .. هل تذكر ذاك اليوم الذي غادرتكم فيه مكرها بعد داس العسكر والجلادون علي كتبي ونتاج سنيني وجهدي .. لقد كان قلمي هو تاشيرة خروجي مجبرا الي هذا الصقيع الذي لا يرحم .. صدقني اخي عمر برغم المرارات الا انني يقين بأن لابد لليل ان ينجلي .. وسنعود اخي عمر الي تلك الليالي وذاك السمر ..
اخوك المشتاق .. فيصل ... من مدينة ناقورنكارباخ |
يا استاذ فيصل .........
معليش يبدو ان خيوط الشعر قد تشربكت لديكم جراء هذا الصقيع .......
انا عمر عثمان ما عمر الجزلي ...........
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: humida)
|
الاستاذ حميده .. عندما قرأت نصك الأول (الارنب والصحراء) ظننتُ أنني أمام رجل يقدم نفسه قرباناً لما بعد الحداثوية، ولكنني الآن أرى أمامي شاعر حداثوي يعرف تماماً ما يكتب لأنني وللصدق خشيتُ أن تكون حبيس قضيتك. هذا الأمر أسرّه إليك لأنه كان بيني وبين نفسي، ثم هاأنا ذا أقرأ لشاعر يتجاوز الجغرافيا ليقول بأن الجسد ليس إيروتيكية للنص المغفل تماماً، ولكنه جسد رمزي لأمة لا تتجزأ .
.......... ..................
ولنقل معا فلتحيا الثوره ..
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: humida)
|
اعود إليك .. صديقي فيصل .. يا لها من ايام .. ثورة ثورة بالنص .. ثورة ثورة شنقيطي .. هنافات الثوار ما زالت تخترق قلبي .. الجو المشبع بالبارود و صهيل المدافع .. حدثني جاروسبا كلتشي عن ايامهم في تخوم الاكوادور .. و كيف دوخو الرأسمالية العالمية .. و عن نفيسـة الفريدو .. و كيف كانت تضمد الجرحى بكلمات الشاعر الكولومبي فال دي راما .. ناشدتها ذات ليلة المطرة فيها فشت فشت .. انت تصنع لنا من شعرها فلم سهرة .. سكبت كلمات بالبرتغالية الممهورة بتواقيع لغة السكان الاصليين ..
.. ..
اهداء الي روح الرفيقة باولا اندريا راي .. التي لقيت مصرعها في تلال الارز اذهبي .. اذهبي .. الله معاك .. شتتي .. شتتي .. و الله جد ..
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: humida)
|
Quote: نورا .. نورا .. نورا .. الدقاكم منو .. |
يا سلااااااام عليك يا استاذ .. جميلك حنشيلو (أنا ونورا) في راسنا لي يوم الدين .. مع هفهفة امواج الغد وقهقهة ليالي الأمس حتطل نورا في وضوح يضاهي الاقحوانة عند الاصيل وستنشد من واقعها لحناً إستوائياً يفرض إيقاع التم تم والدلوكة .. في مستقبل يشي بوهج لا يطاق
حميده حميدة شكراً حميدة حميدة عفواً حميدة حميدة تاني شكراً
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: عصام دهب)
|
Quote: حدثني جاروسبا كلتشي عن ايامهم في تخوم الاكوادور .. و كيف دوخو الرأسمالية العالمية .. |
ايه ثم ايه يا حميده .. تلك ايام تالله لا تنسي ولا تمحي من الذاكره .. جاروسبا حفيد فرناندو كلتشي ابن النابغه وقائد النضال في جبال الانديز كلتشي اوسونو ااااااه من هؤلاء العظماء .. لقد شكلو وجداننا بما كتبو وقالو .. لقد تذكرت انني في صيف العام 67 كنت في طريقي الي قرية صغيره تقع بالقرب من لاباز عاصمة بوليفيه حيث كنت مدعوا لحفل عشاء وكان فيه عدد من المتحدثين والادباء . كان بينهم رجل نحيل الحسم عريض المنكبين منفشخ الودجين كثير النظرات شلولخ .. نظر الي بدهشه ثم اشار الي فجلست بجواره ..فربت علي كتفي ثم همس وقال لي .. الحريه طعمها غال..فحافظ عليها يا بني .. وشرب من الكاس التي امامه ثم تمدد .. ثم جاء عدد من تلاميذه فحملوه الي الداخل .. وبكي الحاضرون ثم تمدد جارسوبا ..وتمدد هرنانديز ..وتمدد بقية الضيوف .. لقد ماتو جميعا .. وتركو الثورة كانها عذراء في ليلة زفافها .. وعدت الي داري يملأني الاندهاش والارتعاش .. ولقد اقسمت منذ ذلك اليوم ...
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: عصام دهب)
|
Quote: عندما قرأت نصك الأول (الارنب والصحراء) ظننتُ أنني أمام رجل يقدم نفسه قرباناً لما بعد الحداثوية، ولكنني الآن أرى أمامي شاعر حداثوي يعرف تماماً ما يكتب لأنني وللصدق خشيتُ أن تكون حبيس قضيتك. هذا الأمر أسرّه إليك لأنه كان بيني وبين نفسي، ثم هاأنا ذا أقرأ لشاعر يتجاوز الجغرافيا ليقول بأن الجسد ليس إيروتيكية للنص المغفل تماماً، ولكنه جسد رمزي لأمة لا تتجزأ . |
صديقي فيصل .. في البدء أعلم أنه كان بإمكاني أن أرسل لك فنيلة السقط التي طلبتها مع حسن .. و لكن لي حاجة بأن لا افعل ذلك معه .. عندما التقيتك يا صديقي في بقعة في ذلك المقهى الاندلسـي ، دون سابق معرفة .. و انا اتصفح كتاب ( الورل و الكديسة - منشورات ناشيونال جيوغرافي ) .. شعرت بأنك ما راكب عدلك .. مما اغراني التحرش بك .. رسَّلت ليك أجمـلْ خطـاب لليله ردِّك مــا وصـــل زعــــــــــــلانـــــه و لا شـــنـــو الحــصـــــــــلْ .. هل تتذكر خطاباتي تلك .. كنت أطيل النظر الي جزمتك الي نسيتها عندي .. و انا في حيرة من أمري .. الزول دا يكون قام بالسفنجة بتاعتنا و لا شنو .. قرأت تاريخك من خلال تلك الجزمة .. وجدتها نبيلة ( الجزمة يعني ) .. و صبرت معاك كتير .. فعرفت كيف اربط بين وشك و جزمتك ..
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: صديق الموج)
|
Quote: يبقى صدق محسن خالد |
قصدك الزميل محسن خالد .. طبعا ديل بتاعين مدرسة الادب خانة .. الاديب بيكون عنده جينات المراهقة + طحنية الابداع بيكون في الخلطة .. ياخي نبذ الشـوارع دا الشماسة خلوهو بعد انه صادره منهم الادباء .. مخاطبة محسن خالد للاعضاء التناسلية لعجايز البورد احدثت نشوة مؤقتة اعقبها ارتخاء تعاني منه تلك الطبقة الي اليوم ..
.. ..
نرفض بشدة تشعلق امثال هؤلاء في الادب ..
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: humida)
|
Quote: واخيـرآ اكتشفنا فيك الروح الـمرحة التي اخـفيتها طويلآ، وبلاغة اللغة ورصانة الكلمات والتعابيـر. شـكرآ ابني حـميـدة لقد غيـرت طعم (الـمنبر العام) اليوم. لك مـودتي. |
استاذنا الصايغ .. شكرا علي الكلمات الجميلة .. الزمن بتاعنا دا الحاجات بقت ما ذي الحاجات .. و الله يا استاذ بقينا ما فاهمين اي حاجة .. واقعنا كل يوم بفرض علينا انه نتعامل مع متغيرات ضد الحاجة الاتربينا عليها و الاتعودنا عليها .. و حتي الصاح بمعيارنا اصبح غلط بمعيار الغير .. مشكلتنا جينا في نهاية زمن جميل .. ما ممكن بعد ما درسنا الايام في المدرسـة يجير بينا الزمن و نقرأ نصوص الكمونية .. بس المشكلة ما في الكمونية .. المشكلة في الايام العملت لينا فهم للقصة .. بعد ما كنا نحفظ النيل من نشوة الصهباء سلسله و ساكن النيل سمار و ندمان .. مفروض هسع نصفق لزول يجي يقول ليك سرابيل الضمير عند اقحوان التفتح .. و الله يا استاذ مما جانا مصطفى سيد أحمد و قعد يغني .. مرقت علي كف المطر حفيان .. قنعت ليك تب من الشغلانة دي .. حينها كنا نستمع و بكل سرور .. لـ اهون عليك تنسي ودادي و تخلف معاي يوم ميعادي .. يا اسمر اللون يا ناير .. في خدك القمر الداير ..
.. ..
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: عمران حسن صالح)
|
(معارضة) قصيدة حميدة
شـــفتك .. و الله شـــفتك .. شـــفتك .. عيون كبار .. كسرت فيني ضلعة و وجابت في شعري صلعة وفيها كل اسلحة الدمار و الله شـــفتك .. لحظة انبثاق الحنين .. زي رفسة في بطن الحامل جاتا من رجل الجنين شـــفتك وطن السراب .. وسفة صعوط وراها سفينا التراب عساكر الطريق وكوراك يجبنا من وسط الفريق .. مشانق تشانق .. حمارا يهانق و الله شـــفتك .. كورك صوت النغم جواي كيف يا بنية الحق حصانك الجراي وصعب عليا قول الروب وقولة واي ما عود الخاطر انكسـر بهناك ما بي جاي و برضـو شـــفتك .. زمن الحريق ولع .. غابة السنط قامت والبنية جاتنا تدلع.. .. شـــفتك .. كدايس تكابس .. والله يا ستي حق الفطور ما عندي .. انا ال للوجع حابس شـــفتك ..
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: Barakat Alsharif)
|
أقراء لك يا صديقي وانا استرق السمع (لبحيرة البجع).. وهي تنبعث من (الخور الورانا).. وتذكرت تلك الايام التي كنا نتزلج فيها في نهر (السين والصاد) مع البروتاريا وملح الارض.. جميلة تلك الاخشاب التي احتطبناها سوية في (سيبريا).. وجميل هو طعم الحنين.. انتظر (ديوانك) يا صديقي منذ تلك الفتره التي اسررت لي فيها (بانفعالات الدجنه).. واحساسك بان شيئا في حواسك (ينبض).. ونا اصر علي رمي اللوم علي النبيذ الردئ من (ست العرقي)..
حواجب عيون الزيزفون ستزدان به مكتبتي مع كتب (ديسكو جامبو) ويوحنا جوتنبرج..
بعض الحنين احد ليالي صيف مانهاتن فريق وراء 1963
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: صديق الموج)
|
Quote: صديقي فيصل .. في البدء أعلم أنه كان بإمكاني أن أرسل لك فنيلة السقط التي طلبتها مع حسن .. و لكن لي حاجة بأن لا افعل ذلك معه .. عندما التقيتك يا صديقي في بقعة في ذلك المقهى الاندلسـي ، دون سابق معرفة .. و انا اتصفح كتاب ( الورل و الكديسة |
ايييه يا صديقي .. تبا لها من ايام ستظل ذكرياتها تؤرقني حتي يشرق فجر الحريه .. لا زلت اذكر ذلك العجوز الذي كان يبيع لنا الجعه في حانه دلبوسكي في مدريد .. ولا زلت اذكر ذلك اليوم الذي اهتزت فيه يده فانكشح النبيذ الكاتلوني اللذيذ علي ملابسك حين قهقه الحاضرون .. لقد ظننتك حينئذ سوف تغضب وتضرب روح الشر في ذلك العجوز البلشفي المسكين ... ولكني تذكرت مقولة كلتشي والتي جاءت في كتابه (ملحمة البطاطس) حين قال فيها :
انظر ..وتمعن ..واندهش .. تبا لكم جميعا ..فانتم وقود الثورة التي لا تريد ان تنفجر .. ساحكي لطيور النورس عن ذلك الغراب الذي سرق حذائي .. انه ..انه البرد والصقيع .. تبا لكم مرة اخري .. فاليوم يوم الحرية ..ويم الشقاء ..والبقاء .. صبو لنا من هذا الشراب .. واحتفلو ..واحملو هذا العجوز الي الحياة .. هو وقودنا ..وشعلة البقاء .. تبا لكم .. تبا لكم ..
اييه ايه ايه تالله لانها من اجمل ما قرأت لا يفوقها الا وصف صديقنا تعيس ابو الحرامي لك في دار الاوبرا عام 1957..
سأعود .. بعد اشعل لي سجار .. سأعود ..لاقول للجميع .. سأعود لاشعل الفتيل والقنديل .. اااه من القنديل.. ااااه . اااااه ..ثم ااااه ثم سقط مغشيا عليه ..وشتت الحاضرون
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: Faisal Elrasheed)
|
شاعرنا النحرير / حميدة تحياتي ،
Quote: و الله يا استاذ مما جانا مصطفى سيد أحمد و قعد يغني .. مرقت علي كف المطر حفيان .. قنعت ليك تب من الشغلانة دي .. حينها كنا نستمع و بكل سرور |
وتزكيةلكلام أخونا عمران وتأكيداً له نقول لك : عندما اكتحلت عيوننا برائع شِعرك (بكسر الشين) فنجطنا لافوق فرحانين ومبهورين بحروفك الوضيئة لكن بعد كلامك الفوق داك عن سيد الغنا والذي لم يمتد به العمر لينهل من فيض أشعاركم الجديدة ذات النيو لووك ، أنت وفردتك فيصل .. قنعنا من خيراً في شعرك .. ولن نستمتع بعد اليوم ولن نسر أو نفرح بأي قصائد جديدة تصدر منكم مالم تعتذروا لود سيد أحمد وقبيلة معجبيه ومعاهو عاطف خيري ؟!
بصراحة .. وحاتك بوستك عسل بنقط ،، و قرِّض على كده !؟
مودتي ،
( ليمو )
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: ashraf mukhtar)
|
عمران و التلب .. انتو قايلين جيلنا دا ما بعرف يكتب .. ياخي حكاية حبس الابداع في حقبة و اشخاص بعينهم دي مشكلة لغوية في حد زاتها .. كدي اقروا كلام الزول دا .. قدر ما اجتهدت اعرف اسمه منو ما قدرت ..
.. ..
ناس الأغانى الهابطة بقو يتعززو ..!! والكلمة لا تهبط ابداً .. انا لا اتحيز للمرأة .. اللحن هو الهابط اللفظ جميل دق الباب وجانا وجريت ليهو حفيانة .. ما قصدى الخيانة دايرهو يقيل معانا .. خدرة ناعمة وشاى منعنع .. والبعرس امو تقنع .. اللفظ جميل .. يتدفق عاطفة وحنان .. وترن بداخله الاجراس والاوزان لكن .. !! يحتاج لبعض الشهرة واللمعان .. يحتاج لوردى او فيتورى اخر لنصدق ان بداخله انسان .. .. ..
وناس الاغانى الهابطة بقو يتعززو .. !! والشعراء .. (انى اتنفس تحت الماء انى اغرق .. اللون الازرق فى عينيك يدفعنى نحو الاعمق وانا ما عندى تجربة فى الحب ولا زورق ...زيدينى عشقا زيدينى يا احلـــــــــــــى نوبات جنونى ) مدخل أول .. المدينة عارية والتفاحة فوق الماء .. مدخل تانى .. انا ليه تجينى الموية حفيانة وادنقر البسها شبط اخدر ..!!
النص يا وافقة وضلك ماشى .. يا ماشة وضلك واقف .. يا متخبية خلف وضوحك .. يا واضحة وفيك متخبي .. يــــــــا يااااااااااخ اقيفو اقيفو اقيفو .. قفا نبكى من ذكرى حبيب ومنزل بسقط اللواء بين الدخول فحومل .. أفاطم مهلا بعض هذا التدلل وإن كنت قد أزمعت صرمي فأجمل .. قفا نبك .. فعول .. من ذكرى .. مفاعل .. حبيب .. فعول .. ومنزل .. مفاعل .. هكذا كان الشعر وليس الكلام .. وهكذا كان يقطعها الخليل رحمنا الله .. وشعرائنا ديل بس يرمزوا .. فاطنة العجوز وما تصوتوا .. الجك دا لو ما فاز بفوز .. والزير دا ياخ ما قلتا ليك ما تخت لى فيهو كـــــــــوز .. هو يعنى البكون كوز ما بشر .. ما بشيل هم الشوارع والبنومو جوة الحفر .. لن انحاز لهذا الحزب ولا لسواه .. مجرد رقة انسان اواهــ .. الانسانية هى معناهو وهى مغناهو وهى محياهو وهى مسواه .. لا انحاز لهذا الحزب ولا لسواه .. كلٌ مسعاه السلطة .. وكلٌ مسعاه الجاهـ .. وكلُ ضل وكل تاهـ .. حزبى نفسى .. وحسبى الله .. يعنى البكون كوز ما بشر .. ما بشيل هم الشوارع والبنومو جوة الحفر .. ما بعيش الدمعة والخوف والسهر .. ما بقول يا عمو قدامك قطر .. يا شعبى يا سودانى هوى فتح مصيرك فى خطر .. يا شعبى يا سودانى هوى .. لا جينا شان جمهور .. لا شان نجيد النص .. النــيى اخير للنار والموية ما بتنقص .. فتح عيونك ديل ضهر البلد بنقص .. لمتين نعيش بالدس .. جوة البيوت ندس .. الكــــــــشة جات نندس .. لمتين نعيش بالدس .. وطن واحد وبس .. خالقنا واحد وبس .. ايدك على ايدى نتصافى ونتعافى .. الهمة للهمة .. ورحم الوطن واحد ورضعنا من بزة النيل وياهو النيل ليه يعنى نتجزأ .. كيف نبنى طابق فوق والساس تحت نزا .. والطبلة لا بطيق مفتاحها لا الرزة .. والباب قصاد الريح واقف على لزة .. وكل الهنا الضقناهو لا طاب ولا لذة .. مليون معزة وميل ياخوانا تنهزا .. والشعراء ديل بس يرمزو .. وما عندهم غير بالكنايات والمجازات القديمة ينبذو .. بت من ورق .. الزحزحة .. وفى اى منتدى فيهو بنات بتغزغزو .. والعلماء .. !! يا علماء ياخ ما توجزو .. ما تبقو قدر الحارة امشو واركزوا .. تبت يداك ابا لهب و تب .. امريكا ما عارف شنو .. امريكا دى واحدة قليلة ادب .. ونحن لها والى الجهاد ... يا علماء ياخ ما توجزو .. ما تبقو قدر الحارة امشو واركزو .. هو الفينا محتاج لى حكاوى ولى فتاوى ولى شعر .. فى الفاضى بس تتنرفزو .. والكفرة ديل ما دام فى رب خلق ابن ادم وعوزو .. اللمسكو المال " والبنون" والاشترو الطين ويكنزو .. الدين وحاتو هو لا بضيع لا بوصلو لا بمسكو .. شدهونا فى عيشتنا بس قصدونا خربو طبعنا ذاتو وبوظو .. الزاكى مات وعليهو دين ... امونة قالو ادوها عين .. عثمان اخوى جابولو بت السوق دا ينزل لى متين (وين الموية .. وين النور.. وين العجين .. و البنسلين .. و الاوكسجين .. البنقو وين العرقــي وين والناس توح ) والناس توح .. زح ياخ زح .. تنبح نبح وتردح ردح .. تلاتين الف دى مقابلة دكتورة ولا عرس عديل .. ان شاء الله ما يطيب الجرح .. والناس توح .. زح ياخ زح .. الكسرة .. الفول .. الملح .. ود الطهور .. بيت العرس .. الضيف لعلو بخير صبح .. الدين .. وباقى المنهج الزادهو خسارة .. زادوهو خسارة وقام ربح . .البنجمع والبنكسر والبنضرب .والبنطرح البيت وقع .. البيت وقع امسكو صرتو .. شوفو التراب البنطرح .. يا زمن صرة جبين الهم .. عاد كيفن ينطرح وكل الهموم الفينا كبرو وعجزو .. ولدولنا تانى زمن جديد نادولنا شيخنا يعوزو .. دايرين شغل عوووووك عايزين شغل وينو الشغل .. انا قارى طب العاصمة .. انا تكنلوجيا وهندسة .. انا فى المعامل مدرسة .. انا اول الدفعة اقتصاد .. انا عندى ماجستير .. شرف .. انا .. بت بتلعب نص وباك .. انا زول بهدف فى الشباك .. انا ديك وداك انا جيك وجاك .. والناس توح دايرين نعيش رايكم شنو العرس الجماعى قريب تجو وتجاوزو المحنة وكمان فى بيت حلال تجاوزو .. احسن ليكم رمضان بجى وين تانى تجكسو .. ما قلنا ليكم من زمان لامن تخشو الجامعات .. اركزو واتمركزو .. وما تلكزو واتكوزو .. وادو الوطن حقو .. العيد فضل ليهو خمسة يوم .. والدجتل فضل الله اخوى ضربو ورماهو و طفقو .. بس اقعدو عاينو وبوزو .. الانجليز دخلو الفريق واتحلبو واتحمضو واتكبرتو واتفولزو .. بس اقعدو عاينو وبوزو .. (كونو معنا على قناة الاحلام .. شكيرة فى اخر البومها الفنى .. ايهاب توفيق جرح تانى .. السينما والصيف مش حا تأدر تغمض عينيك ) بس اقعدو عاينو وبوزو .. الانجليز دخلو الفريق اتحلبو واتحمضو واتكبرتو واتفولزو .. حلبو الغنم شربو اللبن اتسلو بينا وقزقزو .. ولسة .. نحنا.بنغازل فى القمر وهم طلعو فيهو وتنقزو .. بس اقعدو عاينو وبوزو واتحزحزو واتقمزو وارجوها فى نص الطريق واتشنطو .. انا لو قبضتها كنت وريتا النهار بى نجمتو ( بــــــــــــت المرق ادم ابوى من جنتو ) . شوف الحضارة السوتو والله بعد سنتين اكان تتلفتو .. الحــــُـــــرفــــة ما حتــــــو اللــــتو .. مولانا طابق فردتو .. الشيخ بونس فى الفتو .. بى عرفتو .. وبى هبهانو وجنزبيلو وعرفتو .. عشرين مرأة وما كفتو .. والــطــلـــبـة لســـــة بنقطو .. دا زمن بنقطو فيهو حروف عاد الله ليكم نقطو .. و الشعراء يمشو وينططو .. ( نكر صوتك صداك ) (وامونة غرقت فى الرماد ) .. (وانا جاى ليك من سكتك ) .. (وتطلعى انتى من صوت طفلة وسطة اللمة منسية ) ..................... امونة مين؟ .. والسكة وين؟ .. وتطلع متين ؟ .. والشعراء يمشو وينططو .. ما ينططو .. هو العلماء لسع ما فتو .. هو الدين من ما دخلوهو وجه النهار وناس عمرو خالد وعلموهو الكمبيوتر كلفتو .. يا علماء احسن اسكتو .. بس اقعدو قحقحو فى الروادى علما بلا عملا دحين شن قحتو .. سوقونا ياخ ارح ودونا لى بوش عديل فى بيتو نحنا الصغار بنكفتو .. ايوة نكفتو ما كفت العالم دا كلو ملاهو خوف قلع هدومو و بهدلو ..
.. ..
وما مشكلة الزول يتزلق فى المطرة ويكسر ركبتو .. وما مشكلة الزمن ينحرق ويفقد نضارو وروعتو .. وما مشكلة الزول العزيز يفرض علينا معزتو .. وما مشكلة البت تبقى لى زول اصلو ما حبتو وما مشكلة الروح تمشى دون حلما عزيز ما تمتو .. وما مشكلة الفصل ينكتب مزعج لغاية ألفتو .. بس ... لو صدق خاطر القصيد والفينى رجح كفتو .. الزول اخير يمسك لسانو عليهو جد و يبقى عشرة على .. سجارتو و سفتو .. عفوا ... يبقى عشرة على كرامتو وعفتو ..
| |
|
|
|
|
|
|
Re: ديواني الاول .. حواجب عيون الزيزفون .. ( توقيع الكتاب في القاهرة ) .. (Re: humida)
|
Quote: سنلتقي يا صديقي في كازبلانكا الجميلة ذات خريف .. |
اييييه يا حميده ... ارجوك ..ارجوك لا تذكرني تلك الايام في كازبلانكا .. والله لكأني بها الان امامي اشم عطرها الاخاذ واتدحرج في ذكرياتها مثل طفل في حضن امه .. لا ازال اذكر ذلك الكوخ فوق جبال اطلس والمطل علي المحيط ..والذي كتبنا فيه اجمل الاشعار .. يا لها من ايام عجيبه لن تعود ..
بالمناسبه يا حميده .. صاحب المداخله اعلاه اليس هو علاء صديقنا الايروتيكي المستنكف ؟؟ ان كان هو فما اجملها من صدفه ويا لها من مفاجأه .. ارجو ان تبلغه عني السلام فقد مضي زمااان ولم اسمع عنه .. واخر اخباره انه ذهب الي شيلي باحثا عن صديقه كوستيلو براميني ..صاحب كتاب الرماد كال حماد
| |
|
|
|
|
|
|
|