|
|
 السودانيين ووهمة شراء البيوت بالدين( بالمورقيت) فى المهجر
|
طوال غربتى وتواجدى و تعايشى مع اهلى السودانيين لفت انتباهى اهتمام البعض وقد يكون الغالبيه بشراء بيت فى تلك الدوله التى يعيشوت بها وبالدين(المورقيت).
طبعا البنوك فى الغرب بتساعد على هذا وبتاخد الغرض الدايرو وتشترى البيت البتحلم بيهو والعفش برضو بالدين والمراة تعمل عزومه كبيرة وتتفشر لى صحباتها واهلها فى السودان يسمعوا ويفرحوا والراجل المسكين يتورط بدفع الدين للبنوك الذى قد يدوم طول الحياة. وقد يكون هذا المسكين لا يملك قطعة ارض او برنده فى السودان !!!!!
الحاصل شنو با اهلى والجن والوهمه دى حدها وين ؟؟
هل المشكله فى النسوان الما واقعيات ولا فى الرجال الساكتين على عدم الواقعيه دى ودايريين يتورطوا ؟؟
تعالوا نناقش الظاهرة دى ولو اقنعتونى انو انا الوهم بمشى بكرة بشترى بيت فى بريطانيا و هولندا وامريكا وكندا كمان ..
سلام
حليمه2
|
|
 
|
|
|
|
|
|
|
 Re: السودانيين ووهمة شراء البيوت بالدين( بالمورقيت) فى المهجر (Re: Dr.Elsadig Abdalla)
|
الفاضلة حليمة
لقد جاوبت انت على تساؤلك المهم هذا وها انا ذا ارددة بعدك
انها الوهمة والوهم هو ان تعيش وتحيا حياتك وتبنيها على اساس كذبة كبيرة
التقيت بعضا منهم بعد عودتى الى السودان وراءيتهم يسوقون وهمتهم بكل فخر
للمواهيم القابعين فى السودان على انهم يمتلكون (فيلا) فى الغرب ويسرحون بخلق الله.
وهكذا ينتشر الخبر وهكذا تزداد وتزين احلام البسطاء
بوهـــــــــــــــــمــــــــــة
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: Hisham Amin)
|
سلام يا حلوم
اعتقد أن شراء بيت في الغربة أفضل من الايجار
ولكن هناك اشياء مهمة يجب مراعتها
موزانة الدخل مع قيمة الغرض
حفظ مبلغ جيد في الاحتياطي تحسباً للظروف
دفع أكثر من 20% مقدم أذا وجد
جعل قيمة سداد الغرض مثل قيمة الايجار
أو أقل
عدم شراء منزل أكبر من امكانية المشتري
على المشتري أن يبدأ بمنزل معقول السعر
ويحاول أن يسدد [أسرع وقت ممكن
نحن نعاني بشكل مستمر من ارتفاع قيمة الايجار بشكل سنوي مخيف
وسوف اواصل معك الكثير جداً من ايجابيات أن تملك منزلاً في الغرب
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: Halema2)
|
اخى هشام امين
سلام وشكرا للاضافة
Quote: التقيت بعضا منهم بعد عودتى الى السودان وراءيتهم يسوقون وهمتهم بكل فخر
للمواهيم القابعين فى السودان على انهم يمتلكون (فيلا) فى الغرب ويسرحون بخلق الله.
|
تعرف دى المشكله ذاتها, يعنى لو الناس دى بتحكى الطريقه البشترو بيها البيوت دى كان افضل وكان ما سرحوا بالمساكيين ديك وادوهم فكرة خاطئة عن اوضاع الناس فى الغرب.
تحياتى
| |
|
|
|
|
|
|
|
|
 Re: السودانيين ووهمة شراء البيوت بالدين( بالمورقيت) فى المهجر (Re: Halema2)
|
الاخ المحترم د.محمد على
نشكرك جدا للاضافه وذكرك لتجربتك
Quote: تجربتي الخاصة اشتريت بيت وعشت فيه ثمانية سنوات وبعته قبل الازمة المالية بقليل عند الانتقال الى الخليج وبعد ارجاع حق البنك والسمسار طلعت ساكن بلاش لمدة 8 سنوات وربحان كمية من القروش خليها ساكت
|
لكن ما كل الاشترو بيوت ربحوا زيك او وظائفهم كانت مثلك لانو فى بلدان بنوكها بتديك باقل دخل ثابت عندك ولو حصل وانت سبت الوظيفه دى لاى اسباب بتتورط ورطه كبيرة.
عشان كدا انا بشوف الناس ما تحاكى بعض ساكت لانو ظرفى بختلف عن ظرفك والناس حقو تكون واقعيه وتمد كراعها على قدر لحافه
تحياتى
_______________________
انا ما عايشه حاليا فى هولندا
| |
|
|
|
|
|
|
|
|
 Re: السودانيين ووهمة شراء البيوت بالدين( بالمورقيت) فى المهجر (Re: Halema2)
|
السيد امين زوربا
سلام يا صاح
Quote:
اعتقد أن شراء بيت في الغربة أفضل من الايجار
ولكن هناك اشياء مهمة يجب مراعتها
موزانة الدخل مع قيمة الغرض
حفظ مبلغ جيد في الاحتياطي تحسباً للظروف
دفع أكثر من 20% مقدم أذا وجد
جعل قيمة سداد الغرض مثل قيمة الايجار
أو أقل
عدم شراء منزل أكبر من امكانية المشتري |
كلامك دا جيد جدا , لكن هل بنفكر فيهو قبل الورطه؟
تحياتى وراجيه باقى الكلام
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: Halema2)
|
سلامات الاخت Halema2
حقيقى اندهشت من عنوان البوست جدا جدا جدا
يا اختى حتى اهل البلد بيشتروا البيت بالمورقيت...ما فى زول (نصيح) او (ما من اصحاب الملايين) بيطلع 200 الف دولار او 300 الف دولار يشترى بيها بيت.
نظام الشراء بالكاش ده النظام فى السودان ...و اظن الان (حتى فى السودان ) فى جهات كتيرة بتقدم ديون لشراء بيوت و عربات (ذى بنك الخرطوم)....الموضوع (فى المهجر) اسهل لان الاقتصاد اكبر...بس.
و بالمناسبة لزول عايش فى الغرب قرار انك تشترى بيت بقروش كاش ده قرار غبى جدا .....و لو عاوزه تفاصيل و شرح ليه قرار غبى.... ممكن اجيك راجعة للموضوع ده.
| Quote: عشان كدا انا بشوف الناس ما تحاكى بعض ساكت لانو ظرفى بختلف عن ظرفك والناس حقو تكون واقعيه وتمد كراعها على قدر لحافه |
ده كلام صحيح ..و بينطبق على اى حاجة فى الدنيا من عمل عرس كبير لشراء عربية فى السودان او فى بلاد الفرنجة.....
كان تقولى كده من البداية .....لكن جملة "ووهمة شراء البيوت بالدين" دى حقيقى اشتغربتها جدا من زوله زيك....شكلك عايشه فى الغرب و عندك بوست عن النساء فى المهجر و اجتهادهم.
فتشى فى النت و اقرى عن محاسن (و مساوى ) شراء عقار فى منطقتك. لان الموضوع ده بيختلف من بلد للتانى ومن منظقة لاخرى حتى فى البلد الواحد. و الزمن و حال السوق البتشترى فيه البيت بيفرق برضو.
ما تكتبكى كلام عام ساااى كده و تمشى...
و بالمناسبة (الان,,,و بعد الازمة الماليه الاخيرة فى كل العالم) ما فى بنك بيدى زول ما مقتدر دين لشراء بيت.
اتاكدى ..اى زول اشترى بيت فى السنة الماضية ...بيقدر على دفع قروشه....لو طبعا ما مزور فى اوراقه و دى قصة تانية
_______________________________________________________
اما موضوع حلال و حرام ده ..فموضوع كبير (و موضوع تانى ) لكن فى جهات سالامية كتيرة فى الغرب بتقدم خدمات ديون لشراء منازل على حسب الشرع الاسلامى
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: smart_ana2001)
|
سلام يا اخت حليمه:
استغربت جدا من عنوان البوست ولم استطيع التميز هل الوهمه في شراء البيت في حد ذاته ام في شراء البيت بالموريقيج؟ بعني لو زول عندو قروش كاش واشتري بيت في الغرب هل دي وهمه ولا ما وهمه.
انا اعتقد ان اي شخص له الامكانيات لشراء بيت وقادر علي تسديد اقساط البنك بيكون تفكير جيد جدا منه انو يشتري بيت حتي ولو كان ما يدفعه كقسط اكبر قليلا من قيمة الايجار لان قيمة الايجار هي عباره عن قروش"going down the drain" ولن يستعيدها الشخص مطلقا.
طبعا مفروض الواحد البيشتري البيت يكون عامل ميزانيتو كويس و عارف مستوي دخلو ومنصرفو . ان لم يفعل ذلك وقام بشراء بيت قفط من اجل الشو فذلك فعلا انسان موهوم
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: Amani Al Ajab)
|
الأخت حليمة
وبإختصار، شراء البيت أو أي إستثمار هو شئ جيد إذا تمّ التحضير له ودراسته من كل الجوانب، وينطبق هذا الشئ على كل مناحى الصرف الحياتية، وبالتالي وحسب ما فهمته من كلامك فأنت تقصدين الذين يشترون البيت فقط للتباهي به دون أن تكون له المقدرة المالية على ذلكن فإذا كنت تقصدين هذه الفئة فنرجو التوضيح.
أما إذا كنت تقصدين أن موضوع شراء البيت بالـ(مورقيت) فهو يخضع للدراسة والمقدرة المالية ولا أعتقد أنه "وهمة" كما تفضلت، وأقول هذا الكلام بعد دراسة وهي متوفرة على الإنترنيت ويكنني تزويدك بها إذا أردت.
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: Amani Al Ajab)
|
الأخت حليمة 2 بعد السلام
1- موضوع الشرعية: قبل أن أشتري منزلي الذي أقيم فيه إتصلت بالمركز الإسلامي في لندن مستفسراً عن مشروعية الرهن Mortgage ؟ إتصلوا برئاستهم في القاهرة ومكة وأفتونا بالآتي: إذا أردت المنزل للسكن أو المكتب للعمل فيه فهنا الرهن حلال. لكن لو أردتهما للمتاجرة بهما يعني إيجار Business فهنا ال Mortgage ليس حلالاً. هذا هو رأي المركز الإسلامي بلندن.
2- أشتريت بيتاًفي لندن بهذه الطريقة وكنت أدفع إيجاراً شهرياً قدره ألف جنيه استرليني. كانت قيمة المنزل 95,000 جنيه استرليني. والمبلغ الذي أدفعه شهرياً ك Mortgage كان في حدود 600 جنيهاً. الآن سعر منزلي تعدى ال300,000 جنيه حتى بعد الهزة الاقتصادية المعروفة.
كان هذا منذ 12 عاماً. اليوم لا يمكنني شراء منزل ب 300,000 جنيهاً مهما كان ولو كنت ما زلت اسكن بالإيجار فسيكون جملة المبلغ الذي دفعته في الإيجارات هو 144,000 جنيهاً وكلها تكون ذهبت في الDrainage كما قال أحد المتداخلين.
أها رأيك شنو عمليتي دي كويسة ولا بطالة؟
(العوج راي والعديل راي)
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: PLAYER)
|
العزيزة حليمة
لقد تناولتي موضوع في غاية الأهمية بالنسبة للمغتربين والمهاجرين وأتفق مع ما أشار غليه الدكتور
محمد المشرف بأن شراء المنزل يمون أفضل من الايجار ولكن فقط لهؤلاء المغتربين والمهاجرين الذين
ينوون الغياب الطويل من الوطن.. وحتى بالنسبة لهؤلاء الذين يقررون منذ أن تطأ أقدامهم أرض الغربة بأنهم
سيرجعون للوطن نهائيا خلال سنتين ثلاثة نجد أن المقام يطيب لهم و لا يعودون أبدا للوطن, ولذلك فإن شراء
المنزل أفضل وخاصة بالنسبة للأسر والعائلات الكبيرة , فمثلا أذا أردت أن تؤجر شقة في نيويورك من غرفتين أو ثلاثة غرف
فإن الايجار الشهري يتراوح ما بين 1300 إلى 2200 دولار , ولكن اذا قررت أن تشتري منزل فإن الدفعية الشهرية( أو الأقساط
الشهرية تتراوح ما بين 1000 دولار إلى 1500 دولار) يعني أرخص من الايجار ولكن لا ننسى [ان هذه الاقساط الشهرية قد تستمر فترة طويلة على حسب
قيمة المنزل مع الأخذ في الاعتبار الفوائد البنكية( ولقد أجاز بعض الفقهاء( ومن بينهم الشيخ القرضاوي شراء المنازل بالأقساط بالنسبة لهؤلاء
الذين يعيشون في الغربة وذلك لتسهيل أمر السكن بالنسبة إليهم والتماشي مع النظم السائدة في الول التي يقيمون بها( واذا اردتم المصدر بالنسبة لهؤلاء الذين يطالبون مصادر الاخبار, فإن القرضاوي أعلن ذلك خلال برنامج الشريعة والحياة في قناة الجزيرة)..
وأود في هذه العجالة أن أشير بأن شراء المنازل لا تكون دائما وهم ولكن ضرورة بالنسبة للمهاجرين والمغتربين الذين يعتبرون الدولة التي يعيشون فيها هي سكنهم
واستقرارهم الدائم ويسافرون للسودان فقط في الاجازات...أما هؤلاء الذين دائما يفكرون دائما بأنهم سوف لن يستقروا في الخارج للأبد وأنهم لا بد عائدون للوطن نهائيا ويعيشون حياة بائسة كي يستطيعوا بناء منزل في السودان فهؤلاء يخدعون أنفسهم ولا سيما وان العمر يجري واطفالهم يعيشون البؤس لسنوات وفي النهاية تجدهم لا يرجعون قبل مضي سنوات طويلة تضيع فيها أعمارهم وأعمار أطفالهم هدرا وبؤسا وشقاء.. ولذا فمن يستطع أن يشتري منزلا بدل الايجار فليفعل حتى لا يكون تحت رحمة ملاك المنازل والشقق يزيدون الايجار الشهري كما يحلو لهم,,
ولنا عودة بإذن الله كي نحكي تجارب واقعية
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: PLAYER)
|
Quote: فوائد شراء البيت
1/البيت بكون كبير
2/الدفع الشهري بكون أقل
3/ممكن تبيع البيت بعد فترة ويرجع لك قروشك(أكثر او أقل)
حكمة اليوم
حقك...أخير من حق الناس
حكمة الغد
أشتري البيت القدر حالك |
اتفق معك قلباً وقالباً
===
مش بقولو كده برضو
اشتريت البيت وما اشتغلت بى فتوى ولا ولا........بعديها بى اربعه سنين سعرو بقى دبل....السودانيين الكانو بيقولو ده حرام وده سيفتو كلهم جرى على البنك
حكمه اليوم
الداير الحلال اليشترى فى السعوديه........... ولا المسعوديه
فى الغرب.......نهى محبتكى.........كلو حرام من المرتب البتدفع ضريبتو للكنيسه .........للويلفير الجاى من ضرايب البارات
تحياتى لصاحبه البوست ........والجميع
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: smart_ana2001)
|
شنو يا{ انا الذكى من سنه الفين وواحد}
الكلام ده فى اغلب دول اوربا الغربيه........او على الاقل فى البلد الانا عايش فيها دى
بعدين اساس النظام فى الدول دى ماخداها اصلاً من الكنيسه منذ العصور الوسطى بس بتدع حدود للتصرف المباشر للكنائس.......طيب شفت كيف الرؤساء الجدد بيأدو القسم عند تغيير الحكومات؟
ياخ ببساطه جذء كير من حصيله الضرائب بيمشى كمخصصات للكنائس زيها وزى بقيه المؤسسات الدينيه والتبشريه والتطوعيه و الغير ربحيه والانسانيه وهلمجرا
===
ماتزعل ترجمتى لاسمك........حركه منٌى ساى
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: smart_ana2001)
|
Quote: و بالمناسبة لزول عايش فى الغرب قرار انك تشترى بيت بقروش كاش ده قرار غبى جدا .....و لو عاوزه تفاصيل و شرح ليه قرار غبى.... ممكن اجيك راجعة للموضوع ده.
|
سمارات اتفق معك حتى لو عندك قروش في هولندا ما تشتري البيت كاش عشان ناس الضرائب بترجع ليك جزء كبير من المورفيج سنويا باعتبارك مديون
محمد زكريا
غايتو السعودية بتاعتك دي ما فيها حلال الا الحرم المكي والحرم المدني
معزتي
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: محمد زكريا)
|
سلام smart_ana2001
شكرا للمشاركه والاستغراب
رأيك انو شراء البيوت احسن من الائجاردا كلام كويس ورائك ونقبله منك , لكن انا رآى غير وطرحته عشان ننتاقش وقلت البقنعنى انى وهم بكرة دى بمشى اشترى لى بيت . يعنى بالراحه كده وبدون زعل اقنعينى بزول شغال شغل ثابت وبسيط لكن مرتبه كافى انو ياخد غرض من البنك واخد الغرض واشترى البيت ما لانه مقتنع لكن الموضه كده والجماعه اقنعوهو انو كدا احسن . الزول دا بعد كم سنه زهج من الشغل دا وداير يسيبه والبيت ابى يتباع . يعمل شنو فى المحنه دى ؟
يعنى باختصار كدا ان ضد الخوض فى الفكرة بدون دراسه ودا الوهم البقصدو.
تحياتى
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: محمد زكريا)
|
| Quote: يعنى باختصار كدا ان ضد الخوض فى الفكرة بدون دراسه ودا الوهم البقصدو. |
يا حليمة يا اختى -بصراحة- المداخلة الاول اللى فى البوست ما كان فيهاحاجه بتخلينى افهم انك قاصدة ان الناس ما يعمل حاجه انها ما بتقدر عليها
كلامك ده:
| Quote: طوال غربتى وتواجدى و تعايشى مع اهلى السودانيين لفت انتباهى اهتمام البعض وقد يكون الغالبيه بشراء بيت فى تلك الدوله التى يعيشوت بها وبالدين(المورقيت). |
بالاضافة لعنون البوست بيدل على اعتقادك بان شراء البيوت يالدين (المورقج) و همة.
| Quote: طبعا البنوك فى الغرب بتساعد على هذا وبتاخد الغرض الدايرو وتشترى البيت البتحلم بيهو والعفش برضو بالدين والمراة تعمل عزومه كبيرة وتتفشر لى صحباتها واهلها فى السودان يسمعوا ويفرحوا والراجل المسكين يتورط بدفع الدين للبنوك الذى قد يدوم طول الحياة. وقد يكون هذا المسكين لا يملك قطعة ارض او برنده فى السودان !!!!! |
للاسف -انت قررتى انو اى زول ما متفق معاك فى اولوياتك (وهمة). ما كل الناس اولوياتها انها يكون عندها بيت باوضة و برنده فى السودان!!!!
و انت بروحك قلت (مهجر) ما اغتراب...يا اخى لو خلاص قررت انك مهاجر....على الاقل حاول عيش ولادك عيشه كويسه (فى حدود الاستطاعة طبعا)
| Quote: وقلت البقنعنى انى وهم بكرة دى بمشى اشترى لى بيت |
ما بقدر اقنعك.و لا ح احاول حتى. عارفه ليه؟ لانى ما عارفه ظروفك شنو؟انت شغاله؟ دخلك ثابت؟ فى اى احتمال انك تترفدى من وظيفتك قريب؟ الارزاق بيد الله ...لكن لو كنت شغالة استاذة (مثلا) فى امريكا و فى ولاية ذى كلفورنيا ح اقول ليك فى احتمال تترفدى قريب. انت فى اى بلد ؟ سوق العقارت شكلو كيف؟؟؟ما فى زول بيقدر يقنع زول ساااى كده ان يشترى او ما يشترى .
| Quote: يعنى بالراحه كده وبدون زعل اقنعينى بزول شغال شغل ثابت وبسيط لكن مرتبه كافى انو ياخد غرض من البنك واخد الغرض واشترى البيت ما لانه مقتنع لكن الموضه كده والجماعه اقنعوهو انو كدا احسن . الزول دا بعد كم سنه زهج من الشغل دا وداير يسيبه والبيت ابى يتباع . يعمل شنو فى المحنه دى ؟ |
و الله يا حليمة يا اختى - لو اخونا ده عارف روحه بتاع مزاجات و مممكن يزهج من الشغل اخير من يدخل فى التزام ذى ده...و مبارة الموضة ما كويسه فى اى حاجه لا فى شراء بيت و لا حتى عربية و لا اى شئ.
الحاجه اللى انا فهمتها من البوست انك معترضة على الشراء بالدين. و انا عاوزه اقول ليك شراء العقرات بالدين ما وهمة...ده قرار (للزول العارف بيعمل شنو ) حكيم جدا.
اما اذا كان التعبير خانك و كنى عاوزه تقولى ان الناس لازم تدرس الموضوع كويس...فده كلام صح. و ما عندى حاجه اقولها غير ان عنوان البوست ما ليه علاقة بالموضوع.
تسلمى يا حليمة و شكرا على طولة بالك
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: Halema2)
|
الاخت حواء2
Quote:
رد الدين للبنك ولمدة قد تكون اكتر من 40 سنه دا ما ورطه !!
|
والله ورطه تب
وبالنسبه للعمر ..........يعنى لو انا جيت لاوربا وعمرى 18 سنه ح اخلص دفع الدين وعمرى 58 سنه.......... حولا
طيب ولو العمر بين التلاتينات والاربعينات دلوقت......الواحد لو عنده اولاد تكون عندهم ورثه لا بأس بها بعد عمر طويل
===
اخر الاحصائيات تقول ان متوسط عمر السودانى 40 سنه..........يالطيف
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: اميرة السيد)
|
سلام يا اميره السيد
| Quote: يعني يا محمد حيموت قبل ما يسدد الدين |
غايتو صحى الاعمار بيدالله
بس حسب الاحصائيه وح يكون على زوجتو و اولادو ان وجدو تكمله الاقساط
طبعاً ولو ما مات من بعد عمر طويل .........اكيد ح يموت من ارهاق الشغل ليل ونهار عشان يسدد ارباح البنك الربويه
لكن بالجد احصائيه انو عمر السودانى حدها الاربعين لعديها يبداء العد التنازلى ويجهز كفنو دى ما عارف جابوها من وين.........قريتها فى احصائيه عن اعمار الشعوب
قالو عشان السودان بلد كوارث وحرب اهليه وجوع وملاريا ودبايب وعقارب وكلاب سعرانه.............وجهازالامن والنظام العام
===
انا راى انٌو كلو من اكل الويكه وكسره الفتريته
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: Halema2)
|
Quote: فوائد شراء البيت
1/البيت بكون كبير
2/الدفع الشهري بكون أقل
3/ممكن تبيع البيت بعد فترة ويرجع لك قروشك(أكثر او أقل)
|
يا عادل بلير ما قصرت أتيت بالمختصر المفيد.
من تجربتي الخاصة عن فوائد شراء البيت بدلا عن
الإيجار..
في عام 1993 إشتريت بيت وسكنت فيه 13 سنه..
تبقى على إنتهاء الدفع مدة قليلة.
الأولاد كبروا وكل واحد أصبح محتاج لغرفة لوحده
بعت البيت ورجعت لي قروش كثيرة.
طبعا لو مؤجر المسألة ستختلف كثير..
إشتريت بدلا عنه بيت آخر كبير ووضعت جزء كبير
من القروش في البيت الجديد كـ [Down Paymen]
يعني لو عايز أبيعو في أي لحظة برضو ممكن
ترجع لي منو قروش.
لو إشتريت بيت وظروفك المادية كويسة ممكن
تدخل في برنامج للدفع إسمه [Bi-weekly]
أي تدفع كل إسبوعين.. ومن محاسن هذا البرنامج
إنك تستطيع تخلص سعر البيت في فترة ما بين
10 الى 15 سنة حسب إستطاعتك ويصبح ملكا لك..
وكذلك هنالك طريقة أخرى يمكن تقلل بها الفترة
الزمنية لدفع سعر البيت.. وهي أن تقوم بدفع
مبلغ يعادل المبلغ الشهري الذي تدفعه عند
نهاية كل عام..
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: عزيز عيسى)
|
Quote:
سلام اختى امانى
تشكرى على المشاركه
Quote: بالنسبة للورطة أنا لا أفهم عن أي شئ تتحدثين؟
رد الدين للبنك ولمدة قد تكون اكتر من 40 سنه دا ما ورطه !!
تحياتى
___________________
Quote: الحبيبة حواء
انا حليمه2 |
عذراً الأخت حليمة 2 للخطأ غير المقصود ...
أين الورطة ممكن الشخص يكون مؤجر العمر كله وفي
النهاية يطلع بخفي حنين ويذهب أطفاله إلى الشارع!؟
أي مبلغ يدفعه المالك يكون خصماً من ثمن البيت !
البنك يحدد أقصى مدة للدفع و الشخص الشاري هو الذي يحدد
المدة المناسبة له حسب إمكانياته في ناس دفعوا ثمن البيت في
عشر سنوات فقط !
دمت بالف خير..
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: Amani Al Ajab)
|
الاعزاء
محمد زكريا
1/الفوائد والارباح ما بتمشي للكنيسة بل للجهة الدائن(غالبآ بنوك ومؤسسات مالية تسعمل ودائع المودعين)
غالبآ ما تطلب القرض او الدين من البنك الذي تتعامل معه(معظم البنوك لها استثمارات عقارية).......
2/الضرائب ما بتمش للكنيسة بل للدولة(حتي الكنائس والمساجد والمعابد تقدم ذمتها المالية للحكومة)
3/ال40 سنة التي يحددها الجهة الدائنة هي اقصي مدة بدون غرامة(بالدارجي:لو ربك سهل وعندك القريشات ممكن تدغعها في 40 يوم)
4/ معدل الاربعين سنة دا للعايشين في السودان والدول المجاورة لاسباب كثيرة مثل ماهيتي شوية..ما قادر اعرس..ما بقدر اصرف علي البيت......وما قادر اشتري بيت.......ناهيك عن الأكل واللبس(دا شبه محلولة في الغرب)
شكرآ لايجابيتك
................................................................
عزيز عيسي
Quote: لو إشتريت بيت وظروفك المادية كويسة ممكن
تدخل في برنامج للدفع إسمه [Bi-weekly]
أي تدفع كل إسبوعين.. ومن محاسن هذا البرنامج
إنك تستطيع تخلص سعر البيت في فترة ما بين
10 الى 15 سنة حسب إستطاعتك ويصبح ملكا لك..
وكذلك هنالك طريقة أخرى يمكن تقلل بها الفترة
الزمنية لدفع سعر البيت.. وهي أن تقوم بدفع
مبلغ يعادل المبلغ الشهري الذي تدفعه عند
نهاية كل عام.. |
كلامك واضح جدآ.......يعني الواحد عندو خيارات كثيرة غير الاربعين سنة
تسلم ياغالي
..................................
ليـــــــه الناس بتشتري بالدين في الغرب
1/في ناس ما عندها قروش
2/ في ناس بتوفر قروشها لليوم الاسود(السيولة أفضل دائمآ)
3/في ناس دايرة تستثمر قروشها عشان يذيد
,,,,,,,,,,,,,,,,,,,,,,,,,,,,,,,,,,,,,,,
وهمة شراء البيوت بالدين في السودان موجودة.........
الملاحظ انو في السنوات الأخيرة الحكومة السودانية متمثلة في وزارة الأسكان رسلت وفود لدول الخليج واروبا وامريكا لعرض اراضي وبيوت جاهزة وشقق بالتقسيط......................
حكمة اليوم
الشراء بالتقسيط = الشراء بالدين .......لان في كل الحالتين انت مطالب
حكمة الغد
اكبر الاوهام انو واحد يوهمك بان الايجار أحسن
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: PLAYER)
|
سلام يا حليمه
الحاجه العرفتها من بوستك ده انو عنوانك ما عندو علاقه بالفكره العايزه توصليها !!
لو انتى اعايزه تقولى للناس تفكر وتدرس حالتها الماليه قبل الشراء...او
لو فى قصة وشوفنى دى انا شخصيا ماشوفتها ..لان الناس البعرفه وعندها بيوت
قادره على تكاليف الاقساط...يعنى القصه ما وهمه ولا شوفنى ..وبستغرب من زول العايز
الناس تشوفوا بى بيت!!..
تانى حاجه شراء البيوت حتى فى السودان بقى بالطريقه دى يعنى بالتقسيط..
هل تقسيط السودان وهمه؟؟! ولا الوهمه منحصره على الغرب؟؟!
هتالك عدة طرق لشراء البيوت وكيفية السداد .. وانتا وثقافتك وعلمك بامور الشراء !!
..وايضا شروط للشراء!!
كونوا تفقد مصدر دخلك باى سبب من الاسباب ده ممكن احصل فى اى مكان حتى فى السودان !!
وايضا لو عايزه تعملى شوفنى بى بيت دى...برضو ممكن وطريقه مفروش باللورد كالعاده!!
ياريت تشرحى لى ما هو الوهمه وما هو الما وهمه؟
وكيف تشترى البيت وماهى انواع البيتوت الممكن تشريها وانواع الديون؟!
حتت تفكر قبل شراء البيت عن الوضع المالى ما اظن بتحتاج لنقاش يعنى ننقاش الزول الما عندو قروش نقول ليهو شنو
عليك الله ما تشترى بيت لانو انتا ما عندك قروش!!!
ـــــــــــــ
التحايا
ـــــــــــــــــــــ
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: حبيب نورة)
|
سلام اهل البيت
البنك ما بيديك قرض بالمبلغ المطلوب الا لو اثبت انت انك قادر على سداد المبلغ و انه المبلغ المدفوع شهريها ليس اكتر من 30 في الميه من دخلك, في حالة زهجت من الشغل و بقيت زول ما مسؤول و لسه ما سددت القرض ممكن بكل سهوله ترجع البيت للبنك و اعتبر نفسك كنت ساكن ايجار و خلاص و في ناس كتيره عملت كده. القر ض بيكون ثلاثين سنه لكن انت بامكانك تدفع اكتر او تدفع كل اسبوعين و كده ممكن تختصر الزمن للنصف تقريبا لو عاوز. انا مثلا اهلي مشترين بيت اول ما اشتروه كان لمدة ثلاثين سنه و بعد 3 سنوات عملوا ريفايناينس و خفضوه خمسة عشر سنه و بيدفعوا زياده ميتين و حاجه دولار و ده خفضوا ليهم لاحداشر سنه هسه خلصوه و لو كانوا ساكنين في بيت نفس الحجم و نفس عدد الغرف ايجار حيدفعوا في الشهر قدر المورتقيج مرتين و نص.
في المهجر الناس يا ما ناوية ترجع السودان نهائي او ناويه ترجع بعد الاولاد يكبروا و يتخرجوا يعني ياها العشرين سنه او اكتر و عشان كده احسن يشتروا بيت يعيشوا فيه براحتهم, و حكاية انهم يشتروا بيت في السودان و يخلوه مقفول لمن يرجعوا و لاخطوا انه حكاية يرجعوا دي مشكوك في امرها على الاقل ما قبل عشرين سنه و البيت بيكون مقفول او قاعد في الغفير, مثل صديقة والدتي بيتها في الرياض قبل خمسه و عشرين سنه و ساكن فيه غفير اتزوج فيه و جاب سبعه و بناته الكبار اتزوجوا و جابوا اطفال و ساكنين في البيت يعني اسياد البيت بنوه للغفير و احفاده.
كل اسره بتشوف البيناسبها ماديا و في اسلوب الحياة سوا في المهجر او في الوطن و ما معنى اني اشتريت بيت هنا اني موهومه او اني بحب البوبار, طيب ليه الناس في السودان لمن تشتري بيوهت ما بتقولوا عليهم موهومين؟ عشان ديك بلدهم؟ طيب بالنسبه للمهاجرين دي برضه بلدنا بقت و عايشين فيها و لازم اولادنا يعيشوا كويس و يكون عندهم بيت حلو و حديقه و يعيشوا في منطقه نضيفه, انا شخصيا بشكر امي و ابوي انهم اشتروا البيت \ه و انا و اخواني صغار و قمنا فيه و كل واحد مرتاح في غرفته و لعبنا في حديقته و هسه اولادنا احفادهم برضه بيلعبوا فيه. و قروشهم محفوظه.
في امريكا خطوات الحياة للامريكان انه في بداية حياة الزول اول ما يتخرج بيكون في شقه و ممكن يتزوج فيها, لكن قبل ما الاطفال يجوا لازم يشتري بيت صغير عشان الاولاد يكون عندهم مساحه يلعبوا فيها و البيت ده بيبيعوا لمن الاولاد يكبروا شويه و يدخلوا المدرسه و قروشه تتخت داون بايمنت للبيت الكبير الي هو بيت الاحلام و هنا بيكون الاولاد في منتصف المرحله الابتدائيه و يقضوا باقي حياهم في بيتهم الكبير يلعبوا و ينططوا زي ما عاوزين. غير انهم مستثمرين قروشهم لمن خلاص الام و الاب يتقاعدوا بيكونوا خلصوا ثمن بيتهم و ممكن يبيعوه و يشيلوا القروش و يمشوا يتقاعدوا في شقه صغيره رخيصه في فلوريدا, او يقعدوا في البيت ده و ما عندهم هم ولا مصاريف غير اكلهم و شرابهم. البيت بعد سنين بيكون ذكريات الانسان كلها فيه, كل حيطه و كل شباك و كل ركن بيكون عزيز عليك و بيعني ليك حاجه, ليه كل يوم ترحل من شقه لشقه و تسيب ذكرياتك و تخلي اطفالك ما مستقررين و تدفع قروش اكتر من الممكن تدفعها في بيتك, بعدين ده بيتي اضرب بويه بنفسجي ولا اعمل المطبخ وردي ولا الهول برتقالي على كيفي, عكس الاياجار ما تقدري تغيري اي حاجه, و بالنسبه للناس الكبار في السنه الزراعه, تزرع فلقل و طماطم و غيره في بيتك انشاء الله تزرع خدره , شكلي قلبت الموضوع نفسي و اجتماعي اكتر.
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: حبيب نورة)
|
سلام اخت حليمه
انا مع كلام احونا محمد المشرف دا
Quote: الاخت حليمة
تحية طيبة
اختلف معك في اعتبار ان شراء البيت وهمة وعلى ما اعتقد انت في هولندا وتعرفي ان بيوت الايجار ( صغير , كبير وموقع ) توزع على حسب المرتب والناس الشغالة في وظائف دائمة وممتازة احسن تشتري بيت وتدفع المورقج والذي هو غالبا ما يكون قريب من سعر الايجار اذا لم يكن مثله واحسن البيت يكون ملكك وقيمتة في ارتفاع وبيعه متى ما اردت من بيت الايجار الذي تتركه كما استلمته
تجربتي الخاصة اشتريت بيت وعشت فيه ثمانية سنوات وبعته قبل الازمة المالية بقليل عند الانتقال الى الخليج وبعد ارجاع حق البنك والسمسار طلعت ساكن بلاش لمدة 8 سنوات وربحان كمية من القروش خليها ساكت
البنك لا يعطي المورقج الا لذوي الوظائف الثابتة والمرتبات الجيدة لضمان حقه ونصيحتي للجميع اشتري ليك بيت في البلد الانت عايش فيه حيث لا تضخم يذكر وانشاء الله تربح فيه اكثر من السودان الربح في البيت الكتير البتشوفو جاك في السودان ما هو الا تضخم
احترامي |
ياخي احنا هنا في الحليج القوانين لا تسمح لنا بالتملك (الا حديثا)
مغتربين لينا زي تاشر سنة كده وبندفع ايجار بس، وانا متأكد الى الآن بطون
دفعت تمن شقة في السعودية لو ما اتنين.
لو في عدل كان مفروض يكون حق التملك والشراء بالاقساط متاح من بدري وكونا وفرنا
حق الايجار في شقق نمتلكها الآن ودا حقنا وليس اكرامية.
المهم، مؤخرا اصبح التملك متاح للاجانب في معظم دول الخليج، ونصيحتي لاي واحد
ان يشتري شقة بالاقساط.
بس الاشكالية وين:
ما بدينوك لانك اجنبي
الكفيل دائما لا يثق فيك ولا يثق في اي احد
محتاج يكون عندك كاش كتير، ودي ما بتتوفر الا بعد ما تكون اساسا قربت تسيب الاغتراب
يعني لمن جات الحزينة تفرح ما لقتهاش مطرح
بصريح العبارة: نعم نسمح للاجنبي بالتملك لكن بنصعبها عليه
وبالمناسبة، دي ما كانت حركة ظريفة منهم سااااي كده، دا بعد ضغط من منظمة التجارة
العالمية WTO
وانا متأكد لو كنت في بلد غربي اول حاجة بعملها اشترى بيت باورقيج او ما يسمى بالعربي الفصيح
"البيع الايجاري"
بس نصيحة الاخت حليمه في محلها
لو ما مستقر في عملك، ودخلك معقول ما تدخل في برنامج زي دا، ومد لحافك على قدر رجليك
اذا قدرتك اوضتين وصالة ما تمشى تجيب فيلا
البنك يا ما حب عليه يدينك اكبر كمية من القروش، شيل منه قدر حوجتك، لو قلت ليه عاوز
اشتري بيت بـ 100 الف دولار، يقوم يقول ليك، لييه، حسب تقييمك الائتماني انت ممكن تاخد
لحد 250 الف دولار، بس، قول ليه شكرا انا داير المية دي بس
تحياتي
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: أحمد ابن عوف)
|
الاخت دانية
Quote: حكاية انهم يشتروا بيت في السودان و يخلوه مقفول لمن يرجعوا و لاخطوا انه حكاية يرجعوا دي مشكوك في امرها على الاقل ما قبل عشرين سنه و البيت بيكون مقفول او قاعد في الغفير, مثل صديقة والدتي بيتها في الرياض قبل خمسه و عشرين سنه و ساكن فيه غفير اتزوج فيه و جاب سبعه و بناته الكبار اتزوجوا و جابوا اطفال و ساكنين في البيت يعني اسياد البيت بنوه للغفير و احفاده.
|
صدقت اغلب السودانين بالخارج حياتهم مؤجلة كمية من البيوت مقفلة في السودان ليوم الرجعة الذي يتم تأجيله كل سنة وفي اخر الامر لو كان محظوظ يجي راجع للبيت في صندوق.
---------------
الاخ احمد ابن عوف
تحياتي
بخصوص الخليج البنوك الاماراتية تمنح الاجانب سلفيات للتملك
لكن
*اسعار الشقق خرافية والمضاربة فيها عالية
*اذا اشتريت فلا فانت تمتلك الحيطان فقط وليس الارض
*التشطيب متواضع مقارنة باوروبا
*كثرة رسوم الاستخدام والتي غالبا لا تظهر في سعر الشقة او القيلا مثل مواقف وحراسة وخلافه
*التعريفة العالية للكهرباء والمياه
*غموض قوانين التملك
والله اعلم وارجو من الزملاء المتخصصين المساهمة
احترامي
| |
|
|
|
|
|
|
|
|
|
Re: السودانيين ووهمة شراء البيوت بالدين( بالمورقيت) فى المهجر (Re: Dr.Mohammed Ali Elmusharaf)
|
سلام دكتور محمد المشرف
فعلا اسعار العقارات في الخليج عجيبة شوية وخرافية، قبل انهيار اقتصاد دبي
الاخير كانت الشقق بلميون واتنين والفيلا قد تصل 12 مليون
في السعودية الكلام شوية مختلف، ودا امكن البخلي الاغتراب في السعودية مجدي نوعا ما
زي ما قلت ليك، التملك اصبح من حقوق المقيمين في السعودية (ما عدا مكة والمدينة)
وعلى ما اعتقد في تأصيل شرعي للمسألة دي بس ما متذكره.
البنوك في السعودية الفائدة للتمويل العقاري بتصل 100% ، حتى بالنسبة للسعودي
لان النظام معروف هنا، طالما في محاكم شرعية، يبقى اي عقد مع بنك او اي جهة في السعودية
توقعوا وانت مغمض.
في حالة الوفاة يسقط الدين - شريعة يا معلم - لا بعروفو ليك بنك امريكي ولا فرنسي
عشان كده البنوك السعودية ما بتدين الاجنبي الا في حدود قيمة مكافاة نهاية الخدمة وتشترط
على الشركة بتحويل المبلغ الى حساب الشخص في حالة نهاية التعاقد.
لكن برضو نسال ونشوف ماذا جد من قوانين في هذه المسالة.
عموما لاي مغترب فاكر نفسه جاي يظبط اموره في الخليج ومحتاج من 3 لي 5 سنوات ويدبس في 15 و 20
بانصحه يشتري طوالي حتى لو لم يتم تسديد كل الاقساط في حالة السفر المفاجيء، ممكن تبيع وتشيل قروشك
وتتخارج
اي شركة في السعودية لتدفع (في معظم الحالات) مرتب تلاتة شهور بدل سكن، بدل ما تدفعها ايجار
ادفعها في شكل اقساط في شقة. وبي نفس المبلغ امكن حبة زيادة شوية، لكن بتكتشف بعد عشرة سنين
انو عندك تحويشة من سعر الشقة بعد البيع بدل ما يضيع ايجار ساكت.
بس الاشكالية الكلنا بنعرفها في السعودية خاصة للذين يعملون في شركات كبيرة
الليله في جدة بكره ينقلوك عرعر وبعده جيزان وللا الدمام
عدم الاستقرار ممكن يخليك تكسل من كل شوية تدخل في برنامج زي دا
تحياتي
| |
|
|
|
|
|
|
| |
Halema2
Dr.Elsadig Abdalla
Hisham Amin
Amin Mahmoud Zorba
smart_ana2001
Omar Bob
Amani Al Ajab
الصادق اسماعيل
cantona_1
PLAYER
محمد زكريا
عزيز عيسى
bob
حبيب نورة
Dania Elmaki
أحمد ابن عوف
حمد فتح الرحمن
فيس بوك
تويتر
انستقرام
يوتيوب
بنتيريست