|
28 يوليو 2005-2010: في الذكري الخامسة علي عودة وفد التجمع المعارض من القاهرة..وليته ماعاد !!
|
(1)- التجمع السوداني يحط رحاله في الخرطوم ********************************* الـمصـدر: http://www.sudaneseonline.com/anews2005/jul28-56835.shtml الـموقع: سودانيزاونلاين.كوم sudaneseonline.com 7/28/2005- الخرطوم الحاج الموز: --------------------------- ***- بعد أكثر من 15 عاماً من خروج قيادات التجمع الوطني الديمقراطي السوداني المعارض، عاد وفد من تلك القيادات الى الخرطوم الليلة قبل الماضية، ليدخل مع الحكومة أمس في “اجتماعات تاريخية”، حسب وصف نائب رئيس التجمع الفريق عبدالرحمن سعيد، الذي افتتح ونائب رئيس حزب المؤتمر الوطني الحاكم نافع علي نافع المفاوضات أمس.
***- وأعرب الجانبان عن أملهما في أن تفضي المفاوضات الى حسم جميع القضايا بما يضمن عودة تجمع المعارضة بكامله الى الداخل، وإنهاء حالة القطيعة، واستكمال المباحثات حول تنفيذ التحول الديمقراطي، وحسم نسب مشاركة التجمع في السلطتين التشريعية والتنفيذية في الفترة الانتقالية قبل إعلان الحكومة الجديدة وفق اتفاق السلام.
----------------------------------------------------
(2)- وفد التجمع استقبل في الخرطوم بفتور رسمي وشعبي ********************************************** الـمصـدر: http://www.sudaneseonline.com/anews2005/jul28-56826.shtml الـموقع: سودانيزاونلاين.كوم sudaneseonline.com 7/28/2005- -------------------------------------------------- -(3 رئيس وفد التجمع في الخرطوم بعد 15 عاما ************************************ الـمصـدر: http://www.sudaneseonline.com/anews2005/jul28-53298.shtml سودانيزاونلاين.كوم sudaneseonline.com 7/28/2005- الخرطوم-
-------------------------------------------------- (4)- بداية غير موفقة ومظاهر من الفوضى رافقت وصول وفد من تجمع المعارضة السودانية الى الخرطوم بعد قطيعة امتدت 16 عاما ************************************************************************************************************* سودانيزاونلاين.كوم sudaneseonline.com 7/28/2005- (خاص من(مطارالخرطوم)-
|
|
|
|
|
|
|
|
Re: 28 يوليو 2005-2010: في الذكري الخامسة علي عودة وفد التجمع المعارض من القاهرة..وليته ماعاد (Re: abdelmonim bakhit)
|
الأخ الـحـبيـب الـحـبـوب،
abdelmonim bakhit تحية الود والأعزاز، وألف شكر علي زيارتك الكريـمة،
***- تعرف ياأخ عبدالمنعم، اخوك كاتب هذه المقالة عاصر حركة المعارضة في السودان من زمن الانجليز وايام " لامصري ولابريطاني السودان للسوداني"، وعاصرت المعارضة بتاعت الاحزاب بعد تكوينها في الاربعينيات وكيف كانت المعارضة عندها رهبة واحترام وعندها قوة وشجاعة وهي بتناضل ضد الاحكام العسكرية...وهناك اسماء سودانية اشتهرت بسبب معارضتهم الدائمة ضد اي فساد او تراخي من الحكومات السابقة في تنفيذ متطلبات الجماهير. قبل يومين مرت الذكري التاسعة والتلاتين علي اعـدام اشـهر المعارضين في زمن نميري واقصد الراحل عبدالخالق والشفيع وجوزيف قرنق،
***- وعاصرت زمن معارضة (التجمع) بتاع الميرغني في القاهرة والبتحرك ب(روموت كنترول) مصري!!، وطبعآ ده اول شكل (غريب) من اشكال المعارضة السودانية،وما سمعنا بمعارضة بتتحرك بتوجيهات من حكومات تانية الا عندما نتذكر الفصائل الفلسطينية ( حماس مع ايران- الشعبية مع سورية- القذافي عنده جماعة فلسيطنية معارضة- صـدام كان بمول منظمة فلسطينية مناهضة للمعارضة الموجودة في دمشق- مصر عندها فلسطنيين برضهم معارضة) وفجأة وجدنا تـجمع المعارضة اصبح مثل الفصائل الفلسطينية الناهي والامر فيه هم المصريين!!، زمان الميرغـني في اعوام التسعينيات كان بهدد البشير ويقول له " سـلم تسلم "، ولكن بعد اعوام من تهديداته لقيناه موقع اتفاق ذل ومهانة مع الحكومة في الخرطوم عام 2005!!، اتفاقية استسلام ورفع الراية البيضاء "والتوبة لحبوبة" وجاء وفد من الحزب ووقع الاتفاقية واستلم من الميرغني دار كانت مخـصصـة للتجمع والان هو دار لفرع المؤتمر الوطني بالقاهرة،
***- ***- في العام الماضي زي الايام دي كتبت مقالة طويلة عريضة بثت بالمنبر العام طالبت فيها الهيئة العليا لقيادة التجمع بالقاهرة وتقدم لنا نحن قواعـدها (المافاهمين اي حاجة) كشف بانجازاتها خلال الاربعة اعوام الماضية( 2005- 2009) وتقول لنا ماذا قدمت هي كمعارضة للبلد...ولماذا لم تلتزم الحكومة في الخرطوم بتنفيذ اتفاقية المهانة والذل الموقعة بالقاهرة?. وانتظرت طوال عام كامل عسي بل لعل القي اجابة ولكن ( طنشوني) لانهم مشغولون سفريات (ابوهم الكبير) لاسمرا واديس ابابا والرياض والعمرة والعودة للخرطوم لزيارة الرئيس البشير والتنديد باوكامبو ثم العودة للاسكندرية محل سكنه!!!،
***- طالبت بتقديم كشف بانجازات ناس التجمع بعد دخولهم الخرطوم وغياب 15 سنة غربة برضـهم ( طنشوني) لانهم مشغولون بالامتيازات وماادراك ماالامتيازات!!، واكرر طلبي لناس القيادة العليا بالقاهرة ( وبعد ماينتهي فصل الصيف وترجعوا من الاجازات وبلاجات اسكندرية) عليكم الله ردوا علينا وقولوا شنو هي انجازاتكم خلال الفترة السابقة?..وليه ما قاعدين نسمع لكم حسآ بخـصوص مايجري في السودان?!!...الباقي فقط 5 شـهور علي ان يكون هناك سودان او لايكون...وخـلال هـذه المدة نتمـني ان نسـمع حـسكم ونسـمع صـوتكم السوداني بلا ضـغوطات مصـرية!!
***- لك مودتي اخـي عبـدالمنعم.
| |
|
|
|
|
|
|
Re: 28 يوليو 2005-2010: في الذكري الخامسة علي عودة وفد التجمع المعارض من القاهرة..وليته ماعاد (Re: بكري الصايغ)
|
***- وصلتني ثلاثة رسائل من اخوة اعزاء يعلقون فيها علي الموضوع، قال احدهم في رسالته: ************************************************************************************ ( الأخ بكري تحياتي، انا اعيش في القاهرة منذ الثمانينيات ، وطوال مدة اقامتي وحتي اليوم لم اسمع بهذا الاسم الذي قلته " التجمع"!!!...ولم اسمع باي نوع من المعارضة السودانية المنظمة بالقاهرة تناهض وتعمل لاجل اسقاط نظام العسكر في السودان. سـمعت سابقآ بمعارضيين سودانيين في القاهرة ولكنهم ماكانوا في كتلة او جهة منظمة. وبعدين حكاية اتفاق المعارضة السودانية " ان وجدت " مع الجـهة الاخري ماجديدة في السودان او في مصر، عـندك في القاهرة كل يوم فصيلة من فصائل الفلسطنيين تجئ للقاهرة وتوقع اتفاقية سلام ويقعدوا كم يوم يتفسحوا في القاهرة وماان يرجعوا لفلسطين الا ويولعوها تاني...وتاني يرجعوا للقاهرة للاتفاق!!!، وعندنا في السودان اتفاقيات بالكوم من النوع دا مابين الجهات الدارفورية والجنوبيةمع الانقاذ!!)،
الرسالة الثانية يقول فيها صاحبها وهو صـحفي بـجـدة: ************************************************* (....فعلآ ياصايغ كنا نتوقع وبعد عودة اعضاء هيئة قيادة التجمع الوطني من القاهرة للخرطوم وان نلمس منهم عملآ حقيقيآ من اجل تنفيذ اتفاقية 18 ياير 2005 الموقعة مابينهما والحزب الحاكم في الخرطوم، ولكنهم خذلونا خـذلة شـديدة واستطاعت الحكومة ان تكتم علي انفاسهم من جـهة وتغريهم بالماديات من جـهة اخري "وماخيبتهم التقيلة" في المجلس الا دليل علي انهم اصـلآ ماكانوا راغبييـن في معارضة برامـج الحزب الحاكم!! ، سبق ان طلبنا من اعضاء التجمع الانسحاب من المجلس الوطني بسبب الاهانات المتعمدة واساليب الاستفزاز الموجـهة ضـدهم بصـور علانية من قبل نواب المؤتمر الوطني ولكنهم رفضوا!!..... فعـلآ ياصايغ: رجعوا للخرطوم....وليتهم مارجـعوا!!
اما صـاحب الرسالة الثالثة وهو أخ عزيز يقيم بـجدة فانه قد راح ويهاجـمني ويقول: ******************************************************************** عليك الله ياصايغ (تـجمع) شنو ده العاوز توثق له?!!...وشنو يعني انهم رجعوا للخرطوم بعد 15 سنة قضوها في القاهرة?!!...زي ماطلعوا من السودان رجعوا للسودان!!!،...... والغريب انهم وصلوا لمطار الخرطوم الساعة تلاتة صباحآ وقصـدوا انهم يدخلوا العاصمة في الوقت المتأخر ده عشان مافي زول يشوفهم ولايرميهم بالبيض الفاسد!!،...... تـجمع شنو ده العاوز توثق له...وفر وقتك واكتب في حاجة مفيدة. ..واذكروا محاسن موتاكم!!
***- اكرر شكري للاخ فيصل، ***- وامتناني للاخ بهاء الدين، ***-وتحياتي للاخ عـجوبة....علي مشاركتهم ومساهـمتهم في الموضوع...وجزاكم الله كل خيـر.
| |
|
|
|
|
|
|
Re: 28 يوليو 2005-2010: في الذكري الخامسة علي عودة وفد التجمع المعارض من القاهرة..وليته ماعاد (Re: بكري الصايغ)
|
وصلتني رسالة من أخ عزيز يقيم بالخرطوم يعاتبني فيها علي فتح (بوست) خاص عن عودة اعضاء (التجمع) للخرطوم يقول فيها:
(...لو رجـعوا ولا مارجعوا ماالحالة واحـدة!!، لاهم كانوا نافعيين في القاهرة طوال 15 سنة، ولانفعوا في الخرطوم طوال مدة خـمسة سنوات!!. الحمدلله الرجعوا للخرطوم خليهم يضـوقوا معانا المـحن ويشوفوا كيف الانقاذ بتعمل فينا عسي بل لعل يندموا علي الاتفاق معاه!!.
***- وبعدين ياصايغ انت شنو الذكرك بالمراحيـم دي? ياأخي مافي واحـد متذكرهم ولامتذكر حاجة اسـمها (التجمع)..والدليل علي صـدق كلامي انو (البوسـت) بتاعك ده اصلو مامشي لقدام..وواحـد بس رفعه!!، ياأخي اكتب في حاجة مفيدة الله يرحم والديك!! ------------------------------------------------------------------------------------------------- ***- اخي الحبيب ود الزبير لك مودتي وشكري علي مشاركتك وتعليقك المقدر.
| |
|
|
|
|
|
|
|