|
|
 أشياء لا أحبها 00 بوست هايف جداً 00 ولكن 00
|
ملاح القرع
الأقاشي
سيد البلد { ماتفهمونا غلط } اعني الأزرق !!!
المرارة والكبدة النيئة
حلاوة قطن
ريحة الغاز
الواحد يخت يديه وراء رقبتو بطريقة مستقيمة { حركة رجالية بحته }
الفنيلة الضيقة
كواريك الباعوضة في الأضان
قعاد الرجال وسط النسوان في المناسبات
حسين الصادق
حنان بلوبلو
النكته القديمة مع الإخراج السيء
الضب
تكلم راجل بي شمار ويمشي يوزعو
رفع البوست بي كلمة واحدة
واحدة تنهر راجلها وسط السوق
القعونجة { الضفدعة } نهائي ما أحبها
الغتاته
الواحد يشاكلك بالليل ويجيك الصباح عاوز دين قروش
النسيبة النضامة
برضو ملاح الويكاب
واحد ماتكون عاوز تصاحبو ويلصق فيك زي القرادة
كمان واحد يتمخط وانت بتاكل
برضو مديدة التمر
الشعر الكثيف في الراس ومامهذب أحسن منو الصلعة
تطلع من الحمام وناس البيت يقولو ليك { استحمييييييييييييييييييت } !!!
تكتب في النت وواحد يتاوق ليك
اها لو عندكم اشياء ما بتحبوها أكتبوها
عشان نحاول نغير بعض الأشياء سواء فينا أو في غيرنا
بوست هائف ولكن أتـتـني فكرته من الزميلة نجوان صاحبة البوست الرائع يعجبني 0
عشان ماتقولوا حرامي القوقل
|
|
 
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: ابوحراز)
|
برضو عزابي يسكن معاك عشرة سنوات
لايشتري فيها صابون
ولا معجون
ولا ملاية
ولا سرير
ولا مخدة
ولا بطانية
وبالطبع مرتبة
وينجضك في سفنجتك الواحدة نجاض السواد
وتلقاهو لابس نظارة نظر بسماكة 10 بوصات
يخت كباية الشاي قدامو
وبعد شوية يشوتها ليك شوتة واحدة يمرقها في آخر الدنيا
وتاني عشان يمشي يرفعها يشوتها مرة تانية
وياويلك وسجم خشمك لو كان العزابي خالك أو عمك
قوم ياولد سوي لينا شاي
ناولني البطانية دي
طفي لينا معاك النور
والمشكلة بعد دا كلو تكون أضانو تقيلة !!!
بس في هذه الحالة أمامك خيارين
إما تعمل ليك سبحة طويلة وتسبح وتقول يالطيف
وإما تخت قدامك جردل مليان حبوب ضغط
وتقرش كميات بلا حساب عند اللزوم
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: ابوحراز)
|
طبعاً كرهت كرة القدم بعد الهزائم المتكررة
ولدي راي في الكمالين
كمال حامد
وكمال شداد
وأكثر ما يغيظني السودانيون لايلعبون كما ينبغي
ويفرطون في أجمل الأهداف
وبد دا كلو الجماعير تهتف
داون داون {USA}
هسي كان ما العوارة الجاب أم ضبيبينة علي أم ضريوة شنو ؟؟
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: ابوحراز)
|
وبما أن المداخلة هذه مكملة للسابقة
فقد كرهت احدى القرى ولم أذهب اليها مرة اخرى
حيث أحد الأصدقاء حملني وصايا لأهله
طبعاً عاملين حيطة الأدبخانة قصيرة جداً
ولا ادري الحكمة من ذلك
وليس هم بل جيرانهم ايضاً
ولمن تقعد الناس كلها شايفاك
ماشة وجاية
والشيء البغيظك أكتر يقوموا يسلموا عليك
ويقولوا ليك 00 كيف حالك الضيف !!!!
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: ابو جهينة)
|
شكرا من الأعماق ابوجهينة
كيف انت وكيف اخبار قدامى المحاربين بسودانيز أون لاين
وين ناس قرشو
وقرجة
وتماضر
وهشام شيخ الدين
والبقية الباقية من الجماعة الذين كانت لنا معهم صولات وجولات
مشيت لعضو البورد الذي اصبح وزيراً { د انور الحاج }
وقلت له انا ابوحراز هل تعرفني
لقيت الرجل يعرفني أكثر من معرفته بتوم كروز
قلنا خلاص نستغل المعرفة دي بوظيفة بالسودان
قال لي والله انا ذاتي مهدد بالانقراض !!!
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: محمد الأمين موسى)
|
أخي محمد الأمين
عساك طيب
Quote: . الحمد لله يبدو إنو أمور الشغل تمام في السودان إذ لم ترد ضمن الأشياء التي لا تحبها!!
خلاس نسيت الخليج يا خاااااااااااااااااين؟! |
وين 00 قال شغل قال
رجعنا بخفي حنين
حاولت اشتغل في السودان الجماعة قالوا لازم تعمل أدوات النصب
سألت منها
قالوا لحية سوداء طويلة
قعدت شهرين اربي فيها وبيتنا اتعدم الموس الحايمة
قالوا لي تحفظ ليك ثلاثة أجزاء
نزلت في خلوة قريبة مننا
وبعد صعوبة حفظت جزء عم وتبارك
وقالوا لازم تكبر تكبيرة الإحرام يومياً أقل شيء 50 مرة
ووروني طريقة رفع الأصابع أثناء التكبيرة
وبعد كل العملناه اخذوا الجماعة بالواسطات
غايتو الواحد يقول البركة في جزء عم وتبارك وأحاديث البخاري
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: ابوحراز)
|
ايصالات الحكومة
نادراً ما يتطابق المدفوع مع المكتوب
في جهاز العاملين بمدني دفعت 71 الف رسوم بطاقة خدمة الزامية
الايصالات كانت بـ 50 الف زائد 15 الف 00 أها ديل مجموعهم كم
في وزارة التجارة دفعت رسوم استثناء سيارة مليون ومائة الف
والايصال كان بـ 800 الف !!!!
بتاع البقالة مما يشوف جضومك كبار يفتكر عندك قروش
طوالي طبق البيض من 12 الف يسويه ليك بقدرة قادر 16 الف
انعل ابو الجضوم البترفع علينا الأسعار دي
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: ابوحراز)
|
ابو حراز كيفنك يابا ... والله الشوق جرف اخدر رويان محنة
البركة في الرجعه يا يابا
اها انا غبيشة ماني زيك .. احب وما احب ,, !!! بقيت تتفلهم آآ حروزة
انا بكجن عديييييييييل كدة
زحمة ناس البيت يوم الوقفة وباكر العيد
خبيز + مكوة ملابس + قشقيش حيشان + حنة ونقش كمان
ده غير الشفع ما مشوا الحلاق والبنوت الشعر منكوش لانه الكوفير مزحوم
وكلللل الهدوم في الترزي
واتنين حايمات نفسهن قايم فى نص السوق وسط النشالين شايلات ليهن فردة شبشب
دايرات يطقمنها بي بلوزة برتقالية او خدرا او ظهريييي
وكل اللخمه دي وعارفين قبال 11 شهر و29 يوم انه بكرة العيد
اها دي مي مغسة تشق نصين ...؟؟؟؟
تاني بكجن اللخمه وقت السفر آآآآآآآآآخ من وجعتها
الشنط مردومه وملانه غبار والبيت كلو مكركب وناس داخلة وناس مارقة
وبكرة السفر دغش
وجزء من الهدايا في السوق
الراجل ما حول قروشو
والمرا تهرج ما اتحننت ولا جابت طقم اكسسوار دهبي لزوم القشرة مدة 7 يوم قبال ما يدوه الكوشة لانه بكون لونو راح بباح
وحالة البيت مقلوبة هوبة
والتذاكر تكون عرض خاص لزوم الاجازة الجنسيات كلها بتستفيد من العروض الا نحن السودانيين نحمد الله
اهو من جنس البهدلة والعجلة لاخر لحظة
وفوق ده كلو يمشوا بكرة الصباح المطار وعارفين وزنهم كم المفروض يشيلوه حسب عدد التذاكر...
يحصل ليهم واحد من الآتي:
اما وزنهم زاااااااايد لما فايت حدو ودفعوا نص قروشهم الحولوها امس حقت الاجازة
والراجل يهرج قدام الناس .. يا ولية ديل دلاقين ساي
وهي مكومة وشها ومكردماهو ومصرة يندفع الوزن ولا بترجع البيت
والاجاويد تقوم وتقع .. والمنظر ده قدام موظفي الكاونتر والصف وراهم طوييييييييل والرحلة علي وشك الاقلاع
والموظف يشيل ويحنس يا توزنوا وتدفعوا يا نزلوا عفشكم واتخارجوا ادوا الفرصة لغيركم !!!
وصاحبنا يمرق قريشاتو ويدفع بالدولار مبلغ كبير لوزن لا يستاهل ان يمشي برا وزن .. لانه في السودان كل شىء راقد
بس جيب قروشك .. اها القروش ونقصت وصاحبنا يدخل فى دين من تاني اسبوع لانه بكون قرم نص القروش
والاحتمال التاني وده وارد كتير بحكم شغلي فى مجال السفر رت علي كتير من الحلات دي ...
وهو,,,,, الطيارة فاتت !!!!!!!!.. آي والله فاتت آآآآآآآآآخ من الوجعة دي
عارفين زمن الرحلة مثلا بتقوم 11 يجوك عشرة ونص مع انه عارفين الحضور المفروض يكون 8 ولا 8 ونص بالكتييييييييييير 9
اويتجاروا للحجز في زمن الاجازة الضيق ويدفعوا قدر قروشهم ديك عشان تغيير الحجز
مع انه مسبقا بنكون اذن ليهم في راسهم يعملوا حسابهم ,, لكن هيهات , ما يصحوا الا الفاس وقعت في الراس..
المغسة البتشق نصين السبب الاخير ده الجاي ده ...
انه بعد وصولهم المطار . مهندمين وريحتهم تقول يا ليل وآخر قشرة
وبي ثقة مادين التذاكر والجوازات للموظف ويشيلوا ويردموا في الشنط في الميزان ..
فجأة الموظف يقول ليهم الجوازات ما مجددة .. منتهي التجديد قبل تسسسسسسسسسسعة شهور آي نعم تسعة شهور في عين العدو
ويقعدوا يتضايروا ويخمخموا ويرجعوا صادين بي خيبتهم ..
بعد كدر وسهر وتعب سوق وغيره .. تبدأ الشكلة من المطار نهير شديد هي تقول ليهو كلو منك
وهو يقول ليها كلو منك ومن وليداتك كرهتوني السفر والعيشة زاتها ....
ويرجعوا البيت بخفي حنين .. والشفع يتصارخوا ويتباكوا ما ركبوا الطيارة الفرحانيين بيها ...
واهلهم هناك يا حليلهم يرفعوا في راسهم ويعاينوا للساعة الليلة الجماعة جايين
ده غير النوعية البتهرد المصران وتنسي التذاكر والجوازات في البيت
وطيب جايين المطار تعملوا شنو ؟؟؟
آآآخ بس
اها دي الحاجات البكجنها انا يا حروزة يا ود امي
وعذرا علي نقة حبوبتك سوما الكتيرة
قال ست النفر قال
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: PLAYER)
|
بلير الجميل
كيفك ياخ وكيف أخبارك 00 مشتاقين
انت في أمريكا وللا رجعت السودان
قلنا ليكم شوفوا لينا كارت أخدر او اصفر أو اي شيء عشان نجيكم
انت عملت نايم
وبكري ابوبكر قال اريزونا حارة
قلنا ليهو ان شاء الله تنجض جسمنا بس خلينا نجيك
تماضر عاملة فيهامابتسمع
يوسف الموصلي قلت ليهو كان عاوز ليك زول يشيل ليك الالات الموسيقية انا جاهز
ان شاء الله من ميامي حتى كندا
وزولة كندا تراجي كل مرة توعدنا عشان نجي هناك
لكن كلكم عملتو نايمين
أخبار الحكم الجميلة شنو
اها تاني ان شاء الله مابنغيب
مرة مرة بنتاوق وبنرجع
وازيدك من الشعر بيت 00 ست النفر بقت تقرا سودانيز
اها تاني الا نكتب ليكم عن طبقة الأوزون
طيب لو افتكرنا الحكمة صحيحة
يعني انا لو كرهت ملاح القرع حا أحب شنو ؟؟
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: الكيك)
|
أخي الكيك
Quote: حمد الله على السلامة
الاخ ابوحراز
البوست نور من جديد انت انسان معتق بالمعرفة الشعبية
البوست افتقدك كثير
طبعا جيتنا بتجارب جديدة ظهرت فى ما كتبته
نتوقع منك المزيد من الملاحظات على التحول السالب الذى حدث للسودان والسودانيين
اهلا بيك ومرحب |
كلما اقتربت من الأمور الشعبية
من البسطاء من الناس
من الشارع
من ستات الشاي
واصحاب الخضار
والمنطقة الصناعية
وركبت كارو حمار تسمعك أجمل نغمات مصطفى سيد احمد
كلما فعلت ذلك كلما ازددت توهجاً وضياءاً
يا اخي هؤلاء البسطاء هم أنبياؤنا الحقيقيون
أنبياء ولكن بدون رسالة
فالنتعتق بهم ألقاً ورحيقاً
أما عن السوالب فسآتيك باذن الله ببوست عن برودة بعضهم
وكيف انتهى الغليان
والروح القتالية
أشياء ماتت
أشياء مقدسة
ونبتت أشياء أخرى لكنها شيطانية
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: اسماء الجنيد)
|
سوما كيفنك وكيف ابوكم والعيال
أتاريك ممغوسة مغسة السواد
Quote: اها انا غبيشة ماني زيك .. احب وما احب ,, !!! بقيت تتفلهم آآ حروزة
انا بكجن عديييييييييل كدة
زحمة ناس البيت يوم الوقفة وباكر العيد
خبيز + مكوة ملابس + قشقيش حيشان + حنة ونقش كمان
ده غير الشفع ما مشوا الحلاق والبنوت الشعر منكوش لانه الكوفير مزحوم
وكلللل الهدوم في الترزي
واتنين حايمات نفسهن قايم فى نص السوق وسط النشالين شايلات ليهن فردة شبشب
دايرات يطقمنها بي بلوزة برتقالية او خدرا او ظهريييي
وكل اللخمه دي وعارفين قبال 11 شهر و29 يوم انه بكرة العيد
اها دي مي مغسة تشق نصين ...؟؟؟؟
تاني بكجن اللخمه وقت السفر آآآآآآآآآخ من وجعتها
لأنه الشنط مردومه
والبيت كلو مكركب وناس داخلة وناس مارقة
وبكرة السفر دغش |
نحن جماعتنا سافروا بالباخرة
عاد زولتي ما خلت حاجة
المراتب
السراير المليزية
المخدات
حتى المساحات بتاعة البلاط والسراميك قال ونحن لسه بيت ماعندنا
التياب مشجر ومورد وسادة
حتى سمن فارم طلعوه أحسن من سمن السودان بتاع البقر الماخمج
بعدين شوفي ليك قوة عين نسوان
قلت ليها الراجل سيد الاسم ماقاعد العفش لمنو
والله أحبطتني
قالت لي كان مت يعني شنو ماعاوزنا ننوم
قلت ليها عليك الله الحزن ما حايكتلك
طوالي قالت ليها حديث أظنو او حكمة ماعارف
قالت والله لو دا حصل حا اقول اللهم عوضني زوجاً خيراً من زوجي
وبيتاً أحسن من بيتي
بقيتن تفرشن علينا ونحن نجيضين نناضم
هسي مش اي زول في اي سنة في رمضان
ومش كل واحدة عارفة الآبري مفروض يتعمل من بدري
عليك أمان الله دواء الآبري رسلونا ليهو قبل اسبوع
جيت سوق الحصاحيصا لقيتو كلو نسوان
والسحانات بالصف
شيء عروق وشيء جنزبيل وشيء كركدي
والله الواحد قح ميتين مرة
يعني مش مفروض الحاجات دي تجي من بدري ؟؟
لكن بس الحكاية رفع ضغط
وبعد دا كلو جيت فاضي لا أحمر ولا أبيض
قال زوجاً خير من زوجي قال !!!
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: ابوحراز)
|
الأخ أبـــو حـــــــراز
كل التحايا والأشواق والود الصادق المتأصل الضارب في القدم..ياقديم
وينك ياراجل؟؟إنت في السودان؟؟؟؟؟؟ سبحان الله ..والله العظيم أمس دخلت على بروفايلك وإتصلت بتلفونك بتاع السعوديه ..ولكن..
أنا حاليا في القاهرة وحأرجع الخرطوم في الأسبوع الأول من أغسطس..رسل لي رقم تلفونك في المسنجر
حتي نلتقي لك كل الود والتقدير
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: معاذ حسن)
|
أخي معاذ
الله يسلمك ياخ
كيف انت
ا
ل
م
ط
ر
تسألني عن احب الأشياء الى نفسي
ياخي انا ماعارف هل دي عنصرية أم هضربة
في الخارج المطر متشابه في كل شيء
لكن في السودان كل مدينة ليها مطرها الخاص
رائحة المطر في الحصاحيصا تختلف عنه في مدني
وفي ودربيعة قريتي المليئة بالبهاء والصفاء للمطر نكهة خاصة
حتى الغيوم والسحب
تتلون في مكان ما
وتظل على طبيعتها في مكان آخر
لا أدري حتى اللحظة ما سر علاقة المطر بالأمكنة ؟؟؟
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: nile1)
|
والله عافي ومبسوط منك لسه نايل ون
وهناك الأسعار كل يوم بتزيد
يعني لو كنت في السودان كان تكون نايل {19} !!
Quote: كل التحايا والأشواق والود الصادق المتأصل الضارب في القدم..ياقديم
وينك ياراجل؟؟إنت في السودان؟؟؟؟؟؟ سبحان الله ..والله العظيم أمس دخلت على بروفايلك وإتصلت بتلفونك بتاع السعوديه ..ولكن..
أنا حاليا في القاهرة وحأرجع الخرطوم في الأسبوع الأول من أغسطس..رسل لي رقم تلفونك في المسنجر
حتي نلتقي لك كل الود والتقدير |
ونحن مشتاقين كتير
قديم دي حلوة 00 مفروض بكري ابوبكر يعمل تكريم لقدامى المحاربين
واقل شيء الواحد يطلع ليهو بمعاش من سودانيز اون لاين
حقوق ساي ياكافي البلاء ماعندنا
من 2002 ونحن ننهز في سودانيز اون لاين لحد نفسنا ما انقطع
وياهو الحال
جدودنا برضو ماتو وماخلوا لينا الا سبح واباريق ومصلاية
لكن بيني وبينك الواحد لو اشتغل في الحكومة حايعوض كل مافاته
غايتو لو بقيت مسئول كبير أول حاجة بعملها اطلع قطعة ارض وتصديق جملون في السوق المحلي
تاني ان شاء الله يرفدوني وينفوني في حلايب
تلفوني 00966507063205
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: ابوحراز)
|
ياسلااام ياابوحراز ياخ ...
مصيرو الحى بلاقى ..يعنى قنعت من خيرا فى ودربيعه والحصاحيصا وقلت
تقبل صادى ..يمين نحن فى حالنا مااتحركنا شبر ..ضاربين الرطوبة دى
والساعه والتانية نجى نهابش بهنا ..صاحبك ازهرى دياب بقى فنان كبيير كان
تعمل مدير اعمالو وتلبد ..على الاقل عشا فنانين ساكت تقدر تحافظ
على جضومك الذى (لقيمات الصدقة ) دى ....
قال ازهرى دياب قال ...
والله الف مرحب بيك نورت المكان بروحك السمحة المرحه ...
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: محمد عبدالرحمن)
|
كيف يامحمد عبد الرحمن
Quote: ياسلااام ياابوحراز ياخ ...
مصيرو الحى بلاقى ..يعنى قنعت من خيرا فى ودربيعه والحصاحيصا وقلت
تقبل صادى ..يمين نحن فى حالنا مااتحركنا شبر ..ضاربين الرطوبة دى
والساعه والتانية نجى نهابش بهنا ..صاحبك ازهرى دياب بقى فنان كبيير كان
تعمل مدير اعمالو وتلبد ..على الاقل عشا فنانين ساكت تقدر تحافظ
على جضومك الذى (لقيمات الصدقة ) دى ....
قال ازهرى دياب قال ...
والله الف مرحب بيك نورت المكان بروحك السمحة المرحه ... |
الله ينعل حياة العزابة
والله مافيها أي خير
شوف هسي الساعة كم ونحن نتحاوم بالنت
من منتدى لمنتدى
يشهد الله في ودربيعة بس الامام يقول السلام عليكم
طوالي تجدع ليك عنقريب في الحوش الكبير وهاك يانومة
حتى كوابيس السعودية هناك مابنشوفها
هنا انا كل يوم أحلم طائر في الهواء
بس ختت راسي كده طوالي اقلاع
والله هناك من عنقريبك ماتتحرك
هناك الحياة جميلة
خاصة الحياة الزوجية ممتعة جداً
ياخي هنا النسوان ما { يحملن } إلا في الشتاء
عليك أمان الله هناك الأمور كلها تمام لابتفرز صيف من خريف
المشكلة الوحيدة يكون عندك شيطان عمرو سنتين أو 3 سنوات
زي النوع دا بنجضك عديل
وكل مرة يقول ليك يابا عاوز موية
بقينا من بالليل كل واحد { نملأ } ليهو جردل كامل ونقول ليهو اشرب
قال أزهري دياب قال
صاحبك ضرب ليك الخرطوم
حتى الصلعة بدأ يقوم فيها شعر
وزي ماقلت مشيت معاه كم حفلة والله الواحد يرجع سمين وقليد
لكن النسوان مابريحن الواحد
قالوا الحفلات دي نحن بقينا كبار عليها
والمدام اشترت لينا سبحة وقالت شيل الصلاة على النبي واقرا ليك سورة سورتين
خايفات من العرس طبعا
وهن ماعارفات الجداد المجمد وعمايلو
طبعاً اي زول مغترب في السعودية بعد سنة سنتين بتكون مدة صلاحيتو منتهية
منتهية من حاجات كتيرة
ولو دا حصل يانا الحرسنا الجامع
كان لقيمات صدقة قال
الدقيق بقى غالي 00 دقيق سيقا !!!
هجمة مرتدة
والله ماعرفتك معليش للخرف المبكر
الله يستر من الزهايمر
لاحظت بوادر زهايمر في السودان كلما الواحد يودي يدو على جيبو
بتحصل ليهو ارتعاشة ماعادية
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: ابوحراز)
|
من الأشياء التي لا أطيقها يجوك نسوان يزوروك في البيت
اها الونسة ماشاء الله
جميع المواضيع من سياسة الى اعراس وطلاقات
لكن المشكلة وين لمن يقولن خلاص ماشات
يقيفن في باب الحوش أكثر من المدة القعدن فيها جوة البيت
وانت تتلفت يمين وشمال تكوس لي مرتك
عليك أمان الله ما تجيك الا بعد ساعة وحلقها مقروووووووووش تقول أكلت ليها تلج
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: الفاتح الجنيد)
|
أخي الفاتح مساء النور
كيفك وكيف أخبارك
Quote: ما بحب ... وبكره لفح الخبر ولصيقو فى المنبر قبل التأكد من صحتو
لزوم سبق شمارى
ومساك الله بالخير |
الشفقانين كتير
السعوديين يسمونه { الملقوووووووووووووف }
يعني قبل مايتاكد من استواء الخبر ونجاضه يقوم يفتو
واحد قريبنا كان ممارض خالو في المستشفى
أها الدكاترة قالوا ليهو خالك خلاص كان كتر بيقعد ليهو يوم يومين
أها صاحبك مافارق خالو نهائياً
فجاة كده زي الساعة 11 صباحاً الراجل شهق
بعد شوية مسك ليك التلفون
كل مدن المملكة
وبعديها السودان
طبعاً نحن في الطايف طوالي فرشنا
والسكاليب ضربت ليك هناك في السودان
والتعازي ماتديك الدرب
بعد نصف ساعة من الشهقة خالو صحى وقال ليهو ناولني موية
الراجل مشى جاب الموية وهو مصاب بالذهول
وصاحبنا كرطع الكوز كلو 00
طبعاً بعد الموية طلع واشترى بطاقة بـ 100 ريال وبدا في نفي الخبر
قبل ايام عندنا واحد برضو كان عيان
أها صاحبك الملقوف قال الا يمشي معاه المستشفى
اها صاحبنا خواف
قال ليهو والله تمشي معاي انت انا المستشفى بخليهو نهائيا
عاوز تفطسني ياحيوان زي مافطست خالك وهو حي ؟؟
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: Fathi Ali Mohammed)
|
Fathi Ali Mohammed
ياساااااااااااااتر
| Quote: كان اخير نفهمك غلط |
حاشاكم ياخ تفهمونا غلط كيف
يازول نحن اليومين ديل مقدمين شغل في وزارة الزراعة
في مشروع زراعي كبير
وماشين بخطوات جيدة
طلبوا مننا في المعاينة اي واحد يكون حافظ 3 اجزاء
وعمك أبوحراز متوحل الآن في الجزء الثالث
غايتو ماعارف الجماعة ديل عاوزين يشغلوني مأأأأأأأأأأأأأأأأأأأأذون وللا شنو
الظاهر المؤسسة دي فيها عزابة وعوانس كتيرين
زول عاوز يشتغل في الهندسة الزراعية يقولوا ليك { أحفظ وتعال } !!!
قلنا نكمل ليهم الناقصة
كان أخدونا خير وبركة
وكان { الواو } مرقتنا البركة في الآخرة
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: SHIBKA)
|
SHIBKA
تحياتي
Quote: انا بكره انوزول يحاول يقنعك بموضوع هو زااااااااااااتو ما مقتنع بيهو
دا يسموهو شنو؟! |
أكيد عدم موضوع
كان معانا طالب وسيم بالابتدائي
طبعاً أنا كراهية شديدة
كثيراً ما كنت افتعل معه المشاكل
والغريبة المدرسين يصدقوه
بينما لايصدقوننا نحن الغبش
نرة اتشاكلنا وقلت الزول دا لو مشى للناظر خلاص القيامة قامت
انا لازم اتغدى بيهو عشان أحنضل عليهو العشاء { بفتح العاء عبى قول بنتي الصغيرة }
مشيت للمدير وهو رجل ساخر جداً
قلت ليهو والله يا استاذ محمد قال لي حاجة كعبة خلاص { طبعاً مع بكية لزوم التمثيل }
اها قال ليك شنو انعل أهلك
لا يااستاذ
قال ليك ياحيوان ؟
لا يا استاذ
اها قال ليك شنو ؟
قال لي أحبك !!!!
والله المدير عاوز يموت من الضحك
ونادى المدرسين 00 تعالوا عليكم الله شوفوا المصيبة دي
قام سألني عليك الله إنت مقتنع إنو قال ليك كده ؟
آآآآآآآآآآآآآآآآآآآآآآي يا استاذ
ياخي علي بالطلاق أمك نفسها ماتكون قالت ليك أحبك
أمشي ياخي ماعندك أي موضوع !!!
قال أحبك قال !!!!
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: nile1)
|
أخي نايل
حمد الله على السلامة
| Quote: أنا رجعت السودان منذ أغسطس 2008 والحمد لله أما حضوري للقاهرة فلفترة قصيرة..سأتصل بك بعد عودتي للخرطوم |
معقول ياخ
انا حايم في السودان فترة طويلة يمكن سنة كاملة
لكن مابين الخرطوم وودربيعة والحصاحيصا
في الخرطوم وين
نحن طبعاً ناس صالحة والقيعة
الأحياء الشعبية
ناس المعمورة والمنشية والرياض ماقاعدين نجي عندهم الا الواحد يكون مسافر
غايتو حاجة عجيبة
حتى الكسرة بالويكة دي في الرياض تختلف من صالحة
شوارع الظلت
كوارو مالاقتني نهائيا في العمارات
وفي صالحة عييييييييييييييييييييييييييييييييك
كل شيء يختلف عن بعضو
لكن لكل مكهته وتفرده وجماله
في صالحة تشعر بالسودان الحقيقي
قال الوادي الأخضر قال
مشيت جهاز المغتربين قالوا خلاص صموا خشومكم نديكم اراضي
قلت يازول هوووووووووووووي أحسن تشوف أرضك اول قبل ماتدفع قريشاتك وتنقطع في السهلة ساي
سألت واحد قال لي بيدوكم في المجاهدين !!!
قلت ليهو معناها كل يوم الا { تكبّر } تكبيرة الإحرام عشان تدخل الحي وتطلع منو
المهم في النهاية واحد قال لي انت المجاهدين مفتكروا حي ساهل
والله لو قيامتك قامت مايدوك ارض في المجاهدين
قال مخصص للكروش الكبيرة قال
اها العرجاء لي مراحا
قلنا نشوف الوادي الأخضر
اها نمشي ونمشي ونمشي بالأمجاد
وعيييييييييييييييييك ساعتين ونص وصلنا المخطط
ياسلام عليك ياوادي يا أخضر !!!
مشوار بـ 100 الف بالقديم بالمجاد
وتاني حلفت لا أخدر ولا احمر
عندنا بلاد كبيرة في ودربيعة نحولها قطع سكنية والحوش حدادي مدادي
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: ابوحراز)
|
بلا بتحبها بلا تحبك بلا يحب ناقتها بعيرك "قال بطانه قال" بلا هايفه بلا هيفاء معاك إنت قايل المنبر دا بيت مريسه لمن يكون عندك مزاج تجي ولمن ما يكون عندك مزاج تطفش ، يا زول إنت وين وحمدا لله على السلامه كمان شنو يا أب حراز يعني إلا يشركوا ليك بي مسلسل المهم ألف حمد لله على السلامة وأكيد راجع أشوف الحاجات الما بتعجبك مش زمان بيقولوا ليك أكل البعجبك وألبس البعجب الناس الحكاية بقت صعبه لأن الذي يعجبنا من وين نجيب ليهو العذر أما الناس فما في حاجة بتعجبها أصلاً يعني تلبس ما عاجب تمشي أم فكو برضو ما عاجب عشان كده خلينا نأكل على قدر قروشنا ونلبس على أمل أن يتأخر العيد شهر تاني كمان.
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: abuguta)
|
أب قوته 00 الشوق بحور
Quote: نا ما بحب العضوء الجديد
بوست ترحيبه بهناك وهو مدور مشكلة مع احد القدامى
هههههههههههههههها هههههههههها
قاعدين يافردة لا سافرنا ولا غيرنا |
كل ما اكون في طريق الخرطوم مدني بتذكرك طوالي
بتقابلني لوحة مكتوب عليها { كلية المحيريبا التقنية }
أظنها جواركم دي
عندي واحد ممتحن قلت ليهو لازم تجيب ليك كلية كويسة
بيني وبينك نحن خلاص
بعد كده الواحد يخت ليهو عنقريب تحت الضل ويعمل ليهو سبحة كبيرة
لكن شفعنا ماعليهم أي مسئولية
الواحد بعد مايتخرج يرجع يقعد ليك في البيت
قلت ليهو ياولد ماتجينا تقولي أنا أخدوني في كلية ام ضبيبينة لعلوم الفضاء
شنو ان شاء الله اشتريت ليك ارض وسيارة
والله المغتربين شكلهم راحت عليهم
أي واحد يرجع يقول ليك بديت من الصفر
ونحن ست النفر من هسي عاكستنا
قلنا ليها رايك شنو نسكن في الوادي الأخضر مع جمعية الإعلامين
قالت والله كان تقعد في بيت أبوها مية سنة ماتقعد مع الناس النضامين ديل
قالت لي ياخي إنت هنا مكرهنا بالجرايد
كلما نرفع مخدة نلقى تحتها جريدة
عاوز تودينا لي مكان السجم في محله
قال بيوت صحفيين قال !!!
قلنا ليها خلاص نشوف واحدة بايرة وغنيانة
منها عرس
ومنها تبني لينا بيت
ونتلم كلنا أنا وانتي والعيال والزولة الجديدة المبروكة دي
عليك امان الله كلامنا مابلعناهو الا ونشوف ليك التربيزة طايرة في الهواء
أها نسوي شنو يا اب قوته
عرس مافي صحفيين مافي !!!
قال مبروكة قال !!!
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: almulaomar)
|
والله يا ابوحراز لم أفتقد في هذا المنبر شخصا مثلما افتقدتك. ياااخي بركة الرجعت
لينا بقينا زي الأيتام في بنبر بكري، شكلات وعكاكيز وسيوف وفئوس وضرب نار، ولا بوستا
تسر النفس طلعته ولا شخصا (مثلك) يرى ما بي فيكتئب...
يا حليل 2002 والأيام الجميلة وشيري وحكاويها التي لا تنتهي وتلك اللغة الآسرة
التي كانت تأخذ بالألباب. ودحين وكت جيتنا يا المبروك، ما علينا إلا أن نتحزم
ونرحب بيك أيما ترحيب بقفشاتك المدهشة وحكاويك العجيبة. وحتما ستحمل لنا
الكثير المثير المدهش من أرض السودان بعد أن طلّقت الإغتراب بالتلاتة.
أما نحن فالحمد لله لا ينقصنا شىٌ سوى مشاهدتكم الكريمة، ما زلنا في صحراء التيه نتوه
مع التائهين الى نلقى الله، لأن الجماعة قالوا ما بسلموها إلا لعيسى عليه السلام!
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: عبدالأله زمراوي)
|
جني وجن المسكولات
والبيبسي الحار
وكرسي الحافلة بتاع النص (بيت الإيجار)
وعصرة صباع المعجون من الوسط
وتخميس السجارة
وموية الجبنه
وسيد الترمس
والشطه الحمرا
وميدان جاكسون
والمسلسلات
والركشات
والتعدي على أرصفة المشاة من بعض أصحاب المحلات التجارية
وقطوعات الكهرباء والموية
وصفارة القطار
والراجل أب أضافريناً طوال
والمرا أم جزمة مغبرة
| |
|
|
|
|
|
|
|
|
 Re: أشياء لا أحبها 00 بوست هايف جداً 00 ولكن 00 (Re: almulaomar)
|
ما بدور:
الكسرة الفطيرة
وملاح الأسود (الباذنجان - البراطيش)
والراجل أب كرش
والمرا النقاقه
و كـــــلب ناس فضل المولى لا بهوهو لا بسك الركشات
وحلاقة السودانيين (محفحفه بالجمبات وكلها زي بعض)
وعساكر الحركة
وصينيةالمظلات
وغنم كوبر
وأى سبيل في أمبده
وحافلات المزاد(كان إنسترت معاك بتقد بنطلونك من دبر)
وإشارات المرور ما تولع أخضر إلا بعد أن تولع أصفر
ودعاية المحاميد (أثاث بيت متين وجديد يللاك للمحاميد)
وعربية الوساخه
وناس العتب "العتب على النظر - ديل من زمن غردون باشا بلموا في جبايات ليه ما عارف"
وشكل أنابيب الغاز (مطفقة و وســــــخانه ومليانه غاز وبتولع)
معظم طلبة المدارس الإبتدائية عند عودتهم للمنازل (الكنداكه)
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: almulaomar)
|
قبل ايام عندنا واحد برضو كان عيان
أها صاحبك الملقوف قال الا يمشي معاه المستشفى
اها صاحبنا خواف قال ليهو والله تمشي معاي انت انا المستشفى بخليهو نهائيا
عاوز تفطسني ياحيوان زي مافطست خالك وهو حي ؟؟
هههههههههههههههههههههههههههههههههههههههههههههههههههههههههههههههههههههه
كتلتني بالضحك الله يدينا خيرك ياخ .....
والله الشوق مبالغة يا حروزة
| |
|
|
|
|
|
|
|
|
 Re: أشياء لا أحبها 00 بوست هايف جداً 00 ولكن 00 (Re: 7abib_alkul)
|
الأخ الحبيب أبو حراز
مساك الله بالخير
| Quote: ناس المعمورة والمنشية والرياض ماقاعدين نجي عندهم الا الواحد يكون مسافر |
وديل وين؟؟؟..أنا بسمع بيهم سمع ساكت....يازول العرجاء لي مراحا..أنا ساكن في الصحافة مربع سبعه وعشرين..فتحت ديوان الحاج الله يرحمه والمدام قعدت صاج الحاجه أم الضيفان الله يرحمها فوق أربع أدايات كبار..قلنا البيت الكبير لازم يفضل البيت الكبير..بيت الضيفان والجيران والأعمام والعمات والخالات وناس البلد..أول ماجيت جربت أسكن في حته تانيه..لقيتها ما وقعت لي وما وقعت ليها..رجعت للبيت الكبير والجيران..والمنتزهه وذكريات الدافوري..والحفلات البجي بتاع اللبن مع قولة أرحم الراحمين يلقاها لسه مدوره..أيوه.. رجعنا الحله لقيناها ..بس ما لقينا أهلها......أخوك يابوحراز..لما رجع بدا تاني من المحطه الإتغرب وخللا الناس واقفين فيها..و..
نواصـــــل
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: nile1)
|
الحبيب نايل
| Quote: وديل وين؟؟؟..أنا بسمع بيهم سمع ساكت....يازول العرجاء لي مراحا..أنا ساكن في الصحافة مربع سبعه وعشرين..فتحت ديوان الحاج الله يرحمه والمدام قعدت صاج الحاجه أم الضيفان الله يرحمها فوق أربع أدايات كبار..قلنا البيت الكبير لازم يفضل البيت الكبير..بيت الضيفان والجيران والأعمام والعمات والخالات وناس البلد..أول ماجيت جربت أسكن في حته تانيه..لقيتها ما وقعت لي وما وقعت ليها..رجعت للبيت الكبير والجيران..والمنتزهه وذكريات الدافوري..والحفلات البجي بتاع اللبن مع قولة أرحم الراحمين يلقاها لسه مدوره..أيوه.. رجعنا الحله لقيناها ..بس ما لقينا أهلها......أخوك يابوحراز..لما رجع بدا تاني من المحطه الإتغرب وخللا الناس واقفين فيها |
يعني سكنت في مربع 27
وكمان بعد 27 سنة غربة رجعت تاني لمنطقة الصفر
والله ناس لا اغتربوا ولايحزنون ماشاء الله عليهم
والعجب جماعتك ناس غزة { 1 } وغزة { 2 } والمجاهدين
تكون نايم في نومك يدوك قطغة تساوي ليها 400 مليون
يعني بالريال السعودي 700 الف ريال
نحن عملنا لينا دقن كبير في الإجازة وقلنا يمكن نقع ناس حماس
أو حتى ان شاء الله ناس نانسي عجرم
وكبرنا تكبيرة الإحرام
لكن تراها الشغلانية معقدة جداً
بيعرفوك من شكلك لو كنت معاهم او كنت من ناس قريش
ورغم هذا فالسودان افضل مائة مرة من الغربة
أنا دائما لااتحدث عن السودان السياسي وسودان الأطماع والكروش المترهلة
بل السودان البسيط
الأمكنة التي تتعامل بالحيطة
ملاح من هنا وبليلة من هناك
مازال الناس في صالحة والأحياء الشعبية يتعاملون بهذه البساطة
أديني فقشة بصلة
امي قالت ليكم ادونا ليمون
لكن الجماعة في الشقق والعمارات الشاهقة ديل شحدتم خلينا منها
الشافع يجيك طالع في الطابق الثاني اها امي قالت ليكم أدونا ذاكرة 8 قيقا
أختي قالت عاوزة الكونكت بتاعكم تفتح الايميل بس وترجعوا ليكم
والله البلوتوث بتاعنا ماشغال كدي موبايلكم دقيقة واحدة ونرجعوا ليكم
الله الفلاش مومري بتاعنا مازي حقكم !!!
آآآآآآآآآه يازمن 00 الصبر
قلت لي رجعت للدايات تاني والبليلة
قال فلاش مومري قال !!!!
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: 7abib_alkul)
|
7abib_alkul
والله مشتاقين كتير 00 وين يامان أخبارك شنو ؟؟
شكراً ليك ولكل المحربين القدامى
Quote: طلتك فى المنبر خلت الحرس القديم اطلعوا من الخنادق وكل واحد مدأ رأسه اتاوق
لكن قصة البقاء للأقوى دى و رجعتوا الفندق دى انا شاكى فيها شكلكم كدا ناس بحر ساى وخاصة وجود ست النفر مع مجموعة البحر
مع خالص اشواقى و احترامى |
ياليتهم لو يطلعوا مرة اخرى ويحكوا لنا عن المنبر 2002
عن المشاكسات
وعن قصص الحب التي تمت بي { تحت تحت }
وعن وعن وعن وعن وعن على قول إمرؤ القيس في لاميته الشهيرة
والله رجعنا الفندق
لكن بيني وبينك ياريت لو واصلنا طريقنا الى البحر
فالأقاشي قد اصبح عقدة ملازمة
لكن الظاهر بعد اسبوع اي واحد حكى القصة للمدام
واحدة بس منهن العلقت على الموضوع
والباقيات تحفظن
اها دي قالت { والله انتو وبتاع الأقاشي رجال وهم سااااااااااااااااااي
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: ابوحراز)
|
زول الأقاشي
Quote: ودعته وقلت ليهو انت عارف إلا الواحد ياكل ليكم اقاشي
وهذه لها قصة أخرى |
واحد مغترب معانا هنا
سافر السودان ولمن وصل كان معاه 1500 مليون وخمسمائة الف بالقديم
المهم الجلابية نضيفة
والريحة ماشاء الله
بكرة الجماعة على ريحة الريحة دي مشوا اشتروا خروف الكرامة
والجزارين يعجبوك
مما يشوفوا مغترب جاء ولايسألوك من القروش
يقولوا ليك مافي مشكلة جيب القروش في أي وقت
المهم بعد الجماعة ضربوا المرارة والشية والكمونية
جاء ولد عم المغترب وقعد ليك بجواره
اها بعد السلام والتمهيد الأولي لنزول الكارثة
طلب كارو
قام المغترب أخونا قال ليهو كارو شنو
الزول طوالي قال ليهو والله انا كنت عاوز كارو حمار
لكن لقيتها مابتخارج عاوز كارو حصان
اها سألو بي كم وبتكلف كم
قال ليهو اربعة مليون
وكان الحصان قوي ومتين ممكن خمسة مليون
يعني ركشة الا شوية والحديث للمغترب
المهم قال ليهو يحصل خير
اها بعد شوية دخلوا ناس البيت
عاوزين حق الخروف 500 الف
الدكان طالبنا 750 الف
الآبري عاوز ليهو 250 الف
المهم قروشو كلها انقطعت
لكن صاحبنا بتاع الكارو بقى كل يوم يشرف البيت من الصباح
الشاي
والفطور
والقهوة
والمقيل مع النوم طبعاً
والغداء
وبعداك يرجع بيتو
وكل يوم السؤال التقليدي 00 عملت لي شنو في موضوع الكارو
وصاحبنا مغلي من الداخل ويقول ليهو ابشر بالخير
اها المغترب يوم مشى مدني
ماعندو الا خمسة الف
قام لقى حاج ابكر بتاع الأقاشي
طوالي طلب ليهو طلب واتوهط في واطاة الله وقعد ياكل في الأقاشي سيخة بعد سيخة
زول الكارو جايي بالصدفة
اتخلع لمن شاف الزول بياكل في الأقاشي
طبعاً متوقع انو يشوفو في ارقى المطاعم
وكان مندهش ومامصدق نفسو
اها جاهو ولقاهو قضى على اليابس والأخضر
وقام قال ليه:
اقول ليك حاجة 00 الكارو خليتا اديني بس الفين حق المواصلات !!!!
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: almulaomar)
|
الملا 00 كيفك
الكسرة الفطيرة قالوا صحية أكثر من الخميرة
الرجل أب كرش
معانا مصري كرشو ماشاء الله
كلما نقول ليه نقص منها شوية وخفف من وزنك
يقوم يقول : الكرش الأبيض لليوم الأسود
غايتو غنم كوبر ودعاية المحاميد دي معاك حق فيها
المراة النقاقة مرات بتكون هنية ورضية
عندنا واحد قال مرتو لمن تزعل أثناء النقاش بينهم
فإننها بتاكل بشراهة شديدة جداً
شوف النفس اتحة كيف ؟؟
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: almulaomar)
|
الملا عمر
كيفك ياخ 00 ممغوس يا ابن اللذين بتكره حاجات كتيرة جداً
بركة الخليتك تنفش في بوست لا أحبها 00
جني وجن المسكولات والله حاجة تقرف عديل
والبيبسي الحار ولو انتهى منو الغاز يبقى زي موية الغسيل
وكرسي الحافلة بتاع النص (بيت الإيجار) بسبب للواحد كتمة في نفسو
وعصرة صباع المعجون من الوسط والله انا كل يوم ارجع المعجون لوضعه الطبيعي
وتخميس السجارة بكره البقول ليك أديني سفة ومابشتري الصاعود
وموية الجبنه دي ظريفة مرات احلى من الجبنة
وسيد الترمس عكليت وللا شنو ؟؟ انا بحب الترمس
والشطه الحمرا بالغت لكن
وميدان جاكسون زحمة لكن حلوة بتقرا حاجات كتيرة في الوجوه
والمسلسلات عندنا عزابي عمل فاصوليا قعدت 25 يوماها سميناها
مسلسل { أوشين } كرهنا بيها ياخ
والركشات أخبار السودان والطلاقات كلها عند الجماعة ديل
والتعدي على أرصفة المشاة من بعض أصحاب المحلات التجارية في ناس بتعدوا على كل شيء
وقطوعات الكهرباء والموية دي مشكلة كبيرة
وصفارة القطار جميلة صافرة القطر
والراجل أب أضافريناً طوال غريب ليه الواحد يعمل في نفسو زي الأشياء دي
والمرا أم جزمة مغبرة
الأخيرة دي عاوزة ليها قعدة
واحد وبنت عمو بيقروا في مدني قاعدين مع خالهم
الزولة دي بتكوش الواطة بطريقة غريبة جدا
اها بيرجع صاحبنا من المدرسة قبلها
الجماعة بيتغدوا بدري
يقوم يقولوا ليهو وين بت عمك ماوصلت
صاحبك متضايق منها
يقوم يطلع بره
مما يشوف علالة ومتاحة ضاربة في السماء طوالي يجي جاري ويقول ليهم { ختوا الغداء خلاص } !!!
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: عبدالأله زمراوي)
|
أخي عبد الله زمراوي
سعيد انا بوجودي بينكم
وتغمرني السعادة أكثر حينما أجد اناس يشتاقون هذا الشوق الجارف
بل كم تكون سعيداً حينما تعرف انك سكنت في قلوبهم
Quote: والله يا ابوحراز لم أفتقد في هذا المنبر شخصا مثلما افتقدتك. ياااخي بركة الرجعت
لينا بقينا زي الأيتام في بنبر بكري، شكلات وعكاكيز وسيوف وفئوس وضرب نار، ولا بوستا
تسر النفس طلعته ولا شخصا (مثلك) يرى ما بي فيكتئب...
يا حليل 2002 والأيام الجميلة وشيري وحكاويها التي لا تنتهي وتلك اللغة الآسرة
التي كانت تأخذ بالألباب. ودحين وكت جيتنا يا المبروك، ما علينا إلا أن نتحزم
ونرحب بيك أيما ترحيب بقفشاتك المدهشة وحكاويك العجيبة. وحتما ستحمل لنا
الكثير المثير المدهش من أرض السودان بعد أن طلّقت الإغتراب بالتلاتة.
أما نحن فالحمد لله لا ينقصنا شىٌ سوى مشاهدتكم الكريمة، ما زلنا في صحراء التيه نتوه
مع التائهين الى نلقى الله، لأن الجماعة قالوا ما بسلموها إلا لعيسى عليه السلام! |
قلت لي مشاكل كتيرة
والمتنفس بقى صعب
طبعاً الشكل الإسفيري زي شكل الأطفال
الواحد يقول لأخوه { ان شاء الله تمشي السوبر وماتلقى شوكولاته }
وزي شكل نسوان المغتربين
يبقى لي بي خروج بدون عودة انا ما سمعت بأبوكم عيان
الشكلة كان ما فيها سكاكين
وعكاكيز
وتظعيط شعر
وخمشة من هنا
وخمشة من هناك
واحد يزبد
والتاني يرعد
والكتاحة تقووووووووووووووم
لو ماكانت بهذا السيناريو تبقى دي ماشكلة
والله ياحليل 2002 شيري
وبت قضيم
ومهيرة المليئة بالجراة ذات القلم السنين
وتماضر التي حينما تكتب كأنها تغني !!!
جوك هسي ناس الميتيفيزيقيا
حاجات كده نحن ولابنعرفها وماسمعنا بيها
هسي الواحد لمن يجي ينطقها تقرب تخنك ليك غين وقاف !!!
اما زلت في صحراء التيه ؟؟
مشكلة والله
مثلكم يجب ان يذهب الوطن اليه
وياتي برفقة الوطن !!!!
مرة الجماعة في واحد من البوستات بهزروا مع الرائعة تماضر
وقالوا ليها خلاص نحن قررنا نزوجك { أبوحراز }
غايتو احبطتنا ليك جنس إحباط
قالت ليهم مادام الحكاية جابت ليها أبوحراز وأبوالقنفد وابوالقدح المنبر دا ذاتو خليناهو
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: almulaomar)
|
الملا عمر سلامات والله مشتاقين كتير
| Quote: بلا بتحبها بلا تحبك بلا يحب ناقتها بعيرك "قال بطانه قال" بلا هايفه بلا هيفاء معاك إنت قايل المنبر دا بيت مريسه لمن يكون عندك مزاج تجي ولمن ما يكون عندك مزاج تطفش ، يا زول إنت وين وحمدا لله على السلامه كمان شنو يا أب حراز يعني إلا يشركوا ليك بي مسلسل المهم ألف حمد لله على السلامة وأكيد راجع أشوف الحاجات الما بتعجبك مش زمان بيقولوا ليك أكل البعجبك وألبس البعجب الناس الحكاية بقت صعبه لأن الذي يعجبنا من وين نجيب ليهو العذر أما الناس فما في حاجة بتعجبها أصلاً يعني تلبس ما عاجب تمشي أم فكو برضو ما عاجب عشان كده خلينا نأكل على قدر قروشنا ونلبس على أمل أن يتأخر العيد شهر تاني كمان |
ياخي والله إنت هيفاء وهبي دي عاملة ليك مرض عديل
تعرف الواحد مفروض عشان مايصاب بالجنون لو قابلته وجهاً لوجه
خصوصاً أصحاب الحس المرهف زيكم
يعني انصحك تتدرج في هذه الأمور
تبدأ المرض بستونة
مروراً بفيفي عبدو
اها نانسي عجرم
وبعديها اليسا
ثم الفيلم
صراحة انت غلبت جدنا 5/ صفر
حلفنا تاني مايشوف قناة روتانا موسيقى
الصلاة ذاتا بقت في تلتلة
ويقوم ويقعد بيالطيف
والله بس الواحد يوم يزعل منو الا يخلي ليهو الدش كلو السودانية واليمنية واقرأ
من شاف هيفاء وهبي تقول عارضنها ليهو في سوق المدينة عرب
قال إلا دي !!!
ياعمك أخجل دي هسي لو قالت ساي عاوزة تنتحر وتتزوجك بتقدر عليها ؟؟
إنتوا مالكم ومالي إن شاء الله { أمص } أصبعها !!!!
قال الواوا قال !!!!
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: ابوحراز)
|
الاخ ابو حراز
تحية طيبة من الزمن الجميل
غايتو حكمة ربنا انه جملة الزمن الجميل تلازمنا حتى في الاسافير
اضيف لقائمتك
تكوين لجنة ولجنة منبثقة ( تاكد حينها انه الامر منتهي في الاتجاه السالب)
السوداني لما يجي يتكلم انقليزي بكشر وبيرهق تعابير وشه ( تحس حينها انه بصدد تصنيع مفاعل نووي)
لما ال 50 ولا 40 مليون نسمة من الشعب السوداني يتكلموا في السياسة بطلاقة ( ياريت لو بفايدة)
المرأة السودانية لما تكون لابسة دهب كتير وتضحك بطريقة منبعجة تظهر حتى حشوة الضرس الاخير
بجيك تاني لو امكن
وتحياتي لست النفر
| |
|
|
|
|
|
|
|
|
 Re: أشياء لا أحبها 00 بوست هايف جداً 00 ولكن 00 (Re: عبدالله كع)
|
الحبيب أبو حراز
ســـــلام وطوفان من الود
Quote: ورغم هذا فالسودان افضل مائة مرة من الغربة
أنا دائما لااتحدث عن السودان السياسي وسودان الأطماع والكروش المترهلة
بل السودان البسيط
الأمكنة التي تتعامل بالحيطة
ملاح من هنا وبليلة من هناك
مازال الناس في صالحة والأحياء الشعبية يتعاملون بهذه البساطة
أديني فقشة بصلة
امي قالت ليكم ادونا ليمون
|
ماهو دا الشئ الجابنا..إحساس الحيران بظروف بعض...الناس ال..يبدو العير علي ذاتن......يقسمو اللقمي بيناتن
بتقول لحبيب الكل
Quote: ياليتهم لو يطلعوا مرة اخرى ويحكوا لنا عن المنبر 2002
عن المشاكسات
وعن قصص الحب التي تمت بي { تحت تحت }
وعن وعن وعن وعن وعن على قول إمرؤ القيس في لاميته الشهيرة
|
وإنت مالك؟؟؟؟ماتحكي قصصك..وللا خايف من أم حراز؟؟؟؟؟؟ عالم ########ات
تتذكر؟؟؟زمان أنا صدقت حجوة عرس أبو الجعران للقمرا ( الله يرحم حبوبتي ويسامحها)..جيت داخل هنا تووووش وقدام الله وخلقو قلت بالصوت العالي
أنا بحب الأيقونه الإسمها تماضـــر ..طلعت إنت زي البعاتي وقلت بالحرف (وأنا ذاتي بحبها) و... من اليوم داك القمرا طفشت الطفشه الياها..تلقاها قالت منبرا بجيب لينا البعاعيت ديل خليناهو....وبس...أنا غايتو لملمت مشاعري ومشيت ..ماعارف إنت عملت شنو....كدا ورينا
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: nile1)
|
أخي نايل 00 كيف ومبروك وعقبال الماستر والدكتوراة
مزيد من النجاح باذن الله
Quote: وإنت مالك؟؟؟؟ماتحكي قصصك..وللا خايف من أم حراز؟؟؟؟؟؟ عالم ########ات
تتذكر؟؟؟زمان أنا صدقت حجوة عرس أبو الجعران للقمرا ( الله يرحم حبوبتي ويسامحها)..جيت داخل هنا تووووش وقدام الله وخلقو قلت بالصوت العالي
أنا بحب الأيقونه الإسمها تماضـــر ..طلعت إنت زي البعاتي وقلت بالحرف (وأنا ذاتي بحبها) و... من اليوم داك القمرا طفشت الطفشه الياها..تلقاها قالت منبرا بجيب لينا البعاعيت ديل خليناهو....وبس...أنا غايتو لملمت مشاعري ومشيت ..ماعارف إنت عملت شنو....كدا ورينا |
فعلاً تماضر أيقونة
فحينما تضغط على هذه الأيقونة يأتيك قوس قزح في مكانك
وتطل من هذه الأيقونة على كل إنسانية العالم
تماضر حينما تكتب كأنها تتحدث
وحينما تتحدث كأنها تغني
كلماتها الرائعة والجميلة تجبرك على قراءتها حرفا حرفاً
والذين يقراون لها لا يندمون
وكيف ماعاوزها تخلي المنبر
وقد ظهر البعاعيت من كل اتجاه
مرة واحد أخونا عاوز واحدة جميلة جداً
والله لو وافقت أظن ناس الحلة كلهم كان مشوا الترعة وغرقوا
وزولك عارف المخاطرة دي فاشلة بكل المقاييس
لكن غلب الأخطبوط بول { 10 صفر }
كل ما البت تقول ليهو يازول شوف ليك شغلة
برضو تلقاهو متعلق فيها
تزح شمال يزح شمال
تلف يمين يلف يمين
المهم الشغلانية اتعقدت
قرر ينتحر من برج اتصالات { سوداتل }
وللمزيد من التمثيل رفع معاه ماكرفون يدوي
اها وقال ياناس انا عاوز انتحر عشان نجوان قالت ما بتعرسني
اها بعد شوية الأعمى شايل المكسر
وهاك ياتحانيس ورجاء
والمشكلة قال الا يجي الوالي ويحكي ليهو
والوالي كان في الصين
اها جات البنت بنفسها
والجماعة يتوسلوا ليها عشان تنقذ الموقف
طلبت المايكرفون
صباهو ليها من آخر الدنيا
وقالت : والله ياحيوان كان تقع وتتكسر حته حته ما اعرسك
الجماعة اصيبوا بالذهول
والواسطات قامت وقعدت
بعد شوية كان نشوف ليك زولك نازل عديل
وبكل برود بعد ما الجماعة صفقوا ليهو
قال والله اديسون حاول قبل كده 9999 مرة وفشل
اها هسي عليك الله تماضر دي لو قالوا ليها نايل {1} وابوحراز
بالله مش ممكن تطلع هي في البرج !!!
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: عبدالله كع)
|
كيفك يا أخي عبد الله كع
Quote: شوفته طريق الملك فهد في الرياض ..
انا كان بريدو الحس المكوة حااااااااااااره
د ه من اكبر مساوئ الغربه في المملكه العربيه السعوديه ..
وبس .. |
شنو الطريق مالو ياساتر
الم تسمع بطرق نزار قباني
يالها من طرق جميلة
فهي بلا مطبات
ولاشركات هدف
ولاعبور حتى
ولاشرطي أبيض ولا اخدر
طرق مريحة للنفس والأعصاب
كلمنا عن هذا الطريق وعلاقته بلحس المكواة الحارة
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: القرشي منعم منصور)
|
اخي العزيز قرشي منعم منصور
لك تحياتي
Quote: الأخ أبو حراز
تحية و تقدير
شكرا لأنك تحملنا الى عوالم الإبتسامة
و تغسل دواخلنا بالفرح
كن بخير
القرشي |
شكراً لهذه المشاعر الطيبة
وياليتنا نحملكم لهذه العوالم
عالم الضحكة والابتسامة في زمن أصبحت فيه الابتسامة عملة نادرة
كم يتألم الانسان طوال يومه
سواء في الغربة
او في اي مكان
حياة مليئة بالرهق
والضوضاء
والاكتئاب
والعبوس المتطرف
تحتاج منا ان نخرج ولو قليلاً من هذا النفق المظلم
حتى نجد انفسنا في ارض بلا سواحل
ننطلق فيها بكل اريحية
وبكل حرية
والقلوب ياسيدي حينما تغتسل بالفرح
يمكنها يوماً أن تغتسل بالحليب
وزمزم
حينها تكون بيضاء
وأكثر نقاءاً وصفاءا
ياليتنا لو نضع الابتسامة تحت وسائدنا ختى ننام بلا كوابيس
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: maia)
|
مايا
ناس الزمن الرائع 2002
Quote: اضيف لقائمتك
تكوين لجنة ولجنة منبثقة ( تاكد حينها انه الامر منتهي في الاتجاه السالب)
السوداني لما يجي يتكلمانقليزي بكشر وبيرهق تعابير وشه ( تحس حينها انه بصدد تصنيع مفاعل نووي)
لما ال 50 ولا 40 مليون نسمة من الشعب السوداني يتكلموا في السياسة بطلاقة ( ياريت لو بفايدة)
المرأة السودانية لما تكون لابسة دهب كتير وتضحك بطريقة منبعجة تظهر حتى حشوة الضرس الاخير
بجيك تاني لو امكن
وتحياتي لست النفر |
اول شيء ستصل تحياتك الغالية وهي بتسلم عليكم كتير
والله هي من النسوان الهنيات ورضيات
واذا كان زي ماقال واحد أخونا وراء كل إمراة مبشتنة رجل
فالحمد لله نحن بنهتم بالأناقة كتير
وناس بيهتموا بالنقة
بعدين سيطرة كاملة على ملابسي
البس البيجي مع البيج
لازم الأسود يكون معاه ابيض
يعني مابتخليك تمرق من البيت باخوي وأخوك الا تشيك على ملابسك
حكاية اللجان دي مشكلة كبيرة
عملنا لينا لجنة للصيوان
اجتمعت اللجنة 15 مرة والـ 15 مرة أمين المال ماحضر معانا الإجتماعات
كل مرة كان بيعتذر
في النهاية اكتشفنا إنو أكل القروش كلها
في واحدة من المحليات في واحد بس مسئول من { تلج } مناسبات المحلية
الزول دا قدر ماحاولوا ينقلوه لقسم تاني رافض نهائيا
وقال ليهم أنا زول تلج بس
الحمد لله باني هسي بيتين
والمشكلة رئيس اللجنة الشعبية في الحي عاوز يتم ليهم الناقصة
زي البراميل بتاعات التلج كل ما المويةالباردة تنقص يتمها ليهم موية حارة
قبل فترة جايبين ليهم واحدة لابسة دهب كتير في التلفزيون
والله الزولة دي بتعمل في جنس حركات
بس كل دقيقة والتانية ترفع ليك يديها تقول عاوزة تضبح ليها خروف
لكن المشكلة نحن سببت لينا إحباط مع نسوانا ونسوان الفريق كلو
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: nile1)
|
الاخ الكريم ابو حراز كيفك يا شيخ العرب عساك و الاسرة الكريمة بخير فعلا و الله ليك وحشه ، ما عارف لو بتتذكر مره عرضت ليك الزواج من احدى الوزيرات ، تصدق اليوم شافت البوست ده ( طبعا) شالوها ، اها اليوم اتصلت قالت طالما الزول ده رجع للبلد هى جاهزة للمسيار حافظا عليكم من حرمكم المصون ، سكن ايه و عربات ايه ، وانت مطلوب اسبوع فى الشهر ، اها شن قولك .
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: هجو الأقرع)
|
أخي هجو الأقرع
والله مشتاقين كتير
وكل مرة انتظر عودتك للسودان عشان تكون واسطتنا مع الجماعة
والله طرقنا كل ابواب الشغل
واللحية ربيناها ثلاثة شهور
ساعة ماجابت اي نتيجة حلقناها دون رجعة
طبعا الا اذا استجد جديد في الأمر فلامانع لدينا من دعوني أعيش مرة أخرى
| Quote: الاخ الكريم ابو حراز كيفك يا شيخ العرب عساك و الاسرة الكريمة بخير فعلا و الله ليك وحشه ، ما عارف لو بتتذكر مره عرضت ليك الزواج من احدى الوزيرات ، تصدق اليوم شافت البوست ده ( طبعا) شالوها ، اها اليوم اتصلت قالت طالما الزول ده رجع للبلد هى جاهزة للمسيار حافظا عليكم من حرمكم المصون ، سكن ايه و عربات ايه ، وانت مطلوب اسبوع فى الشهر ، اها شن قولك |
والله احتراماً لشيخ العرب دي انا عند كلمتي
بس اهم شيء زولتي مايكون شالوها في التعديل بتاع الـ 77 الأخير
طالما هي وزيرة
وعندها عربية
وبيت
وأكيد ارض في غزة أو المجاهدين
انا ماعندي اي مانع مسيار او الزواج التاني باخوي وأخوك
ولو كانت شينة زي القرد ماممكن أغير رأيي
مش الجمال والحلاوة البفتشوا ليها الناس دي عشان شوية دقائق ليلية
ليك علي ياهجو بس كل يوم بالليل احرد وأقبل على الحيطة !!
وفي الصباح عليك أمان الله انا جاهز
اوصلها الشغل وارجعها واساعدها في كل شيء
لكن بالليل صراحة { لكم دينكم وليا دين } صدق الله العظيم !!
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: بكري عباس علي)
|
أخي بكري عباس
شكراً على المشاركة
وشكرا مليون على اعجابك بالأسلوب
اضافة حقيقية للمعجبين الرجال
كل المعجبين بكتاباتي من الرجال
وهذا يسبب لي الكثير من الاحباط
السودان مليء بالمواقف الرائعة والممتعة
وكذلك المؤلمة
لن أمنحكم من الأخيرة شيئاً
ولكنني سآتيكم بالكثير مما قابلني
لك التحية
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: ابوحراز)
|
يا ابو حراز يا اخوى ، هى شالوها من زمان من قبل ال77 ، و بعدين هى دايرك عشان لكم دينكم دى ذاتها التى ترفضها انت ، يا زول الحاجة دى بتريحك شديد و بعدين انا بطلع بحق السمسرة ، راسين فى المسيار، عليك الله ما تخيب ظنى ، صدقنى بت عمك ما بتأخد خبر ، انت مش عارف ديل جماعة اقضوحوائجكم بالكتمان. صدقنى انا اكان ما فى حاجات تانيه مانعانى كنت استشهدت فيها من زمان ، هى اصلها دايره ليها زول جضومو غلاض لما تزعل منو اها انت عارف الباقى .
اما بانسبة لجماعتنا و الله ما فيهم فائدة تصدق ضبحو تورهم وما ادو زولم ، المهم يا شيخنا لو انت جادى فى البحث عن عمل عليك الله ارمى هاتفك فى الماسنجر ، يمكن ربنا يعترنا فى ود حلال يساعد. بس تعرف جماعتنا ديل ذى مكاتب الخليج بياخدو كم راتب اولانى لما يشغلوك.
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: nile1)
|
نايل { 1 }
Quote: كأنني رأيت هذا الوجه وسمعت هذا اللحن من قبل.. والصوت..الصوت نفسه ليس غريبا على أذني ولكن..الملامح مصريه..اللون مصري..الحركات ..كأنها خقة ورشاقة وشتارة صفاء أبو السعود قبل أن (تتقل) وتصبح صفاء أبو الفلوس..بها بعض من ملامح صفاء....عموما..نصف مكونات المشهد ..الصوت واللحن سمعتهما من قبل..أما الجديد فهي البنت (اللهلوبة) ومن تغني له..عصير (ريتشي)...فجأة برقت في ذهني ..وجدتها..وجدتها..ولكن..سبحان الله..من يقول أن التاريخ لايعيد نفسه؟؟؟ قبل سنوات..في نفس هذا الشهر..وفي نفس المكان..و..نفس صيف القاهرة الخانق الرطب.....هوى بي نفس الصوت من سماوات كنت أحلق فيها مع وردي ورائعته (عصافير الخريف) ..حين سمعت الصرخة المجلجلة (حمادااااااه)..فأصابني ما أصابني من الهلع على حمادة الذي أعرفه..على أثر ذلك كتبت إستراحة في إحدي الصحف اليومية وأوردتها هنا بعنوان ( لا داعي لذكره).. كاد المشهد أن يتكرر و(بالكربون) ..ولكن.. (فرقت بنط) ..حدثت بعض التحولات..من مغنية إلى فتاة إعلان.. ومن الهيام بحمادة والتغني بحبه إلى التغني بحب (ريتشي).
كل هذه التحولات (مبلوعة) وليست غريبة في زمان (اللي تكسب به ألعب به) ..ولكن مابال اللون قد أبيض بياض الشمع بعد أن كان بلون (الشوكولاته والأبنوس)؟؟؟؟ وهذه أيضا..وبعد لأي وجهد شديدين...وجدتها..وجدتها..وجدتها.....سر اللون يكمن في (ريتشي)........ريتشى أثبت أنه أكثر بياضا..علاوة على أنه لم يصدر عن الجهات المختصة ما يثبت أن له أضرارا على الكلي واليشرة مثل كريمات التبييض...وعليه.. عليكن ب (ريتشي) الذي أثبت أنه أنجع من الكريمات وأحسن من (حماده)..و..
سامحـــــــــــونا |
عجبني المقال بشدة
وهو يعبر عن حالة مستشرية جداً هذه الأيام
يشهد الله ارسلتني زوجتي لشراء { حنة اسمها الدامر }
والله خجلت
المحل كلو نسوان
وانا واقف يمكن ساعة كاملة
صدقني 00 من أنجح المشاريع الاستثمارية بعد الادبخانات مباشرة
هي محلات المكياج والزينة !!!
مرة ست النفر وانا مازلت في مرحلة { الحمار } وهي مرحلة الزواج كما تعلم
داخل شايل الأكياس
نازل شايل القمامة
أدتني ليك نهرة قوية جداً
ياراجل ماتنسى تجيب معاك العدس !!!!!!
ورجعت نامت طوالي
قلت ياجماعة الزولة دي الا بتهضرب
تكون حلمانة وللا شنو
أمس القريبة دي أنا اشتريت ليها العدس وما عملتو
تكون ياربي نست
لازم يا ابوحراز مادام انت في مرحلة الحمار اطلع تاني وأدخل المطبخ
وفعلاً بحثت المطبخ يمين وشمال وجدت كل شيء الا العدس
وأثناء بحثي وجدتها 00
ورقة صغيرة مكتوب عليها { طريقة تقشير الوجه }
نصف ليمونة
نصف كيلو عدس
كباية موية
تغلى الكمية في ماء ساخن لمدة 10 دقيق
ثم يوضع المزيج لكي يبرد
وبعدذلك توضع طبقة رقيقة على الوجه
طوالي جريت جبت ليهم العدس !!!!!
قال تقشير قال !!!
| |
|
|
|
|
|
|
|
|
 Re: أشياء لا أحبها 00 بوست هايف جداً 00 ولكن 00 (Re: haroon diyab)
|
Quote: والله ياحليل 2002 شيري
وبت قضيم
ومهيرة المليئة بالجراة ذات القلم السنين
وتماضر التي حينما تكتب كأنها تغني !!!
|
حباب ابحراز اخوى
لى زمن من المنبر لكن اليوم دة جابنى الدرب عفراء وقلت اطل المنبر ...لاقانى بوستك الجميل
القلوب شواهد على قول اهلنا الطيبين،
بلغ السلام لست النفر والوليدات
تحياتى
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: elsawi)
|
والله يا أبو حراز إنت زول سينما بس وما بنشبع من دققك ياخ والله تلقالك طرف
تلفزيون والله غرتك لى صرتك ياخ مثلك يملأون مواعين الروح لامن تدفق ويا بخت ست النفر
بيك والله تمضع فيك يختفنك قبال ما تقع فى الواطه ولو كان معاك لورى أقاشى
ياخ والله أقرأوك وجنى والمله عمر ولن أبرح ما تكتبون حتى أقتل دابره ياخ
البلد دى بخيرها طال ما فيها أنتم وخلى بالك من ود ربيعه ويا المله من الجميعاب
ويا جنى من كريمى تأتوننا بزاد السنين ولك ولست النفر والأولاد السلام وشايفك فى
الفيس بوك بس عندى زى الأقاشى بتاعك دا!!!!!!!!!!!!!!!!!!!!!!!!!!!!!!!!!!!!!!!!
منصور
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: munswor almophtah)
|
الأديب الرائع منصور المفتاح
كل ما اشوف قطعة ارض في الخرطوم معروضة للبيع أتذكرك
ياخي والله حالتك تحنن وتجنن
هسي لو بتقول الله أكبر وترفع اصابعيك
كان يكون عندك اقل شيء قطعة في المجاهدين
مشينا صلينا في جامع في المجاهدين يازول خليها ساي
كرووووووووووووووش بالكوووووووووووم
وقرووووووووووووش بالكوم
اول مرة اشوف على الطبيعة { الجهاد بالمال }
والله انا عاوز أغير سياستي
اي حكومة تجي نحن ضدها00 لشنو ماعارفين
عشان كده الواحد طلع من المولد بدون حمص
قلت لأهلي خلاص حكومة الجماعة ديل السابقة انا ضدها بكل المقاييس
لكن الحكومة المنتخة دي أنا معاها قلباً وقالباً
قالوا لي عملت شنو ما زي المرتبة الببولوا فيها الشفع
اها قلبوا ليكم المرتبة بالجهة التانية
يامنصور والله بطريقتنا دي لانسكن المنشية ولانسكن صالحة
والله قطعة لقينا فيها حمار مربوط
سيدها قال الا 350 مليون !!! في صالحة تصدق !!!
ياحليل جدنا قال كان بيربط حمارو في زريبة هسي فيها عمارة الخواض !!!
والله اصبحنا في حوجة الى { دعوني أعيش } !!
والمشكلة ست النفر { وزارة الداخلية الأصلية }
هددت وتوعدت لو ما اتصالحنا مع الحكومة حاتشتت
وانت عارف حكاية العرس من جديد
والعربات اليابانية كلها انتهت
الآن المعروض للعرس نصو صيني
يعني شهر واحد وتقعد { تكركب } ليك !!
قلت ليها يازولة انا عندي مباديء
قالت خلاص خلي مباديك دي تبني ليك بيت
اها رايك شنو
قال مباديء قال !!!
ياخ والله نسيت ارد على مداخلتك 00 معليش برجع ليك تاني
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: مهيرة)
|
الأخت مهيرة
مشتاقين لحرفك الندي المضيء
يبدو أنك مثلي تركتي الشرق الأوسط
تركتها بعد أن أتاها الراشد
كانت خضراء جميلة
فأصبحت باهته
الان أنظر اليها في رفوف المكتبات
ما أجمل الباعة في السودان وهم يحملون الجرائد على أك########م
هذه الصورة لاتوجد هنا
أشتاقها كثيراً
Quote: حباب ابحراز اخوى
لى زمن من المنبر لكن اليوم دة جابنى الدرب عفراء وقلت اطل المنبر ...لاقانى بوستك الجميل
القلوب شواهد على قول اهلنا الطيبين،
بلغ السلام لست النفر والوليدات |
شكراً على هذه المشاعر
القلوب شواهد
أحدهم يقول لصديقه { الجيوب شواهد }
في كناية لإحتياج بعضهم للآخر
تقبلي تحياتي وتحيات الوليدات
يسألوني دوماً يابا لو كنت في الحكومة كان نكون ساكنين في عمارة كبيرة
أتيت بهم في إجازتي الأخيرة لرحلة قصيرة بالخرطوم
وياليتني ما اتيت !!
كانت طموحاتهم كبيرة
وست النفر كانت تتحسر كلما رات إمراة وهي تقود كاميري
كانت تلعن حظها المنحوس كلما رات عمارة من خمس طوابق
والغريب انها كانت تنظر لي بإمتعاض حينما نريد ان نقطع الشارع
والمشكلة ان التي وقفت لنا لنعبر كانت إمراة تمتطي همراً !!!
فقلت لها من الذي يمتعض
لو تزوجت هذه التي عبرت الشارع لكنت الان في المعمورة أو الرياض
نساؤنا في فترة فوران الحب
والحب الملتهب كالبراكين يوعدننا بانهن سيعشن في راكوبة بالية
وبمجرد أن تنتهي مراسيم الزواج
والاتيان بطفل او طفلين تصبح الراكوبة لامعنى لها
ويبدا الحلم في الصعود
حتى أخوك ابوحراز كان يحلم بـ 100 الف ريال فقط تعادل 70 مليون سوداني بالقديم
الآن وحينما رايت الأسعار وجنونها والأراضي وهيجانها
قررت ان يرتفع الحلم من 100 الف ريال الى مليون
مش الحلم مجان
فلماذا لانرفع بورصة الحلم وسقفه ؟؟
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: haroon diyab)
|
haroon diyab
Quote: ابو حراز ياعمك
سلامات
وعودا حميدا مستطاب
انت من الاسماء التي جملت هذا المكان
عرفناك ونحن اوت لاين .....
عندما اصبحنا اونلاين طفشت بي وشك
وعملت مجنون......!!!!!
المهم.........
الف حمد الله علي السلامة |
كيف ياخ 00 عمك دي بتطفش الجكس
براهو الماعون بتاعنا فاضي
انا ماطفشت مشيت منتدى رائع
فيهو نواعم كتيرة جداً
اسمو عكس الريح
ناس نسرين سوركتي
ونسرين النمر
وكل ماتشتهي الأنفس
شيء أخضر وشيء بنفسج
وشيء قرمزي
وآخر وردي
قلنا نرتاح من سودانيز أون لاين دي
ياخي المنتدى في فترة من الفترات ماتقدر تدخلو الا وأنت على وضوء
مواضيع دينية بالكوم
مرة واحد يتكلم عن حرمة السروال الطويل
مسينا ملصناهو ولبسنا قصير
جاء واحد تاني اتكلم عن عذاب جهنم والأودية السحيقة في النار لمن يلبس القصير
اها نعمل شنو ؟؟
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: ابوحراز)
|
| Quote: انعل ابو الجضوم البترفع علينا الأسعار دي |
حبيبنا وزميلنا ابوحراز ..
اطمئن يابوحراز فالسماسرة والتجار صيروها غالية ونار الله الموقدة حتى للبدون ..
كرضم جضومك ساى ولايهمك .
يغيظنى كرسى النص فى الحافلات والهايسات ,
ملاح القرع ..اسكت ساى ,لمن اشوفو تركبنى عفاريت الدنيا والآخرة .
اما اخيرا وليس آخرا ((لأن الأشياء التى تفقع المرارة فى هذه الديار بلا حدود)) فرؤية صورتى نافع وكرتى فى الصحف فهى كفيلة بجعل ايام الشهر كلها نكد فى نكد . لله فى لله مكجنم.
مع تحياتى .
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: قلقو)
|
Quote: أبو حراز
حتى أخوك ابوحراز كان يحلم بـ 100 الف ريال فقط تعادل 70 مليون سوداني بالقديم
الآن وحينما رايت الأسعار وجنونها والأراضي وهيجانها
قررت ان يرتفع الحلم من 100 الف ريال الى مليون
مش الحلم مجان
فلماذا لانرفع بورصة الحلم وسقفه ؟؟
|
الظاهر عليك يا ابا حراز إنت من مغتربي المملكة السعودية؟ واحد صديقي سعودي قال هو عنده أصدقاء سودانيين كتار في المملكة، يوم واحد ما سمع سوداني عاوز يبني بيت طابق أرضي أو يشتري عربية كورونا. كلهم عاوزين يبنوا عمارات 5 طوابق كما قلت. وعاوز يركب لآندكروزر ويعمل شركة كبيرة. عشان كدا جالسين في المملكة حتى آخر برميل بترول.
يا زول أحلم .. الحلم ما عليهو جمارك.
بس إنت مامحظوظ ما لاقيناك لمن جيت السودان .. كان وريناك شغل كتير وبسيط وربح معقول ومنه تتقدم خطوة خطوة أصله البناء من طوبة كما يقول والدي عليه الرحمة.
(العوج راي والعديل راي)
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: cantona_1)
|
الأخ كانتونا
Quote: الظاهر عليك يا ابا حراز إنت من مغتربي المملكة السعودية؟ واحد صديقي سعودي قال هو عنده أصدقاء سودانيين كتار في المملكة، يوم واحد ما سمع سوداني عاوز يبني بيت طابق أرضي أو يشتري عربية كورونا. كلهم عاوزين يبنوا عمارات 5 طوابق كما قلت. وعاوز يركب لآندكروزر ويعمل شركة كبيرة. عشان كدا جالسين في المملكة حتى آخر برميل بترول.
يا زول أحلم .. الحلم ما عليهو جمارك.
بس إنت مامحظوظ ما لاقيناك لمن جيت السودان .. كان وريناك شغل كتير وبسيط وربح معقول ومنه تتقدم خطوة خطوة أصله البناء من طوبة كما يقول والدي عليه الرحمة. |
انت عارف أنا اول يوم وصلت فيه السعودية ركبت النقل الجماعي
في الحقيقة البص عجبني شديد
وكان راكب جمبي سوداني اظنو جاء من سنة 1975
كان صاري وشو زي { أمين حسن عمر }
انا ماعارف الزول دا اصلو كده
يعني عندي احساس لو { كلكتو } مايضحك ليك
المهم 00 على قول تبارك
قلت الراجل مادام مهمشني انا لازم أسألوا
اها يا اخونا كيف حالك ماشي وين
بالله قال الرياض كانو عاوز اقول ماشي القيامة
قلت ليهو البلد دي كيف ؟ السعودية 00 كيف الشغل والدخل والتوفير
خت ليهو { سفة } اول شيء وحمّر ليك فيني تقول قلت ليهو عاوز أختك
قال لي 00 انت جديد هنا
قلت ليهو الليلة اول يوم في السعودية
اها 00 وأحلامك شنو ان شاء الله وطموحاتك
قلت ليهو والله بس قررت اشتري لي بص زي دا وتاني برجع طوالي
زولك طوالي قام مني وقال لي انا ماشي حمام البص شعرت بي مغص
وتاني نهائي ماجار ركب معاي
شاف ليهو كرسي بعيد وانتكل عاوز ينوم
قال نقل جماعي قال !!!
الآن احلام كثيرة اتبخرت
وأمنيات عدة تنازلنا عنها
البركة في العرس والوليدات
اها نرجع ليك لموضوع الشغل 00 انا جاييك ان شاء الله شوف لينا حاجة ساهلة
والله كرهنا الغربة
ونسوانا كان ماصبورات كان خلعننا زمان
اها اكتب لي تلفونك في الخاص
وماعندك اي مشكلة لو شغل مع ناس الحكومة انا حافظ 3 أجزاء
والحمد لله الخمسة اوقات في المسجد
وكانت معاها { حلقة التلاوة }
لكن من يوم جلطة نفيسة بتاعت الفاتح جبرا
المدام قالت والله بدأت تشك في حلقة التلاوة دي
والمصيبة الظروف ساعدتها
طلبت مني اكمل آية واحدة من سورة التوبة
لقتني زي عمك العسكري بتاع البخاري ونجلاء سيد احمد
اها من يومها قالوا تاني مافي حلقة تلاوة !!
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: قلقو)
|
Quote: قلقو
فرؤية صورتى نافع وكرتى فى الصحف فهى كفيلة بجعل ايام الشهر كلها نكد فى نكد . لله فى لله مكجنم.
|
يا قلقو معاك حق صورة كرتي ما فوتوجينك .. ووزير الخارجية لازم يكون فوتوجينك.
لكن نافع دا زول ظريف جداً لوقعدت معاه واتونست معاه. بسيط وغير معقد.
أنا علاقتي بيهو ما فيها سياسة .. كلام والسلام. والزول شكله معقول ما زي واحدين كتار من ناس الحكومة شكلهم ما بعجب.
(العوج راي والعديل راي)
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: احمد محمد بشير)
|
Quote: لكن نافع دا زول ظريف جداً لوقعدت معاه واتونست معاه. بسيط وغير معقد.
أنا علاقتي بيهو ما فيها سياسة .. كلام والسلام. والزول شكله معقول ما زي واحدين كتار من ناس الحكومة شكلهم ما بعجب. |
والله ياكانتونا انا ما قادر انسى ليه انو كان المسئول عن الأمن فى معظم سنوات الأنقاذ وما سببه من حزن ومآسى وآلام للناس وللبلد وماتركته من آثار لن يمحوها الزمن . ثم بعد اسمع الكلام المقذع الذى يوجهه لقوى المعارضة. فالمسلم ياكانتونا ليس بطعان ولا لعان ولا بذئ .. (ولا هو غير متوجه حضاريا؟)
اما عن الأخ كرتى فيكفى انه كان قائد قوات الدفاع الشعبى ذلك المعول الأول فى هدم الأنضباط فى القوات المسلحة وكل موروثات الجيش السودانى .
ياابوحراز نسيت اقول بيجننى وبيرفع لى الضغط سواق العربية الوراك فى (الأستوب) ويروح يديك بورى بطريقة مزعجة ومستفزة بمجرد ان تضئ اللمبة البرتغالي..خلاص يعنى الود مستعجل وزمنو غالى .
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: احمد محمد بشير)
|
أخي احمد
بوست حلو ياااااااخ
وفيهو عبق الماضي
وكتابات العمالقة ناس زمااااان
زمن سودانيزاونلاين الذهبي
وفيهو جانا ابو حراز
علي الرغم من الحاجات
الإنت ما بتحبها دي ، البوست حلو
شكرا على اعجابك
فعلاً البوست أخرج العمالقة من سودانيز أون لاين
أتوا على استحياء
وسطروا حروفهم الذهبية ومضوا
ياريت تكون كل البوستات حلوة
والواحد لمن يقراها تخفف عليهو الضغط
ورهق الحياة
اصبحنا في حاجة ماسة للإبتسامة
حتى نخفف من وطأة المعاناة
شكراً ليك كتير
شكراً من يمين القلب الى شماله
ومن اقصاه الى اقصاه
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: قلقو)
|
الزميل قلقو 00 كيف يامان
صاحبك همشنا في الردود بتاعت البوست
والله كرهنا التهميش الحايم اليومين ديل
والمشكلة الواحد هسي شوية مطمئن من حكاية التهميش الزوجي
يعني طالما الواحد مازال في مرحلة { الحمار } فهو شغال والدخل ماشي
لكن لمن تدخل مرحلة { الـــكــــــلـــــــب } وهي في عمر الـ 70 بتكون نزلت معاش
اها والأولاد بيكونوا اشتغلوا
وانت لاشغل ولا مشغلة
يقوم يهمشوك تهميش العدو
ويدوك باقي الأكل 00 الله يسترنا من المرحلة دي
في راي اخير منها مرحلة { الـــقــــرد } وهي المرحلة التي تكون اصبحت فيها { جداً وعجوزا }
فيأتوا لك بالأحفاد لكي تقوم بتلعيبهم واضحاكهم
والجماعة ماشاء الله يضحكوا ليك
جدو ليش اضانك كبيرة
جدو ليش قايم ليك شعر هنا
وانت بس الاتكون زي الأراجوز تحاول تضحكهم وتسكت
أسوأ شيء في الحياة هو التهميش الزوجي 00 أبوحراز 00 هذه الحكمة خاصة بي للأجيال القادمة
بالمناسبة على قول اخونا الصاوي { الـــكـــــلــــب } مطيتها عشان بكري ما يمسحها
وكذلك { القـــــرد }
Quote: حبيبنا وزميلنا ابوحراز ..
اطمئن يابوحراز فالسماسرة والتجار صيروها غالية ونار الله الموقدة حتى للبدون ..
كرضم جضومك ساى ولايهمك .
يغيظنى كرسى النص فى الحافلات والهايسات ,
ملاح القرع ..اسكت ساى ,لمن اشوفو تركبنى عفاريت الدنيا والآخرة .
اما اخيرا وليس آخرا ((لأن الأشياء التى تفقع المرارة فى هذه الديار بلا حدود)) فرؤية صورتى نافع وكرتى فى الصحف فهى كفيلة بجعل ايام الشهر كلها نكد فى نكد . لله فى لله مكجنم.
مع تحياتى . |
عشت فترة مع سماسمرة كنت اوصل احدهم مشوار 00 صراحة عالم عجيب
لعنت هذه المهنة الى يوم الدين
ولكن عندما دخلت عالمهم شعرت بأنني اعيش في كوكب آخر
ياخي صاحبي هذا امشي به الصباح وجيبو فاضي
يرجع المغرب بـ 3 الى 5 مليون
وعشان ما اتكلم في السماسرة طوالي يديني حقي كامل بتاع المشاوير ويقوم يشتري كيس لحمة وخضار وفواكه
حتى ست النفر شكت في الموضوع وقالت لي يازول انت اليومين ديل شغال شنو ؟؟
قلت ليها { حالتي بس بوصل سمسار }
جماعتك الأخيرين ديل تعرف الواحد مايهبشم نهائي
ياخي انا مقدم لي قطعة ارض
وخلاص هي في الرمق الأخير
والواحد يقوم يقول كده وللا كده علي الحرام تاني في مقابر حمد النيل ماتلقى ليك شبر
خلينا في ملاح القرع !!
قال نكد في نكد قال !!!
انت يا اخوي بنيت وللا شنو ؟؟
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: فتحي البحيري)
|
أخي فتحي البحيري
ياخي والله مشتاقين كتير
اها اخبارك شنو 00 سكنت في الوادي الأخدر وللا لسه
والله حقو تسموه { وادي النمل }
عشان ممكن يطلعوا ليكم عفاريت ويصلحوا ليكم أحوالكم المادية التعيسة
ياخي الواحد تلقاهو صحفي وحق الجريدة ماعندو
دي صحافة شنو وفصاحة شنو
Quote: على التلاق انت الذ زول
تلويحة سلام واعجاب وتحنان |
وعلي التلاق إنت ألذ معجب
قال اوزون قال !!!
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: nile1)
|
Quote: مرة الجماعة في واحد من البوستات بهزروا مع الرائعة تماضر
وقالوا ليها خلاص نحن قررنا نزوجك { أبوحراز }
غايتو احبطتنا ليك جنس إحباط
قالت ليهم مادام الحكاية جابت ليها أبوحراز وأبوالقنفد وابوالقدح المنبر دا ذاتو خليناهو |
انا وست النفر
كل واحدة بتدور همر
وعريس يشبه القمر
وكلام منو والدرر
وعمارات مش بيوت وحر
بلا أبو حراز بلا أو القنفد بلا أبو القدح
ههههههههههه
سلا يا ناس والله يا حليلكم ويا حليل ايامكم
| |
|
|
|
|
|
|
|
|
|
Re: أشياء لا أحبها 00 بوست هايف جداً 00 ولكن 00 (Re: Tumadir)
|
تماضر شخصياً
والله مش ممكن 00 لاحولااااااااااااااااااااااااا
عندي بنتي صغيرة اسمها { نون } لمن تحس بيك كضبت عليها والله تعقدك
وتقول ليك لا حولاااااااااااااااااااااااااااا
والجماعة كلهم يقعدوا يضحكوا
حتى مرات كده بتظلمك تكون ما كضبت
اها تجرها ليك لا حولاااااااااااااااااااااااا
قلت ليها مامعقول تشوتي ضفاري بالطريقة دي !!!
Quote: نا وست النفر
كل واحدة بتدور همر
وعريس يشبه القمر
وكلام منو والدرر
وعمارات مش بيوت وحر
بلا أبو حراز بلا أو القنفد بلا أبو القدح
ههههههههههه
سلا يا ناس والله يا حليلكم ويا حليل ايامكم |
زمان واحد شيخ قم قال لي انت يا المنطط عينيك جاياك عربية من السعودية
طوالي اديتو البياض
والله خمسة آلاف مصاريف الدراسة كلها
وفعلاً الزول كان صادق
بعد يومين اتحققت النبوة
وجات العربية ودقشتني
بس ربك ستر
قال همر قال
طموحك انتي وست النفر بيرتفع مع ظهور كلو موديل جديد
والله تستاهلن الهمر وابو الهمر
لكن حظكن تعيس !!
كلام منو درر ماعندكن اي مشكلة والله دي الحاجة الوحيدة الشاطرين فيها
الشيء يبقى علينا عدم قروش وعدم كلام
وعمارات بدون حر برضو ممكن بس ندخل مع ناس الله أكبر الجديدة وكلو يتم باذن الله
عريس زي القمر اها دي المابنقدر عليها
تسلمي على المشاركة 00 تحياتي لك وللأبناء ولكل العائلة الراقية
المنبر يحتاجك كثيراً
مازالت أيقونتك معطلة
فجريها من أجل ان يتفجر هذا المنبر القاً ورحيقاوفرحاً
يحتاج الناس هنا لفرشاتك من اجل أن تتلون قلوبهم بالفرح والجمالغايتو الهمر ممكن 00 ليش لأ
| |
|
|
|
|
|
|
| |
ابوحراز
مرتضى احمد عبد القادر
محمد الأمين موسى
ابو جهينة
اسماء الجنيد
الكيك
PLAYER
nile1
معاذ حسن
محمد عبدالرحمن
الفاتح الجنيد
SHIBKA
Fathi Ali Mohammed
abuguta
7abib_alkul
عبدالله كع
هجو الأقرع
بكري عباس علي
haroon diyab
مهيرة
elsawi
munswor almophtah
قلقو
cantona_1
احمد محمد بشير
فتحي البحيري
Tumadir
فيس بوك
تويتر
انستقرام
يوتيوب
بنتيريست