ما برضو نحن ياريس حبايب وما المودة اللي بيننا ما بتخليك تعزلني عنك ليه أنت عارفني منك والله العشا ما هدف بس لمتنا تسوا الدنيا ما فيها لما عرفت أنو كنت أنت صدر المجلس كما عودتنا حزنت علي نفسي والله وحسيت أني منبوذ أنتو ما القبيلة والاهل وكل الاحباب وسط كأبة دنيانا والله ياريس شوفتك أجمل من القاعدة في أفخم الصالات بفنادق دبي أو منهاتن وأعظم من الجلوس علي أكثر الموائد دسما وعسل أنت ضيء قبيلة ودليلنا وخير أهلنا كلوا يابسمة رجولةفي زمن الضيق ويا ضل اليتما وسند المساكين و أمل كل الصابرين في بكرة عشان كدا بعتابك نحن كان بعدت عننا نحن لقربك نعسي وندور.......... بالله عايز منك أيضاح لعشا أمواج الصفوي اللي حرمت أخوك وأخوة كرام زي منو وطبعا عارفك ما ح تخليني محتار كتير ولا حزنان شديد ولا عاتب عليك وحسب قدري عندك وقيمتك عندنا تقولي الحقيقة لكين والله ما أنا ما بحب أتحرك بالليل من أمدرمان لانو حلتي بتاعت الكوراع رهيبه ياريس بس بالله أبقوأ أتذكروني وقالوا والله لو كان معنا ح يكون مزعج بالله أتذكروني في لماتكم الحلوة انا محتاج رفقة بجد ورفقة البورداب الصفوة كمان ليها طعم تاني صدقني ! لك ودي وأجلالي ياريس بالله دا عتاب أخوان وانت سيد العارفين ليس بين الاخوان غير الود يبقي الود بييننا أيها الانسان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة