|
طلب مساعدة..بورداب الرياض..
|
ازيكم يا شباب..
عايزة معلومات عن الجواز الالكتروني هل هو متوفر في السفارة
السودانية في الرياض ولا لسه؟
واجراءات استبدال الجواز القديم بالجديد بتأخد وكت ولا ممكن في نفس اليوم؟
ياريت لو يجي زول يفيدني في الموضوع دا لاني محتاجة للمعلومات دي شديد..
شكرا مقدما..
|
|
|
|
|
|
|
|
Re: طلب مساعدة..بورداب الرياض.. (Re: رشا سالم)
|
الأخت رشا السلام عليكم
Quote: ياريت لو يجي زول يفيدني في الموضوع دا لاني محتاجة للمعلومات دي شديد.. |
بما اني من مهمشي بورداب الرياض لكن اجاوب على اسئلتك لاني استبدلت الجواز القديم بالجواز الالكتروني من السفارة قبل سنة تقريبا
Quote: عايزة معلومات عن الجواز الالكتروني هل هو متوفر في السفارة السودانية في الرياض ولا لسه؟ |
موجود
Quote: واجراءات استبدال الجواز القديم بالجديد بتأخد وكت ولا ممكن في نفس اليوم؟ |
الاستبدال يتم في نفس اليوم بعدين ما تسمعي الكتروني ياهو نفس الجواز الاخضر القديم مع اضافة حرف باللغة الانجليزية قبل رقم الجواز في الصفحة الاولى واسفل الصفحة شي عامل زي الباركود كدا ياهو دا الالكتروني
المهم في الموضوع تمشي بدري بدري
| |
|
|
|
|
|
|
Re: طلب مساعدة..بورداب الرياض.. (Re: رشا سالم)
|
جددت جوازي قبل شهرين تقريباً و جددوا لي الجواز القديم زاتو .. أخت زوجتي فصلت من جواز أمها و أصدر لها جواز قديم في نفس الفترة تقريباً
أخونا الأمين بيقول طلع جواز ألكتروني قبل سنة ..
غايتو يا ناس السفارة ديل مجانين يا نحن مجانين !!!
غايتو النجيضة يا دكتورة بتلقيها عند صلاح غريبة مراسلنا في السفارة
| |
|
|
|
|
|
|
Re: طلب مساعدة..بورداب الرياض.. (Re: أيمن دياب)
|
الاخ ايمن دياب..
Quote: حسب ما أعرف: الجواز الالكتروني لم يصل بعد إلى السفارة بالرياض.. التجديد يتم على الجواز القديم.. حتى وإن تعدى السنوات العشر.. في أوقات كثيرة لا تتوفر دفاتر الجواز الأخضر القديم.. |
والله دي ما بشارة ابدا..موضوعي كدا بيكون استحمي تماما
شكرا علي المعلومة..
| |
|
|
|
|
|
|
Re: طلب مساعدة..بورداب الرياض.. (Re: خالد عبد الله محمود)
|
سلامات يا دكتور..
Quote: غايتو يا ناس السفارة ديل مجانين يا نحن مجانين !!!
|
قطع شك نحنا المجانين :)
Quote: غايتو النجيضة يا دكتورة بتلقيها عند صلاح غريبة مراسلنا في السفارة |
في انتظار الاخ صلاح غريبة (مهندس-صحفي-مراسل بسفارة السودان بسنغافورة وغرب اسيا)
| |
|
|
|
|
|
|
Re: طلب مساعدة..بورداب الرياض.. (Re: فتحي الصديق)
|
تحيات رشا سالم والإخوة الكرام
Quote: ياهو نفس الجواز الاخضر القديم مع اضافة حرف باللغة الانجليزية قبل رقم الجواز في الصفحة الاولى واسفل الصفحة شي عامل زي الباركود كدا ياهو دا الالكتروني |
يا عمك دا إصدار مطور من الجواز القديم فقط
الجواز الالكتروني الجديد دا كحلي .. والمعلومات مطبوعة على الغلاف الأول
تحيات كتيرات
| |
|
|
|
|
|
|
Re: طلب مساعدة..بورداب الرياض.. (Re: رشا سالم)
|
Quote: يا عمك دا إصدار مطور من الجواز القديم فقط الجواز الالكتروني الجديد دا كحلي .. والمعلومات مطبوعة على الغلاف الأول تحيات كتيرات |
مطور وانا شايلو معاي وقايلو ملكتر عارف في وقت الاستلام والصالة ضيقة وزحمة وكل واحد بفتي قالوا الجواز الجديد طلع لمن استلمته ولقيت فيهو الباركود والارقام بالانجليزي قلت بس ياهو دا الالكتروني ذاتو وتاني ما سالت زول بسبب البوست دا المعلومة دي عرفتها امبارح بالليل وانت كمان اكتدها لي الليلة شكرا كتير يا نادر
Quote: أخونا الأمين بيقول طلع جواز ألكتروني قبل سنة .. غايتو يا ناس السفارة ديل مجانين يا نحن مجانين !!! |
تصدق يا خالد اكتر من سنة ويمكن يكون عايز تجديد يا زول انت والسفارة تسلموا من الجن المجنون انا دا الشايل حاجة وما عارفها
اختنا رشا حقك علي اديتك قدر المعلومة البعرفها والحمد لله الاخوان صححوها تصدقي طلع مطور كدي اتاكد منو ما يكون دبلوماسي وانا ما جايب خبر
| |
|
|
|
|
|
|
Re: طلب مساعدة..بورداب الرياض.. (Re: الأمين عثمان صديق محمد)
|
Quote: اختنا رشا حقك علي اديتك قدر المعلومة البعرفها والحمد لله الاخوان صححوها تصدقي طلع مطور كدي اتاكد منو ما يكون دبلوماسي وانا ما جايب خبر |
يا الامين العفو..والعافية ..وانت ماقصدت غير المساعدة..
اها وبعد التعب دا مشيت السفارة وجيت بخفي حنين..!
| |
|
|
|
|
|
|
Re: طلب مساعدة..بورداب الرياض.. (Re: الأمين عثمان صديق محمد)
|
Quote: الاستبدال يتم في نفس اليوم بعدين ما تسمعي الكتروني ياهو نفس الجواز الاخضر القديم مع اضافة حرف باللغة الانجليزية قبل رقم الجواز في الصفحة الاولى واسفل الصفحة شي عامل زي الباركود كدا
|
يا اللمين اخوي
الظاهر الجماعه ديل عملوا ليك عمره للجواز
مع شويه تحسينات يعني زي بوهيه وسمكره كدا
لكن الجواز الالكتروني ازرق غامق
ما تسمعي كلامو يا رشا.......
| |
|
|
|
|
|
|
Re: طلب مساعدة..بورداب الرياض.. (Re: طارق ميرغني)
|
Quote: يا اللمين اخوي
الظاهر الجماعه ديل عملوا ليك عمره للجواز
مع شويه تحسينات يعني زي بوهيه وسمكره كدا
لكن الجواز الالكتروني ازرق غامق
ما تسمعي كلامو يا رشا....... |
تحياتي يا طارق ميرغني..
الزول دا طلع مغيب ههههههههه
(بضم الميم)
سلامات للمدام
| |
|
|
|
|
|
|
|