كتب الكاتب الفاتح جبرا المتوفرة بمعرض الدوحة
|
|
 كتبت سمرية: والربكة دي كلها قاعدة تحصل من المغتربين.. (كلام حز في نفسي والمني شديد)أطالب بإعـ..
|
Quote:
انا لله ... ولا حول ولا وقوة الا بالله ..
كلام غريب جدا ، وغير مسؤول .. منك ياتراجي ..
ثلاثة ارباع ؟.. ثلاثة ارباع عديل كدا ..؟
ياخي دا رقم كبير خلاص ومخيف .. وفيه ظلم كبير جدا .. للفتاة السودانية .. !
العُهر ، وعفوا لهذه الكلمة ..موجود عندنا .. ايوة ما حننكر الكلام دا ، موجود بكثرة ...
في الشوارع والمكاتب وبيوت الدعارة ..
بس ما بنقدر نقول ثلاثة ارباع ، ما بنقدر نعمل احصائية ونطلع العهر هو الغالب في سلوكيات بنات السودان ...
انا قريت في الخرطوم ، وسكنت داخلية في الخرطوم وسمعت قصص كتيرة جدا ، ومخيفة ..
لكن برضو ما بقدر اقول ان بنات السودان عاهرات .. سافرت بره الخرطوم وصادفت وصادقت ..بنات كتير ..
اصلو ما جاني انطباع سيء نحو بنات بلدي ..
برغم ان العهر قديما جدا في السودان ، لكنه لا يزال شاذا ،، وغريباً
ومن الخطأ ان نبني ارائنا على قصص فردية .. او ونسة في المقاهي او في المناسبات ..
المواضيع مثل هذا النوع مواضيع حساسة جدا ، وبتمس المجتمع شديد .. ومفروض قبل ما نخوض فيها ..
نفكر شوية .. ونكتب كلام مسؤول .. كلام بسالنا من الله يوم الحساب ..
واحد بنزل اجازة السودان ، بمشي اماكن معينة او يحصل ليه موقف معين مع بنات خلونا نقول ساقطات ،
طوالي باخد انطباع سيء نحو كل البنات.. وبرجع محل ما جاء . ويقول ليك بنات السودان ، وبنات تامنة ساقطات ..
وكلام ما منصف ابدا ..
التعميم دا بخلل بنظام المجتمع .. ككل ..
والربكة دي كلها قاعدة تحصل من المغتربين ، والناس المقيمة بره البلد ..
الزول بجي يومين يكون عاوز يقيم فيها وضع البلد وسلوكيات ناس البلد .. ويكون هو غايب عشرين سنة .. معقولة بس ؟
حتى انني أشك في تقييم هؤلاء للعُهر ، يعني لو شاف اي سلوك غريب من البنات ، ممكن يظن بهن السوء ..
فقط لان البنات زمان ما كانن كدا ..
في ناس طلعوا من الخرطوم البنات ما كانوا بقعدوا في اماكن عامة ، والواحدة لو قعدت واهلها شافوها بقطعوها رقبتها ..
هسي الوضع اتغير ، .. والمجتمع اتغير ..
بس لا تزال بلادي .. تحتفظ بالجميلات ..
لا تزال بلادي فيها الكريمات ، الشريفات ، العفيفات ..
نطالب باعتذار قوي وواضح وصريح منكـ يا تراجي لعموم نساء السودان ...
|
سلام يغشاك يا سمرية ...
المغتربين 100% - والله إخير ناس الـ 4/3
كلامك ده مساني شديد وغاظني خالص وتأثرت لدرجة عالية ... وبكيت على عمري القضيتو هوان وسهر وحبة القريشات البلمها وبجي بغطي بيها ديون أهلي وسترة حالي وبعالج بيها المريض وبخلي ليهم قدر البكفيهم لغاية ما أرجع ليهم ... بضحك معاهم وبقضي الليل هجوع وقيام وبرجع وبنسى نفسي كمان ... كبرت والصلع والهم والشيب الغطى رأسي وبفتش لي بت الحلال المالاقيها وآه من ظروف الاغتراب ...لتأتين بعد ذلك وتختصرين الاتهام البمس أعراض الناس والمجتمع فينا نحن المغتربين ...
Quote:
واحد بنزل اجازة السودان ، بمشي اماكن معينة او يحصل ليه موقف معين مع بنات خلونا نقول ساقطات ،
طوالي باخد انطباع سيء نحو كل البنات.. وبرجع محل ما جاء . ويقول ليك بنات السودان ، وبنات تامنة ساقطات ..
وكلام ما منصف ابدا ..
التعميم دا بخلل بنظام المجتمع .. ككل ..
والربكة دي كلها قاعدة تحصل من المغتربين ، والناس المقيمة بره البلد ..
|
ده الكلام الكتبتيه في بوست تيسير النوراني -
تراجى مصطفى معقول ما ورد على لسانك (ثلاثة أرباع فتيات ...دهن) تعالى نتحاور
ياسمرية: من حين لآخر يحتاج الإنسان أن يجدد نفسه ونحن ما بناخذ الإجازة إلا لمن نفكر في شيوخنا الكبار التعبوا على تربيتنا، بنمشي عشانهم مش عشان نعيد النشاط والحيوية لذاتنا كما يفعل أصحاب الوجاهات بنمشي عشانهم ثم عشان رضاء الله، مش يحصل لينا موقف معين مع بناات نخليك تقولي ساقطات بنأخذ إجازة قصيرة بنعيد فيها ترتيب أولوياتتنا تجاههم أي أهلنا ونخطط لما استجد من حياتنا البائسة، وقد نرتاح خلالها بصدق الضحكة وبراءة أطفال أهلنا الحولنا و دي الوحيدة البتريح نفسنا من ضغوط الغربة، ومتطلبات الحياة، ولا ضير في ذلك فقد روي في الخبر ((روّحوا القلوب ساعة وساعة فإن القلوب إذا كلت عميت)) بنحس بطعم اللقمة الحلال البناكلها جماعة في صينية البيت وملاح جيران ونعيمية وريحة صاجاً محروق ... والحال ياهو ذاتو الحال ... بنشوف الناس كلها طيبة وحلوة وفي النهاية نوشي ببنات بلدنا ونطلع كذابين ... والبلاوي دي كلنا منا وأعتقد أن كاتبة المقال مقيمة في السودان ولم تبرح أرضه ...
صدقيني يا أختاه المرأة ستظل محل إحترامنا ولا ا أحب الخلاف معا وهي مصدر فخري وإحترامي دوما وسأظل أصيلاً في التعامل معهن ...
وإن من أبرز محدثات الظلم ... والقلق والكآبة هو التقصير في تطبيق مبدأ مهم جدا وأساسي هو أن نعطي كل ذي حق حقه وهو مبدأ لخصه رسولنا الكريم وأن نقيم الموازين بالقسط ... فعليك بإعطاء المغترب حقه وإنصافه ... ولو قلت ثلاثة أرباع المغتربين لحسبنا نفسنا في الربع ... «وأقيموا الوزن بالقسط، ولا تخسروا الميزان»
فهذا المغترب البائس الذي يقطع من جلده لولاه لهلك الكثير من الأسر وسقطت في وحل الققر والحاجة في بلدنا المتناقضة المحكومة بأناس تجردوا من الانسانية والحقوا العار بها ... هزمتنا بيروقراطيتهم وتمسكنا بالصبر واللقمة الحلال وليست الوشاية هي ديدننا ....
أخوتي أميتوا الباطل بالتجاهل ...ولقد قال عمر بن الخطاب: (أحيوا الحق بذكره..وأميتوا الباطل بتركه) ... واعتقد أن أنجرارنا وراء هذه الأخبار الملفقة سيزيدها إنتشاراً ... لا أكثر ...
وللمرة الثانية كاتبة المقال الذي أنبثق عنه موضوع (3/4 فتيات السودان يتسولن بأجسادهن) مقيمة في السودان وليست مغتربة
نطالب باعتذار قوي وواضح وصريح منكـ يا سمرية لعموم مغتربي السودان ...
|
|
 
|
|
|
|
|
|
|
|
Re: كتبت سمرية: والربكة دي كلها قاعدة تحصل من المغتربين.. (كلام حز في نفسي والمني شديد)أطالب بإ (Re: ALGARADABI)
|
Quote:
يا سمرية
سلامات
التعميم مخل في الحالتين ..
لكنك .. قلت (المغتربين) اجمالا كدا بدون فرز ...
دايرة تكحليها ظبزت عينها وقديتيها |
سلام أخي/ أحمد حنين
بالطبع التعميم مخل في الحالتين ... مثلما عمم الآخرون عممت هي ... يبدو أن المزاج تاثر من خلال الموضوع الذي قرأته وأحدث الضجر في دواخلها ... لندفع نحن ثلة المغتربين الثمن ... العاملين بالخارج كما يحلو لجهاز الشفط "جهاز شئون العاملين بالخارج تسميتنا" ...
التعميم مخل بنظام الحياة الاجتماعية والسياسية والأخلاقية والإنسانية عموما ... وهذا لا ينفي بالكاد الخلخلة الحادثة في كل مجتمعات العالم العربي وليس السودان فقط إن أعزينا أسبابه لظروف سياسية وإقتصادية ... الله يكون في العون
| |
|
|
|
|
|
|
|
|
|
Re: كتبت سمرية: والربكة دي كلها قاعدة تحصل من المغتربين.. (كلام حز في نفسي والمني شديد)أطالب بإ (Re: othman mohmmadien)
|
الاخ عثمان ، سلامات وصباحك زين ..
حقيقي انا أسفة جدا على ما اصابك من حزن نتيجة تعميمي والذي يشهد الله انني لم اقصد به ( الكل )
او الثلاثة ارباع ..
وانما ( البعض ) .. .. فقد كان يجب ان تسبق كلمة ( المغتربين ) .. كلمة ( بعض ) ... وهذا خطأ مني .. لم اقصده ...
واعتذر لكل اخواني المغتربين والمقيمين خارج البلد ،
لانني ومن البارحة جربت كيف يكون التعميم مؤلماً وظالماً .. وغير منصفاً ..
ــــــــــــــــــــــــــ
اعزائي .. خارج السودان .. اصدقائي واخواني ...
مستعدة لاي شكل اعتذار ترونه مناسباً .. حتى يلتئم هذا الجرح ...
ـــــــــ
عثمان .. عليك النبي تعفي لي ..
---
و ,,,
بالمناسبة عجبني البوست دا شديد ، رغم حزنكـ الفيهو .. واللوم الواقع علي ..
والعجبني اننا نتعلم ننضبط ونكتب بمسؤولية ...
ونراعي لكل كلمة نكتبيها ... بدون تجريح لاي مشاعر ..
وما عندي مشكلة حتى لو بقيت انا كبش الفداء .. الذي يعدل مسار هذا المنبر ..
| |
|
|
|
|
|
|
|
|
|
Re: كتبت سمرية: والربكة دي كلها قاعدة تحصل من المغتربين.. (كلام حز في نفسي والمني شديد)أطالب بإ (Re: فدياس نجم الدين)
|
Quote: سمرية زعلانه من تعميم تراجي فاذا بها تدخلنا فى تعميمها
رغم انه سمرية زولة جدعة وحبوبه الا انها اصابتنا بسهام
انا اعتبرها نيران صديقة
التحية ليك يا عثمان وللاخت سمرية |
تحية طيبة/ عصام أحمد علي ...
قيل بأن العيار المابصيبش يدوش ... نيران سمرية أدوشتنا شوية ... وكما ذكرت آنفاً ... الانفعال من الضجر الحادث جواها والموضوع المعني هو السبب ... بالطبع أنا أكتب هذاالموضوع وملتمس ليها العذر ... وظننا ما بخيب فيها أبداً ... تداخلنا معها كثيراً وقرأنا لها ... قمة في الاحترام ... الناس تستفيد من بعض ... وتنطلق في حوارها بصورة هادئة وهدفنا أن لا نعمم ... حتى لا نضر بعضنا كثيراً ... الكلمة داء وشفاء ... الكلمة سلاح ذو حدين فلنحسن إستخدامه دون تعميم مخل ... حتى لا نضطر لقول "العيار الما بصيبش يدوش" أو "نيران صديقة - اصابت في مقتل"
| |
|
|
|
|
|
|
|
|
 Re: كتبت سمرية: والربكة دي كلها قاعدة تحصل من المغتربين.. (كلام حز في نفسي والمني شديد)أطالب بإ (Re: othman mohmmadien)
|
الفاضل / عثمان محمدين
تحية طيبة ,,,
| Quote: لعموم مغتربي السودان |
... برضوا هنا التعّميم مخّل
ما عندي قضية بكلام تراجي وزوبعتوا بيظل زي أى كلام بقولوا الناس لما يتكلموا زي الراميهم جمل
قبل سنة تقريبا سمعته أبشع من كلام تراجي ده من مخترب راجع من إجازتوا بتكلم وكنا في مناسبة
فحتديت معاهوا في الكلام وأستأذنته , الغريبة باقي الناس ما عترضت قاعدين بمزاج يسمعوا في القصص
وواحدين مشاركنوا كمان بالبتجود بي ذاكرتهم ... بؤس الموقف انهم ماكانو بتكلموا على بلد تاني غير بلدهم وصاحب الكلام ده بعد البحكي ده كلوا زعل انو الواحد يقول لى ده كلام زول ماشي مخصوص كايس للشي ده ... ده غير أنك تستعجب يكون ده منطق وفهم واحد فوق الاربعين لما يفتح خشموا ويحكي حكاويهوا السّمجة دي تحس انك قاعد مع مراهق لسة وبرضوا ما فهمته الكلام ده من الناس ولا من غربته ولا مالهم بالضبط
يبقي ما كل المغتربين لو فيهم عينة الزول البتذكروا ده
والكلام الفي المنبر ولا بره المنبر ما كلام لزول سؤي ... بقولوا عن بلدوا ونسوانه وبناته
ونظرة لما تحكم نظر الناس لغيرهم بالتأكيد ببقوا محتاجين يراجعوا حاجات كتيرة ما بقصد
الشر ما موجود الشر موجود وقاعد لكين برضوا الخير موجود وقاعد
وتقبل التحية ليك ولكل مغتربي بلادي المحترمين منهم فقط ...
| |
|
|
|
|
|
|
|
|
|
Re: كتبت سمرية: والربكة دي كلها قاعدة تحصل من المغتربين.. (كلام حز في نفسي والمني شديد)أطالب بإ (Re: othman mohmmadien)
|
Quote:
كده 90% من المغتربين بره تعميم سمرية يا جماعة
والله نحنا مساكين ومظلومين
وعيالنا مظلومين
|
تحية طيبة/ القرضابي
10 في المئة بجوا البلد بس ... لو الزحمة البنشوفها في المغتربين دي 10% بيكون 4/3 السودانيين بره البلد ... الأهم أن التعميم شمل الـ 10% البجو البلد ... وهو عين الخطأ ....
مسكين المغترب .... هو مغترب أولا أم مغرب ... ضحية ما بين الكفيل وبائع الفيزا ... في غربة مافي فرق بينها وبين السجن ... هل يا ترى بحثنا عن الكثير ففقدنا القليل أم العكس ... الأسباب إقتصادية وتدني فرص العمل ... مسكين المغترب ... كثير من التجارب المؤلمة قد مرت عليه ... نتمنى الحوار حولها لطرح المعاناة وأملا في أن تصل بعض تلك المعاناة الى المنصفين من أبناء تلك البلدان لمنع الجهلة من أبناء تلك الشعوب من الإساءة إليه في بلدانهم ومعاملتهم المعاملة الحسنة.
خاصة الاطار العربي ...
عموما المغترب مظلوم في أي مكان ... لانافع غرب لا نافع شرف ... الله يرحمه ويرحمنا أجمعين
| |
|
|
|
|
|
|
|
|
|
Re: كتبت سمرية: والربكة دي كلها قاعدة تحصل من المغتربين.. (كلام حز في نفسي والمني شديد)أطالب بإ (Re: othman mohmmadien)
|
نأتي لصاحبة المقام العالي : سمرية ... هدف البوست والتعميم
في البدء تحية طيبة وتقدير ... وشجاعة الإعتذار لا يملكها سوى الأقوياء يابنت الناس ... الإعتذار وردة نفاحة ... يحول أريجها أسوأ اللحظات إلى هدية رائعة ... من واجبنا أن نشكرك عليها ... ونتمنى أن نكون قادرون على ردها ... الاعتذار فن رفيع لا يجيده الكثير من الناس... علمتينا وعملتي الناس الغايب عن تفكيرهم هذه الثقافة ... وهي حقاً ثقافة قد تكون غائبة عن مجتمعاتنا ... شكراً لك ...
Quote:
حقيقي انا أسفة جدا على ما اصابك من حزن نتيجة تعميمي والذي يشهد الله انني لم اقصد به ( الكل )
او الثلاثة ارباع ..
وانما ( البعض ) .. .. فقد كان يجب ان تسبق كلمة ( المغتربين ) .. كلمة ( بعض ) ... وهذا خطأ مني .. لم اقصده ...
واعتذر لكل اخواني المغتربين والمقيمين خارج البلد ،
لانني ومن البارحة جربت كيف يكون التعميم مؤلماً وظالماً .. وغير منصفاً .. |
العفو والعافية وما بيناتنا ... يا أختي
كتبت البوست ... وأنا على أعتاب النوم وقضاء العمل ... وأنا بقرأ في إنفعالات الناس والتعميم ... وجدت هذا النمط من التعميم ... والذي دغدغ مشاعري ... وكنت ما بين الرد في داخل الموضوع ومابين كتابته ... المهم ... كتبته بصور منفصلة ... وعادة في بداية النوم يسترجع الانسان الكثير من الأشياء وكان من ضمنها هذا البوست وسألت نفسي كثير ... ماذا يضير لو نسيت الأمر ... خوفاً من اللغة العنيفة المتفشية هذه الأيام في منبرنا الحر ... وأن يجلب مثل هذه المواضيع من يصيب عياره في مقتل ... لأخت لنا ... ولما أقحمت إسمها في الموضوع ...
عموما معليش وبرضو نحن آسفين
الحمد لله الناس الاداخلت عبرت بصورة راقية عن زعل طفيف ... قدرنا فيه الأسباب ... الانفعال من الضجر الحادث ... والموضوع المعني ... ومن ثم التعميم ... وبالطبع لا يمكننا أن ننكر الخلل الاجتماعي الحادث ... في بلادنا والاثار الناتجة عنه من تفشي لأمراض ترتبط به كالايدز ... ونسبته الأعلى ما بين الدول الأفروعربية والآسيوعربية .... الخلل ده حاصل في كل البلدان وخاصة العربية ... حتى هذه الظواهر بدأت ترتفع في بلدان كانت قمة المحافظة ولم تزل ... قمة المحافظة وإقتصادها مستقر وإنسانها بتساءل عن عدد اللقطاء البلقاهم في الشارع وعن الببيعوا في الهوى وما محتاجة ... أسر ثرية بمعنى أوضح ... وعن المخدرات وعن كل بلوى في بلدنا متفشية ... كمان متفشية عندهم ...
الأمر يتطلب سؤال عن السبب وأعتقد من حقنا أن نسأل ... هل يا ترى الاعلام الغريب عننا والمنساب من منطقة عالية لمنطقة منخفضة ... فلقد أجهضت الشمولية إعلامنا وجعلته منخفضاً ومتدني فيأتينا وارداً من الخارج كالسيل ... أم أن التكنولوجيا وأداة التقنية هي السبب "بلوتوث" ... "إيميل" .... إم إم إس ... وغيرها من أدوات الفضاء كالقنوات ... التي أحدثت نوع من الغرابة والاثارة والرغبة في التقليد ... كل هذا حاصل بس التعميم المخل مرفوض .... وحتى في الاغتراب بدات بعض الظواهر ما لاقين ليها تفسير ... وتساقطت النظرة تجاهنا وأنحلت بعض الأسر ... ولا ندري ما الاسباب ... ونحن أعلم بأننا كسودانيون نقبل بالموت دون السقوط في وحل الانحراف والعهر ... يا ترى ما الذي يحدث لبعض من افراد مجتمعنا ... وأكرر التعميم المخل مرفوض ...
من غرائب الأمور حضور لحلقة في قناة أبو ظبي الأولي وبرنامج يناقش ظاهرة البويات "من كلمة "بوي" بالانجليزي - وأستضاف نماذج من فتيات الجامعات وبعض البويات تحدثن عن رغبتهن في الزواج من بنات مثلهن بل يطغن أو يحلمن بالزواج منهن والانجاب ..."ده كلام ده" .... وفي منطقة الخليج ومنطقة مسلمة 100% ... هنالك خلل في كل المجتمعات علينا أن نبحث عن الأسباب ونربط القرائن والدلائل لنصل لمعالجة مجتمعاتنا والبلوى الحادثة ... والأهم فوق ذلك أن لا نصمت ونتحدث بصراحة من أبنائنا وأخواتنا وتوعيتهم بالكثير من الأشياء وأخذ الحيطو والحذر ...
عموما شكرا سمرية ... أرتقيت بالحوار وعلمتينا أشياء كثيرة ... ولا شك ان التعميم ضار ... شكرا لك كثير وكثير ولكل الأخوة المتداخلون..
| |
|
|
|
|
|
|
|
|
|
Re: كتبت سمرية: والربكة دي كلها قاعدة تحصل من المغتربين.. (كلام حز في نفسي والمني شديد)أطالب بإ (Re: othman mohmmadien)
|
الأخ الفاضل/ عبد الناصر الخطيب ...
سلام عليكم ورحمة الله تعالى وبركاته ...
Quote: يبقي ما كل المغتربين لو فيهم عينة الزول البتذكروا ده
والكلام الفي المنبر ولا بره المنبر ما كلام لزول سوي ... بقولوا عن بلدوا ونسوانه وبناته
ونظرة لما تحكم نظر الناس لغيرهم بالتأكيد ببقوا محتاجين يراجعوا حاجات كتيرة ما بقصد
الشر ما موجود الشر موجود وقاعد لكين برضوا الخير موجود وقاعد
وتقبل التحية ليك ولكل مغتربي بلادي المحترمين منهم فقط ... |
لكم التحية و التقدير والود ...
ناسنا ببالغوا في الروايات والكثير منهم يكون سمع بقصة يجي يتمها ليك من عندو ... ويزيدها ولو سألتوا ... يكون ما شاهد الموقف بل نقله ليك كحكاية سمعها ... والطامة الكبرى لو إرتبط الأمر بالجنس ... يخرج المسألة بصورة مرزية ... وينسى أنه يتكلم عن مجتمعه ... وانه وأهله وأخواته وامهاته جزء من هذا المجتمع .... والمواقف كثيرة منذ صغرنا ...
أتذكر كنا صغار وبنجلس في ضل الشجر والحيط ... مرت بنت أمامنا وكانت تلثم وجهها بطرحتها ... واحد علق .. بأن أي بنت بتغطي اسفل وجهها بالطريقة دي بتكون لا مؤاخذة "اتقبلت" ولم تمضي دقائق معدودات ... حتى ... مرت أخته بنفس الشاكلة ... ولم يستطع الجميع كبت ضحكاتهم التي رجت المكان جله ... نعم جله ... وإحمر وجه زميلنا خجلاً ... ده درس كان قاس بالنسبة لينا كاطفال ولصاحبنا ...وتعلمت من حينها أن لا أتكلم عن الآخرون أو تصدر مني مثل هذه التعليقات ...
دروس التكاثر في الأحياء والتربية الاسلامية بنكون منتظرنها برغبة وتشوق وغرابة بالرغم أن الموضوع لا يعدو ان يكون طبيعيا ... وممكن في اليوم داك يكون الفصل كله صاني ومستمع جيد ... يا ترى ما مشكلتنا ... وأزمتنا الثقافية حيال هذه الأمور ... وتضخيم الروايات الجنسية بصورة بتلك الصور ... وما يتعلق بأمر الزواج وعرس فلان والعلاقة الجنسية تأخذ زخماً في أذهان الكثير من الناس ...
هناك عللاً كثيرة وفاقد تربوي في حياة بعض الناس ... كما ذكرت ... عن نمط الذي يتحدث بهذه الطريقة وناسي إنو بتكلم عن مجتمعه وهو جزء منه ...
ما ننسى كمان نظرتنا لغيرنا ... البمشي القاهرة ... شايفه كلها بؤرة دعارة ... ونظرتنا كمان للأحباش والأرتريين سيئة ... تقوم على نقص ولا ينبغي لنا أن نقيم الآخرون بهذه الشاكلة ونسيئ إليهم ... وفي كل هذه الدول لو دخلت المسجد بتقول الاسلام ولد هنا ... إذن كل إناء بما فيه ينضح ومن الشجاعة أن تتستر على سوءات الآخرون ...
الشر موجود نعم والخير موجود نعم وعلينا أن لا نمنع الخير بالتحدث عن الشر ... حتى لا تقل المروءة بين الناس والحديث عن الخير يرسخه كمفهوم ويعم بين الناس ... وتهويل الشر يجلب عدم الثقة بين الافراد ... ويخلخل التعامل بين المجتمعات
مع خالص التقدير...
| |
|
|
|
|
|
|
|
|
|
Re: كتبت سمرية: والربكة دي كلها قاعدة تحصل من المغتربين.. (كلام حز في نفسي والمني شديد)أطالب بإ (Re: othman mohmmadien)
|
الأخ المحترم/
بابكر عثمان مكي
تحية طيبة ...
| Quote: فهذا المغترب البائس الذي يقطع من جلده لولاه لهلك الكثير من الأسر وسقطت في وحل الققر والحاجة في بلدنا المتناقضة المحكومة بأناس تجردوا من الانسانية والحقوا العار بها ... هزمتنا بيروقراطيتهم وتمسكنا بالصبر واللقمة الحلال وليست الوشاية هي ديدننا .... |
المغترب في بلادي أعطي بلا ملل ولا من ... نحن جزء منه ونقف إحتراما وتكريما له ... نثمن دوره وإلتزامه الأشمل بالاخلاق والذي رفعه في مصاف الجاليات إحتراما وتقديرا من الآخر ... سانحة لأشكر فيها ذلك الجيل من الأوائل اللذين أغتربوا وتركوا خلفهم تلك البصمة ... الأخلاقية النيرة التي مازلنا نحترم في هذه الدول بأثرها ... وإن قد بدانا نفقد شيئاً منها ... المغترب له دور الوطني عميق ... في بناء وطنه وتنميته وخاصة أن الحكومة هذه إعتمدت عليه وأرهقت كاهله بالضرائب وكلها تصب في موارد الدولة التي نتمنى أن يكون قد شيد بها الطرق وبنيت بها المدارس حتى تكون له صدقة جارية ... وما لم نتحول مجتمع منتج ودولة ذات إقتصاد قوي وتحت مظلة دولة عادلة تخطط لإستراتيجيات بعيدة المدى ... ويسود فيها العدل ...فكل ذلك لن ينفعنا ...
والسلام
| |
|
|
|
|
|
|
|
|
|
Re: كتبت سمرية: والربكة دي كلها قاعدة تحصل من المغتربين.. (كلام حز في نفسي والمني شديد)أطالب بإ (Re: سمرية)
|
العزيز / عثمان محمدين
مواصلة للتحاور معاك في واقعنا الاجتماعي يأخي فعلا بتخلص لنتيجة انو الواقع ده الناس ليها دور ما عادي فيهوا ما ظروفهم وبس
النظرة المشاترة الزي دي لينا وزي ما تكرمت ولى غيرنا جزء كبير متعلق بالناس ونظرتهم للدنيا , وتعاملهم معاها , وممكن الواحد بسبب غربتوا
وقربوا من شعوب كتيرة غيرنا أبتدي يحس انو لينا مرات نظرياتنا البتضيق علينا فرص أننا نعائن لظروفنا بواقعية ونتعامل معاها بالصورة التسهله من الطريقة البتصعبة اكتر
في بالى حكاية واحد معرفتي في جدة ... قرب يخش الخمسين
مشينا لى وصاحب لينا عزيز قبل مدة في موضوع زواج من أخت صاحب لى وبينهم قرابة
زوله مدرسة فاهمه ومثقفة وما صغيرة فوق الأربعين بشوية ...
يعني موضوعنا مقضي تب , أخوها كان متحمس للغاية وشلنا معه الفاتحة وهي أبدت موافقة مبدئية
نجي بعد شوية نلقي الأمور مشت في اتجاه غريب , شورة من هنا ورأى من هناك كمية من النقة مافي ليها أي داعي
وختو زولى ده في حسبة زواج مسّهل ومبسط بحسبة مهولة من الريالات ؟؟؟
ويا جماعة باركوها _ يازول نحنه بنعمل البعملوا الناس لا اكتر ولا أقل _
وبكده باع الفكرة وكل مرة أسالوا أها حتعمل في الموضوع شنو ؟؟؟
يقول لى منتظره تتسهل شوية ....... بمشي السودان أتزوج
وبتخّيل شكلوا نازل في المطار بسأل : زوجه لله يا محسنين
غايتو ربنا يعين
-----------
الواقع مؤلم يا أستاذ عثمان بس الاكتر الم فيهوا انو الناس ما اختارت يكون عندها دور إيجابي في تسهيلوا والتعامل معه بواقعية لكين صعبوا على نفسهم وعلى غيرهم اكتر ...
ده غير واقع إجتماعي يفرض عليك تكون مجامل وتسكت عن أى كلام بتقال
عشان ما تطلع طوالى الزول الكعب الشائل وش القباحة مع الناس , في الاخر بتسكت
بتحس انك ما لازم تكتره مع الناس كتير ياهم في الاخر زينين شينين ناسك
ليك التحية وأكيد التقدير
| |
|
|
|
|
|
|
|
|
|
Re: كتبت سمرية: والربكة دي كلها قاعدة تحصل من المغتربين.. (كلام حز في نفسي والمني شديد)أطالب بإ (Re: ALGARADABI)
|
عبد الناصر الخطيب/
تحية طيبة
Quote: الواقع مؤلم يا أستاذ عثمان بس الاكتر الم فيهوا انو الناس ما اختارت يكون عندها دور إيجابي في تسهيلوا والتعامل معه بواقعية لكين صعبوا على نفسهم وعلى غيرهم اكتر ...
ده غير واقع إجتماعي يفرض عليك تكون مجامل وتسكت عن أى كلام بتقال
عشان ما تطلع طوالى الزول الكعب الشائل وش القباحة مع الناس , في الاخر بتسكت
بتحس انك ما لازم تكتره مع الناس كتير ياهم في الاخر زينين شينين ناسك |
الحكاوي والمواقف كثيرة وما بتنتهي ... لدي صديق تجاوز العمر الذي ذكرته عن صديقك ... وإلى يومنا هذا يلعن كل تسبب في إعاقة زواجه ... بحكم إستناده على بيت الشورة ما خرب ... كذلك قابلت صديق لنا في العاصمة ... أول وصاياه أن لا أستشير أحد فيما أود أن أفعله ... أركب رأسك ونفذ ما ترغب في تنفيذه لأن الناس هنا ... من أجل وضع مئة الف في جيبها مستعدة تخسرك المئات من الملايين ..
ربنا يكون في العون ...
القرب من الشعوب التي لا ننتمي لها أيضا شبيهة بتجربتي وخلتني أغير مفاهيم كثيرة كانت راسخة في نفسي ... وفوق ذلك عن مجتمعاتنا ...
الناس دوما بتديك النظرة المتشائمة ودايما نظراتنا متشائمة نوعا ما ... بننظر للنواحي السيئة في أي شئ ... وبنبخس الكثير من الأشياء الخاصة بـ ... غيرنا من البشر ... أعتقد إننا ما قادرين على إتخذا القرار كشعب وبنعاني من هذه النقطة بشدة ... ما بنضع البدائل عشان نختار المناسب ... بنرفض فكرة مجرد الهزيمة "ليه يا الواطه عملت كده ... دقها برغم انها جماد ... لا حول كسرت الواطه" ده الكلام البيرسخ في ذهن الشافع وهو صغير بنقوله ليه الكلام أعلاه حينما يسقط على الأرض ... يعني مافي قبول للهزيمة في حياتك والمنافسة ...
وجانبنا العاطفي الذاتي مخلخل والعقلاني لا يخضع للمسلمات ... والقدرية عندنا في الموت فقط دون معرفة أسبابه ... بنخاف من التغيير ... وقد تفوت عليك فرص كثيرة خوفا من التغيير والتقوقع فيمما كنت عليه ... بنتخذ قراراتنا في لحظة تشتت وبنعتمد على مشورة غيرنا في قرار بيخصنا ... وأحيانا كثيرا ما نتجاهل الواقع الحقيقي لنا ... ومثال على ذلك "هل البيحدث من عادات الزواج في بلدنا بيتناسب مع واقعنا" لذلك بنقود نفسنا لوضع سيئ أكبر من النحنا فيه وببندم آخيرا على إهدار الفرص ....... ونحن بقينا ما نحن والحال ياهو ذاتو الحال وفي جواي صدى الذكرى ...
| |
|
|
|
|
|
|
| |
othman mohmmadien
ahmed haneen
عصام علي أحمد
ALGARADABI
سمرية
فدياس نجم الدين
بابكر عثمان مكي
فيس بوك
تويتر
انستقرام
يوتيوب
بنتيريست