## الـمـاكيكى :- بيسأل عن كــيــكــى ##

Quote: يا خوي كيكي مضيع وقتو مع قولات بتاعت ملاحدة وتكفيرين ابليس زمان اداهم اخر صرفيتهم

** ابو رغيم..
** مساءك خير..
## وقت إبليس أداهم آخر صرفيتهم ,, صاحبى مالوا ساكى الحمام الميت ,, إلا يكون عمل ليهو حواشات وبرضو عايز يديهم آخر صرفيتهم...
(ودام الود بيننا)
(ابو محمد فؤاد)

Quote: سلام للما كيكى و الكيكى وبنسسال معاك ويييين كيكى يا فرد ؟

** مُحب وعاشق سيد البلد (طارق الكوتش)
** مساءك خير..
** مامن عوايدو يطول الغيبه ,, لعل المانع خير..
(ودام الود بين الجميع)
(ابو محمد فؤاد) - الماكيكى..

Quote: الماكيكي اكيد كيكي في طلعات جوية سلامي ليكم اهدي احلى من الشهدي

** ود عبداللطيف..
** مساءك خير..
## السمِى رُخصتو بتاعت الطيران مُنتهيه وماجددا , وهو زول مُلتزم بالقوانيين والإجراءات الخاصه بالطيران ,, الإحتمال الوحيد أن يكون غاطس فى إحدى كراكيره يُنقب ويبحث فى أجواء السخانه الخليجيه وإشتياقه للاجواء الخريفيه فى دولة سازونيا الإسلاميه..
(ودام الود بيننا)

(ابو محمد فؤاد) - الماكيكى..

Quote: الما كيكي كيفنك كيكي بيكون شايل مفكاتو وبيفكفك في حيدر الزين وهشام آدم ومحمد E سليمان

** ود جبريل..
** مساءك خير..
## الحله الحايم فيها كيكى دى شعراً ماعندى ليهو رقبه , تاوقت بالصريف وإتخارجت , ماسمعت أبو رغيم قال شنو فوق ..
(ودام الود بيننا)
(ابو محمد فؤاد)- الماكيكى..

Quote: غايتو بتبالغ يا الما كيكي حد يسأل عن كيكي اللعين

Quote: يا خوي كيكي مضيع وقتو مع قولات بتاعت ملاحدة وتكفيرين ابليس زمان اداهم اخر صرفيتهم

Quote: ياسعادة المستشار عبد الكريم الماكيكي سودانيز اصبحت لنا أم كم انجبت لنا اخوه واخوات تبكي يكفكفون دموعك تفرح يباركوا لك تجد الشهامه والطيبة واضحة من نبض حروفهم بعدد حروف كلمات ربي اتمنى لهم حياة سعيدة

** ود عبداللطيف
** مساءك خير ..
## لم تقل إلا ماأحس به هنا فى هذا الحوش تجاه كل من سطر حرفاً جميلاً , او نقل معلومه إستفدت منها أو معرفةً كانت لى زاداً فى هذه الحياه , أو صداقةً مع أشخاص بعضهم إلتقيتهم والبعض الآخر أتمنى أن أُحظى بلقائهم..
(ودام الود بيننا)
(ابو محمد فؤاد)

Quote: الماكيكي اكيد كيكي في طلعات جوية

Quote: أستاذ عبد الكريم سلامات كنت لما ألقى مداخلة كاتبا (عبد الكريم) بشوف لو فيها "موغل، كراكير، غنم زهرا، دشمان..) بعرف إنو كيكي مظبط الطاسة بصنف إيراني والمزاج عالي ولما ألقها رصينة وريحتا مستشارين مستشارين كد بقول المان دا الليلة لسة ما اصطبح أخدت فترة طويلة عشان أكتشف حكاية (الكيكي والما كيكي) دي لسة ما استمتعت بالكشف العظيم ظهرت لي واحدة جديدة (خالد كودي/ خالد كدودي) تحياتي ليكم الأربعة

** الاخ أشرف..
** جُمعتك مُباركه وصباحك خير..
## الى زمن ليس ببعيد كانت المُداخلات فى إى بوست (حتى لو فاتحو أنا) توجه إلى بإعتبارى كيكى وكانت ردودى ياخلق الله أنا الماكيكى ..
** كيكى صديق عزيز قبل أن أكون عضواً فى هذا الحوش العامر..

## بخصوص الإصطباحيه :- ذكرتنى واحد كان بيلعب معانا كوره وسجارتو بيختها فى نور العجله الامامى عندنا مُبارأه وهو المُهاجم المُعتمدين عليهو قام إتأخر عشان العجله ساقا أخوهو ,, جانا قبل نهاية الشوط الاول ,, ياشفته شفقتنا عليك ,, قال والله ماأصـطـبـحـت وإنتو عارفين الإصطباحيه دى أهم سجاره والباقى دا كلو هوا ساكت..
## إها دى اصطباحية الكيكى والماكيكى..
(ودام الود بين الجميع)
(ابو محمد فؤاد) - الماكيكى..